Category: کراچی

اسٹیج کے بے تاج بادشاہ کامیڈی کنگ عمر شریف انتقال کرگئے، وہ علاج کے لئے امریکا روانہ ہوئے تھے، طبیعت خراب ہونے پر عمر شریف کو جرمنی کے اسپتال منتقل کیا گیا تھا۔

تفصیلات کے مطابق ایشئین کامیڈین لیجنڈ اور دنیا بھر میں ملک کا نام روشن کرنے والے پاکستانی فنکار عمر شریف اپنے کروڑوں مداحوں کو اداس چھوڑ کر جہان فانی سے کوچ کرگئے، انہوں نے 66 برس کی عمر پائی۔

انہیں گزشتہ دنوں علاج کی غرض سے امریکہ لے جایا جارہا تھا کہ راستے میں طبیعت کی خرابی کے باعث انہیں جرمنی کے ایک اسپتال میں داخل کرنا پڑا، جہاں وہ دوران علاج دم توڑ گئے ، عمر شریف کے انتقال کی تصدیق ان کی اہلیہ نے کی۔

اس حوالے سے ملک کے نامور فنکاروں نے عمر شریف کی رحلت پر اپنے انتہائی رنج اور غم کا اظہار کرتے ہوئے ان کے اہل خانہ سے دلی اظہار تعزیت کیا ہے اور ان کی مغفرت کیلیے دعا کی ۔

گفتگو کرتے ہوئے عمر شریف کے قریبی ساتھی شکیل صدیقی (تیلی) نے کہا کہ عمر شریف میرے استاد تھے میں نے ان کے ساتھ 20سال ساتھ کام کیا، میں ان کے ساتھ بچوں کی طرح رہا ہوں، عمر شریف کے انتقال کی خبر سن کر بہت رنجیدہ ہوں۔

معروف اداکار فیصل قریشی نے کہا کہ عمر شریف کے ساتھ بہت سی یادیں وابستہ ہیں، ان کے انتقال کا سن کرافسوس ہوا، عمر شریف کے چہرے پر ہمیشہ مسکراہٹ رہتی تھی۔

گفتگو کرتے ہوئے مشہور اداکار سہیل احمد کا کہنا تھا کہ عمرشریف کا بچھڑنا ہمارے ملک کا بڑا نقصان ہے، عمرشریف کا دنیا میں بڑا نام تھا، بہت پیارے انسان تھے، انہوں نے ہم سب کو ہمیشہ ہنسایا لیکن جاتے ہوئے رلا دیا۔

اداکار جاوید شیخ نے کہا کہ عمرشریف میرے پرانے ساتھی تھے، ان کے بیٹے سے رابطے میں تھا، عمرشریف جیسا فنکار صدیوں میں پیدا ہوتا ہے، ان کو دنیا کے ہر کونے میں لوگ جانتے تھے، دنیا کو ہنسانے والا آج ہمیں رلا گیا،

اداکار بہروزسبزواری کا کہنا تھا کہ عمرشریف سے ہمارا ساتھ 45برس سے بھی زائد تھا، ان کی خیریت دریافت کرنے کے لیے اہل خانہ سے رابطے میں رہتا تھا، عمرشریف ہمیشہ ہنستے مسکراتے ملتے تھے، عمر شریف ہمیشہ غریبوں کا اور خصوصاً اپنے ساتھی فنکاروں کا بہت خیال رکھتے تھے،

امریکا میں مقیم ڈاکٹر طارق شہاب نے گزشتہ دنوں عمر شریف کی بیماری سے متعلق اے آر وائی نیوز کو بتایا تھا کہ عمر شریف کے دل کے ایک والو کے مسلز کمزور ہوچکے ہیں جس کی وجہ سے خون کی گردش میں رکاوٹ ہے جبکہ انہیں سانس لینے میں بھی تکلیف کا سامنا ہے۔

انہوں نے بتایا تھا کہ اس تکلیف کا علاج اوپن ہارٹ سرجری سے ہی ہوسکتا ہے لیکن عمر شریف کی پہلے ہی ایک اوپن ہارٹ سرجری ہوچکی ہے جبکہ ان کے گردے بھی کمزور ہیں لہٰذا دوبارہ سرجری کرنا ان کے لیے جان لیوا بھی ثابت ہوسکتا ہے۔

عراق سے کراچی پہنچنے والے مسافروں کو قرنطینہ کرنے پر ہنگامہ کھڑا کردیا گیا۔ سول ایوی ایشن ذرائع کے مطابق مسافروں نے 10روز کیلئے قرنطینہ سینٹر جانے سے انکار کرکے اداروں سے جھگڑا شروع کردیا۔ کراچی ایئرپورٹ انتظامیہ نے اے ایس ایف اور پولیس کو طلب کرلیا۔
اربعین سے آنے والے مسافروں کو لازمی قرنطینہ سینٹر بھیجنے کے احکامات ہیں۔

ذرائع کے مطابق 63زائرین نجف سے فلائی بغداد کی پرواز IF-331 سے کراچی پہنچے ہیں۔ سی اے اے انتظامیہ اے ایس ایف، پولیس اور ضلعی انتظامیہ موجود ہیں۔ ایئرپورٹ انتظامیہ نے ٹرمینل بلڈنگ کے باہر جانے والے گیٹ بند کر دیے ۔ ایئرپورٹ پر سخت احتجاج کے باعث دیگر پروازوں کے مسافروں کو مشکلات سامنا کرنا پڑرہا ہے۔

وزیر اعلی سندھ کے معاون خصوصی ضلع شرقی اقبال ساند نے ایڈمنسٹریٹر بلدیہ شرقی شعیب احمد ملک اور میونسپل کمشنر غلام سرور راہپوٹو کے ہمراہ نیپا،جہانگیر روڈ،گرومندر ودیگر مقامات کا دورہ کیا اور اپنی نگرانی میں برسات کے دوران نکاسی آب کے امور کی انجام دہی کو یقینی بنوایا، برسات کے باوجود مذکورہ شخصیات نے عوام کو مشکلات سے بچانے کیلئے کھڑے رہ کر پانی کی نکاسی کے ذریعے سڑکوں کو کلئیر کروا کر ٹریفک کی روانی کو متاثر نہیں ہونے دیا، اس موقع پر وزیراعلی سندھ کے معاون خصوصی ضلع شرقی اقبال ساند نے کہا کہ مسلسل برسات کے باوجود ضلع شرقی کی صورتحال بہتر ہے اہم مقامات پر ڈی واٹرنگ پمپس نصب ہیں جس سے ضرورت پڑنے پر نکاسی آب کے کام لئے جارہے ہیں جبکہ جہاں پانی جمع ہونے کی شکایات ہیں وہاں بذات خود افسران کے ہمراہ پہنچ کر نکاسی آب کے امور سر انجام دلوارہے ہیں انہوں نے کہا کہ بلدیہ شرقی کی جانب سے اچھے انتظامات کئے گئے ہیں، ایڈمنسٹریٹر بلدیہ شرقی شعیب احمد ملک نے اس موقع پر کہا کہ رات گئے سے تاحال مسلسل برسات ہو رہی ہے جس میں متعلقہ محکمہ جات بلا تھکان نکاسی آب کے امور کو یقینی بنا رہے ہیں ڈی واٹرنگ پمپس ودیگر مشینریز سمیت مینوئل لیبر کی مدد سے نکاسی آب کے کام سر انجام دئیے جا رہے ہیں اس موقع پر ان کے ہمراہ ایگزیکٹیو انجنئیر ایم اینڈای امتیاز بھٹو،ایگزیکٹیو انجنئیر سول گلشن اقبال اقبال ملاح، ایگزیکٹیو انجنئیر جمشید زون سلمان میمن، ڈائریکٹرز توقیر عباس، آغا سمیر، ظفر اقبال ودیگر افسران بھی موجود تھی ۔

محکمہ موسمیات نے گزشتہ رات سے جمعہ کی شام 5 بجے تک ہونے والی بارش کے اعداد و شمار جاری کردیئے ہیں۔کراچی میں سب سے زیادہ بارش 39 ملی میٹر گلشن حدید میں اور 24 اعشاریہ 4 ملی میٹر ناظم آباد میں ریکارڈ کی گئی۔محکمہ موسمیات کے مطابق قائد آباد میں 23 اعشاریہ 8، پی اے ایف بیس مسرور میں 22.5 ملی میٹر بارش ہوئی۔
اعداد و شمار کے مطابق ڈی ایچ اے فیز 2 میں21 اعشاریہ 5 اور فیصل بیس پر21 ملی میٹر بارش ریکارڈ کی گئی۔محکمہ موسمیات کے مطابق سرجانی میں 17ملی میٹر، نارتھ کراچی میں 14 اعشاریہ 6 اور گلشن معمار میں 14 اعشاریہ 3 ملی میٹر بارش ریکارڈ کی گئی۔اعداد و شمار کے مطابق سعدی ٹائون میں 13 اعشاریہ 5، اولڈ ایئرپورٹ پر 13 اعشاریہ 3، اورنگی ٹاون میں 12 اعشاریہ 4 ملی میٹر بارش ریکارڈ کی گئی۔محکمہ موسمیات کے مطابق یونیورسٹی روڈ 10 اعشاریہ7، جناح ٹرمینل 10اعشاریہ2، اور کیماڑی میں 5 اعشاریہ 5 ملی میٹر بارش ریکارڈ کی گئی۔

متحدہ قومی موومنٹ پاکستان کے ترجمان کے مطابق ایم کیو ایم زیر اہتمام کل(ہفتہ)حیدر آباد میں ہونے والی حقوق ریلی خراب موسم اور طوفانی بارشوں کے باعث ملتوی کردی گئی ہے جبکہ نئی تاریخ 10اکتوبر مقرر کی گئی ہے عوام اور کارکنان سے اپیل ہے کہ10اکتوبر کو ہونے والی حیدر آباد حقوق ریلی میں شرکت کیلئے عوام اور کارکنان کو نئی تاریخ سے آگاہ کردیں۔

گورنر سندھ عمران اسماعیل نے جنگ گروپ کے بانی میر خلیل الرحمنٰ مرحوم کی اہلیہ اور میر شکیل الرحمنٰ کی والدہ کے انتقال پر اظہار تعزیت کرتے ہوئے دعا کی کہ اللہ تعالی مرحومہ کی مغفرت فرمائے اور ان کے درجات بلند فرمائے۔
انہون نے مزید دعا کی کہ اللہ پسماندگان کو صبر جمیل عطا فرمائے ۔

سابق صدر آصف زرداری کا میرشکیل الرحمن کی والدہ کے انتقال پر افسوس کا اظہار کیا ہے ۔
پنے تعزیتی بیان میں سابق صدر آصف زرداری نے کہا کہ اولاد کیلئے والدہ کا انتقال بہت بڑا صدمہ ہوتا ہے۔آصف زرداری نے میرشکیل الرحمن کی والدہ کی مغفرت اور بلند درجات کیلئے دعا کی۔دوسری جانب سینیٹر شیری رحمن نے میرشکیل الرحمن کی والدہ کے انتقال پر اظہارِ افسوس کرتے ہوئے کہا کہ اللہ تعالی مرحومہ کی مغفرت اور لواحقین کو صبرجمیل عطا فرمائے۔