Category: کراچی

انٹر بینک میں ڈالرمزید سستا ہونے سے روپے کی قدر میں مزید بہتری جاری ہے، انٹر بینک میں آج ڈالر 59 پیسے سستا ہو کر 197 روپے 87 پیسے کا ہو گیا۔

پٹرولیم مصنوعات کی قیمتوں میں اضافے کے بعد سے پاکستانی روپے کی قدر میں بہتری آرہی ہے، جس کے بعد آج بھی انٹر بینک میں ڈالر 59 پیسے سستا ہونے کے بعد 198 روپے 46 پیسے سے کم ہو کر 197 روپے 87 پیسے کا ہو گیا جبکہ اوپن مارکیٹ میں ڈالر 197 روپے 50 پیسے کا ہو گیا.

انٹربینک مارکیٹ میں کاروبار کے آغاز پر ڈالر کی قدر 1.54روپے کے اضافے سے 200روپے کی سطح پر پہنچ گئی تھی لیکن کچھ ہی وقفے کے بعد ڈیمانڈ گھٹنے سے ڈالر کی قدر میں کمی کا رحجان غالب ہوا جس سے انٹربینک مارکیٹ میں ڈالر 60 پیسے کی کمی کے بعد 197.86روپے کی سطح پر بند ہوا.

اس سے قبل اوپن کرنسی مارکیٹ میں بھی جمعہ کو ڈالر کی قدر میں 2.50 ، پیر کو 1.60 ،منگل کو 1.10 روپے اور بدھ کو 30 پیسے کی کمی سے ڈالر کی قمیت 198روپے کی سطح پر آگیا۔ اس طرح جمعہ کے بعد ڈالر کی قدر میں اب تک 5.30 روپے کی کم ہوچکی ہے.

انٹربینک مارکیٹ میں ڈالر کی قدر میں 60 پیسے کی کمی
اسٹاف رپورٹر 44 منٹ پہلے
انٹربینک مارکیٹ میں ڈالر 197.86روپے کی سطح پر بند ہوا
انٹربینک مارکیٹ میں ڈالر 197.86روپے کی سطح پر بند ہوا

کراچی: آئی ایم ایف کی جانب سے پاکستان کو گائیڈ لائن جاری ہونے اور پاکستان کے لیے قرض پروگرام جلد بحال ہونے امید اور حکومتی اقدامات کی بدولت درآمدات کے حجم میں ممکنہ کمی کے باعث زرمبادلہ کی دونوں ماکیٹوں میں بدھ کو بھی ڈالر کی قدر تنزلی سے دوچار رہی جس سے ڈالر کے انٹربینک اور اوپن ریٹ 198روپے سے بھی نیچے آگئے۔

انٹربینک مارکیٹ میں کاروبار کے آغاز پر ڈالر کی قدر 1.54روپے کے اضافے سے 200روپے کی سطح پر پہنچ گئی تھی لیکن کچھ ہی وقفے کے بعد ڈیمانڈ گھٹنے سے ڈالر کی قدر میں کمی کا رحجان غالب ہوا جس سے انٹربینک مارکیٹ میں ڈالر 60 پیسے کی کمی کے بعد 197.86روپے کی سطح پر بند ہوا جبکہ اوپن مارکیٹ میں بھی ڈالر 90 پیسے کی کمی کے بعد 197.40روپے کی سطح پر بند ہوا۔

معاشی ماہرین کے مطابق عالمی مارکیٹ میں خام تیل کی قیمت ریکارڈ سطح پر پہنچنے اور دیگر کموڈٹیز کی بڑھتی ہوئی قیمتیں آنے والے دونوں میں ناصرف ڈالر کی قدر پر اثرانداز ہوسکتی ہیں بلکہ ملک کا درآمدی بل کا حجم بھی بڑھ سکتا ہے۔

ڈالر تنزلی سے دوچار رہا جبکہ زرمبادلہ کی دونوں مارکیٹوں میں منگل کو بھی اتار چڑھاؤ کا سلسلہ جاری رہا جس سے ڈالر کے انٹربینک ریٹ 199روپے سے بھی نیچے آگئے۔

انٹربینک مارکیٹ میں کاروبار کے آغاز پر ڈالر کی پیش قدمی جاری رہی جس سے ایک موقع پر ڈالر کی قدر بڑھ کر 199.35 روپے کی سطح پر آگئی تھی لیکن مارکیٹ میں ڈالر کی قدر آنے والے دنوں میں 190روپے کی سطح پر آنے کی افواہوں سے ڈالر کی ڈیمانڈ کم ہو گئی.

https://twitter.com/StateBank_Pak/status/1531578798394814465/photo/1

کاروبار کے اختتام پر انٹربینک مارکیٹ میں ڈالر کی قدر مزید 60پیسے کی کمی سے 198.46روپے کی سطح پر بند ہوئی۔اسی طرح اوپن کرنسی مارکیٹ میں بھی ڈالر کی قدر 10پیسے کی کمی سے 198.30روپے کی سطح پر بند ہوئی۔

دوسری جانب سندھ صرافہ بازار جیولرز ایسوسی ایشن کے مطابق سونے کی فی تولہ قیمت 800 روپے کم ہوئی ہے اور فی تولہ قیمت ایک لاکھ 37 ہزار 300 روپے ہے۔10 گرام سونے کی قدر 685 روپے کم ہوکر ایک لاکھ 17 ہزار 713 روپے ہے جبکہ عالمی صرافہ میں سونے کی قدر 6 ڈالرز کم ہوکر 1849 روپے فی اونس ہے۔

کراچی میں کردیا ڈپٹی کمشنر نے حیران ،کفایت شعاری کی مثال قائم کر دی ، ڈپٹی کمشنر پیٹرول مہنگا ہونے پر موٹر سائیکل پر دفیر آگئے.

ایف بی آر کے ماتحت محکمے ڈائریکٹوریٹ انٹیلیجنس اینڈ انویسٹیگیشن آئی آر کراچی میں تعینات 38کامن سے تعلق رکھنے والے گریڈ 18 کے ڈپٹی کمشنر آصف ابڑو نے پیٹرول مہنگا ہونے کا حل ڈھونڈ لیا ہے۔ایف بی آر کے ڈپٹی کمشنر نے پیٹرول دسترس سے باہر ہونے پرآج سے گاڑی چلانا چھوڑ دی ہے۔

سوشل میڈیا پر انکی جانب سے موٹرسائیکل پر دفتر جانے کی ویڈیو وائرل ہونے کے بعد ان کا کہنا ہے کہ تنخواہ ایک لاکھ 17 ہزار روپے ہے اور اس تنخواہ میں گاڑی کا پیٹرول پورا نہیں کرسکتا، مہنگائی سے تنگ آکر اسکا مقابلہ کرنے کے لیے موٹرسائیکل کے استعمال کا فیصلہ کر لیا ہے.

آصف ابڑوکا کہنا تھا کہ موٹرسائیکل کا استعمال شروع کرنے پر دوستوں اور رشتہ داروں نے حیرت کا بھی اظہار کیا ہے لیکن جب میں عام لوگوں کی حالت زار دیکھتا ہوں تو جو کچھ میری استطاعت میں ہے اس پر میں اللہ کا شکر ادا کرتا ہوں۔

انہوں نے کہا کہ میرا مقصد سستی شہرت کا حصول نہیں بلکہ میں اپنی اندرونی حالت اجاگر کرنا چاہتا ہوں جو کہ کروڑوں پاکستانیوں کی ہے اور یہ قدم دوسروں کو آگاہی دینے کے لیے اٹھایا ہے تاکہ پاکستان کو بحرانی کیفیت سے نکالا جا سکے۔ اگر موٹرسائیکل کے استعمال سے میرا کنوینس بل کم ہوجاتا ہے تو پھر میں اپنے دیگر گھریلو اخراجات پر قابو پانے کے بارے بھی سوچ رہا ہوں۔

انہوں نے کہا کہ مجھے حیرت ہے کہ میں پاکستان کے ریونیو میں کروڑوں روپے کا حصہ ڈالتا ہوں لیکن میری اپنی حالت روز بروز بگڑتی جارہی ہے۔ انہوں نے کہا کہ وہ سرکاری ملازمین کے ای اینڈ ڈی اور کنڈٹ رولز سے واقف ہیں لیکن انکا مقصد حکومت کو بدنام کرنا نہیں کیونکہ وہ بھی ایک انسان ہیں اور ملک کے حالات اس نہج تک پہنچ گئے ہیں تو عام آدمی کا کیا حال ہوگا۔

انٹر بینک میں ڈالر 1 روپے 21 پیسے سستا ہوکر 200 روپے 80 پیسے کا ہوگیا، پاکستان اسٹاک ایکسچینج میں بھی کاروبار کا مثبت آغاز ہوا ہے۔ ملک میں ڈالر کی مسلسل اونچی اڑان آج دن کے آغاز پر تھم گئی ہے اور انٹر بینک میں ڈالر سستا ہونا شروع ہو گیا ہے۔

دوسری جانب پاکستان اسٹاک ایکسچینج (پی ایس ایکس) میں کاروبار کا مثبت آغاز ہوا ہے اور 100 انڈیکس800 پوائنٹس اضافے سے43 ہزار 313 پوائنٹس پر موجود ہے۔

معاشی ماہرین کے مطابق پیٹرولیم مصنوعات کی قیمتوں میں اضافے پر مارکیٹ مثبت ہے۔واضح رہے کہ آئی ایم ایف کے دباؤ کے بعد گزشتہ شب ملک میں پیٹرول ، ڈیزل اور مٹی کا تیل 30 روپے لیٹر مہنگا ہوا ہے۔ وزیر خزانہ کا کہنا تھا کہ آئی ایم ایف پیٹرول کی قیمت بڑھانے تک قرض دینے کیلئے تیار نہیں۔انہوں نے مزید کہا تھا کہ پیٹرول کی قیمت نہیں بڑھا رہے تھے تو روپیہ گر رہا تھا۔

مفتاح اسماعیل کا مزید کہنا تھا کہ سابق حکومت میں فروری تک پٹرول اور ڈیزل کی قیمت میں اضافہ ہوا، سابق حکومت نے پٹرول کی قیمت کو فکسڈ رکھا۔ پٹرولیم مصنوعات کے لیے عوام پر کچھ نہ کچھ بوجھ ڈالنا ناگزیر ہوگیا، پٹرول پر سبسڈی کا امیر اور غریب دونوں فائدہ اٹھا رہے ہیں۔ مفتاح اسماعیل نے بتایا کہ15 دن میں 55 ارب روپے کا نقصان برداشت کر چکے ہیں.

ملک میں سونے کی فی تولہ قیمت میں 2100 روپے کی بڑی کمی ہوئی ہے۔ سندھ صرافہ بازارجیولرزایسوسی ایشن کے مطابق سونےکی فی تولہ قیمت 2100 روپےکم ہوکر ایک لاکھ 41 ہزار 200 روپے ہوگئی ہے۔ 10 گرام سونے کی قدر 1800 روپےکم ہوکر 121056 روپے ہے جبکہ عالمی صرافہ بازار میں سونے کا بھاؤ 14 ڈالر بڑھ کر 1860 ڈالر فی اونس ہوگیا ہے۔

کراچی : منشیات فروشی کے خلاف کراچی پولیس نے اپنی حکمت عملی تبدیل کر لی ہے۔

تفصیلات کے مطابق شہر قائد سے منشیات کی لت ختم کرنے کا ٹاسک پورا کرنے کے لیے کراچی پولیس نے حکمت عملی تبدیل کرتے ہوئے منشیات پکڑنے کی بجائے منشیات فروشوں اور ڈیلرز کی گرفتاریوں پر توجہ مرکوز کر دی۔ایڈیشنل آئی جی کراچی غلام نبی میمن نے اس سلسلے میں بتایا کہ منشیات کے خاتمے کے لیے کراچی پولیس نے بہت بڑا اقدم اٹھا رکھا ہے، اب ہم حکمت عملی کو تبدیل کر کے منشیات فروشوں اور ڈیلرز کے خلاف کام کر رہے ہیں۔
غلام نبی میمن نے ایک ویڈیو پیغام میں کہا کہ اس کی بجائے کہ ہم منشیات پکڑنے پر توجہ مرکوز کریں، ہم نے منشیات فروخت کرنے اور اس کے ڈیلرز کے خلاف کام کرنے کی حکمت عملی بنا لی ہے، اس سلسلے میں شہر میں سرگرم منشیات فروش اور ڈیلرز کی فہرست بھی تیار کر رکھی ہے ۔
کراچی پولیس چیف کے مطابق فہرست میں موجود کئی منشیات فرشوں کو گرفتار کر کے جیل بھی بھجوایا جا چکا ہے، اور اب اگلے قدم کے طور پر ان منشیات فروشوں کے خلاف مضبوط کیسز تیار کیے جائیں گے، انھوں نے بتایا کہ ہم چاہتے ہیں کہ ملزمان کے خلاف بہتر سے بہتر کیس بنائیں۔

انہوں نے کہاکہ منشیات فروشوں کے خلاف حکومت سے خصوصی پراسیکیوٹرز مختص کرنے کی درخواست بھی کی گئی ہے، کیوں کہ اس پر پیسا بھی لگتا ہے اور دوسری طرف منشیات فروشوں کے پاس پیسہ بہت زیادہ ہوتا ہے۔ایڈیشنل آئی جی کراچی نے کہا کہ حکومت نے جو منشیات کے لیے نیا قانون پاس کیا ہے، اس کے تحت منشیات پر سخت سزائیں رکھی گئی ہیں، اگر اچھے کیسز بنیں گے تو سزا بھی زیادہ ہوگی۔

کراچی : سندھ ہائی کورٹ نے دعا زہرا کو تیس مئی کوپیش کرنے کا حکم دیتے ہوئے تمام صوبوں کی پولیس کولڑکی کی بازیابی کیلئے اقدامات کی ہدایت کردی۔ منگل کوسندھ ہائی کورٹ میں دعا زہرا کی بازیابی اور پسند کی شادی کے خلاف درخواست کی سماعت ہوئی۔ آئی جی سندھ کامران افضل، ایس ایس پی ایسٹ، دعا زہرا کے والدین اور دیگر پیش ہوئے،عدالت نے دعا زہرا کی بازیابی اور پسند کی شادی کے معاملے پرکیس کی سماعت کے دوران عدالت نے سیکرٹری داخلہ کو تمام صوبوں کی پولیس کو ہدایات جاری کرنے کا حکم دیتے ہوئے کہا کہ پولیس اور قانون نافذ کرنے والے ادارے تمام ممکنہ اقدامات کریں۔
آئی جی سندھ نے عدالت سے کہا کہ دعا زہرا کی بازیابی سے متعلق آگاہ کریں گے ۔
ڈی آئی جی سی آئی اے لاہور نے لڑکی کا 164 کا بیان ریکارڈ کیا تھا۔ ہم نے بچی کی عمر کے تعین کی درخواست دی تھی مسترد جو ہوگئی۔جسٹس اقبال کلہوڑو نے کہا کہ معاملہ یہاں کا ہے کیس یہیں ختم ہوگا حتمی فیصلہ بھی یہیں ہوگا۔

سندھ میں میرج ریسٹرینڈ ایکٹ ہے کہیں اورشاید نہیں ہے۔ بچی کو یہاں لانا پڑے گا یہیں کیس کا فیصلہ ہوگا۔پولیس حکام نے بتایامظفرآباد کی لوکیشن ٹریس ہوئی مگر کل تمام نمبرز بند ہوگئے۔ سگنلز بالاکوٹ میں لوکیٹ ہوئے وہاں لڑکی اور لڑکا والدہ کے ساتھ تھے۔عدالت نے کہا کہ ہم قانون کے پابند ہیں، جو خلاف ورزی کررہا ہے اس کے خلاف کارروائی کریں۔
والدین کو دیکھیں، پریشان ہیں۔ ایک دفعہ تو لڑکی کو پیش کرنا ہوگا تاکہ بیان ریکارڈ ہوسکے۔ ابھی تک شناختی کارڈز بلاک ہوئے نہ کوئی اور کارروائی کی گئی۔جسٹس اقبال کلہوڑو نے استفسار کیا کہ جب لاہور میں عدالت میں بیان ہوا سندھ پولیس موجود تھی پولیس نے کہا کہ جی ہم موجود تھے، مگر عدالت نے ہمیں کسٹڈی نہیں دی۔عدالت نے کہا کہ کسٹڈی لینے کا وقت تھا، آپ نے مِس کر دیا، اب موبائل کے پیچھے بھاگ رہے ہیں۔
پراسیکیوٹر جنرل نے کہا کہ ایک ہفتہ کا وقت دے دیں کوشش کررہے ہیں۔ جسٹس آغا فیصل نے کہا کہ اتنا وقت نہیں ہے آپ والدین کی حالت دیکھیں۔ جائیں بچی کو ابھی تلاش کریں۔سندھ ہائی کورٹ نے کہاکہ پی جی صاحب آپ جانتے ہیں ناں، ہم افسران کو ہٹانے کا بھی حکم دے سکتے ہیں۔ جو افسر ناکام ہوگا اس کے خلاف آرڈر پاس کریں گے۔ڈی آئی جی سی آئی اے نے کہا کہ ہم آئی بی کے ذریعے بھی بھرپور کوشش کر رہے ہیں کہ لڑکی بازیاب ہوجائے۔ عدالت نے کیس کی مزید سماعت 30 مئی تک ملتوی کردی۔

کراچی : سندھ کے تعلیمی اداروں میں گرمیوں کی چھٹیوں کا اعلان۔
میڈیا رپورٹس کے مطابق محکمہ تعلیم سندھ نے صوبے میں گرمیوں کی چھٹیوں کا اعلان کردیا ہے۔ یکم جون سے 31جولائی تک صوبے کے تمام تعلیمی اداروں میں موسم گرما کی چھٹیوں کا اعلان کیا گیاہے۔صوبائی محکمہ تعلیم نے گرمیوں کی چھٹیوں کا نوٹیفکیشن بھی جاری کردیا۔
چند روز قبل وفاقی نظامت تعلیمات نے گرمی کی شدت کے سبب نئی پالیسی جاری کر دی تھی۔
ذرائع کے مطابق وفاقی نظامت تعلیمات کی جانب سے گرمی شدت کے سبب تمام سرکاری اسکولوں میں مانٹیسری سے پانچویں کلاس تک چھٹیاں دی گئیں۔پانچویں اور آٹھویں جماعت کے بورڈ کے امتحانات کے اوقات کار بھی صبح 8 سے 11 بجے کر دئیے گئے۔
وفاقی نظامت تعلیم نے چھٹیوں اور اوقات کار کی تبدیلی کا نوٹیفیکیشن بھی جاری کر دیا۔