کراچی: شاہ فیصل کالونی میں زیرتعمیرعمارت گرگئی، جس کے ملبے تلے متعدد مزدور آگئے-
باغی ٹی وی: کراچی کے علاقے شاہ فیصل کالونی میں زیر تعمیرعمارت گرگئی، واقعے کی اطلاع ملتے ہی ریسکیو کی ٹیمیں جائے حادثے پر پہنچ گئیں اور ملبے تلے آنے والے افراد کو نکالنے کے لے ریسکیو آپریشن شروع کردیا،ریسکیو حکام کا کہنا ہے کہ 80 گز کے پلاٹ پر مکان تعمیر کیا جا رہا تھا، جو گر گیا اور متعدد مزدور ملبے تلے آگئےاب تک 4 مزدوروں کو ملبے سے نکال کر اسپتال منتقل کردیا گیا ہے اور مزید مزدوروں کے کو نکالنے کے لئے آپریشن جاری ہے عمارت کے ملبے تلے متعدد افراد کے دب جانے کی اطلاعات ہیں۔
دوسری جانب کراچی کے علاقے فیڈرل بی ایریا میں واقع بنگلے میں کے مالک کی فائرنگ سے ایک مبینہ ملزم زخمی ہوگیا، واقعے کی اطلاع ملتے ہی پولیس کی ٹیم جائے وقوعہ پر پہنچی اور زخمی مبینہ ملزم کواسپتال منتقل کردیا، بنگلے کے مالک نے پولیس کو بتایا کہ 4 ملزمان گھر میں گھسنے کی کوشش کر رہے تھے، اور ایک ملزم گھر کے اندر آیا تو میں نے فائرنگ کردی، جب کہ ملزمان کی جانب سے بھی فائرنگ کی گئی۔
افغانستان میں ایک بار پھر شدید زلزلے کے جھٹکے محسوس کیے گئے
دوسری جانب پولیس حکام کا کہنا ہے کہ منصور کی فائرنگ سے زخمی ہونے والے ملزم کے پاس سے کوئی اسلحہ نہیں ملا، تاہم ملزم منشیات کا عادی لگتا ہے، بنگلے کے مالک کا بیان قلم بند کرلیا گیا ہے، جب کہ جائے وقوعہ سے شواہد اکھٹے کر لئے گئے ہیں، مزید تفتیش جاری ہے۔
