Category: کراچی

ایف آئی اے اینٹی ہیومن ٹریفکنگ سیل نے بغیر دستاویزات عوام کو سرحد پار کروانے والے بدنام زمانہ انسانی اسمگلر کو گرفتار کرلیا۔

ترجمان کے مطابق ڈپٹی ڈائریکٹر ایف آئی اے اینٹی ہیومن ٹریفکنگ سرکل کراچی بہاول استو کی ہدایات کے مطابق انسپکٹر اسٹیفن اور سب انسپکٹر منظور عباسی نے خفیہ اطلاع ملنے پر نئے قانون مہاجرین کی اسمگلنگ کی روک تھام ایکٹ 2018ء کی زیر دفعہ 3 اور 6 کے تحت ایک بدنام زمانہ انسانی اسمگلر عمران نصیر ولد نصیر احمد کو گرفتار کرلیا۔

ملزم انسانی اسمگلر عمران نصیر محمد ذوالفقار نامی شخص کو بغیر کسی سفری دستاویزات کے بھاری رقم کے عوض غیر قانونی طور پر سرحد عبور کرکے ترکی پہنچانے میں ملوث ہے، ملزم سادہ لوح افراد سے انسانی اسمگلنگ اور سرحد پار کرانے کے عوض لاکھوں روپے وصول کرچکا ہے۔

ایف آئی اے حکام کے مطابق انسانی اسمگلر عمران نصیر ایف آئی اے کو نئے قانون (مہاجرین کی اسمگلنگ کی روک تھام ایکٹ 2018) کے تحت دو مقدمات میں مطلوب تھا، ملزم سے تفتیش جاری ہے جسے جسمانی ریمانڈ حاصل کرنے کے لیے مجاز عدالت میں پیش کیا جائے گا۔

بختاور بھٹو اور ان کے شوہر نے اپنے نومولود بچے کا نام اپنے مرحوم دادا اور ماموں کے نام سے رکھا ہے۔

سماجی رابطے کی ویب سائٹ ٹویٹر پر اپنی ٹویٹ میں سابق صدر اور پیپلزپارٹی کے شریک چیئرمین آصف زرداری کی صاحبزادی بختاور بھٹو نے بتایا کہ انہوں نے اپنے نومولود بیٹے کا نام اپنے مرحوم ماموں اور دادا کے نام پر رکھ دیا ہے۔

بختاور بھٹو نے ایک تصویر بھی پوسٹ کی جس پر ایک بچہ لکڑی کے گھوڑے پر سوار تلوار لئے بیٹھا ہے، اور ساتھ شادیانے بھی بجائے جارہے ہیں، جب کہ تصویر پر میر حاکم کا نام تحریر ہے۔

واضح رہے کہ بختاور بھٹو کے دادا اور آصف علی زرداری کے والد کا نام حاکم زرداری تھا، جب کہ بختاور بھٹو کے ماموں اور بے نظیر بھٹو کے بھائی اپنے نام کے ساتھ میر لکھا کرتے تھے، جب کہ بختاور بھٹو کے شوہر کا نام محمود چوہدری ہے، اس لئے بچے کا نام میر حاکم محمود چوہدری رکھا گیا ہے، بختاور بھٹو زرداری کے ہاں بیٹے کی پیدائش رواں ماہ 11 اکتوبر کو ہوئی تھی جس کی تصدیق خود بختاور بھٹو زرداری نے سماجی رابطے کی ویب سائٹ پر ٹوئٹ کرتے ہوئے کی تھی۔

ڈسٹرکٹ ساوتھ پولیس کے ہاتھوں ڈیفنس کے گھروں کی ڈکیتیوں میں ملوث گروہ ایڈیشنل آئی جی موٹروے کی گاڑی پر فائرنگ میں ملوث نکلا۔

تفصیلات کے مطابق کراچی کے علاقے ڈیفنس کے گھروں میں ڈکیتیوں میں ملوث گرفتار گروہ کی وارداتوں کی تفصیلات سامنے آگئیں، حکام نے بتایا کہ گرفتار ملزمان کاگروہ مفرور ملزم بلال نے تشکیل دیا تھا۔

پولیس کا کہنا تھا کہ ملزم بلال اور ساتھی فتح جنگ انٹرچینج پر ایڈیشنل آئی جی موٹروے کی گاڑی پر فائرنگ میں ملوث ہیں، فائرنگ کے واقعے میں ایڈیشنل آئی جی موٹروے سجاد افضل زخمی جبکہ ان کا بھائی نعمان افضل جاں بحق ہوا تھا۔

حکام نے بتایا کہ گرفتار ملزم سکندر سے برآمد ہونے والا اسلحہ ڈیفنس کے گھر میں کی گئی ڈکیتی کی واردات سے میچ ہوگیا اور ملزم کو متاثرہ فیملیز نے بھی باقاعدہ شناخت کرلیا ہے۔

حکام کے مطابق ملزمان ڈکیتیوں کےدوران یرغمال فیملی پر تشدد کرتے تھے اور اور لوٹ مار کے بعد فرار ہوجاتے تھے ، گروہ کا مرکزی سرغنہ بلال اور دیگر دو ساتھیوں سمیت فرار ہے جبکہ گرفتار ملزمان سے مفرور ساتھیوں سے متعلق پوچھ گچھ جاری ہے۔

تفتیشی حکام کا کہنا تھا کہ ملزمان کا گروپ مختلف شہروں میں وادراتیں کرتا ہے۔

وزیر بلدیات سندھ ناصر حسین شاہ نے کہا ہے کہ قوم کو روز ایک نئی آگ میں تپانا تبدیلی نہیں تپ دیلی ہے۔

تفصیلات کے مطابق سماجی رابطے کی ویب سائٹ ٹوئٹر پر اپنے جاری کردہ ایک بیان میں وزیر بلدیات سندھ ناصر حسین شاہ نے کہا کہ اس ملک اور قوم کو بچانے ہم آرہے ہیں، اب بھٹو بولے گا۔

اسلام آباد ہم آرہے ہیں ۔۔۔ اس ملک اور قوم کو بچانے ۔ انشااللہ

ناصر حسین شاہ نے کہا کہ قوم کو روز ایک نئی آگ میں تپانا، مہنگائی، وعدہ خلافی، جھوٹ، بے حِسی اور مسلسل پاکستان کو دنیا میں تنہا کرنے کی آگ جس سے پوری قوم جھلس چُکی ہے۔

یہ تبدیلی نہیں تپ دیلی ہے ۔۔ قوم کو روز ایک نئی آگ میں تپانا ۔۔

مہنگائی ، وعدہ خلافی ، جھوٹ ، بے حِسی اور مسلسل پاکستان کو دنیا میں تنہا کرنے کی آگ جس سے پوری قوم جھلس چُکی ہے ۔۔۔

سابق صدر آصف علی زرداری بھی باغِ جناح جلسہ گاہ پہنچ گئے ۔

تفصیلات کے مطابق سابق صدر آصف علی زرداری نے کراچی میں کامیاب جلسہ کرنے پر جیالوں کو سلام پیش کیا اور جلسے میں شرکت پر اہلِ کراچی کا شکریہ بھی ادا کیا۔

آصف علی زرداری کی جانب سے شاندار اجتماع میں کار ساز کے شہداء کو شاندار خراج عقیدت پیش کیا گیا۔

سابق صدر آصف علی زرداری نے کہا کہ چیئرمین بلاول بھٹو زرداری نے عوام سے جو وعدے کیئے وہ پورے کیئے جائیں گے۔

لاول بھٹو کا کہنا تھا کہ آصف زرداری نیب کیسز کا سامنا کر رہے ہیں اور خورشید شاہ دو سال سے نیب کی قید میں ہیں۔

چیئرمین پیپلز پارٹی کا اجلاس میں مزید کہنا تھا کہ قائد اعظم محمد علی جناح سے وعدہ کرتا ہوں کہ ملک میں ان کا دیا ہوا قانون نافذ کروں گا اور ملک کو ترقی دلائوں گا۔

پوزیشن لیڈر سندھ اسمبلی حلیم عادل شیخ نے کہا ہے کہ پی پی کے جلسے نہیں خاندانی مافیا کی لانچنگ سرمنی ہوتی ہے۔

تفصیلات کے مطابق اپوزیشن لیڈر سندھ اسمبلی حلیم عادل شیخ نے پی پی کے جلسے پر رد عمل دیتے ہوئے کہا کہ پی پی کے جلسے نہیں خاندانی مافیا کی لانچنگ سرمنی ہوتی ہے، کراچی کی عوام نے جعلی وصیت پارٹی کو ہمیشہ کی طرح رد کردیا، شہید بھٹو کے نام کے علاوہ پی پی کے پاس کوئی کارکردگی نہیں، کرپٹ سورمے اکٹھے ہوکر تیرا غم میرا غم قصیدہ پڑھ رہے ہیں۔

حلیم عادل شیخ کا کہنا تھا کہ دو سو روپے دے کر سندھ بھر سے سرکاری ملازمین کو جمع کیا گیا، جعلی چیئرمین نوحہ بھٹو کے نواسے سے شروع ہوکر عمران خان تک ختم ہوتا ہے، فرزند زرداری سندھ کی عوام کو 13 سالہ کارکردگی بھی بتائیں، بلاول بتائیں سندھ کے 8900 ارب کس کے اکاؤنٹ میں گئے؟

اپوزیشن لیڈر سندھ اسمبلی حلیم عادل شیخ نے کہا کہ جعلی اکاؤنٹ، جعلی وصیت اور جعلی پرچی سے لے کر جعلی جلسے پی پی کی حقیقت ہے، سندھ کی عوام ٹھگس آف جیالاز کو پہچان چکی ہے، سندھ کی عوام کا پیسہ ڈکار کر جلسے کرنے والے عوام کو مہنگائی پر بھاشن دے رہے ہیں۔

حلیم عادل شیخ کا مزید کہنا تھا کہ سندھ میں موجود استحصالی نظام اور موروثی سیاست دفن کرنے جارہے ہیں، سندھ کی باشعور عوام وزیر اعظم عمران خان کے ساتھ ہے۔

پی ٹی آئی کراچی کے صدر خرم شیر زمان نے کہا ہے کہ آج یونیورسٹی آف کرپشن کا نیا تعلیمی سال شروع ہوا ہے۔

تفصیلات کے مطابق پی ٹی آئی کراچی کے صدر خرم شیر زمان نے بلاول زرداری کے جلسے سےخطاب پر ردعمل دیتے ہوئے کہا ہے کہ بلاول زرداری کا جلسہ اور لکی ایرانی سرکس میں کوئی فرق نہیں ، ٹرسٹی بلاول زرداری نے کرپشن کی نت نئی پالیسیاں پیش کیں۔

انہوں نے کہا کہ بلاول کی باتیں کروڑوں کی اور دکان سڑے ہوئے پکوڑوں کی ہے ، سندھ کی عوام نے 13 سالوں میں تباہی و بربادی کے علاوہ کچھ حاصل نہیں کیا ، پی پی کے جلسے میں شہداء کے ذکر سے زیادہ عمران خان کا ذکر تھا ، 2 سال کا بچہ بھی بتاسکتا ہے کہ سندھ میں کرپشن کا بانی کون ہے۔

خرم شیر زمان نے کہا ہے کہ بلاول کا کراچی جلسہ عام کے بجائے جلسہ بدنام ثابت ہوچکا ہے ، پرچی چیئرمین عمران خان پر تنقید کرکے اپنا سیاسی قد بڑھانے کی ناکام کوشش کرتے ہیں ، بلاول زرداری عمران خان پر تنقید کرنے سے پہلے اپنی اور وزیر اعظم کی جدوجہد کا جائزہ لیا کریں۔

پی ٹی آئی کراچی کے صدر خرم شیر زمان نے کہا کہ عوام جانتی ہے کہ پی پی کی سیاست ان کی ذات کے گرد گردش کرتی ہے

چیئرمین پیپلز پارٹی بلاول بھٹو زرداری نے کہا ہے کہ بی بی عوام کے روزگار کی امید تھیں۔
تفصیلات کے مطابق چیئرمین پیپلز پارٹی بلاول بھٹو زرداری نے باغ جناح جلسہ گاہ میں جیالوں سے خطاب کرتے ہوئے کہا کہ میں پاکستان کی عوام سے پوچھتا ہوں کہ کیا آج تک دنیا کی تاریخ میں ایسی بہادر بیٹی پیدا ہوئی جس کو بتایا جائے کہ آپ کو ایک آمر اور دہشتگرد قتل کرنا چاہتے ہیں لیکن آپ پھر بھی اس ملک اور عوام کو آمر سے آزادی دلانے کے لیے وطن آئیں، اس ملک میں الیکشن لڑنے کے لیے عوام کی خاطر آئیں۔
چیئرمین پیپلز پارٹی کا کہنا تھا کہ بی بی باہر سے بیٹھ کر الیکشن مہم چلا سکتی تھیں لیکن دھمکیوں کے باوجود بینظیر بھٹو زرداری آمر اور دہشتگردوں کی پروا کیے بغیر 18 اکتوںر کو وطن واپس آئیں۔ ہمیں پہلے سے معلوم تھا آپ پھانسی سے نہیں ڈرتیں۔
بلاول بھٹو کا کہنا تھا کہ سانحہ کارساز پر دھماکہ ہوا تو جیالے بھاگنے کے بجائے اپنی قائد بینظیر بھٹو کو بچانے کے لیے آگے بڑھے۔ یہ عظیم مثال دنیا میں نہیں ملتی۔
چیئرمین پیپلز پارٹی نے کہا کہ قائد عوام ذوالفقار علی بھٹو اور بینظیر بھٹو نے ملک کو معاشی ترقی دلائی۔ بی بی عوام کے روزگار کی امید تھیں۔
بلاول بھٹو نے یہ بھی کہا کہ کسان محنت سے اپنی فصل اگاتا ہے، پیپلز پارٹی نے ہی کسان مزدور کو اپنا مقام دلایا۔ پیپلز پارٹی نے روٹی کپڑا مکان کا نعرہ لگایا اور شہید بینظیر بھٹو نے نعرہ پورا کیا۔ شہید بینظیر بھٹو کے لیے یہی کہا جاتا ہے کہ بینظیر آئیں گی لائیں گی۔
ان کا کہنا تھا کہ آج تاریخی بیروزگاری ہے، آج تاریخی مہنگائی ہے۔ آج بھی ملک کو پیپلز پارٹی کی ضرورت ہے۔

انہوں نے کہا کہ آج کی حکومت عوام سے دھوکا کرتی ہے۔ ایک کروڑ نوکریوں کا وعدہ کیا تھا اس حکومت نے۔ کہاں گئی وہ نوکریاں اور 50 لاکھ گھر کہا ہیں؟ انہوں نے اپنے ہزاروں لوگوں سے روزگار چھینا ہے۔ مہنگائی ملکی تاریخ کی بلند ترین سطح پر ہے۔ عمران خان چور ہے۔ ہماری حکومت آئی تو عوام کو روزگار دلائیں گے، ہم چھت دیں گے گرائیں گے نہیں۔

بلاول بھٹو نے کہا کہ پیپلز پارٹی کی حکومت عام آدمی، مزدور، کسانوں اور سفید پوش لوگوں کی ہوتی ہے۔

وزیراعلیٰ سندھ مراد علی شاہ نے کہا ہے کہ سانحہ 18 اکتوبر کی تحقیقات میں جوڈیشل کمیشن کی تشکیل کے لیے درکار شواہد سانحے کے فوری بعد مٹا دیئے گئے جس کی وجہ سے تحقیقات مکمل نہیں ہوسکیں اور جوڈیشل کمیشن نہیں بن سکا۔
باغ جناح میں پریس کانفرنس کرتے ہوئے وزیر اعلیٰ سندھ نے کہا کہ شہید بے نظیر بھٹو 18 اکتوبر 2007ء کو جلا وطنی ختم کرکے وطن واپس آئیں، 12 بجے رات جب قافلہ کارساز پہنچا تو دو دھماکے ہوئے جس میں 180 کارکنان شہید اور 500 سے زائد زخمی ہو گئے، آج کا جلسہ شہداء کارساز کی یاد میں منعقد کیا گیا ہے۔
ایک سوال کے جواب میں انہوں نے کہا کہ اس وقت کی حکومت نے سانحہ کارساز کے شواہد مٹا دیئے جس کی وجہ سے تحقیقات متاثر ہوئیں اور شواہد مٹانے کی وجہ سے ہی سانحہ کارساز پر عدالتی کمیشن نہیں بن سکا، سانحہ 18 اکتوبر کے شہیدوں کے ورثا کو تنہا نہیں چھوڑیں گے، پیپلز پارٹی نے ہمیشہ کوشش کی ہے کہ سانحہ کارساز کے شہداء کو انصاف ملے۔
انہوں ںے کہا کہ بلوچستان میں وزیر اعلی کی تبدیلی اگر جمہوری اور آئینی انداز میں ہوگی تو سب اسے تسلیم کریں گے، بلوچستان کا مسئلہ جمہوری انداز میں حل ہونا چاہیے۔
وزیراعلیٰ سندھ کا کہنا تھا کہ جمہوری حکومت کو ہروقت خطرہ رہتا ہے، وفاق اور دیگر صوبوں کو خطرہ ہو گا تو دیکھیں گے کہ وہ کیسے حالات کا مقابلہ کرتے ہیں، عمران خان کے آنے سے تمام اشیا مہنگی ہوگئیں، ہم قیمتوں کو کنٹرول کرنے کی کوشش کر رہے ہیں۔
ان کا کہنا تھا کہ پیپلزپارٹی نے وفاق میں آکر ملک میں آئین بحال کیا، بلوچستان کو آغاز حقوق پیکیج دیا، 18 ویں ترمیم پارلیمنٹ سے منظور کرائی، عوام پیپلز پارٹی پر بھروسہ کرتی ہے، آئندہ بھی ہماری حکومت ہوگی، بلاول بھٹو عوام کے لیے نجات دہندہ ہیں۔
انہوں نے کہا کہ ملک میں اس وقت بجلی کی قلت ہے، ہم نے بجلی کا معاملہ وفاق کے سامنے اٹھایا ہے اور یہ معاملہ پارلیمنٹ میں لے گئے ہیں، صوبے میں گندم کی قلت نہیں ہے صرف عمران خان کی وجہ سے عوام آٹے سے محروم ہوگئے ہیں لیکن ہم آٹے کی قیمت کو کنٹرول کرنے کی کوشش کر رہے ہیں تاہم گندم کی اسمگلنگ روکنے کے لیے وفاق اور دیگر صوبوں کو اقدامات کرنا ہوں گے۔
ایک سوال کے جواب میں انہوں نے کہا کہ ڈی جی آئی ایس آئی کی تقرری کا معاملہ وزیر اعظم اور فوج کا ہے، اس میں ہمارا کوئی کردار نہیں ہے۔