Category: کراچی

ایم کیو ایم پاکستان نے نئے صوبے کے مطالبے اور بلدیاتی اداروں کی مضبوطی کے لیے عوامی رابطہ مہم چلانے اور عدالت میں جانے کا اعلان کردیا۔

کراچی میں پریس کانفرنس کرتے ہوئے ایم کیو ایم پاکستان کے چیئرمین خالد مقبول صدیقی نے کہا کہ اگر ایوان اور عدالتیں ہمیں انصاف فراہم نہیں کریں گی تو سڑکوں پر جائیں گے ، عوام سے بات کریں گے، کراچی میں 17 سال کا قبضہ اب ختم ہونا چاہیے، پاکستان میں جاگیردارانہ جمہوریت ہے، صوبہ انتظامی یونٹ ہوتا ہے، آبادی کے ساتھ بڑھنا چاہیے، یہ ایم کیو ایم کا مطالبہ نہیں آئین کا تقاضہ ہے ، کراچی کے ماسٹر پلان کو کرپشن میں تبدیل کیا جارہا ہے، آئین کہتا ہے بلدیاتی حکومتیں قائم ہونی چاہئیں،عوام کو آئین کے مطابق ان کے حقوق دیں، آج ایوان میں ایک جماعت کے سوا تمام جماعتیں ہمارے ساتھ ہیں، کراچی کے مستقبل پر شب خون مارا جارہا ہے، ہم سندھ کے شہری علاقوں کے تمام مسائل پر ایوان میں بھی آواز اٹھائیں گے، قانون کا دروازہ بھی کھٹکھٹایں گے، 26ویں ترمیم میں دوسری پارٹیاں وفاق کو بلیک میل کر رہی تھیں، ایم کیو ایم نے ایک شرط رکھی عوام کو آئین میں درج ان کا حق دیں،ہم تو کہتے ہیں 18ویں ترمیم پر مکمل عمل کیا جائے، سندھ میں 100 فیصد دینے والوں کو ایک فیصد کا اختیار نہیں، ہم پاکستان کو اپنی ماں سمجھتے ہیں اور سندھ اس کا حصہ ہے

کراچی: انسدادِ دہشت گردی کی عدالت نے مہاجر قومی موومنٹ (ایم کیو ایم حقیقی) کے چیئرمین آفاق احمد کو ڈمپر جلانے اور اشتعال انگیزی کے مقدمے سے بری کرنے کا حکم دے دیا۔

کراچی کی انسدادِ دہشت گردی عدالت میں کیس کی سماعت کے دوران عدالت نے قرار دیا کہ استغاثہ ملزم کے خلاف شواہد پیش کرنے میں ناکام رہا، لہٰذا آفاق احمد کو مقدمے سے بری کیا جاتا ہے،یہ مقدمہ لانڈھی پولیس کی جانب سے درج کیا گیا تھا، جس میں مؤقف اختیار کیا گیا تھا کہ شہر میں ڈمپر اور ٹرک حادثات میں اضافے کے بعد مختلف علاقوں میں ڈمپرز اور ٹرکوں کو نذرِ آتش کرنے کے واقعات پیش آئے۔ پولیس کے مطابق آفاق احمد کے بعض بیانات کو بنیاد بنا کر ان پر الزام عائد کیا گیا کہ ان کے بیانات سے عوام میں اشتعال پھیلا اور املاک کو نقصان پہنچا۔

واضح رہے کہ رواں برس کے آغاز میں کراچی میں بھاری گاڑیوں سے متعلق حادثات میں اضافہ دیکھنے میں آیا تھا، جس کے بعد شہر میں مختلف مقامات پر ڈمپرز اور ٹرکوں کو آگ لگانے کے واقعات رپورٹ ہوئے۔ پولیس نے دعویٰ کیا تھا کہ انہی واقعات کے تناظر میں آفاق احمد کے خلاف مقدمات قائم کیے گئے اور انہیں گرفتار بھی کیا گیا۔

وزیر ٹرانسپورٹ سندھ شرجیل میمن نے گرین لائن ٹریک پر پنک بسوں کا باقاعدہ افتتاح کردیا۔

شرجیل میمن نے کراچی میں نمائش چورنگی کے مقام پر گرین لائن ٹریک پر پنک بسیں چلانے کے منصوبے باقاعدہ افتتاح کیا،اس موقع پر صوبائی وزیر شرجیل انعام میمن کاکہنا تھا کہ پاکستان میں پہلی بارکسی بی آر ٹی میں خواتین کے لیے بس مخصوص کی، کل پنک بس شروع کی ہے، اس حوالے سے رسپانس اچھا ہے، اورنج لائن میں بھی پنک بس کو شروع کر رہے ہیں، ہم ایک تناسب فکس کریں گے کہ ہربس سروس میں خواتین کے لیے الگ سے بسیں ہوں، ای وی بسوں میں بھی خواتین کے لیے الگ بسیں رکھیں گے، آئندہ دنوں میں محکمہ ٹرانسپورٹ میں خوش خبریاں ملیں گی جب کہ شاہراہ فیصل پر ڈبل ڈیکر بسیں چلائیں گے، 27 ویں آئینی ترمیم پر جس کو تنقید کرنی ہے کرے، ترمیم پر پورے پاکستان میں ون ون صورتحال ہے، ہر صوبے کو آئینی عدالت میں برابر کی نمائندگی ملی ہے، اگر عدالتیں پارلیمان کے ماتحت ہیں تو اس میں کچھ برا نہیں ہے۔

خاتونِ اوّل بی بی آصفہ بھٹو زرداری نے ابوظہبی آرٹ 2025 کا دورہ کیا اور محکمہ ثقافت و سیاحت کے اعلیٰ حکام سے ملاقات کی۔

دورے کے دوران خاتونِ اوّل نے عالمی معیار کی نمائشوں اور گیلریوں کا معائنہ کیا اور فنکاروں، کیوریٹرز، اور نمائش کنندگان سے تبادلہ خیال کیا،اس موقع پر آصفہ بھٹو زرداری نے کہا کہ "فنونِ لطیفہ کا تبادلہ معاشروں کے درمیان مفاہمت اور ثقافتی روابط کو مستحکم کرتا ہے۔” انہوں نے مزید کہا کہ ابوظہبی آرٹ سال بھر بصری فنون کی نمائش فراہم کرتا ہے اور جدید و معاصر فنون کو اجاگر کرتا ہے، جس میں بین الاقوامی اور مقامی آرٹسٹوں کے فن پارے پیش کیے جاتے ہیں۔