Category: کراچی

کراچی میں رہنما پیپلزپارٹی سعید غنی نے پریس کانفرنس کرتے ہوئے کہا کہ کل رات نارتھ ناظم آباد ڈسٹرکٹ سینٹرل آفس میں واقعہ پیش آیاجس کی سی سی ٹی وی موجودہے ، ہم نےسی سی ٹی وی فوٹیج اورمقدمےکےلئےدرخواست پولیس کودےدی ہے۔ سعید غنی نے کہاکہ ہم انہیں ان جیسا جواب نہیں دےسکتے، قانون کو ہاتھ میں نہیں لیں گے، ضلع وسطی میں بھی انہیں پریشانی ہورہی ہے، تمام سیاسی جماعتوں سےزیادہ کارکن ہمارے پاس ہیں، کل والےحملےمیں جوملوث ہیں انکے خلاف کارروائی کا مطالبہ کرتےہیں، حملہ کرنےوالوں کےسرپرستوں کو بھی بےنقاب کیاجائے،الیکشن کمیشن، پولیس اوررینجرز کوچاہیےکہ نوٹس لیں۔
انہوں نے کہا کہ تحقیقات کی جائیں کہ پیپلزپارٹی کے دفتر پر کس کی ہدایت پر حملہ کیا گیا؟ ایم کیوایم کو گمان تھاکہ جس جگہ کوئی دوسری سیاسی جماعت کوئی کام نہیں کرسکتی تھی وہاں تمام جماعتیں کام کررہی ہیں ، انہوں نےکھلی دھمکی دی ہےکہ لڑنےپرآئیں گےتویہ کردیں گے،وہ کردیں گے۔
انہوں نے مزید کہا کہ پیپلزپارٹی انتخابات کیلئے بھرپور تیاری کررہی ہے، ن لیگ پنجاب میں خود کو بڑا مضبوط سمجھتے تھے، جب ن لیگ گراونڈ میں اتری تو پتہ چلا ان کے ساتھ کتنی عوام ہے۔پیپلز پارٹی رہنما نے کہا کہ عدالتی حکم تھاکہ شہربھرمیں جہاں سرکاری مقامات پرپوسٹرہیں اتاردیےجائیں، سب کے ساتھ ایک جیسا سلوک ہوناچاہیے، یہ بھی کہا گیاکہ کہیں بڑی تصویرلگی ہےتوہٹادیں، قانون کےتحت ایف آئی آرکریں، بہت نامناسب رویہ ہے،ہم ایسےفیصلے نہیں مانیں گے، جبرا ایسا نہیں کروایاجاسکتا، پانی کی لائن کا کام 95 فیصد مکمل تھا،روک دیا گیا۔ یاد رہے کہ ایک روز قبل لاہور میں بھی پاکستان پیپلز پارٹی کے الیکشن آفس پر نامعلوم مسلح افراد نے پیٹرول بم حملہ کردیا تھا جس میں آفس کے دروازے پر لگے بینرز اور پینا فلیکس سمیت دیگر اشیا جل کر راکھ ہوگئی تھیں۔

کراچی کے ایک شہری مدثر نے پریڈی تھانے میں مقدمہ درج کرایا ہے جس میں اغوا اور ڈکیتی کی دفعات شامل کی گئی ہیں۔ درج مقدمے کے مطابق ملزمان میں کسٹمز انفورسمنٹ سندھ کا اسکواڈ انچارج اور ویئر ہاؤس کسٹم بلڈنگ شامل ہیں، جنہیں پولیس تاحال گرفتار نہ کرسکی۔پولیس کے بعد اب کسٹم حکام کے بھی مبینہ ڈکیتی اور شارٹ ٹرم کڈنیپنگ کی وارداتوں میں ملوث ہونے کا انکشاف ہوا ہے، شہری نے کسٹم اہلکاروں کے خلاف مقدمہ میں درج کرادیا۔
پولیس کے مطابق 19 ملزمان کے خلاف ستمبر 2023 کو ڈکیتی کی درخواست دائر کی گئی تھی، ملزمان کے دیگر ساتھیوں میں شاہ وزیر اور اشلاح شامل ہیں۔پولیس کا کہنا ہے کہ ملزمان کے خلاف انکوائری مکمل کرلی گئی ہے، جوڈیشل مجسٹریٹ نے 17 جنوری 2024 کو گرفتاری کا وارنٹ جاری کیا ہے۔انکوائری رپورٹ کے مطابق ملزمان شہریوں کو بیوقوف بناکر نان کسٹم گاڑیاں فروخت کرنے میں ملوث ہیں، ملزمان نے شہری شہروز کو دھوکا دہی سے نان کسٹم پیڈ قیمتی گاڑی بیچی تھی، ملزمان نے اگست 2023 میں شہری شہروز کی گاڑی چھین لی تھی۔ملزمان کوعدالت نے پریڈی تھانے میں درج مقدمہ میں 6 فروری کو طلب کر رکھا ہے۔

امیر جماعت اسلامی کراچی حافظ نعیم الرحمان کا کہنا ہے کہ ہمارے بغیر نہ صوبائی حکومت بن سکتی ہے نہ وفاقی حکومت چل سکتی ہے

تقریب سے خطاب کرتے ہوئے حافظ نعیم الرحمان کا کہنا تھا کہ پاکستان بزنس فورم کی ٹیم کو خراج تحسین پیش کرتا ہوں، ایک ماہ قبل ہم نے پاکستانی کمپنیوں کا سیمینار کیا تھا،اس ایکسپو کو غزہ کے شہیدوں کے نام کیا ہے،یہ بہت بڑی طاقت ہے پاکستان کی جو کراچی میں موجود ہے، کونسپٹ یہ ہے ہمیں اپنی پراڈکٹ کو منظر عام پر لانا ہے ،ان کی کوالٹی بھی بہترین ہے، پاکستانی برانڈ کے ساتھ انویسٹمنٹ اور پروموشن میں سرمایہ کا مسئلہ ہوتا ہے،

حافظ نعیم کا کہنا تھا کہ اسرائیل مسلسل بمباری کررہا ہے، امریکا اسرائیل کو سپورٹ کررہا ہے، مسلم دنیا کوئی کردار ادا نہیں کررہی،ہمیں ان تمام برانڈ کا شکر گزار ہونا پڑے گا، کنزیومر کا پراڈکٹ کو تبدیل کرنا بہت بڑا مسئلہ ہوتا ہے، پانی کا شدید بحران ہے کے فور منصوبہ مکمل ہونے نہیں دے رہا، میاں صاحب کراچی کو ہمیشہ اگنور کرتے ہیں ،ایک پارٹی کو بادشاہ بناکر لانے کی کوشش کی جارہی ہے ،کراچی والوں کے لیے صرف ایک پارٹی ہے وہ جماعت اسلامی ہے، اس نمائش سے حاصل ہونے والی آمدنی غزہ کے لوگوں کے نام کریں گے،

حافظ نعیم کا کہنا تھا کہ کراچی کے بچوں کے ساتھ دشمنی نہیں ہونے دیں گے، 49 ہزار سکول موجود، 13 لاکھ بچے زمین پربیٹھ کر تعلیم حاصل کر رہے ہیں، بچوں کو روزگار نہیں دیا جا رہا ہے ،بجلی، گیس نہیں دی جا رہی،جماعت اسلامی کو مینڈیٹ ملے گا تو ہم شہر کے تمام اسکولوں کو ماڈل اسکول بنائیں گے ، کسی کو بھی تعلیم خریدنی نہیں پڑے گی۔آزاد امیدواروں کے ساتھ مل کر حکومت بنانے کا مطلب ہے کہ ایک بار پھر انتخابات میں پیپلز پارٹی خرید و فروخت کرے گی ،کراچی کے عوام اگر اپنے بچوں کا مستقبل چاہتے ہیں تو اُن کے پاس ترازو کے علاوہ کوئی دوسرا آپشن موجود نہیں ہے۔ کراچی کے 66 فیصد بچوں کو فیل کر دینا بچوں کا تعلیمی قتل ہے ، عدالتی کمیٹی بنا کر اس کی مکمل تحقیق ہونی چاہئے،ضابطہ اخلاق سب کے لئے ایک ہونا چاہئے، عوام کے اربوں روپے سے اشتہارات چلنا شروع ہو گئے ہیں ، الیکشن کمیشن اور ہائی کورٹ نے کیا نوٹس لیا ہے؟

الاہلی ہسپتال پر حملے کا اسرائیل کا حماس پر الزام،امریکی اخبار نے اسرائیلی جھوٹ کو کیا بے نقاب

اسرائیلی حملے میں صحافی کے خاندان کی موت

ہسپتال حملہ،اسرائیل کا انکار،اسلامک جہاد کو ذمہ دار قرار دے دیا

وائرل ویڈیو،حماس کے ہاتھوں گاڑی میں بندھی یرغمال لڑکی کون؟

اسرائیل کی طرف سے عالمی قوانین کی خلاف ورزی جاری ہے. فلسطینی صحافی

اسرائیل پر حماس کے حملے کا ماسٹر مائنڈ،ایک پراسرارشخصیت،میڈیا کو تصویر کی تلاش

اقوام متحدہ کا غزہ میں جنگ بندی کا مطالبہ

میں سوچتی ہوں بچے کو کیسے اور کہاں جنم دوں گی ہر طرف تو بمباری ہو رہی،نیوین

متحدہ قومی موومنٹ (ایم کیو ایم) پاکستان کے کنوینر خالد مقبول صدیقی کا کہنا ہے کہ کراچی اب کراچی کے نمائندوں کو ملنے والا ہے۔ سندھ کے شہری علاقے 75 سال سے جمہوریت کیلئے قربانی دیتے رہے۔ کراچی کے عوام کی رائے ایم کیو ایم کے انتخابی جلسوں میں سامنے آگئی۔کراچی میں پریس کانفرنس سے خطاب کرتے ہوئے کنوینر ایم کیو ایم خالد مقبول صدیقی کراچی کے عوام نے ایم کیو ایم کے جلسوں میں آکر اپنے حقیقی نمائندوں کو انتخابات سے پہلے ہی مینڈیٹ دے دیا ہے،21 جنوری کو اس مینڈیٹ پر مہر لگے گی۔خالد مقبول صدیقی نے کہا کہ 21 جنوری کو ایم کیو ایم پاکستان کا جلسہ ہوگا۔ خالد مقبول صدیقی نے کہا اہل کراچی نے جلسوں میں شرکت کر کے اپنا مینڈیٹ پہلے ہی دے دیا ہے۔

نگران وفاقی وزیر اطلاعات مرتضیٰ سولنگی اور نگران صوبائی وزیر اطلاعات سندھ محمد احمد شاہ کے مابین ملاقات ہوئی ہے جس میں دونوں رہنماؤں کے درمیان ملک کی مجموعی سیاسی صورتحال، سندھ حکومت اور وفاقی حکومت کے درمیان قریبی تعاون، عام انتخابات کے انتظامات، صحافیوں کو ہر ممکن سہولیات کی فراہمی اور دیگر متعلقہ امور پر تبادلہ خیال کیا گیا۔ ملاقات کے دوران نگران وفاقی وزیر اطلاعات مرتضیٰ سولنگی نے کہا کہ صوبہ سندھ کو پُرامن اور شفاف انتخابات کے انعقاد کے لئے ہر ممکن تعاون فراہم کریں گے، اس مو قع پر سیکرٹری اطلاعات سندھ ندیم الرحمان میمن اور ڈائریکٹر جنرل پبلک ریلیشنز محمد سلیم خان بھی موجود تھے۔نگران صوبائی وزیر اطلاعات نے نگران وفاقی وزیر کو صوبہ میں انتخابات کے انعقاد کے انتظامات کی تفصیلات سے آگاہ کیا اور کہا کہ عام انتخابات کے لئے ضروری فنڈز جاری کر دئیے گئے ہیں اور امن و امان کی صورتحال برقرار رکھنے کے لئے تمام ضروری اقدامات کئے جا رہے ہیں۔