Category: کراچی

سیکریٹری دفاع نے بتایا ہے کہ قومی ایئر لائن کی نجکاری کے عمل میں 4 کمپنیاں حصہ لے رہی ہیں، جسے اگلے ماہ کے آغاز میں مکمل کرنے کی توقع ہے۔

سینیٹ کی دفاعی کمیٹی کے اجلاس میں قومی ایئر لائن کے امور اور نجکاری سے متعلق تفصیلی بریفنگ دی گئی۔سیکریٹری دفاع کے مطابق تمام کمپنیوں نے حکومت سے شرائط و ضوابط میں نرمی کی درخواست کی ہے، تاہم حکومت نے واضح کیا ہے کہ قومی ایئر لائن کا نام تبدیل نہیں ہوگا اور طیاروں سے قومی پرچم نہیں ہٹایا جائے گا۔انہوں نے کہا کہ ایئر لائن کی ملکیت پاکستانی شہریوں کے پاس ہی رہے گی اور کسی غیر ملکی ادارے یا فرد کو اکثریتی حصص رکھنے کی اجازت نہیں دی جائے گی۔

سیکریٹری دفاع نے مزید بتایا کہ برطانیہ اور یورپ کے لیے پروازیں بند ہونے کے باعث قومی ایئر لائن کو مالی نقصان اٹھانا پڑا، جب کہ بین الاقوامی سطح پر اس کی ساکھ کو بھی شدید دھچکا پہنچا ہے۔ان کے مطابق سال 2018 میں پی آئی اے نے برطانیہ اور یورپ کے روٹس پر 1,420 پروازیں چلائی ہیں.

حماس کی ثالث ممالک سے جنگ بندی معاہدے پر عملدرآمد کی اپیل

بلوچستان کے شہر خاران میں فائرنگ، ایس ایچ او شہید

صدر زرداری سے مسلم ورلڈ لیگ کے سیکریٹری جنرل کی ملاقات

افغانستان نے پاکستان کے ساتھ جنگ بندی میں توسیع کی خواہش ظاہر کردی

سندھ بلڈنگ کنٹرول اتھارٹی (ایس بی سی اے) نے شہر بھر میں خطرناک اور مخدوش عمارتوں کے خلاف کارروائیاں تیز کر دی ہیں۔

ایس بی سی اے کے ترجمان کے مطابق لیاری میں خطرناک قرار دی گئی عمارتوں کو گرانے کا عمل جاری ہے، آگرہ تاج کالونی میں دو مخدوش عمارتوں کو منہدم کیا جا رہا ہے۔ڈائریکٹر ڈیمولیشن نے بتایا کہ 7 منزلہ عمارت صرف 60 گز کے پلاٹ پر تعمیر کی گئی تھی، جسے ضلعی انتظامیہ کی مدد سے خالی کرایا گیا تھا تاکہ کسی جانی نقصان سے بچا جا سکے۔

ڈی جی ایس بی سی اے کے مطابق کراچی میں مجموعی طور پر 540 عمارتوں کو خطرناک قرار دیا گیا ہے، جن میں سے 59 کو خالی کرا لیا گیا ہے۔انہوں نے کہا کہ شہریوں کی حفاظت کو یقینی بنانے کے لیے مخدوش عمارتوں کو مرحلہ وار گرایا جائےگا

امریکا: میڈیا اداروں کا پینٹاگون کی نئی پالیسی پر دستخط سے انکار، دفاتر خالی

پاکستان ریلوے کا نیا سرمائی شیڈول جاری، آج سے نافذ العمل

لندن میں موبائل فون چوری کا نیٹ ورک بے نقاب، ہزاروں فون ضبط

پاکستان کے معاشی مرکز کراچی میں واقع افغان بستی میں غیر قانونی تعمیرات کے خلاف بڑا آپریشن جاری ہے، جس میں پولیس، رینجرز، ملیر ڈویلپمنٹ اتھارٹی (ایم ڈی اے) اور دیگر ادارے مشترکہ طور پر حصہ لے رہے ہیں۔

پولیس کے مطابق افغان بستی میں 1500 سے زائد گھر غیر قانونی طور پر تعمیر کیے گئے تھے۔ گزشتہ روز کی کارروائی کے دوران 200 سے زائد غیرقانونی گھر مسمار کر دیے گئے، جب کہ باقی تعمیرات کے خلاف آپریشن آج بھی جاری ہے۔حکام کا کہنا ہے کہ ان گھروں پر ایک مافیا نے غیر قانونی قبضہ کیا ہوا تھا، جو زمینوں کو غیرقانونی طور پر فروخت کر کے لاکھوں روپے وصول کر رہا تھا۔

ذرائع کے مطابق ضلعی انتظامیہ نے کئی روز قبل مقامی آبادی کو نوٹس جاری کیے تھے، تاہم بعض افراد نے علاقہ خالی نہیں کیا۔ پولیس کے مطابق مزاحمت کے خدشے کے پیش نظر آپریشن کے دوران رینجرز اور بھاری نفری تعینات کی گئی۔انتظامیہ کا کہنا ہے کہ تجاوزات کے خاتمے کے بعد علاقے میں ترقیاتی منصوبے اور عوامی سہولیات کی فراہمی یقینی بنائی جائے گی.

چین کی پاکستان و افغانستان میں جنگ بندی کی حمایت، ضبط و تحمل پر زور

بہاولنگر: اربن یونٹ منیجر کی شاندار کارروائی، جعلی نوکریوں کا بڑا گینگ گرفتار، لاکھوں کی نوسربازی بے نقاب

کراچی سے افغان ٹرانزٹ ٹریڈ غیر معینہ مدت کے لیے معطل

فیڈرل بورڈ آف ریونیو (ایف بی آر) نے کراچی سے افغان ٹرانزٹ ٹریڈ کو غیر معینہ مدت کے لیے معطل کرتے ہوئے تمام گیٹ پاسز منسوخ کر دیے ہیں، جس کے باعث بندرگاہوں پر کنٹینرز کی لمبی قطاریں لگ گئیں۔

ڈائریکٹوریٹ آف ٹرانزٹ ٹریڈ ہیڈ کوارٹر کسٹمز ہاؤس کراچی میں ڈی جی افغان ٹرانزٹ ٹریڈ کی زیر صدارت اہم اجلاس ہوا، جس کے بعد جاری کسٹمز جنرل آرڈر میں کہا گیا کہ افغان ٹرانزٹ ٹریڈ کی ٹرانسپورٹیشن تاحکمِ ثانی روک دی گئی ہے۔آرڈر میں مزید کہا گیا کہ کوئٹہ اور پشاور کسٹم اسٹیشنز پر کنٹینرز رکھنے کی گنجائش ختم ہو چکی ہے، لہٰذا گاڑیوں پر لوڈ کردہ سامان کو آف لوڈ کیا جائے، جبکہ افغان ٹرانزٹ کے تمام پاسز منسوخ کر دیے گئے ہیں۔

کسٹمز آرڈر کے بعد کراچی پورٹ اور پورٹ قاسم کے تمام ٹرمینلز نے افغان ٹرانزٹ ٹریڈ کی کلیئرنس روک دی ہے، جس کے باعث درجنوں کنٹینرز بندرگاہوں پر پھنس گئے۔

پاک افغان کشیدگی،طورخم بارڈر پر تجارت بند

دوسری جانب پاک افغان کشیدگی کے باعث طورخم بارڈر پانچویں روز بھی بند ہے اور تجارتی سرگرمیاں معطل ہیں۔ سیکیورٹی ہائی الرٹ جبکہ بارڈر کے دونوں جانب مال بردار گاڑیاں پھنسنے سے تاجر اور مزدور شدید پریشان ہیں۔تاجر برادری اور کسٹم کلیئرنگ ایجنٹس ایسوسی ایشن نے حکومتوں سے مطالبہ کیا ہے کہ مسائل کا حل مذاکرات کے ذریعے نکالا جائے، کیونکہ جنگ کسی مسئلے کا حل نہیں.

مودی نے روس سے تیل نہ خریدنے کی یقین دہانی کرائی، ڈونلڈ ٹرمپ

وفاقی حکومت نے آئندہ 15 روز کے لیے پیٹرولیم مصنوعات کی قیمتوں میں نمایاں کمی کا اعلان کیا ہے، جس کا اطلاق آج رات 12 بجے سے ہوگا۔

وزیراعظم شہباز شریف کی منظوری کے بعد وزارتِ خزانہ نے قیمتوں میں کمی کا نوٹیفکیشن جاری کر دیا۔نوٹیفکیشن کے مطابق پیٹرول کی قیمت میں 5 روپے 66 پیسے فی لیٹر کمی کی گئی، جس کے بعد نئی قیمت 263 روپے 2 پیسے فی لیٹر مقرر ہوگئی۔ہائی اسپیڈ ڈیزل کی قیمت میں 1 روپیہ 39 پیسے فی لیٹر کمی کے بعد نئی قیمت 275 روپے 41 پیسے فی لیٹر ہوگئی۔

مٹی کے تیل کی قیمت میں 3 روپے 26 پیسے فی لیٹر کمی کی گئی، جس کے بعد نئی قیمت 181 روپے 71 پیسے فی لیٹر مقرر کی گئی ہے۔وزارتِ خزانہ کے مطابق نئی قیمتوں کا اطلاق 15 روز کے لیے ہوگا.

حماس غزہ امن منصوبے پر عمل کرکے فوراً غیر مسلح ہو جائے،امریکی سینٹکام

وزیراعظم شہباز شریف اور صدر آصف زرداری کی اہم ملاقات

مریم نواز کی تصویر والا جھنڈا لگانے پر گجرات کالج کے پرنسپل کو شوکاز نوٹس