Category: کراچی

وزیر اعلیٰ سندھ سید مراد علی شاہ کا بابائے قوم قائد اعظم محمد علی جناح کی 148 ویں برسی کے موقع پر پیغام مٰیں کہا ہے کہ قائد اعظم نے حکومت برطانیہ سے برصغیر کے مسلمانوں کے لیے ایک الگ ملک کے مطالبہ کو منوایا.

باغی ٹی وی کی رپورٹ کے مطابق وزیر اعلیٰ سندھ سید مراد علی شاہ نے گورنر سندھ اور صوبائی کابینہ کے اراکین کے ساتھ مزارِ قائد پر حاضری اور میڈیا سے گفتگو مٰیں کہا کہ بابائے قوم نے جس مقصد کے لیے اس مملکتِ عظیم کی بنیاد رکھی ، ہم اسی شاہراہ کے مسافر ہیں، قائد اعظم ایک کرشماتی شخصیت کے مالک تھے انہوں نے ایک ایسی سر زمین کی بنیاد رکھی جہاں تمام مذاہب کے پیرو کاروں کو مذہبی حقوق و آزادی حاصل ہیں، مساواتی ریاست کا قیام قائد اعظم کا ایک عظیم کارنامہ ہے.آج دہشتگردی کیخلاف ہم سب کو یک جان ہوکر اس ملک کی حفاظت کرنا ہوگی،یہ ملک ہمیں بڑی قربانیوں کے بعد نصیب ہوا ہے.ہم اس مملکت عظیم میں آزاد فضا میں سانس لے رہے ہیں.

وزیر اعلیٰ سندھ نے مزید کہا کہ ہمیں اگلی نسل کو اس ملک کی تعمیر و ترقی میں کردار ادا کرنے کے لیے تیار کرنا ہے، ہمیں مستقبل کے معماروں کو جدید دنیا کے تقاضوں کے مطابق ڈھالنا ہے،قائد اعظم کے حقیقی خواب کی تعبیر ہمیں ہی کرنا ہے،ہمیں سب سے پہلے پاکستانی بن کر سوچنا ہوگا، اقلیت و اکثریت ، ریاست کی نظرمیں سب برابر ہیں.ہمارے مفاد یکساں ہیں ، ہماری منزل ایک ہے، وہ ہے پاکستان کی ترقی و خوشحالی.قائداعظم نے قلم کو بڑا ہتھیار قرار دیااور اُس کی طاقت سے ہمیں یہ ملک عظیم بخشا.ہم ہمیشہ بابائے قوم کے احسان مند رہیں گے.آئیں!پاکستان کے حقیقی خواب کی تعبیر کریں، اسے مل کر سنواریں

قائد حزب اختلاف سندھ علی خورشیدی نے قائداعظم کے یوم وفات کے موقع پر متحدہ قومی موونٹ پاکستان کے اراکین سندھ اسمبلی کے ہمراہ مزار قائد پر حاضری دی اور فاتحہ خوانی کی.

باغی ٹی وی کی رپورٹ کے مطابق علی خورشیدی نے مزار قائد پر حاضری کے موقعے پر کہا کہ بابائے قوم قائداعظم محمد علی جناح کو ان کی 76 ویں برسی کے موقع پر خراج عقیدت پیش کرتے ہیں، اپوزیشن لیڈر قائد اعظم نے 14 اگست 1947 کو ایک سیاسی معجزہ کرکے دکھایا،آج کے دن ہمیں قائد اعظم کی تعلیمات اور ریاستِ پاکستان کیلئے اُن کے وژن کو سمجھنے کی ضرورت ہے،قائد اعظم محمد علی جناح کا وژن ہی ہمیں ایک خودار قوم بنا سکتا ہے.

واضح رہے کہ ہندوستان کے مسلمانوں کے لیے الگ ریاست قائم کر کے برصغیر کا نقشہ تبدیل کر کے انگریز اور کانگریس کو تنہا شکست دینے والی تاریخ ساز شخصیت قائدِ اعظم محمد علی جناح کی آج 76 ویں برسی منائی جا رہی ہے۔قائدِ اعظم محمد علی جناح کا انتقال 11 ستمبر 1948ء کو کراچی میں ہوا اور آج ان کی 76 ویں برسی منائی جا رہی ہے۔

کراچی: بابائے قوم قائد اعظم محمد علی جناح کی 76 ویں برسی پر وزیر اعلیٰ سندھ مرادعلی شاہ اور گورنر سندھ کامران ٹیسوری نے مزار قائد پر حاضری دی –

باغی ٹی وی :وزیر اعلیٰ سندھ مراد علی شاہ اور گورنر سندھ کامران ٹیسوری نے بابائے قوم کے مزار پر پھول چڑھائے اور فاتحہ خوانی کی، وزیر اعلیٰ سندھ کے ہمراہ کابینہ کے اراکین نے بھی مزار پر حاضری دی، وزیر اعلیٰ سندھ اور گورنر سندھ نے مہمانوں کی کتاب میں تاثرات بھی قلمبند کیے ، وزیر اطلاعات سندھ شرجیل میمن، وزیر داخلہ ضیاء لنجار سمیت دیگر اراکین وزیر اعلیٰ سندھ کے ہمراہ ہیں۔

گورنرسندھ کامران ٹیسوری نے کہا کہ ہمیں قائد اعظم کے نقش قدم پر چلنے کی ضرورت ہے، ہم آج شرمندہ ہیں کیونکہ اس ملک میں 9 مئی جیسے واقعات رونما ہوتے ہیں، قائد اعظم نے اس مقصد کے لیے ملک حاصل نہیں کیا، ایک سیاسی جماعت کے رہنماؤں کی گفتگو اور رویہ انتہائی نامناسب ہے، مخصوص سیاسی جماعت کے بیانیے سے پاکستان کی ساکھ متاثر ہوئی، اس ملک میں بیرونی طاقتوں کا بیانیہ فروخت ہورہا ہے، خریدار خرید رہے ہیں، قوم کو نفرت کا بیانیہ بیچنے والوں کو پہچاننا ہوگا، 24 کروڑ عوام معاشی بحران میں پھنسے ہوئے ہیں، سیاسی جماعت کے نعرے اور بیانیے پر غور کریں تو لگتا ہے یہ پاکستان میں نہیں کھڑے ہوئے۔

وزیراعلیٰ سندھ مراد علی شاہ نے کہا کہ آج گورنر صاحب،کابینہ کے ساتھ قائد کے مزار پر خراج عقیدت پیش کرنے حاضر ہوا ہوں، قائد ا عظم محمد علی جناح نے ہمیں پیارا ملک پاکستان دیا، قائد اعظم کے وژن پر عمل کرتے ہوئے آگے بڑھنے کی ضرورت ہے، ملک کو اس جگہ لے کر جائیں گے جس کا خواب علامہ اقبال نے دیکھا، ملکی حالات پر گورنر سندھ نے تفصیل سے روشنی ڈالی ہے، اللہ اس ملک کی لیڈر شپ کو طاقت دے کہ وہ سیاسی اور معاشی مشکلات سے مقابلہ کرسکیں۔

مرادعلی شاہ نے مزید کہا کہ بھارت کشمیری بھائیوں پر مسلسل ظلم و بربریت کررہا ہے، ہر پاکستانی مظلوم کشمیری عوام کے ساتھ کھڑا ہے، فلسطین میں اسرائیلی بربریت جاری ہے جس کی شدید مذمت کرتے ہیں، عالم اسلام کو متحد ہونا ہوگا، متحد ہوکر عالم اسلام مسلمان مخالف قوتوں کا مقابلہ کریں، اپنی ذاتی رنجشوں کو پیچھے رکھ کر ملکی مسائل کو حل کریں۔

ان کا کہنا تھا کہ ملکی صورتحال پرذاتی رنجشیں ختم کرکےآگےبڑھنا چاہیئے، ملکی صورتحال کا مقابلہ کرنے کے لیے سب کو متحدہ ہونا چاہیئے، منتخب وزیراعلیٰ نے جو زبان استعمال کی صرف ایک شخص ان کے ساتھ ہے، 2018 میں جس کو حکومت دلائی گئی وہ صرف ملک کونقصان پہنچانا چاہتا ہے، مخصوص شخص کے اقدامات کی جتنی مذمت کی جائے کم ہے، یو اے ای سفیر سے سرمایہ کاری سے متعلق بات چیت ہوئی ہے، بیرون ملک جانے والے سب سےپہلے ملک کی عزت کا خیال رکھیں۔

بانی پاکستان قائداعظم محمد علی جناح کی آج 76 ویں برسی منائی جا رہی ہے، سرکاری اور نجی سطح پر مختلف تقریبات کا اہتمام کیا جائے گا، ہزاروں افراد آج ان کے مزار پر حاضری دے رہے ہیں اور فاتحہ خوانی کررہے ہیں۔

باغی ٹی وی :قائد اعظم محمد علی جناح 25 دسمبر 1876 میں کراچی میں پیدا ہوئے۔ انہوں نے ابتدائی تعلیم کا آغاز 1882 میں اپنے آبائی شہر سے کیا۔ اور 1893 میں اعلیٰ تعلیم کے حصول کے لئے انگلینڈ چلے گئے۔ 1896 میں قائد اعظم نے بیرسٹری کا امتحان پاس کیا اور وطن واپس لوٹ آئے،محمد علی جناح پیشے کے لحاظ سے وکیل تھے۔ اور وطن واپسی کے کچھ عرصہ بعد ہی قائداعظم کا شمار برصغیر کے مایہ ناز قانون دانوں میں کیا جانے لگا تھا۔

قائد اعظم محمد علی جناح نے ہندوستان کے مسلمانوں کیلئے الگ ریاست قائم کرکے برصغیرکا نقشہ تبدیل کر کے انگریز اور کانگریس کو تنہا شکست دی، قائد اعظم محمد علی جناح نے گاندھی اور نہرو جیسے گھاگ سیاستدانوں کو سیاسی میدان میں مات دی، لارڈ ماؤنٹ بیٹن کے عزائم کے سامنے سیسہ پلائی دیوار بنے رہے، اپنوں کے گِلے دور کئے اور انہیں پاکستان کی جدوجہد میں شامل کیا۔

برصغیر واپسی کے بعد قائداعظم نے سیاست میں باضابطہ طور پر حصہ لیا اور 1906 میں انڈین نیشنل کانگریس میں شمولیت اختیار کی۔ کانگریس کا حصہ بننے کے بعد انہیں اندازہ ہوا کہ یہ جماعت برصغیر کے تمام باسیوں کی نہیں بلکہ صرف ہندوؤں کی نمائندہ جماعت ہے۔

قائداعظم نے 1913 میں آل انڈیا مسلم لیگ میں شمولیت اختیار کی مگر امید کا دامن نہ چھوڑا اور کانگریس کے ساتھ بھی کام کرتے رہے لیکن جب احساس ہوا کہ بٹوارے کے بغیر کوئی چارہ نہیں تو مسلمانوں کیلئے علیحدہ ریاست کیلئے دن رات ایک کردیا کانگریس کی ہندو نواز پالیسیوں سے تنگ آکر بالآخر 1920 میں قائداعظم نے کانگریس کو خیرآباد کہہ دیا اور آخری سانس تک مسلمانوں کی نمائندہ جماعت مسلم لیگ سے وابستہ اختیار کر لی۔

اسی جماعت کی چھتری تلے ہی قائداعظم نے برصغیر کے مسلمانوں کے لیے علیحدہ وطن حاصل کیا قیام پاکستان کے بعد قائداعظم اس پاک وطن کے پہلے گورنر جنرل بنے۔ اور 11 ستمبر 1948 میں وفات تک اس عہدے پر تعینات رہے۔

قائد اعظم محمد علی جناح جنہوں نے برصغیر کے مسلمانوں کو علیحدہ وطن دِلایا۔آزادی کے بعد بکھرے ہوئے پاکستان کو مستحکم کرنے کیلئے قائداعظم نے آخری حد تک کوششیں کیں لیکن زندگی نے زیادہ موقع نہ دیا،پاکستان کے لیے بہت کچھ کرنے کے خواہش مند تھے۔ لیکن ان کی بیماری نے ان کے تعمیری منصوبوں کو پایہ تکمیل تک نہ پہنچنے دیا۔

اپنی وفات سے پہلے قوم کے نام پیغام میں مستقبل کا راستہ، قائد اعظم نے ان الفاظ میں بیان کیا کہ "آپ کی مملکت کی بنیاد رکھ دی گئی ہے، اب آپ کا فرض ہے کہ اس کی تعمیر کریں قائداعظم محمد علی جناح کا انتقال 11 ستمبر 1948 کو کراچی میں ہوا اور آج ان کی 76 ویں برسی منائی جا رہی ہے،قائد اعظم کی برسی کے موقع پر ان کے مزار پر قرآن خوانی ہوگی، بانی پاکستان کی برسی کے موقع پر بدھ کو مزار قائد پر گورنر سندھ، وزیراعلیٰ سندھ۔ مسلح افواج کے نمائندے،وفاقی وزیر پورٹ اینڈ شپنگ، میئر سمیت سول و عسکری حکام حاضری دیں گے اور فاتحہ خوانی کریں گے-

صوبائی مشیر برائے ماہی گیری و لائیو اسٹاک سید نجمی عالم نے کہا ہے کہ ہمیں سندھ کے غریب عوام کی خدمت کے جذبے کے ساتھ آگے بڑھنا ہے جس کیلئے محکمہ لائیو سٹاک کے افسران اور ڈاکٹرز اپنی خدمات صرف ان کیلئے وقف کرنا ہونگی۔

باغی ٹی وی کی رپورٹ کے مطابق اس بات کا اظہار انھوں نے منگل کو اپنے دفتر میں سندھ کے تمام اضلاع میں تعینات ڈپٹی ڈائریکٹرز لائیو اسٹاک اینیمل ہسبنڈری کے ساتھ کارپٹ ویکسین کے حوالے سے ایک اہم اجلاس کی صدارت کرتے ہوئے کیا۔ اجلاس میں سندھ کے ہر ضلع کے ڈپٹی ڈائریکٹر نے صوبائی مشیر کو سندھ کے مویشیوں کو مختلف بیماریوں سے بچانے کیلئے گزشتہ بارشوں میں رین ایمرجنسی کیمپوں میں استعمال ہونے والی ویکسین، اسپتال اسٹرکچر اور ویکسین کے بارے میں بریفنگ دی۔ اس موقع پر صوبائی مشیر نے تمام ڈپٹی ڈائریکٹرز کو ہدایت کی کہ وہ ویٹرنری ہسپتال کی عمارتوں اور سولر تنصیبات کی تعمیر کے منصوبوں کے حوالے سے اپنی تجاویز ارسال کریں تاکہ ہم محکمہ لائیو سٹاک میں آئندہ نئے پراجیکٹس سے انہیں یہ سہولیات فراہم کرنے کی کوششیں کریں۔

صوبائی مشیر نے کہا کہ ہمیں 20 جانور رکھنے والے سندھ کے مویشی فارمز کی رجسٹریشن کا کام کرنا ہے تاکہ ہم ان کے جانوروں کی خدمت کر سکیں۔ انہوں نے کہا کہ سندھ کے کاشتکاروں کو مویشیوں کے چارے کے بارے میں آگاہی مہم شروع کرنے کی ضرورت ہے جس سے دودھ اور گوشت میں اضافہ ہوگا۔

کراچی: ایس پی گلشن سید عبدالرحمٰن کی زیرِ صدارت عید میلادالنبی ﷺ کے مرکزی جلوس کی سیکیورٹی کے حوالے سے میٹنگ منعقد ہوئی۔

باغی ٹی وی کی رپورٹ کے مطابق میٹنگ میں اہلِ سنت والجماعت کے علماء کرام، جلوسوں کے منتظمین اور گلشن ڈویژن کے افسران نے شرکت کی۔علماء کرام اور جلوسوں کے منتظمین نے اپنے اپنے سیکیورٹی مسائل سے ایس پی گلشن کو آگاہ کیا۔ایس پی گلشن نے ایس ایچ اوز کو ہدایت کی کہ ماہِ ربیع الاول کے جلوسوں کو فل پروف سیکیورٹی فراہم کی جائے۔ایس پی گلشن نے میٹنگ کے شرکاء کو یقین دلوایا کہ ڈسٹرکٹ ایسٹ پولیس چوبیس گھنٹے آپ سے رابطے میں رہے گی۔