Category: کراچی

ائیر لائنز کے انتظامی مسائل کے باعث 13 پروازیں منسوخ کردی گئیں

فلائٹ شیڈول کے مطابق قومی ائیرلائن کا ایک طیارہ خراب ہونے سے کراچی کی 6 پروازیں منسوخ ہوئیں، کراچی سے دبئی کی قومی ائیر لائن کی 2 پروازیں منسوخ ہوگئیں جب کہ لاہور سے دبئی اور اسلام آباد ابوظبی کی 2 پروازیں بھی منسوخ کردی گئی ہیں۔،فلائٹ شیڈول کے مطابق قومی ائیر لائن کی پشاور سے دبئی اور ابوظبی کی 3 پروازیں منسوخ کردی گئیں، کراچی کی 4 اور اسلام آباد کی 16 پروازیں ایک سے 12 گھنٹے تک تاخیر کا شکار ہیں جب کہ اسلام آباد کوالالمپور قومی ائیر لائن کی پرواز 12 گھنٹے تاخیر کا شکار ہے،فلائٹ شیڈول کے مطابق پشاور سے شارجہ، دبئی، ریاض اورجدہ کی 4 پروازوں میں ایک سے 8 گھنٹے تاخیر ہے، اسلام آباد سے اسکردو کی 4 پروازوں میں 3 سے 5 گھنٹے تاخیر ہے،کراچی کی 6 اور لاہور کی 14 پروازوں میں ایک سے 6 گھنٹے تاخیر ہے جب کہ جدہ کراچی کی نجی ائیر لائن کی پرواز بھی 10 گھنٹے تاخیر کا شکار ہے۔

انسداد دہشت گردی عدالت نے ٹاؤن چیئرمین چنیسر کے خلاف سرکاری ملازمین پر تشدد کے کیس میں استفسار کیا کہ فرحان غنی کو کس سیکشن کے تحت رہا کیا گیا؟ ریکارڈ عدالت میں پیش کیا جائے۔

سرکاری ملازم پر تشدد کے کیس میں فرحان غنی سمیت دیگر ملزمان اور وکلا عدالت میں پیش ہوئے جس دوران عدالت نے استفسار کیا کتنے گواہان کے بیانات ریکارڈ کیے گئے اور کب کیے گئے،تفتیشی افسر نے عدالت کو آگاہ کیا کہ 24 اگست کو دو گواہان کے بیانات ریکارڈ کیے گئے، جس پر عدالت نے ریمارکس دیے گواہان کے بیانات کے مطابق سرکاری کام بند کروایا گیا،وکیل صفائی نے درمیان میں بولنے کی کوشش کی جس پر عدالت نے کہا صبر کا دامن تھام کر رکھیں، آپ کو موقع دیا جائے گا،عدالت نے استفسار کیا کیا دوران تفتیش ملزم کو رہا کرنے کا اطلاق دہشت گردی کے کیس میں ہوتا ہے؟ ملزمان کو جس سیکشن کے تحت ضمانت پررہا کیا گیا اور درخواست عدالت میں جمع کروائی گئی، وہ کہاں ہے؟

فاضل جج نے کہا مدعی کے وکیل وہ قانون عدالت میں پیش کریں، آپ کو چاہیے تھا کہ اگر کام چل رہا تھا تو پہلے نوٹس دیتے،وکیل صفائی نے کہا اگر کوئی روڈ، گلیاں اور فٹ پاتھ کو نقصان پہنچا رہا ہے تو اس کو روکیں گے، ملزم گرفتار تھا تو نوٹس کیسے جاری کرتا، اگر عدالت چاہے تو دہشت گردی کی دفعات منظور کرے یا پھر کارروائی کرے، جس پر عدالت نے ریمارکس دیے آپ جذباتی ہورہے ہیں، آپ نے کس سیکشن کے تحت ریمانڈ دیا، میں بھی کچھ سیکھنا چاہتا ہوں، ہم نے قانون کے مطابق ریمانڈ دیا، یہ رہا قانون،وکیل صفائی نے عدالت میں کہا کہ زیر دفعہ 497 کے تحت اگر درخواست منظور نہیں ہوتی تو دہشت گردی کی دفعات ختم کر دیں، جس پر عدالت کا کہنا تھا آپ مدعی کا 164 کا بیان ریکارڈ کروائیں اور لے آئیں، جس پر وکیل صفائی نے کہا سر کیا یہ کوئی بہت اہم کیس ہے جو اتنی باریکیاں دیکھی جارہی ہیں۔

سرکاری وکیل نے کہا کہ کیس کی شفاف تحقیقات کی گئی ہیں، سرکاری کام چل رہا تھا لیکن کوئی دہشت گردی نہیں ہوئی ہے، اس کیس میں انسداد دہشت گردی کا خصوصی قانون لاگو نہیں ہو گا، یہ اے ٹی سی کا کیس نہیں بنتا، ہم درخواست دے دیتے ہیں،عدالت نے تفتیشی افسر سے پوچھا اب تک کتنے بیانات ریکارڈ ہوئے؟ جس پر تفتیشی افسر کا کہنا تھا دو گواہان کے بیان لیے گئے پھر مصالحت ہوگئی۔ عدالت نے کہا انسداد دہشت گردی قانون میں مصالحت کی گنجائش ہی نہیں ہے، مدعی کا بیان کس قانون کے تحت ریکارڈ کیا گیا،عدالت نے تفتیشی افسر پر برہمی کا اظہار کرتے ہوئے کہا آپ نے قانون پڑھا ہے یا نہیں؟ جس پر تفتیشی افسر کا کہنا تھا میں مدعی مقدمہ کا بیان نہیں دیکھتا، میں شواہد کی بات کررہا ہوں،فاضل جج نے کہا ہم آئندہ سماعت پر مدعی مقدمہ کو طلب کرلیتے ہیں، جس پر مدعی کے وکیل نے کہا کہ ان کے مؤکل کا تعلق حساس ادارے سے ہے، مدعی کے بجائے گواہان کو عدالت میں پیش کردیتے ہیں،عدالت نے مقدمے کی مزید سماعت 30 ستمبر تک ملتوی کرتے ہوئے گواہان کو طلب کرلیا۔

کراچی میں فائرنگ کے نتیجے میں نجی ٹی وی کے اینکر امتیاز میر زخمی ہوگئے ہیں

پولیس کے مطابق ملیر کالا بورڈ کے قریب کار پر فائرنگ سے نجی ٹی وی کے اینکر امتیاز میر زخمی ہوگئے، امتیاز میر اپنے بھائی کے ساتھ جا رہے تھے کہ اسی دوران موٹر سائیکل سوار ملزمان نے فائرنگ کر دی،پولیس کا بتانا ہے کہ فائرنگ سے امتیاز میر کے سینے اور چہرے پر گولی لگی جس کے بعد زخمی اینکر کو فوری طور پر قریبی نجی ہسپتال منتقل کر دیا گیا۔

وزیر داخلہ سندھ ضیاءالحسن لنجار نےکالا بورڈ میں میٹرو ٹی وی کے اینکر پرسن امتیاز میر پر فائرنگ کا نوٹس لے لیا،اینکر پرسن فائرنگ کے نتیجے میں زخمی، ضیاءالحسن لنجار نےمذمت کی ہے،وزیر داخلہ ضیاءالحسن لنجار نے ملزمان کی فوری گرفتاری کا حکم دیتے ہوئے ڈی آئی جی ایسٹ سے رپورٹ طلب کر لی،وزیر داخلہ کی ہدایت پر پولیس کو واقعہ کے محرکات سامنے لانے کی ہدایت کی گئی،وزیر داخلہ سندھ ضیاءالحسن لنجار کا کہنا ہے کہ صحافیوں اور میڈیا ورکرز کے تحفظ کو ہر صورت یقینی بنایا جائے۔ شہریوں کے جان و مال کا تحفظ حکومت کی اولین ترجیح ہے۔ ملزمان کو قانون کے کٹہرے میں لایا جائے، پولیس کا کہنا ہے کہ فائرنگ کے واقعے کے بعد ملزمان فرار ہوگئے، جائے وقوعہ سے گولیوں کے 2 خول اور ایک گاڑی برآمد ہوئی ہے،پولیس حکام کے مطابق واقعے کی ہر پہلو سے تحقیقات کی جا رہی ہیں جبکہ جائے وقوعہ اور اطراف کی سی سی ٹی وی فوٹیج بھی حاصل کی جا رہی ہیں۔

کراچی ٹیکس بار ایسوسی ایشن نے ایف بی آر سے درخواست کی ہے کہ ایڈوانس ٹیکس کی ادائیگی کی آخری تاریخ 10 اکتوبر 2025 تک بڑھا دی جائے .

ایف بی آر کے چیئرمین کو لکھے گئے ایک خط میں کہا کہ انفرادی ٹیکس دہندگان پہلی سہ ماہی کے ایڈوانس ٹیکس کے تحت انکم ٹیکس آرڈیننس 2001 کی شق 147 کے مطابق، ٹیکس سال 2026 کے لیے اپنے فرائض پورے نہیں کر سکے کیونکہ آئرس پورٹل درست کام نہیں کررہا . خط میں کہا گیا کہ سسٹم کی جانب سے ٹیکس دہندگان کو 15 ستمبر کی آخری تاریخ کی یاد دہانی کے باوجود زیادہ تر ٹیکس دہندگان پورٹل کی غیر فعال کارکردگی کی وجہ سے وقت پر ٹیکس ادا نہیں کر سکے ایسوسی ایشن نے انتباہ دیا کہ اب ٹیکس دہندگان کو شق 138 کے تحت سسٹم کی جانب سے وصولی نوٹس موصول ہونا شروع ہوگئے ہیں جس کے بعد جبراً وصولی کارروائیاں کی جاسکتی ہیں جن میں جرمانے، ڈیفالٹ سرچارجز اور بینک اکاﺅنٹس کی منسلکی شامل ہیں.

کے ٹی بی اے نے کہا کہ ایف بی آر کے ساتھ اپنی پچھلی ملاقاتوں میں ان اہم مسائل کی بار بار نشاندہی کے باوجود پورٹل کی کارکردگی بہتر نہ ہوسکی کے ٹی بی اے نے زور دیا کہ پورٹل کی خرابی سالانہ ریٹرن فائلنگ کے اہم عرصے کے دوران ہوئی جس کی وجہ سے ریٹرن فائل کرنا اور ٹیکس ادا کرنے کے عمل تقریباً ناممکن ہوگئے ہیں اور پورٹل ابھی تک مکمل فعال نہیں ہوسکا.

پاکستان کے ایئرپورٹس سائبر حملے سے محفوظ، فلائٹ آپریشن معمول کے مطابق جاری

وفاقی وزیر تعلیم اور ایم کیو ایم پاکستان کے رہنما خالد مقبول صدیقی نے کہا ہے کہ کراچی نے کبھی کسی کی بدمعاشی قبول نہیں کی، خوشی ہے کہ جو باتیں ایم کیو ایم کرتی تھی وہ اب سب کر رہے ہیں۔

کراچی چیمبر آف کامرس کی تقریب سے خطاب کرتے ہوئے ان کا کہنا تھا کہ میں صرف اتنا سچ بولوں گا جتنی جمہوریت آزاد ہے، نصف زندگی جلاوطنی میں گزاری لیکن اب گھر پر رہنا چاہتا ہوں۔انہوں نے کہا کہ خوشی ہے کہ جماعت اسلامی نے ہمارے سارے کافرانہ اور ملک دشمن نعرے اپنا لیے ہیں۔ ایم کیو ایم نے ہمیشہ غریب سے غریب آدمی کو اسمبلی کا رکن بنایا، میں خود بھی پانچ بار ایم این اے بنا لیکن ایک روپیہ خرچ نہیں کیا۔

خالد مقبول صدیقی نے کہا کہ ایم کیو ایم سے پہلے کراچی میں ہر طرح کی لسانی تنظیمیں موجود تھیں، ایم کیو ایم تو سب سے آخر میں آئی، ہم سے پہلے بکری اور شیر بھی ایک گھاٹ سے پانی پیتے تھے۔ان کا کہنا تھا کہ کراچی فلاح و بہبود کا دارالحکومت ہے، دنیا کی مدد کرتا ہے مگر کراچی کی مدد کوئی نہیں کرتا، جنہیں ووٹ دیا وہ فنڈز کیوں نہیں لاتے۔ بڑے بڑے بزنس قومیائے گئے اور بعد میں کسی اور کو فروخت کر دیے گئے۔

وفاقی وزیر نے کہا کہ ملک میں تجارتی نہیں بلکہ اعتماد کا خسارہ ہے، پاکستان میں معاشی نہیں بلکہ نیتوں کا بحران ہے۔ مالی دیوالیہ پر رو رہے ہیں لیکن اخلاقی زوال آ چکا ہے۔انہوں نے مزید کہا کہ 2008 میں کراچی دنیا کا ایمرجنگ شہر تھا، آج عالمی ادارے اسے رہنے کے قابل بنانے کی کوشش کر رہے ہیں۔

یورپی ایئرپورٹس پر سائبر حملہ، ماہرین نے روس پر شبہ ظاہر کردیا