Category: کراچی

پاک سر زمین پارٹی کے چیئرمین سید مصطفی کمال نے کہا کہ پاکستان کو بچانا ہے تو گو نیازی گو کے ساتھ گو زرداری گو کہنا ہوگا۔ رکشہ چلانے والی نااہل تحریک انصاف کو ایف 16 اڑانے کو دے دیا گیا ہے، جہاز تو تباہ ہوگا ہی، یہ رن وے بھی تباہ کریں گے اور کسی ٹرمینل کے اندر گھس کر اسکا بھی ستیا ناس کریں گے۔
کرپٹ پیپلز پارٹی نااہل تحریک انصاف کے پیچھے چھپ کر سیاسی غازی بننا چاہتی ہے۔ پاک سر زمین پارٹی کرپٹ پیپلز پارٹی کو نااہل تحریک انصاف کے پیچھے چھپنے نہیں دے گی۔ پاک سر زمین پارٹی نے تحریک انصاف کی نااہل اور کرپٹ وفاقی حکومت اور پیپلز پارٹی کی کرپٹ، نااہل، اقربا پرور اور تعصب زدہ سندھ حکومت کے خلاف تسلسل کیساتھ ملک گیر احتجاجی مظاہروں کی سیریز کا اعلان کردیا۔
احتجاجی مظاہروں کی سیریز کا پہلا اور منفرد مظاہرہ 2 نومبر کو ضلع وسطی میں کیا جائے گا۔ تحریک انصاف کی نااہل وفاقی حکومت نے ٹی ایل پی کا معاملہ بگاڑ دیا ہے، عاشقان رسولﷺ یا پولیس والوں کے خون کا بہنا بدترین حکومتی نااہلی کا ثبوت ہے۔ یہ جس بات کا نوٹس لیتے ہیں اسے مزید بگاڑ دیتے ہیں۔ وفاق میں حکومت بنانے سے پہلے تحریک انصاف نے عوام سے لوٹی رقم واپس لانے کے دعوے کئے، لیکن آج تک لوٹی گئی رقم کا ایک روپیہ تک واپس نہیں لائے، عمران خان کو کراچی سے مینڈیٹ ملا، شہر سے صدر مملکت اور گورنر ہونے کے باوجود عمران خان نے پاکستان کی معاشی شہ رگ کراچی کو پیپلز پارٹی کی کرپشن اور تعصب سے بچانا بھول کر وفاقی حکومت کے دوام کیلئے سندھ میں ظالم، کرپٹ اور تعصب زدہ پیپلز پارٹی کو کھلی چھوٹ دے دی۔
پاکستان میں تبدیلی نہیں بلکہ تباہی آئی ہے۔ پاکستان میں گزشتہ تین سال اور سندھ میں گزشتہ تیرہ سال سے کچھ بھی ٹھیک نہیں ہورہا ہے۔ شاہد خاقان عباسی پر مہنگی ایل این جی خریدنے کا مقدمہ بنایا، اب خود اس سے مزید مہنگی ایل این جی خرید رہے ہیں۔ ان خیالات کا اظہار انہوں نے پاکستان ہاؤس میں پریس کانفرنس سے خطاب کرتے ہوئے کیا۔ انہوں نے مزید کہا کہ پیپلزپارٹی کے غیر منتخب اور لاعلم ترین ایڈمنسٹریٹر فرماتے ہیں کہ تعلیم اور صحت چلانا بلدیہ کا کام نہیں، صرف صفائی کرنا کام ہے۔
دنیا بھر میں ایئرپورٹس، پورٹس، پولیس، تعلیم، صحت، انفرا اسٹرکچر تک کا نظام مقامی حکومتیں سنبھالتی ہیں۔ پیپلزپارٹی کے غیر منتخب اور لاعلم ترین ایڈمنسٹریٹر بلدیاتی اداروں پر پیپلز پارٹی کے قبضے میں ایسے دے رہے ہیں جیسے بلدیہ کے ادارے پیپلز پارٹی کی ذاتی جاگیر ہو۔ اب انکی نظر کراچی ہارٹ ڈیزیز اسپتال، کراچی میڈیکل اینڈ ڈینٹل کالج اور عباسی شہید اسپتال پر ہے۔
خود تو پیپلزپارٹی سے کراچی سے کشمور تک ایک اسپتال نہیں چل رہا لیکن پاکستان کی معاشی شہ رگ کے بلدیاتی اداروں پر صرف اس لیے قبضہ کرنا چاہتی ہے کہ نااہلوں کو رشوت لیکر اس میں بھرتی کیا جائے۔ سندھی بھائیوں کو بھی لاکھوں روپے لیکر نوکری دی جارہی ہے۔ ایک کانسٹیبل کی نوکری بھی 12 سے 13 لاکھ میں بیچ رہے ہیں، اب جو رشوت دیکر نوکری حاصل کرئے گا وہ تو صرف رشوت کا بازار ہی گرم رکھے گا۔
روزگار پر پہلا حق ان کا ہے جو اس علاقے کا رہائشی ہے۔ پیپلزپارٹی کے مرکزی رہنما کے بھائی ندیم قمر جو ریٹائر ہونے کے باوجود این آئی سی وی ڈی سے 60 لاکھ تنخواہ وصول کررہے ہیں، جنہوں نے غیر قانونی طور پر این آئی سی وی ڈی کے اکاؤنٹ سے 13 کروڑ نکلوائے۔ جن پر خود نیب کے مقدمات ہیں، وہ کراچی ہارٹ ڈیزیز اسپتال کا دورہ کرکہ اس پر قبضہ کرنے کی نوید سنا کر چلے گئے۔

سپرہائی وے پرڈکیتی مزاحمت پرفائرنگ کرکے سندھ یونیورسٹی کے انسٹی ٹیوٹ آف لینگویجز کے ڈائریکٹر ڈاکٹر حافظ زین العابدین کو قتل کردیا گیا ۔پولیس کے مطابق واقعہ ابتدائی طور ڈکیتی کا لگتا ہے ، مقتول حیدرآبادسے میلاد میں شرکت کیلیے کراچی پہنچے تھے۔

ایس ایس پی ایسٹ قمرجسکانی کے مطابق فائرنگ کاواقعہ یوسف خان گوٹھ کے قریب پیش آیا۔

واقعہ ابتدائی طور پر ڈکیتی لگتا ہے ،لیکن واقعہ کس جگہ ہوا ہے اس جگہ کا تعین نہ ہوسکا ہے ۔ گاڑی کے اندر نہ خون کے نشانات ہیں نہ ہی شیشہ ٹوٹا ہے ۔ایک ملزم کو حراست میں لیا گیا ہے جس کے قبضے سے چھری ملی ہے ۔اہل خانہ کے مطابق ملزمان موبائل فون لوٹ کر لے گے ہیں ۔ساتھ میں ان کا بیٹا بھی موجود تھا اسکا موبائل نہیں چھینا گیا ، مقدمہ اب تک اہل خانہ نے نہیں کروایا ہے۔

قومی ٹیم کے سابق کپتان جاوید میانداد نے کہا ہے کہ میچ سے پہلے منفی نہیں سوچنا چاہیے۔پاکستان کرکٹ ٹیم کے سابق کپتان جاوید میانداد نے خصوصی گفتگو کرتے ہوئے کہا کہ ٹیم میں تمام کھلاڑی بہت اچھے ہیں اور اگر کھلاڑی اچھے نہ ہوتے تو ٹیم میں نہ ہوتے۔انہوں نے کہا کہ آصف علی کا مائنڈ سیٹ بالکل ٹھیک ہے اور آصف علی کو اوپنر کے طور پر بھی لایا جاسکتا ہے۔
ایسے کھلاڑیوں کو پروموٹ بھی کیا جاسکتا ہے۔جاوید میانداد نے کہا کہ 5 بالرز میں سے ایک کو تو مار پڑتی ہی ہے اور ہماری جو ٹیم ورلڈ کپ کھیلنے گئی ہے وہ بیسٹ آف بیسٹ ہے۔ میچ سے پہلے منفی نہیں سوچنا چاہیے۔انہوں نے کہا کہ افغان ٹیم نیوزی لینڈ اور بھارت کو ٹف ٹائم دے سکتی ہے جبکہ افغان ٹیم کے کھلاڑی کافی محنت کر رہے ہیں۔ افغان ٹیم کے کھلاڑی بھی خود کو ثابت کرنا چاہتے ہیں۔سابق کپتان نے کہا کہ میچ میں ہار جیت تو ہوتی ہی ہے اور کوئی بھی بالر مار کھا سکتا ہے۔

ورلڈ کپ میں تین میچ جیت کر پاکستان، بھارت سے آگے نکل کر آئی سی سی ٹی ٹوئنٹی رینکنگ میں دوسری پوزیشن پر آگیا۔
ٹی ٹوئنٹی فارمیٹ کی رینکنگ میں انگلینڈ پہلے اور بھارت تیسرے نمبر پر موجود ہے۔ٹورنامنٹ سے پہلے پاکستان بھارت سے 5 پوائنٹس پیچھے تھا، آئی سی سی رینکنگ میں پاکستان کے رینکنگ پوائنٹس 265 ہوگئے۔واضح رہے کہ پاکستان ٹی ٹوئنٹی ورلڈ کپ 2021 میں اب تک بھارت، نیوزی لینڈ اور افغانستان کو شکست دے چکا ہے۔

محکمہ داخلہ سندھ نے 15 نومبر تک کیلئے نیا حکم نامہ جاری کردیا، صوبے میں کاروباری اوقات کار رات 10بجے تک ہوں گے، ہوٹلز، ریسٹورنٹس، شاپنگ مالز اور سینما ہالز میں ویکسی نیٹڈ کے حامل افراد کو سروس کی اجازت ہوگی۔ تفصیلات کے مطابق محکمہ داخلہ سندھ نے این سی اوسی کی ہدایات کی روشنی میں 15 نومبر تک کیلئے نیا حکم نامہ جاری کیا ہے جس کے تحت سندھ بھر میں کاروباری اوقات کار رات 10بجے تک ہوں گے، ہوٹلز، ریسٹورنٹس، شاپنگ مالز اور سینما ہالز میں ویکسی نیٹڈ کے حامل افراد کو سروس کی اجازت ہوگی۔
انڈور کیلئے 300 اور آوٹ ڈور تقریبات میں 500 افراد کی اجازت ہوگی۔ دوسری جانب این سی او سی نے کورونا ویکسی نیشن میں کارکردگی دکھانے والے شہروں میں معاملات زندگی درجہ بدرجہ معمول پر لانے کا فیصلہ کیا جس کے تحت 60 فیصد ویکسی نیشن والے شہروں سے پابندیاں اٹھانے کا اعلان کردیا ہے .
این سی او سی کے چیئرمین اسد عمر کی زیرصدارت اجلاس میں کورونا اور شہروں میں ویکسی نیشن کی صورتحال کا تفصیلی جائزہ لیا گیا۔

این سی او سی نے اس ضمن میں اعلامیہ جاری کیا جس میں کہا گیا کہ ویکسی نیشن میں کارکردگی دکھانے والے شہروں میں معاملات زندگی درجہ بدرجہ معمول پر لانے کا فیصلہ کیا گیا۔ اسلام آباد، منڈی بہاءالدین، گلگت اور میرپور کو 60 فیصد آبادی کو ویکسین لگانے پر بہترین شہر قرار دیا گیا ہے جب کہ 40 سے 60 فیصد آبادی کوویکسین لگانے پر راولپنڈی، اسکردو، ہنزہ، باغ، بھمبر، جہلم، پشاور، غذر اور کھرمنگ کو بھی ویکسین شدہ شہر قرار دیا گیا ہے۔

پاکستان پیپلز پارٹی کے چیئرمین بلاول بھٹو زرداری کی ہدایت پر پاکستان پیپلز پارٹی کی سینئر رہنما اور پیپلز پارٹی کی مرکزی نائب صدر سینیٹر شیری رحمان نے مہنگائی کے خلاف ہونے والے کراچی ریگل چوک پر احتجاجی مظاہرے سے خطاب کرتے ہوئے کہاہے کہ پاکستان کی عوام سلیکٹڈ وزیراعظم عمران خان کو ریجیکٹ کر چکی ہے۔
مہنگائی اور بے روزگاری سے تنگ عوام اب سڑکوں پر نکل آئی ہے انہوں نے کہا کہ عمران خان کی حکومت کے تین سال لوگوں نے جس مشکل اور پریشانی میں گزارے ہیں اس کی مثال نہیں ملتی۔اب عوام تیزی سے بڑھتی ہوئی مہنگائی سے پریشان ہو کر عمران خان کی حکومت کے خلاف سراپا احتجاج ہو چکے ہیں اس موقع پر پیپلز پارٹی کے رہنما اور سابق چیئرمین سینیٹ رضا ربانی نے احتجاجی مظاہرے سے خطاب کرتے ہوئے کہا کہ پاکستان کے غریب لوگ وفاقی سرکار کی نااہلی مہنگائی بیروزگاری کے خلاف احتجاج کرنے پر مجبور ہو چکے ہیں اور چاہتے ہیں کہ بڑے بڑے دعوے کرنے والا وزیراعظم اب اپنے گھر چلا جائے کیونکہ وہ اب عوام کی برداشت سے باہر ہو چکا ہے۔
انہوں نے کہا کہ جو لوگ لوگ سہانے خواب دکھا کر اقتدار میں آئے ہیں ہیں انہوں نے تین سال کے عرصے میں عوام کا جینا دوبھر کر دیا ہے۔انہوں نے کہا کہ پورے ملک سے 50 لاکھ سے زائد لوگوں کو بے روزگار کر دیا گیا ہے ہے لوگوں کے پاس کھانے کو نہیں ہے وہ ایک وقت کی روٹی کو ترس گئے ہیں جب کہ عمران خان صاحب کہتے ہیں کہ گھبرانا نہیں ہے۔اگر یہ ہے نیا پاکستان ان تو ہمیں ایسا پاکستان نہیں چاہیے ہمیں قائداعظم، قائدعوام اور شہید محترمہ بینظر بھٹو کا پرانا پاکستان چاہیے ہے جس میں عوام خوشحال رہے سکیں۔
اس موقع پر سینیٹر شہادت اعوان، جاویدناگوری، خلیل ہوت، کرم اللہ وقاصی شکیل چوہدری اور ایم پی اے شازیہ کریم نے بھی خطاب کیا مظاہرے میں ڈسٹرکٹ ساو تھ کے عہدیداران کارکنان اور بڑی تعداد میں عوام نے شرکت کی .

پاکستان پیپلز پارٹی کے شریک چیئر مین اور سابق صدر آصف علی زرداری نے کہا ہے کہ ہم غریبوں کے ہیں اور غریب ہمارے ہیں۔پاکستان پیپلز پارٹی کی طرف سے ملک گیر احتجاج پر جیالوں کو شاباش دیتے ہوئے سابق صدر نے کہا کہ پیپلزپارٹی جنگ سے تباہ حال ملک کی دوبارہ تعمیر کر سکتی ہے تو مہنگائی پر بھی قابو پا سکتی ہے ، ہمارے دور میں دو خطرناک سیلاب آئے، انسانی خوراک میں کمی ہوئی نہ مہنگائی ہوئی۔
انہوں نے کہاکہ ہم غریبوں کے ہیں اور غریب ہمارے ہیں، اس لیے غریبوں کی مشکلات ختم کرتے ہیں، اب ملک کا ہر شہری مہنگائی اور بیروزگاری کا شکار ہے، ہم کسی سے انتقام لینے میں وقت ضائع نہیں کرتے، ہماری ترجیح عوام کی خدمت ہوتی ہے۔آصف علی زرداری نے کہا کہ ہم پھر آئیں گے، برطرف ملازمین کو بحال کریں گے اور روزگار کے وسائل پیدا کریں گے، بلاول بھٹو میدان میں آ چکے ہیں، فتح عوام کی ہوگی، پیپلزپارٹی مہنگائی بھی ختم کرے گی اور عوام میں خوشحالی بھی لائے گی۔

صوبائی وزیر ترقی نسواں سندھ سیدہ شہلا رضا نے کہا ہے کہ عمران نیازی کی سونامی سرکار نے ملک کی معیشت کو برباد اور عوام کو زندہ درگور کر دیا ہی,جو تبدیلی کا نعرہ لگا کر آئے تھے انہوں نے ملک کے ہر شعبے میں تباہی مچا دی ہی. ان خیالات کا اظہار انہوں نے چئیرمین پیپلز پارٹی بلاول بھٹو زرداری کی خصوصی ہدایت پر ملک میں بڑھتی مہنگائ, بیروزگاری کے خلاف لیاقت آباد 10 نمبر پر منعقدہ بڑے احتجاجی مظاہرے سے خطاب کرتے ہوئے کیا.
اس موقع پر پیپلز پارٹی ضلع وسطی کے صدر ظفر صدیقی و دیگر رہنمائ بھی موجود تھی. انہوں نے کہا کہ آج بجلی کی قیمتوں میں 57 فیصد اضافہ کر دیا گیا ہے جبکہ اب دو روپے سے زائد مزید اضافہ کیا جا رہا ہی. انہوں نے کہا کہ یہ عوام کے ساتھ انتہائ ظلم ہے کہ بجلی ملتی نہیں اور زائد پیسے وصول کرلیے جاتے ہیں, پیٹرول کی قیمتوں میں مزید اضافہ کیا جا رہا ہی, روزانہ کی بنیاد پر اشیائے ضروریہ پر نئے نئے ٹیکس لگائے جارہے ہیں اور عوام سے انکی خوشیاں, انکے گھر, دو وقت کی روٹی تک چھین لی گئی ہی.
انہوں نے کہا کہ آج ہر شخص کی زبان پر گو نیازی گو نیازی کا نعرہ ہے اور اب وقت آگیا ہے کہ عوام اپنے حقوق کے لیے باہر نکلیں. انہوں نے کہا کہ عوام چئیرمین پیپلز پارٹی بلاول بھٹو کا ساتھ دیں,عوام کی طاقت سے ہم اس نام نہاد تبدیلی سرکار سے عوام کے حقوق چھین کر رہیں گی. احتجاجی مظاہرے سے ظفر صدیقی و دیگر نے بھی خطاب کیا ۔

ایڈمنسٹریٹر کراچی، مشیر قانون و ترجمان سندھ حکومت بیرسٹر مرتضی وہاب نے کہا ہے کہ اس شہر کا سب سے بڑا مسئلہ یہ ہے کہ جس کو جو کام کرنا چاہئے وہ نہیں کر رہا بلکہ دوسروں پر انگلیاں اٹھا رہا ہے،ہمیں دوسروں کو الزام دینے کے بجائے اپنی ذمہ داری نبھانی چاہئے، یہ شہر ماضی میں تنزلی کا شکار ہوا ہم سے اس کی دیکھ بھال میں کوتاہی ہوئی،جب تک غلطی کا اعتراف نہ ہو بہتری نہیں آسکتی، ان خیالات کا اظہار انہوں نے آرٹس کونسل آف پاکستان کراچی میں بشیر سدوزئی کی کتاب ’’بلدیہ کراچی‘‘ کی تقریب رونمائی سے بحیثیت مہمان خصوصی خطاب کرتے ہوئے کیا، اس موقع پر صدر آرٹس کونسل احمد شاہ، سیکریٹری کلچر سندھ رحیم سومرو، پرنسپل سیکریٹری گورنر سندھ ڈاکٹر سیف الرحمن، رو ٴف اختر فاروقی، پروفیسر توصیف احمد خان، میر حسین علی، احمد چنائے،کتاب کے پبلشرفرید حسین اور دیگر بھی موجود تھے، ایڈمنسٹریٹر کراچی بیرسٹر مرتضیٰ وہاب نے کہا یہ میرا شہر ہے، میں نے یہیں تعلیم حاصل کی، سندھ حکومت کے ساتھ اب میں کے ایم سی کا بھی ترجمان ہوں، شہر کے ساتھ ساتھ کے ایم سی ملازمین کی فلاح و بہبود کیلئے بھی کام کر رہے ہیں،ملازمین کی تنخواہوں اور پینشن کی ادائیگی کے مسائل حل کرنے ہیں اورسندھ میں پیپلز پارٹی کی حکومت یہ کام کر کے دکھائے گی، انہوں نے کہاکہ فادر آف سٹی کی حیثیت سے شہر کی ترجمانی نہ کرسکوں تو مجھے اس عہدے پر رہنے کا کوئی حق نہیں ہے، ہمیں خوف کی فضا سے باہر نکلنے کی ضرورت ہے اور اپنے شہر کے حقوق کے لئے بولنا ہے، عدالت میں یہ بتانے کی کوشش کی کہ کے ایم سی کام کررہی ہے، کے ایم سی کے اثاثے ویب سائٹ پر ڈال دیئے ہیں لوگوں کو معلومات ہوں گی تو پتہ چلے گا کیا کس کے پاس ہے،بہتری لانے کی کوشش کی تو لوگ عدالت چلے گئے، ہم سب بے حس ہوچکے ہیں، کے ایم سی اس بے حسی کو ختم کرنے کی کوشش کررہی ہے، ایڈمنسٹریٹر کراچی نے کہاکہ پچھلے تین ماہ میں کے ایم سی کے ملازمین کو ایک سمت نظر آئی ہے، کے ایم سی ملازمین میں کام کرنے کی صلاحیت ہے صرف رہنمائی کی ضرورت ہے، مجھے کے ایم سی میں افسران کی ٹرانسفر، پوسٹنگ سے دلچسپی نہیں جو کام کرے گا اسے سپورٹ کروں گا،تبدیلی تیس دن یا تین ماہ میں نہیں آتی اس میں کئی ماہ لگ سکتے ہیں،ماضی میں جو ہوا،سو ہواآج ہمیں شہر کی بہتری کے لئے مل کر کام کرنا ہے، انہوں نے کہاکہ ہمیں ہمیشہ حق اور سچ بات کرنی ہے، تفریق کی سیاست ختم کرکے اتفاق کی سیاست بحال کریں، مل کرکام کریں گے تو اس شہر میں بہتری آئے گی، درستگی کا عمل ہمارے اپنے اندر سے شروع ہونا چاہیئے، بشیر سدوزئی کو محنت اور جانفشانی سے کراچی کے متعلق کتاب لکھنے پر خراج تحسین پیش کرتا ہوں، تقریب سے خطاب کرتے ہوئے صدر آرٹس کونسل آف پاکستان کراچی احمد شاہ نے ایڈمنسٹریٹر کراچی کی آمد کا شکریہ ادا کرتے ہوئے کہاکہ کراچی کا ہر فرد مرتضی وہاب کو اپنے گھر کا فرد تصور کرتا ہے، امید ہے کہ مرتضی وہاب کراچی کیلئے بہت کام کریں گے، شہر میں بنیادی تبدیلی کیلئے ایڈمنسٹریٹر کراچی کے پاس بھرپور وسائل ہونا چاہئیں .