کراچی: چیئرمین پاکستان فاریکس ایکسچینج ایسوسی ایشن ملک بوستان نے ڈالر کی مستقبل میں قیمت گرنے اور 250 سے 260 پر آنے پیشگوئی کر دی۔

باغی ٹی وی: تفصیلات کے مطابق ملک بوستان نے کہا ہے کہ آئی ایم ایف سےرقم جلد مل جائے گی جس کی وجہ سےڈالر کی قیمت مزید کمی سے 250 یا 260 تک آسکتی ہے،ڈالر کی قدر میں مسلسل کمی کا سلسلہ بینکوں اور مارکیٹ پلیئر ز کو اچھا نہیں لگا تاہم عرب امارات سے اربوں ڈالرز کی سرمایہ کاری متوقع ہے ایس آئی ایف سی کے تحت کیے گئے اقدامات معیشت کیلئےمثبت ہیں۔

واضح رہے کہ انٹربینک اوپن مارکیٹ میں امریکی کرنسی کی قیمت میں کمی کا سلسلہ مسلسل جاری ہے، ایک ہفتہ کے دوران قیمت میں 1 روپے 9 پیسے کی کمی ہوئی ہے –

دوسری جانب دوسری جانب پاکستان اسٹاک ایکسچینج کا 100 انڈیکس 1500 سے زائد پوائنٹس کے اضافے کے بعد 66 ہزار کی بلند ترین سطح کو عبور کر گیا آج پاکستان اسٹاک ایکسچینج میں کاروبار کا ایک اور ریکارڈ ساز دن رہا۔ آج کاروباری ہفتے کے آخری روز کے آغاز سے ہی مارکیٹ میں مثبت رجحان رہا اور 100 انڈیکس کی آج بلند ترین سطح 66273 رہی تاہم کاروبار کے اختتام پر 100 انڈیکس 1505 پوائنٹس اضافے سے 66223 پوائنٹس پر بند ہوا حصص بازار میں آج ایک ارب 32 کروڑ شیئرز کے سودے ہوئے جن کی مالیت 33 ارب 37 کروڑ روپے رہی مارکیٹ کیپٹلائزیشن 183 ارب روپے بڑھ کر 9498 ارب روپے ہے۔

اس حوالے سے پاکستان اسٹاک مارکیٹ میں ایک تقریب سے خطاب کرتے ہوئے نگران وزیراعظم انوار الحق کاکڑ نے کہا کہ نگران وزیراعظم انوارالحق کاکڑ کا کہنا تھا ملک کی معیشت میں اسٹاک ایکسچینج کا اہم کردار ہے اور معاشی بہتری سے اسٹاک مارکیٹ ستمبر سے 40 فیصد بڑھی ہے جبکہ ڈالر کا بھاؤ ستمبر میں 307 روپے تھا جو آج 284 کے لگ بھگ ہے رواں سال ملک کی معیشت کو کئی چیلنجز کا سامنا رہا، آئی ایم ایف کے ساتھ اسٹینڈ بائی معاہدے سے سرمایہ کاروں میں اعتماد آیا، معیشت کی بہتری کے باعث اسٹاک ایکسچینج میں تیزی کا رجحان ہے۔

نگران وزیراعلیٰ سندھ جسٹس (ر) مقبول باقر سے ایشیائی ترقیاتی بینک کے اعلیٰ سطحی وفد کی ملاقات ہوئی

اے ڈی بی وفد کی سربراہی پرنسپل ڈائریکٹر مسز ایف کلیو کاواکی نے کی، وفد میں پرنسپل ڈائریکٹر کے مشیر محمد عظیم، ڈپٹی کنٹری ڈائریکٹر اسد علیم، سینئر پروجیکٹ افسر سلمان میاں شامل تھے،وزیراعلیٰ کے ہمراہ چیئرمین پی اینڈ ڈی شکیل منگنیجو، ڈی جی پبلک پرائیویٹ پارٹنرشپ یونٹ اسد ضامن و دیگر شریک تھے،اجلاس میں ADB کی پبلک پرائیویٹ پارٹنر شپ منصوبوں پر تبادلہ خیال کیا گیا،الیکٹرک بسوں کے منصوبے پر بات چیت کی گئی.

نگران وزیراعلیٰ سندھ جسٹس (ر) مقبول باقر کا کہنا تھا کہ سندھ حکومت چاہتی ہے کہ بی آرٹی فیڈر روٹس پر الیکٹرک بسیں چلائی جائیں، الیکٹرک بسوں سے آلودگی کے بڑھتے مسائل بھی کنٹرول ہونگے، ٹرانسپورٹ سیکریٹری اسد ضامن نے الیکٹرک بسوں کے منصوبے کی فزیبلٹی اسٹڈی تیار کی ہے، اسد ضامن نے کہا کہ گرین اینڈ اورینج لائنوں پر روزانہ 50 ہزار مسافر سفر کرتے ہیں، الیکٹرک بسوں کا بی آر ٹی روٹس پر چلنے سے رائیڈرشپ بہت زیادہ بڑھ جائے گی، چیئرمین پی اینڈ ڈی نے کہا کہ بی آر ٹی کے فیڈر روٹس پر 180 بسیں چلانا چاہتے ہیں، الیکٹرک بسوں کیلئے سولر پاور پینل نصب ہونگے جس سے آپریشن پر لاگت کم ہوجائے گی،

پرنسپل ڈائریکٹر ایشیائی ترقیاتی بینک نے الیکٹرک بسوں کے منصوبے کو فنڈز دینے کی یقین دہانی کروا دی،اور کہا کہ الیکٹرک بسوں کا منصوبہ بہت اہم ہے، جلد شروع کرنا چاہئے، اجلاس میں ویسٹ کراچی ری سائیکلنگ پلانٹ منصوبے پر بات چیت کی گئی، نگران وزیراعلیٰ سندھ کاکہنا تھا کہ ری سائیکلنگ پلانٹ ہارون آباد میں لگایا جارہا ہے جو سائیٹ کے قریب ہے، ہارون آباد سے سائیٹ کی 50-40 ایم جی ڈی پانی کی طلب بھی ری سائیکلنگ منصوبے سے شروع ہوگی، پہلا منصوبہ ہے جس سے کاربن اخراج کی کمی بھی رکارڈ ہوگی، چاہتے ہیں ADB فنڈنگ شروع کرے تاکہ منصوبہ پر کام شروع ہوسکے،ویسٹ کراچی ری سائیکلنگ پلانٹ منصوبے پر 180 ملین ڈالر کی لاگت آئے گی، چیئرمین پی اینڈ ڈی شکیل منگنیجو نے کہا کہ دسمبر کے آخر تک منصوبے کا ٹینڈر جاری کیا جائے گا، ٹینڈر کے کھلنے تک منصوبے پر کام جون 2024 میں شروع ہونے کا امکان ہے، پرنسپل ڈائریکٹر ایشیائی ترقیاتی بینک نے کہا کہ منصوبے کی فنڈنگ مقرر وقت پر کی جائے گی،

ٹی پی -4 ویسٹ واٹر ٹریٹمنٹ اینڈ ری سائیکلنگ منصوبہ پر بات چیت کی گئی، نگران وزیراعلیٰ سندھ نے کہا کہ ویسٹ واٹر ری سائیکل کرکے صنعتی طلب کو پورا کیا جائے گا،ٹی پی -4 سے 120 ایم جی ڈی ویسٹ واٹر کی ٹریٹمنٹ ہوگی، منصوبے کی لاگت 400 ملین ڈالر ہے جس میں ADB کا حصہ 50 ملین ڈالر ہے، ٹی پی -4 کا ٹینڈر نئے سال میں جاری ہوجائے گا،

کراچی: سابق وزیر خزانہ اور رہنما مسلم لیگ ن مفتاح اسماعیل نےکہا ہےکہ میری نواز شریف سے ملاقات ہوئی نہ ارادہ ہے-

باغی ٹی وی : نجی خبررساں ادارے سے گفتگو میں مفتاح اسماعیل کا کہنا تھا کہ میری نواز شریف سے ملاقات ہوئی نہ ارادہ ہے، ابھی فی الحال لکھنے پڑھنے پر توجہ ہے اور کاروبار کر رہا ہوں، میں مسلم لیگ ن کے تمام عہدوں سے استعفیٰ دے چکا ہوں، الیکٹورل پراسس اور سیاست سے دور ہوگیا ہوں، آج کل معیشت سے متعلق پڑھتاہوں اور کاروبار کرتا ہوں، اگلے چند ماہ تک سیاست میں انٹری کا کوئی ارادہ نہیں۔

مبینہ کرپشن میں پرویز الہی کا ساتھی گرفتار

انہوں نے کہا کہ کوئی نہیں بتا رہا کہ ملک کے مسائل کیسے حل ہوں گے؟ تمام لیڈر قابل ہیں، لیکن پلان تو بتانا چاہیےدنیا بھی نہیں چاہتی کہ ہم ڈیفالٹ کریں، ملک میں آج گندم سستا ہوگئی، چیزیں بہتر ہو رہی ہیں، دنیا بھر میں گندم اور خام تیل کی قیمتوں میں کمی آئی ہے، مشکل وقت گزرگیا، امید ہےکہ بہتری آئےگی، اسمگلنگ روکی جائے، ایکسپورٹ پر توجہ دی جائے ہر جماعت میں ایسے لوگ ہیں جو نجکاری کے خلاف ہیں، اسٹیل مل 8 سال سے بند ہے، تنخواہیں آج بھی جاری ہیں، حکومت کو کچھ مشکل فیصلے لینے پڑیں گے، ہمیں پالیسیوں کے تسلسل کی ضرورت ہے۔

ڈنمارک میں قرآن پاک کی بے حرمتی غیرقانونی قرار

کراچی:سابق پی ٹی آئی رہنما شکور شاد نے آزاد حیثیت میں الیکشن لڑنے کا اعلان کردیا۔

باغی ٹی وی : تفصیلات کے مطابق شکور شاد نے کہا ہے کہ لیاری سے آزاد پینل بنانے کا فیصلہ کیا ہے جس میں بلال سلیم قادری صوبائی اسمبلی کا الیکشن لڑیں گے جبکہ میں قومی اسمبلی کی نشست پر الیکشن لڑوں گا، 2018 کی طرح آئندہ انتخابات میں بھی ان کی ضمانت ضبط کریں گے، اسمبلی تحلیل کے بعد ہمیں پارٹی میں شمولیت کی آفر آئی تھی لیاری کے فنڈز میں خرد برد پر کارروائی کیلئے نیب کو درخواست دی ہے۔

پی ٹی آئی رہنما لیاقت جتوئی کا جی ڈی اے میں شمولیت کا اعلان

واضح رہے کہ شکور شاد 2018 کے عام انتخابات میں پاکستان تحریک انصاف کے ٹکٹ پر رکن قومی اسمبلی منتخب ہوئےتھے گزشتہ سال دسمبر میں سابق چیئرمین پی ٹی آئی نے شکور شاد کی بنیادی پارٹی رکنیت ختم کر دی تھی شکور شاد نے بطور رکن قومی اسمبلی استعفے کے خلاف اسلام آباد ہائی کورٹ سے رجوع کیا تھا جس پر عدالت نے ان کے استعفے کا نوٹیفکیشن معطل کر دیا تھا۔

مبینہ کرپشن میں پرویز الہی کا ساتھی گرفتار

دوسری جانب پاکستان تحریک انصاف (پی ٹی آئی) کے رہنما و سابق وزیراعلی سندھ لیاقت جتوئی نے گرینڈ ڈیموکریٹک الائنس (جی ڈی اے )میں شمولیت کا اعلان کر دیا ہے،دادو کے گاؤں بیٹو جتوئی میں اس حوالے سے شمولیتی تقریب کا انعقاد کیا گیا جس میں جے ڈی اے کے رہنماؤں نے بھی شرکت کی ،تقریب میں لیاقت جتوئی نے خطاب کرتے ہوئے کہا کہ ہم سندھ میں گرینڈ ڈیموکریٹک کی حکومت بنا کر عوام کی خدمت کریں گے۔

سابق وزیراعلیٰ بلوچستان عبدالقدوس بزنجو سمیت دیگر رہنما پاکستان پیپلزپارٹی میں شامل