Category: کراچی

وزیراعلیٰ سندھ مراد علی شاہ کا کہنا ہے کہ وفاقی حکومت نے بلاول بھٹو زرداری کی تجاویز پر عمل کیا ہے، وفاق سے درخواست کی ہے کہ زمینداروں پر ٹیکس کی شرح کو بھی کم کریں، ٹیکس پر چھوٹ دینا پڑے گی زرعی ٹیکس جمع کرانے کی تاریخ بڑھا رہے ہیں۔

انہوں نے کہا کہ سندھ کے کسانوں کو خوشخبری دینے جارہے ہیں، سندھ حکومت چاہتی ہے کہ کسانوں کو مزید سہولیات دی جائیں، جب بھی کسانوں کو سہولیات نہیں دی گئیں گندم کی پیداوار کم ہوئی۔مراد علی شاہ کا کہنا ہے کہ وزیراعظم سے گندم کے حوالے سے بات چیت ہوئی تھی، وفاق نے ہمیں 8 سے 12 لاکھ میٹرک ٹن گندم پروکیورمنٹ کرنے کی اجازت دی، سندھ حکومت چاہتی ہے کہ گندم کی امدادی قیمت 4 ہزار روپے ہونی چاہیے، وفاقی حکومت نے صوبوں کو اعتماد میں لئے بغیر گندم کی امدادی قیمت 3500 روپے فی من طے کردی، سندھ نے وفاق کی گندم کی امدادی قیمت کو قبول کیا ہے،وزیراعلیٰ سندھ نے مزید کہا کہ گندم کی خریدوفروخت پر پابندی کے حوالے سے پنجاب سے بات ہوگی، گندم کی نقل و حمل پر پابندی نہیں لگائی جاسکتی، کے پی میں گندم کی پیداوار کا مسئلہ ہے، حکومت اور پرائیویٹ سیکٹر دونوں گندم کو محفوظ رکھ سکتے ہیں، گندم کو فریز یا ریلیز کرنے پر کام جاری ہے۔

ان کا کہنا ہے کہ گندم امپورٹ کرنے سے پاکستان میں روٹی مہنگی ہوگی، جب تک آئی ایم ایف سے چھٹکارا نہیں ملتا، کوئی نئی شرط عائد ہوسکتی ہے۔

کراچی کا شہری سادہ لباس افراد کے ہاتھوں ڈیجیٹل واردات کا شکار ہوگیا۔ کراچی ایئرپورٹ پر سادہ لباس افراد نے شہری کو روکا اور دفتر لے گئے اور اپنے اکاؤنٹ میں متاثرہ شہری کے اکاؤنٹ سے ساڑھے 8 لاکھ ڈالر ٹرانسفر کرلیے۔

متاثرہ شہری کو تشدد کا بھی نشانہ بنایا گیا،واردات تیس ستمبر کو کراچی ایئرپورٹ پر پیش آئی، متاثرہ شہری کی عدالت میں درخواست پر ایس ایس پی ملیر کو تحقیقات کا حکم دے دیا گیا۔رپورٹ کے مطابق کیماڑی کے رہائشی نوجوان کو پشاور جاتے ہوئے روکا گیا، متاثرہ شہری نے وزیراعلیٰ سندھ اور آئی جی سے نوٹس لینے کی اپیل کردی۔

سندھ کے سینئر وزیر شرجیل انعام میمن نے کورنگی میں کاٹی کے دفتر میں تاجر رہنماؤں سے خطاب میں کہا ہے کہ دھابیجی اسپیشل اکنامک زون سرمایہ کاری کے لیے ایک بڑا موقع ہے، جو سی پیک کا حصہ اور پورٹ کے سب سے قریب واقع واحد اکنامک زون ہے۔

شرجیل میمن کا کہنا تھا کہ اس ملک کا معاشی پہیہ تاجر برادری چلاتی ہے، ملک میں زیادہ سے زیادہ انڈسٹریز لگیں گی تو لوگوں کو روزگار ملے گا۔ ڈرائیونگ لائسنس یافتہ خواتین ورکرز اور طالبات مفت پنک ای وی سکوٹر حاصل کر سکتی ہیں۔ یہ سکوٹرز ماحول دوست ہیں اور خواتین کی آسان نقل و حرکت کے لیے سندھ حکومت کا انقلابی قدم ہے،پیپلز پارٹی کے مطالبے پر وفاقی حکومت نے گندم کی امدادی قیمت کا تعین کیا، کسان کو اگر سپورٹ پرائس دی جائے گی تو وہ گندم کاشت کرے گا۔ پاکستان پیپلز پارٹی سمجھتی ہے کہ اس ملک کا پہیہ اور معیشت تاجر برادری ہی چلاتی ہے۔،ہم سمجھتے ہیں کہ تاجر برادری کو ہم جتی بھی سہولیات دیں گے تب ہی ملک میں صنعتیں لگیں گی اور روزگار ملے گا،لوگ کہتےہیں کراچی بہت گندا ہے، کراچی اتناہی گندا ہے تو پورے پاکستان سے لوگ روزگار کیلئے لوگ کیوں آتےہیں، باقی صوبوں میں سب اچھاہے تولوگ وہاں کیوں نہیں جاتے؟ڈھائی کروڑ کی آبادی ہے،چیلنجز ہیں لیکن مسائل پر قابو پا لیں گے،پاکستان ہم سب کا ہے، جس نے آنا ہے آئے،ہم کوشش کریں گے کہ عوام کو بہتر سہولیات دیں

سندھ ہائی کورٹ نے کراچی کے علاقے لیاقت آباد میں رینجرز اہلکاروں پر قاتلانہ حملے کے 27 سال پرانے کیس کا فیصلہ سنا دیا۔

عدالت نے ملزم عبید کے ٹو کی سزا کے خلاف اپیل منظور کرتے ہوئے عمر قید کی سزا کالعدم قرار دے دی،ملزم کے وکیل نے مؤقف اختیار کیا کہ اس کیس کا دو بار پہلے ٹرائل ہو چکا ہے، فوجی عدالت میں ٹرائل ہوا تھا، ایم کیو ایم کے مرکز نائن زیرو سے گرفتار سارے ملزمان جیل سے رہا ہو چکے ہیں صرف عبید کے ٹو جیل میں ہے۔ ملزم عبید کے ٹو 2015 سے گرفتار ہے،پراسیکیوٹر اقبال اعوان نے کہا کہ ملزم نے اعتراف جرم کیا ہے، اے ٹی سی نے قانون کے مطابق سزا سنائی، ملزم بریت کا حقدار نہیں ہے

پولیس نے کہا کہ 1998 میں اہلکار رینجرز پکٹ پر موجود جوانوں کو کھانا دینے جا رہے تھے، ملزمان نے لیاقت آباد کے علاقے میں گھات لگا کر اہلکاروں پر فائرنگ شروع کر دی، فائرنگ سے سپاہی دلدار حسین شہید اور حوالدار ممتاز علی زخمی ہوگئے تھے،پراسیکیوشن نے کہا کہ انسداد ہشت گردی عدالت نے 2024 میں ملزم عبید کے ٹو کو عمر قید کی سزا سنائی تھی،سندھ ہائی کورٹ نے ملزم عبید کے ٹو کی عمر قید کی سزا کالعدم قرار دے دی۔

سندھ ہائیکورٹ نے سچل کے علاقے سے لاپتا سابق ایم این اے نثار پہنور کی بازیابی سے متعلق درخواست پر گمشدگی کا مقدمہ درج کرنے کا حکم دے دیا

سندھ ہائیکورٹ میں سچل کے علاقے سے لاپتا سابق ایم این اے نثار پہنور کی بازیابی سے متعلق درخواست کی سماعت ہوئی، ایس ڈی پی او اور سچل کے ایس ایچ او عدالت میں پیش ہوئے اور موقف اپنایا کہ لاپتا شہری کی تلاش کا عمل جاری ہے،درخواستگزار نے کہا کہ نثار پہنور تقریباً 2 ماہ سے لاپتا ہیں، پولیس کو والد کی بازیابی کا حکم دیا جائے، اگر کسی کیس میں مطلوب ہیں تو متعلقہ عدالت میں پیش کیا جائے، نثار پہنور کی عدم بازیابی پر عدالت پولیس پر برہم ہو گئی اور عدالت نے ریمارکس دیئے کہ دونوں افسران لاپتا افراد کی گمشدگی کا مقدمہ درج کرکے رپورٹ پیش کرنے میں ناکام رہے ہیں۔

عدالت نے پولیس کو نثار پہنور کی گمشدگی کا مقدمہ درج کر کے ایس ایچ او تھانہ سچل کو رپورٹ پیش کرنے کا حکم دیدیا اور ساتھ ہی عدالت نے 18 نومبر کو پولیس سے ایف آئی آر کی کاپی بھی طلب کرلی۔

وفاقی وزیرِ داخلہ محسن نقوی نے سنی تحریک کے چیئرمین محمد ثروت اعجاز قادری سے ملاقات کی، جس میں مذہبی ہم آہنگی اور ملکی ترقی کے لیے علماء کے کردار پر تفصیلی گفتگو کی گئی۔

ملاقات میں سندھ کے سینئر وزیر شرجیل انعام میمن اور صوبائی وزیر سید ناصر حسین شاہ بھی وفاقی وزیر کے ہمراہ تھے۔ اس موقع پر سنی تحریک کے مرکزی قائدین، بشمول صدر سنی تحریک صاحبزادہ علامہ بلال عباس قادری، سیکرٹری جنرل صاحبزادہ علامہ بلال سلیم قادری، طیب حسین قادری، عبداللہ اکرم قادری، سلمان قادری، شہباز قادری، عمران قادری اور درویش رضا عباسی بھی موجود تھے،محسن نقوی نے علمائے کرام کی دینی، فکری اور اصلاحی خدمات کو خراج تحسین پیش کرتے ہوئے کہا کہ دینِ اسلام امن، محبت اور رواداری کا درس دیتا ہے، تشدد اور شرانگیزی کی کوئی گنجائش نہیں۔انہوں نے واضح کیا کہ مدارس یا مساجد کی بندش کے حوالے سے جو پروپیگنڈہ کیا جا رہا ہے وہ بے بنیاد ہے۔کسی بھی مدرسے یا مسجد کو بند نہیں کیا جائے گا۔موجودہ حالات میں سب کو مثبت کردار ادا کرنا ہوگا، پاکستان ترقی کے لیے ٹیک آف کر چکا ہے، آج ہمیں متحد ہو کر ملک و قوم کے مفاد میں سوچنا ہوگا۔قانون کے دائرے میں رہتے ہوئے ہر شخص کو احتجاج کا حق حاصل ہے، تاہم قومی یکجہتی اور مذہبی ہم آہنگی وقت کی اہم ترین ضرورت ہے۔اس موقع پر چیئرمین سنی تحریک ثروت اعجاز قادری نے مذہبی ہم آہنگی اور اتحاد کے فروغ کے لیے وفاقی و صوبائی حکومتوں کے ساتھ مکمل تعاون کی یقین دہانی کروائی۔

سندھ حکومت نے کچے کے ڈاکوؤں کیلئے سرینڈر پالیسی جاری کردی۔

سندھ حکومت کی جانب سے جاری پالیسی کے مطابق سرینڈر پر آمادہ ڈاکوؤں سے اسلحہ اور گولہ بارود ضبط کیا جائے گا، اہلخانہ کو ہاری کارڈ اور بی آئی ایس پی کے ذریعے امداد دی جائے گی۔

محکمہ داخلہ کا کہنا ہے کہ شناختی کارڈ نہ ہونے پر بنوانے میں مدد فراہم کی جائے گی، محکمہ داخلہ ہر ماہ سرینڈر پالیسی کا جائزہ لے گا، ڈاکو کا میڈیکل اور بایومیٹرک ریکارڈ رکھا جائے گا۔پالیسی کے مطابق پولیس سرینڈر کردہ ڈاکوؤں کا جرم اور مقدمات پروفارما میں دیں گی، ڈاکو اپنا نام، مستقل پتہ، پیشہ اور تعلیمی قابلیت بتائے گا، ڈاکوؤں کی کیٹیگریز تشکیل دی جائیں گی۔

وزیر داخلہ سندھ ضیاء الحسن لنجار سے برطانیہ کی ہائی کمشنر محترمہ جین میریٹ نے تین رکنی وفد کے ہمراہ ان کے دفتر میں ملاقات کی۔

ملاقات میں دوطرفہ تعلقات، سیکیورٹی تعاون، پولیس اصلاحات اور دیگر باہمی دلچسپی کے امور پر تفصیلی تبادلہ خیال کیا گیا۔برطانوی ہائی کمشنر نے سندھ میں امن و امان کی مجموعی صورتحال پر اطمینان کا اظہار کرتے ہوئے حکومت سندھ کے جدید اور ماڈرن پولیسنگ کے وژن کو سراہا۔ انہوں نے کہا کہ جرائم کے خلاف کامیاب جنگ کا انحصار جدید آلات، مؤثر تکنیکس اور ان کے درست استعمال پر ہے۔

اس موقع پر ہائی کمشنر نے سندھ پولیس کے لیے جدید تربیتی پروگرامز کی فراہمی میں ہر ممکن تعاون کی یقین دہانی کراتے ہوئے پولیس ریفارمز کے شعبے میں بھی مکمل سپورٹ کی پیشکش کی۔وزیر داخلہ سندھ ضیاء الحسن لنجار نے کہا کہ حکومت سندھ بین الاقوامی تعاون کو قدر کی نگاہ سے دیکھتی ہے اور عوام کو محفوظ، پرامن ماحول کی فراہمی اور آزاد کاروباری سرگرمیوں کے فروغ کے لیے پرعزم ہے۔ملاقات میں ایڈیشنل چیف سیکریٹری اقبال میمن، آئی جی سندھ غلام نبی میمن، ایڈیشنل آئی جی اسپیشل برانچ ذوالفقار لاڑک سمیت دیگر اعلیٰ افسران بھی شریک تھے۔ملاقات کے اختتام پر دونوں فریقین نے عالمی امن و سلامتی کے لیے مشترکہ کوششیں جاری رکھنے کے عزم کا اعادہ کیا۔