Category: کراچی

کراچی: شہید محترمہ بینظیر بھٹو ٹیلنٹیڈ ایوارڈ کی 12 ویں تقریب ابراہیم جویو آڈیٹوریم کراچی میں شاندار انداز میں منعقد کی گئی۔

تقریب کے مہمان خصوصی سندھ کے صوبائی وزیر بلدیات سید ناصر حسین شاہ تھے۔ سید ناصر حسین شاہ نے اپنے خطاب میں کہا میرے لئے یہ فخر کی بات ھے کہ اپنی شہید قائد سے منصوب ایوارڈ ان شخصیات کو دے رھا ہوں جنہوں نے اپنی فیلڈ میں نمایاں خدمات انجام دیں۔ سید ناصر حسین شاہ سے کہا کہ محترمہ بینظیر بھٹو کی جمہوریت کیلئے جدوجہد ان کے خون سے عبارت ہے۔ بھٹو خاندان کی قربانیوں کو کوئی فراموش نہیں کرسکتا۔شہید محترمہ بینظیر بھٹو کی عوام کیلئے قربانی کا باب خون سے لکھا گیا، سید ناصر حسین شاہ نے اس موقع پر ایوارڈ لینے والی شخصیات کو خراج تحسین پیش کرتے ہوئے ان کو مبارکباد پیش کی۔

ایم کیو ایم پاکستان کے مرکزی رہنما ڈاکٹر فاروق ستار نے کہا ہے کہ جب تک قانون میں میئر کے اختیارات اور کردار کو واضح طور پر متعین نہیں کیا جاتا، اس وقت تک کمیونٹی پولیسنگ کا نظام مؤثر اور نتیجہ خیز ثابت نہیں ہو سکتا۔

کراچی ایکسپو سینٹر میں میڈیا سے گفتگو کرتے ہوئے ڈاکٹر فاروق ستار کا کہنا تھا کہ ملک میں امن و امان کی بہتری، شہری مسائل کے حل اور عوامی سطح پر قانون نافذ کرنے کے نظام کو مضبوط بنانے کے لیے مقامی حکومتوں کو حقیقی معنوں میں بااختیار بنانا ناگزیر ہے۔ انہوں نے زور دیا کہ میئر اور بلدیاتی نمائندوں کو واضح قانونی اختیارات دیے بغیر کسی بھی اصلاحاتی ماڈل کی کامیابی ممکن نہیں۔ڈاکٹر فاروق ستار نے 28ویں آئینی ترمیم کا حوالہ دیتے ہوئے کہا کہ اس ترمیم کے ذریعے ملک میں نئے انتظامی یونٹس بنانے سے متعلق فیصلے ہونے چاہئیں، کیونکہ موجودہ آبادی اور شہری پھیلاؤ کے پیشِ نظر بڑے صوبے اب انتظامی بوجھ اٹھانے کے قابل نہیں رہے۔ ان کا کہنا تھا کہ بڑھتی ہوئی آبادی، شہری مسائل اور انتظامی پیچیدگیوں نے ثابت کر دیا ہے کہ موجودہ نظام ناکافی ہو چکا ہے۔

ویڈیو:بہار کے وزیر اعلیٰ نتیش کمار کی جانب سے زبردستی خاتون کا نقاب کھینچنے پر اسلام آباد میں احتجاج

ایم کیو ایم رہنما نے کہا کہ بہتر حکمرانی، وسائل کی منصفانہ تقسیم اور عوام کو ان کی دہلیز پر سہولیات فراہم کرنے کے لیے نئے انتظامی یونٹس کا قیام وقت کی اہم ضرورت بن چکا ہے۔ انہوں نے کہا کہ دنیا بھر میں مؤثر طرزِ حکمرانی کے لیے انتظامی اکائیوں کو آبادی اور جغرافیے کے مطابق منظم کیا جاتا ہے، جبکہ پاکستان میں اس اصول کو مسلسل نظر انداز کیا جا رہا ہے۔ڈاکٹر فاروق ستار نے مطالبہ کیا کہ ایم کیو ایم پاکستان کی جانب سے پیش کردہ آئینی ترمیمی بل، جو آرٹیکل 148 سے متعلق ہے، کو 28ویں آئینی ترمیم کا باقاعدہ حصہ بنایا جائے۔ ان کے مطابق اس بل کا مقصد وفاق، صوبوں اور مقامی حکومتوں کے درمیان اختیارات اور ذمہ داریوں کو واضح کرنا ہے تاکہ انتظامی خلاء ختم ہو سکے۔انہوں نے مزید کہا کہ مقامی حکومتوں کو اختیارات اور وسائل دیے بغیر نہ تو امن و امان کی صورتحال بہتر بنائی جا سکتی ہے اور نہ ہی شہری مسائل کا پائیدار حل ممکن ہے۔ ڈاکٹر فاروق ستار کا کہنا تھا کہ اگر حکومت واقعی عوامی مسائل حل کرنے میں سنجیدہ ہے تو اسے نچلی سطح پر مضبوط اور خودمختار بلدیاتی نظام قائم کرنا ہوگا۔

پاکستان میں توانائی کے شعبے میں ایک عظیم تاریخی پیش رفت سامنے آئی ہے

پانچ سال سے بند قومی اثاثہ دوبارہ فعال ہو گیا،جامشورو جوائنٹ وینچر لمیٹڈ (جے جے وی ایل) کے پلانٹ کی بحالی سے تقریباً 200 بلین ڈالر کی سالانہ بچت ہو سکےگی، سالانہ ٹیکس کی مد کے ذریعے ہر سال تقریباً 3 بلین روپے کی آمدنی کا امکان ہے ،ایس آئی ایف سی کے خوش آئینداقدامات سے طویل عرصے سے جاری تعطل کو دور کیا گیا جس کی بدولت سوئی سدرن گیس کمپنی کو 2 بلین ڈالر کی آمدن متوقع ہے،سالانہ ٹیکس کی مد کے ذریعے ہر سال تقریباً 3 بلین روپے کی آمدنی کا امکان ہے،اس پلانٹ کی دوبارہ فعالی کے بعد 5000 کے قریب بالواسطہ اور بلاواسطہ روزگارکے مواقع پیدا ہوں سکیں گے

ایس آئی ایف سی کے اس مثالی اقدام سے جہاں ریگولیٹری ماحول سازگار ہوا ہے، وہاں توانائی کے شعبہ جات میں بھی سرمایہ کاروں کا اعتماد بحال ہوا ہے،مقامی پروڈکشن میں اضافے کے باعث 750,000 سے زائد گھرانوں کی توانائی کی ضروریات پوری ہو سکیں گی،توانائی کے شعبے سے منسلک، ایسوسی ایٹڈ گروپ کے چئیرمین اقبال احمد، ایس آئی ایف سی کے تعاون کے شکر گزارہیں،چیئرمین اقبال احمد کا کہنا ہے کہ ایس آئی ایف سی کی سہولت کاری کے باعث 250 ملین ڈالر آمدن کی صلاحیت کو بحال کیا گیا ہے ،

توانائی میں خود کفالت کے ساتھ ساتھ پاکستان کی معیشت مستحکم اورملکی ترقی اور سرمایہ کاری کے نئے دورمیں داخل ہو رہی ہے ،ایس آئی ایف سی کے تعاون سے ایک اور برسوں پرانا بند قومی اثاثہ دوبارہ فعال ہو گیا، جو معاشی بحالی کی واضح مثال ہے

کراچی، جناح انٹرنیشنل ائیرپورٹ پر مسافر کا پاسپورٹ پھاڑنے کے واقعے میں اہم پیشرفت سامنے آگئی ہے، تحقیقات کے بعد نجی ائیرلائن،بلیو ایئر لائن کے عملے کو قصوروار قرار دے دیا گیا ہے۔

کراچی انٹرنیشنل ائیرپورٹ پر بیرونِ ملک روانہ ہونے والے ایک مسافر کو اس وقت شدید پریشانی کا سامنا کرنا پڑا جب نجی ائیرلائن کے کاؤنٹر پر موجود عملے نے مبینہ طور پر اس کا پاسپورٹ پھاڑ دیا۔ یہ واقعہ مسافر کی پرواز سے عین قبل پیش آیا، جس کے باعث مسافر نہ صرف اپنی فلائٹ سے محروم ہوا بلکہ اسے ذہنی اذیت کا بھی سامنا کرنا پڑا۔واقعے کی سنگینی کو دیکھتے ہوئے پاکستان ائیرپورٹ اتھارٹی (پی اے اے) نے فوری طور پر تحقیقات کا آغاز کیا۔ ذرائع کے مطابق پی اے اے کی جانب سے کی جانے والی انکوائری میں یہ بات سامنے آئی ہے کہ ائیرلائن کاؤنٹر پر تعینات اسٹاف نے قواعد و ضوابط کی خلاف ورزی کرتے ہوئے غیر ذمہ دارانہ رویہ اختیار کیا، جس کے نتیجے میں مسافر کا پاسپورٹ نقصان کا شکار ہوا۔

تحقیقات میں ائیرلائن کے عملے کو براہِ راست قصوروار قرار دیا گیا ہے، جبکہ رپورٹ میں کہا گیا ہے کہ پاسپورٹ جیسے اہم سفری دستاویز کو نقصان پہنچانا نہ صرف سنگین غفلت ہے بلکہ یہ قانونی جرم کے زمرے میں بھی آتا ہے۔ ذرائع کا کہنا ہے کہ واقعے میں ملوث عملے کے خلاف محکمانہ کارروائی کی سفارش بھی کی گئی ہے۔

پاکستان ائیرپورٹ اتھارٹی کے حکام کے مطابق مسافروں کے سفری دستاویزات کا تحفظ ائیرپورٹس اور ائیرلائنز کی مشترکہ ذمہ داری ہے اور اس نوعیت کے واقعات ملک کے امیج کو بھی نقصان پہنچاتے ہیں۔ پی اے اے نے واضح کیا ہے کہ مستقبل میں ایسے واقعات کی روک تھام کے لیے ائیرلائنز کے عملے کی نگرانی مزید سخت کی جائے گی۔

پاکستان کرکٹ کے عظیم بلے باز اور سابق ٹیسٹ کپتان جاوید میانداد کو دل میں تکلیف کے باعث کراچی کے معروف قومی ادارہ امراضِ قلب (این آئی سی وی ڈی) منتقل کیا گیا، جہاں ڈاکٹروں نے فوری طبی معائنہ اور ضروری ٹیسٹ کیے۔

میڈیا رپورٹس کے مطابق جاوید میانداد کو دل میں درد کی شکایت پر اسپتال لایا گیا تھا۔ این آئی سی وی ڈی پہنچنے کے بعد ماہر ڈاکٹروں کی ٹیم نے ان کے مختلف ٹیسٹ کیے، جن میں اینجیوگرافی بھی شامل تھی۔ طبی رپورٹس کے تفصیلی جائزے کے بعد ڈاکٹروں نے انہیں مکمل طور پر صحت مند قرار دے دیا اور اسپتال سے گھر جانے کی اجازت دے دی۔

ڈاکٹروں کا کہنا تھا کہ جاوید میانداد کی حالت تسلی بخش ہے اور دل کے حوالے سے کسی تشویشناک مسئلے کی نشاندہی نہیں ہوئی۔ تمام ٹیسٹ رپورٹس نارمل آنے کے بعد انہیں احتیاطی تدابیر اختیار کرنے کا مشورہ دیا گیا۔

دوسری جانب جاوید میانداد نے این آئی سی وی ڈی میں فراہم کی جانے والی طبی سہولیات اور ڈاکٹروں کے رویے پر اطمینان کا اظہار کیا۔ اسپتال سے روانگی سے قبل میڈیا سے گفتگو کرتے ہوئے ان کا کہنا تھا کہ وہ خود کو پہلے سے کہیں بہتر محسوس کر رہے ہیں،جاوید میانداد نے کہا،”اللہ کا شکر ہے میں اب بہت بہتر ہوں، قوم کی دعائیں میرے ساتھ رہیں تو صحت میں مزید بہتری آئے گی۔”

نیوکراچی میں چائےکےہوٹل پر نامعلوم افراد کی فائرنگ سے زخمی ہونے والا شخص دورا ن علاج دم توڑ گیا۔

پولیس حکام کا کہنا ہے کہ جاں بحق ہونے والے شخص کی شناخت 40 سالہ حاجی شہزاد کے نام سے ہوئی، جو ایم کیو ایم پاکستان کا کارکن تھا، ابتدائی تحقیقات میں فائرنگ کا واقعہ ٹارگٹڈ معلوم ہوتا ہے،واقعے کے بعد پولیس اور کرائم انٹیلی جنس یونٹ جائے وقوعہ پر پہنچ گئے جبکہ موقع سے نائن ایم ایم پستول کے 4 خول بھی برآمد کیے گئے ہیں،دوسری جانب ایم کیو ایم کے ترجمان کا کہنا ہےکہ جاں بحق شہزاد نیوکراچی یوسی8 کےجوائنٹ انچارج تھے۔ انہوں نے وزیراعلیٰ، وزیرداخلہ، ڈی جی رینجرز اور آئی جی سندھ سے ملزمان کی گرفتاری کےلئےفوری اقدامات کا مطالبہ کردیا،مقتول کے دوست نے بتایا کہ 3 موٹر سائیکلوں پر نقاب پوش آئے اور اندھا دھند فائرنگ شروع کردی۔ شہزاد4 بچوں کے باپ تھے،کسی سے دشمنی نہیں تھی۔