Category: کراچی

وزیراعلی بلوچستان جام کمال خان کی زیر صدارت دبئی میں منعقد ہونے والے بین الاقوامی ایکسپو کی تیاریوں پر پیشرفت سے متعلق اجلاس۔

اجلاس میں صوبائی وزیر کھیل و ثقافت عبدالخالق ہزارہ، وزیراعلی کے پرنسپل سیکرٹری اسفندیار کاکڑ، ڈی جی ٹریڈ ڈویلپمنٹ اتھارٹی آف پاکستان اور کور کمیٹی سمیت دیگر حکام کی شرکت کی۔

اجلاس کو ڈی جی و پراجیکٹ ڈائریکٹر ٹریڈ ڈویلپمنٹ اتھارٹی آف پاکستان ایکسپو اور کور کمیٹی کی جانب سے دبئی ایکسپو پر تفصیلی بریفنگ دی۔

اجلاس میںایکسپو میں ہونے والی سرگرمیوں، ٹائم لائن اور تھیمز سے متعلق انتظامات کے حوالے سے آگاہ کیا گیا.

ایکسپو میں کلائمٹ، اسپیس، اربن اینڈ رورل ڈیویلپمنٹ، ایگریکلچر، واٹر، گلوبل گولز، ٹورزم، کلچر پرموشن سمیت دیگر شوکیسنگ تھیمز شامل ہیں۔

ٹریڈ ڈویلپمنٹ اتھارٹی آف پاکستان ایکسپو کے دوران چھ ماہ کے پروگرام کی بھی منصوبہ بندی کررہی ہے۔

جن میں تجارتی اور سرمایہ کاری سیمینار، کانفرنسیں، ثقافتی شوز اور تقریبات وغیرہ شامل ہیں۔

دبئی ایکسپو میں بلوچستان اپنی بھرپور تیاری کے ساتھ شرکت کرے گا۔

چھ ماہ تک جاری رہنے والی ایکسپو کے دوران دنیا بھر سے 200 سے زائد پویلین اور لاکھوں سیاحوں کی شرکت متوقع ہے۔

دبئی ایکسپو میں بلوچستان کے قدیم ورثہ، پرکشش قدرتی ماحول اور مستقبل کے امکانات کو اجاگر کیا جائے۔

مہر گڑھ کی قدیم ترین تہذیب کو دنیا کے سامنے روشناس کرایا جائے۔

بلوچستان میں متبادل توانائی کے ذرائع اور سرمایہ کاری کے بہترین مواقعوں کی فراہمی کو متعارف کرایا جائے۔

قدرت نے بلوچستان کو قدرتی خوبصورتی، تاریخی مقامات، جونیپر کے جنگلات اور ساحلی پٹی سے نوازا ہے۔

دبئی میں ہونے والے بین الاقوامی ایکسپو جیسے موقع کا بھرپور فائدہ اٹھایا جائے۔

دنیا کو بلوچستان میں کوسٹل اور مائننگ ایریاز میں موجود مواقعوں سے بھی روشناس کرایا جائے۔

وزیراعلی بلوچستان کی واٹر، کارپوریٹ فارمنگ، آرگینک کاٹن، مینگروز پلانٹیشن اور وومن ایمپاورمنٹ سمیت دیگر شوکیسنگ تھیمز شامل کرنے کی ہدایت۔

محکمہ داخلہ نے کرونا وائرس سے متعلق نئے احکامات جاری کردیئے، جس کے تحت کراچی و حیدر آباد میں انڈور ڈائننگ پر پابندی برقرار رکھی ہے۔

کرونا وائرس کی تباہ کاریوں سے بچنے کےلیے دیگر ممالک کی طرح پاکستان نے بھی لاک ڈاؤن اور ایس او پیز نافذ کررکھی ہیں جس کے تحت ریسٹورنٹس میں انڈور دائنننگ پر پابندی عائد کی گئی تھی جسے محکمہ داخلہ نے کراچی اور حیدرآباد میں برقرار رکھنے کا فیصلہ کیا ہے۔

محکمہ داخلہ نے فیصلے کا نوٹیفکیشن بھی جاری کردیا ہے، آؤٹ ڈور ڈائننگ کی رات 10 بجے تک اجازت ہوتی جب کہ سندھ کے دیگر اضلاع میں 50 فیصد آؤٹ ڈور اور انڈور ڈائننگ کی اجازت ہوگی۔

محکمہ داخلہ سندھ نے نئے نوٹیفکیشن کےذ ریعے گزشتہ احکامات میں مذکورہ ترمیم کی، جو تاحکم ثانی جاری رہیں گے۔

سندھ کے پرائیویٹ اسکولز سندھ ایجوکیشن اینڈ لٹریسی ڈیپارٹمنٹ کی ہدایات پر عمل کرتے ہوئے اپنے طلباء کے والدین سے کووڈ امیونائزیشن سرٹیفکیٹ طلب کر رہے ہیں۔

اس سے قبل وزیراعلیٰ سندھ مراد علی شاہ نے والدین اور اساتذہ سے کہا تھا کہ وہ اپنے ویکسینیشن سرٹیفکیٹ 30 اگست تک اسکولوں میں جمع کرائیں۔

انہوں نے مزید کہا کہ سو فیصد عملے، اساتذہ اور طالب علموں کے والدین کی ویکسینیشن مکمل کرنے والے اسکولوں کو اگلے پیر سے دوبارہ کھولنے کی اجازت ہوگی۔

دوسری جانب اسکول انتظامیہ والدین سے درخواست کر رہی ہے کہ وہ اپنے ویکسینیشن سرٹیفکیٹ 28 اگست تک جمع کرادیں۔

صوبائی وزیر تعلیم سردار علی شاہ نے اسکولوں کے عملے اور والدین کوویکسینیشن مکمل کرانے کی غرض سے وقت دینے کے لیے اسکولوں کی بندش میں مزید ایک ہفتے کی توسیع کی تھی۔

نجی اسکولوں نے ایک رپورٹ میں کہا کہ ان کے عملے کی صرف 73 فیصد ویکسینیشن مکمل ہوئی تھی جس کے بعد حکومت اساتذہ کی ویکسینیشن مکمل کرنے اور اپنے ویکسینیشن سرٹیفکیٹ 30 اگست تک اسکول انتظامیہ کو جمع کرانے کے لیے اضافی وقت دے رہی ہے۔

ڈی جی آف سکول ایجوکیشن اینڈ لٹریسی ڈیپارٹمنٹ ڈائریکٹوریٹ آف انسپیکشن اینڈ رجسٹریشن آف پرائیوٹ انسٹی ٹیوشنز ڈاکٹر منصب حسین صدیقی نے اسکولوں کو اپنے عملے کی سو فیصد ویکسینیشن مکمل کیے بغیر دوبارہ کھولنے سے خبردار کیا۔

اتوار کے روز محکمہ کی طرف سے جاری کردہ نوٹیفکیشن میں کہا گیا ہے کہ آپ کو ہدایت کی جاتی ہے کہ تمام تدریسی اور غیر تدریسی، انتظامی عملے کی ویکسینیشن مکمل کی جائے اور اسکولوں کو دوبارہ کھولنے سے پہلے کورونا ایس او پیز پر مکمل عمل درآمد کے لیے ضروری انتظامات مکمل کیے جائیں

محکمہ موسمیات نے شہرقائد سمیت سندھ بھر میں یکم ستمبر سے بارش کی پیش گوئی کردی۔

محکمہ موسمیات کے مطابق مون سون ہواؤں کا سلسلہ کل رات سے سندھ میں داخل ہوگا جس سے تھر پارکر، عمر کوٹ اور سانگھڑ سمیت دیگر اضلاع میں بارش کا امکان ہے۔

‘کراچی میں بھی یکم تا3ستمبر ہلکی اور درمیانے درجے کی بارش ہوسکتی ہے’۔

محکمہ موسمیات نے بتایا کہ کراچی میں 45تا50کلو میٹر فی گھنٹہ کی رفتار سے تیز ہوائیں بھی چل سکتی ہیں تاہم شہر میں آئندہ 24گھنٹے میں موسم جزوی ابر آلود رہے گا۔

کراچی میں صبح اور رات کے اوقات میں بوندا باندی کا امکان ہے۔

شہر میں نکاسی آب کی ابتر صورت حال کے پیش نظر شہریوں کو خدشہ ہے کہ باران رحمت کہیں زحمت نہ بن جائے۔

سندھ بھر میں کورونا وائرس کے بڑھتے کیسز کے پیشِ نظر بند ہونے والے تعلیمی ادارے آج سے کھل گئے۔اسکول، کالجز اور جامعات میں اسٹاف کی 100 فیصد ویکسینیشن اور طلبہ کی 50 فیصد حاضری کے ساتھ تعلیمی ادارے کھولے گئے ہیں۔

محکمہ تعلیم سندھ کے مطابق صرف وہ اسکول کھلیں گے جہاں تدریسی و غیر تدریسی اسٹاف ویکسینیشن کراچکا ہوگا۔

حکام محکمہ تعلیم سندھ کے مطابق والدین کو بھی ویکسینیشن کرانےکی ہدایت کی گئی ہے۔

وفاقی وزیرتعلیم شفقت محمود کی طبیعت ناساز
اردو بازار کے کتب فروشوں کے مطابق رواں سال 2021 میں سندھ ٹیکسٹ بک بورڈ کی نئے سال کی ایک کتاب بھی بازار میں دستیاب نہیں۔اس کے علاوہ کتابوں، کاپیوں اور اسٹیشنری کی قیمتوں میں بھی کئی گنا اضافہ کیا جاچکا ہے

وزیرخارجہ شاہ محمودقریشی نے کہا ہے کہ پی ڈی ایم کےبےموسمی جلسوں سےحکومت کوکوئی تشویش ‏نہیں، اپوزیشن بےوقت کی راگنی الاپ رہی ہے۔

ملتان میں گفتگو کرتے ہوئے وزیرخارجہ شاہ محمودقریشی نے کہا کہ پی ڈی ایم کےبےموسمی جلسے کورونا ‏پھیلاؤ کا باعث بنیں گے اپوزیشن وباکاپھیلاؤ کم ہونےپراپنےجلسوں کاشوق پورا کرے 3سال میں پی ڈی ایم کی ‏تمام تحریکیں ناکام ہوئیں۔

انہوں نے کہا کہ پی ڈی ایم اب اپنی کوئی نئی چال چلناچاہتی ہےتوشوق پورا کر لے ماضی کی طرح اب بھی ‏ناکامی ان کا مقدرہوگی جولوگ عمران خان سےاستعفیٰ لینےنکلےتھےوہ کہاں گئے پی ڈی ایم عملاًختم ہوچکی ‏ہے۔

شاہ محمود قریشی نے کہا کہ وزیراعظم کی قیادت میں ملکی ترقی کاسفرجاری ہے ترقی کا سفراپوزیشن ‏کے شورشرابے سے رک نہیں سکتا اپوزیشن کےپاس ملکی ترقی کاکوئی ایجنڈا نہیں اپوزیشن افراتفری اور انتشار کے ‏ایجنڈے پرعمل پیراہے اس کےبرعکس وزیراعظم کےپاس ملکی ترقی کا بھرپور ایجنڈا ہے آئندہ اقتداربھی تحریک ‏انصاف کا ہو گا۔

ان کا کہنا تھا کہ عمران خان کرپشن، احتساب پر زیرو ٹالرنس کی پالیسی پرعمل پیرا ہیں اس ضمن میں اندرونی ‏و بیرونی کسی قسم کادباؤقبول نہیں وزیراعظم لٹیروں کومعافی دیدیں تواپوزیشن کیلئےحکومت اچھی ہو جائے ‏گی.

روایت بن چکی ہےکہ قومی خزانہ لوٹو، بیرون ملک جائیدادیں بناؤ اب ایسانہیں ہوگاکہ قومی خزانہ لوٹ ‏کربیرون ملک فرار ہو جاؤ، وزیراعظم واضح کہہ چکےہیں جس نےملک لوٹااس کوجواب دیناہوگا۔

وزیر اعلی سندھ مراد علی شاہ نے کہا ہے کہ کراچی کے لیے عالمی بینک کے تعاون سے مختلف منصوبوں کی مد میں دو ہزار ارب روپے درکار ہیں، سندھ حکومت کے پاس اتنی رقم نہیں، وفاق کی ذمہ داری ہے کہ وہ سندھ میں منصوبوں پر عمل درآمد کرے۔

یہ بات انہوں نے احسن آباد میں منعقدہ کھلی کچہری میں کہی۔ کھلی کچہری میں وزیر بلدیات ناصر حسین شاہ، امتیاز شیخ، شہلا رضا، ایڈمنسٹریٹر کراچی مرتضیٰ وہاب اور پی پی کے دیگر ارکان اسمبلی موجود تھے۔ وزیر اعلی نے شکایات سنیں اور موقع پر ہی ازالے کے احکامات جاری کیے۔

وزیر اعلیٰ سندھ نے کہا کہ کراچی کے لیے عالمی بینک کے تعاون سے مختلف منصوبوں کے لیے دو ہزار ارب روپے درکار ہیں، سندھ حکومت کے پاس اتنی رقم وفاق کی ذمہ داری ہے کہ وہ سندھ میں منصوبوں پر عمل درآمد کرے۔

مراد علی شاہ نے کہا کہ سندھ حکومت نے کراچی میں فلائی اوورز اور انڈر پاسز تعمیر کروائے ہیں، سڑکوں کی حالت زار بہتر کی ہے، قومی شاہراہ پر تعمیری کام کروائے ہیں جب کہ لیاری میں سوک سینٹر بنایا جائے گا، کورنگی میں پل بنا رہے ہیں، کراچی میں ٹریفک کے مسائل حل کرنے کے لیے کوشاں ہیں۔

انہوں نے کہا کہ ہم سے حساب مانگنے والے سندھ حکومت کی طرف سے وفاق کو دیے جانے والے پیسوں کا حساب دیں، ہم حساب عوام کو دیں گے، چور دروازے سے آنے والوں کو جواب دہ نہیں۔

وزیراعلیٰ نے کہا کہ دریاؤں میں پانی کی کمی ہے لیکن پانی کی منصفانہ تقسیم ضروری ہے، سندھ کو پینے کے پانی سے بھی محروم رکھا جارہا ہے، سندھ حکومت کو عوامی مسائل کا اندازہ ہے، ہم کولیکٹیو نہیں ہیں، مسائل کے حل کے لیے کوشاں ہیں۔

انہوں نے تحریک انصاف کی حکومت پرتنقید کرتے ہوئے کہا کہ تین سال سے تباہی مچانے والوں نے مہنگائی کا طوفان کھڑا کیا ہوا ہے، وفاقی حکومت سے عوام کو کوئی فائدہ نہیں پہنچا، مہنگائی عروج پر ہے اور یہ جشن منا رہے ہیں، پی ٹی آئی نے ایک کروڑ نوکریاں دینے کے وعدے پر عمل کی بجائے لاکھوں افراد کو بے روزگار کردیا، اسٹیل ملز سے لوگوں کو نکالا، 11 وفاقی محکموں سے ہزاروں افراد کو بے روزگار کردیا۔

مراد علی شاہ نے کہا کہ پی ٹی آئی کے لیڈرز نے اپنے رہنماؤں کو بری زبان سکھانے کے علاوہ اور کچھ نہیں کیا، مجھ سے بدزبانی نہیں ہوتی، صوبے بھر میں ترقیاتی کاموں کا سلسلہ مزید بڑھایا جائے گا، ہم انسان ہیں، غلطیاں ہو سکتی ہیں، ہماری جڑیں عوام میں ہیں،عوام کی بہبود کے لیے اقدامات کرے رہیں گے۔

دریں اثنا وزیراعلی سندھ کی کھلی کچہری ہڑبونگ کا شکار ہوکررہ گئی، شکایات پیش کرنے والے آپے سے باہر ہوگئے، ایم ڈی اے کے خلاف بینرز اٹھائے مظاہرین نے لینڈ مافیا اور ان کے آلہ کار سرکاری افسران اور عملے کے خلاف نعرے بازی بھی کی۔ صورتحال پر قابو پانے کے لیے رینجرز پہنچ گئی، افراتفری کے بعد کھلی کچہری ختم کردی گئی۔

بعد ازاں وزیراعلی اسی ہڑبونگ میں چلے گئے، اس موقع پر کوویڈ 19 کی ایس او پیز کے دھجیاں بکھیر دی گئیں، دھکم بازی کے دوران بھی جیالے وزیر اعلیٰ کے ساتھ سیلفیاں بنانے میں مصروف رہے۔