Category: کراچی

ملک کے لیے اس وقت سب سے زیادہ خطرہ عمران خان ہے،سعید غنی

باغی ٹی وی کی رپورٹ کے مطابق سندھ کے صوبائی وزیر سعید غنی نے کہا ہے کہ مسجد نبویﷺمیں ہونے والے واقعہ کی مذمت کرتا ہوں،

سعید غنی کا کہنا تھا کہ پاک سرزمین پر ایسی حرکت بری سوچ والے ہی کر سکتے ہیں،عمران خان کو آئین و قانون کے تحت ہٹایا گیا ہے،عدلیہ اور اسٹبلشمنٹ نے آئین اور قانون کے مطابق کردار ادا کیا،عدم اعتماد جب جمع ہوا تو عمران خان نے شکر ادا کیا،عمران خان نے کہا کہ گزشتہ سال جولائی میں ان کو عدم اعتماد کا پتہ تھا، عمران خان جیسا نالائق وزیراعظم پاکستان کی تاریخ میں کبھی نہیں آیا عمران خان اپنی نااہلی سے بچنے کیلئے عوام کو ٹرک کی بتی کے پیچھے لگانا چاہتا ہے،

سعید غنی کا کہنا تھا کہ عمران خان کی نظر میں ملک کے70 فیصد ووٹرز نے جن کو ووٹ دیا وہ غدار ہے نااہلی ،ہٹ دھرم اور انا پرست عمرا ن خان محب وطن باقی غدار ہے؟ ملک کے لیے اس وقت سب سے زیادہ خطرہ عمران خان ہے،سابق وزیراعظم ، اسپیکر اور ڈپٹی اسپیکر نے آئین کو پامال کیا ہے،15مئی کو کراچی میں بڑا اجتماع کریں گے،جگہ کا اعلان ایک دو دن میں کریں گے، عوامی اجتماع سے چیئرمین بلاول بھٹو خطاب کریں گے۔

عمران خان کے مشیر بیرون ملک روانہ

میری جان سے زیادہ پاکستان کی آزادی ضروری ، فوری الیکشن چاہتے ہیں ، عمران خان

کراچی جانے کیلئے عمران خان کو جہاز کس نے دیا؟ بحث چھڑ گئی

این اے 33 ہنگو،ضمنی انتخابات، پولنگ جاری،سیکورٹی سخت

پنجاب اسمبلی، ہنگامہ آرائی کا مقدمہ درج

چودھری پرویز الہیٰ کو پولیس نے بلا لیا

پرویز الہیٰ کی جانب سے حملے کے الزام کے بعد رانا مشہود بھی خاموش نہ رہ سکے

کراچی : پاکپتن۔ ممبر صوبائی مسلم لیگ (ن) میاں نوید علی کے والد مسلم لیگ (ن) کے سینئر رہنما رانا احمد علی آرائیں کو فائرنگ کر کے قتل کردیا گیا۔

تفصیلات کے مطابق مسلم لیگ(ن) کے سینئر رہنما احمد علی ارائیں خون میں لت پت اپنے کمرے میں مردے حالت میں پائے گئے ۔ واقع کی اطلاع ملتے ہی پولیس کی بھاری نفری اور ریسکیو 1122 کی ٹیمیں جائے وقوعہ پر پہنچ گئیں۔
پولیس کی فرانزک ٹیمیں جائے وقوعہ کا جائزہ لے رہی ہیں ۔

کراچی : کراچی میں ایدھی کا بحری یونٹ الرٹ کر دیا گیا۔
تفصیلات کے مطابق محکمہ موسمیات کی جانب سے آئندہ چند دنوں میں کراچی میں تیز اور طوفانی بارشوں کی پیشگوئی کے بعد ایدھی فاؤنڈیشن نے اپنے بحری خدمات کے یونٹ کو فعال کردیا ہے۔
باخبر ذرائع کے مطابق ایدھی فاؤنڈیشن کے ترجمان کا بتانا ہے کہ بحری خدمات کے یونٹ کو فعال کرنے کے فیصلے کے بعد متعدد کشتیاں بھی ایدھی فاؤنڈیشن کے ٹاور کے علاقے میں واقع ہیڈ آفس پہنچا دی گئی ہیں۔
ترجمان ایدھی فانڈیشن کے مطابق کسی بھی ناگہانی صورتحال سے نمٹنے کے لیے ایدھی فاؤنڈیشن انتظامیہ کے شانہ بشانہ اور شہریوں کی مدد کے لیے ہمہ وقت تیار و مستعد ہے۔
دوسری جانب محکمہ موسمیات نے عید کی تعطیلات کے دوران گرد آلود ہواؤں اور گرج چمک کے ساتھ بارش برسنے کی پیش گوئی کی ہے ، صوبہ پنجاب کے دارالحکومت لاہور میں آج رات سے آئندہ 2 دنوں کے لیے گرد آلود ہواؤں کے ساتھ ہلکی بارش کا امکان ظاہر کیا گیا ہے ، جس کی وجہ سے گرمی کی شدت میں کمی ہو گی ۔

کراچی : سائٹ سپرہائی وے انڈسٹریل ایریا تھانے کی حدود نیو کراچی اللہ والی کے قریب کار پر ڈاکو کی فائرنگ سے کار میں سوار خاتون زخمی ہوگئی جسے تشویشناک حالت میں عباسی شہید اسپتال منتقل کیا گیا ، زخمی ہونے والی خاتون کی شناخت 24 سالہ سویرا کے نام سے کی گئی۔

سویرا کے شوہر ابرار نے بتایا کہ وہ گلستان جوہر کا رہائشی ہے، پراپرٹی کی خرید و فروخت کا کام کرتا ہے اور گلشن معمار میں اس کا آفس ہے ، وہ اپنی اہلیہ ، دو سالہ بیٹی اور ساس ، سسر اور سالے کے ہمراہ گلشن معمار سے فالودہ کھا کر ساس ، سسر اور سالے کو چھوڑنے نیو کراچی سندھی ہوٹل میں سسرال جا رہے تھے کہ گلشن معمار سے آتے ہوئے اللہ والی سے کچھ پہلے ایک پلیہ پر سنسان راستے پر دو نقاب پوش افراد کھڑے تھے جن میں سے ایک موٹرسائیکل پر بیٹھا تھا جبکہ دوسرا شخص جو باریش تھا اس کے برابر میں کھڑا تھا۔

انہوں نے بتایا کہ ان کی اہلیہ نے ان سے کہا تھا کہ کار کو روکنا نہیں کیونکہ اس باریش شخص کے ہاتھ میں پستول ہے کار جیسے ہی ان کے قریب پہنچی تو انہوں نے اشارے سے کار کو روکنے کی کوشش کی تاہم انہوں نے کار کو نہ روکتے ہوئے پہلے اس باریش شخص کو ٹکر مار کر گرایا اور اسپیڈ تیز کر دی جس پر وہ شخص دوبارہ کھڑا ہوا اور ایک گولی سامنے سے ونڈ اسکرین پر ماری اور پھر عقب سے کار پر تین مزید فائر کیے۔

سامنے سے کیا جانے والا فائر ان کے برابر والی سیٹ پر بیٹھی ان کی اہلیہ کے پیٹ میں جا لگی ، خوش قسمتی سے دو سالہ بیٹی جو اپنی ماں کی گود میں بیٹھی تھی وہ بچ گئی ، انہوں نے بتایا کہ چند ہی لمحوں میں سویرا خون سے لت پت ہوگئی جس پر وہ اللہ والی پر ایک پرائیوٹ کلینک لے گئے جہاں ڈاکٹر نے علاج کرنے سے منع کر دیا جس پر وہ نیو کراچی سندھ گورنمنٹ اسپتال گئے وہاں ڈاکٹرز نے ابتدائی طبی امداد دی تاہم خون رکنے کا نام نہیں لے رہا تھا جس پر وہ عباسی شہید اسپتال آئے۔

انہوں نے بتایا کہ ان کی اہلیہ کے ہاں دوسرے بچے کی ولادت ہونے والی تھی وہ پانچ ماہ کی حاملہ تھی ، سویرا کو آپریشن تھیٹر منتقل کر دیا گیا، جہاں اس کی حالت انتہائی تشویشناک ہے تاہم ڈاکٹر خاتون کی جان بچانے کی کوشش کر رہے ہیں ، خاتون کے شوہر ابرار صدیقی نے بتایا کہ آپریشن کے دوران پیٹ میں جو بچی تھی وہ جاں بحق ہوگئی جبکہ ان کی اہلیہ کی حالت بھی تشویشناک ہے۔

سویرا کو عباسی شہید اسپتال سے اسٹیڈیم روڈ پر نجی اسپتال منتقل کر دیا گیا ، ان کا کہنا تھا کہ معمار سے نیو کراچی کی جانب آنے والی سڑک پولیس نے کرائے پر ڈاکوؤں کو دے رکھی ہے ایک ماہ قبل بھی ڈاکو اسی علاقے میں ان سے ایک لاکھ روپے سے زائد کی نقدی اور دیگر سامان لوٹ کر فرار ہوگئے تھے ۔

دوران آپریشن خاتون کے پیٹ میں موجود بچہ جاں بحق ہوگیا ، خاتون کی حالت بھی تشویشناک ہے ، شوہر کا کہنا تھا کہ پولیس نے معمار سے نیو کراچی آنے والی سڑک ڈاکوؤں کو کرائے پر دی ہوئی ہے جہاں ڈاکو شہریوں کا گھات لگا کر انتظار کرتے ہیں ۔

کراچی: دین اسلام کے لیے شوبز کی دنیا کو خیر باد کہنے والی سابق اداکارہ صنم چوہدری نے عید الفطر پر تمام لوگوں کو خوبصورت پیغام دیا ہے۔

صنم چوہدری نے عید الفطر کے موقع پر سوشل میڈیا پر شیئر کی گئی ویڈیو میں اپنے تمام مداحوں کو پیغام دیتے ہوئے کہا ’’عید کا دن خوشیوں بھرا اور سب کے جمع ہونے کا دن ہوتا ہے۔ اگر یہ رمضان میں نے اور آپ نے اپنے ایمان کے ساتھ اپنا احتساب کرتے ہوئے اور تقویٰ کرتے ہوئے گزارا تو ہی ہم عید کو اس کی اصل روح کے مطابق منا پائیں گے۔

صنم چوہدری نے کہا ہم نے پورے روزے رکھے اللہ کے لیے سب کو معاف کیا، غریبوں کو کھانا کھلایا، ہم نے اپنے گناہوں کی سچے دل سے توبہ کی، تو یہ عید کا دن اللہ کا ہم سب پر انعام ہے۔

صنم چوہدری نے اپنے تمام فالوورز سے سوال کیا تو بتائیں اس عید آپ سب لوگ کیا مانگیں گے؟ ہدایت مانگیں گے، شفا مانگیں گے یا اپنے ملک پاکستان کی ترقی اور سلامتی مانگیں گے۔

انہوں نے کہا میں اللہ تعالیٰ سے دعا کرتی ہوں کہ اس رمضان کے مہینے میں نے اللہ تعالی سے جو بھی کمٹمنٹ کی ہے، اللہ تعالیٰ مجھے اس پہ ثابت قدمی دے آمین۔ آپ سب کو میری طرف سے دل سے عید مبارک‘‘۔

,کراچی : سندھ کا اگلا گورنر کون ہوگا؟، ایم کیو ایم پاکستان نے تین نام وفاق کو ارسال کردیئے۔

گورنر سندھ کیلئے ایم کیو ایم پاکستان اور وفاقی حکومت کے درمیان معاملات طے پاگئے۔ اگلا گورنر سندھ کون ہوگا؟، ڈاکٹر خالد مقبول صدیقی نے تین نام وفاق کو بھجوادیئے۔

کنوینر ایم کیو ایم پاکستان ڈاکٹر خالد مقبول صدیقی نے گورنر سندھ کیلئے نسرین جلیل، وسیم اختر اور عامر چشتی کے نام وفاق کو بھیج دیئے ہیں۔

وفاق کی جانب سے ایم کیو ایم پاکستان کے دیئے گئے ناموں پر وفاق نے غور شروع کردیا۔ واضح کہ نسرین جلیل اور سابق میئر کراچی وسیم اختر پر کچھ سرکاری حلقوں کو تحفظات ہیں۔

سابق حکومت کی اتحادی ایم کیو ایم پاکستان تحریک عدم اعتماد میں عمران خان کا ساتھ چھوڑ کر اپوزیشن سے جا ملی تھی، جس کے بدلے انہیں وفاقی وزارتیں اور کئی دیگر عہدوں کی بھی پیشکش کی گئی تھی۔