حسینہ معین پاکستان سے تعلق رکھنے والی ممتاز مصنفہ، مکالمہ نگار اور ڈراما نویس تھیں۔

حسینہ معین نے ریڈیو اور ٹیلی وژن کے لیے پاکستان اور بیرون پاکستان بہت سے ڈرامے لکھے۔ اُنہیں حکومت پاکستان کی طرف سے 1987ء میں صدارتی اعزاز برائے حسن کارکردگی بھی دیا گیا۔ حسینہ معین پاکستان کی سب سے بہترین ڈراما نگار سمجھی جاتی ہیں۔ حسینہ معین نے پاکستان ٹیلی وژن کے لیے بہت سے یادگار ڈرامے لکھے، جیسے، شہزوری، زیر زبر پیش، انکل عرفی، ان کہی، تنہایاں، دھوپ کنارے، دھند، آہٹ، کہر، پڑوسی، آنسو، بندش، آئینہ جیسے مشہور ڈرامے شامل ہیں-

حسینہ معین 26 مارچ 2021ء کو 79 سال کی عمر میں کراچی میں حرکت قلب بند ہونے سے وفات پاگئیں۔ حسینہ معین کو ان کی وفات سے پہلے، 22 مارچ 2021ء کو کورونا وائرس ویکسین کی پہلی خوراک دی گئی تھی

کراچی: متحدہ قومی موومنٹ (ایم کیو ایم) کے کنوینر خالد مقبول صدیقی کی والدہ انتقال کرگئیں۔

باغی ٹی وی: خالد مقبول صدیقی کی والدہ کی نمازجنازہ کل بعد نماز ظہر ادا کی جائے گی، ان کی نماز جنازہ مدنی مسجد فیڈرل بی ایریا بلاک 8 نزد جناح گراؤنڈ میں ادا کی جائے گی مرحومہ کی تدفین یاسین آباد قبرستان میں ہوگی۔

دوسری جانب نگران وزیراعلیٰ سندھ مقبول باقر نے خالد مقبول صدیقی کی والدہ کے انتقال پر دکھ کا اظہار کیا اور مرحومہ کے درجات کی بلندی اور لواحقین کیلئے صبر جمیل کی دعا کی۔

کراچی: داؤدی بوہرہ جماعت کے روحانی پیشوا ڈاکٹر سیدنا مفضل سیف الدین کی کراچی آمد پر سابق وزیراعلیٰ سندھ سید مراد علی شاہ اور نگراں وزیراعلیٰ سندھ مقبول باقر نے ان کا ایئرپورٹ پر استقبال کیا۔

باغی ٹی وی : داؤدی بوہرہ کمیونٹی کے روحانی پیشوا ڈاکٹر سیدنا مفضل سیف الدین اپنی فیملی کے ہمراہ حکومت اور کمیونٹی ممبران کی دعوت پرپیر 20 نومبر کو سری لنکا سے کراچی پہنچے ، جہاں نگراں وزیراعلیٰ سندھ جسٹس (ر) مقبول باقر، سابق وزیراعلیٰ سندھ سید مراد علی شاہ، میئر کراچی مرتضیٰ وہاب، ڈپٹی چیئرمین سینیٹ سلیم مانڈوی والا اور بوہرہ برادری کے ممبران نے ڈاکٹر سیدنا مفضل سیف الدین کا استقبال کیا۔

نگراں وزیراعلیٰ سندھ جسٹس (ر) مقبول باقر، سابق وزیراعلیٰ سندھ سید مراد علی شاہ اور میئر کراچی نے ڈاکٹر سیدنا مفضل سیف الدین کو ان کی آمد پر پھولوں کے گلدستے پیش کیے۔

داودی بوہرہ اسماعیلی فرقے کے مستعلیہ گروہ کی بھارتی اور پاکستانی شاخ جو ہندو سے مسلمان ہوئی مغربی ہند میں ہندو بوہرے بھی ہیں اور سنی بوہرے بھی۔ بالعموم یہ بیوپاری ہیں اور شہروں میں رہتے ہیں افریقا اور الجزائر میں بھی تجارت کرتے ہیں اور عرب و مسقط میں پھیلے ہوئے ہیں۔احمد، عبد اللہ وغیرہ ان کے مشہور رہنما داعی مطلق تھے، جن کے مزارات قدیم شہر کھنبات ’’بھارت‘‘ میں ہیں۔ 151ھ تک ان کاایک ہی داعی مطلق مقرر ہوتا تھا اس کے بعد ہندوستانی فرقے نے داؤد قطب شاہ کی حمایت کی اور اس لحاظ سے داؤدی بوہرہ کہلانے لگے۔یمن والوں نے سلمان بن حسن کو اپنا داعی مطلق تسلیم کیا وہ سلیمانی بوہرہ کہلائے اس طرح ان کے دو فرقے ہو گئے یمن مین سلیمانیوں کی اکثریت ہے اور پاکستان و بھارت میں داؤدیوں کی، گجرات کی اسلامی سلطنت کے زمانے میں ان میں سے بعض سنی ہو گئے جو صغیری بوہرہ کہلائے، ان لوگوں کے مذہبی رہنما ’’ملا جی‘‘ کہلاتے ہیں، بوہروں کا لباس عام طور پر عمامہ اور لمبی اچکن ہوتاہے۔

کراچی: سندھ پولیس میں ایس ایس پیز کی تقرریاں اور تبادلے کردئیے گئے، جس کا نوٹیفکیشن بھی جاری کردیا گیا۔

باغی ٹی وی: نوٹیفکیشن کے مطابق غلام مرتضی تبسم کو اے آئی جی انفارمیشن ٹیکنالوجی تعینات کردیا گیا جبکہ ذیشان شفیق صدیقی کو اے آئی جی انٹرنل اکاؤنٹنٹیبلیٹی بیورو تعینات کیا گیا ہے،جنید احمد شیخ کو اے آئی جی موٹر ٹرانسپورٹ سندھ تعینات کردیا گیا جبکہ خالد مصطفٰی کورائی کو ایس ایس پی ایس آئی یو تعینات کردیا گیا ہے، شکیل احمد سرفراز کو ایس ایس پی کرائم اینڈ انویسٹی گیشن برانچ ٹو تعینات کردیا گیا ہے۔

آئی جی سندھ رفعت مختار راجہ نے کہا کہ غیرقانونی تارکین وطن کے خلاف کاروائیاں تیز کی جائیں، عام انتخابات کے پرامن انعقاد اور سیکیورٹی کے حوالے سے جامع منصوبہ تیار کیا جائے، اینٹی اسمگلنگ مہم کے مطابق آئی جی سندھ رفعت مختار راجہ کی زیر صدارت اجلاس میں غیر قانونی تارکین وطن کی واپسی پر مشاورت کی گئی-
https://x.com/SindhPoliceDMC/status/1726547776719520084?s=20
آئی جی سندھ نے کہا کہ آئندہ ہونیوالے عام انتخابات پر مشتمل ایجنڈاز کو پوائنٹ ٹو پوائنٹ زیر بحث لایا گیا اور بعدازاں بریفنگ میں مزید ہدایات اور فیصلے کئے گئے ،اجلاس میں ڈی آئی اسپیشل برانچ نے غیر قانونی تارکین وطن کی واپسی اور اس حوالے سے قائم کردہ مراکز برائے غیرقانونی تارکین وطن کے جملہ امور و اقدامات پر تفصیلی بریفنگ دی، زونل و رینج ڈی آئی جیز نے بھی اجلاس میں زیر بحث ایجنڈا پر مختلف حوالہ جات اور اقدامات پر مشتمل بریفنگ دی۔

آئی جی سندھ نے ہدایات دیں کہ غیر قانونی طور پر مقیم تارکین وطن کے شناختی کارڈ,فیملی ٹری نادرا سے چیک کروائیں اور اگر اس حوالے سے ایشوز سامنے آتے ہیں تو ان کی باقاعدہ فہرست ارسال کی جائے تاکہ انھیں جلد سے جلد حل کیا جاسکے،ان کا کہنا تھا کہ غیر قانونی تارکین وطن کے خلاف جو بھی ٹیمیں کام کررہی ہیں یا جتنی بھی ٹیمیں وقف ہیں وہ اپنے کام میں مزید تیزی لائیں۔

آئی جی سندھ نے کہا کہ صوبے میں جاری اینٹی اسمگلنگ مہم کو مذید تیز کریں اور اسمگلنگ میں ملوث گروہوں,ان کے کارندوں اور سرپستوں پر مضبوط ہاتھ ڈالیں،اسمگلنگ کے خلاف عمدہ کارکردگی اور کریک ڈاؤن پر آئی جی سندھ نے ایس ایس پی شکارپور کو شاباش دی اور سراہا۔

آئی جی سندھ نے کہا کہ آئندہ ہونیوالے عام انتخابات کی مناسبت سے باقاعدہ فہرست تیار کی جائے جسکے تحت تھانہ جات کی حدود میں قائم کردہ پولنگ اسٹیشنز, امیدواران,ووٹرز کی تعداد,قومی و صوبائی اسمبلیوں کی نشستیں, انتہائی حساس,حساس و نارمل پولنگ اسٹیشنز کی ، تعداد سمیت دیگر ضروری اقدامات کا احاطہ کیا جائے تاکہ فہرست کی بنیاد پر فول پروف سیکیورٹی کے ضمن میں افرادی قوت کی ڈپلا ئمنٹ کی جاسکے۔

ان کا کہنا تھا کہ شفاف,غیرجانبدارانہ اور پرامن انتخابات کے انعقاد کے سلسلے میں تمام اسٹیک ہولڈرز,قانون نافذ کرنیوالے اداروں کے ساتھ مضبوط رابطوں پر مشتمل جامع منصوبہ تیار کیا جائے جس میں الیکشن کمیشن آف پاکستان کی جانب سے جاری کردہ ضابطہ اخلاق اور اسکی ترجیحات پر عمل درآمد جیسے اقدامات کو لازماً شامل کیا جائے۔

سجاول: سندھ کے علاقے سجاول میں گیس کے نئے ذخائر دریافت ہوئے ہیں۔

باغی ٹی وی : ترجمان پاکستان پیٹرولیم لمیٹڈکے مطابق سندھ کے ڈسٹرکٹ سجاول میں جھم ایسٹ ون کے مقام پر شاہ بندر سے گیس کے ذخائر ملے ہیں،جھم ایسٹ ون کے مقام پر 2 ہزار 545 میٹر کی گہرائی تک کھدائی کرنے پر ہائیڈرو کاربن کی نشاندہی ہوئی ہے۔

ترجمان پی پی ایل کے مطابق ٹیسٹنگ سے 13۔69 ملین اسٹینڈرڈ کیوبک فٹ اور 236 بیرل یومیہ کے ویل ہیڈ فلوئنگ پریشر کی نشاندہی ہوئی،کنویں کی مزید جانچ پڑتال کی جارہی ہے جس کے لیے ماہرین کے زیر نگرانی ڈرلنگ کا عمل جاری ہے، نئے ذخائر کی دریافت سے ہائیڈروکاربن کے ذخائر میں اضافہ ہوگا۔

سپریم جوڈیشل کونسل کا اجلاس،جسٹس سردار طارق مسعود کیخلاف شکایت خارج

واضح رہے کہ اس قبل بھی صوبہ سندھ میں ایک اور کنوئیں سے گیس کے ذخائر دریافت ہوئے تھے ماڑی پیٹرولیم کمپنی لمیٹڈ (ایم پی سی ایل) نے پاکستان اسٹاک ایکسچینج کو جاری ایک بیان میں انکشاف کیا تھا کہ کمپنی نے صوبہ سندھ کے علاقے ڈہرکی میں گیس کی پیداوار کے لیے ایکسٹینڈڈ ویل ٹیسٹنگ کا آغاز کیا ،حکام کی جانب سے جاری بیان میں کہا گیا تھا کہ غازیج ٹو سے سوئی ناردرن کو یومیہ آٹھ ایم ایم سی ایف ڈی گیس فراہم کی جارہی ہے،غازیج 2 سے سوئی ناردرن کو یومیہ 8 ایم ایم سی ایف ڈی گیس کی فراہمی جاری ہے،اس سے قبل غازیج ون کنویں سے گیس دریافت کی گئی تھی۔

خیبرپختونخوا میں تیل اور گیس کے نئے ذخائر دریافت

کراچی: سابق صدر آصف زرداری کا کہنا ہے کہ الیکشن کمیشن پر اعتماد ہے ، 8 فروری کو پیپلزپارٹی ملک کی اکثریتی پارٹی بن کر سامنے آئے گی-

باغی ٹی وی: سابق صدر آصف زرداری کا کہنا تھا کہ ملک شفاف انتخابات کی طرف جا رہا ہے، اور پیپلز پارٹی اس کیلئے پوری طرح تیار ہے، الیکشن وقت پر ہونے چاہیے، ملک کا ماحول اس وقت انتخابات کیلئے سازگار ہے، مجھے الیکشن کمیشن پراعتماد ہے وہ شفاف الیکشن کرائے گا، پیپلزپارٹی ہر ماحول میں الیکشن لڑنے کی صلاحیت رکھتی ہے، 8 فروری کو پیپلزپارٹی ملک کی اکثریتی پارٹی بن کر سامنے آئے گی۔

قبل ازیں سابق صدر اور پیپلز پارٹی کے شریک چیئرمین آصف علی زرداری سے ڈپٹی میئر کراچی سلمان عبداللہ نے ملاقات کی، اس موقع پر نعمان عبداللہ مراد بھی موجود تھے،ڈپٹی میئر کراچی سلمان عبداللہ نے آصف علی زرداری کو کراچی میں ترقیاتی منصوبوں پر میٹرو پولیٹن کارپوریشن کے اقدامات سے آگاہ کیا،آصف علی زرداری نے کہا کہ کراچی کے عوام کے مسائل کا حل میری اولین ترجیح ہے اور کراچی کے عوام کے مسائل کے حل میں کوئی کسر نہ چھوڑی جائے۔

غیر قانونی مقیم 18 ہزار غیر ملکیوں کی فہرست خیبر پختونخوا پولیس کو ارسال کر …

افغانستان ٹی ٹی پی کو پاکستان کے خلاف مسلح کرنے میں مدد فراہم کر …

اسرائیل اور حماس کے درمیان امریکی حمایت یافتہ عارضی معاہدہ ہوگیا