Category: کراچی

کراچی : میڈیکل اسٹورز کے ذریعے بڑے پیمانے پر جعلی ادویات بیچے جانے کا انکشاف، ملزمان نے شہر میں جعلی ادویات بیچنے کا اعتراف کر لیا ۔

تفصیلات کے مطابق شہر قائد میں چھوٹے میڈیکل اسٹورز کے ذریعے جعلی اور غیر معیاری ادویات بیچے جانے کا انکشاف ہوا ہے۔ایف آئی اے نے کراچی میں جعلی اور غیر معیاری ادویات کی فروخت کی اطلاعات پر کارروائی کرتے ہوئے ایک ایسے گروہ کو گرفتار کر لیا ہے جو منظم طریقے سے یہ دھندہ چلاتا تھا۔
گروہ کے ارکان سے تحقیقات میں کئی اہم انکشافات سامنے آ گئے ہیں، لیاقت آباد میں ایک گھر پر ایف آئی اے نے چھاپا مارا تو بڑی تعداد میں ادویات کی بوتلیں برآمد ہوئیں۔ایف آئی اے کا کہنا ہے کہ ادویات فروخت کرنے والےگروہ کی صورت میں کام کرتے تھے، گرفتار ملزم نے ایف آئی اے کو بیان دیا کہ ہر کارندے کو الگ الگ ذمہ داریاں سونپی گئی تھیں، جعلی ادویات کی پرنٹنگ کی ذمہ داری مرزا ندیم نامی ملزم کی تھی۔

یف آئی اے کے مطابق جب ادویات کی جانچ کرائی گئی تو معلوم ہوا کہ تمام برانڈز کی جعلی ادویات فروخت کی جا رہی تھی۔جعلی ادویات کو لیاقت آباد میں باقاعدہ پیکنگ کر کے تیار کیا جاتا تھا، لیاقت آباد میں گھر پر ایف آئی اے نے چھاپا مارا تو بڑی تعداد میں ادویات کی بوتلیں ملیں۔ایف آئی اے کی تحقیقات میں معلوم ہوا کہ یہ تمام کام منگھوپیر کے علاقےمیں کیا جاتا ہے، کمپنیوں کے پرنٹ مٹیریل اور کارٹن ندیم ہی تیار کر کے لاتا تھا۔
ایف آئی اے کے مطابق دھندے میں عدنان اور سکندر بھی شامل ہیں جنھیں گرفتار کر لیا گیا ہے۔انکشاف ہوا کہ جعلی، غیر معیاری ادویات چھوٹے میڈیکل اسٹورز میں بیچی جاتی تھیں،اور ہول سیل مارکیٹ میں اسے ذیشان فروخت کرتا تھا، ذیشان نے رام سوامی میں باقاعدہ کمپنی بھی بنا رکھی تھی، چھاپے کے دوران ذیشان کے دفتر سے 10 ادویات کے برانڈز کی ادویات ملیں۔ایف آئی اے کے مطابق جو ادویات برآمد ہوئیں ان میں اینٹی بائیوٹک سیرپ پاؤڈر، انجکشنز، ڈرپ میں لگنے والے انجکشنز، اور درد کی ادویات شامل ہیں ۔

کراچی : سربراہ پاکستان سنی تحریک محمدثروت اعجازقادری نے کہا کہ پاکستان کی طرف میلی نظر سے دیکھنے والوں کی آنکھیں نکال دیں گے ۔

مقبوضہ کشمیر کی حقیقت کو کوئی تبدیل نہیں کرسکتا بھارت کشمیر کے عوام کی آزادی کی جدوجہد میں ان کے ساتھ ہیں پاکستان میں دہشتگردی کرکے بھارت کشمیر سے توجہ ہٹانا چاہتا ہے ،بھارت کی کسی سازش کو کامیاب ہونے نہیں دینگے ،پاک فوج کی صلاحیتوں کا پوری دنیا اعتراف کررہی ہے بلوچستان میں دہشتگردوں کو عبرت کانشان بناکر واضع پیغام دے دیا ہے ملک کی سلامتی پر کسی صورت آنچ آنے نہیں دینگے ،کشمیر مودی کے باپ کی جاگیر نہیں مودی اور جنونی ہندئوں کو ایک ایک ظلم کا حساب دینا ہوگا ،پاکستان کے عوام کشمیر کی مائوں ،بہنوں اور بھائیوں کے ساتھ ہیں ظلم کی اندھیری رات اب ختم ہونیوالی ہے ،ان خیالات کا اظہار انہوں نے لانڈی میں ذکر اہلبیت ویکجہتی کشمیر کانفرنس سے خطاب کرتے ہوئے کیا ۔
اس موقع پر علامہ علی احمد سیالوی ،علامہ نعیم چشتی ،مرکزی رابطہ کمیٹی کے رکن محمد طیب قادری اور کراچی ڈویژن کے تنظیمی عہدیداران بھی موجود ہیں ۔

ثروت اعجاز قادری کا کہنا تھا کہ دہشتگردی کے خلاف اور ملکی سلامتی کیلئے پوری قوم پاک افواج کے ساتھ کھڑی ہے ،مسئلہ کشمیر کا اب حل ہونا چاہیے مظلوم کشمیریوں کو ظالموں سے نجات دلانے کیلئے او آئی سی مثبت کردار ادا کرئے ،ثروت اعجاز قادری کا کہنا تھا کہ انتہا پسندی اور فرقہ واریت پھیلانے والے غیر ملکی ایجنڈے پر گامزن ہیں ،صحابہ کرام اور اہلبیت اطہار کی محبت ہمارے دلوں سے کوئی طاقت ختم نہیں کرسکتا ،صحابہ کرام کی توہین کرنیوالوں کو کے خلاف قانون کی گرفت کو یقینی بنانا ہو گا ۔

کراچی : سندھ اسمبلی میں قائدحزب اختلاف حلیم عادل شیخ نے کہاہے کہ ڈاکوکا بیٹا ملک پر ڈاکے کی مثالیں دیتے اچھا نہیں لگتا، اگر بلاول کہیں تو ہم آصف زرداری کو بھی صحت کارڈ دے سکتے ہیں۔

بلاول بھٹو کے خطاب پر رد عمل دیتے ہوئے حلیم عادل شیخ نے کہاکہ بلاول بھٹو کی چیخیں بتارہی ہیں کہ وہ مکمل گھبرائے ہوئے ہیں، بلاول اور ان کے والد نے شہید محترمہ اور بھٹو کی سیاسی نظریے کو دفن کردیا ہے۔

انہوں نے کہاکہ بلاول کے والد اور پھپو کورونا ویکسین میں بھی ٹین پرسنٹ لیتے رہے ہیں ،لانگ مارچ کریں یا شارٹ مارچ ناکامی زرداری خاندان کا مقدر بن چکا ہے، بلوچستان کی غیور عوام پیپلزپارٹی کے مظالم اور دھوکے نہیں بھولی۔انہوں نے سوال کیا کہ بلاول بتائیں بینظیر انکم سپورٹ پروگرام شفاف تھا تو چیئرپرسن مفرور کیوں ہیں ۔

کراچی : 6 لاکھ فالورز والی ٹک ٹاکر 3 لڑکوں سمیت کراچی میں قتل

تفصیلات کے مطابق 6 لاکھ فالورز والی ٹک ٹاکر 3 لڑکوں سمیت کراچی میں قتل ہو گئی ۔ 12 گھنٹے سے لاش ہسپتال پڑی ہے کوئی لینے نہیں آیا۔ گھر والوں نے بھی لاتعلقی کا اظہار کیا ہے ۔

ٹک ٹاکر کی ایک ویڈیو پر لاکھوں ویوز آتے تھے لیکن اب میت لینے کیلئے ایک بندہ بھی نہیں آرہا ۔ میت 12 گھنٹے سے اسپتال میں پڑی ہے ۔

اسپتال میں موجود ایک صاحب کا کہنا ہے کہ یہ ایک حقیقت ہے کہ یہ دنیا والے صرف دکھاوے کیلئے ہوتے ہیں ۔