Category: کراچی

کراچی کے حلقہ پی ایس 106 میں جلسے سے خطاب کرتے ہوئے پیپلزپارٹی کے امیدوار سعید غنی نے کہا کہ 1988ء سے اس نشست پر پیپلز پارٹی کبھی نہیں جیتی، 2017ء کے ضمنی انتخاب میں پہلی بار پیپلز پارٹی جیتی، 1988ء سے اس حلقے سے جو بھی جیتا ہے وہ وزیر بنا لیکن حلقے کی حالت سے نہیں لگتا تھا کہ یہ وزیروں کا حلقہ ہے۔ سعید غنی نے اپنے حلقے میں میڈیا سے گفتگو کرتے ہوئے کہا کہ یہ حلقہ جب ایم کیو ایم، مسلم لیگ اور مروت کا گڑھ تھا، میں تب یہاں سے جیتا تھا۔اُنہوں نے کہا کہ حلقے میں 5 لالھ لوگ ہیں، کوئی ایک لے آئیں جو کہے کہ میں نے اس سے بدتمیزی کی ہو، ہم نے اپنے حلقے والوں کو اپنے گھر کے فرد کی طرح سمجھا ہے، جو غنڈہ گردی بدمعاشی ہم نے یہاں ختم کی ہے اسے دوبارہ یہاں نہیں آنے دیں گے۔ سعید غنی نے کہا کہ گزشتہ 5 برسوں میں یہاں بہت سے مسائل تھے، اس علاقے میں پانی کا سب سے زیادہ مسئلہ تھا، ہم نے محمودآباد کے حلقے کے 80 سے 85 فیصد مسائل حل کر لئے ہیں، اپنے دور حکومت میں 3 پانی کے مںصوبے مکمل کرائے، ایسے ایسے گھروں میں بھی پانی لائے جہاں لوگ ناامید ہوگئے تھے۔سابق صوبائی کا کہنا تھا کہ ہم نے اپنے دور میں ایک اسپتال کو مکمل کرایا جو نشئی افراد کا مسکن بنا ہوا تھا، ٹیکنیکل کالج کو دوبارہ بنوایا، محمود آباد نالے کے ساتھ ایک بھی گھر نہیں ٹوٹنے دیا، جن علاقوں میں سیوریج لائنوں کا کام ہورہا ہے وہاں سڑکیں ٹوٹی ملیں گی، باقی جہاں کام مکمل ہوچکا ہے وہاں سڑکیں بنادی ہیں، ایک فٹ بال اسٹیڈیم بنا رہے ہیں، جو مسائل حل کرنے کا بیڑا اٹھایا ہے وہ کرتے رہیں گے۔اُنہوں نے مزید کہا کہ 2018ء میں میڈیا نے ٹوٹی پھوٹی سڑکیں دکھائیں تو میں نے کہا 5 سال بعد آ کر یہ حلقہ دیکھیں۔ سعید غنی نے یہ بھی کہا کہ دعویٰ کر سکتا ہوں کہ 80 فیصد تک اس حلقے کے مسائل حل کیے ہیں۔پیپلزپارٹی کا کہنا تھا کہ یہ شریفوں کا علاقہ ہے، دھمکیاں دینے والا آپ کی نمائندگی کرنے کا حق رکھتا ہے، عرفان اللہ مروت کو ووٹ مانگنے کا حق ہے، لیکن آپ لوگوں کو دھمکیاں دیتے ہیں یہ اچھی بات نہیں ہے، اگر تم کو اسٹیبلشمنٹ جیتوائے گی تو ووٹ مانگنے کیوں آتے ہو۔

کراچی میں ڈینسو ہال میں پریس کانفرنس کرتے ہوئے مرتضیٰ وہاب نے کہا کہ اس وقت ہم لوگ کے ایم سی کی تاریخی عمارت میں موجود ہیں، ڈینسو ہال کا قیام 1886ء میں ہوا تھا۔ میئر کراچی نے کہا کہ کچھ فیصلے ہم نے کے ایم سی میں کیے ہیں، وسیم اختر کے آخری سال کے ایم سی کی آمدنی 1.2 ارب روپے سالانہ تھی ہمارے دور میں ماہانہ آمدنی تقریباً 200 ملین ہوئی ۔ سال 2023 کے پہلے چھ ماہ میں 580 ملین کی آمدنی ہوئی، اگلے پانچ ماہ یکم جولائی سے 30 نومبر تک کے ایم سی کی آمدنی 1 ارب روپے ہوئی۔مرتضیٰ وہاب نے کہا کہ 980 ملین روپے ہم نے اپنے ذرائع سے اکٹھے کیے، ہم ٹیکسیشن کے نظام کو بہتر بنائیں گے۔مرتضیٰ وہاب نے کہا کہ پرامید ہیں اگلے چھ ماہ میں آمدنی میں مزید اضافہ کریں گے۔ان کا کہنا تھا کہ کے ایم سی جو پیسہ اکٹھا کرے گی اس کا فیصلہ منتخب کمیٹی کرے گی میئر کراچی نے کہا کہ کچھ فیصلے ہم نے کے ایم سی میں کیے ہیں، وسیم اختر کے آخری سال کے ایم سی کی آمدنی 1.2 ارب روپے سالانہ تھی۔مرتضیٰ وہاب نے کہا کہ 980 ملین روپے ہم نے اپنے ذرائع سے اکٹھے کیے، ٹیکسیشن کے نظام کو بہتر بنائیں گے۔

ڈکیتی، اسٹریٹ کرائم، منشیات فروشی اور جرائم پیشہ افراد کے خلاف 708 آپریشنز میں 2292 ملزمان کو گرفتار کیا گیا، ڈکیتیوں کے خلاف 135 آپریشنز میں 524 ڈکیتوں کو گرفتار کیا گیا، منشیات فروشی کے خلاف 96 آپریشنز میں 474 منشیات فروشوں کو، جرائم پیشہ افراد کے خلاف477 آپریشنز میں 1294ملزمان کو گرفتار کیا گیا اور دیگر کارروائیوں میں 79ہائی پروفائل ڈکیت، منشیات فروش اور جرائم پیشہ ملزمان کو بھی گرفتار کیا گیا۔ سندھ رینجرز کی 2023ء میں کارکردگی کی رپورٹ جاری کی جس کے مطابق ترجمان رینجرز کا کہنا ہے کہ رینجرز اور پولیس نے سندھ بھر میں دہشت گردی، ٹارگٹ کلنگ، اغواء برائے تاوان اور بھتہ خوری کے خلاف مشترکہ 163 آپریشنز کیے، کارروائیوں میں 197ہائی پروفائل ملزمان کو گرفتار کیا گیا۔ترجمان نے بتایا ہے کہ گرفتار ملزمان میں کالعدم ٹی ٹی پی، کالعدم بی ایل اے، بی ایس این، لشکرِ جھنگوی، آئی ایس آئی ایس، ایم کیو ایم (لندن) اور لیاری گینگ وار کے دہشت گرد شامل تھے۔رینجرز کے ترجمان کا کہنا ہے کہ دہشت گردی کے خلاف 109 آپریشنز میں151 دہشت گردوں کو اور ٹارگٹ کلنگ کے خلاف 19 آپریشنز میں11 ٹارگٹ کلرز کو گرفتار کیا گیا جبکہ بھتہ خوری کے خلاف 32 آپریشنز میں کالعدم تنظیموں کے 30 بھتہ خوروں کو گرفتار کیا، اغواء برائے تاوان کے خلاف 3 آپریشنز میں 5 اغواء کاروں گرفتار جبکہ مختلف کارروائیوں میں 34 ہتھیار اور مختلف اقسام کے 235 ایمونیشن برآمد کیا گیا۔سندھ رینجرز کے ترجمان کا کہنا ہے کہ کراچی اور اندرونِ سندھ 1 لاکھ 68 ہزار 552 کلو گرام منشیات برآمد کی گئی، غیر قانونی ذخیرہ اندوزوں کے خلاف27 آپریشنز میں 3.33 بلین مالیت کی اشیاء برآمد کی گئیں، کارروائی میں چینی، سگریٹ، کپڑا، کنفیکشنری آئٹمز، ایرانی کمبل اور مختلف اشیائے خور و نوش برآمد کی گئیں۔ سندھ رینجرز کے ترجمان کا یہ بھی کہنا ہے کہ 42 ہزار 708 افراد کو بلوچستان حکومت کی مدد سے واپس اپنے ملک روانہ کیا گیا، کچے میں ڈاکوؤں کے خلاف 34 آپریشنز میں132ملزمان کو گرفتار کیا گیا اور گرفتار ڈاکوؤں سے مختلف اقسام کے 78ہتھیار اور 4580 ایمونیشن برآمد کیا گیا، پانی چوری کے خلاف 99 آپریشنز میں 209 غیر قانونی ہائیڈرنٹس برآمد کیے گئے جبکہ کارروائی میں177 ملزمان کو گرفتار کیا گیا۔
ترجمان نے بتایا ہے کہ اسمگلنگ کے خلاف 160 کارروائیوں میں 3 لاکھ 73 ہزار 211 لیٹر ایرانی تیل برآمد کیا گیا، غیر قانونی مقیم افراد کے خلاف آپریشن میں4437 لوگوں کو گرفتار کیا گیا، گرفتار 1329 افراد کو بلوچستان حکومت کے حوالے کیا گیا۔

ملک بھر میں آلودگی کے لحاظ سے شہر قائد کا فضائی معیار آج انتہائی درجے تک مضرِ ہے ، جبکہ بین الاقوامی ویب سائٹ ایئر کوالٹی انڈیکس کی درجہ بندی کے مطابق کراچی آلودہ ترین شہروں میں آج پانچویں نمبر پر ہے۔ کراچی کی فضا میں آلودگی 203 پرٹیکیولیٹ میٹر ریکارڈ کی گئی ہے۔ جبکہ چین کا شہر شنگھائی آلودہ ترین شہروں میں سرِ فہرست ہے جہاں کی فضا میں آلودگی 253 پرٹیکیولیٹ میٹر ریکارڈ ہوئی ہے۔اس فہرست میں بھارتی دارالحکومت دہلی 252 پرٹیکیولیٹ میٹر آلودگی کے ساتھ دوسرے، بنگلا دیشی دارالحکومت ڈھاکا 242 پرٹیکیولیٹ میٹر فضائی آلودگی کے ساتھ تیسرے نمبر پر ہے۔چوتھے نمبر پر آنے والے چین کے شہر چینگ ڈو میں فضائی آلودگی 203 پرٹیکیولیٹ میٹر ریکارڈ کی گئی ہے۔اسی فہرست کی درجہ بندی میں پاکستان کے دوسرے بڑے شہر لاہور نے 176 پرٹیکیولیٹ میٹر آلودگی کے ساتھ نواں نمبر حاصل کیا ہے۔ایئر کوالٹی انڈیکس کی درجہ بندی کے مطابق 151 سے 200 درجے تک آلودگی مضرِ صحت ہے، 201 سے 300 درجے تک آلودگی انتہائی مضرِ صحت ہوتی ہے، جبکہ 301 سے زائد درجہ خطرناک آلودگی کو ظاہر کرتا ہے۔