Category: کراچی

میئر کراچی بیرسٹر مرتضیٰ وہاب نے کہا ہے کہ شہر میں گزشتہ بارشوں سے متاثرہ انفراسٹرکچر کی بحالی کا کام تیزی سے جاری ہے.

باغی ٹی وی کی رپورٹ کے مطابق میڈیا کو جاری بیان میں مرتضی وہاب کا کہنا تھا کہ اورنگی ٹائون میں قصبہ موڑ کے اطراف سڑکوں کی مرمت اور استرکاری کا کام انجام دیا جا رہا ہے جس سے اس علاقے کے مکینوں کو آمدورفت میں سہولت فراہم ہوگی، آئی آئی چندریگر روڈ ،شاہراہ اورنگی، جی الانہ روڈ، بلوچ کالونی روڈ اور میوہ شاہ روڈ سمیت مختلف دیگر سڑکوں کی تعمیر و مرمت کے کام بھی ترجیحی بنیادوں پر انجام دیئے جا رہے ہیں جس کا مقصد متاثرہ انفراسٹرکچر کو جلد از جلد شہریوں کے لئے بہتر بنانا ہے، حکومت سندھ کی طرف سے ٹائون انتظامیہ سے بھی ان کی زیر انتظام ذیلی سڑکوں اور گلیوں کی مرمت و بحالی کے لئے تجاویز طلب کی گئی ہیں تاکہ پورے شہر میں سڑکوں اور گلیوں کو موٹر ایبل بنایا جاسکے، تنقید کرنے والے تنقید کرتے رہیں ہم اپنا کام کرتے رہیں گے اور شہر کی بہتری کے لئے انجام دیئے جانے والے کاموں میں سب کو ساتھ لے کر چلنے کی حکمت عملی پر عمل پیرا رہیں گے.

میئر کراچی بیرسٹر مرتضیٰ وہاب نے کہا کہ کے ایم سی کا محکمہ انجینئرنگ شہر کے مختلف علاقوں میں حالیہ بارشوں سے متاثر ہونے والی سڑکوں اور شاہراہوں کی مرمت اور استرکاری کا کام انجام دے رہا ہے اور اس کام کے لئے تمام تر وسائل بروئے کار لائے جا رہے ہیں، انہوں نے کہا کہ بلدیہ عظمیٰ کراچی کے زیر انتظام 106 مرکزی سڑکوں اور شاہراہوں کو بہتر بنانے کے ساتھ ساتھ ٹائون انتظامیہ کو بھی ان کی حدود میں آنے والی گلیوں اور ذیلی سڑکوں کی مرمت و بحالی میں مدد کی پیشکش کی ہے تاکہ سب مل کر شہر کو بہتر بنانے میں اپنا کردار ادا کریں، تعمیراتی کاموں میں معیار کو یقینی بنانے کے لئے ایسے اقدامات کئے جا رہے ہیں جن سے غیرمعیاری کاموں کی حوصلہ شکنی ہو اور شہر کی تعمیر و ترقی کے لئے مختص کئے جانے والے فنڈز کا ایک ایک پیسہ شفاف طریقے سے استعمال ہوسکے، سڑکوں کی تعمیر و مرمت میں جن ٹھیکیداروں کا کام غیر معیاری پایا گیا انہیں بلیک لسٹ کیا جا رہا ہے اور تعمیراتی کاموں کی مسلسل مانیٹرنگ کا طریقہ کار اپنایا جا رہا ہے جس سے مستقبل میں شہر کے بنیادی انفراسٹرکچر کو پائیدار بنانے میں مدد ملے گی.

انہوں نے کہا کہ سڑکوں کی مرمت و بحالی کے کام بلاتخصیص شہر کے تمام اضلاع میں جاری ہیں ، ہم پورے شہر میں ترقیاتی عمل کو یکساں رفتار سے جاری رکھنے پر یقین رکھتے ہیں اور اس کے لئے تمام متعلقہ شہری اداروں سے رابطے کا عمل جاری ہے، میئر کراچی بیرسٹر مرتضیٰ وہاب نے کہا کہ کے ایم سی کو آئندہ برسوں میں دس سے گیارہ ارب روپے سالانہ ترقیاتی پروگرام کے تحت اور سوا تین ارب روپے مختلف ٹیکسز کی مد میں ملیں گے لہٰذا سڑکوں کے تعمیراتی کاموں میں فنڈز کی فراہمی کا کوئی مسئلہ نہیں ہے تاہم اس بات کی ضرورت ہے کہ شہریوں کی نمائندگی کرنے والے تمام بلدیاتی نمائندے اس سلسلے میں اپنے فرائض دیانتداری کے ساتھ انجام دیں اور اپنے علاقوں کے مسائل حل کرانے کے لئے متعلقہ اداروں سے رجوع کریں۔

حکومت سندھ نے کتے کی قبر کو محفوظ ورثہ قرار دینے کی منظوری دیدی

محکمہ ثقافت سندھ نے کتے کی قبرکو محفوظ ورثہ قرار دینے کی منظوری دے دی۔

باغی ٹی وی کی رپورٹ کے مطابق چیف سیکرٹری سندھ آصف حیدر شاہ کی زیر صدارت محکمہ ثقافت کی ایڈوائزری کمیٹی کا اجلاس ہوا جس میں سیکرٹری ثقافت ایڈوائزری کمیٹی کے ممبر حمید ہارون، کلیم اللہ لاشاری اور ایس بی سی اے حکام سمیت دیگر شریک ہوئے۔اجلاس میں محکمہ ثقافت کی جانب سے ورثہ قرار دی گئی عمارتوں کا جائزہ لیا گیا۔چیف سیکرٹری سندھ نے ایس بی سی اے کو ہدایت کی کہ عمارتوں کو خطرناک ڈکلیئر کرنے سے قبل محکمہ ثقافت سے بھی رائے لی جائے۔اجلاس میں مختلف مقامات اور عمارتوں کی ثقافتی ورثہ قرار دینے کی منظوری دی گئی جن میں قمبر شہداد کوٹ میں واقع کتے کی قبر، ضلع نوشہرو فیروز میں قدیم مختیار کار دفتر، سکھر میں قدیم سول کورٹ تعلقہ روہڑی، کندھ کوٹ میں واقع انسپکشن بنگلے (1908)، کنٹونمنٹ کوارٹرز، کراچی میں پارسی انسٹیٹیوٹ کمپائونڈ (KPI) بشمول جہانگیر کوٹھاری ہال اورکاٹراک سوئمنگ باتھ (1905)، ملیر میں واقع سید ہاشمی ریفرنس لائبریری شامل ہیں۔

مٹھائی کے ڈبوں میں چھپائی ہیروئن، آئس 4 ممالک میں اسمگل کرنے کی کوشش ناکام

امیر جماعت اسلامی کراچی منعم ظفر خان نے ٹائون چیئرمین لیاقت آباد فراز حسیب ،وائس چیئرمین اسحاق تیموری،کے ہمراہ یونین کمیٹی نمبر07 سی ایریا میں ٹیپو سلطان پارک اور سید شہاب الدین ماڈل اسٹریٹ کا افتتاح کیا۔

باغی ٹی وی کی رپورٹ کے مطابق سید شہاب الدین نعمت اللہ خان کے دور میں نائب ناظم لیاقت آباد ٹائون تھے جبکہ موجودہ یوسی چیئر مین تھے جن کا چند ماہ قبل انتقال ہو گیا ۔پارک کی بحالی وماڈل اسٹریٹ کی تعمیر ٹائون چیئر مین اور ان کی ٹیم کی کوششوں کے باعث ممکن ہوئی۔علاقہ مکینوں نے جماعت اسلامی کے منتخب بلدیاتی نمائندوں کی کوششوںو عوامی خدمت کو سراہا اور تشکر کا اظہار کیا ۔ علاوہ ازیں منعم ظفر خان نے ’’ہفتہ یکجہتی فلسطین و لبنان ‘‘ اورجماعت اسلامی کی ’’ممبر شپ مہم‘‘ کے سلسلے میں الکرم اسکوائر لیاقت آباد پر قائم کیمپ کا بھی دورہ کیا اور عوام کو ممبر بنایا،منعم ظفر نے کیمپ پر موجود کارکنوں اور علاقہ مکینوں سے خطاب کرتے ہوئے کہا کہ اسرائیل کی جارحیت و دہشت گردی کو روکنے کے لیے پوری امت کو متحد بالخصوص ہمارے حکمرانوں کو بزدلی ترک کرکے اسرائیل کے خلاف مشترکہ طور پر راست اقدام کرنا پڑے گا ۔

چھوٹے کاروبار کی معاونت کے لئے گورنرہاوس سندھ میں خصوصی سیل قائم

عوام کے اندر اسرائیل کے حوالے سے کوی ابہام نہیں ، عوام اسرائیل کے خلاف ہیں ، حکمرانوں پر عوامی دبائو بڑھانے کی ضرورت ہے ۔ جماعت اسلامی کے تحت اتوار 6اکتوبر کو 3بجے دن شاہراہ فیصل پر عظیم الشان اور تاریخی ’’الاقصیٰ ملین مارچ ‘‘ منعقد ہوگا ، اہل کراچی اپنی فیملی کے ہمراہ جوق در جوق شریک ہوں اور پوری دنیا کو اسرائیل کے خلاف متحد ہونے کا پیغام دیں ۔
پارک و ماڈل اسٹریٹ کے افتتاح کے موقع پر منعم ظفر خان نے میڈیا کے نمائندوں سے گفتگو کرتے ہوئے کہا کہ بلدیاتی انتخابات میں لیاقت آباد کے لوگوں نے جماعت اسلامی پر اعتماد کا اظہار کیا ،ہم لیاقت آباد ٹائون کے عوام کے اعتماد پر پورا اتریں گے ۔ 10 مہینے میں ہمارے نوجوان ٹاؤن چیئرمین فراز حسیب اور ان کی ٹیم نے لیاقت آباد ٹاون میں مثالی ترقیاتی کام کرکے ثابت کر دیا ہے کہ ہم نے دعوے نہیں بلکہ عوام کے اعتماد و تعاون سے کام کر کے دکھایا۔
لیاقت وہ علاقہ ہے جوپورے شہر کو لیڈ کرتا تھا اور لیاقت آباد سے ہی قومی و سیاسی تحریکیں آ گے بڑھتی تھیں لیکن اسے اندھیروں میں دھکیل دیا گیا ۔ اختیارات اور فنڈز کی کمی کے باوجود جماعت اسلامی کے منتخب بلدیاتی نمائندوں کی کوششوں سے لیاقت آباد ایک بار پھر روشن ہو رہا ہے۔ہم نے 10 مہینے میں اختیارات کا رونا نہیں رویا9ٹائون اور 87یوسیز میں اختیارات سے بڑھ کر عوامی خدمت کا فریضہ ہم نے سرانجام دیا ہے، عوام کی خدمت ہمارا ورثہ ہے ، ہمارے بزرگوں نعمت اللہ خان اور عبدالستار افغانی نے عوامی خدمت اور تعمیر و ترقی کی مثالیں قائم کی ۔
انہوں نے کہا کہ ہم عوام کے ساتھ مل کر ظالم کو حکمرانوں سے عوام کاحق چھین کر لیں گے۔ جماعت اسلامی عوامی جدوجہداور مزاحمت کے ذریعے حکمرانوں کو گھٹنے ٹیکنے پر مجبور کر دے گی ۔ کراچی کے وسائل پر کسی کو بھی قبضہ نہیں کرنے دیں گے ،ٹائون چیئرمین لیاقت آباد فراز حسیب نے گفتگو کرتے ہوئے کہا کہ لیاقت آباد کے عوام نے ہم پر اعتماد کیا آج صرف 10 مہینے میں لیاقت آباد آگے بڑھتا ہوا نظر آرہا ہے ہم نے ترقیاتی کام کیے ،پارکس بنائے ،اسپورٹس کمپلیکس تعمیر کئے ۔
ترقی کا جو سفر شروع کیا گیا ہے وہ جاری رہے گا ۔ آنے والا وقت بھی عوام کی خدمت اور تعمیر و ترقی کا وقت ہے۔ اس موقع پر فراز حسیب نے لیاقت آباد ٹائون کے سابقہ نائب ناظم سید شہاب الدین کے ایصال ثواب کے لئے دعائے مغفرت کی اور ان کی خدمات کو سراہا، فراز حسیب نے یو سی پینل کے افراد اور اہل محلہ اور ان سب کا شکریہ ادا کیا کہ جنہوں نے ٹائون انتظامیہ کے ساتھ ٹیپو سلطان پارک اور سیدشہاب الدین ماڈل اسٹریٹ بنانے میں تعاون کیا۔
اس موقع پر لیاقت آباد ٹائون کے کو آرڈی نیٹر صغیر احمد انصاری، مختلف یوسی چیئرمین منتخب بلدیاتی نمائندے، ڈائریکٹر پارکس ریحان ہمدانی، ڈپٹی ڈائریکٹر اینٹی انکروچمنٹ ناصر، ڈائریکٹر انفارمیشن فہیم مصطفی اور دیگر بلدیاتی افسران بھی موجود تھے، جبکہ ممبر شپ کیمپ پر نائب امیر کراچی انجینئر سلیم اظہر ،ناظم علاقہ مسعود علی اور جماعت کے دیگر ذمہ داران وکارکنان موجود تھے۔

گورنرسندھ کامران خان ٹیسوری نے کاروباری افراد بالخصوص چھوٹے کاروبار کو وسعت دینے اور انہیں ایکسپورٹ کے ضمن میں ہر ممکن تعاون فراہم کرنے کے لئے گورنرہائوس میں خصوصی سیل کے قیام کا اعلان کردیا ہے۔

باغٰ ٹی وی کی رپورٹ کے مطابق اس خصوصی سیل کے ذریعہ کاروبار ی افراد بالخصوص چھوٹے کاروبار کو درپیش مشکلات کے خاتمہ اور مسائل کے حل میں بھرپور معاونت فراہم کی جائے گی۔گورنرسندھ نے رائس ایکسپورٹ ایسوسی ایشن پاکستان کے دورہ میں ایسوسی ایشن کے نو منتخب چیئر مین فیصل جہانگیر ، سینئر وائس چیئرمین جاوید جیلانی کو مبارک باد بھی دی۔ بعد ازاں میڈیا سے بات چیت کرتے ہوئے گورنر سندھ نے کہا کہ گورنرہائوس میں قائم کردہ خصوصی سیل سے ایکسپورٹرز کے مسائل ترجیحی بنیادوں پر حل کئے جائیں گے جبکہ چھوٹے کاروبار کو ایکسپورٹ کے لئے بھرپور معاونت بھی فراہم کی جائے گی۔

گورنرسندھ نے REAP کو 4بلین ڈالرز ایکسپورٹ کا اہداف حاصل کرنے پر مبارک باد دیتے ہوئے کہا کہ ایسوسی ایشن نے 300 ملین ڈالرز سے 4ارب ڈالرز کا ہدف باآسانی حاصل کرلیا ہے۔آ ج اس تقریب میں ایسوسی ایشن کو مزید 2ارب ڈالر ز ایکسپورٹ کا ہدف دے رہاہوں۔انہوں نے کہا کہ پاکستانی چاول کی دنیا بھر میں زبردست مانگ ہے اسی طرح سندھ کا اچار بھی دنیا بھر میں اپنی نوعیت کا منفرد اچار ہے اس کی ایکسپورٹ کے لئے بھرپور اقدامات یقینی بنانے کی ضرورت ہے۔
انہوں نے کہا کہ ہم سب نے مل کر قومی معیشت کے استحکام کے لئے دن رات کام کرنا ہے اس ضمن میں وفاق یا صوبہ سے جو بھی مسائل ہوں گے اسے ترجیحی بنیادوں پر حل کیا جائے گا۔انہوں نے کہا کہ ایسوسی ایشن کویقین دلانے آیا ہوں کہ ہم ان کے ساتھ ہیں اورتمام کاروباری افراد کے لئے بھی گورنرہائوس کے دروازے کھلے ہیں۔جن کو کوئی مسئلہ درپیش ہے وہ گورنرہائوس آجائیں ان کے مسائل حل کریں گے۔
انہوں نے مزید کہا کہ تمام سیاسی جماعتیں ایکسپورٹ بڑھانے کے لئے متحرک کردار ادا کریں۔سیاسی اختلاف اپنی جگہ لیکن قومی معیشت پر یکجہتی دکھانا ہوگی۔انہوں نے کہا کہ آئی ٹی ایسوسی ایشن بھی جائوں گا ان کے مسائل بھی حل کریں گے۔گورنرسندھ نے کہا کہ آئی ٹی سیکٹر سے 10سے 15ارب ڈالرز ایکسپورٹ ممکن ہے۔ بلاشبہ ہمارے لوگوں میں جذبہ ہے ہمیں ا س کی قدر کرنا چاہئے۔ تقریب میں گورنرسندھ نے بزنس مین گروپ کے چیئرمین زبیر موتی والا کے ساتھ مل کر کیک بھی کاٹا۔ واضح رہے کہ کراچی چیمبر آف کامرس میں بزنس مین گروپ نے بھاری اکثریت سے انتخاب میں کامیابی حاصل کی تھی۔ گورنرسندھ نے نومنتخب چیرمین فیصل جھانگیر اور سینئر وائس چیئرمین جاوید جیلانی کو شیلڈ بھی دی۔

غیر ملکیوں سے فراڈ، 4 ملزمان ریمانڈ پر جیل روانہ

صارم برنی کی آئندہ پیشی پر ضمانت کے امکان روشن

جوڈیشل مجسٹریٹ شرقی کی عدالت نے ملزم صارم برنی کی درخواست ضمانت پر سماعت کے لیے 3 اکتوبر کی تاریخ مقرر کردی۔

باغی ٹی وی کی رپورٹ کے مطابق انسانی اسمگلنگ اور دستاویزات میں ردو بدل کے مقدمے میں ملزم صارم برنی کی جانب سے کراچی کی سیشن عدالت شرقی میں درخواست ضمانت دائر کردی گئی۔درخواست میں موقف اختیار کیا گیا کہ 3 ماہ ہوگئے تاہم مقدمے کا حتمی چالان عدالت میں جمع نہیں ہوا، ملزم عدالتی ریمانڈ پر جیل میں ہے اور مزید تفتیش کے لیے درکار نہیں، دستاویز میں ردوبدل ممکن نہیں کیوں کہ وہ تمام اب ایف آئی اے کی تحویل میں ہیں۔درخواست میں کہا گیا کہ واصف شبیر نامی شخص نے بچیوں کا باپ ہونے کا دعوی کیا، واصف شبیر کی بچیوں کی حوالگی کی درخواست عدالت نے خارج کردی تھی، عدالت نے اسے گارجین اور وارڈ کورٹ سے رجوع کرنے کی ہدایت کی تھی لیکن واصف شبیر نے اب تک متعلقہ عدالت سے رجوع نہیں کیا۔

درخواست میں مزید کہا گیا کہ پراسیکیوشن خرید و فروخت کا کوئی بھی ثبوت پیش کرنے میں ناکام رہی ہے، تمام عوامل کو مدنظر رکھتے ہوئے ملزم ضمانت کا حقدار ہے۔عدالت نے ملزم کی درخواست ضمانت پر سماعت کے لیے 3 اکتوبر کی تاریخ مقرر کردی۔یاد رہے کہ اس سے قبل مجسٹریٹ کی عدالت سے ملزم صارم برنی کی 2 بار درخواست ضمانت مسترد ہوچکی ہے، ملزم صارم برنی اس وقت عدالتی ریمانڈ پر جیل میں ہیں۔

واضح رہے کہ صارم برنی کو رواں برس جون کے اوائل میں امریکا سے کراچی واپس آنے پر گرفتار کیا گیا تھا، ان کیخلاف تعزیرات پاکستان کی دفعات 420 ، 468، 471 اور 109 سمیت انسداد انسانی اسمگلنگ ایکٹ کے سیکشن 3، 4 اور 5 کے تحت مقدمات درج کیے گئے تھے۔صارم برنی کیخلاف ان دفعات کے تحت دھوکہ دہی اور بے ایمانی سے جائیداد کی ترسیل پر آمادہ کرنا، دھوکہ دہی کے مقصد سے جعلسازی، جعلی دستاویز کو حقیقی طور پر استعمال کرنا، انسانی اسمگلنگ اور مجرمانہ سازش جیسے جرائم کے ارتکاب پر مقدمات درج کیے گئے ہیں۔

کراچی کے صارفین پر بجلی مزید 51 پیسے مہنگی ہونے کا امکان ہے جس کا فیصلہ (کل) جمعرات کو نیشنل پاور ریگولیٹری اتھارٹی (نیپرا) کرے گی۔

باغی ٹی وی کی رپورٹ کے مطابق کراچی کے لیے اگست کی ماہانہ فیول ایڈجسٹمنٹ کی مد میں بجلی مزید 51 پیسے فی یونٹ مہنگی کرنیکی درخواست پر نیپرا میں (آج) جمعرات کو سماعت ہوگی۔کے الیکٹرک نے اگست 2024 کی فیول ایڈجسٹمنٹ کی درخواست نیپرا میں جمع کرا رکھی ہے جس کے تحت 51 پیسے فی یونٹ کا اضافہ مانگا گیا ہے۔نیپرا کی جانب سے اگر کے الیکٹرک کی درخواست منظور کرتے ہوئے من و عن اضافے کردیا جاتا ہے تو کے الیکٹرک صارفین پر 85 کروڑ 30 لاکھ روپے کا اضافی بوجھ پڑے گا۔ذرائع نے بتایا ہے کہ کے الیکٹرک صارفین ماہانہ ایڈجسٹمنٹ کے مسلسل بوجھ کی زد میں ہیں، ستمبر میں کراچی والے پرانی ماہانہ ایڈجسٹمٹ میں فی یونٹ ایک روپے ادا کرچکے ہیں۔

اس کے علاوہ نیپرا سے کے الیکٹرک کے لیے جولائی 2024 کی ماہانہ ایڈجسٹمنٹ کا فیصلہ ابھی آنا باقی ہے، کے الیکٹرک نے جولائی 2024 کی ایڈجسٹمنٹ میں فی یونٹ 3 روپے 9 پیسے کا اضافہ مانگ رکھا ہے،اگر قیمتوں میں من و عن اضافہ کیا جاتا ہے تو کے الیکٹرک صارفین پر 6 ارب 20 کروڑ 60 لاکھ روپے کا اضافی بوجھ پڑے گا۔اس سے قبل، نیپرا مئی اور جون کی ایڈجسٹمنٹس کی مد میں بھی کے الیکٹرک کے لیے بجلی مہنگی کر چکا ہے اور مئی اور جون کی فیول ایڈجسٹمنٹ کی مد میں بجلی کی قیمت میں 5 روپے 76 پیسے اضافہ کردیا گیا تھا۔

وزیر اعلی سندھ سید مراد علی شاہ نے کہا ہے کہ آئینی عدالت کا قیام 2024 کے پیپلزپارٹی کے منشور کا حصہ ہے.

باغی ٹی وی کی رپورٹ کے مطابق کراچی پریس کلب کے دورے کے موقع پر میڈیا سے گفتگو کرتے ہوئے مراد علی شاہ کا کہنا تھا کہ ماضی میں اس وقت کے چیف جسٹس نے پارلیمنٹ کو بلیک میل کیا اورچیف جسٹس نے دھمکی دی تھی کہ وہ پوری اٹھارہویں ترمیم کو اٹھا کر پھینک دیں گے.اس وقت بلاول بھٹو زرداری جن عدالتی اصلاحات کا ذکر کر رہے ہیں، وہ شہید بی بی کے نظریات کاحصہ ہیں۔کراچی پریس کلب کی لیز ،نئے ممبران کے پلاٹس سمیت تمام مسائل ایک ماہ کے اندر حل کرنے کی کوشش کریںگے ۔کراچی پریس کلب کے اس دورے کے موقع پر وزیر اعلی سندھ کے ہمراہ سینئر صوبائی وزیر شرجیل انعام میمن، وزیر بلدیات سعید غنی، وزیر توانائی سید ناصر حسین شاہ ، سکریٹری محکمہ اطلاعات سندھ ندیم میمن، سینیٹر وقار مہدی اور دیگر افراد بھی تھے جبکہ پریس کلب آمد پر وزیر اعلی سندھ کا خیرمقدم کراچی پریس کلب کے صدر سعید سربازی، سکریٹری شعیب احمد اور گورننگ باڈی کے ارکان نے کیا۔

پریمئم اور پرسنلائزڈ نمبر پلیٹس کا آن لائن اجرا شروع کیا جا رہا ہے،شرجیل میمن

سید مراد علی شاہ نے کہا کہ شہید بینظیر بھٹو نے 2006 میں آئینی اصلاحات کی بات کی تھی،آج جو باتیں کر رہے ہیں وہ بتائیں ایک سال پہلے کسی نے ایسی بات کی تھی وزیر اعلی نے کہا کہ ایک سال پہلے بلاول بھٹو کو پتہ بھی نہیں تھا کہ ایسا کوئی مسئلہ آئے گا، وزیراعلی سندھ نے کہا کہ کسی اور نے اگر اس معاملے کو اپنایا ہے تو الگ بات لیکن قیادت بلاول نے کی ہے۔
ایک سال کے جواب میں انہوں نے کہا کہ این ایف سی ایوارڈ پر کوئی فرق نہیں پڑے گا، اس ایوارڈ میں صوبوں کا حصہ بڑھ سکتا ہے، کم نہیں ہو سکتا، انہوں نے کہا کہ این ایف سی ایوارڈ پر ہمارے کچھ تحفظات ہیں جن کو وزیرخزانہ نے حل کرنے کی یقین دہانی کرائی ہے، ہم نے اپنے تحفظات تحریری طور پر دئیے ہیں۔وزیر اعلی نے کہا کہ سندھ اسمبلی نے کے الیکٹرک کے حوالے سے سخت موقف اپنایا تھا، ہم نے مطالبہ کیا تھا کہ کے الیکٹرک کے بورڈ میں صوبائی نمائندے کو شامل کیا جائے، انہوں نے کہا کہ پی ٹی آئی کی حکومت میں ملک کی معیشت سے کھیل کھیلا اس ملک کو سنبھلنے میں دو سال لگے ہیں ۔
انہوں نے میڈیا سے کہا کہ وہ بھی یہ معاملہ اٹھائے کہ کراچی کے عوام کی نمائندہ سندھ حکومت کو کے الیکٹرک بورڈ میں شامل کیا جائے، وزیراعلی سندھ نے کہا کہ ہمارا نمائندہ نہ ہونے کہ وجہ سے اندر کی باتوں کا پتہ نہیں چلتا۔وزیر اعلی نے کہا کہ گورنر سندھ کا سرگرم ہونا اچھی بات ہے لیکن سب کام وہ نہیں کرتے۔ایک سوال کے جواب میں انہوں نے کہا کہ کالی بھیڑیں ہر ادارے میںیہاں تک کہ صحافت میں بھی موجود ہیں۔
انہوں نے کہا کہ ڈاکٹر شاہنواز کے معاملے پر حکومت سندھ نے تحقیقات کی اور ورثا سے بات کی، حکومت نے ورثا کو کہا کہ آپ ایف آئی آر داخل کرائیں یا پھرریاست خود کرائے گی، مراد علی شاہ نے کہا کہ ڈاکٹر شاہنواز والی صورتحال نئی نہیں،یہاں ایک گورنر کو شہید کردیا گیا، وزیراعلی سندھ نے کہا کہ ہم نے آئی جی سندھ سے کہا ہے کہ حساس مقامات پر تعینات اہلکاروں کی نفسیاتی جانچ پڑتال بھی کرائی جائے۔
انہوں نے یقین دلایا کہ حکومت اس کیس کی مکمل انکوائری کرے گی ، سزا دینا عدالتوں کا کام ہے، وزیراعلی سندھ کہا کہ بہت واضح طور پر کہہ رہا ہوں کہ صوبہ سندھ مکمل وحدت کے ساتھ قیامت تک قائم رہے گا۔کراچی پریس کلب دورے کے دوران وزیراعلی سندھ کا پریس کلب کے عہدیداروں اور مجلس عاملہ سے ملاقات بھی کی ۔ کلب کے عہدیداروں سے گفتگو کرتے ہوئے سید مراد علی شاہ نے کہا کہ پریس کلب پاکستان پیپلز پارٹی کے لیے نئی جگہ نہیں ہے ۔
یہاں سے محترمہ اور بھٹو نے آمریت کے خلاف جدوجہد شروع کی تھی ۔ابھی بھی ہماری قیادت میڈیا اور اس پریس کلب کو اس نظر سے نظر دیکھتے ہیں کہ یہ ریاست کا چوتھا ستون ہے ۔انہوں نے کہا کہ میڈیا اور پریس کلبز پر بھاری ذمہ داری عائد ہوتی ہے کہ وہ لوگوں تک اصل حقائق پہنچائیں ۔انہوں نے کہا کہ پہلے صحافت کا معیار بہت بلند تھا ، اب ہر موبائل رکھنے والا صحافی ہے ۔
صحافت کے غلط استعمال سے نقصان بہت ہوتے ہیں اور اس طرح سے سب سے زیادہ نقصان خود صحافت کو ااٹھانا پڑا ہے ۔ وزیر اعلی سندھ سید مراد علی شاہ نے کہا کہ کراچی پریس کلب کی لیز ، 700 نئے اراکین کے لئے پلاٹس ، کراچی پریس کلب صحافی ہاسنگ سوسائٹی ہاکس بے میں بشمول بانڈری وال ترقیاتی کاموں اور لیز کا اجرا ، ایم ڈی اے میں صحافیوں کے لئے 80/20 کے فارمولے سمیت تمام مسائل ایک ماہ میں حل کرنے کی کوشش کریں گے۔ وزیر اعلی نے کہا کہ میں نے پریس کلب سے وعدہ کیا ہے کہ نومبر کے پہلے ہفتے میں پھر آؤں گا اور پروگریس کے ساتھ حاضر ہوں گا۔انہوں نے کہا کہ پریس کلب کے ممبران کے مسائل کے حل کے لیے جووعدہ کیا ہے وہ جلد پورا کریں گے ۔