وزیراعلیٰ سندھ سید مراد علی شاہ اور وزیر سرمایہ کاری بورڈ عبدالعلیم خان کی ملاقات ہوئی
ملاقات میں دونوں رہنماؤں کے درمیان مختلف امور پر تبادلہ خیال کیا گیا،ملاقات میں ملیر موٹر وے کو انٹر چینج بنا کر مین روڈ سے لنک کرنے پر اتفاق کیا گیا،وزیراعلیٰ سندھ اور عبد العلیم خان نے ایم 6 سکھر حیدر آباد موٹر وے پر بھی تبادلہ خیال کیا،ملاقات میں جامشور و تا سیہون سڑک 23 مارچ 2025 تک مکمل کرنے پر اتفاق کیا گیا
ہم بلوچستان کے بہن بھائیوں کی ترقی اور خوشحالی چاہتے ہیں، علیم خان
وفاقی وزیرعلیم خان نےحب ریوربرج کی افتتاحی تقریب سے خطاب کرتے ہوئے کہا ہے کہ انفراسٹرکچر کی بہتری سے ہی بلوچستان میں ترقی اور خوشحالی آئے گی، حب ریور برج کی بحالی سے علاقے میں کاروباری سرگرمیوں میں اضافہ ہو گا، پورے ملک میں سڑکوں کا جال بچھا دیں گے، کراچی پورٹ سے لے کر ایم 9تک موٹروے بنائی جائے گی، کراچی سے کوئٹہ تک سڑک کو دو رویہ کیا جائے گا، ہم بلوچستان کے بہن بھائیوں کی ترقی اور خوشحالی چاہتے ہیں،
بلوچستان اور صوبہ سندھ کے سنگم پر دریائے حب این 25پر 2022کے سیلاب میں بہہ جانے والے نئے تعمیر شدہ حب پل کا وفاقی وزراء عبدالعلیم خان اور جام کمال خان نے افتتاح کر دیا جس پر 1180ملین روپے لاگت آئی ہے اور 488میٹر طویل اس پل پر ٹریفک کی روانی سے کراچی سے گوادر تک تجارتی سامان کی ترسیل بحال ہو گئی ہے۔ اس موقع پر اپنے خطاب میں وفاقی وزیر مواصلات، نجکاری اور سرمایہ کاری بورڈ عبدالعلیم خان کا کہنا تھا کہ کسی بھی علاقے کی ترقی کے لئے وہاں کاروباری سرگرمیوں کا ہونا ضروری ہے، ہم دوسرے صوبوں سے ریونیو اکٹھا کر کے بلوچستان کی ترقی کو یقینی بنائیں گے۔اُن کا کہنا تھا کہ ملک بھر میں نیشنل ہائی وے اتھارٹی کا سب سے بڑا نیٹ ورک ساڑھے4ہزار کلومیٹر طویل بلوچستان کے صوبے میں ہے جہاں سے کم ٹول ٹیکس اکٹھا ہوتا ہے۔انہوں نے دریائے حب پر نئے تعمیر شدہ پل کو ٹریفک کے لئے ناکافی قرار دیتے ہوئے اس کے ساتھ ایک اور پل کی تعمیر کا اعلان کیا۔ اسی طرح کراچی سے کوئٹہ کی شاہراہ این 25جہاں ٹریفک کے دباؤ کے باعث حادثات ہوتے ہیں کو بھی دو رویہ بنانے کی منظوری دی۔وفاقی وزیر عبدالعلیم خان کا کہنا تھا کہ ہم بلوچستان میں نئے پل اور سڑکیں بنائیں گے جبکہ پنجرہ کے مقام پر بھی نیا پل تیار ہے جس کا جلد افتتاح کر دیا جائے گا۔ اپنے خطاب میں وفاقی وزیر مواصلات عبدالعلیم خان نے کہا کہ وہ پبلک پرائیویٹ پارٹنر شپ کراچی، حیدرآباد موٹروے کو چھ لین کی طرز پر تعمیر کرنا چاہتے ہیں،اسی طرح نادرن بائی پاس کو بھی بڑی شاہراہ کے طور پر بنایا جائے گا۔انہوں نے حب پل کی تعمیر میں این ایل سی اور این ایچ اے حکام کو بہتر کارکردگی پر شاباش دی اور توقع ظاہر کی کہ اس رابطہ پل کی تعمیر کے بعد حب کا علاقہ ملکی ترقی میں کلیدی کردار ادا کرے گا۔ اپنے خطاب میں وفاقی وزیر تجارت جام کمال خان نے کہا کہ موجودہ حکومت بلوچستان کے مسائل کو ترجیحی بنیادوں پر حل کر رہی ہے۔انہوں نے حب پل کی تعمیر اور بر وقت افتتاح پر وفاقی وزیر عبدالعلیم خان کا خصوصی طور پر شکریہ ادا کیا اور توقع ظاہر کی کہ اس منصوبے سے نہ صرف اس علاقے بلکہ صوبے بھر کے لوگوں کی مشکلات میں کمی ہوگی۔ وفاقی سیکرٹری مواصلات علی شیر محسود اور چیئرمین نیشنل ہائی وے اتھارٹی شہریار سلطان نے وفاقی وزیر مواصلات عبدالعلیم خان کو مکمل ہونے والے منصوبے کی تفصیلات سے آگاہ کیا جبکہ بعد ازاں وفاقی وزراء اور اعلیٰ حکام نے نئے تعمیر شدہ حب پل کے تعمیراتی کام کا جائزہ لیا۔
کراچی کے دورے میں وفاقی وزیر مواصلات،نجکاری اور سرمایہ کاری بورڈ عبدالعلیم خان نے وزیر اعلیٰ سندھ سید مراد علی شاہ سے ملاقات کی اور اُن سے صوبہ سندھ کی شاہراہوں اور شعبہ مواصلات سے متعلق امورپر تفصیلی تبادلہ خیال کیا۔وفاقی وزیر مواصلات عبدالعلیم خان نے نیشنل ہائی وے اتھارٹی کراچی کے اعلیٰ سطحی اجلاس کی صدارت کرتے ہوئے کہا کہ سرکاری اداروں میں مالیاتی استحکام ہماری اولین ترجیح ہونی چاہیے،اسی طرح این ایچ اے کو بھی اپنے وسائل میں خود اضافہ کرنا ہوگا۔ انہوں نے کہا کہ رواں مالی سال میں این ایچ اے سندھ 25ارب روپے کا ہدف حاصل کرے۔وفاقی وزیر مواصلات نے این ایچ اے حکام کو صوبہ سندھ کے جاری43منصوبوں پر کام کی رفتار تیز کرنے اور اعلیٰ معیار کو یقینی بنانے کی ہدایت کی۔ دریں اثناء و فاقی وزراء عبدالعلیم خان اور جام کمال خان ایم کیو ایم کی ممبر قومی اسمبلی محترمہ رعنا انصار کی رہائشگاہ پر بھی گئے جہاں انہوں نے اُن کے جواں سال صاحبزادے شاہ زیب نقوی کی ناگہانی وفات پر گہرے دکھ اور افسوس کا اظہار کیا اور اہل خانہ کے لئے ہمت اور حوصلے کی دعا کرتے ہوئے اُن سے دلی اظہار تعزیت کیا۔
چین میں پاکستان کیلئے کاروباری سرگرمیاں، روڈ شوز، نمایاں پاکستانی کمپنیاں ہونگی شریک
چین اور پاکستان کے مابین بزنس ٹو بزنس سرگرمیاں جاری ہیں اور اسی سلسلے میں چین کے مختلف شہروں میں لیدر اور فشریز کے لئے بڑے روڈشوز کا انعقاد کیا جا رہا ہے، فشریز روڈ شو 29 اکتوبر کوچنگ ڈاؤ اورلیدر شو 5 نومبر گوانگژو کے شہروں میں ہو گا جس میں نمایاں پاکستانی کمپنیاں شریک ہوں گی جن میں فشریز کی 17کمپنیوں کے 30 نمائندے اور لیدر شو میں 10 اداروں کے 16 ایگزیکٹوز شامل ہیں۔ ان امر کا اظہار وفاقی وزیر سرمایہ کاری بورڈ، نجکاری اور مواصلات عبدالعلیم خان کی زیر صدارت پاک چین بزنس ٹو بزنس سرگرمیوں کے فروغ کیلئے منعقدہ اعلیٰ سطحی اجلاس میں کیاگیا۔ وفاقی وزیر عبدالعلیم خان نے کہا کہ چین میں کاروباری اداروں سے اشتراک کیلئے بورڈ آف انویسٹمنٹ مربوط حکمت عملی پر عمل پیرا ہے اور اس اقدام سے پاکستانی بزنس کمیونٹی عالمی روڈ شوز کے ذریعے امریکی اور یورپی منڈیوں تک رسائی حاصل کر سکتی ہے۔انہوں نے کہا کہ 7بڑے شعبے انتہائی اہمیت کے حامل ہیں جن میں لیدر، ٹیکسٹائل، میڈیکل اینڈ سرجیکل ایکوئپمنٹ، فروٹس اینڈ ویجیٹبل، پلاسٹک، فشریز و اینیمل فوڈ شامل ہیں اورپاک چین کاروباری اشتراک ملکی معیشت کے لئے بڑا بریک تھرو ثابت ہو سکتا ہے۔وفاقی وزیر عبدالعلیم خان نے مزید کہا کہ مجموعی طور پر چین سے 168 اور پاکستان کی 78 کمپنیاں باہمی اشتراک کے تحت کام کر رہی ہیں اور چین سے صنعتوں کی منتقلی میں پاکستان کو زیادہ سے زیادہ شئیر نکالنا چاہئے۔انہوں نے کہا کہ چین سے کاروباری شراکت میں اضافہ ہماری اولین ترجیح ہے جس کے لئے ہر ممکن تعاون فراہم کریں گے کیونکہ چینی سفارت خانے کے تمام افسران بزنس کے فروغ میں نمایاں کردار ادا کر رہے ہیں جبکہ پاکستان کی بزنس کمیونٹی کو ہر ممکن سہولیات کی فراہمی کو ہر صورت یقینی بنائیں گے۔
اعلیٰ سطحی اجلاس میں معروف پاکستانی اداروں کے ایگزیکٹوز نے شرکت کی اور چین میں ہونے والے دونوں روڈ شوز میں بھرپور شرکت کی یقین دہانی کروائی جبکہ وفاقی سیکرٹری بورڈ آف انویسٹمنٹ اور چین میں پاکستانی سفارتخانے سے اعلیٰ افسران نے وفاقی وزیر عبدالعلیم خان کو آن لائن بریفنگ دی۔وفاقی وزیر عبدالعلیم خان نے پاکستان کی کاروباری تنظیموں سے چین میں اشتراک اور عملی تعاون پراظہار تشکر کرتے ہوئے ہدایت کی کہ پاکستانی کمپنیاں چینی اداروں سے "بی ٹو بی” اور زیادہ سے زیادہ”جوائنٹ وینچرز” یقینی بنائیں تاکہ اس اقدام کے ملکی معیشت پر مثبت اثرات مرتب ہوں۔
اکرم چوہدری کا نجی ٹی وی کے نام پر دورہ یوکے،ذاتی فائدے،ادارے کو نقصان
سماٹی وی میں گروپ بندی،سما کے نام پر اکرم چوہدری اپنا بزنس چلانے لگے
سما ٹی وی بحران کا شکار،نجم سیٹھی” پریشان”،اکرم چودھری کی پالیسیاں لے ڈوبیں
نازیبا ویڈیو لیک ہونے کے بعد مناہل ملک کی عمران خان سے ملاقات کی تصویر وائرل
مناہل ملک سے قبل کس کس پاکستانی کی ہوئی "نازیبا ویڈیو”لیک
ٹک ٹاکر مناہل ملک کی انتہائی نازیبا،جسمانی تعلق،بوس و کنارکی ویڈیو وائرل
