Category: کراچی

امیر جماعت اسلامی کراچی حافظ نعیم الرحمان نے کہا ہے کہ الیکشن کے دن ہی موبائل فون سروسز بند کر دی گئی ،یہ دھاندلی نہیں تو اور کیا ہے

کراچی میں میڈیا سے گفتگو کرتے ہوئے حافظ نعیم کا کہنا تھا کہ موبائل سروس بند کر کے 25 کروڑ پاکستانیوں کے ساتھ زیادتی کی گئی ہے، وزیرِ داخلہ سے مطالبہ کرتے ہیں کہ فوری طور پر موبائل سروس بحال کی جائے، وزیرِ داخلہ نے فون سروس بند کر کے کون سی دہشت گردی کے خلاف کارروائی کی ہے؟مختلف جگہ سے خبریں موصول ہو رہی ہیں کہ عملہ رکشے میں سامان لے کر پہنچ رہا ہے، اکثر مقامات پر سامان موجود ہے لیکن عملہ موجود نہیں ہے،نجی کمپنیوں، چوکیداروں اور ڈرائیوروں کو پریزائنڈنگ افسران بنا دیا گیا، الیکشن کمیشن بتائے کہ الیکشن کے نام پر کیا مذاق کیا جا رہا ہے، کارکنان گھر گھر جائیں اور ہر فرد سے رابطہ کریں اور ووٹ ڈالنے کے لیے لے کر آئیں، غیرجانبدار سروے کے مطابق جماعت اسلامی کراچی میں سب سے آگے ہے، کارکنان حالات پر نظر رکھیں اور ووٹ کا تحفظ کریں،زبردستی مسلط کرنے والوں کے خلاف بھرپور مزاحمت کی جائے گی، جماعت اسلامی کے بغیر نہ وفاقی اور نہ ہی صوبائی حکومت بنے گی، صاف و شفاف الیکشن ہوں گے تو ہم خیر مقدم کریں گے، اگر دھاندلی ہوگی تو اس کے خلاف بھرپور مزاحمت کی جائے گی، کراچی کے عوام کے پاس واحد آپشن صرف اور صرف جماعت اسلامی ہی ہے.

دھاندلی ہی نہیں دھاندلے کا آغاز موبائل سروس کی بندش سے ہوا،جماعت اسلامی
جماعت اسلامی نے اسلام آباد میں موبائل فون سروس کی بندش پہ ردعمل دیا ہے، رہنما جماعت اسلامی نصر اللہ رندھاوار کاکہنا ہے کہ موبائل سروس بند کرنا دھاندلی کی طرف پہلا مضبوط قدم ہے، من پسند افراد کو ہیرا پھیری کے ذریعے مسلط کرنے کے لیے ایسے ہربے استعمال کیے جا رہے ہیں،موبائل سروس کی بندش سے رابطے کا ذریعہ ختم کر دیا گیا ،رابطے کے فقدان کے باعث کئی پولنگ سٹیشن پہ ایجنٹ ہی نہیں پہنچ پائے،8300 کی سروس بھی بند ہو گئی ،ووٹر اپنے پولنگ سٹیشن کو ڈھونڈتا پھر رہا ہے امیدواروں ، ووٹرز اور ایجنٹس کا آپس میں کوئی رابطہ نہیں ،موبائل سروس کی بندش سے شکایات کا اندراج کیسے ہو گا؟ دھاندلی ہی نہیں دھاندلے کا آغاز موبائل سروس کی بندش سے ہوا ہے،

واضح رہے کہ نگران حکومت اپنے وعدوں سے مکر گئی، کہا جا رہا تھا کہ انتخابات کے روزموبائل سروس کو بند نہیں کیا جائے گا تاہم ملک بھر میں موبائل سروس بند کر دی گئی، جس سے ووٹر کو شدید مشکلات کا سامنا ہے، اسلام آباد، راولپنڈی، لاہور، پشاور اور کراچی سمیت مختلف شہروں میں موبائل فون سروس اور انٹرنیٹ کی سروس بند ہو چکی ہے،ترجمان وزارت داخلہ کا کہنا ہے کہ ملک بھر میں موبائل فون سروس عارضی طور پر معطل کرنے کا فیصلہ کیا گیا ہے،ملک میں دہشتگردی کے حالیہ واقعات میں قیمتی جانوں کا ضیاع ہوا ہے،امن و امان قائم رکھنے اور ممکنہ خطرات سے نمٹنے کیلئے حفاظتی اقدامات ضروری ہیں

آڈیو کے بعد عمران خان کی جیل سے تصویر بھی” لیک”

خواب کی تعبیر پر بڑے بڑے وزیر لگائے جاتے تھے،عون چودھری

بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟

شیر پر مہر لگانے کا کہنے والی ن لیگی قیادت خود عقاب پر مہر لگائیگی

ووٹ صرف اصل شناختی کارڈ پر ہی ڈالا جا سکے گا، الیکشن کمیشن

ایم کیوایم رہنما خالد مقبول صدیقی نے میڈیا سے گفتگو کرتے ہوئے کہا کہ کراچی رات بھر جاگتا رہا کہ صبح جاکر ووٹ دیں،

خالد مقبول صدیقی کا کہنا تھا کہ لوگوں کو مشکلات ہیں،کئی جگہ پر دیر سے ووٹنگ شروع ہوئی،آج کے نتائج سے پتہ چلے گا پچھلی بار الیکشن میں کتنا ظلم ہوا، پاکستان جاگیر داروں اور ظالموں کے قبضے کیلئے نہیں بنا تھا،جاگیر داروں،موروثی سیاست سے پاکستان کو پاک کرنا ہوگا، آئین23کروڑ عوام کے بجائے2300خاندانوں کا نگہبان ثابت ہوا، سندھ کے شہری علاقوں سے40فیصد سیٹیں جیتیں گے،ایوان جتنا حق پرستوں سے سجے گا اتنا معتبر ہوگا، کراچی کی16قومی اسمبلی کی نشستوں پر کسی سے مقابلہ نہیں، ایم کیوایم35سال سے سیاست نہیں عبادت کررہی تھی،

دوسری جانب ایم کیو ایم پاکستان کے رہنما رؤف صدیقی کا کہنا ہے کہ ضلع وسطی سے کوئی دوسری جماعت نہیں جیت سکتی، چنیسر گوٹھ میں ابتر صورتِ حال ہے، الیکشن کمیشن پاکستان کو خط لکھ دیا ہے،پولنگ بوتھ کی تعداد میں اضافے پر اعتراض اٹھائے ہیں، کمیونٹی ہال کو پولنگ اسٹیشن بنا دیا گیا ہے، پیپلز پارٹی امیدواروں کو تو ان کے اپنے علاقے کے لوگ بھی نہیں جانتے

واضح رہے کہ عام انتخابات، پاکستان بھر میں پولنگ کا عمل جاری ہے ووٹ حق رائے دہی استعمال کر رہے ہیں، ملک بھر میں سیکورٹی کے سخت انتظامات کئے گئے ہیں ، پولنگ کا عمل شام پانچ بجے تک جاری رہے گا.

آڈیو کے بعد عمران خان کی جیل سے تصویر بھی” لیک”

خواب کی تعبیر پر بڑے بڑے وزیر لگائے جاتے تھے،عون چودھری

بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟

شیر پر مہر لگانے کا کہنے والی ن لیگی قیادت خود عقاب پر مہر لگائیگی

ووٹ صرف اصل شناختی کارڈ پر ہی ڈالا جا سکے گا، الیکشن کمیشن

نتائج کب تک آئیں گے، اس پر کوئی حتمی وقت دینا ممکن نہیں، الیکشن کمیشن حکام

کراچی: جماعت اسلامی نے انتخابات سے قبل دھاندلی و ضابطگی کے حوالے سے صوبائی الیکشن کمیشن کو خط ارسال کر دیا۔

باغی ٹی وی: جماعت اسلامی کے الیکشن سیل کے انچارج راجہ عارف سلطان نے انتخابات سے قبل دھاندلی اور بے ضابطگی کے حوالے صوبائی الیکشن کمیشن سندھ کے نام خط جاری کر دیا، جس میں لکھا کہ قومی اسمبلی کی نشست این اے 238 اور صوبائی اسمبلی کی نشست پی ایس 102 کے پولنگ اسٹیشن میں سامان پہنچا تو اس میں سے بیلٹ پیپرز کی 10 بکس غائب نکلیں، خط میں مؤقف اختیار کیا گیا کہ فہرست کے مطابق 30 بکس لکھی ہوئی تھیں جبکہ تھیلا پھٹا ہوا تھا اور اندر 20 بکس موجود تھیں۔

ضلع شرقی میں قومی اسمبلی کی نشست این اے 238 اور صوبائی اسمبلی کی نشست پی ایس 102 کے پولنگ اسٹیشن نمبر 269 غوثیہ ڈسپنسری کے پریزائڈنگ آفیسر محمد شکور کی جانب سے آر او کو تحریری اطلاع کی گئی۔

امیر جماعت اسلامی کراچی حافظ نعیم الرحمان نے سماجی رابطے کی ویب سائٹ ایکس پر لکھا کہ ایسی کسی حرکت کو برداشت نہیں کیا جائے گا۔ الیکشن کمیشن بتائے یہ کیا تماشا ہے؟کارکنان نظر رکھیں اور ایسے تمام ہتھکنڈوں کو ناکام بنائیں۔
https://x.com/NaeemRehmanEngr/status/1755231812429787197?s=20
ترجمان جماعت اسلامی کراچی نے کہا کہ الیکشن کمیشن انتخابات میں دھاندلی اور بے ضابطگی کے مرتکب لوگوں کے خلاف کارروائی کرے اور انتخابات سے قبل بیلٹ پیپرز کی بکس کا غائب ہوجانا انتخابات کی شفافیت پر سوالیہ نشان ہے۔

کراچی کے تیسرے بڑے اسپتال عباسی شہید اسپتال کا عملہ الیکشن ڈیوٹی کے لیے طلب کرلیا گیا جس کے باعث اسپتال بند ہوگیا۔

باغی ٹی وی : اسپتال ذرائع کے مطابق ایمرجنسی سمیت اسپتال کا پورا عملہ الیکشن ڈیوٹی کے لیے طلب کیا گیا ہے، اسپتال کی لیبارٹری میں اس وقت ایک بھی آدمی موجود نہیں ہے،عباسی شہید اسپتال کے ایم ایس کو بھی عام انتخابات کے لیے طلب کرلیا گیا ہے۔

اسپتال کے 750 ڈاکٹر اور عملہ انتخابی ڈیوٹی پر مامور ہے،اسپتال انتظامیہ کا کہنا ہے کہ طبی سہولیات کی فراہمی کیلئے عملہ موجود نہیں، اس لیے اسپتال کو بند کرنے کےعلاوہ کوئی آپشن نہیں،ممکنہ ہنگامی صورتحال سے نمٹنے کے لیے اسپتال میں کوئی موجود نہیں، صرف چند جھاڑو دینے والے اور کم درجےکا عملہ اسپتال میں ہے-

گورنر سندھ کامران خان ٹیسوری نے عباسی شہید اسپتال بند ہونے کی خبر کا نوٹس لیتے ہوئے میئر کراچی مرتضیٰ وہاب سے رابطہ کیا اور معاملہ کی تحقیقات کی ہدایت کی، گورنر سندھ کا کہنا ہے کہ تیسرے بڑے اسپتال کے بند ہونے کی اطلاعات تشویش ناک ہیں، میئر کراچی نے گورنرسندھ کو یقین دہانی کراتے ہوئے کہا کہ تحقیقات کرکے آپ کو مطلع کرتا ہوں۔

کراچی: الیکشن کمشنر سندھ شریف اللہ کا کہنا ہے کہ کچھ تاخیر ہوجاتی ہے اکثر پولنگ سامان کی تقسیم میں ٹیکنیکل میٹریل یا اسٹاف کا کوئی مسئلہ نہیں ہے کسی بھی پی ایس کا کوئی آر او نہیں بدلا ہے، من گھڑت خبروں سے گریز کریں۔

باغی ٹی وی: صوبائی الیکشن کمشنر سندھ شریف اللہ نے ایکسپو سینٹر ڈسپیچ سینٹر کا دورہ کیا جہاں میڈیا سے گفتگو میں انہوں نے کہا کہ ایکسپو سینٹر میں پولنگ اسٹاف آیا ہوا ہے، یہاں پولیس کے اہلکار موجود ہیں، جس سینٹر سے ہم نکلیں ہیں وہاں تو تقسیم شروع ہوگئی ہے۔

صوبائی الیکشن کمشنر نے کہا کہ کچھ تاخیر ہوجاتی ہے اکثر پولنگ سامان کی تقسیم میں ٹیکنیکل میٹریل یا اسٹاف کا کوئی مسئلہ نہیں ہے، اسٹاف اور انتخابی سامان شام 4 ،5 بجے سے پہلے پولنگ اسٹیشن پہنچ جائیگا، کیمپین کا وقت ختم ہوچکا ہے آپ لوگ بھی میڈیا پر چلائیں۔

لبنان کے جج عالمی عدالت انصاف کے صدر منتخب

انہوں نے کہا کہ سیکیورٹی اداروں کو سیکورٹی کا زیادہ پتہ ہے وہ آپس میں رابطے میں ہیں، کون سے ایریا میں کیا ڈپلوئمنٹ کرنی ہے وہ بہتر جانتے ہیں ٹیکنیکل میٹریل، پولنگ سامان کی تقسیم یا اسٹاف کا کوئی مسئلہ نہیں ہے، 100 فیصد یقین ہے کہ نتائج میں کوئی تاخیر نہیں ہوگی جہاں کنیکٹیویٹی ہے وہاں صحیح وقت پر نتائج آئیں گے، پریزا ئڈنگ کو آکر میٹریل بھی دینا ہے فارم 45 بھی دینا ہے۔

چیف الیکشن کمشنر کی چاروں صوبوں میں سیکیورٹی ہائی الرٹ رکھنے کی ہدایت

لوک رحمت کالاش برادری کی تاریخ میں پہلی بار بطور آزاد امیدوار میدان …

کراچی: عام انتخابات 2024 میں سندھ کے 19 ہزار 8 پولنگ اسٹیشنز میں سے 6 ہزار 550 پولنگ اسٹیشن حساس اور 6 ہزار 801 انتہائی حساس قرار دیئے گئے ہیں۔

باغی ٹی وی: نگران وزیراعلیٰ سندھ جسٹس (ر) مقبول باقر کی زیر صدارت 30 ویں صوبائی اپیکس کمیٹی کا اجلاس وزیراعلیٰ ہاؤس میں منعقد ہوا جس میں انتخابی انتظامات اور نیشنل ایکشن پلان کا جائزہ لیا گیا وزیراعلیٰ نے آئندہ الیکشن کے انتظامات کا جائزہ لیا،کمیٹی کو بتایا گیا کہ کل 19 ہزار 8 پولنگ اسٹیشنز ہوں گے جن میں 5 ہزار 657 نارمل، 6 ہزار 550 حساس اور 6 ہزار 801 انتہائی حساس پولنگ اسٹیشنز شامل ہیں۔

آئی جی پولیس رفعت مختار نے پولیس کی تعیناتی سے متعلق بتاتے ہوئےکہا کہ عام پولنگ اسٹیشن پر چار پولیس اہلکار، حساس پولنگ اسٹیشن پر پانچ اور انتہائی حساس پولنگ اسٹیشن پر سات پولیس اہلکار تعینات کیے جائیں گے پولنگ اسٹیشنوں پر کل 143,156 پولیس اہلکار تعینات کیے جائیں گے جن میں عام پولنگ اسٹیشنوں پر 95,400، کیو آر ایف پولیس کے 10,648، اور معاون فورس کے 37,108 اہلکار شامل ہیں پولیس فورس کے علاوہ منتخب انتہائی حساس پولنگ اسٹیشنوں پرکیو آر ایف ڈیوٹیوں کے لیے رینجرز اور فوج کو تعینات کیا جائےگا۔

خواتین امیدوار کم ، پارٹیوں کو انتخابی نشان کیوں ملا؟ عورت فاونڈیشن

کور کمانڈر کراچی لیفٹیننٹ جنرل بابر افتخار نے وزیراعلیٰ سندھ کو بتایا کہ عام انتخابات کے دوران تھرڈ ٹیئر فوج کے دستے صوبے بھر میں بھیجے گئے ہیں۔

اجلاس میں صوبائی وزراء بریگیڈیئر (ر) حارث نواز، عمر سومرو، احمد شاہ، کورکمانڈر لیفٹیننٹ جنرل بابر افتخار، چیف سیکرٹری ڈاکٹر فخر عالم، ڈی جی رینجرز میجر جنرل اظہر وقاص، آئی جی پولیس رفعت مختار، ایڈووکیٹ جنرل حسن اکبر، ہوم سیکرٹری اقبال میمن اور دیگر نے شرکت کی۔

فنڈز مانگنے پر عمران خان کہتے یورپ میں لوگ فنڈز نہیں مانگتے ،پرویز خٹک

ہوسکتا ہے کہ اضافی بیلٹ پیپر جعلی ووٹوں کیلئے استعمال ہوں،حافظ نعیم