Category: کراچی

متحدہ قومی موومنٹ پاکستان کے زیرِ اہتمام مرکزی انتخابی دفتر پاکستان سے متصل سڑک پر سوشل میڈیا ٹیم سے منسلک ذمہ داران و کارکنان کا اِجلاس منعقد کیا گیا.

باغی ٹی وی کے مطابق اِجلاس سے خطاب کرتے ہوئے سینئر مرکزی رہنماء سید مصطفیٰ کمال کا کہنا تھا کہ ہماری تنظیم کی پچھلے چالیس سالوں کی تاریخ انگنت نشیب و فراز سے عبارت ہے، روز اول کے مسائل اور موجودہ حالات میں مشکلات پہلے سے کہیں زیادہ ہیں، کوٹہ سسٹم نافذ کرنے والوں کے خلاف ایم کیو ایم نے علم بغاوت بلند کیا مگر آج کوٹہ سسٹم اپنی مزید بدترین شکل میں موجود ہے، اُنہوں نے مزید کہا کہ ہمیں اپنی جد و جہد کو جدید خطوط پر استوار کرنے کی ضرورت ہے ایم کیو ایم کو اب اپنا فلسفہ پہنچانے کے لئے گھر گھر جانے کی ضرورت نہیں ہے، سوشل میڈیا کے ذریعے لوگ اپنا جھوٹ بیچ رہے ہیں جس سے ملک میں انارکی اور انتشار کی کیفیت پیدا ہورہی ہے، پی ٹی آئی نے ملکی سلامتی کے اداروں پر اس سوشل میڈیا کے ذریعے لوگوں کو ورغلایا مگر روزگار صحت تعلیم اور بنیادی عوامی مسائل سے متعلق کوئی گفتگو ان کے ٹرینڈز کا حصہ نہیں رہی، پورے ملک میں کس کو پتا ہے کہ حیدرآباد پکا قلعہ کے باہر اٹھائیس معصوم خواتین اور بچوں کی قبریں موجود ہیں؟ ایم کیو ایم تعصب و تضاد سے پاک سیاست کو اپنا نصب العین سمجھتی ہے، پیپلز پارٹی معاش تعلیم صحت ٹرانسپورٹ سمیت تمام شعبوں میں شہری علاقوں کے ساتھ تعصب برت رہی ہے پیپلز پارٹی کے رویّے کی وجہ سے دوسری قوموں کے لوگ ہماری نیتوں پر شک نہیں کریں ہم سب کو جوڑ کر رکھنے کی بات کرتے ہیں مگر مخصوص نام پر اگر ظلم روا رکھا جائے گا تو وہ بھی ناقابلِ برداشت ہوگا، سید مصطفیٰ کمال کا مزید کہنا تھا کہ کیا کراچی والوں کے لئے کبھی کوئی ٹرینڈ چلتا ہؤا دیکھا ہے؟ کیا لاپتہ ساتھیوں کی بازیابی کے لئے کوئی آواز اٹھتی ہوئی کبھی سنی گئی؟ سید مصطفٰی کمال نے مزید کہا کہ عمران نیازی کی رہائی کے لیے اپنے صدر کو خط لکھنے والے کانگریس ارکان دو ماہ پہلے عالمی دہشت گرد نتن یاہو کے لئے تالیاں بجا رہے تھے، عمران نیازی کے برادرِ نسبتی گولڈ اسمتھ گذشتہ ماہ میں ٹویٹ کرتے ہیں کہ اسرائیل ہماری امیدوں کی آخری کرن ہے اور یہاں اُس کے بہنوئی کو مسلم امہ کا لیڈر ثابت کیا جارہا ہے،اُن کا مزید کہنا تھا کہ اس جنگ میں سوشل میڈیا ہمارا ہتھیار ہے آج تمام دستیاب وسائل بروئے کار لاکر ہم اپنا سچ دُنیا کے سامنے لا سکتے ہیں ایم کیو ایم کا کارکن شہری علاقوں کی ہی نہیں بلکہ پُورے پاکستان کے مظلوم و مایوس عوام کی امید کی کرن ہے۔ سینئر رہنماء ڈاکٹر فاروق ستار نے اپنے خیالات کا اظہار کرتے ہوئے کہا کہ طلباء تنظیمِ سے سیاست کا آغاز کرنے والی دُنیا کی واحد جماعت ایم کیو ایم ہے، آج بھی پکڑ دھکڑ کر کے نہیں بلکہ خود اپنی مدد آپ کے تحت تمام لوگ یہاں بڑی تعداد میں موجود ہیں نچلی سطح اور مڈل کلاس طبقے سے لوگوں کو ایوانوں میں بھیجنا بھی ایم کیو ایم کا ہی طرہ امتیاز ہے انہوں نے مزید کہا کہ وقت کے تقاضوں کو سمجھتے ہوئے اپنی انفرادیت کو برقرار رکھنا بھی ایم کیو ایم کا خاصہ شُمار کیا جاتا ہے ایم کیو ایم کا کارکن تمام نامصائب حالات کو بھگت کر آگے بڑھنے کی صلاحیت رکھتا ہے، ڈاکٹر فاروق ستار نے کہا کہ سوشل میڈیا کی طاقت کو قابو میں لاکر ہم حقیقی جمہوریت کا راستہ ہموار کرسکتے ہیں، ایم کیو ایم کے آئینی مسودے کے نکات پر تمام جماعتیں متفق ہیں، تمام پاکستانیوں کو برابری اور شراکتی شمولیت کا حق دینے کا فارمولہ صرف ایم کیو ایم کے پاس ہے۔ سینئر رہنماء انیس احمد قائم خانی نے اپنے خطاب میں کہا کہ بحثیت کارکن ہمیں اپنی ذمہ داریوں کو سمجھنا نہایت ضروری ہے.

وفاق اور پنجاب میں ترقیاتی کاموں سے پاکستان ٹریک پر واپس آرہا ہے، نواز شریف

عوام کو حکمرانوں نے یرغمال بنایا ، خزانوں پر لوگ ناگ بن کر بیٹھے ہیں، حافظ نعیم الرحمان

روس نے پاکستان اسٹیل قائم کرکے ہزاروں لوگوں کو روزگار فراہم کیا،گورنر سندھ

امیر جماعت اسلامی پاکستان حافظ نعیم الرحمن نے کہا ہے کہ 25 کروڑ عوام کو حکمرانوں نے اپنے ظلم و جبر سے یرغمال بنایا اور ملک کی دولت پر قبضہ کیا ہوا ہے، ملک اور قومی وسائل پر قابض حکمرانوں سے نجات اور قبضہ مافیا سے جان چھڑانے کے لیے نوجوان جماعت اسلامی کا ساتھ دیں، ہمت کریں، آگے بڑھیں، پاکستان کا نام روشن کریں۔

باغی ٹی وی کے مطابق ان خیالات کا اظہار انہوں نے الخدمت کے تحت کراچی کے نوجوانوں کو مفت آئی ٹی کورسز کروانے کے لیے اتوار کے روز سنگم گراؤنڈ فیڈرل بی ایریا اور عید گاہ گراؤنڈ گلشن ِ معمار میں بنو قابل ایپٹی ٹیوٹ ٹیسٹ 4.0 میں شریک ہزاروں طلبہ و طالبات سے خطاب کرتے ہوئے کیا جہاں شرکاء سے ایک گھنٹے کا تحریری ٹیسٹ لیا گیا، کامیاب طلبہ و طالبات کو ویپ ڈیولپنگ، ویب ڈیزائننگ ،ڈیجیٹل مارکیٹنگ، ایمزون سمیت مختلف آئی ٹی کے کورسز مفت کرائے جائیں گے۔امیر جماعت اسلامی نے مزید کہا کہ تعلیم حکومت کی ذمہ داری ہے لیکن اربوں روپے کے بجٹ کے باوجود حکومت نوجوانوں کو تعلیم کے لیے اپنی ذمہ داری پوری نہیں کرتی، متوسط اور غریب گھرانوں کے لیے تعلیم کا حصول مشکل سے مشکل تر ہوتا جا رہا ہے، گزشتہ سال کے دوران بنو قابل پروجیکٹ کے ذریعے 50ہزارسے زائد طلبہ و طالبات کو مفت آئی ٹی کورسز کروا چکے ہیں جو طلبہ ڈگری کورس کرنا چاہتے ہیں ان کو مفت ڈگری کورس بھی کروائیں گے اور ان کے روزگار کے لیے بھی سہولت اور معاونت کریں گے،بنو قابل 2.0,1.0 اور 3.0مکمل ہوچکے ہیں 4.0میں مزید 50ہزار نوجوانوں کو مفت آئی ٹی کورسز کروائیں گے، کراچی کے بعد ملک کے دیگر شہروں میں بھی اسٹیٹ آف دی آرٹ آفیسز بنانے جا رہے ہیں، 7نومبر کو لاہور میں نوجوانوں کی تعلیم کے حوالے سے ایک بڑا پروگرام کریں گے،آئندہ 2سال میں 10لاکھ نوجوانوں کو کورسز کرائیں گے۔حافظ نعیم الرحمن نے مزید کہا کہ نوجوانوں کو آئی ٹی سکلز حاصل کرنے پر مبارکباد پیش کرتے ہیں، نوجوانوں میں بڑا پوٹینشل ہے، ہمارے ملک میں بہت ٹیلنٹ موجود ہے، ملک کو اللہ تعالی نے بے شمار وسائل سے نوازا ہے لیکن چند لوگ ان پر ناگ بن کر بیٹھ گئے ہیں، آئی پی پیز کے ساتھ کیے گئے ظالمانہ معاہدہ کرنے والوں نے عوام کے پیسوں پر ڈاکا ڈالا، حکمرانوں نے ان کی سرپرستی کی، ہمیں مختلف محاذوں پر کام کرنا ہے، حکمرانوں سے بھی مقابلہ کرنا ہے، نوجوان تعلیم حاصل کریں اور آئی ٹی کورسز کرنے کے بعد دوسروں کو بھی سکھائیں، جتنی محنت ہمارا نوجوان ملک سے باہر کرتا ہے اس کی آدھی محنت پاکستان میں کریں ملک آگے بڑھے گا۔

روس نے پاکستان اسٹیل قائم کرکے ہزاروں لوگوں کو روزگار فراہم کیا،گورنر سندھ

دادو کی7سالہ بچی میں پولیو وائرس کا شبہ، کراچی کے ہسپتال منتقل

وزیراعلیٰ سندھ کا ملیر ایکسپریس وے کا دورہ، تجاوزات فوری گرانے کا حکم

کراچی کو پانی فراہم کرنے والی لائن 40 سال بعد تبدیل

گورنر سندھ محمد کامران خان ٹیسوری نے کہا ہے کہ پاکستان اور روس کے درمیان دو طرفہ تعلقات وقت کے ساتھ ساتھ مضبوط ہورہے ہیں،دونوں ملکوں کے درمیان تجارت کے حجم میں اضافہ ہونا چاہیے روس نے پاکستان اسٹیل جیسا اہم صنعتی یونٹ قائم کرکے ہزاروں پاکستانیوں کو روزگار کے مواقع فراہم کئے۔

باغی ٹی وی کی رپورٹ کے مطابق وہ روس کے سفارتخانے میں یوم یکجہتی کی منعقدہ تقریب سے خطاب کررہے تھے۔ اس موقع پر وزیر اعلی سندھ سید مراد علی شاہ اور میزبان قونصل جنرل کراچی اینڈرے وی فیڈرآف نے بھی خطاب کیا۔ تقریب میں ترکی،چین،ملیشیا،بنگلادیش،قطر،بحرین اور سلطنت آف عمان کے سفاتکاروں کے علاوہ صوبائی وزیر سید ذوالفقار علی شاہ پیپلز پارٹی سندھ کے صدر نثار احمد کھوڑو،سینٹ کے رکن سرمد علی، رکن سندھ اسمبلی آغا سراج درانی، صوبائی مشیر وقار مہدی،رکن قومی اسمبلی ڈاکٹر فاروق ستار،کلیم فاروقی، ڈی جی فارن افیئرز آفس عرفان سومرو، مرزا اشتیاق بیگ،پیپلزپارٹی ریسرچ کوآردینیشن سیل بلاول ہاس کی سینئر ممبر فیضان حسین سہروردی،پی ٹی آئی کے مصطفی کرانی، یوسف کرانی اور اعلی شخصیات نے شرکت کی۔تقریب میں کیک کاٹا گیا اور روس کے فنکاروں نے فن کا مظاہرہ کیا۔ گورنرسندھ نے مزید کہا کہ پاکستان اور روس اہم ممالک ہیں روس کے قونصل جنرل کی کوشسوں سے دونوں ملکوں کے درمیان مختلف شعبوں میں تعاون میں اضافہ ہوگا۔وزیراعلی سندھ سید مرادعلی شاہ نے کہا کہ یوم یجہتی پر روس کے قونصل جنرل کو مبارکباد پیش کرتا ہوں۔روس کے سرمایہ کار سندھ میں مختلف شعبوں میں سرمایہ کاری کرسکتے ہیں عوام کے درمیان تعلقات بڑھانے کیلئے دونوں ممالک کے وفود کے تبادلوں میں اضافہ ہونا چاہیے۔میزبان روس قونصل جنرل فیدوروف نیکہا کہ عوامی اتحاد کا دن، ہر سال 4 نومبر کو روس کے عوام اپنی قوم کی بے مثال لچک کی یاد میں مناتے ہیں۔ روس پاکستان تعلقات اور شنگھائی تعاون تنظیم کے سربراہی اجلاس کے حوالے سے ایک سوال کا جواب دیتے ہوئے آندرے وی فیڈروف نے کہا کہ روس اور پاکستان کے درمیان تعلقات وقت گزرنے کے ساتھ ترقی کر رہے ہیں اور اس وقت دونوں ممالک کے درمیان 2 بلین ڈالر سے زیادہ کا تجارتی حجم ہے۔انہوں نے کہا کہ شنگھائی تعاون تنظیم کے تمام اراکین برابر ہیں اور اپنے بچوں کے مستقبل کو بچانے کے لیے مل کر کام کر رہے ہیں۔ انہوں نے کہا کہ ایس سی او خطے کو استحکام فراہم کر رہا ہے اور یہ اچھی طرح سے کام کر رہا ہے۔بعد ازاں تقریب سے خطاب کرتے ہوئے آندرے نے کہا کہ ”پیپلز یونٹی ڈی” وہ دن ہے جب ہمارا ملک راکھ سے اٹھا اور نام نہاد مصیبت کے وقت میں پولینڈ کے قابضین سے خود کو آزاد کرایا۔انہوں نے کہا کہ 16ویں صدی کے آخر اور 17ویں صدی کے آغاز میں روس نے سیاسی افراتفری، مغربی مداخلت، دھوکے بازوں، قحط اور دیگر بہت سے خوفناک واقعات کے ذریعے جدوجہد کی۔ ہماری تہذیب، ثقافت اور لوگ معدومیت کے دہانے پر تھے۔ اور اسی لمحے 1612 کے سال میں، ایک عام دکاندار کوزما منین اور ایک امیر ڈیوک دمتری پوزہارسکی نے عوامی رضاکار ملیشیا تشکیل دی جس نے روس کو اپنی حقیقی آزادی دوبارہ حاصل کرنے میں مدد کی۔مصیبت کے اختتام پر ہماری قوم نے بہت سے قیمتی اسباق سیکھے جو نسل در نسل گزرتے چلے آرہے ہیں۔ سب سے پہلے، ایک اور خانہ جنگی اور اشرافیہ کی اندرونی کشمکش کے بجائے روسیوں نے ایک نئے زار میخائل رومانوف کو منتخب کرنے کے لیے تمام خطوں اور سماجی طبقات سے ایک جمہوری کونسل کو اکٹھا کیا، جس کے خاندان نے 300 سال سے زیادہ روس پر حکومت کی۔ پاکستان روس تعلقات کا ذکر کرتے ہوئے آندرے وی فیڈروف نے کہا کہ حالیہ برسوں میں دونوں ممالک کے درمیان دوطرفہ تعاون میں تیزی سے اضافہ ہوا ہے۔روس اور پاکستان کے درمیان اعلی سطحی رابطوں کی سطح اور تعدد میں گزشتہ سال سے ڈرامائی طور پر اضافہ ہوا ہے، جب ہم نے روس پاکستان سفارتی تعلقات کے قیام کی 75 ویں سالگرہ منائی، روسی سی جی نے کہا اور مزید کہا کہ اس کی عکاسی خاص طور پر ہوئی ہے۔ 3 جولائی کو آستانہ میں شنگھائی تعاون تنظیم کے سربراہان مملکت کے اجلاس میں، جس کے موقع پر روسی صدر ولادیمیر پوٹن نے پاکستانی وزیر اعظم شہباز شریف سے ملاقات کی۔انہوں نے روس کے نائب وزیر اعظم الیکسی اوورچوک کے 18-19 ستمبر کو اسلام آباد کے دورے، یکم اکتوبر کو ماسکو میں روس پاکستان تجارتی اور سرمایہ کاری فورم کا بھی حوالہ دیا جس نے ہمارے اقتصادی تعاون کو ایک طاقتور تحریک دی، ایس سی او سربراہان حکومتوں کی میٹنگ۔ 15-16 اکتوبر کو اسلام آباد میں، جس کے سائیڈ لائن پر روسی حکومت کے سربراہ میخائل میشوسٹن نے وزیر اعظم شہباز شریف سے ملاقات کی اور دو طرفہ ایجنڈے کے تمام اہم امور پر تبادلہ خیال کیا۔انہوں نے کہا کہ حال ہی میں روسی سینیٹ کی چیئر مین ویلنٹینا ماتویینکو نے بھی پاکستان کا دورہ کیا۔انہوں نے امید ظاہر کی کہ ان تمام ملاقاتوں کے نتیجے میں ہمارے تعلقات میں مزید پیش رفت ہو گی، ہماری بات چیت کے دوران جن منصوبوں پر تبادلہ خیال کیا گیا وہ شکل اختیار کریں گے اور ہمارے تعاون کی حقیقی صلاحیت جلد ہی سامنے آئے گی۔

دادو کی7سالہ بچی میں پولیو وائرس کا شبہ، کراچی کے ہسپتال منتقل

وزیراعلیٰ سندھ کا ملیر ایکسپریس وے کا دورہ، تجاوزات فوری گرانے کا حکم

کراچی:فائرنگ کے مختلف واقعات میں خاتون سمیت چار افراد زخمی
کراچی کو پانی فراہم کرنے والی لائن 40 سال بعد تبدیل

وزیراعلیٰ سندھ سید مراد علی شاہ نے زیرو پوائنٹ نزد جام صادق پل سے کاٹھوڑ تک زیر تعمیر 889۔39 ملیر ایکسپریس وے کا دورہ کیا اور پہلے سیکشن کے افتتاح میں رکاوٹ بننے والی کے الیکٹرک کی تنصیبات منتقل نہ کرنے پر عدم اطمینان کا اظہار کیا۔

جاری اعلامیہ کے مطابق وزیراعلیٰ سندھ ملیر ایکسپریس وے کے جام صادق پل زیرو پوائنٹ پہنچے تو میئر کراچی مرتضیٰ وہاب، ڈی جی پبلک پرائیویٹ پارٹنرشپ یونٹ اسد ضامن، پروجیکٹ ڈائریکٹر نیاز سومرو، انجنیئر خالد منصور اور دیگر نے استقبال کیا۔جائزے کے دوروان وزیراعلیٰ سندھ نے اس بات پر عدم اطمینان کا اظہار کیا کہ زیرو پوائنٹ کے مقام پر پل کے تیار کنارے سڑک پر پڑے ہیں اور پلرز پر نہیں چڑھائے گئے تاکہ سڑک تعمیر کی جاسکے۔انہوں نے وجہ پوچھی تو انہیں بتایا گیا کہ کے الیکٹرک نے اپنی تنصیبات اب تک نہیں ہٹائیں جس کی وجہ سے سڑک کو پلرز پر کھڑا نہیں کیا جاسکا۔وزیراعلیٰ سندھ نے ڈپٹی کمشنر کو ہدایت کی کہ وہ ایک ہفتے کے اندر اندر مسئلے کو حل کریں۔انہوں نے کہا کہ جب کے الیکٹرک کو تنصیبات کی منتقلی کےلیے ادائیگی کردی گئی ہے تو تاخیر ناقابل قبول ہے۔مراد علی شاہ زیرو پوائنٹ سے شاہ فیصل انٹرچینج پہنچے، راستے میں انہوں نے ملیر ایکسپریس وے کے کناروں پر تجاوزات کے متعلق ڈپٹی کمشنر اور ایس ایس پی کورنگی کو موقع پر طلب کرکے بازپرس کی کہ ان کی ناک کے نیچے غیرقانونی تجاوزات کیوں تعمیر ہو رہی ہیں؟و زیراعلیٰ کا کہنا تھا کہ وہ سرکاری زمین کے ایک انچ پر بھی قبضے کی اجازت نہیں دیں گے ۔انہوں نے غیرقانونی تعمیرات اور ان کی دیواریں گرا کر انہیں رپورٹ پیش کرنے کا حکم دے دیا۔وزیراعلیٰ سندھ نے ملیر ایکسپریس وے کے پروجیکٹ ڈائریکٹر کو ہدایت کی کہ پہلے حصے پر نومبر کے اواخر تک کام مکمل کرلیں کیونکہ وہ چاہتے ہیں کہ دسمبر کے پہلے ہفتے میں کورنگی کاز وے سے شاہ فیصل ٹریفک کےلیے کھول دیا جائے۔ مراد علی شاہ اپنی ٹیم کے ہمراہ شاہ فیصل سے قائدآباد تک بھی گئے اور جاری تعمیراتی کام کا جائزہ لیا۔بریفنگ کے دوران بتایا گیا کہ ملیر ایکسپریس وے مکمل ہے تاہم قائد آباد انٹرچینج کا چھوٹا سا حصہ زمین خالی نہ کرائے جانے کے باعث تعطل کا شکار ہے۔جس پر وزیراعلیٰ سندھ نے جواب دیا کہ جب زمین خالی کرانے کےلیے فنڈز جاری کیے جا چکے ہیں تو زمین مالکان کو فوری ادائیگی کی جانی چاہیے تاکہ ایکسپریس وے کے دوسرے حصے کو بھی جلد سے جلد ٹریفک کےلیے کھولا جاسکے۔
وزیراعلیٰ سندھ نے شاہ فیصل اور دیگر انٹر چینجز پر زیرتعمیر ٹول پلازے اور تکون پارکوں کا بھی جائرہ لیا۔انہوں نے علاقے کی خوبصورتی کےلیے پارکوں میں گھاس اور درخت لگانے کی بھی ہدایت کی۔وزیراعلیٰ سندھ نے محکمہ پولیس کو ہدایت کی کہ ملیر ایکسپریس وے کی سکیورٹی کےلیے چوکیوں کے قیام کا منصوبہ بھی تیار کریں۔یاد رہے کہ ملیر ایکسپریس وے کے زیر پوائنٹ سے کاٹھوڑ تک 6 انٹرچینجز ہیں، 3 پل اور 5 وزن کے کمپیوٹرائزڈ کانٹے ہیں، منصوبہ 2025 کے آخر تک مکمل ہونا ہے۔

کراچی:فائرنگ کے مختلف واقعات میں خاتون سمیت چار افراد زخمی

کراچی کو پانی فراہم کرنے والی لائن 40 سال بعد تبدیل

کراچی میں پانی کی فراہمی کے پرانے نظام کو جدت کی جانب لانے کی طرف اہم پیشرفت سامنے آگئی اور دھابیجی پمپنگ اسٹیشن سے کراچی کو پانی فراہم کرنے والی 40 سال پرانی لائن کو تبدیل کردیا گیا۔

میڈیا رپورٹ کے مطابق میئر کراچی مرتضیٰ وہاب نے پانی کی فراہمی کی نئی لائن کا افتتاح کردیا۔ ڈپٹی میئر سلمان عبداللہ مراد بھی ہمراہ تھے۔پانی کی فراہمی کی لائن نمبر پانچ کو تبدیل کیا گیا ہے۔ اس کی جگہ ساڑھے 4 کلومیٹر طویل نئی پائپ لائن بچھائی گئی ہے۔منصوبے پر 2 اعشاریہ 3 ارب کی لاگت آئی ہے اور اس سے لاکھوں افراد مستفید ہوں گے۔دھابیجی پمپنگ اسٹیشن سے کراچی کو دس مرکزی لائنوں کے ذریعے پانی فراہم کیا جاتا ہے تاہم یہ لائنیں چالیس سال پرانی ہوچکی ہیں۔میئر کراچی مرتضیٰ وہاب نے منصوبے کو کراچی میں پانی کی فراہمی کے مسئلے کو حل کرنے کی جانب اہم پیشرفت قرار دیا ہے۔

کراچی میں جعلی/نقلی کولڈڈرنک تیار/سپلائی کرنے والے ملزمان گرفتار