Category: کراچی

کراچی : مہنگائی کو بام عروج پر پہنچا کر غریب کو خود کشی پر مجبور کیا جارہا ہے ۔

سربراہ پاکستان سنی تحریک محمد ثروت اعجاز قادری نے کہا ہے کہ مہنگائی کو بام عروج پر پہنچا کر غریب کو خود کشی پر مجبور کیا جارہا ہے، تبدیلی اگر غریبوں کا استحصال کرنا ہے تو ہم ایسی تبدیلی نہیں مانتے،مہنگائی پر کنٹرول اور غریبوں کو ریلیف نہیں دیاگیا تو مایوسیاں جنم لینگی،مایوسیوں نے جنم لیا تو جمہوریت اور حکمرانوں کیلئے اچھا نہیں ہوگا،حکمران مہنگائی وبے روزگاری کے خاتمے کیلئے عوام کی امنگوں کے مطابق فیصلے کریں،حکمران غریبوں کا استحصال اور مہنگائی کو روکنے کیلئے کام نہیں کرینگے تو پھر عوام عدلیہ کے دروازے پر دستک دینگے،حکمران عملی طور پر عوامی مسائل حل اور غربت کو ختم کرنے کیلئے مثبت پالیسیاں بنائیں،حکمران عوام سے کئے گئے وعدوں کو عملی جامہ پہنانے کی بجائے دعوں سے کام چلا رہے ہیں،تعلیم کے بغیر معاشرہ بہتر اور قومیں ترقی نہیں کرسکتیں،جد ید تعلیم اور جدید ٹیکنالوجی سے نئی نسل کو آراستہ کرکے ہی ملک کو ترقی کی طرف لیجایا جاسکتا ہے،دنیا کے جتنے ترقی یافتہ ممالک ہیں انہوں نے ایجوکیشن کو فوکس اور نیو جنریشن کو آگے بڑھنے کے مواقع فراہم کئے ہیں،دینی ودنیاوی تعلیم سے بچوں کو آراستہ کرناوالدین کا اولین فرض ہے،معاشرے کا عام فرد جب تعلیم سے روشنا س ہوگا تو اس سے انتہاپسندی کمزور اور دہشتگردی ختم ہوجائیگی،حکومت غریبوں کو تعلیم دلانے کیلئے آئین کے تحت اقدامات کو یقینی بنائے،نیوجنریشن ہمارے مستقبل کے معمار اور روشنی وترقی کی نوید ہے،دوہرے تعلیم معیار کو ختم اور یکساں تعلیم معیار کو فروغ دینا ہوگا،تعلیم کو فروغ اور نیو جنریشن کو آگے لاکر معاشی استحکام کو یقینی بنایا جاسکتا ہے ان خیالات کا اظہار انہوں نے مرکز اہلسنت سے جاری ایک بیان میں کیا،ثروت اعجاز قادری کا کہنا تھا کہ غربت، جہالت کو ختم اور قانون کی بالادستی و امن کو پروان چڑھانا ہے تو تعلیم کو لازم وملزوم قرار دینا ہوگا،انہوں نے کہا کہ مدرسوں میں دینی تعلیم کے ساتھ دنیاوی جدید تعلیم کو یقینی بنایا جائے، دہشتگردی اور جرائم کا خاتمہ تعلیم اور قلم کی طاقت سے ختم کرنا ہوگا .

کراچی : سندھ حکومت کی طرف سے پی ایس 114 میں ترقیاتی کاموں کا افتتاح کیا گیا ۔

میڈیا رپورٹس کے مطابق سندھ حکومت کی جانب سے پی ایس ۱۱۴ میں ہونے والے ترقیاتی کاموں کا آغاز پو گیا
اس موقع پر سب سے پہلے سائٹ ایریا غنی چورنگی پر واقع سڑک جو سالوں سے ٹوٹ پھوٹ کا شکار تھی اور عوام کے لئے درد سری کا باعث تھی ۔ روڈ پر بڑی گاڑیاں تو چلنا دشوار تھا ہی چھوٹی ٹرانسپورٹ بھی بمشکل اس روڈ سے گذرتی تھی ۔ سندھ حکومت نے اس طرف نظر کرم کی اور اس روڈ پر ترقیاتی کام شروع کیا ۔
اس موقع پر پی پی کے حلقہ پی ایس 114 کے جنرل سیکرٹری آصف موسی نے غنی چورنگی سائٹ ایریا کا دورہ کیا اپنے تصورات عکس بند کروائے ۔ اس موقع پر باغی ٹی وی کراچی کے بیورو چیف ملک ضمیر بھی ان کے ہمراہ تھے ۔
آصف موسی نے اپنے خیالات کا اظہار کرتے ہوئے کہا کہ الحمداللہ حلقہ پی ایس 114 میں ترقیاتی کاموں کا آغاز ہو چکا ہے ۔ اب یہاں کے مقامی لوگوں کی ہر تکلیف کو دور کیا جائے گا ۔ اس موقع پر ملک ضمیر کا کہنا تھا کہ بہت جلد اس علاقے کو سر سبز و شاداب بنائیں گے اور اس کے ساتھ ہی عوام کو خوشحال اور ملک کو مستحکم بنائیں گے ۔ مزید انہوں نے اہلیان سائٹ ایریا کی طرف سے سندھ حکومت کا شکریہ ادا کیا ۔

کراچی: نسلہ ٹاور کے تمام 44 مالکان اور کرائے داروں نے فلیٹس خالی کردیئے ہیں۔

ذرائع کے مطابق سپریم کورٹ نے کراچی میں قائم نسلہ ٹاور کو ایک ہفتے میں گرانے کاحکم دے رکھا ہے، اور 15 منزلہ رہائشی عمارت نسلہ ٹاورخالی کرنے کی مہلت آج ختم ہوجائے گی، آج کسی بھی وقت عمارت کو سرکاری تحویل میں لے لیا جائے گا ۔

ذرائع کا کنا ہے کہ نسلہ ٹاور کے تمام 44 مالکان اور کرائے داروں نے فلیٹس خالی کردیئے ہیں، اور چند فلیٹس میں رہ جانے والے سامان کی منتقلی جاری ہے، تاہم تاحال رہائشیوں کو فلیٹس کی رقم واپس نہیں کی جاسکی۔

وزیر اعلی سندھ سید مراد علی شاہ نے منوڑہ پیچ پر ترقیاتی کام کا افتتاح کردیا۔

وزیر بلدیات سید ناصر حسین شاہ، ایڈمنسٹریٹر کراچی مرتضیٰ وہاب، ممبر قومی اسمبلی قادر مندوخیل، سینیٹر قادر پٹیل، وزیر اعلی سندھ کے کوارڈینیٹر شہزاد میمن سمیت دیگر ممبر صوبائی اسمبلی سمیت اعلی افسران نے شرکت کی

اس موقع پر گفتگو کرتے ہوئے انہوں نے کہا کہ سندھ حکومت اپنے چیئرمین بلاول بھٹو کے مشن پر گامزن ہے، کراچی کے تمام علاقوں میں ترقیاتی کام اور روڈ کارپٹنگ جلد مکمل کی جائے گی۔

کراچی : سکریٹری اطلاعات جماعت اسلامی سمالی کے گھر چوری۔

تفصیلات کے مطابق سرجانی ٹائون حدود حسن بروہی گوٹھ مکان نمبر آر233کے رہائشی جماعت اسلامی ضلع شمالی کے سیکرٹری اطلاعات نیک محمد نے سرجانی ٹائون تھانے میں درخوست دی ہے کہ وہ اور ان کے اہل خانہ 28اکتوبر کو شادی کی تقریب میں گئے ہوئے تھے گھرواپس لوٹے تو دروازے کاتالا ٹوٹا ہواتھا،نیک محمد کے مطابق گھر سے ایک ایل ای ڈی ٹی وی،پانی کی موٹر،اسٹیبلائزر،آدھا تولہ سونے کی چین ،6ہزار روپے وغیرہ غائب تھے،جبکہ گھر کے باہردروزے پر ایک موٹرسائیکلKHB7822لاوارث حالت میں کھڑی تھی۔

انہوں نے پولیس کے اعلیٰ حکام سے اپیل کی ہے کہ وہ چور کی واردات کی تحقیقات کرواکرملزمان کے خلاف قانونی کارروائی کریں

کراچی : بوٹ بیسن سگنل کے قریب لوٹ مار کرنے والے ملزمان پر شہری نے فائرنگ کردی جس کے نتیجے میں ایک ڈکیت ہلاک ہوگیا جبکہ اسکے دو ساتھی موقع سے فرار ہونے میں کامیاب ہوگئے۔ واقعے کے بعد رینجرز نے علاقے کو گیرے میں لے لیا اور ملزمان کی تلاش شروع کردی۔

تفصیلات کے مطابق بوٹ بیسن تھانے کی حدود بینظٰر پارک اور بلوچ آئسکریم کے قریب تین مزلمان لوگں سے لوٹ مار کررہے تھے اس دورا ملزمان نے ایڈوکیٹ آغا امتیاز سے لوت مار کی کوشش کی تو انہوں نے مزمان پر فائرنگ کردی جس کے نتیجے میں ایک ملزم موقع پر مارا گیا جبکہ دو ملزمان وہاں سے فرار ہونے میں کامیاب ہوگئے۔

واقعے کی اطلاع پر پولیس اور رینجرز کی نفری وہاں پہنچی اور علاقے کو گھیرے یں لے لیا اور معلومات جمع کیں۔ واقعے کافی دیر بعد کراچی پولیس ترجمان کی جانب سے اس واقعے کی تصدیق کی گئی ہے کہ ملزم ایڈووکیٹ کی فائرنگ سے مارا گیا جبکہ اسکے قبضے سے اسلحہ بھی برآمد کیا گیا۔ لاش کو چھیپا ایمبولیسن کے زریعے جناح اسپتال پہنچایا گیا اور چھیپا حکام کے مطابق ملزم کی شناخت 24 سالہ عبدالکریم ولد جان محمد کے نامس ے ہوئی واقعے کی مزید جانچ اور ملزم کا ریکارڈ چیک کیا جارہا ہے

کراچی : سہراب گوٹھ سے افغانی باشندے کی تشدد زدہ لاش برآمد

سہراب گوٹھ سے افغانی باشندے کی تشدد زدہ لاش برآمد ہوئی۔مقتول تندور کے خارخانے میں کام کرتا تھا۔ تفصیلات کے مطابق سہراب گوٹھ تھانے کی حدود الاصف اسکوائرکے فلیٹ میں قائم تندور کے کارخانے سے ایک شخص کی لاش ملی ہے جسے سرپر لوہے کی راڈ مار کر قتل کیا گیا۔۔ تفصیلات کے مطابق سہراب گوٹھ تھانے کے علاقے الاصف اسکوائرکے گراؤنڈ فلورکے فلیٹ قائم تندورکے کارخانے سے ایک شخص کی لاش برآمد ہوئی جسے تشدد کرکے قتل کیاگیا،لاش کو عباسی شہید اسپتال منتقل کی گئی جہاں مقتول کی شناخت 42 سالہ عبدالرحیم ولد خرم کے نام سے کر لی گئی ،مقتول تندورکا کام کررہا تھا اورجس فلیٹ سے مقتول کی لاش ملی وہی رہائش پذیر تھا جبکہ اس کا آبائی تعلق افغانستان سے تھاپولیس کے مطابق مقتول کونامعلوم ملزمان نے سرپرلوہے کی راڈ مارکرقتل کیا گیا ہے پولیس کوجائے وقوع سے آلہ قتل لوہے کی راڈ ملی ہے جسے پولیس نے اپنی تحویل میں لے لیا،پولیس کے مطابق مقتول کا قتل ذاتی دشمنی کا شاخسانہ معلوم ہوتا ہے اس حوالے سے مزید تفتیش کی جا رہی ہے۔

نیشنل بینک آف پاکستان کے سرور پر سائبر حملے کی وجہ سے صارفین کو خدمات کی فراہمی معطل ہوگئی۔ تفصیلات کے مطابق نیشنل بینک حکام نے بتایا ہے کہ 29 اور 30 اکتوبراکتوبر کی رات کے درمیان نیشنل بینک کے سرور پر سائبر حملہ کیا گیا ، جس کی وجہ سے بینک خدمات کا سلسلہ جزوی طور پر متاثر ہوا تو متاثرہ سسٹم کو بروقت الگ کر دیا گیا تاہم سائبر حملے میں بینک کو کسی قسم کے ڈیٹا یا مالیاتی نقصان کا سامنا نہیں کرنا پڑا۔
ترجمان نیشنل بینک کے مطابق فی الحال صارفین کو خدمات کی فراہمی معطل کی گئی ہے ، سائبر حملے کے تدارک اور سسٹم کی مکمل درستگی کے لیے دستیاب وسائل اور ملکی و غیر ملکی ماہرین کی خدمات بروئے کار لائی جا رہی ہیں جس کے بعد پیر کی صبح سے بنیادی بینکنگ خدمات کی بحالی کا امکان ہے.

خیال رہے کہ حال ہی میں فیڈرل بیورو آف ریونیو (ایف بی آر) پر بھی ہیکرز نے حملہ کیا تھا ، جس کے نتیجے میں ہیکرز مائیکروسافٹ کے اہم سافٹ ویئر کو توڑنے میں کامیاب ہوئے جس کی وجہ سے تمام سرکاری ویب سائٹس بند ہوگئیں جب کہ ویب سائٹس اور ڈیٹا سینٹر کی بندش سے ملکی شپمنٹس شدید متاثر ہوگئیں۔

میڈیا ذرائع کے مطابق ہیکرز گزشتہ چند روز سے ڈیٹا رومز میں گھسنے کی کوشش کر رہے تھے اس دوران سیریس سائبر اٹیک کی وارننگ بھی جاری کی گئی تاہم ایف بی آر نے وارننگ کو نظر انداز کیا اور آخر کار ہیکرز اپنی کوشش میں کامیاب ہوگئے ، ہیکرز کی جانب سے ایف بی آر پر کیے گئے سائبر حملے کے نتیجے میں ایف بی سے چلائی جانے والے تمام سرکاری ویب سائٹس بند ہوگئی ہیں ، ایف بی آر کی ویب سائٹس اور ڈیٹا سینٹر بند ہونے سے ملک کی شپمنٹس بھی متاثر ہوئی ہیں جب کہ سائبر حملے کے نتیجے میں کسٹمز پر بھی دباؤ آگیا ، جس سے بارڈر سٹیشنز پر تازہ سبزیوں کی کنسائنمنٹس پھنس کر رہ گئی ہیں اس کے علاوہ صارفین ایکٹو ٹیکس پیئر لسٹ سے مستفید ہونے سے بھی محروم ہوگئے۔
ایکسپریس ٹریبیون کی رپورٹ میں ایک اعلیٰ افسر کا حوالہ دیتے ہوئے بتایا گیا کہ یوم آزادی کے موقع پر سائبر دہشت گردی ہوئی ، جس میں ہیکرز نے ایف بی آر کے ڈیٹا سینٹر پر حملہ کیا اور مائیکروسافٹ کے ہائپر وی سافٹ ویئر کو توڑنے میں کامیاب ہوگئے ، اس دوران ہیکرز نے ڈیٹا سینٹر کی ورچوئل انوائرمنٹ اور ہائپر وی سافٹ ویئر کو نقصان پہنچایا۔

کراچی، شہید بے نظیر پارک میں عوام سے بھتہ وصول کرنے والے دو ملزمان گرفتار

بوٹ بیسن پولیس نے شہید بے نظیر پارک میں عوام سے بھتہ وصول کرنے والے دو ملزمان کو گرفتار کرلیا ،ایس پی کلفٹن ،توحیدمیمن کے مطابق پولیس کو اطلاع ملی تھی کہ کلفٹن بینظیر پارک میں شہریوں سے پارک انٹری فیس کے نام پر بھتہ وصول کیا جارہا تھابھتہ نہ دینے کی صورت میں فیملی کے ساتھ آنے والے شہریوں پر تشدد کیا جاتا تھا بوٹ بیسن پولیس نے کارروائی کے بعد دو ملزمان کو گرفتار کیاملزمان کیخلاف مقدمہ درج کرکے تفیش جاری ہے،نیوٹاؤن پولیس نے اسٹریٹ کریمنل محمد زبیر ولد لیاقت علی کو گرفتار کر کے 01 ریوالور 32 بور 02برآمد کرلیا ہے۔

کراچی : سرجانی ٹاؤن سے کم عمر لڑکوں کا ڈکیت گینگ گرفتار۔
پولیس کے مطابق ملزمان علی عرف سلمان ولد گل باز اور شیر دل ولد گل باز گرفتاری سے کچھ دیر قبل سرجانی کے علاقے سیکٹر 50 سے کائنات نامی راہ گیر خاتون سے اسلحہ کے زور پر لیڈیز پرس چھین کر فرار ہوئے تھے۔
واردات کا مقدمہ الزام نمبر 1709/2021 بجرم دفعہ 392/397 متاثرہ خاتون کی مدعیت میں تھانہ سرجانی میں درج ہے۔
کم عمر ملزمان پولیس کو دیکھ کر فرار ہونے کی کوشش کررہے تھے۔ایس ایچ او سرجانی نے زیرو پوائنٹ کے قریب حکمت عملی سے کاروائی کر کے ملزمان کو گرفتار کیا۔
گرفتار ملزمان سے غیر قانونی اسلحہ بمعہ ایمونیشن، خاتون سے چھینا گیا لیڈیز پرس، 208 گرام چرس اور آئس برآمد۔ملزمان کے زیر استعمال واردات میں استعمال ہونے والی بلا نمبری موٹرسائیکل کو بھی 550 کے تحت قبضہ پولیس میں لے لیا۔
ملزمان نے برآمدہ موٹرسائیکل حب چوکی سے چوری کر کے لانے کا اعتراف کیا۔گرفتار کم عمر ملزمان میں ایک کی عمر 13 سال اور دوسرے کی عمر 16 سال ہے۔
گرفتار ملزمان کے خلاف مقدمات الزام نمبر 1719/2021 اور 1720/2021 درج کر لیا گیا ہے اور گرفتار ملزمان کو اسٹریٹ کرائم کی وارداتوں میں شناخت اور تفتیش کے لئے تفتیشی حکام کے حوالے کر دیا گیا۔ ملزمان سے برآمد اسلحہ فارنزک معائنے کیلئے بھیجا جائے گا۔ گرفتار ملزمان میں علی عرف سلمان ولد گل باز اور شیر دل ولد گل باز شامل ہیں۔