Category: کراچی

کراچی میں آج 13 ستمبر بروز جمعہ 8 ربیع الاول کو چپ تعزیے کے جلوس نکالے جائیں گے، جس کے لئے ٹریفک پولیس کی جانب سے ٹریفک پلان جاری کردیا گیا.

باغی ٹی وی کی رپورٹ کے مطابق جلوس کے راستوں پر ٹریفک بند رہے گی۔ عوام متبادل راستے اختیار کرکے منزل تک پہنچ سکیں گے۔دوسرا جلوس دوپہر 1:00 بجے شروع ہوگا اور رات 12:00 بجے تک اختتام پذیر ہوگا۔ قانون نافذ کرنے والے ادارے اس دوران جلوس کے راستوں کو سیل کر دیں گے۔جلوس کا راستہ: رضویہ چورنگی ناظم آباد، لسبیلہ، تین ہٹی، پی آئی بی کالونی، جیل روڈ، یادگار فش موڑ جمشید روڈ اور مارٹن روڈ۔متبادل/آپریشنل روٹس: صبح 10:00 بجے سے رات 12:00 بجے تک.1. لیاری ایکسپریس وے2. شاہراہ فیصل3. ایم اے جناح روڈ4. گارڈن سے باڑہ بورڈ5. صدر کوریڈور-6. نیو ایم اے جناح روڈ سے یونیورسٹی روڈ.کسی بھی تکلیف سے بچنے کے لیے، براہ کرم متبادل راستوں کو استعمال کرنے پر غور کریں، کیونکہ اوقاتِ کار کے دوران ٹریفک کی بھیڑ متوقع ہے۔ ہم تجویز کرتے ہیں کہ ٹریفک میں ممکنہ تاخیر سے متاثر ہونے والے لوگ جلد دفتر چھوڑ دیں۔

ملکی ذخائر میں پانچ کروڑ ڈالر سے زائد کا اضافہ

کراچی تاجر اتحاد نے بجلی کی قیمت مٰیں کمی کا فیصلہ خوش آئند دے دیا

واضح رہے کہ شہرِ قائد کراچی میں جلوس کے روٹ پر پولیس اور رینجرز کی بھاری نفری تعینات ہے۔جلوس کے روٹ پر آنے والی گلیوں اور سڑکوں کو کنٹینر، بسیں اور واٹر ٹینکر لگا کر بند کیا گیا ہے۔جلوس کے روٹ کی مانیٹرنگ سی سی ٹی وی کیمروں کی مدد سے کی جا رہی ہے جبکہ بم ڈسپوزل اسکواڈ جلوس کے روٹ کی سرچنگ میں مصروف ہے۔

آل کراچی تاجر اتحاد نے آئی پی پی کی جانب سے بجلی کی قیمت مٰیں کمی کا فیصلہ خوش آئند قراردے دیا

باغی ٹی وی کی رپورٹ کے مطابق جاری بیان میں آل کراچی تاجر اتحاد کے صدر عتیق میر نے کہا ہے کہ بجلی کی قیمتوں میں کمی کے حوالے سے ایشیاء پاک انویسٹمنٹ نے انقلابی قدم اٹھایا ہے، منافع میں کمی کے اعلان سے بجلی کے صارفین کو فائدہ پہنچے گا.پاکستان میں پہلی بار نجی پاور پروڈیوسر نے بجلی کی قیمتوں میں رضاکارانہ کمی اور معاہدے پر نظر ثانی کی پیشکش مستحسن اقدام ہے .کمپنی کے سی ای او شہریار چشتی کی جانب سے صنعتی اور گھریلو صارفین کو سستے داموں بجلی کی فراہمی کی یقین دہانی حوصلہ افزاء ہے .پاکستان میں پہلی بار کسی نجی پاور پروڈیوسر کا اپنے منافع میں کمی اور معاہدے کو ڈالر سے پاکستانی روپے میں منتقل کرنے کی پیشکش سودمند ثابت ہوگی. انہوں نے کیپسٹی پیمنٹس کا ڈرامہ صریحا فراڈ ہے مکمل تحقیقات کی جائے،لبرٹی پاور کمپنی کے ان اقدامات سے دیگر پاور کمپنیاں بھی تقلید پر آمادہ ہونگی.

فوجی عدالتوں سے سزا یافتہ مجرمان کی اپیلوں پر سماعت ملتوی

صدر زرداری سے وزیرِ اعلیٰ سندھ کی ملاقات

واضح رہے کہ گزشتہ روز ملک میں پہلی آئی پی پی نے رضاکارانہ طور پر ریٹرن آن ایکیوٹی 18 فیصد سے کم کر کے 10 فیصد کرنے کا اعلان کیا تھا. کراچی میں پریس کانفرنس کرتے ہوئے سی ای او آئی پی پی عمران خان کا کہنا تھا کہ ہم ریٹرن آن ایکیوٹی کو رضا کارانہ 18 فیصد سے 10 فیصد کر رہے ہیں۔انہوں نے کہا کہ یہ رضاکارانہ فیصلہ اس لیے کر رہے ہیں کہ بجلی فروخت ایسا کاروبار بن گیا ہے کہ جس کی خریداری مشکل ہو رہی ہے۔عمران خان نے کہا کہ ہم نے اپنے نجی بجلی گھر کیلئے ڈالر کے بجائے روپے میں ریٹرن کی پیشکش کی۔ شہریار چشتی نے کہا کہ 2021 میں آئی پی پیز کے ریٹ آف ریٹرن میں 11 فیصد کمی کی گئی تھی اب وقت آگیا ہے کہ دوبارہ ایسا کیا جائے۔ سی ای او آئی پی پی عمران خان نے بتایا کہ حکومت نے آئی پی پیز سے تجاویز مانگی ہیں جبکہ ہم نے اپنی پیشکش حکومت کو بھیج دی ہے۔

اسکولوں ، مدرسوں میں بچوں کا ریپ ،ملزمان کو کیسے چھوڑ دیا جاتا ؟ سینیٹ میں آواز اٹھ گئی

اقوام متحدہ کے وفد کا تاریخی موہٹا پیلس کا دورہ کیا ہے.

باغی ٹی وی کی رپورٹ کے مطابق صوبائی وزیر ثقافت و سیاحت سید ذوالفقار علی شاہ نے وفد کا خیر مقدم کیا۔یونائیٹڈ نیشن کے 8 رکنی وفد نے محمد یحییٰ ( RCO UN Resident Coordinator & Humanitarian coordinator for pakistam) کی سربراہی میں موہٹا پیلس کا دورہ کیا اور تاریخ معلوم کی،وفد نے موہٹا پیلس کے فن تعمیر اور خوبصورتی کو سراہا،صوبائی وزیر سید ذوالفقار علی شاہ نے وفد کو موہٹا پیلس کی تاریخ سے آگاہ کیا. اس موقع پر وفد کے اراکین کا کہنا تھا کہ موہٹا پیلس شاندار تاریخ اور ثقافت کا اہم ورثہ ہے، موہٹا پیلس شاندار فن تعمیر کا ایک شاہکار ہے،سندھ کی تاریخ سے واقف ہوکر ہمیں خوشی محسوس ہوئی.
‘
حکومت سندھ نے الیکٹرک ٹیکسیاں چلانے کوشش تیز کر دی

توہین مذہب کے ملزم کو پولیس اہلکار نے گولی مار دی

صوبائی وزیر ثقافت و سیاحت سید ذوالفقار علی شاہ نے وفد کو بتایا کہ موہٹا پیلس سمیت یہاں کی تاریخی عمارتیں ماضی میں علاقے کی خوشحالی کا ثبوت ہیں، غیرملکی سیاحوں کیلئے پاکستان میں سیاحت کیلئے بیشمار مقامات موجود ہیں، ہم دنیا بھر کو سندھ کی ثقافت تاریخ سے آگاہ کرنا چاہتے ہیں.صوبائی وزیر سید ذوالفقار علی شاہ نے وفد کو تاریخی مکلی قبرستان، شاہجہان مسجد کے دورے کی دعوت دی،صوبائی وزیر سید ذوالفقار علی شاہ نے مہمانوں کو سندھی اجرک ٹوپی سمیت کنگ پریسٹ اور سنمبارا کے یادگار تحائف طور پیش کیے،

حکومت سندھ نے الیکٹرک ٹیکسیاں شروع کرنے کے لئے کوششیں تیز کردیں .

باغی ٹی وی کی رپورٹ کے مطابق سندھ کے سینئر وزیر شرجیل انعام میمن سے چینی آٹوموبائل بنانے والی کمپنی GAC اور دیوان موٹرز کے نمائندوں سے ملاقات کی،ملاقات میں سیکریٹری ٹرانسپورٹ اسد ضامن، دیوان یوسف فاروقی، چینی کمپنی GAC کے ژو سونگ، ژین وین ، ظفر حسن اور دیگر نے شرکت کی ملاقات میں چینی کمپنی جے اے سی کے جنرل منیجر ژو سونگ نے الیکٹرک وہیکلز کے حوالے سے تفصیلی بریفنگ دی اور سندھ میں الیکٹرک ٹیکسیاں متعارف کرانے کے لیے مختلف آپشنز پر تبادلہ خیال کیا گیا .

توہین مذہب کے ملزم کو پولیس اہلکار نے گولی مار دی

شگفتہ اعجاز کے شوہر یحیی صدیقی انتقال کر گئے

ملائکہ اروڑا کا اپنے والد کی مبینہ خودکشی کے بعد پہلا بیان سامنے آ گیا

سینئر وزیر شرجیل انعام میمن کی جانب سے چینی کمپنی کی سرمایہ کاری میں مکمل تعاون کی یقین دہانی کروائی گئی اور اس موقع پر شرجیل انعام میمن کا کہنا تھا کہ حکومت سندھ الیکٹرک ٹیکسیوں کے لیے تمام ضروری انفراسٹرکچر اور سہولت فراہم کرے گی، چارجنگ اسٹیشنز کا قیام، ہموار ریگولیٹری عمل کو یقینی بنانا، اور سرمایہ کاروں کے لیے کاروبار کے لیے سازگار ماحول کو حکومت سندھ یقینی بنائے گی.الیکٹرک ٹیکسیوں کے متعارف ہونے سے نہ صرف لوگوں کو محفوظ اور جدید سفری سہولیات میسر آئیں گی بلکہ کاربن کے اخراج کو کم کرکے ماحول کے تحفظ میں بھی مدد ملے گی، نئی ٹیکسی سروس شروع ہونے سے روزگار کے نئے مواقع بھی پیدا ہونگے اور خواتین مسافروں کے لیے محفوظ اور قابل اعتماد سفر کے لئے پنک ٹیکسی سروس شروع کی جائے گی،حکومت سندھ کا مقصد ان الیکٹرک ٹیکسیوں کو جلد از جلد شروع کرنا ہے، تاکہ شہری جدید ترین، ماحول دوست سفری سہولت سے مستفید ہوں.

ملک میں پہلی آئی پی پی نے رضاکارانہ طور پر ریٹرن آن ایکیوٹی 18 فیصد سے کم کر کے 10 فیصد کرنے کا اعلان کردیا۔

باغی ٹی وی کی رپورٹ کے مطابق کراچی میں پریس کانفرنس کرتے ہوئے سی ای او آئی پی پی عمران خان کا کہنا تھا کہ ہم ریٹرن آن ایکیوٹی کو رضا کارانہ 18 فیصد سے 10 فیصد کر رہے ہیں۔انہوں نے کہا کہ یہ رضاکارانہ فیصلہ اس لیے کر رہے ہیں کہ بجلی فروخت ایسا کاروبار بن گیا ہے کہ جس کی خریداری مشکل ہو رہی ہے۔عمران خان نے کہا کہ ہم نے اپنے نجی بجلی گھر کیلئے ڈالر کے بجائے روپے میں ریٹرن کی پیشکش کی۔ شہریار چشتی نے کہا کہ 2021 میں آئی پی پیز کے ریٹ آف ریٹرن میں 11 فیصد کمی کی گئی تھی اب وقت آگیا ہے کہ دوبارہ ایسا کیا جائے۔ سی ای او آئی پی پی عمران خان نے بتایا کہ حکومت نے آئی پی پیز سے تجاویز مانگی ہیں جبکہ ہم نے اپنی پیشکش حکومت کو بھیج دی ہے۔

واضح رہے کہ گزشتہ مالی سال کی آخری سہ ماہی ایڈجسٹمنٹ کے تحت کراچی سمیت ملک بھر کے صارفین کیلئے فی یونٹ بجلی ایک روپے 74 پیسے مہنگی کر دی گئی، نیپرا نے نوٹیفکیشن جاری کر دیا۔نیشنل الیکٹرک پاور ریگولیٹری اتھارٹی (نیپرا) کے نوٹیفکیشن کے مطابق بجلی اپریل تا جون 2024 کی سہ ماہی ایڈجسٹمنٹ کی مد میں مہنگی کی گئی ہے۔اعلامیے کے مطابق کراچی سمیت ڈسکوز کے صارفین، ستمبر اکتوبر اور نومبر میں ہر ماہ ایک روپے 74 پیسے فی یونٹ اضافی ادا کریں گے۔ صارفین پر 18 فیصد جی ایس ٹی سمیت 51 ارب روپے کا اضافی بوجھ پڑے گا۔

ایم کیو ایم کے رہنما سید مصطفی کمال نے کہا ہے کہ وقت ملک میں پنجے گاڑے سیاسی بحران کی اصل وجہ نام نہاد اور خود ساختہ پھیلایا ہوا مقبول بیانیہ ہے.

باغی ٹی وی کی رپورٹ کے مطابق متحدہ قومی موومنٹ پاکستان کے سینئر رہنماء و رُکن قومی اسمبلی سیّد مصطفیٰ کمال نے قومی اسمبلی میں اپنے خیالات کا اظہار کرتے ہوئے کہنا تھا کہ گزشتہ شب ہونے والے ہنگامے پر اِسپیکر صاحب کی جانب سے دیا جانے والا ردِعمل اور ریمارکس لائقِ تحسین ہیں جس پر بجا طور یہ کہنا ہوگا کہ آپ نے اپنی کرسی کا حق ادا کر دیا،بد قسمتی سے پاکستان میں المیہ یہ ہے کہ اس تاثر کو ہوا دی جاتی ہے کہ جب تک اسٹیبلشمنٹ یا مقتدرہ حلقوں کے لئے نازیبا الفاظ استعمال نہیں کئے جائیں تب تک عوام جمع نہیں ہو سکتی اس وقت ایوان میں ہونے والی ایک دوسرے کو قبول کرکے ملک چلانے کی گفتگو کسی شہ سرخی کا حصّہ نہیں بنے گی سوشل میڈیا پر پر بیٹھے نام نہاد پیشہ ور نقاد توڑ مروڑ کے آپ کے بیانیے کو غلط ثابت کریں گے، سیاسی شخصیات نے اپنی ناعاقبت اندیشی میں نوجوانوں کو اتنا ورغلا دیا کہ جب تک آپ کا بیانیہ اینٹی اسٹیبلشمنٹ نہیں ہوگا وہ آپ کی مثبت بات کو قبول نہیں کریں گے، تمام سیاسی اور جمہوری قوتوں کو یہ سوچنا ہوگا کہ کب تک ایسے شیر پر سواری کی جائے گی جس پر سے اترتے ہی کھائے جانے کا خدشہ زہن پر سوار ہو؟؟

سیّد مصطفیٰ کمال نے مزید اظہارِ خیال کرتے ہوئے کہا کہ ملکی سالمیت پر مامور اداروں کے خلاف ہرزہ سرائی سے روکے جانے پر ایجنٹ کہا جاتا ہے، اس قومی ایوان میں بیٹھے ہر شخص کی زمہ داری ہے کہ وہ زاتی اور اپنے لیڈر کے مفاد سے بالاتر ہوکر ملکی اور عوامی معاملات پر بھی بحث کرے، سیّد مصطفیٰ نے مزید کہا کہ ہمارا مطالبہ ہے کہ حکومتی بینچوں پر بیٹھے لوگ پی ٹی آئی کے درد کو سمجھتے ہوئے درگزر کا معاملہ کیا کریں حزبِ اختلاف کو ایوان میں اپنی کارکردگی بھی دکھانی ہوتی ہے اس وقت پی ٹی آئی کے دوست کُچھ مجبوریوں کا شکار ہیں جن کو سمجھتے ہوئے ہمیں اُن سے ہمدردانہ رویہ اختیار کرنے کی ضرورت ہے۔

سینئر رکن ایم کیو ایم نسرین جلیل نے کہا ہے کہ پارٹی کے حق پرستی پر مبنی نظریہ سے متاثر ہوکر پاکستان کے عوام جوق در جوق شمولیت اختیار کر رہے ہیں.

باغی ٹی وی کی رپورٹ کے مطابق متحدہ قومی موومنٹ پاکستان کے مرکزی انتخابی دفتر پاکستان ہاؤس میں ایک اہم پریس کانفرنس کے ذریعے مرکزی کمیٹی کی سینئر رکن نسرین جلیل نے کہا کہ ایم کیو ایم کے حق پرستی پر مبنی نظریہ سے متاثر ہوکر پاکستان کے عوام جوق در جوق شمولیت اختیار کر رہے ہیں ہمارے لیے آج کا دن اہم ہے،ایم کیو ایم کے 28 جولائی کے کامیاب یوتھ کنونشن کے بعد پاکستان کے عوام میں ایک نئی امید جاگی ہے اور پاکستان کے عوام ایم کیو ایم کی جانب دیکھ رہے ہیں کیونکہ ایم کیو ایم ہی واحد امید کی کرن ہے اس ملک میں جو جاگیردارانہ نظام کیخلاف سیسہ پلائی دیوار ہے اور ہم چاہتے ہیں کہ اب قابل اور پڑھے لکھے لوگ پاکستان کی باگ دوڑ سنبھالیں۔انہوں نے کہا کہ ہمارے جلسے میں ہزاروں کی تعداد میں مرد اور خواتین شرکت کرتے ہیں،ایم کیو ایم کے جلسوں کی جو خاص بات ہے وہ ہماری جماعت کا نظم وضبط ہے جس کی مثال آج بھی مخالفین دیتے ہیں اور آج اسی نظم وضبط اور تنظیم کے حق پرستانہ نظریہ سے متاثر ہو کر علاقائی سطح پر مرد اور خواتین پارٹی میں شمولیت اختیار کر رہے ہیں اور آج بھی ایک ایسی شخصیت ایم کیو ایم میں شامل ہورہی ہیں،آج ایم کیو ایم میں فوزیہ خان ،شبانہ نور و دیگر شمولیت اختیار کررہی ہیں،ایم کیو ایم تمام شمولیت اختیار کرنے والوں کو خوش آمدید کہتی ہے اور ہم چاہتے ہیں خواتین اس ملک کی ترقی و خوشحالی میں کردار ادا کریں۔اس موقع پر حق پرست اراکین اسمبلی و دیگر ذمہ داران بھی موجود تھے۔

پریس کانفرنس سے گفتگو کرتے ہوئے فوزیہ خان نے کہا کہ میں بہت خوش قسمت محسوس کر رہی ہوں کہ میں ایم کیو ایم کا حصہ بنی ہوں،ایم کیو ایم وہ واحد جماعت ہے جو خواتین کی عزت کرنا جانتی ہے،ایم کیو ایم کے فکر و فلسفہ سے متاثر ہو کر اس میں شمولیت اختیار کی ہے اور اب ایم کیو ایم کے ساتھ ہی جڑ کر ایم کیو ایم کا پیغام عام کریں گے۔

کراچی کے علاقے شاہ فیصل کالونی تین نمبر میں بلڈنگ میں آگ لگنے سے ایک شخص جاں بحق ہوگیا۔

باغی ٹی وی کو موصول اطلاعات کے مطابق فائر بریگیڈ حکام کے مطابق جائے حادثہ پر 5 گاڑیاں آگ پر قابو پانے کے عمل میں حصہ لیا۔فائر بریگیڈ حکام کا مزید کہنا ہے کہ دکان میں غیر قانونی منی پیٹرول پمپ قائم تھا، آگ نے متصل دکانوں کو بھی لپیٹ میں لیا۔ آگ لگنے سے متعدد موٹرسائکلیں بھی جل گئیں۔سینئر سپرنٹنڈنٹ آف پولیس (ایس ایس پی) کورنگی توحید رحمان کا کہنا ہے کہ متاثرہ عمارت سے ایک شخص کو زخمی حالت میں نکالا گیا جو دوران علاج دم توڑ گیا۔ فوری طور پر اس کی شناخت نہیں ہوسکی۔

توحید رحمان کے مطابق اطلاعات ہیں کہ ایک لڑکے نےجلتی سگریٹ قریب پھینکی تھی، جس کے باعث پیٹرول پمپ میں آگ لگی۔ایس ایس پی کا کہنا ہے کہ ابتدائی اطلاع کے مطابق بلڈنگ کے نیچے گاڑیوں کے آئل کی دکان تھی۔دستاویز کے مطابق ضلعی انتظامیہ نے 30 جولائی 2024 کو پیٹرول پمپ کےلئے این اوسی جاری کیا تھا۔

کےالیکٹرک کے زیر انتظام علاقوں میں کرنٹ لگنے سے 33 شہریوں کی اموات پر جرمانہ کیا گیا ہے۔ ترجمان کےالیکٹرک کا کہنا ہے کہ فیصلے کے جائزہ کے بعد آگے کا لائحہ عمل طے کیا جائے گا۔

باغی ٹی وی کی رپورٹ کے مطابق اسلام آباد میں نیپرا نے کےالیکٹرک پر 1 کروڑ روپے کا جرمانہ کرتے ہوئے آرڈر جاری کر دیا۔ نیپرا نے جاری شوکاز میں کےالیکٹرک کا جواب مسترد کر دیا۔نیپرا کے حکم میں کہا گیا ہے کہ کےالیکٹرک 15روز میں جرمانے کی رقم نیپرا کے نامزد کردہ بینک میں جمع کرائے۔نیپرا نے تمام متاثرہ خاندانوں کو 35، 35 لاکھ روپے معاوضہ ادا کرنے کا بھی حکم دیا۔ کےالیکٹرک کو متاثرہ خاندان کے ورثاء کو ملازمت دینے کی بھی ہدایت کی گئی۔نیپرا نے کہا اگست 2023 میں کےالیکٹرک کو شوکاز جاری کیا تھا۔

نیپرا نے کہا کےالیکٹرک شوکاز کےجواب پر نیپرا کو مطمئن نہیں کرسکا۔ کےالیکٹرک کے زیرانتظام علاقوں میں سال 23-2022 میں 33 شہریوں کی اموات ہوئی تھیں۔ نیپرا نے مزید کہا کےالیکٹرک، نیپرا قوانین پر عمل درآمد کرانے میں ناکام رہا۔ترجمان کے الیکٹرک کا کہنا ہے کہ اتھارٹی کے فیصلے کے جائزہ کے بعد آگے کا لائحہ عمل طے کیا جائے گا۔