Category: کراچی

متحدہ قومی موومنٹ پاکستان کے رہنما و اپوزیشن لیڈر سندھ اسمبلی علی خورشیدی نے کہا ہے کہ یونیورسٹی روڈ اکھاڑ کے رکھ دیا گیا، 15منٹ کا سفر گھنٹوں میں طے ہوتا ہے۔

باغی ٹی وی کی رپورٹ کے مطابق کراچی میں میڈیا سے گفتگو کرتے ہوئے علی خورشیدی نے کہا کہ چیف سیکریٹری سندھ سے ملاقات تھی، سندھ کے عوام کو درپیش مسائل چیف سیکریٹری کے سامنے رکھے۔علی خورشیدی نے کہا کہ حکومتی توجہ ایم ڈی کیٹ جیسے مسائل کی طرف مبذول کروائی ہے، ہم بچوں سے ٹھیک طرح سے ٹیسٹ بھی نہیں لے سکتے۔انہوں نے کہا کہ چیف سیکریٹری سندھ کو کہا ہے کہ شفاف تحقیقات کروائیں، شہری انفرا اسٹرکچر کی بدحالی پر بھی بات کی ہے۔ایم کیو ایم کے رہنما نے کہا کہ کراچی میں پینے کے پانی کا اہم مسئلہ ہے، ہم نے کے فور اور حب ڈیم پر بھی بات کی، چالیس پچاس ہزار نوکریاں دی جارہی تھیں ہم کورٹ گئے تھے۔علی خورشیدی نے کہا کہ سیاسی بھرتیاں نہیں ہونی چاہئیں، میرٹ پر نوکریاں دی جائیں، ریڈ لائن منصوبہ 2027 تک مکمل ہوتا نظر نہیں آرہا، وزیر موصوف آئے دن دعوے کرتے ہیں لیکن عوام ذہنی اذیت میں ہیں۔

الطاف حسین کی صاحبزادی کا پاکستان کی سیاست میں حصہ لینے کا فیصلہ

کراچی میں رواں سال ڈکیتوں نے100 افراد کی جان لے لی

پاکستان کی کالعدم سیاسی جماعت متحدہ قومی موومنٹ (ایم کیو ایم) لندن کے سربراہ الطاف حسین کی صاحبزادی پاکستان کی سیاست میں حصہ لیں گی۔

باغی ٹٰی وی کی رپورٹ کے مطابق بتایا گیا ہے کہ الطاف حسین نے اپنی بیٹی کو ملکی سیاست میں شامل کرنے کے لیے لندن سے کراچی بھیجنے کی تیاریوں شروع کر دی ہیں۔یہ بھی بتایا گیا ہے کہ الطاف حسین کی صاحبزادی جو لندن میں ہی مقیم ہیں اور وہی پر انہوں نے اپنی تعلیم مکمل کی ہے نے اپنے والد الطاف حسین کی جگہ سیاست کرنے کا فیصلہ کیا ہے جو کراچی اپنے والد کے آبائی حلقہ عزیز آباد کے علاقہ سےا لیکشن لڑیں گی تاہم وہ پاکستان میں ایم کیو ایم پاکستان کے پلیٹ فارم سے سیاست کریں گی جن کی پاکستان آمد کا ایم کیو ایم پاکستان باقاعدہ اعلان کرے گی اور ان کا پاکستان پہنچنے پر بھر پور استقبال کیا جائے گا۔

واضح رہے کہ سندھ ہائیکورٹ نے بانی ایم کیو ایم الطاف حسین کی تقریر نشر کرنے پر پابندی ختم کرنے کی درخواست مسترد کردی، درخواست محمد آفتاب الدین بقائی کی جانب سے دائر کی گئی تھی۔درخواست میں وفاقی حکومت، سیکرٹری قانون ، سیکرٹری انفارمیشن اور پیمرا کو فریق بنایا گیا تھا اور مؤقف اپنایا گیا تھا کہ بانی ایم کیو ایم نے ہمیشہ غریب اور متوسطہ طبقے کی بات کی ہے۔ بانی ایم کیو ایم اپنی 22 اگست 2016 کی تقریر پر معافی مانگ چکے ہیں لہٰذا عدالت سے استدعا ہے کہ بانی ایم کیو ایم کی تقریر نشر کرنے پر پابندی ختم کرنے کا حکم دیا جائے۔

کراچی میں رواں سال ڈکیتوں نے100 افراد کی جان لے لی

وزیراعلیٰ سندھ سید مراد علی شاہ نے کہا ہے کہ نیشنل فنانس کمیشن (این ایف سی) ایوارڈ پر تحفظات وفاق کے سامنے رکھ دیے ہیں۔

باغی ٹٰی وی کی رپورٹ کے مطابق کراچی میں تقریب سے خطاب میں وزیراعلیٰ سندھ نے کہا کہ این ایف سی سے کوئی فرق نہیں پڑے گا، وفاق نے اس معاملے میں تحفظات حل کرنے کا یقین دلایا ہے۔انہوں نے کہا کہ وزیراعظم شہباز شریف سے بات کروں گا کہ کیالیکٹرک کے بورڈ میں سندھ حکومت کی نمائندگی ہو۔سید مراد علی شاہ نے مزید کہا کہ پی ٹی آئی کی حکومت میں معیشت سے کھیل کھیلا گیا، ملک کو سنبھالنے میں دو سال لگے ہیں۔ پی ٹی آئی کے غلط فیصلے ٹھیک کرنے میں وقت لگے گا، ملک معاشی مسائل سے ابھی نکلا نہیں، نکلنے جارہا ہے۔وزیراعلیٰ سندھ نے کہا کہ میثاق جمہوریت میں ججز کی سلیکشن کا طریقہ کار اور عدالت بننے کا عمل واضح ہے، پیپلز پارٹی کے منشورمیں بھی آئینی عدالتیں شامل ہیں، کہا جارہا ہے عدالتیں کسی ایک شخص کیلیے بنائی جارہی ہیں۔

چکن گونیا، ڈینگی اور ملیریا کے کیسزمیں تشویشناک حد تک اضافہ

انہوں نے کہا کہ میڈیا پر بھاری ذمے داری ہے کہ وہ لوگوں تک اصل حقائق پہنچائے، پہلے صحافت کا اسٹینڈرڈ ہائی ہوتا تھا، اب ہر موبائل والا صحافی ہے۔سید مراد علی شاہ نے کہا کہ صحافت کے غلط استعمال سے نقصانات ہوتے ہیں، ہم صحافت کو ریاست کا چوتھا ستون سمجھتے ہیں۔#

ضیاء الدین یونیورسٹی امتحانی بورڈ (ZUEB) کے ایگزیکٹو ڈائریکٹر ڈاکٹر ناصر انصار نے انٹرمیڈیٹ سال اول کے سالانہ امتحانات برائے 2024 کے نتائج کا باضابطہ اعلان کر دیا ہے۔

باغی ٹی وی کی رپورٹ کے مطابق پری میڈیکل گروپ میں سب سے زیادہ اسکور 91.27 فیصد تھا جس میں 92.98 فیصد طلباء پاس ہوئے۔ پری انجینئرنگ گروپ نے 83.45 فیصد کا ٹاپ اسکور دیکھا، جس میں 88.65 فیصد طلباء پاس ہوئے۔ دریں اثنا جنرل سائنس گروپ میں سب سے زیادہ اسکور 82.72 فیصد رہا جس میں 88.39 فیصد طلباء پاس ہوئے۔ڈاکٹر ناصر انصار نے ضیاء الدین یونیورسٹی امتحانی بورڈ کے اساتذہ اور عملے کی لگن اور محنت کی تعریف کرتے ہوئے کہا کہ نتائج کا اعلان اتنی جلدی ممکن بنانے میں ان کا عزم اور کارکردگی اہم ہے۔

انہوں نے اس بات پر روشنی ڈالی کہ امتحانی ٹیم کی انتھک کوششوں نے بورڈ کو بروقت نتائج کے اعلانات کی روایت کو برقرار رکھنے کے قابل بنایا، جس سے زیڈ یو ای بی کی بہترین کارکردگی کی ساکھ مزید مستحکم ہوئی۔ ناظم امتحانات ڈاکٹر عائشہ حسن نے بتایا کہ جدید امتحانی طریقوں کو نافذ کرنے کے لیے آن لائن تصدیق، امتحانی پرچوں پر بارکوڈز اور ایڈمٹ کارڈز پر QR کوڈز کا استعمال کیا گیا۔ اس نے بورڈ کے فعال سپورٹ سسٹم پر بھی زور دیا، امتحانی مراکز کی طرف سے حقیقی وقت میں رپورٹ کیے گئے مسائل کو حل کرنا ہے۔ انھوں نے کہا کہ ضیاء الدین یونیورسٹی امتحانی بورڈ، صوبے کا پہلا بورڈ ہے جس نے انٹر سال اول کے تمام نتائج کا اعلان کر دیا ہے۔

چکن گونیا، ڈینگی اور ملیریا کے کیسزمیں تشویشناک حد تک اضافہ

کراچی میں 6 اکتوبر کو ہونے والے الاقصیٰ ملین مارچ کے سلسلے میں امیر جماعت اسلامی کراچی منعم ظفر نے دارالعلوم نعیمیہ میں مفتی منیب الرحمٰن سے ملاقات کی ہے۔

باغی ٹی وی کی رپورٹ کے مطابق منعم ظفر نے مفتی منیب سے ملاقات کے بعد میڈیا سے گفتگو کرتے ہوئے کہا کہ ملین مارچ کی دعوت دینے آئے ہیں، جماعت اسلامی 6 اکتوبر کو شارع فیصل پر ملین مارچ کرے گی۔منعم ظفر نے کہا کہ اسرائیل امریکا کی پشت پناہی سے درندہ بن چکا ہے، اسرائیل غرور میں مبتلا ہے، یہ خونی کھیل ایک سال سے جاری ہے، ایسے حالات میں کراچی کے لوگ غزہ کے لوگوں کے ساتھ ہیں۔منعم ظفر نے کہا کہ ہم کچھ نہیں کرسکتے آواز تو بلند کرسکتے ہیں۔اس موقع پر مفتی منیب نے کہا کہ سوئے ہوئے ضمیر کو تو جگایا جا سکتا ہے، مردہ ضمیر کو کیسے جگایا جائے گا، ہم ایک فرعونیت، نمرودیت، منافقت کے دور سے گزر رہے ہیں۔مفتی منیب نے یہ بھی کہا کہ مسلمانوں پر دہشت گردی کے فتوے لگائے جا رہے ہیں، اس احتجاجی ملین مارچ کی پٴْرزور تائید کرتا ہوں۔

عثمان قادر کا پاکستان کرکٹ سے ریٹائرمنٹ کا اعلان

متحدہ قومی موومنٹ پاکستان (ایم کیو ایم پاکستان) نے کراچی میں ترقیاتی کاموں میں اپنے ووٹرز والی یوسیز کو نظر انداز کرنے کا الزام لگاتے ہوئے معاملہ صدر آصف زرداری کے سامنے اٹھانے کا فیصلہ کرلیا۔

باغی ٹٰ وی کی رپورٹ کے مطابق ذرائع ایم کیو ایم پاکستان نے کہا کہ فنڈز جاری ہونے کے باجود کراچی میٹروپولیٹن کارپوریشن (کے ایم سی) نے محض چند حلقوں میں ترقیاتی کام کیا، جان بوجھ کر ایم کیو ایم پاکستان کے ووٹرز والی یوسیز اور علاقے نظر انداز کیے جارہے ہیں۔کے ایم سی ٹاؤن چیئرمین اور پیپلز پارٹی کی مقامی قیادت کام میں بھی تفریق کررہی ہے۔ذرائع نے بتایا کہ ایم کیو ایم پاکستان کا وفد 2 سے 3 روز میں صدر مملکت آصف زرداری سے ملاقات کرے گا جس میں میں خالد مقبول، مصطفی کمال، فاروق ستار اور دیگر رہنما شریک ہوں گے۔

بجلی کے بلوں میں کمی نہ لائی گئی تو تحریک منظم کی جائے گی ، حافظ نعیم

کراچی(اُردو پوائنٹ اخبارتازہ ترین – این این آئی۔ 02 اکتوبر2024ء) آئی جی سندھ غلام نبی میمن نے سینٹرل پولیس آفس کراچی میں قائم اسکول آف فائنانس/ٹریننگ اینڈ انفارمیشن ٹیکنالوجی میں ڈیجٹل ٹریننگ سینٹر بلاک بی کا افتتاح کردیا ۔اس موقع پر ایڈیشنل آئی جی ٹریننگ،ایڈیشنل آئی جی آپریشنز سندھ،ڈی آئی جی ٹریننگ،سابقہ سینئر پولیس آفیسر سلیم واحدی و دیگر بھی موجود تھے۔
ڈی آئی جی ٹریننگ سندھ نے ڈیجٹل ٹریننگ بلاک کے قیام اور اسکے اغراض مقاصد پر بریفنگ دیتے ہوئے بتایا کہ فٹنس کے معیار پر پورا اترنے والے والوں کو ٹریننگ/کورسز کے مواقع دیئے جائیں گے۔نیو میڈیکل پالیسی پر عمل درآمد کرتے ہوئے مکمل طور فٹ افسران و اہلکاروں کو ٹریننگ کے لیئے منتخب کیا جائیگا۔محکمانہ کورسز میں کامیاب ہونیوالوں کا ڈیٹا نیو ٹریننگ بلاک میں محفوظ کیا جائیگا۔

اے این ایف کا تعلیمی اداروں کے اطراف کریک ڈاؤن ، خاتون سمیت 6 ملزمان گرفتار

اندرون و بیرون ملک اسپیشل کورسز پر جانیوالوں کا ریکارڈ بھی محفوظ کیا جائیگا۔ٹریننگ سینٹرز کے نصاب کو بھی جدید و ماڈرن خطوط پر استوار کیا جارہا ہے۔بعد ازاں آئی جی سندھ نے اسکول آف فائنانس/ٹریینگ میں قائم مختلف دفاتر کا دورہ کیا۔انہوںنے کہا کہ پولیس ٹریننگ کے معیار کو مذید تقویت دی جائے۔تمام ٹریننگ مراکز میں اچھی شہرت اور بہترین تجربے افسران کو تعینات کیا جائے۔

جسمانی طور پر مکمل فٹ اور اچھی صحت کے حامل افسران و جوانوں کو کورسز کے لیئے منتخب کیا جائے۔کورسز کے لیئے انتخاب سے قبل افسران کے سروس ریکارڈ کا بھی احاطہ کیا جائے۔آئی جی سندھ نے کہا کہ تربیتی مراکز کے پرنسپل کی تعیناتی کے کے لیئے بھی اصول وضع کیئے جائیں۔بہترین اور معیاری تربیت کے اثرات فیلڈ پولیسنگ تک منتقل ہونگے۔نیو ڈیجیٹل ٹریننگ بلاک کے افتتاح پر ڈی آئی جی ٹریننگ اور انکی ٹیم لائق ستائش ہے۔

کرپٹ اشرافیہ، سیاستدانوں، جرنیلوں ،افسرشاہی کا گٹھ جوڑ توڑنے کا وقت آگیا ، حافظ نعیم