Category: کراچی

کراچی: سندھ ہائی کورٹ کراچی میں 28 ترک شہریوں کی جانب سے وفاقی حکومت کے خلاف آئینی درخواست دائر کی گئی ہے، جس میں حکومت کی جانب سے انہیں افغان شہری قرار دے کر بے دخل کرنے کے اقدام کو چیلنج کیا گیا ہے۔

درخواست گزار سید نعمت اللہ اور دیگر افراد نے مؤقف اختیار کیا ہے کہ وہ ترک شہری ہیں اور کئی برس قبل تبلیغِ دین کے مقصد سے ترکی سے پاکستان آئے تھے۔ درخواست کے مطابق وہ طویل عرصے سے پاکستان میں پُرامن طور پر مقیم ہیں، ان کا کوئی مجرمانہ ریکارڈ نہیں، وہ اچھے کردار کے حامل ہیں اور مقامی کمیونٹی میں مثبت کردار ادا کر رہے ہیں۔درخواست گزاروں کا کہنا ہے کہ اس کے باوجود حکومتِ پاکستان انہیں افغان شہری قرار دے کر ملک بدر کرنے کی کارروائی کر رہی ہے، جو کہ غیر قانونی اور آئین کے منافی ہے۔ اسی بنیاد پر انہوں نے سندھ ہائی کورٹ سے رجوع کیا ہے تاکہ انہیں قانونی تحفظ فراہم کیا جا سکے اور بے دخلی کا حکم روکا جائے۔

درخواست میں عدالت سے استدعا کی گئی ہے کہ حکومت کے اس اقدام کو کالعدم قرار دیا جائے اور درخواست گزاروں کو پاکستان میں قیام کا حق دیا جائے، کیونکہ وہ کسی بھی قسم کی غیر قانونی سرگرمی میں ملوث نہیں رہے۔

عدالت نے کیس کی سماعت کے بعد کہا کہ ترکش قونصلیٹ یا ایمبیسی سے رجوع کریں ہم کچھ نہیں کرسکتے.

وزیر اعلیٰ سید مراد علی شاہ کی زیر صدارت سی ایم ہاؤس میں کابینہ کا اجلاس ہوا
کابینہ نے کابینہ کمیٹی کی سفارشات کی منظوری دے دی،وزیر بلدیات ناصر حسین شاہ نے کابینہ کمیٹی برائے خزانہ کی سفارشات پڑھ کر سنائیں،وزیر اعلیٰ سندھ نے پبلک ٹرانسپورٹ کے لیے بسیں خریدنے کی مد میں 964.407 ملین روپے کی منظوری دیدی،سندھ کابینہ نے عوامی آگاہی کے لیے دستاویزی فلمیں بنانے کے لیے ایک ارب روپے کی منظوری دیدی،کھیلوں خاص طور پر اسکواش چیمپئن شپ ایسوسی ایشن گولڈ کپ کے لیے 56 ملین روپے کی منظوری دی گئی،وزیر اعلیٰ سندھ نے ویٹرن کرکٹ ایسوسی ایشن ٹی 20 کرکٹ ورلڈ کپ کے لیے 50 ملین روپے کی منظوری دیدی،وزیراعلٰی سندھ کا کہنا تھا کہ ،کھیلوں کے لیے فنڈز پہلے سے موجود تھے جنہیں دوبارہ مختص (ری اپروپری ایٹ) کیا گیا،

اسلام کوٹ کے علاقے پریم نگر میں خصوصی یتیم خانہ (ایس او ایس) قائم کرنے کے لیے 329 ملین روپے کی کابینہ نے منظوری دیدی،وزیر اعلیٰ سندھ نے گورنمنٹ ڈگری بوائز کالج خانپور، ضلع شکارپور کے لیے 187.8 ملین روپے کی ایس این ای کی منظوری دیدی،وزیراعلیٰ سندھ نے ملیر میں واٹر سپلائی اسکیم کے لیے 103.9 ملین روپے کی منظوری دیدی،وزیراعلیٰ سندھ نے کورنگی کازوے سے قبرستان اور پارک کے لیے ایک ریمپ تعمیر کرنے کے لیے 349.2 ملین روپے کی منظوری دیدی،وزیراعلیٰ سندھ کا کہنا تھا کہ قبرستان اور پارک ریکلیم کی گئی اراضی پر قائم کیے جائیں گے،

وزیراعلیٰ سندھ نے 10واں آدم کانفرنس اور ادب فیسٹیول کے لیے 7.5 ملین روپے کی منظوری دی دیدی،وزیراعلیٰ سندھ نے ایس ایم بی فاطمہ جناح گرلز سیکنڈری اسکول صدر کے لیے 94.7 ملین روپے کی منظوری دے دی،وزیراعلیٰ سندھ کا کہنا تھا کہ ایس ایم بی فاطمہ جناح گرلز سیکنڈری اسکول کو تمام ضروری اور کمی شدہ سہولیات فراہم کی جائیں گی، کابینہ نے سندھ اسمبلی میں ساؤتھ ایسٹ ایشیا ریجنل کانفرنس کے انعقاد کے لیے 200 ملین روپے کی منظوری دے دی

اسلام کوٹ تا چھوڑ اور بن قاسم سے پورٹ قاسم تک ریلوے لائن بچھانے کا منصوبہ،تھر کول فیلڈ تا چھوڑ تک اور بن قاسم سے پورٹ قاسم تک ریلوے لائن بچھانا سندھ اور وفاق کا مشترکہ منصوبہ ہے،منصوبے کے تحت اسلام کوٹ سے چھوڑ تک 105 کلومیٹر طویل ریلوے لائن بچھائی جائے گی، وزیراعلیٰ سندھ کا کہنا ہے کہ بن قاسم تا پورٹ قاسم تک 9 کلومیٹر طویل ڈبل ٹریک ریلوے لائن تعمیر کی جا رہی ہے،اس ریلوے لائن کے ذریعے کوئلہ تھر سے کراچی سمیت ملک کے دیگر علاقوں تک منتقل کیا جائے گا ،سندھ حکومت اور وزارت ریلوے کے درمیان پچاس پچاس فیصد کے اشتراک سے ریلوے لائن بچھائی جا رہی ہے،ریلوے لائن بچھانے کے منصوبے کی مجموعی لاگت 90 ارب روپے ہے، سندھ کابینہ نے غور کرنے کے بعد ریلوے لائن منصوبے کے لیے 6.6 ارب روپے جاری کرنے کی منظوری دے دی

وفاقی وزیرِ صحت مصطفیٰ کمال کا کہنا ہے کہ ہمارے دور میں کراچی دنیا کے تیزی سے ترقی کرنے والے 12 ممالک میں شامل ہوگیا تھا، آج شہر تباہ حال ہے، ہم اچھے نہیں مگر بروں میں کم برے ہیں،

شہر قائد کراچی میں پریس کانفرنس کرتے ہوئے وفاقی وزیر صحت مصطفیٰ کمال کا کہنا تھا کہ کراچی کو درست کرنے کا وقت آ چکا ہے کیونکہ اس شہر کی ترقی براہِ راست پاکستان کی معاشی مضبوطی سے جڑی ہوئی ہے،چھ ماہ قبل وزارتِ صحت کی ذمہ داری سنبھالی اور انہیں متعدد انتظامی و پالیسی چیلنجز کا سامنا ہے، تاہم خدمتِ خلق ہی ان کی سیاست کا بنیادی مقصد رہا ہے۔ ماضی میں کیے گئے ترقیاتی منصوبے کسی دباؤ یا مطالبے کے نتیجے میں نہیں بلکہ شہری ضروریات کو مدنظر رکھ کر مکمل کیے گئے،کراچی دودھ دینے والی گائے ہے، اسے چارہ تو کھلاؤ، آپ کو معاشی بحران سے آئی ایم ایف نہیں کراچی نکال سکتا ہے، پاکستان کی 50 فیصد سے زیادہ برآمدات کراچی سے ہوتی ہیں، کراچی کی افادیت سے کوئی انکار نہیں کرتا۔

مصطفیٰ کمال کا مزید کہنا تھا کہ کراچی کے 90 فیصد علاقوں میں پینے کا صاف پانی نہیں ہے، ہماری لائنوں کا پانی ہمیں ہی فروخت کر دیا جاتا ہے، کراچی کو ٹھیک کرنے سے کوئی انکار بھی نہیں کرتا، لیکن کراچی کب ٹھیک ہو گا یہ کوئی نہیں بتاتا،کراچی چلے گا تو پاکستان چلے گا، ہمیں نظام ٹھیک کرنا ہے اور نظام ملک کا آئین ہے، ترقی یافتہ ملکوں میں مقامی حکومتوں کا نظام ہے، ہمارے ہاں مقامی حکومتوں کا نظام فراڈ ہے،کوئی اپنے لیڈر کے خلاف نہیں جاتا، ہماری واحد پارٹی ہے جس نے اپنے لیڈر کو فارغ کیا،میرے پاس کام کرنے کے لیے 12 نہیں 24 گھنٹے ہیں۔ میں آج بھی اپنے افسروں کو سُلا کر سوتا ہوں ۔

سندھ کے سینئر صوبائی وزیر،شرجیل میمن نے کہا ہے کہ کراچی کے لئے ڈبل ڈیکر بسیں بندرگاہ پر پہنچ گئی ہیں، محکمہ ٹرانسپورٹ حکومت سندھ کی جانب سے ڈبل ڈیکر بسیں جلد سڑکوں پر لائی جائیں گی،

شرجیل میمن کا کہنا تھا کہ سندھ حکومت عوام کو جدید، آرام دہ اور باوقار سفری سہولیات فراہم کرنے کے اپنے عزم کی جانب ایک اور اہم قدم بڑھا رہی ہے،کراچی کے لیے ڈبل ڈیکر بسیں بندرگاہ پر پہنچ چکی ہیں اور انشاءاللہ بہت جلد شہر کی سڑکوں پر نظر آئیں گی، ڈبل ڈیکر بسوں کی آمد کراچی کے پبلک ٹرانسپورٹ نظام میں ایک مثبت اور تاریخی اضافہ ہے، جو شہریوں کے لیے سفر کو نہ صرف سہل بلکہ خوشگوار بھی بنائے گا۔ یہ بسیں جدید سہولیات سے آراستہ ہوں گی اور بڑھتی ہوئی آبادی و ٹریفک کے دباؤ کو کم کرنے میں اہم کردار ادا کریں گی،محکمہ ٹرانسپورٹ حکومتِ سندھ تمام انتظامی اور تکنیکی مراحل مکمل کر رہا ہے، تاکہ یہ ڈبل ڈیکر بسیں جلد از جلد سروس میں لائی جا سکیں۔ سندھ حکومت کا مقصد کراچی کو ایک جدید، منظم اور ماحول دوست شہر بنانا ہے، جہاں عوام کو عالمی معیار کی سفری سہولیات میسر ہوں

وزیراعلیٰ سندھ مراد علی شاہ نے صوبے میں 7 روزہ پولیو مہم کا افتتاح کردیا۔

کراچی میں پولیو مہم کے افتتاح کے موقع پر مرادعلی شاہ نے کہا کہ 15 دسمبر سے شروع ہونے والی 7 روزہ مہم سندھ کے 30 اضلاع کی ایک ہزار 345 یوسیز میں چلائی جائے گی جس دوران ایک کروڑ 6 لاکھ بچوں کو پولیو سے بچاؤ کے قطرے پلائے جائیں گے،پوری دنیا نے اسی طرح اس مرض سے چھٹکارا پایا ہے، یہ شرمندگی کاباعث ہے کہ دنیا میں صرف پاکستان اور افغانستان میں پولیو ہے، اس کا صرف ایک علاج ہے کہ ہم پولیو سے بچاؤ کے قطرے پلائیں، دیگر مسلم ممالک اسلامی نے بھی بچوں کو پولیو کے قطرے پلا کر یہ مرض ختم کیا، پچھلے سال بھی 30 بچوں میں پولیو وائرس کی تصدیق ہوئی جن میں سے 9 کا تعلق سندھ سے تھا، یہ مرض کم ہوگیا تھا مگر کچھ سالوں سے دوبارہ بڑھا ہے، اس مہم میں 80 ہزار سے زائد فرنٹ لائن ورکرز حصہ لیں گے جن کی حفاظت کے لیے 21 ہزار اہلکار تعینات ہوں گے، والدین سے عوام سے اپیل ہے کہ وہ بچوں کو پولیو قطرے ضرور پلائیں،پولیو کے قطرے ہر بچے کے محفوظ اور روشن مستقبل کی ضمانت ہیں۔آئیے مل کر اپنے بچوں کو معذوری سے بچا کر صحت مند پاکستان بنائیں۔ پولیو ایک ایسا مرض ہے جو بچوں کے روشن مستقبل کو متاثر کر سکتا ہے۔ حکومت سندھ اس کے مکمل خاتمے کے لیے پُرعزم ہے اور ہر چند ماہ بعد انسداد پولیو مہم جاری رکھتی ہے تاکہ ہر بچہ محفوظ رہے آیئے مل کر پولیو کا خاتمہ کریں،ملک کی پہلی خاتون وزیراعظم شہید بے نظیر بھٹو نے بی بی آصفہ بھٹو زرداری کو پولیو کے قطرے پلائے، آج وہ خاتونِ اوّل اور ایم این اے ہیں یہ تسلسل ہے قیادت، خدمت اور عوامی اعتماد کا

ایس آئی یو نے کراچی میں بڑی کارروائی کی، 3 ہائی پروفائل ملزمان اور 3 شوٹرز سمیت 9 ملزمان کو گرفتار کرلیا گیا۔

ایس ایس پی ایس آئی یو عمران خان کے مطابق گرفتار ملزمان کا تعلق وصی لاکھو اور عبدالصمد کاٹھیاواڑی نیٹ ورک سے ہے۔عمران خان کا کہنا ہے کہ ملزمان بھتہ خوری کا نیٹ ورک چلا رہے تھے، وصی اللہ لاکھو اور عبدالصمد بیرون ملک چھپے ہوئے ہیں۔ایس ایس پی کے مطابق گرفتار ملزم ریحان الدین کار شو روم پر فائرنگ کے مقدمے میں ملوث تھا، ایک ماہ قبل جمشید کوارٹر تھانے میں بھتے کا مقدمہ درج ہوا تھا۔عمران خان نے بتایا کہ مجموعی طور پر 17 افراد کو حراست میں لیا گیا تھا، ابتدائی تفتیش میں گرفتار 8 افراد کا کریمنل ریکارڈ ملا ہے۔