Category: کراچی

کراچی:انتخابی نتائج میں تاخیر امیدواروں میں بے چینی کا سبب بن رہی ہے۔اطلاعات کے مطابق پاکستان پیپلز پارٹی کراچی کے صدر سعید غنی نے انتخابی نتائج کے دیر سے آنے پرشکوہ کرتے ہوئے کہا ہے کہ الیکشن کمیشن کراچی میں بلدیاتی نتائج کو فوری جاری کرنے کو یقینی بنائے۔

سعید غنی نے کہا ہے کہ انتخابی نتائج میں تاخیر امیدواروں میں بے چینی کا سبب بن رہی ہے۔ تاخیر سے نتائج جاری ہونے سے پورا انتخابی عمل بلاجواز متنازعہ بن سکتا ہے۔

دوسری طرف رہنما پیپلزپارٹی مرتضیٰ وہاب نے امیر جماعت اسلامی کراچی حافظ نعیم الرحمان کی جانب سے انتخابی نتائج میں تاخیرکا الزام مستردکردیا۔ مرتضٰی وہاب نے انتخابی نتائج میں تاخیر کی ذمہ داری الیکشن کمیشن پر ڈال دی۔

مرتضٰی وہاب کا کہنا تھا کہ نعیم الرحمان کی سیاست کا محور احتجاج اور دھرنا ہے، جب نتائج آنا شروع ہوگئے ہیں تو ہارنے والے راہ فرار اختیار کرنےکی کوشش کر رہے ہیں۔مرتضٰی وہاب کا کہنا تھا کہ کل تک جماعت اسلامی الیکشن کرانےکا کہہ رہی تھی، اب نتائج آنا شروع ہوئےہیں تو جماعت اسلامی دھرنوں کی بات کر رہی ہے۔

خیال رہے کہ کراچی میں بلدیاتی انتخابات کے نتائج میں غیرمعمولی تاخیر ہورہی ہے، پولنگ ایجنٹس کو بھی رات ساڑھے گیارہ بجے تک فارم گیارہ اوربارہ نہ دیےجانےکی اطلاعات ہیں۔

ادھر اردو یونیورسٹی میں قائم ڈی آر او آفس میں صحافیوں کو کوریج سے روک دیاگیا۔جماعت اسلامی کے امیر حافظ نعیم کا کہنا ہےکہ سندھ حکومت کے کچھ ڈپٹی کمشنر نتائج جاری کرنے میں رکاوٹ بن رہے ہیں، فارم گیارہ اور بارہ فراہم نہیں کیا جا رہا، ایک گھنٹے میں نتائج جاری نہ ہوئے تو عوام پولنگ اسٹیشنز کا گھیراؤ کریں گے۔ان کا کہنا تھا کہ احتجاج ہمارا آئینی ، جمہوری اور قانونی حق ہے، ہمیں فارم 12 دیا جائے، کسی کو اپنے مینڈیٹ پر ڈاکہ مارنے نہیں دیں گے ۔

کراچی:امیر جماعت اسلامی کراچی حافظ نعیم الرحمان نے کہا ہے کہ فارم 11 فراہم نہیں کیا جا رہا ہے، سندھ حکومت، الیکشن کمیشن کو وارننگ دیتا ہوں اگر نیتجہ نہ دیا تو شہر بند کر دیں گے۔

پریس کانفرنس سے گفتگو میں امیر جماعت اسلامی کراچی حافظ نعیم نے کہا کہ کراچی اور حیدرآباد کے عوام کو بہت بہت مبارک ہو، تمام سازشوں کے باوجود بلدیاتی انتخابات کا انعقاد ہوا، سازشی عناصر نے مقابلہ کرنے کے بجائے میدان چھوڑ دیا۔انہوں نے کہا کہ ٹرن آؤٹ 25 فیصد سے آگے چلا گیا، اگر ایک ہفتہ ملتا تو یہ 50 فیصد پر چلا جاتا، جماعت اسلامی ایک بار پھر ابھر کر سامنے آئی ہے، ن لیگ کبھی بھی بلدیاتی انتخابات کروانا نہیں چاہتی تھی، ہم نے کہا تھا کہ ہم تمہیں الیکشن سے بھاگنے نہیں دیں گے۔

ایم کیو ایم نے الیکشن کمیشن کے خلاف چیف جسٹس کو خط لکھ دیا

ان کا مزید کہنا تھا کہ سندھ حکومت کے کچھ ڈی سیز نتائج جاری کرنے میں رکاوٹ بن رہے ہیں، ہمیں فارم 11 اور 12 فراہم نہیں کیا جا رہا، 1 گھنٹے تک نتائج جاری نہ ہوئے تو شہر بھرمیں دھرنے شروع کردیں گے۔

دوسری طرف یہ بھی اطلاعات ہیں کہ سندھ میں بلدیاتی انتخابات کے دوسرے مرحلے کیلئے ہونے والی پولنگ کے ابتدائی غیر سرکاری غیر حتمی نتائج کے مطابق کراچی میں جماعت اسلامی پہلے نمبر پر ہے۔

ن لیگ کا نگراں وزیراعلیٰ پنجاب کیلئے تین ناموں پر غور شروع

بلدیاتی انتخابات میں انتخابی عمل مکمل ہونے کے بعد ابتدائی نتائج میں ملا جلا رحجان دیکھنے میں آ رہا ہے، کہیں جماعت اسلامی، کہیں پی ٹی آئی اور کہیں پیپلز پارٹی آگے ہے، بلدیاتی انتخابات میں ووٹنگ کا تناسب انتہائی کم رہا صرف جماعت اسلامی، پی ٹی آئی اور پیپلز پارٹی کو ہی ووٹ پڑا۔

ابتدائی نتائج کے مطابق کراچی کی 246 یونین کمیٹیز میں 5 یوسیز پر جماعت اسلامی کے امیدوار آگے ہیں، پاکستان تحریک انصاف کے امیدوار دوسرے نمبر پر ہیں، حکمران جماعت پیپلز پارٹی تیسرے نمبر پر ہے، جنرل کونسلرز کی 8 نشستوں پر بھی جماعت اسلامی کا پلڑا بھاری ہے، پی ٹی آئی اور پیپلز پارٹی یہاں بھی دوسرے اور تیسرے نمبر پر ہیں۔

کراچی :پی ٹی آئی رہنما اور سابق گورنر سندھ عمران اسماعیل نے کراچی کی 70 فیصد نشستوں پر کامیابی کا دعوی کردیا۔ٹویٹر پیغام میں عمران اسماعیل نے کہا کہ الیکشن کے دوران جان بوجھ کرغیر یقینی صورتحال پیدا کی گئی۔ جس کی وجہ سے ٹرن آؤٹ کم رہا۔

پنجاب میں عمران خان سےمشورہ کرکے نگراں وزیراعلیٰ کے نام دیں گے:پرویز الٰہی

عمران اسماعیل نے الزام لگایا کہ ووٹوں کی گنتی میں واردات ڈالنے کا خدشہ ہے۔ دھمکی دی کہ انتخاب چوری کرنے کی کوشش کی گئی تو کراچی بند کرنے کی طاقت رکھتے ہیں۔رہنما تحریک انصاف کا کہنا تھا کہ پولنگ کے دوران پولیس نے سندھ حکومت کی بی ٹیم کاکردارادا کیا، سندھ حکومت ہمارا مینڈیٹ تسلیم کرے۔ پی ٹی آئی کل میئر کا امیدوار نامزد کرے گی۔

الیکشن کمیشن نے سیاسی جماعتوں کےغیر ذمہ دارانہ بیانات کا نوٹس لے لیا

واضح رہے کہ کراچی اور حیدر آباد میں بلدياتی اليکشن کیلئے پولنگ کا وقت ختم ہونے کے بعد ووٹوں کی گنتی جاری ہے اور مختلف حلقوں سے غیر حتمی اور غیر سرکاری نتائج آنے کا سلسلہ بھی جاری ہے۔

بلدیاتی انتخابات:الیکشن کمیشن کا پی ٹی آئی رہنما فردوس شمیم نقوی کے بیلٹ باکس کی…

جبکہ بعض دیگر ذرائع نے دعویٰ کیا ہے کہ سندھ میں بلدیاتی انتخابات کے دوسرے مرحلے کیلئے ہونے والی پولنگ کے ابتدائی غیر سرکاری غیر حتمی نتائج کے مطابق کراچی میں جماعت اسلامی پہلے نمبر پر ہے۔

بلدیاتی انتخابات میں انتخابی عمل مکمل ہونے کے بعد ابتدائی نتائج میں ملا جلا رحجان دیکھے میں آ رہا ہے، کہیں جماعت اسلامی، کہیں پی ٹی آئی اور کہیں پیپلز پارٹی آگے ہے، بلدیاتی انتخابات میں ووٹنگ کا تناسب انتہائی کم رہا صرف جماعت اسلامی، پی ٹی آئی اور پیپلز پارٹی کو ہی ووٹ پڑا۔

ابتدائی نتائج کے مطابق کراچی کی 246 یونین کمیٹیز میں 5 یوسیز پر جماعت اسلامی کے امیدوار آگے ہیں، پاکستان تحریک انصاف کے امیدوار دوسرے نمبر پر ہیں، حکمران جماعت پیپلز پارٹی تیسرے نمبر پر ہے، جنرل کونسلرز کی 8 نسستوں پر بھی جماعت اسلامی کا پلڑا بھاری ہے، پی ٹی آئی اور پیپلز پارٹی یہاں بھی دوسرے اور تیسرے نمبر پر ہیں۔

کراچی اور حیدرآباد ڈویژنز کے 16اضلاع میں 8 بجے صبح شروع ہونے والی پولنگ شام 5 بجے تک بغیر کسی وقفہ جاری رہی۔

کراچی:ایم کیو ایم کے مطالبات اور سندھ حکومت کی درخواستوں کے باوجود کراچی اور حیدرآباد کے 16 اضلاع میں بلدیاتی انتخابات کے دوسرے مرحلے کیلئے پولنگ کا عمل مکمل ہونے کے بعد ووٹوں کی گنتی ہونے کے ساتھ نتائج آنے کا سلسلہ بھی جاری ہے۔

کراچی
ڈسٹرکٹ ویسٹ اورنگی ٹاؤن یو سی 7 وارڈ 4 پی ایس 23 کا غیر حتمی غیر سرکاری نتیجہ بھی موصول، جماعت اسلامی کے محمد مدثر 192 ووٹ کے ساتھ پہلے نمبر پر تحریک انصاف کے فروغ حسین 51 ووٹ لے کر دوسرے نمبر پر ہیں۔گلستان جوہر پولنگ سٹیشن 2 یوسی 7 کا غیر حتمی غیر سرکاری نتیجہ بھی موصول ہو گیا، جماعت اسلامی کے سید ریحان 87 ووٹ لیکر سرفہرست جبکہ پی ٹی آئی کے عبد القادر خانزادہ 53 ووٹوں کے ساتھ دوسرے نمبرپر ہیں، ٹی ایل پی کے اقبال خان 7 ووٹوں کے ساتھ تیسرے نمبر پر ہیں۔

یوسی 2 سولجر بازار وارڈ 4 کا غیر حتمی غیر سرکاری نتیجہ بھی موصول ہو گیا، تحریک انصاف کے فردوس شمیم 184 ووٹ لے کر پہلے نمبر پر ہیں جبکہ جماعت اسلامی کے مشیر علوی 96 ووٹ لے کر پیچھے ہیں۔یو سی 3 لیاقت آباد ٹاؤن پولنگ سٹیشن نمبر 2 کا مکمل نتیجہ موصل ہو گیا، جماعت اسلامی کے چئیرمین 161 ووٹ لے کر آگے، جماعت اسلامی کے جنرل کونسل کے امیدوار بھی 324 ووٹ کے ساتھ آگے ہیں، پی ٹی آئی کے امید وار برائے چئیرمین 126 ووٹ، پی ٹی آئی کے ہی جنرل کونسل کے امیدوار 122 ووٹ لے کر دوسرے نمبر پر ہیں۔

ضلع جنوبی
یوسی 2 وارڈ 2 پولنگ سٹیشن نمبر 6 شاہین سکول مسجد روڈ بہار کالونی لیاری میں جماعت اسلامی رضوان 262 ووٹ لے کر پہلے جبکہ پی ٹی آئی کے راحیل 121 ووٹ لے کر دوسرے نمبر پر ہیں۔

ضلع وسطی
نارتھ ناظم آباد ٹائون یو سی 8 وارڈ 4 پی ایس 201 بوتھ نمبر 1 سے جماعت اسلامی کے امیدوار برائے چئیرمین حافظ نعیم نے 77 ووٹ سے آگے جبکہ تحریک انصاف کے امیدوار ابو بکر 28 ووٹ کے ساتھ دوسرے نمبر پر ہیں، جنرل کونسلر کیلئے جماعت اسلامی کے امیدوار 98 ووٹ سے آگے پیپلز پارٹی 8 ووٹ لیکر دوسرے نمبر پر موجود ہےنارتھ ناظم آباد ٹائون یوسی 8 وارڈ 4 پولنگ سٹیشن 201 بوتھ نمبر 2 کا غیر حتمی غیر سرکاری نتیجہ بھی موصول یہاں بھی جماعت اسلامی کے امیدوار برائے چئیرمین حافظ نعیم 121 ووٹ لیکر آگے جبکہ تحریک انصاف کے امیدوار برائے چئیرمین ابو بکر 25 ووٹ لیکر دوسرے نمبر ہیں۔

ضلع شرقی
یوسی 2 وارڈ 3 صفورا ٹاؤن محمدی سکول کنیز فاطمہ کا غیر حتمی غیر سرکاری نتیجہ موصول ہو گیا، جماعت اسلامی کے ہنزلہ 233 ووٹ لے کر پہلے نمبر پر تحریک انصاف کے سید حسن 56 ووٹ لے کر دوسرے نمبر پر ہیں۔یو سی 2 سولجر بازار وارڈ 4 کے غیر حتمی غیر سرکاری نتیجے کے مطابق تحریک انصاف کے فردوس شمیم 184ووٹ لے کر پہلے نمبر پر موجود، جماعت اسلامی کے مبشر علوی 96 ووٹ لے کر دوسرے نمبر پر ہیں۔یوسی 5 کے غیر حتمی غیر سرکاری نتیجے کے مطابق تحریک انصاف کے ارسلان خالد 105 ووٹ لے کر پہلے جبکہ جماعت اسلامی کے کلیم الحق 20 ووٹ لے کر دوسرے نمبر پر ہیں۔
چنیسر ٹاؤن، یو سی 8 کاغیرحتمی نتیجہ بھی موصول ہو گیا، چیئرمین کیلئے پیپلز پارٹی کے اورنگزیب تاج 25 ووٹ لیکر آگے ہیں، جماعت اسلامی کے طارق جمیل 14 ووٹ کے ساتھ دوسرے نمبر پر موجود ہیں، ضلع ملیر، ابراہیم حیدری، یو سی 7 کا غیر حتمی نتیجہ چیئرمین کیلئے جماعت اسلامی کے مسعود اختر 23 ووٹ لیکر آگے ہیں پی ٹی آئی کے قاضی ظفر محمود 15 ووٹ لیکردوسرے نمبر پر ہیں۔

لانڈھی
یو سی 7 پولنگ سٹیشن 39 بوتھ 02، غیر حتمی اور غیر سرکاری نتیجہ جماعت اسلامی 34 ووٹ لیکر آگے پی ٹی آئی اور مہاجر قومی موومنٹ کو 8، 8 ووٹ ملے ہیں۔یوسی 7 واوڈ نمبر 4 کے غیر حتمی و غیر سرکاری نتائج موصول ہو گئے، جماعت اسلامی نے چیئرمین کی نشست پر 208 ووٹ حاصل کیے، پی ٹی آئی 131 اور مہاجر قومی موومنٹ کے چیئرمین نے 57 ووٹ حاصل کیے۔

مٹیاری
ٹاؤن کمیٹی بھٹ شاہ وارڈ نمبر 3 کے پولنگ سٹیشن نمبر 1 کا غیر سرکاری غیر حتمی نتیجہ بھی موصول ہو گیا، پیپلز پارٹی کے واجد حسین ملاح 439 ووٹ لے کر آگے ہیں جبکہ آزاد امیدوار علی یاور شاہ 203 ووٹ لے کر دوسرے نمبر پر ہیں۔

کورنگی
یو سی 4 وارڈ 1 میں چیئرمین کی نشست پر جماعت اسلامی کے کریم 139 ووٹ لیکر آگے جبکہ پی ٹی آئی کے حسن ظفر 81 ووٹ کے ساتھ دوسرے نمبر پرہے، جنرل ممبر کی نشست پر جماعت اسلامی امیدوار نے 138، پی ٹی آئی کے شجاعت نے 81 ووٹ حاصل کیے ہیں۔یوسی 3، وارڈ 2، وارڈ ممبر کی نشست پر جماعت اسلامی کے مصعب 126 ووٹ لے کر آگے جبکہ پیپلز پارٹی علی احسن 47 ووٹ کے ساتھ دوسرے نمبر پر ہیں، چیئرمین نشست پر جماعت اسلامی منصور احمد 122 لے کر پہلے نمبر پر ہیں جبکہ تحریک انصاف کے مبشر 71 ووٹ کے ساتھ دوسرے نمبر پر ہیں۔یو سی 5 وارڈ 1 میں چیئرمین نشست پر تحریک انصاف امجد حسن 68 لے کر آگے جبکہ تحریک لبیک 37 ووٹ کے ساتھ دوسرے نمبر پر ہیں، ماڈل کالونی یوسی 4 وارڈ 4 میں جنرل ممبر کی نشست پر تحریک انصاف کے محمد کاشف کو 40 ، جماعت اسلامی کو 39 ووٹ ملے، یو سی1، وارڈ ممبر کی نشست پر تحریک لبیک 89 ووٹ کے ساتھ آگے جبکہ مسلم لیگ ن کو 76 ووٹ ملے ہیں۔نمبر 6 یو سی 8 پولنگ سٹیشن 72 کا غیر حتمی غیر سرکاری نتیجہ موصول ہو گیا جس کے مطابق جماعت اسلامی کے عبد الرحیم 93 ووٹ لیکر آگے ہیں جبکہ ٹی ایل پی کے محمد آصف 16 ووٹوں کے ساتھ دوسرے نمبرپر ہیں، پیپلز پارٹی کے محمد فیصل 10 ووٹوں کے ساتھ تیسرے نمبر پر ہیں۔یوسی 8 وارڈ 1 لانڈھی ٹاؤن کا غیر سرکاری نتیجہ بھی موصول ہو گیا، جس کے مطابق جماعت اسلامی کے محمد شکیل 39 ووٹ لے کر آگے ہیں جبکہ تحریک لبیک کے فیاض ولی 5 ووٹ لے کر دوسرے نمبر پر ہیں۔یو سی 7 وارڈ 4 میں جماعت اسلامی کے محمد مدثر 424 ووٹ لیکر آگے ہیں، تحریک انصاف کے فروغ حسین 51 ووٹ لیکر دوسرے، تحریک لبیک کے محمد محبوب 20 ووٹ لیکر تیسرے نمبر۔ پر ہیں۔

ضلع کیماڑی
یوسی 2 وارڈ 4 سعید آباد سیکٹر 17 دی ایجوکیٹر سکول جماعت اسلامی کے سید شیر علی 27 ووٹ لے کر پہلے جبکہ پیپلز پارٹی کے وزیر محمد 25 ووٹ لے کر دوسرے نمبر پر ہیں۔

جامشورو
میونسپل کمیٹی کوٹری وارڈ نمبر 1 کے پولنگ سٹیشن نمبر 1 کے غیر سرکاری غیر حتمی نتیجے کے مطابق جامشورو اتحاد پارٹی کے مشتاق علی شورو 226 ووٹ لے کر آگے ہیں، پیپلز پارٹی کے قاضی خالد حسین 156 ووٹ لے کر پیچھے ہیں۔ٹاؤن کمیٹی بھان سعید آباد وارڈ نمبر6 کا مکمل غیرحتمی نتیجہ موصول ہو گیاپیپلزپارٹی کے قربان علی 212 ووٹ لے کر کامیاب، سندھ یونائیٹڈ پارٹی کے دریا خان لغاری 91 ووٹ لےسکے۔میونسپل کمیٹی کوٹری کے وارڈ 7 کا مکمل نتیجہ پی پی امیدوار عمیر جاوید قریشی 828 ووٹ لیکر کامیاب ہو گئے، جامشورو اتحاد کے حسین بخش عاقل بگھیو 485 ووٹ لے کر دوسرے نمبر پر ہیں۔میونسپل کمیٹی کوٹری کے وارڈ 8 کا مکمل نتیجہ بھی موصول ہو گیا، پیپلز پارٹی کےعبدالخالق قمبرانی 619 ووٹ لیکر کامیاب ہوئے جبکہ جامشورو اتحاد کے لیاقت علی 588 ووٹ کے ساتھ دوسرے نمبر پر ہیں۔

حیدر آباد
یوسی 31 وارڈ 3 کے پولنگ سٹیشن نمبر 5 کا نتیجہ موصول ہو گیا، پیپلز پارٹی کے چئیرمین کے امیدوار مسیح الزمان 109 ووٹ لے کے آگے ہیں جبکہ پی ٹی آئی کے چئیرمین امیدوار شاہد خان 75 ووٹ لے کر پیچھے ہیں، بائیکاٹ کے باوجود ایم کیو ایم پاکستان کو 36 ووٹ کاسٹ کیے گے۔پولنگ سٹیشن یو سی 125 وارڈ 4 کا نتیجہ موصول ہو گیا جس کے مطابق پیپلز پارٹی کے چیئرمین کے امیدوار برکت علی ببر 79 ووٹ لے کر آگے ہیں، قومی عوامی تحریک کے امیدوار علی حسن چانڈیو 20 ووٹ لے کر پیچھے ہیں۔یونین کمیٹی نمبر 32 کے پولنگ سٹیشن نمبر 2 کا نتیجہ موصول ہو گیا، پاکستان تحریک انصاف کے چیئرمین کے امیدوار عبدالرزاق 91 ووٹ لے کر آگے ہیں جبکہ تحریک لبیک کے امیدوار فراز علی 8 ووٹ لے کر پیچھے ہیں۔یو سی 125 وارڈ نمبر 4 کے پولنگ سٹیشن ایچ ڈی اے آفس کا نتیجہ بھی موصول ہو گیا جس کے مطابق پیپلز پارٹی کے برکت علی ببر 79 ووٹ لے کر آگے جبکہ قومی عوامی تحریک کے امیدوار علی حسن چانڈیو 20 ووٹ لے کر دوسرے نمبر پر ہیں۔

ٹنڈومحمد خان
میونسپل کمیٹی ٹنڈومحمد خان وارڈ نمبر 18 کے پولنگ اسٹیشن بوائز سکول کا غیر سرکاری غیر حتمی نتیجہ موصول ہو گئے، پیپلز پارٹی کے عبدالکریم 312 ووٹ لے کر آگے، آزاد امیدوار عبدالرحیم 288 ووٹ لے کر دوسرے نمبر پر ہیں۔

ٹنڈواللہ یار
میونسپل کمیٹی ٹنڈو اللہ یار وارڈ نمبر 3 کے پولنگ سٹیشن اے سیکشن تھانہ کا غیر سرکاری غیر حتمی نتیجے کے مطابق پیپلز پارٹی کے نواز بلوچ 172 ووٹ لے کر پہلے جبکہ پی ٹی آئی کے شاہد بیگ 78 ووٹ لے کر دوسرے نمبر پر ہیں۔

دادو
میونسپل کمیٹی جوہی، وارڈ نمبر 4 کا غیر سرکاری غیر حتمی نتیجہ بھی موصول ہو گیا، پیپلز پارٹی کے میر مرتضیٰ تھیم 320 ووٹ لے کر کامیاب ہو گئے، آزاد امیدوار روشن باہوٹہ 186 ووٹ کے ساتھ دوسرے نمبر پر ہیں۔میونسپل کمیٹی دادو وارڈ نمبر 5 کے پولنگ سٹیشن گرلز سکول کے غیر سرکاری غیر حتمی نتیجے کے مطابق پیپلز پارٹی کے قربان چانڈیو 304 ووٹ لے کر پہلے پی ٹی آئی کے سعید احمد سومرو 133 ووٹ لے کر دوسرے نمبر پر ہیں۔میونسپل کمیٹی دادو وارڈ نمبر 6 کے پولنگ سٹیشن گرلز سکول کا غیر سرکاری غیر حتمی نتیجہ موصول ہوگیا، پیپلز پارٹی کے حفیظ جمالی 436 ووٹ لے کر پہلے پی ٹی آئی کے نواب علی شاہ 366 ووٹ لے کر دوسرے نمبر پر ہیںمیونسپل کمیٹی دادو وارڈ نمبر 8 کے پولنگ سٹیشن بوائز ہائی سکول کا غیر سرکاری غیر حتمی نتیجہ بھی موصول ہو گیا، پی ٹی آئی کے وقار لاشاری 214 ووٹ لے کر پہلے نمبر پر موجود، جبکہ پیپلز پارٹی کے بشیر دین قریشی 181 ووٹ لے کر دوسرے نمبر پر ہیں۔میونسپل کمیٹی خیرپور ناتھن شاہ، وارڈ نمبر 11 کے غیر سرکاری غیر حتمی نتیجے کے مطابق پیپلز پارٹی کے محمد بروہی 281 ووٹ لے کر کامیاب ، پی ٹی آئی امیدوار لال بخش بروہی 278 ووٹ لے کر دوسرے نمبر پر ہیں۔میونسپل کمیٹی دادو وارڈ نمبر 19 کے پولنگ سٹیشن ٹی بی ہسپتال کا غیر سرکاری غیر حتمی نتیجہ موصول ہو گیا، پیپلز پارٹی کے ریاض حسین گوپانگ 588 ووٹ لے کر آگے، پی ٹی آئی کے یاسین سولنگی 345 ووٹ لے کر پیچھے ہیں۔میونسپل کمیٹی دادو کے وارڈ 21 کا مکمل نتیجہ موصول ہو گیا، پاکستان پیپلز پارٹی کے حاجی لائق 392 ووٹ لے کر کامیاب ہو گئے، آزاد امیدوار بشیر احمد 50 ووٹ لے کر دوسرے نمبر ہیں۔

سجاول
ٹاؤن کمیٹی جاتی، وارڈ نمبر 1 کا غیر سرکاری غیر حتمی نتیجہ بھی موصول ہو گیا، پیپلز پارٹی جمن خان ملکانی 564 ووٹ لے کر کامیاب جبکہ ایس یو پی کے امیدوار اشرف تھہیم 302 ووٹ لے کر دوسرے نمبر پر ہیں۔ٹاؤن کمیٹی میرپور بٹھورو وارڈ نمبر 2 کے پولنگ سٹیشن ہائر سکینڈری سکول کا غیر سرکاری غیر حتمی نتیجے کے مطابق پیپلز پارٹی کے ایاز سوہو 210 ووٹ لے کر پہلے جبکہ قومی عوامی تحریک کے یوسف کنبھار 66 لے کر دوسرے نمبر پر ہیں۔ٹاؤن کمیٹی میرپور بٹھورو وارڈ نمبر 3 کے پولنگ سٹیشن بوائز سکول کے غیر سرکاری غیر حتمی نتیجے کے مطابق پیپلز پارٹی کے غلام علی خواجہ 288 ووٹ لے کر پہلے نمبر پر ہیں جبکہ جے یو آئی کے محمد طاہر کٹی 28 لے کر دوسرے نمبر پر ہیں۔ٹاؤن کمیٹی جاتی، وارڈ نمبر 4 کا غیر سرکاری غیر حتمی نتیجہ موصول ہو گیا، پیپلز پارٹی کے یوسف میمن 954 ووٹ لے کر کامیاب جبکہ آزاد امیدوار دلدار سمیجو 687 ووٹ لے کر دوسرے نمبر پر رہے۔

کراچی ڈویژن کے 7 اضلاع (وسطی، شرقی، جنوبی،غربی، کیماڑی، کورنگی، ملیر) کی 25 ٹاؤنز کی 246 یوسیز کے 984 وارڈز میں بلدیاتی انتخابات کیلئے ووٹنگ کا عمل کامیابی سے مکمل ہو گیا۔اب تک کے نتائج کے مطابق میونسپل کمیٹی دادو وارڈ نمبر 19 کے پولنگ اسٹیشن ٹی بی ہسپتال میں پیپلز پارٹی کے ریاض حسین گوپانگ 588 ووٹ لے کر پہلے نمبر پر ہیں جبکہ پی ٹی آئی کے یاسین سولنگی 345 ووٹ کے ساتھ دوسرے نمبر پر ہیں۔میونسپل کمیٹی دادو وارڈ نمبر 6 کے پولنگ سٹیشن گرلز سکول کے غیر سرکاری غیر حتمی نتیجے کے مطابق پیپلز پارٹی کے حفیظ جمالی 436 ووٹ لے کر پہلے نمبر پر جبکہ پی ٹی آئی کے نواب علی شاہ3 66 ووٹ لے کر دوسرے نمبر پر ہیں۔جامشورو ٹاؤن کمیٹی بھان سید آباد وارڈ نمبر 7 کے پولنگ بوتھ گرلز سکول کے غیر سرکاری غیر حتمی نتیجے کے مطابق پیپلز پارٹی کے سید زوار شاہ 93 ووٹ لے کر پہلے نمبر پر جبکہ سندھ یونائٹڈ پارٹی کے علی اکبر 37 ووٹ لے کر دوسرے نمبر پر رہے۔جامشورو ٹاؤن کمیٹی بھان سید آباد وارڈ نمبر 6 کے مکمل غیر سرکاری غیر حتمی نتیجے میں پیپلز پارٹی کے قربان علی 212ووٹ لے کر کامیاب قرار پائے ہیں جبکہ سندھ یونائٹڈ پارٹی کے دریا خان لغاری 91 ووٹ لے کر دوسرے نمبر پر ہیں۔حیدرآباد ڈویژن کے 9 اضلاع میں بھی بلدیاتی انتخابات کے لئے پولنگ کا عمل مکمل ہو گیا جہاں نتائج کیلئے ووٹوں کی گنتی کا عمل جاری ہے۔

ٹھٹھہ، بدین اور سیہون میونسپل کمیٹی کے تمام وارڈز پر پیپلز پارٹی نے کامیابی حاصل کرلی۔
وارڈ نمبر 1 پر پیپلز پارٹی کے امیدوار مرتضیٰ سرور اوٹھو 624 ووٹ، وارڈ نمبر 2 پر پی پی کی ہی امیدوار منظور حسین سومرو نے 772 ووٹ، وارڈ نمبر 3 پر گل محمد بھٹی 493 ووٹ، وارڈ نمبر 4 پر سید شہزاد حیدر شاہ نے 593 ووٹ، وارڈ نمبر 5 پر پیپلز پارٹی امیدوار دلدار علی سولنگی 810 ووٹ لیکر کامیاب ہو گئے ہیں۔

وارڈ نمبر 6 پر پیپلز پارٹی امیدوار غلام مصطفیٰ لاشاری 600 ووٹ کے ساتھ کامیاب ہوئے، وارڈ نمبر 7 پر علی شیر لاشاری بلامقابلہ کامیاب ہوئے، وارڈ نمبر 8 پر محمد عالم پرارو 407 ووٹ لے کر جیت گئے، وارڈ نمبر 9 پر قربان ابڑو بھی بلامقابلہ کامیاب ہوئے، وارڈ نمبر 10 پر علی اکبر کٹوہڑ 612 ووٹ لیکر کامیاب ہوئے۔

وارڈ نمبر 11 پر پیپلز پارٹی امیدوار نظیر احمد سولنگی 466 ووٹ کے ساتھ کامیاب ہوئے، وارڈ نمبر 12 پر فہیم احمد سولنگی، وارڈ نمبر 13 پر وسیم احمد سولنگی، وارڈ نمبر 14 پر ریاض حسین سولنگی، وارڈ نمبر 15 سے محمد آچر کھوسو پہلے ہی بلا مقابلہ کامیاب ہو گئے ہیں۔

اس کے علاوہ بدین میں ٹاؤن کمیٹی کڑیو گھنور میں پیپلز پارٹی نے تمام کے تمام 06 وارڈز جیت لیے ہیں جبکہ ٹاؤن کمیٹی گولارچی میں پیپلز پارٹی 6 میں سے 5 وارڈز پر کامیاب ہو گئی ہے اس کے علاوہ ٹھٹھہ میونسپل کمیٹی کے تمام 9 وارڈز پر بھی پیپلز پارٹی کے امیدوار کامیاب ہو گئے ہیں۔

حیدرآباد میں 2551، دادو میں 1436، جامشورو میں 839، ٹنڈوالہیار میں 781، مٹیاری میں 715 اور ٹنڈومحمد خان میں 452 امیدواروں نے مختلف نشستوں پر الیکشن میں حصہ لیا۔سندھ بلدیاتی انتخابات کے لئے 8706 پولنگ سٹیشن قائم کیے گئے، مردوں کے لیے 1204 اور خواتین کے لیے 1170 پولنگ سٹیشنز بنائے گئے۔پولنگ کے موقع پر سکیورٹی کے سخت انتظامات کئے گئے، رینجرز کو بھی بطور کوئیک رسپانس فورس تعینات کیا گیا۔