Category: کراچی

کراچی: سندھ ہائی کورٹ نےپسند کی شادی کرنے والی آرزو فاطمہ کے والدین کے پاس جانے سےمتعلق بیان کے بعد کیس ختم کردیا۔جسٹس کے کے آغا کی سربراہی میں سندھ ہائی کورٹ کے 2 رکنی بینچ کے روبرو سندھ چائلڈ میرج ریسٹرینٹ ایکٹ 2013ء کی خلاف ورزی سے متعلق آرزو فاطمہ کے والدین کی درخواست پر سماعت ہوئی، جس میں کم عمر لڑکی آرزو فاطمہ عدالت میں پیش ہوئی۔

عدالت نے استفسار کیا کہ کیا بچی والدین کے ساتھ خوش ہے؟ جس پر آرزو فاطمہ نے بیان دیتے ہوئے کہا کہ جی والدین کے ساتھ خوش ہوں۔ عدالت نے استفسار کیا کہ کسی کا دباؤ یا خوف تو نہیں ہے؟ آرزو فاطمہ نے کہا کہ نہیں مجھے کسی قسم کا خوف نہیں ہے، والدین کے پاس رہنا چاہتی ہوں۔عدالت نے آرزو فاطمہ کے بیان کے بعد والدین کی زیر سماعت درخواست نمٹادی۔

واضح رہے کہ 13 سالہ مسیحی لڑکی آروز فاطمہ نے اسلام قبول کرکے 44 سالہ علی اظہر سے شادی کرلی تھی۔ والدین نے بچی گمشدگی کیخلاف سندھ ہائیکورٹ سے رجوع کیا تھا۔ عدالت کے حکم پر بچی کو بازیاب کراکر عدالت میں پیش کیا گیا۔ میڈیکل رپورٹ میں آرزو کم عمر ثابت ہوگئی تھی، جس پر سندھ ہائیکورٹ نے کم عمری کی شادی کرنے والی آرزو فاطمہ کو دارالامان بھیج دیا تھا۔

دسمبر 2021ء میں عدالت نے آرزو فاطمہ کو 18 سال کی عمر تک والدین کے ساتھ رہنے کی اجازات دی تھی۔ سندھ چائلڈ میرج ریسٹرینٹ میرج ایکٹ 2013ء کے تحت 18 سال سے کم عمر لڑکی یا لڑکا شادی نہیں کر سکتے۔ چائلڈ میرج ریسٹرینٹ ایکٹ کی خلاف ورزی کی سزا 2 سال اور ایک لاکھ جرمانہ ہے جب کہ خلاف ورزی میں معاونت کرنے والوں کو بھی 2 سال کی سزا ہوسکتی ہے۔

آرمی چیف تقرری؛ وزیر دفاع نے وزیراعظم ہاؤس کو سمری موصول ہونے کی تصدیق کردی
خبردار۔!ایوان اقتدارمیں تھرتھلی۔24گھنٹےاہم:اعظم سواتی،بیگم تہجدگزار،بیٹا شراب کا سوداگر۔ثبوت حاضر ہیں۔
جی ایچ کیو نے آرمی چیف اور چیئرمین جوائنٹ چیفس آف اسٹاف کی تعیناتی کی سمری بھجوا دی، آئی ایس پی آر

باغی ٹی وی کی رپورٹ کے مطابق شہر قائد کراچی میں جرائم پیشہ عناصر کے خلاف پولیس کی کاروائیاں جاری ہیں

ڈسٹرکٹ سٹی پولیس نے موٹر سائیکل لفٹنگ میں ملوث مطلوب 6 رکنی گینگ گرفتار کر لیا، ایس ایس پی سٹی شبیر احمد سیٹھار نے تفصیلات سے آگاہ کرتے ہوئے کہا کہ ملزمان سے 4 چوری شدہ موٹر سائیکلز برآمد کی گئی ہیں، ملزمان کی شناخت جعفر, راشد, اللہ بخش عرف بھاگیو, جہانزیب, راشد اور سجاد کے ناموں سے ہوئی ہے. ملزمان کو انٹیلیجنس،ٹیکنیکل بیسڈ کاروائیاں کرتے ہوئے گرفتار کیا گیا.لزمان کو علاقہ تھانہ چاکیواڑہ, کھارادر اور بغدادی کی حدود سے گرفتار کیا گیا. ملزمان شہر کے مختلف علاقوں سے موٹر سائیکل چوری کرکے علیحدہ علیحدہ پارٹس میں بیچا کرتے تھے,

برآمدہ چوری شدہ موٹر سائیکل نمبری AFR-2021 کا مقدمہ تھانہ آرام باغ میں درج ہے. برآمدہ چوری شدہ موٹر سائیکل نمبری KOP-1849 کا مقدمہ تھانہ کھارادر میں درج ہے. برآمدہ چوری شدہ موٹر سائیکل نمبری KFY-1884 کا مقدمہ تھانہ سٹی کورٹ میں درج ہے. برآمدہ چوری شدہ موٹر سائیکل نمبری KEC-6552 کا مقدمہ تھانہ کھارادر میں درج ہے.ملزمان کے خلاف مقدمات بالا کے تحت گرفتار کرکے مزید قانونی کاروائی عمل میں لائی جارہی ہے. ملزمان کے دیگر ساتھیوں کیلئے مزید ٹارگٹڈ کارروائیاں کی جارہی ہیں,

سوشل میڈیا کے ذریعے لاہور میں لڑکیاں سپلائی کرنے والے ملزمان گرفتار

دوسری شادی کیوں کی؟ پہلی بیوی نے خود کشی کر لی

منشیات فروش خاتون پولیس کے ساتھ کیسے چھپن چھپاؤ کر رہی؟

نشہ آور چیز کھلا کر لڑکی سے زبردستی زیادتی کرنے والا ملزم گرفتار

امیرلڑکے سے شادی کا انکار کیا تو گھر میں بند کر دیا گیا،25 سالہ لڑکی کی تحفظ کی اپیل

نو سالہ بچے سے زیادتی کرنیوالا پولیس اہلکار،خاتون سے زیادتی کرنیوالا گرفتار

کراچی :شاہ نواز بھٹو کالونی لائنز ایریا کا رہائشی محمد نبیل پڑوسی کے ظلم کا شکار ،پڑوسی ودیگر افراد کاگھر پر حملہ، قتل و گھر سمیت پوری فیملی کو زندہ جلانے کی دھمکی،گھر پر حملہ اپنی اور اہل خانہ کو جان سے مارنے کی دھمکیوں پر ملزمان کیخلاف قانونی کارروائی ، اپنے اور اہل خانہ کے تحفظ کیلئے تھانہ بر گیڈ میں درخواست د یدی گئی،05 دن بعد بھی ایس ایچ او بریگیڈ ملزمان کیخلاف کارروائی کرنے میں ہچکچا ہٹ کا شکار، ظلم کے شکار ا س فیملی کے ساتھ کسی بھی حادثے اورسانحے کا ذمہ دار کون ہوگا؟۔

معزز عدالت کے حکم کے باوجود گھر پر حملہ،گھر سمیت اہل خانہ کو زندہ جلانے کی دھمکیا ں اور ذاتی گھر سے بید خل کرنے کے سنگین الزامات کے باوجود ایس ایچ او بریگیڈ ملزمان کیخلاف کارروائی کرنے میں ہچکچا ہٹ کا شکار۔ تفصیلا ت کے مطابق شاہ نواز بھٹو کالونی لا ئنز ایریا کے رہائشی محمد نبیل نے صحافیوں سے ملاقات میںاپنے اور اہل خا نہ پر ہونے والے ظلم کی روداد بتاتے ہوئے کہا کہ میں محمد نبیل ولد منیر حسین شاہ نواز بھٹو کالونی لائنز ایریا کراچی کے مکان نمبر 12/33 کا رہائشی ہوں ۔04اکتوبر2022کو میرے گھر میںقتل کے ایک واقعہ رونما ہوا تھا،

واقعے کے بعد پولیس نے ہمارا گھر سیل کردیاتھا گھر سیل ہونے کی وجہ سے ہم دربدر ہوگئے تھے۔ ہماری جانب سے15اکتوبر 2022کو متعلقہ کورٹ میں گھر کی سیل کھلو انے کیلئے درخواست دائر کرنے پر معزز عدالت کے حکم پر22اکتوبر ایس ایچ او تھانہ برگیڈ نے ہمیں گھر کی چابی دی۔ محمد نبیل نے بتایا کہ ہم تھانے سے تقر یبا 05بجے گھرآئے جیسے ہی ہم تالہ کھول کر گھر میں داخل ہوئے ہی تھے کہ آصف، عارف،سلمیٰ، ہما اور چند نامعلوم ( جنہیں ہم نہیں جانتے) افراد گالیاں اور شور شرابہ کرتے ہوئے گھر میں داخل ہو تے ہی یہ لوگ ہم پر حملہ آور ہوگئے ہم بمشکل اپنی جان بچا کر سے باہر نکلے ،

انہوں نے ہمیں دھمکی دی کہ اگر دوبارہ اس گھر میں آئے توتمہیں جان سے مار دینگے اور تم لوگوں کے سا تھ اس گھر کو بھی آگ لگادینگے۔ محمد نبیل نے مزید گفتگو کرتے ہوئے بتایا کہ شاہ نواز بھٹو کالونی لائنز ایر یا کراچی کا مکان نمبر 12/33 میرا ذاتی مکان ہے جبکہ محلے داروں سے معلوم ہوا ہے کہ یہ لوگ میرے گھر سے سامان بھی چور ی کررہے ہیں ۔ محمد نبیل کا کہنا تھا کہ میرے بھائی اور بھابھی کیخلاف مقدمہ درج ہے اور وہ جیل میں ہیں،

محمد نبیل نے بتایا کہ میں نے گھر میں د ا خل ہونے ،مجھ پر اور اہل خانہ پر حملہ کرنے، جان سے مارنے اور میری پوری فیملی سمیت گھر کو آگ لگا نے کی دھمکیوں پر ملز ما ن کیخلاف قانونی کارروائی ، اپنے اور اہل خانہ کے تحفظ کیلئے تھانہ بر گیڈ میں درخواست دیدی ہے۔ لیکن 0 5روز گذر جانے کے باوجود تاحال پولیس کی جانب سے ملزمان کیخلاف کوئی کارروائی نہیں کی گئی۔ ظلم کے شکار اس فیملی کے ساتھ کسی بھی حادثے اور سانحے کا ذمہ دار کون ہوگا؟۔

نوشہروفیروز:نوشہروفیروزموٹر وے فنڈز میں کرپشن کے ملزم ڈپٹی کمشنر تاشفین عالم بیرون ملک فرار ہوگئے۔اطلاعات کے مطابق وفاقی تحقیقاتی ایجنسی (ایف آئی اے) نے تصدیق کی ہےکہ ڈپٹی کمشنر تاشفین عالم بیرون ملک فرار ہوگئے ہیں۔

ایف آئی اے کے مطابق تاشفین عالم 19 نومبرکو دبئی روانہ ہوئے، تاشفین عالم دبئی سے غیر ملکی پرواز میں آزر بائیجان چلےگئے۔

ذرائع کے مطابق نیشنل ہائی وے اتھارٹی نے ڈی سی نوشہرو فیروز تاشفین عالم کو 1500 ایکڑ زمین کی خریداری کے لیے 3 ارب 61 کروڑ روپے سے زائد کے فنڈز جاری کیے تھے، جاری کردہ فنڈز کے استعمال میں قواعد و ضوابط کی خلاف ورزی اور مبینہ خردبرد کا الزام ہے۔

ڈپٹی کمشنر تاشفین عالم 4 دن سے مفرور تھے جس پر انہیں معطل کردیا گیا ہے۔چیف سیکرٹری سندھ نے انکوائری کے لیے تین رکنی کمیٹی بنائی ہے جوکہ موٹروےکی زمینوں کی خریداری کے ریکارڈکی جانچ پڑتال کررہی ہے۔

یاد رہے کہ چند دن پہلے خبر وائرل ہوئی تھی جس کے مطابق سکھر حیدرآباد موٹر وے کی تعمیر کے لیے زمین کی خریداری میں ایک اور مبینہ کرپشن سامنے آگئی۔

ذرائع کے مطابق نیشنل ہائی وے اتھارٹی نے ڈی سی نوشہرو فیروز کو 1500 ایکڑ زمین کی خریداری کے لیے 3 ارب 61 کروڑ روپے سے زائد کے فنڈز جاری کیے ، جاری کردہ فنڈ کے استعمال میں قواعد و ضوابط کی خلاف ورزی کی گئی۔

ڈپٹی کمشنر نوشہرو فیروز تاشفین عالم گزشتہ 4 روز سے غائب ہیں جس پر انہیں معطل کردیا گیا ہے۔چیف سیکرٹری سندھ کا کہنا ہے کہ انکوائری کے لیے تین رکنی کمیٹی بنا دی ، جس کی رپورٹ آنے کے بعد پتا چلے گا کرپشن کیسے کی گئی۔

سابق چیئرمین FBR شبر زیدی نے کہا ہے کہ پاکستان دیوالیہ ہو گیا ہے

دیوالیہ پن سے بچاؤ کے لئے فلپائن ایئر لائن امریکی عدالت پہنچ گئی

کراچی:شاہ زیب قتل کیس کےملزم شاہ رخ جتوئی کو کراچی کی ملیرجیل سے رہا کردیا گیا ہے۔تفصیلات کےمطابق سپریم کورٹ نے18 اکتوبر کو 10 برس قبل کراچی میں شاہ زیب خان نامی نوجوان کے قتل کے مقدمے میں مرکزی ملزم شاہ رخ جتوئی سمیت تمام ملزمان کی سزاؤں کے خلاف اپیل منظور کرتے ہوئے انھیں مقدمے سے بری کرنے کا فیصلہ سنایا تھا۔

فیصلے کے مطابق فریقین کے درمیان صلح ہو چکی ہے اور صلح کے بعد سزا ختم ہونے سے متعلق متعدد عدالتی فیصلے موجود ہیں۔

فیصلے میں کہا گیا ہے کہ مقدمے میں دہشت گردی کا کوئی عنصر نہیں، مقدمے سے انسداد دہشتگردی ایکٹ کی دفعہ 7 کے تحت ملزمان کی سزا ختم کی جاتی ہے۔ کہ ذاتی رنجش اور جھگڑے میں دہشت گردی کی دفعات نہیں لگائی جاسکتیں۔

واضح رہے کہ شاہ زیب خان کے قتل کا واقعہ 24 دسمبر 2012 کو کراچی میں ڈیفنس کے علاقے میں پیش آیا تھا جہاں شاہ رخ جتوئی اور ان کے ساتھیوں نے تلخ کلامی کے بعد فائرنگ کر کے شاہ زیب کو قتل کر دیا تھا۔اس مقدمے میں ٹرائل کورٹ نے شاہ رخ اور ان کے ساتھی سراج تالپور کو سزائے موت جبکہ دیگر دو مجرموں سجاد تالپور اور غلام مرتضیٰ لاشاری کو عمر قید کی سزا سنائی تھی۔

2019 میں سندھ ہائی کورٹ نے ہی شاہ رخ جتوئی اور سراج تالپور کی جانب سے دائر بریت کی اپیل مسترد کر دی تھی تاہم ان کی سزائے موت کو عمرقید میں تبدیل کر دیا گیا تھا۔سپریم کورٹ نے سندھ ہائی کورٹ کا فیصلہ کالعدم قرار دے کر مرکزی ملزم شاہ رخ جتوئی، نواب سراج تالپور اور دیگرملزمان کو بری کردیا تھا۔

سابق چیئرمین FBR شبر زیدی نے کہا ہے کہ پاکستان دیوالیہ ہو گیا ہے

دیوالیہ پن سے بچاؤ کے لئے فلپائن ایئر لائن امریکی عدالت پہنچ گئی

کراچی:شہرقائد کےعلاقے کورنگی بلال کالونی میں اسسٹنٹ کمشنرلانڈھی کےگن مین نے اسٹریٹ کرائم کی واردات ناکام بنادی۔اطلاعات کے مطابق کورنگی میں سستا آٹا فروخت کرنے والے ٹرک کو لوٹنے والےدوڈاکو اسسٹنٹ کمشنر کےگن مین کی فائرنگ سےہلاک ہوگئے۔

پولیس کےمطابق اسسٹنٹ کمشنزلانڈھی مونس احمد کے دفتر کے سامنے سستا آٹا فروخت کرنےوالا ٹرک موجود تھا، جہاں چار ڈاکوؤں نے ٹرک پر چڑھ کر لوٹ مار کرنے کی کوشش کی۔پولیس کے مطابق دفتر میں موجود گن مین نے ڈاکوؤں پر فائرنگ کردی، جس سے دو ڈاکو ہلاک جبکہ دو فرار ہوگئے۔

ادھر ایک اور واقعہ میں کراچی میں سرسید پولیس نےٹیکنیکل بنیادوں پر کاروائی ڈکیتی کی واردات کے آدھے گھنٹے کے اندر ملزمان گرفتارکرکے ان سے مسروقہ سامان برآمد کرلیا ہے

سرسید پولیس کے مطابق 4 مسلح ملزمان 2 موٹر سائیکل پر آئے تھے جنہوں نے شہری سے سیکٹر 11B میں آئی فون اور 125 موٹر سائیکل چھینی اور فرار ہوگئے تھےشہری نے پولیس کو اطلاع دی جسپر ایس ایچ او سرسید ہمراہ پولیس جوانوں کے آئی فون کا لوکیشن ٹریس کرتے ہوئے ملزمان کا تعاقب کیا

سرسید پولیس نے میانوالی کالونی سے ملزمان کو شہری کی موجودگی اور نشاندہی پر گرفتار کرنے کی کوشش کی تو دورانِ کاروائی 1 ملزم گرفتار ہوگیا جبکہ دیگر ملزمان فرار ہوگئے،پولیس کےمطابق گرفتار ملزم کی شناخت ذیشان ولد دلشاد کے نام سے ہوئی

دوسری طرف سرسید پولیس کا کہنا ہے کہ گرفتار ہونے والے ملزم کا ریکارڈ چیک کیا جارہا ہےپولیس نے موقع پر ملزمان کی واردات میں استعمال ہونے والی موٹر سائیکل سمیت شہری سے چھینی ہوئی موٹر سائیکل بھی برآمد کرلی جو ملزمان نے دوسری گلی میں چھپائی ہوئی تھی

سابق چیئرمین FBR شبر زیدی نے کہا ہے کہ پاکستان دیوالیہ ہو گیا ہے

دیوالیہ پن سے بچاؤ کے لئے فلپائن ایئر لائن امریکی عدالت پہنچ گئی