Category: کراچی

افغانستان کے ساتھ کشیدہ صورتحال کے باعث طورخم اور چمن سرحدی گزرگاہیں گزشتہ 10 روز سے تمام تجارتی سرگرمیوں کے لیے بند ہیں، تاہم طورخم بارڈر آئندہ 24 سے 48 گھنٹوں میں کھلنے کا امکان ظاہر کیا گیا ہے۔

طورخم بارڈر آج دسویں روز بھی بند ہے، مگر توقع کی جا رہی ہے کہ آئندہ دو روز میں تجارتی سرگرمیاں اور پیدل آمدورفت بحال کر دی جائے گی۔ ذرائع کے مطابق، پاک افغان امن معاہدے کے بعد بارڈر کھولنے کی تیاری مکمل کر لی گئی ہے اور امپورٹ، ایکسپورٹ اسکینرز نصب کر دیے گئے ہیں۔سرحدی بندش کے باعث دونوں اطراف مال بردار گاڑیوں کی طویل قطاریں لگ گئی ہیں، جبکہ تاجروں اور مزدوروں کو شدید مشکلات کا سامنا ہے۔

ذرائع کے مطابق، پاکستان کا ایک اعلیٰ سطحی وفد آج افغانستان روانہ ہوگا، جہاں دونوں ممالک کے حکام سرحدی امور اور تجارتی معاملات پر بات چیت کریں گے۔ حکام کا کہنا ہے کہ یہ دورہ پہلے سے طے شدہ تھا اور موجودہ کشیدہ صورتحال سے اس کا براہ راست تعلق نہیں۔ذرائع نے مزید بتایا کہ دونوں ممالک کے درمیان سرحد کھولنے پر اصولی اتفاق ہو چکا ہے اور افغان حکام نے اپنی جانب کسٹم عملہ تعینات کر دیا ہے۔

تاجروں کے مطابق، سرحد کی بندش کے باعث روزانہ کروڑوں روپے کا نقصان ہو رہا ہے۔ سیکیورٹی ذرائع کا کہنا ہے کہ فی الحال پاکستان سے افغانستان جانے والے مہاجرین کے لیے ایک دروازہ کھلا رکھا ہے.

وزیر اعظم اور وزیر اعلیٰ پنجاب کے خلاف دھمکی آمیز مواد ، ٹی ایل پی رہنما گلگت سے گرفتار

مشرقِ وسطیٰ کے ممالک غزہ میں حماس کے خلاف لڑنے کے لیے تیار ہیں،ٹرمپ
بھارت نے کابل میں سفارتخانہ دوبارہ کھول دیا

کراچی میں ساؤتھ زون پولیس نے سیف سٹی پراجیکٹ کے تحت پہلی بڑی کامیابی حاصل کرلی۔

جدید ’فیشل ریکگنیشن‘ کیمروں کی مدد سے ایک مفرور ملزم کو گرفتار کیا گیا، جو اس نظام کے ذریعے گرفتاری کا پہلا کیس ہے۔ڈی آئی جی ساؤتھ سید اسد رضا کے مطابق فیشل ریکگنیشن ٹیکنالوجی سے موٹرسائیکل سوار کو سابقہ جرائم پیشہ ریکارڈ رکھنے والے شخص کے طور پر شناخت کیا گیا۔ پولیس نے فوری کارروائی کرتے ہوئے مشتبہ شخص کو روکا اور اس کی شناخت عبدالعظیم کے نام سے ہوئی۔

تصدیق کے مطابق گرفتار شخص چھ مختلف مقدمات میں پولیس کو مطلوب تھا۔ پولیس حکام کے مطابق سیف سٹی سسٹم کے تحت یہ کراچی میں فیشل ریکگنیشن کے ذریعے ہونے والی پہلی گرفتاری ہے.

اسرائیل نے غزہ میں امدادی گزرگاہیں کھول دیں،رفح گزرگاہ تاحال بند

طلال چوہدری کٰی کےپی حکومت پر تنقید: بلٹ پروف گاڑیاں واپس کرنا بچگانہ فیصلہ قرار

ڈونلڈ ٹرمپ کا اگلے سال چین کا دورہ، رواں ماہ تجارتی معاہدے کی توقع

وفاقی وزیرداخلہ محسن نقوی نے چیئرمین پیپلزپارٹی بلاول بھٹو زرداری سے بلاول ہاؤس کراچی میں ملاقات کی، جس میں سیاسی اور ملکی صورتحال پر تبادلہ خیال کیا گیا۔

ملاقات کے دوران باہمی دلچسپی کے امور، سیاسی معاملات اور داخلی سلامتی سے متعلق امور پر بھی گفتگو ہوئی۔وزیرداخلہ محسن نقوی نے بلاول بھٹو زرداری کو ملک میں امن و امان کے قیام اور داخلی سلامتی کے لیے اٹھائے گئے اقدامات سے آگاہ کیا۔اس موقع پر بلاول بھٹو زرداری نے کہا کہ موجودہ چیلنجز کا مقابلہ اتحاد اور اتفاق سے ہی ممکن ہے۔

محسن نقوی نے اس بات پر زور دیا کہ پاکستان کے داخلی استحکام کے لیے تمام سیاسی قوتوں کو مل کر کام کرنا ہوگا، جس پر بلاول بھٹو زرداری نے حکومتی اقدامات پر اطمینان کا اظہار کیا

جوئے ایپ کی تشہیر کیس: عدالت نے ڈکی کی اہلیہ عروب جتوئی کو طلب کرلیا

قاہرہ میں غزہ جنگ بندی کے تسلسل پر آج اہم مذاکرات

افغان طالبان کے خلاف حالیہ جنگ اسلامی تعلیمات کے تناظر میں

خیبر میں واقع پاک افغان سرحدی مقام طورخم کشیدگی کے باعث نویں روز بھی بند ہے۔

سیکیورٹی ذرائع کے مطابق سرحدی راستہ بند ہونے سے امپورٹ، ایکسپورٹ اور ٹرانزٹ ٹریڈ کی ہزاروں کارگو گاڑیاں دونوں جانب پھنس گئی ہیں، جبکہ طویل قطاریں لگ چکی ہیں۔کسٹم حکام کا کہنا ہے کہ طورخم گزرگاہ سے یومیہ تقریباً 85 کروڑ روپے کی تجارت ہوتی ہے، جس میں 58 کروڑ روپے کی برآمدات اور 25 کروڑ روپے کی درآمدات شامل ہیں۔پاکستان سے افغانستان کو سیمنٹ، ادویات، کپڑا، پھل اور سبزیاں برآمد کی جاتی ہیں، جبکہ افغانستان سے کوئلہ، سوپ اسٹون اور خشک و تازہ پھل درآمد کیے جاتے ہیں۔

سرحدی بندش سے دوطرفہ تجارت معطل ہونے پر تاجروں اور ڈرائیوروں کو شدید مشکلات کا سامنا ہے۔واضح رہے کہ وفاقی وزیرِ دفاع خواجہ آصف نے حال ہی میں الجزیرہ عربیہ کو انٹرویو دیتے ہوئے کہا تھا کہ افغانستان دوبارہ پاکستانی بندرگاہوں کو استعمال کرسکے گا، جبکہ قانونی ویزے اور کاغذات رکھنے والے افغان شہری پاکستان میں رہ سکیں گے۔

ان کا کہنا تھا کہ جن مہاجرین کے پاس دستاویزات نہیں، ان کی واپسی کا عمل جاری رہے گا، اور پاک افغان بارڈر کا استعمال اب عالمی اصولوں کے مطابق باضابطہ ہونا چاہیے تاکہ مستقبل میں کسی تناؤ یا غلط فہمی سے بچا جا سکے

مرکزی مسلم لیگ کی ورکرز کنونشن کی تیاریاں جاری،تنظیمی اجلاس

پی ٹی آئی دور حکومت میں ایوی ایشن انڈسٹری میں تباہی ہوئی،خواجہ آصف

شہر قائد میں ایک بار پھر ٹارگٹ کلنگ کا واقعہ پیش آیا ہے۔ ناگن چورنگی کے قریب نامعلوم موٹر سائیکل سوار افراد کی فائرنگ سے 2 افراد جاں بحق جبکہ متعدد زخمی ہو گئے۔

ریسکیو ذرائع کے مطابق واقعہ رات گئے پیش آیا جب موٹر سائیکل پر سوار مسلح افراد نے اچانک گولیاں چلائیں اور موقع سے فرار ہو گئے۔ فائرنگ کے نتیجے میں موقع پر ہی 2 افراد دم توڑ گئے جبکہ زخمیوں کو فوری طور پر عباسی شہید اسپتال منتقل کر دیا گیا، جہاں بعض کی حالت تشویش ناک بتائی جا رہی ہے۔پولیس کے مطابق علاقے کو گھیرے میں لے کر شواہد اکٹھے کیے جا رہے ہیں۔ حکام نے بتایا کہ واقعے کی تحقیقات مختلف پہلوؤں سے جاری ہیں، ابتدائی شواہد سے واقعہ ٹارگٹ کلنگ معلوم ہوتا ہے۔

ذرائع کا کہنا ہے کہ واقعے کی سی سی ٹی وی فوٹیج بھی سامنے آ گئی ہے جس میں دو موٹر سائیکل سوار حملہ آوروں کو فائرنگ کے بعد جائے وقوعہ سے فرار ہوتے دیکھا جا سکتا ہے۔پولیس اور قانون نافذ کرنے والے اداروں نے علاقے میں سرچ آپریشن شروع کر دیا ہے، جبکہ اسپتال میں زخمیوں کے علاج معالجے کے لیے ہنگامی انتظامات کیے گئے ہیں

چین کا پاکستان، افغانستان جنگ بندی معاہدے کا خیرمقدم

الخدمت فاؤنڈیشن پاکستان نے جنگ بندی کے بعد غزہ کی تعمیر نو اور بحالی کے لیے 15 ارب روپے کے بڑے منصوبے ’ری بلڈ غزہ‘ پروگرام کا باقاعدہ آغاز کر دیا ہے۔

صدر الخدمت فاؤنڈیشن ڈاکٹر حفیظ الرحمن نے قاہرہ سے واپسی پر پریس بریفنگ میں بتایا کہ اب تک غزہ کے متاثرین کے لیے 8 ارب 10 کروڑ روپے خرچ کیے جا چکے ہیں۔ان کے مطابق 5 ہزار ٹن امدادی سامان پر مشتمل 35 کنسائنمنٹس ایئر کارگو اور بحری راستوں سے غزہ روانہ کی گئیں، جن میں خیمے، کمبل، خوراک، آٹا، چاول، ہائی جین کٹس، ڈلیوری اور بے بی کٹس سمیت دیگر ضروری اشیاء شامل تھیں۔ڈاکٹر حفیظ الرحمن نے بتایا کہ پروگرام کے پہلے مرحلے میں 6 ہزار خاندانوں کے لیے فوڈ پیکجز، 100 ٹن امدادی سامان اور 100 ٹن چاول قاہرہ سے غزہ بھیجے جا رہے ہیں، جبکہ 100 ٹن قربانی کا گوشت ’ریڈی ٹو ایٹ‘ پیکٹس کی صورت میں تیار کیا جا رہا ہے۔

انہوں نے کہا کہ غزہ میں الخدمت کے 6 واٹر فلٹریشن پلانٹس پہلے سے کام کر رہے ہیں جنہیں بڑھا کر 100 منصوبوں تک توسیع دی جائے گی۔صدر الخدمت کے مطابق موسمِ سرما کے پیش نظر آئندہ ہفتے 2 کارگو فلائٹس پاکستان سے روانہ ہوں گی جن میں شیلٹرز، خیمے، کمبل، گرم کپڑے اور سلیپنگ بیگز شامل ہوں گے۔انہوں نے بتایا کہ 2 شیلٹر اسکول غزہ میں فعال ہیں جبکہ مزید 5 اسکول قائم کیے جا رہے ہیں۔ الخدمت اسکالرشپ پر زیرِ تعلیم 404 فلسطینی طلبہ کی تعداد کو ایک ہزار تک بڑھایا جائے گا، جبکہ یتیم بچوں کی کفالت 750 سے بڑھا کر 3 ہزار تک کی جا رہی ہے۔

ڈاکٹر حفیظ الرحمن نے بتایا کہ 1550 شہداء فیملیز کی رجسٹریشن مکمل ہو چکی ہے، جن میں سے 50 خاندانوں کی کفالت کا آغاز کیا جا چکا ہے۔طبی امداد کے حوالے سے بتایا گیا کہ 394 ٹن ادویات اور 3 ایمبولینسز غزہ میں خدمات فراہم کر رہی ہیں، جبکہ 500 زخمیوں کو پاکستان لا کر علاج فراہم کرنے کا منصوبہ بھی آخری مراحل میں ہے۔انہوں نے مزید کہا کہ فیلڈ ہسپتال تیار کر لیا گیا ہے جہاں مصنوعی اعضا کی تیاری کی سہولت بھی دی جائے گی، جبکہ ’ری بلڈ غزہ‘ پروگرام کے تحت 5 شیلٹر مساجد کی تعمیر شروع ہو چکی ہے جسے بڑھا کر 25 مساجد تک کیا جائے گا۔

ڈاکٹر حفیظ الرحمن نے کہا کہ یہ منصوبہ محض ریلیف نہیں بلکہ غزہ کے عوام کی پائیدار بحالی کی طرف ایک جامع قدم ہے۔
انہوں نے آخر میں کہا کہ پاکستانی عوام کا تعاون الخدمت کا حوصلہ ہے اور یہ کوششیں غزہ کے عوام کی باوقار زندگی کی بحالی تک جاری رہیں گی.

پاکستان کا خلائی پروگرام ، پہلا ہائپر اسپیکٹرل سیٹلائٹ خلا میں پہنچ گیا

پاکستان نے افغانستان، ایران اور روس کے ساتھ نیا بارٹر ٹریڈ فریم ورک متعارف کروا دیا

پاکستان اسٹیل ملز سے چوری ہونے والا 200 کلو کاپر کباڑ گودام سے برآمد

اسرائیل کا جنگ بندی کی خلاف ورزیوں کا الزام حماس نے مسترد کر دیا