کراچی : انسان دوست ہیومن رائٹس پاکستان کے لیگل ایڈوائزر ایڈووکیٹ محترم ایاز علی چانڈیو کا ہیومن رائٹس سیکریٹریٹ آمد
تفصیلات کے مطابق ہیومن رائٹس پاکستان کے لیگل ایڈوائزر ایڈوکیٹ محترم ایاز علی چانڈیو نے ہیومن رائٹس سیکریٹریٹ کا دورہ کیا جہاں
محترم اسحاق شیخ صاحب نے استقبال کیا اور سیکریٹریٹ میں سندھ سے آئے ہوئے کیسز پر غور ویچار کیا گیا اور سندھ کے مظلوم مجبور لوگوں کی مدد انصاف اور تحفظ دلانے کیلئے جدوجہد جاری رکھنے کا اعلان کیا۔
پولیس نے ہیئر ڈریسرز دکانوں میں واردات کرنیوالے دو ملزمان کو گرفتار کرلیا ، ملزمان کو لیاری کے علاقے چاکیواڑہ سے گرفتار کیا گیا۔
تفصیلات کے مطابق کراچی میں ہیئر ڈریسرز دکانوں میں واردات کرنیوالے ڈکیت گروہ کے 2 کارندوں کو گرفتار کرلیا گیا ، پولیس نے دونوں ملزمان کو گزشتہ روز چاکیواڑہ سے گرفتار کیا۔
دونوں ملزم محمد کاشف اور محمد آصف نے تفتیش کے دوران اہم انکشافات کئے جبکہ پولیس نے گرفتار ملزمان کی وارداتوں کی متعدد فوٹیجز حاصل کرلیں۔
ابتدائی تفتیش کے دوران ملزمان نے اس بات کی تصدیق کی کہ انھوں نے گارڈن میں حجاموں کی 3 ،کھارادرمیں 2 دکانوں کو لوٹا جبکہ صدر میں بیٹریز اور ٹائر کی دکانوں کو بھی لوٹنے میں ملوث ہیں
پولیس کا کہنا ہے کہ ملزمان ہیر ڈریسرز کی دکانوں کو زیادہ پیسوں کی لالچ میں لوٹا کرتے تھے، مشتبہ افراد نے بتایا کہ ان کے لیے نہ صرف کیش کاؤنٹرز سے پیسے چھیننا آسان تھا بلکہ سیلون میں موجود گاہکوں کو ان کے سامان سے بھی محروم کر دیتے تھے۔
خیال رہے کراچی میں ہیئر سیلون میں ڈکیتی کی وارداتیں پہلے بھی رپورٹ ہو چکی ہیں اور حال ہی میں ایسے ہی ایک واقعے میں کراچی کے علاقے فیڈرل بی ایریا میں حجام کی دکان پر ڈکیتی کی مزاحمت پر ایک راہگیر کو گولی مار کر ہلاک کر دیا گیا جبکہ ایک پولیس اہلکار زخمی بھی ہوا تھا۔
سندھ ہائی کورٹ نے فاطمہ جناح کالونی اور جمشید کالونی میں غیرقانونی پورشنز پر فوری کام روکنے کا حکم دے دیا اور ڈی جی ایس بی سی اے کو کارروائی کی ہدایت کردی۔
تفصیلات کے مطابق سندھ ہائی کورٹ میں فاطمہ جناح کالونی اور جمشید کالونی میں غیرقانونی تعمیرات کیخلاف کیس کی سماعت ہوئی ، سماعت میں وکیل درخواست گزار نے بتایا کہ عدالتی حکم پر پورشنز کو سیل کیا گیا، سیل ہونے کے باوجود تعمیرات ہو رہی ہیں۔
وکیل درخواست کا کہنا تھا کہ بغیر عدالتی حکم ایس بی سی اے والے کچھ کرتے نہیں، پلاٹ نمبر 675 اور دیگر پر تعمیرات کو فوری روکا جائے اور غیر قانونی تعمیرات کو گرانے کا حکم دیا جائے۔
جس پر سندھ ہائیکورٹ نے غیرقانونی پورشنز پر فوری کام روکنے کا حکم دیتے ہوئے ڈی جی ایس بی سی اے کو غیر قانونی پورشنز کے خلاف فوری کارروائی کی ہدایت کردی۔
عدالت نے سب رجسٹرار کو پورشن کی سب لیز کرنےاور پورشنز کو پانی، بجلی، گیس فراہم کرنے سے بھی روک دیا۔
عدالت نے ایس بی سی اے کو 45 روز میں عمل درآمد یقینی بنانے کا حکم دیتے ہوئے ڈی جی ایس بی سی اے اور ایڈووکیٹ جنرل سندھ کو نوٹس جاری کردیا۔
ایف بی آر نے ٹیکس پر فیڈریل ایکسائز ڈیوٹی ادا نہ کرنے پر قومی ایئرلائن پی آئی اے کے بینک اکاؤنٹس منجمد کردیے، اکاؤنٹس 4 ارب روپے ٹیکس ریکوری تک منجمد رہیں گے۔
تفصیلات کے مطابق مالی بحران کا شکار پی آئی اے کیلئے مشکلات میں اضافہ ہوگیا، ایف بی آر نے پی آئی اے پر ایکشن لیتے ہوئے پی آئی اے کے بینک اکاؤنٹس منجمد کردیئے۔
ذرائع ایف بی آر نے بتایا کہ ٹیکس پر فیڈریل ایکسائز ڈیوٹی ادا نہ کرنے پر پی آئی اے کے بینک اکاونٹس منجمد کئے گئے، پی آئی اے نے 2سال سے ٹکٹ پر وصولی پرایف ای ڈی جمع نہیں کرایا۔
ذرائع کا کہنا تھا کہ پی آئی اے نے 2سال سے جمع فیڈریل ایکسائز کے 4.50 ارب روپےادا کرنا تھے۔
ملک بھر میں پی آئی اے کے 50 اکاونٹس منجمد کرکے ریکوری کی گئی ، اکاؤنٹس منجمد کرکے 46 کروڑ 50 لاکھ روپے ریکورکرلئےگئے ہیں۔
ایف بی آر نے بتایا کہ پی آئی اے کے اکاؤنٹس 4 ارب روپے ٹیکس ریکوری تک منجمد رہیں گے۔
ڈاکٹر عافیہ صدیقی سے ملاقات کروائی جائے، اہلخانہ عدالت پہنچ گئے
سندھ ہائی کورٹ میں ڈاکٹر عافیہ صدیقی کی اہلخانہ کی ملاقات سے متعلق درخواست کی سماعت ہوئی
درخواست گزار کی جانب سےسندھ ہائی کورٹ میں وکیل کا وکالت نامہ جمع کرا دیا گیا ،عدالت نے حکم دیا کہ درخواست کے قابل سماعت ہونے پر دلائل دیں،کیا اس عدالت کو درخواست کی سماعت کا اختیار ہے ؟ معاملے پر مطمئن کیا جائے، وکیل نے عدالت میں کہا کہ درخواست کی قابل سماعت ہونے پر دلائل کے لیے مہلت دی جائے ،عدالت نے وکیل کو مہلت دیتے ہوئے حکم دیا کہ آئندہ سماعت پر درخواست کے قابل سماعت ہونے پر دلائل دیں،سندھ ہائی کورٹ نے درخواست کی مزید سماعت ایک ہفتے تک ملتوی کردی
درخواست ڈاکٹر عافیہ صدیقی کی بہن فوزیہ صدیقی کی جانب سے دائر کی گئی ہے، سندھ ہائیکورٹ میں دائر درخواست میں عدالت سے استدعا کی گئی ہے کہ امریکا میں قید ڈاکٹر عافیہ صدیقی سے ملاقات کرانےکا حکم دیا جائے
ڈاکٹر عافیہ صدیقی کو سنہ 2010 میں امریکی عدالت نے افغانستان میں امریکی فوجیوں پرحملہ کرنے کے الزام میں 86 سال قید کی سزاسنائی تھی، وہ ٹیکساس کی جیل میں قید ہیں
ڈاکٹر عافیہ صدیقی کی رہائی کے لئے مبشر لقمان نے جوبائیڈن کو پیش کی تجویز
ڈاکٹر عافیہ صدیقی کی رہائی اور وطن واپسی کی درخواست پر عدالت کا بڑا حکم
ڈاکٹر عافیہ صدیقی کے صاحبزادے حافظ احمد نے نماز تراویح میں قرآن مکمل کر لیا
عالمی یوم تعلیم امریکی جیل میں قید ڈاکٹر عافیہ صدیقی کے نام منسوب
یاد رہے کہ ڈاکٹر عافیہ صدیقی اس وقت امریکہ کی جیل میں ہیں اور انہیں چھیاسی برس کی سزا سنائی گئی ہے. ان کی والدہ اور دیگر اہل خانہ کی طرف سے حکومت سے بار بار اپیل کی گئی ہے کہ وہ ان کی رہائی کیلئے کردار ادا کرے. وزیراعطم عمران خان نے بھی حکومت میں آنے سے قبل اعلان کیا تھا کہ وہ ڈاکٹر عافیہ صدیقی کو واپس لائیں گے تا ہم ابھی تک حکومت نے کوئی کردار ادا نہیں کیا، ڈاکٹر فوزیہ صدیقی کی وزیراعظم کے مشیر برائے پارلیمانی امور ڈاکٹر بابر اعوان سے ملاقات ہوئی تھی جس میں بابر اعوان نے یقین دہانی کروائی تھی کہ وزیراعطم بیرون ممالک میں قید پاکستانیوں کو واپس لا رہے ہیں،عافیہ کو بھی لائیں گے تا ہم ایک سال سے زائد کا عرصہ اس ملاقات کو گزر چکا حکومت کی جانب سے کوئی بھی پشیرفت سامنے نہیں آئی،
امریکی جیل میں ڈاکٹرعافیہ صدیقی پرحملہ:پاکستان نے امریکہ سے بڑا مطالبہ کردیا ،
عافیہ صدیقی کی رہائی کیلئے کراچی میں احتجاج
اچھا ہوتا وزیراعظم اپنی تقریر میں ڈاکٹر عافیہ کا ذکر کرتے۔ حافظ سعد رضوی
یہودی عبادت گاہ میں ہلاک یرغمالی ملک فیصل اکرم نے ڈاکٹرعافیہ صدیقی کی رہائی کا مطالبہ کیا
کراچی : محکمہ موسمیات نے کہاہے کہ کراچی سمیت سندھ بھر میں 28 جنوری تک سردی کی لہر برقرار رہ سکتی ہے۔
محکمہ موسمیات کے مطابق مغربی ہوائوں کا سسٹم ملک سے نکل گیا ہے تاہم سائبیرین ہوائیں ملک بھر کو اپنی لپیٹ میں لے رہی ہیں۔سندھ بھر میں موسم خشک اور سرد رہنے کا امکان ہے، جبکہ کراچی میں کم سے کم درجہ حرارت 8 سے 10 ڈگری سینٹی گریڈ ہوسکتا ہے ۔
گورنر سندھ عمران اسماعیل نے کہا ہے کہ آٹا مہنگا ہونے کی ذمہ دار سندھ حکومت ہے، پاکستان میں مہنگائی کی شرح دیگر مالک سے کم ہے۔
کراچی میں میڈیا سے گفتگو کرتے ہوئے انہوں نے کہا کہ پاکستان دنیا کے ان چند ممالک میں شامل ہے جہاں مہنگائی کی بہت شرح کم رہی ہے، کورونا وباء سے پوری دنیا میں مہنگائی ہوئی ہے۔
انہوں نے بتایا کہ پاکستان میں مصنوعی مہنگائی ہوئی ہے، ہر کاروباری طبقے نے اپنے منافع میں اضافہ کیا12سو ٹن فی مل آٹا ریلیز کرتی ہے۔800آٹا ملز ہے سندھ میں11لاکھ ٹن گندم سندھ حکومت کے گوداموں میں رکھی ہوئی ہے۔
گورنر سندھ نے کہا کہ گندم کی فصل سندھ میں سب سے پہلے کٹتی ہے، آٹا مہنگا ہونے کی ذمہ دار سندھ حکومت ہے، میں مطالبہ کرتا ہوں سندھ حکومت سے کہ100 ٹن کٹوتی کیوں کی گئی؟
ان کا کہنا تھا کہ میں جاننا چاہتا ہوں کہ جب مارچ میں گندم کے فصل کی کٹائی ہونی ہے تو 4 لاکھ ٹن گوداموں میں کیوں رکھی ہے؟ اگر گندم کی قلت ہے تو وفاقی حکومت کو آگاہ کریں، وہ گھنٹے میں گندم فراہم کرے گی۔
عمران اسماعیل کا کہنا تھا کہ پاکستان میں دیگر ملکوں کے مقابلے میں مہنگائی کم ہوئی ہے، پاکستان میں مصنوعی مہنگائی بھی کی گئی، سندھ حکومت نے1200 ٹن کی بجائے 1100 ٹن گندم ملوں کو دی ہے۔
انہوں نے کہا کہ وہی آٹا پنجاب میں کم قیمت میں ملتا ہے اور وہی آٹا سندھ میں مہنگا ملتا ہے، ایک طرف سندھ حکومت مہنگائی کے خلاف مارچ کرنے جارہی ہے اور دوسری طرف آٹا مہنگا کررہی ہے۔
گورنر سندھ کا مزید کہنا تھا کہ سندھ حکومت جواب دے کہ 100 ٹن گندم کی کٹوتی کیوں کی؟ حکومت سندھ صوبے کے ساتھ یہ زیادتی تو نہ کرے ہمارے صوبے کے ساتھ بڑی زیادتی کی جارہی ہے۔
اورنگی ٹاؤن میں ڈکیتی مزاحمت پر ڈاکوؤں کی فائرنگ سے زخمی نوجوان دم توڑگیا،زخمی نوجوان 22سالہ سیف الرحمان عباسی شہید اسپتال میں زیر علاج تھا۔
تفصیلات کے مطابق کراچی جرائم کا جنگل بن چکا ہے، ایک مہینے میں ڈاکووں نے تین نوجوانوں کی جان لے لی مگر انتظامیہ پر کوئی اثر ہوا نہ ہی پولیس ایکشن لینے کے لئے تیار ہے۔
شاہ رخ ، بلال کئے بعد سیف الرحمان ڈاکووں کی گولی کا نشانہ بن گیا، پولیس کا کہنا ہے کہ کراچی کے علاقے اورنگی ٹاؤن میں سولہ جنوری کی شب دکان میں ڈکیتی مزاحمت پر نوجوان زخمی ہوا تھا لیکن آج زخمی22سالہ سیف الرحمان زخموں کی تاب نہ لاتے ہوئے دم توڑ گیا۔
دکان میں ڈکیتی واقعے کی سی سی ٹی وی فوٹیج بھی منظر عام پر آگئی ہے ، جس میں دیکھا جاسکتا ہے کہ موٹر سائیکل سوار2 ملزمان کودکان میں داخل ہوتے ہیں ۔
فوٹیج کے مطابق مسلح ملزمان دکان میں 6افراد کو یرغمال بنانے کے بعد لوٹ مار کرتے ہیں لوٹ مار کے دوران مسلح ملزمان دکان میں موجود افراد کو پتھر بھی مارتے ہیں، اس دوران سیف الرحمن مزاحمت کرتا اور ملزم کو پکڑنے کی کوشش کرتا ہے۔
جس کے بعد مسلح ملزمان فائرنگ کر کے نوجوان سیف الرحمن کو زخمی کرکے فرار ہو جاتےہیں، مسلح ملزمان نے شناخت چھپانے کیلئے کیپ اور چہرے پر ماسک پہنے ہوئے تھے۔
کراچی : سماجی رہنما و ماہر تعلیم حنید لاکھانی نے کہا ہے کہ معاشرے میں بڑہتی ہوئی بیروزگاری مسائل کو جنم دے رہی ہے بے روزگار نوجوان معاشرے کے لیئے خطرہ بن رہے ہیں اپنے نوجوانوں کو تعلیم ، ملازمت اور مثبت سرگرمیوں کی جانب راغب کرنے کی ضرورت ہے نوجوان نسل کو بیروزگاری کے عذاب سے نکالنے کے لیئے اقدامات کرنا ہوں گے، جب ہم دوسروں کے مسائل کے بارے میں سوچنا شروع کریں گے تو تمام مسائل حل ہو جائیں گے، ان خیالات کا اظہارا نہوں نے حنید لاکھانی سیکرٹریٹ سے جاری کردہ بیان میں کیا، حنید لاکھانی نے کہا کہ جرم کی سب سے بڑی وجہ نا انصافی ہے اگر جرائم پر قابو پانا ہے تو ملک میں خلافت راشدہ قائم کرنا ہوگی جب ایک تعلیم یافتہ انسان کو اس کی قابلیت کے مطابق روزگار نہیں ملے گا اور وہ نوکری کے حصول کے لیئے در در کی ٹھوکریں کھائے گا اور ایک کم تعلیم یافتہ انسان رشوت یا تعلقات کی بنیاد پر قابلیت سے زائد عہدے پر فائز کردیا جائے گا تو معاشرے میںانتشار اور نفرت پھیلے گی لوگ محنت کرنے اور سیدھے رستے پر چلنے کی بجائے شارٹ کٹ اور ناجائز راستوں کی جانب مائل ہوں گے، شہرقائد میں اکثر دیکھنے کو ملتا ہے کہ ڈکیتی و دیگر وارداتوں میں ملوث نوجوان نہایت تعلیم یافتہ نکلتے ہیں اور ان کا ایک ہی مسئلہ ہوتا ہے کہ اتنی تعلیم ہونے کی باجود ہر جگہ سے دھکے ملتے ہیں ، انہوں نے کہا کہ پورے ملک میں بیروزگاری کے خاتمے کے لیئے اقدامات کرنا ہوں گے جب تک کاروباری طبقے کو سہولیات فراہم نہیں کی جائیں گی تو وہ کیسے ملک میں کاروباری سرگرمیاں بڑھائیںگے ، تاجروں کوسہولیات فراہم کرنے سے کاروباری سرگرمیاں بڑھیں گے اور نئے یونٹس کا قیام ہوگا جس سے لاکھوں کی تعداد میں لوگوں کو روزگار ملے گا ایکسپورٹ بڑھے گی تو مزدور، ٹرک والا، لوڈر، لفٹر آپریٹر سمیت مختلف شعبے کے لوگوں کو کام ملے گا اور جب ملک میں روزگار کے مواقع بڑھیں گے لوگوں کی آمدنی میں اضافہ ہوگا تو ان کی قوت خرید بڑھے گی جو کہ بیروزگاری، مہنگائی اور جرائم جیسے مسائل کے خاتمے میں اہم کردار ادا کریگی، انہوں نے مزید کہا کہ بہت سے لوگ بیروزگار ہیں جب ان کو نوکری نہیں ملتی تو گھروالوں کا پیٹ پالنے کے لیئے ان کو ناجائز ذریعوں کا سہارا لینا پڑتا ہے۔
کراچی : ایڈمنسٹریٹر ڈی ایم سی کورنگی جاوید الرحمن کلہوڑ نے ہدایت کی ہے کہ تیز ہوائوں سے عوامی زندگیوں کو محفوظ بنا نے اور بروقت سہولیات کی فراہمی کے لئے ڈی ایم سی کورنگی میں میونسپل ایمرجنسی کا نفاذ ،ایڈمنسٹریٹر نے محکمہ ایڈورٹائزمنٹ کو ہدایت کی ہے کہ ضلع کورنگی کی حدود میں لگے تمام اشتہاری بورڈ کو فی الفوار اُتار لیا جائے،محکمہ پارکس اینڈ سروسز کو ضلع حدود میں تیز ہوائوں سے گرنے والے درختوں کو شاہراہوں اور گلیوں سے فوری ہٹا نے کی ہدایت کی ۔
ڈائریکٹر پارکس وقاص سومرو نے رات گئے تک ضلع کورنگی کے شاہ فیصل ،ملیر ماڈل ،لانڈھی اور کورنگی زونز کا تفصیلی دورہ کرکے تیز ہوائوں سے گرنے والے درختوں اور پودوں کو شاہراہوں سے بروقت ہٹانے کے انتظامات کا معائنہ کیا اور اپنی نگرانی میں مختلف شاہراہوں سے درختوں کو ہٹا یا ڈائریکٹر پارکس وقاص سومرو نے کہا کہ ایڈمنسٹریٹر ڈی ایم سی کورنگی جاوید الرحمن کلہوڑ کی ہدایت پر محکمہ پارکس اینڈ سروسز کے چاروں زونز کو فعال کردیا گیا اور تمام عملہ او رمشینریز کو آن روڈ رکھا گیا ہے انہوںنے کہاکہ گزشتہ روز تیز ہوائوں سے ضلع کورنگی کی حدود میں درجنوں گرنے والے درختوں کو بروقت شاہراہوں سے اُٹھا لیا گیا ۔