Category: کراچی

پاکستان پیپلز پارٹی کی رہنما اور رکن سندھ اسمبلی شرمیلا فاروقی نے کراچی میں آنے والے سائیکلون گلاب کے حوالے سے مزاحیہ میم سوشل میڈیا پر شیئر کردی۔
سماجی رابطے کی ویب سائٹ ٹوئٹر پر شرمیلا فاروقی نے ایک مزاحیہ میم شیئر کی جو کہ بالی ووڈ کی سپر ہٹ فلم پھر ہیرا پھیری کی ایک منظر پر بنائی گئی ہے۔میم میں پریش راول، اکشے کمار اور سنیل شیٹی حیرانگی سے کسی کا انتظار کررہے ہیں۔شرمیلا فاروقی نے میم شیئر کرتے ہوئے مزاحیہ انداز میں لکھا کہ کراچی والے سائیکلون گلاب کا انتظار کرتے ہوئے۔پی پی رہنما کی اس میم پر صارفین کی جانب سے دلچسپ تبصروں کا سلسلہ جاری ہے۔

ایک تحقیق کے مطابق جوافراد ٹھنڈے پانی سے نہاتے ہیں وہ گرم پانی سے نہانے والے افرادکے مقابلے میں بیماری کی وجہ سے اپنےآفس یا کام سےکم چھٹی کرتے ہیں۔

تحقیق کے دوران 3 ہزار سے زائد افراد کو 4گروپوں میں تقسیم کیا گیا اور انہیں ہر روز گرم پانی سے نہانے کو کہا گیا لیکن اس میں سے ایک گروپ کو آخر میں 30 سیکنڈز، دوسرے کو 60 سیکنڈز اور تیسرے کو 90 سیکنڈز ٹھنڈے پانی سے نہانے کا کہا گیا اور انہیں بولا گیا کہ وہ ایک مہینے یہ عمل جاری رکھیں۔

3 ماہ بعد معلوم ہوا کہ جس گروپ کے افراد ٹھنڈے پانی سے نہائے تھے انہوں نےاپنے آفس یا کام سے 29فیصد کم بیماری کی چھٹیاں لیں۔

ٹھنڈے پانی سے نہانےکی وجہ سے لوگ بیمار نہیں ہوئے یہ واضح نہیں ہے لیکن کچھ تحقیقات سے معلوم ہوا کہ ٹھنڈے پانی سے نہانے سے انسان کے مدافعتی نظام میں بہتری آتی ہے۔

جمہوریہ چیک کی ایک تحقیق کے مطابق جب نوجوان ایتھلیٹس کو 6 ہفتے تک ہفتے میں3 بار ٹھنڈے پانی سے نہانے کو کہا گیا تو اس وجہ سے ان کے مدافعتی نظام میں اضافہ ہوا۔

اس کے علاوہ کچھ نتائج سے یہ بھی معلوم ہوا کہ ٹھنڈے پانی سے نہانے سےآپ کو وزن کم کرنے میں مدد مل سکتی ہے جبکہ ذہنی صحت کے فوائد بھی حاصل کیے جاسکتے ہیں۔

ٹھنڈے پانی سے نہانے کے جہاں فوائد نظر آرہے ہیں اس کے ساتھ ساتھ اس سے نقصانات بھی ہوسکتے ہیں، جسم پر ایک دم سے ٹھنڈا پانی گرنا دل کے مریضوں کیلئے خطرےکا باعث بن سکتا ہے اور انہیں ہارٹ اٹیک بھی ہوسکتا ہے۔

سول ہسپتال کراچی سمیت ملک بھر میں ایدھی فائونڈیشن اپنی خدمات انجام دے رہی ہے۔ان خیالات کا اظہار وائس چانسلر ڈاؤمیڈیکل یونیورسٹی پروفیسر سعید قریشی نے کلیکشن پوائنٹ سینٹرل لیبارٹری سول ہسپتال کراچی کی افتتاحی تقریب سے خطاب کرتے ہوئے کیا۔ سربراہ ایدھی فائونڈیشن فیصل ایدھی اور پروفیسر سعید قریشی نے کلیکشن پوائنٹ کا افتتاح کیا۔
اس موقع پر فیصل ایدھی نے کہا کہ الحمدللہ ایدھی فائونڈیشن بلاتفریق رنگ و نسل دکھی انسانیت کی خدمت میں پیش پیش ہے۔تقریب سے خطاب کرتے ہوئے ایم ایس سول ہسپتال کراچی ڈاکٹر نور محمد سومرو نے کہا کہ سینٹرل لیبارٹری سول ہسپتال کراچی ایک جدید اور بہترین لیبارٹری ہے جہاں تمام ٹیسٹ بلکل فری کئے جاتے ہیں۔
تقریب میں پروفیسر امجد سراج، اے ایم جنرل ڈاکٹر نصراللہ میمن،ڈاکٹر سریش کمار، سندھ پیرامیڈیکل اسٹاف صدر سول ہسپتال کراچی یوسف خان،سمیت تمام فیکلٹی ممبرز،ایڈمنسٹریشن ڈیپارٹمنٹ سول ہسپتال کراچی، ڈاکٹرز، نرسز اور پیرامیڈیکل اسٹاف موجود تھے۔

اس موقع پر انچارج سینٹرل لیبارٹری ڈاکٹر غلام فاطمہ نے کہا کے کلیکشن پوائنٹ کو جدید سہولتوں سے آراستہ کیا گیا ہے جس سے مریضوں کو سہولت اور آسانی سے سروس فراہم کی جا ئے گی۔تقریب سے خطاب کرتے ہوئے۔ انہوں نے سربراہ ایدھی فائونڈیشن فیصل ایدھی، پروفیسر سعید قریشی، ایم ایس سول ہسپتال کراچی ڈاکٹر نور محمد سومرو، چیف ایگزیکٹو آفیسر شہید متحرمہ بے نظیر بھٹو، ڈاکٹر صابر میمن اور تمام شرکا کا شکریہ ادا کیا۔

سربراہ پاکستان سنی تحریک محمد ثروت اعجاز قادری نے کہا ہے کہ داتا علی ہجویری کے پاکستان پر بری نظر ڈالنے والوں کے دل ودماغ مفلوج کردینگے ،امن ومحبت بھائی چارگی احترام انسانیت کا پیغام عام کرنیوالوں کی راہ میں رکاوٹ ڈالنے والوں کو ہمیشہ ناکامی ہوئی ہے ،پاکستان امن پسند ملک ہے دنیا میں امن کا خواں اور تعمیروترقی چاہتا ہے ،بزرگان دین کی راہ پر چلتے ہوئے اسلام اور پاکستان کی سلامتی وسربلندی کیلئے آخری سانس تک جدوجہد کرینگے ،حضرت داتا گنج بخش رحمتہ اللہ علیہ نے گمراہیوں کے اندھیروں سے نکال کر انسانیت کومشرف روشن راستہ دیکھایا، ،امن وسلامتی بھائی چارگی اور احترام انسانیت کے فلسفے کے ذریعے جہالت کو شکست اور ایک دوسرے کو قتل کرنے کے درپے جہالت میں ڈوبے افراہ کو راہ حق پر گامزن کیا ،داتا علی گنج بخش رحمتہ اللہ علیہ نے برصغیر پاک وہند میں دین اسلام کی شمع روشن کرکے رواداری ،برداشت اور صبر کو فروغ دیا ،پاکستان اولیاء کا فیضان اور اولیاء کرام کی دھرتی ہے اس کو ختم کرنے کا خواب دیکھنے والے خود ختم ہوجائینگے،ان خیالات کا اظہار انہوں نے حضرت داتا گنج بخش علی ہجویری کے سالانہ عرس کے موقع پر زبردست خراج عقیدت پیش کرتے ہوئے کیا ،ثروت اعجاز قادری نے کہا کہ داتا گنج بخش کی تبلیغ وتعلیم کے ذریعے قلیل ترین مدت میں ہزاروں لوگ عالم دین بن گئے ،وہ لوگ جو فسق وفجوراور اخلاقی فساد کی زنجیروں میں عرصہ دراز سے جکڑے ہوئے تھے انہیں چھٹکارا دلایا ،انہوں نے کہا کہ آپ کی تعلیمات کو فروغ دیکر ہی دہشتگردی ،انتہاپسندی کو جڑ سے ختم کیا جاسکتا ہے ،حضرت داتا علی ہجویری کی تعلیمات کی ترویج واشاعت کیلئے حکومت ہر ممکن اقدامات کرئے ،نیو جنریشن کو اولیاء اللہ کی تعلیمات کے ذریعے ہی آگے لیجایا جاسکتا ہے۔

مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے اربعین امام حسین علیہ السلام میں غیر معمولی شرکت پر بزرگوں،نوجوانوں، مستورات اور بچوں کو خراج تحسین پیش کرتے ہوئے کہا ہے کہ نواسہ رسول ص سے عشق کرنے والے سب حسینیوں نے مولا امام حسین علیہ السلام سے عہد وفا کو جس خوبصورت انداز سے نبھایا اس پر انہیں سلام پیش کرتا ہوں۔
انہوں نے کہا کہ ہمارے لیے آل رسول ص سے محبت ہمارے ایمان کا حصہ ہے۔اربعین کے موقع پر ہم نے پوری دنیا پر یہ واضح کر دیا ہے کہ کوئی طاقت ہمیں نواسہ رسول ص سے عشق کے اظہار سے نہیں روک سکتی۔انہوں نے کہا کہ عزاداروں کو بلاجواز مقدمات کے ذریعے ڈرایا دھمکایا نہیں جا سکتا۔
امام عالی مقام کے عشق کے جرم میں کاٹی جانے والی ایف آئی آر ہمارے لیے نواسہ رسول سے عشق اور عہد وفا نبھانیکی سند ہے۔

ملت تشیع کے خلاف قانون نافذ کرنے والے اداروں کے غیر دانشمندانہ اقدام حکومت کے لیے مسائل میں اضافے کا باعث بن رہے ہیں۔ہم ایک پرامن اور محب وطن قوم ہیں۔ ہمارے خلاف غیر آئینی ہتھکنڈے استعمال کر کے دبانے کی کوشش بے سود ثابت ہو گی۔انہوں نے کہا دیگر مسالک کے علما اور ان معتبر شخصیات کا بھی شکریہ ادا کیا جنہوں نے اربعین کے جلوس میں شرکت کر کے رواداری،اتحاد اور اخوت کی عملی مثال پیش کی۔

ایم کیو ایم پاکستان کے کنوینرڈاکٹر خالد مقبول صدیقی نے سانحہ 30ستمبر1988کی مناسبت سے اپنے ایک خصوصی پیغام میں کہا کہ سانحہ 30ستمبر کے شہدا اور شہدا ایم کیو ایم کی لازوال قربانیوں کا ثمر ہے کہ آج کثیرالسان مہاجر قومیت نے نہ صرف اپنے تشخص کو قائم کیا ہے بلکہ اپنی شناخت کو بھی منوایا ہے اور یقینا یہ کارواں ایک علیحدہ صوبے کی شکل میں اپنی منزل پر پہنچ کر دم لے گا۔
ڈاکٹر خالد مقبول صدیقی نے کارکنان پر زور دیتے ہوئے کہا کے عوام میں نچلی سطح پر مہاجر قومیت اور اس کے تشخص کو اجاگر کریں اور اپنی توانائیاں صوبے کے حصول کے لئے یکجا کریں۔مہاجر قوم سانحہ 30ستمبر1988کے ذمہ داروں ڈاکٹر قادر مگسی،ودود مہری اور صفدر سرکی کو کبھی فراموش نہیں کریں گے۔ڈاکٹر خالد مقبول صدیقی نے اس موقع پر یہ مطالبہ کیا کہ سانحہ 30ستمبر سمیت تمام ایسے واقعقات کے اسباب کا تعین کرنے اور ذمہ داران کو بے نقاب کرنے کے لئے ایک تحقیقاتی کمیشن قائم کیا جائے جو ایک ٹائم فریم میں اپنی تحقیقات مکمل کر کے رپورٹ منظر عام پر لائے۔

محکمہ موسمیات نے خبردار کیا ہے کہ بارش کا سسٹم اگلے 12 سے 18گھنٹے کراچی میں داخل ہوگا، جس کے نتیجے میں تیز بارشوں کاامکان ہے اور اربن فلڈنگ کی صورتحال پیدا ہونے کا خدشہ ہے۔تفصیلات کے مطابق محکمہ موسمیات کی جانب سے بیان میں کہا گیا ہے کہ بارش کا سسٹم بھارتی گجرات کے پاس موجود ہے، کراچی، سندھ اور بلوچستان میں بارش کا سسٹم بن رہا ہے، اگلے 12 سے 18 گھنٹے میں یہ سسٹم داخل ہوگا۔
محکمہ موسمیات کے مطابق سسٹم کے نتیجے میں آج(جمعہ)سے تیز بارشوں کاامکان ہے جبکہ مون سون ہوائیں زیادہ شدت سے داخل ہوں گی اور یہ بھی امکان ہے کہ اربن فلڈنگ کی صورتحال پیدا ہوجائیں گی۔محکمہ موسمیات کے مطابق آج اورکل بارش کے ہیوی اسپیل کاوقت ہے ، اس دوران 35سی40ناٹیکل مائل کی رفتارسے ہوائیں چل سکتی ہیں، سمندرمیں طغیانی رہے گی ماہی گیرگہرے سمندرمیں جانے سے گریز کریں۔
دوسری جانب اایڈمنسٹریٹر کے ایم سی مرتضی وہاب کے زیر صدارت اجلاس ہوا ، اجلاس میں رین ایمرجنسی کے حوالے سے انتظامات کا جائزہ لیا گیا اور مرتضی وہاب کی تمام بلدیاتی اداروں کو الرٹ رہنے کی ہدایت کردی۔مرتضی وہاب نے کہاکہ واٹر بورڈ ہر ضلع میں نکاسی آب کے لیے ابھی سے مشینری لگا دے اور بارش کاانتظار کیے بغیر وسائل بروئے کار لا کر انتظامات کے ساتھ ساتھ نکاسی آب کی مشینوں کیلیے فیول اور آپریٹر کی دستیابی یقینی بنائیں۔انہوں نے کہاکہ شہریوں کو کسی قسم کی دشواری کا سامنا نہ ہو، پانی جمع ہونے کی صورت میں حکام ذمہ دار ہوں گے۔