Category: کراچی

کراچی میں کورونا کی صورتحال بگڑنے لگی اور مثبت کیسز کی شرح 40 فیصد سے تجاوز کرگئی ، ایک دن میں 2902 کیسز رپورٹ ہوئے۔

تفصیلات کے مطابق کراچی میں روزانہ کوویڈ 19 کے کیسز میں خطرناک حد تک اضافہ دیکھنے میں آرہا ہے ، وفاقی وزارت صحت حکام نے بتایا کہ شہر میں کورونا کے مثبت کیسز کی شرح 40.13 فیصد ہوگئی۔

صحت حکام کا کہنا تھا کہ کراچی میں گزشتہ روز 7232 ٹیسٹ کیے گئے، جس میں سے 2902 کورونا کیسز سامنے آئے۔

ملک بھر میں کورونا کی بلند ترین یومیہ شرح کراچی میں ریکارڈ کی گئی جبکہ حیدرآباد میں کورونا کیسز کی شرح 13.98 فیصد رہی۔

کمشنرکراچی محمداقبال میمن نے پی ایس ایل میں فول پروف سیکیورٹی فراہم کرنے کا فیصلہ کرلیا اور کہا شہر کی مختلف شاہراہوں کو سجایا جائے گا۔

تفصیلات کے مطابق کمشنرکراچی محمداقبال میمن کی زیرصدارت اجلاس ہوا ، جس میں پی ایس ایل انتظامات کا جائزہ لیا گیا اور پی ایس ایل میں فول پروف سیکیورٹی فراہم کرنے کا فیصلہ کرلیا گیا۔

سیکیورٹی اداروں نے اجلاس کو بریفنگ دیتے ہوئے کہا کورونا کے پھیلاؤ کے پیش نظر تماشائیوں کی تعدادپرغورہورہا ہے۔

کمشنرکراچی محمداقبال میمن کا کہنا تھا کہ کراچی کی مختلف شاہراہوں کو سجایا جائے گا اور کھلاڑیوں کے کٹ آؤٹس آویزاں کئے جائیں گے۔

اجلاس میں پارکنگ انتظامات، شٹل سروس اور سہولتوں کی فراہمی سمیت انتظامات کا جائزہ لیا گیا ، جنرل منیجرنیشنل اسٹیڈیم نے بتایا کہ ابھی تماشائیوں کی تعداد سےمتعلق فیصلہ نہیں ہوا، توقع ہے کل این سی اوسی اجلاس میں غور ہوگا۔

ارشدخان کا کہنا تھا کہ تمام انتظامات کوروناایس اوپیز کے تقاضوں کو مدنظر رکھ کرکئے جا رہے ہیں۔

کمشنرکراچی نے ہدایت کی ٹریفک دباؤ کے پیش نظر ٹریفک روانی کےخصو صی انتظامات کئے جائیں اور صرف ضروری راستوں کوبند کیا جائے جبکہ اسٹیڈیم کےاطراف اسٹریٹ لائٹس نصب ہوں اور شاہراہیں روشن رہیں۔

پورٹ قاسم پر ڈیزل کا بھرا جہاز ریت میں پھنس گیا تاہم پھنسے جہاز کو بنڈل جزیرے کے قریب سے نکالنے کی کوشش کی جارہی ہے۔

تفصیلات کے مطابق کراچی میں پورٹ قاسم پر کروڑوں لیٹرزسے لدا ڈیزل کا جہاز ریت میں پھنس گیا، ذرائع کا کہنا ہے کہ پھنسے جہاز کو بنڈل جزیرے کے قریب سے نکالنے کی کوشش جاری ہے ، جہاز سے تیل کے رساؤ کا امکان ہے۔

ترجمان پورٹ قاسم کا کہنا تھا کہ جہاز صبح ساڑھے 7بجےپھنسا، جس کے باعث جہاز کی برتھنگ متاثر ہوئی، جہاز پھنسنے کی وجوہات معلوم کررہے ہیں۔

اس حوالے سے معاون خصوصی محمودمولوی نے بتایا کہ آج صبح 2جہازوں کےانجنوں میں خرابیاں پیداہوئیں، نیوی گیشنل چینل میں داخل ہونےکےدوران جہازوں میں مسئلہ ہوا۔

،محمودمولوی کا کہنا تھا کہ بنڈل جزیرے کےقریب دونوں جہازوں کے انجن میں خرابی تھی، دونوں جہازوں کوویٹنگ ایریا میں لنگر انداز کردیا گیاہے۔

انھوں نے مزید کہا کہ دونوں جہازوں کوجلدبرتھوں پربھیج دیا جائے گا ، نیوی گیشن چینل صاف ہےاورپائلٹ اسٹینڈ بائی پرہیں۔

یاد رہے کہ کچھ ماہ قبل سی ویو کے ساحل پر بحری جہاز ہینگ ٹونگ 77 پھنس گیا تھا، جسے ڈیڑھ ماہ بعد آپریشن کے ذریعے نکالا گیا تھا۔

پاکستان تحریک انصاف کی اسٹینڈنگ کمیٹی برائےاحتساب و ضوابط نے وفاقی وزیر علی زیدی کیخلاف ویڈیو بیان جاری کرنے پر پی ٹی آئی رہنما اشرف جبار کو شوکاز نوٹس جاری کردیا۔

تفصیلات کے مطابق پاکستان تحریک انصاف کی اسٹینڈنگ کمیٹی برائےاحتساب و ضوابط نے ایکشن لیتے ہوئے وفاقی وزیر علی زیدی کیخلاف ویڈیو بیان جاری کرنے پر پی ٹی آئی رہنما اشرف جبار کو شوکاز نوٹس جاری کردیا۔

اسٹینڈنگ کمیٹی برائے احتساب و ضوابط نے کہا کہ اشرف جبارنےعلی زیدی پرمن پسندافرادکوترجیح دینےکاالزام لگایا اور انھوں نے ورکرز کو احکامات کی پیروی نہ کرنے پراکسایا۔

کمیٹی نے پی ٹی آئی رہنما کو 24جنوری تک جواب جمع کرانے کی ہدایت کرتے ہوئے کہا جواب جمع نہ کرانےپرکارروائی کی جائے گی۔

خیال رہے پی ٹی آئی رہنما نے تنظیم سازی پرعلی زیدی کیخلاف سوشل میڈیاپربیان جاری کیا تھا۔

گذشتہ روز حکومت کے خلاف بیان بازی پر پاکستان تحریک انصاف کی سینئر قیادت نے ایم این اے نور عالم خان کو شوکاز نوٹس جاری کرنے کا فیصلہ کیا گیا تھا۔

ذرائع نے بتایا تھا کہ شوکاز نوٹس پی ٹی آئی خیبر پختون خوا کے صدر پرویز خٹک جاری کریں گے اور ان سے حکومت کے خلاف بیان بازی پر وضاحت طلب کی جائے گی۔

سندھ ہائی کورٹ میں2پولیس اہلکاروں کے قتل میں سزا یافتہ ملزم کی اپیل کا فیصلہ کرلیا گیا، عدالت نے ملزم اعجاز شاہ کی سزا کے خلاف اپیل منظور کرلی۔

اپیل کی سماعت کے موقع پر سندھ ہائی کورٹ نے انسداد دہشت گردی کی عدالت (اے ٹی سی ) کی جانب سے دی گئی سزا کالعدم قرار دے دی، عدالت کا کہنا تھا کہ اگر ملزم کسی اور کیس میں مطلوب نہیں ہے تو رہا کیا جائے۔

جج کا کہنا تھا کہ بتایا گیا کہ ملزمان کا تعلق لیاری گینگ وار سے ہے لیکن عدالت کو اس کا کوئی ثبوت نہیں دیا گیا، ملزم کی جانب سے پولیس حراست میں دئیے گئےاعترافی بیان کی قانونی حیثیت نہیں ہے۔

سرکاری وکیل نے عدالت کو بتایا کہ ملزم پر اے ایس آئی عارف اور ہیڈ کانسٹیبل ندیم کو قتل کرنے کا الزام تھا، ملزم کو اے ٹی سی نے اکتوبر 2018میں2مرتبہ عمرقید کی سزا سنائی تھی۔

پولیس حکام کا کہنا تھا کہ یکم مئی 2006میں ملزمان نے پنجاب کالونی کے قریب پولیس موبائل پر فائرنگ کی تھی، ملزمان کے فائرنگ سے دو پولیس اہلکار شہید ہوگئے تھے۔

کشمیر روڈ پر نوجوان شاہ رخ کے مبینہ قتل میں ملوث ہلاک ملزم فرزندعلی ناجائر اسلحہ رکھنے ، ڈکیتی اور منشیات فروشی میں ملوث نکلا۔

تفصیلات کے مطابق کراچی کے علاقے کشمیر روڈ پر نوجوان شاہ رخ کے قتل میں ملوث ہلاک ملزم فرزند علی کا کرمنل ریکارڈ سامنے آگیا، ملزم فرزند ناجائر اسلحہ رکھنے،ڈکیتی اور منشیات فروشی میں ملوث نکلا۔

ایس ایس پی عارف عزیز نے بتایا کہ ہلاک ملزم فرزند 3بار جیل بھی جا چکا ہے، اس پر بلال کالونی میں 2 اور بہادرآبامیں بھی 2 مقدمات درج ہیں۔

پولیس اہلکار اسلحہ منشیات اور ڈکیتی کے مقدمات میں 2017 اور 2019 گرفتار ہوا تھا، ملزم فرزند کو بہادر آباد اور بلال کالونی پولیس نے گرفتار کیا تھا۔

عارف عزیز کا کہنا تھا کہ ہلاک ملزم پولیس کا اہلکار تھا اور انویسٹی گیشن ویسٹ زون میں تعینات تھا۔

یاد رہے گذشتہ روز کشمیرروڈ پر نوجوان شاہ رخ کے مبینہ قاتل نے خودکشی کرلی تھی ، رات گئے پولیس نے دعویٰ کیا تھا کہ گرفتاری کیلئے جانے والی پولیس کی ٹیم کو دیکھ ملزم نے خود کو گولی مار لی۔

خیال رہے گزشتہ ہفتے کراچی کے علاقے کشمیر روڈ پر ڈکیتی مزاحمت پر نوجوان شاہ رخ کو ماں اور بہن کے سامنے گولی ماری گئی تھی۔

وزیراعلیٰ ہاؤس کے بعد گورنر ہاؤس بھی جائیں گے، حافظ نعیم الرحمان
.جماعت اسلامی کراچی کے تحت نئے بلدیاتی قانون کے خلاف اٹھارویں روز بھی دھرنا جاری ہے

جماعت اسلامی کراچی کی امیر نے پریس کانفرنس کی، پریس کانفرس میں امیر حافظ نعیم الرحمن کا کہنا تھا کہ آج خواتین آئی ہیں اور سیکنڑوں طالبات آئی ہیں۔مختلف جماعتوں کے افراد اس دھرنے میں شریک ہورہے ہیں۔یہ دھرنا اب کراچی کی توانا آواز ہے۔باقیوں نے دو دو ماہ کی تاریخیں دے دیں۔اس وقت کی اپوزیشن کی ایم کیو ایم بھی ہے وہ وفاق میں بھی حصہ دار رہی یے۔اس جماعت کے حکومت میں رہنے کے باوجود اس شہر نے پیچھے کی طرف سفر کیا ہے۔ہماری قوم کا بہت نقصان ہوگیا۔شہریوں کے لیے بنیادی سہولیات چھنتی جارہی ہیں۔گرین لائن کا بھی ادھوا افتتاح ہوا ہے۔

امیر جماعت اسلامی کراچی حافظ نعیم کا مزید کہنا تھا کہ روز بروز جوش دھرنے کا بڑھتا جارہا ہے جماعت اسلامی کے ڈسٹرکٹ سطح پر کارکنان اور عوام بڑی تعداد میں شریک ہوررہے ہیں۔ جن کی ذمہ داری تھی احتجاج، ان جماعتوں نے مشترکہ احتجاج کردیا۔اگلے احتجاج کی کال بھی مہینوں کے بعد کی دی۔ایم کیو ایم بار بار حکومت کا حصہ رہی لیکن شہر کی خدمت نہیں کی گئی۔شہر بنیادی سہولتوں سے محروم رہا ہے۔شہر میں کوئی ٹرانسپورٹ سروس نہیں ہے گرین لائن کو بھی ادھورا شروع کیا گیا صوبائی حکومت بار بار اعلان کرتی ہے لیکن ایک بس نہیں دے سکی 50 ہزار طالبعلم انٹرمیڈیٹ کے امتحانات دیتے ہیں آگئے تعلیم کے لئیے 16 ہزار طالبعلموں کو موقع ملتا ہےتعلیم پر 277 ارب روپے تعلیم پر اور صحت 150 ارب سے زائد کا بجٹ پیش ہوتا ہے۔اتنا بڑا بجٹ کہا جاتا ہے کچھ نہیں پتا شہر کراچی میگا سٹی ہے۔اتنی بڑی آبادی والا شہر، اتنا زیادہ ٹیکس دینے والے شہر کو اس کا حق نہیں دیا جارہا۔ہم چاہتے ہیں اس شہر کا حق اس کو دیا جائے اس شہر میں سرکاری ٹرانسپورٹ سروس مہیا کی جائے۔شہر کے تعلیم اور صحت کا نظام بہتر کیا جائے۔حکومت کراچی کے لئیے کچھ نہیں کررہی۔صوباٸی حکومت ترقی کے لئیے کچھ نہیں کررہی۔

امیر جماعت اسلامی کراچی حافظ نعیم کا مزید کہنا تھا کہ وفاقی حکومت نے مردم شماری میں کراچی کا حق مارا ہے۔شہر کو حق ہے کہ اس کو ٹرانسپورٹ کا نظام ملے۔سرکلر ریلوے بند پڑی ہے ۔وفاقی اور صوبائی حکومت کے رویوں میں کوئی فرق نہیں ہے ۔دونوں نے کراچی کے لیے کچھ نہیں کیا۔ایک مرتبہ پھر شب خون مارا جارہا ہے وڈیرے تو اپنی مقامی آبادی کو پیس کر یہاں کھڑے ہوئے ہیں۔ہر بدلتے دن کے ساتھ کراچی کے ساتھ زیادتی ہورہی ہے۔کراچی ایک زبان بولنے والے کا شہر نہیں ہے ۔اگر اس شہر کو محروم کرو گے تو پورے پاکستان کو محروم کرو گے۔ایک ہفتے بعد بڑا مارچ کریں گے۔ہماری نظر پر سی ایم ہاؤس ہے۔ہم شہر میں مختلف شاہراہوں پر دھرنے دیں گے۔ہمارے پاس دونوں آپشن ہیں۔آج مزاکرات ہونے ہیں لیکن ہم با مقصد مزاکرات چاہتے ہیں۔پورے صوبے میں کل احتجاج ہوئے ہیں۔یہ ہمارے جتنے لوگ لاکر دیکھا دیں۔اس شہر میں جماعت اسلامی بکا اسٹیک ہے جماعت اسلامی نے اس شہر میں کم بیک کر لیا ہے۔اس وقت ہم ایشو پر بات کررہے ہیں۔سیٹیں کم زیادہ ہونے کی بات نہیں کررہے ہیں پیپلز پارٹی والے گورنر ہاؤس جانے بات کرتے ہیں۔کراچی کا بل کا مسئلہ حل ہونے کے بعد گورنر ہاؤس کا رخ کریں گے ۔پیپلز پارٹی عقلمند ہے تو مسئلہ کو حل کرے۔

صدر پی ٹی آئی سندھ و وفاقی وزیر علی زیدی کی سابق وزیر اعلی سندھ و پی ٹی آئی رہنما غوث علی شاہ سے کراچی میں ملاقات،ملاقات میں پی ٹی آئی سندھ کے جنرل سیکریٹری مبین جتوئی بھی موجود تھے۔

ملاقات میں سندھ کی سیاسی صورتحال پر تفصیلی تبادلہ خیال ،علی زیدی نے غوث علی شاہ کو گھوٹکی سے کراچی مارچ کے حوالے سے تفصیلات بتائیں۔

سابق وزیر اعلی غوث علی شاہ نے مارچ کی بھرپور حمایت کا اعلان کردیا،سندھ میں زرداری مافیا کا خاتمہ ہماری اولین ترجیح ہے، علی زیدی کا کہنا تھا 27 فروری کو ہر صورت گھوٹکی سے کراچی مارچ کریں گے، یہ مارچ سندھ کے نا اہل حکمرانوں کے ایوانوں میں ہلچل مچا دے گے۔

اُنکا کہنا تھا کہ کالے بلدیاتی قانون کے خاتمے تک یہ تحریک جاری رہے گی، پی ٹی آئی کی پوری قیادت اس تحریک میں ایک پیج پر ہے،سندھ حکومت کے کالے قانون کے خلاف ہر آپشن استعمال کریں گے۔

ہماری جدوجہد سندھ کی غریب عوام کے لیے ہے،سندھ سے زرداری مافیا کے خاتمے تک سندھ کی ترقی ممکن نہیں۔

کراچی سمیت سندھ بھر میں کرونا کے وار تیزی سے جاری ہے، سندھ حکومت کے وزرا سمیت کئی اہم شخصیات بھی لپیٹ میں آگئے ہیں۔

صوبائی وزیر جام خان شورو کرونا میں مبتلاہوگئے ہیں جبکہ وزیراعلیٰ سندھ کےمعاون خصوصی صغیر قریشی کی بھی کرونا رپورٹ مثبت آئی ہے۔

ادھر حیدرآباد کے ڈپٹی کمشنر فواد غفار سومرو کی بھی کرونا رپورٹ مثبت آگئی ہے، کرونا وائرس کی رپورٹ آنے پر صوبائی وزیر، معاون خصوصی اور ڈی سی نے خود کو گھر میں قرنطینہ کرلیا ہے۔

ڈی ایچ او حیدر آباد کے مطابق شہر میں کرونا کے مثبت آنے کی شرح 10 فیصد ہوگئی ہے، گذشتہ 24 گھنٹوں کے دوران مزید 128 نئے کیسز رپورٹ ہوئے ہیں۔