Category: کراچی

کراچی میٹروپولیٹن کارپوریشن (کے ایم سی) نے انڈسٹریل اور کمرشل صارفین کے بل میں 350 روپے اضافہ کر دیا ہے، جس کے بعد اب 400 روپے کے بجائے 750 روپے وصول کیے جائیں گے۔

میونسپل کمشنر افضل زیدی کا کہنا ہے کہ شہریوں سے ایم یو سی ٹی کی مد میں کوئی نیا چارجز نہیں لیا جا رہا، ماضی میں انڈسٹریل اور کمرشل صارفین سے 5 ہزار روپے تک وصول کیے جاتے تھے۔انہوں نے بتایا کہ میئر کراچی مرتضیٰ وہاب نے ٹیکس کو ابتدائی طور پر 400 روپے کیا تھا، جسے موجودہ بجٹ میں بڑھایا گیا ہے۔

افضل زیدی نے وضاحت کی کہ ٹیکس بڑھنے کے باوجود ماضی کے مقابلے میں اب بھی 85 فیصد کم ٹیکس لیا جا رہا ہے، اس میونسپل ٹیکس سے فائر بریگیڈ اور سڑکوں کی بحالی جیسے کام انجام دیے جائیں گے۔

ایشیا کپ 2025: پاک بھارت میچ سے قبل دبئی پولیس کی سخت سکیورٹی ہدایات

سندھ کے سینئر وزیر شرجیل انعام میمن نے کہا ہے کہ بلاول بھٹو نے ہمیشہ مشکل وقت میں عوام کا ساتھ دیا اور آج بھی ان کی اولین ترجیح غریب، کسان اور سیلاب متاثرہ خاندان ہیں۔

اپنے بیان میں شرجیل میمن نے کہا کہ بلاول بھٹو عوام کے دکھ درد کو اپنا سمجھتے ہیں اور پیپلز پارٹی ان کی قیادت میں متاثرین کی مکمل بحالی تک چین سے نہیں بیٹھے گی،چیئرمین بلاول بھٹو کا مؤقف عوام دوستی اور دوراندیشی کی عکاسی کرتا ہے اور یہی ان کی قیادت کی روشن مثال ہے بلاول بھٹو نے ہمیشہ مشکل وقت میں عوام کا ساتھ دیا اور آج بھی ان کی اولین ترجیح غریب، کسان اور سیلاب متاثرہ خاندان ہیں۔

سینئر وزیر نے کہا کہ بلاول بھٹو کے مطالبے پر وفاقی حکومت کی جانب سے ماحولیاتی اور زرعی ایمرجنسی کا اعلان خوش آئند ہے، تاہم اب تک بینظیر انکم سپورٹ پروگرام کے تحت ریلیف پیکیج کا اعلان نہ ہونا افسوسناک ہے، وزیر اعظم شہباز شریف نے بلاول بھٹو کو اس پیکیج کے حوالے سے ذاتی یقین دہانی کرائی تھی مگر گلگت بلتستان، خیبر پختونخوا، پنجاب اور خصوصاً جنوبی پنجاب کے عوام اب بھی اس کے منتظر ہیں۔

انہوں نے مزید کہا کہ چیئرمین پیپلز پارٹی نے درست نشاندہی کی کہ اقوام متحدہ کے پلیٹ فارم سے عالمی امداد کی اپیل میں تاخیر ناقابل فہم ہے پیپلز پارٹی ہر فورم پر عوام کی آواز بنے گی اور ایوانوں میں قراردادیں لا کر متاثرین کی بحالی کو قومی ایجنڈا بنایا جائے گا، چیئرمین بلاول بھٹو نے وسطی پنجاب، جنوبی پنجاب اور سندھ کے متاثرہ علاقوں کے دورے کیے اور بعد ازاں وزیر اعلیٰ سندھ اور صوبائی وزیر زراعت سے ملاقاتیں کیں تاکہ کسانوں کی بحالی کے لیے عملی منصوبہ بندی کی جا سکے، زرعی شعبہ سب سے زیادہ متاثر ہوا ہے اور کسان کو دوبارہ اپنے پیروں پر کھڑا کرنا بلاول بھٹو زرداری کا وژن ہے جس کے لیے سندھ حکومت عملی اقدامات کر رہی ہے اور وفاقی حکومت کے تعاون کی توقع رکھتی ہے۔

پاکستان تحریک انصاف (پی ٹی آئی) کراچی کے رہنما اور سابق رکن قومی اسمبلی آفتاب صدیقی کے گھر میں چوری کی واردات ہوئی ہے۔

ملزمان گھر سے 30 تولہ سونا لے گئے۔15 ہزار ریال اور 1 لاکھ روپے نقدی بھی چوری ہوئی۔گھر سے ایک پستول بھی غائب ہے۔واقعے کا مقدمہ درخشاں تھانے میں درج کر لیا گیا ہے۔مقدمہ رہنما کے سیکیورٹی گارڈ کی مدعیت میں درج کیا گیا۔پولیس کے مطابق سی سی ٹی وی فوٹیج حاصل کی جا رہی ہے تاکہ ملزمان کا سراغ لگایا جا سکے۔

ایس ایس پی ساؤتھ نے کہا ہے کہ واقعے کی تفتیش جاری ہے اور جلد ملزمان کو گرفتار کر لیا جائے گا۔

اسرائیلی فوج کی وحشیانہ بمباری، ایک دن میں 59 فلسطینی شہید

چارلی کرک کے مبینہ قاتل کو گرفتار کر لیا گیا

ورلڈ بینک اور سندھ حکومت کا کراچی ٹرانسپورٹ ماسٹر پلان پر گروپ قائم

کراچی ٹرانسپورٹ ماسٹر پلان پر پیش رفت کے ماہانہ جائزے کے لیے ورلڈ بینک اور سندھ حکومت نے مشترکہ ورکنگ گروپ تشکیل دے دیا۔

وزیراعلیٰ سندھ مراد علی شاہ نے کہا کہ کراچی کے لیے 15 ہزار بسوں کی ضرورت ہے، جبکہ 2 ہزار الیکٹرک بسیں ورلڈ بینک اور نجی شعبے کے تعاون سے لائی جائیں گی۔ورلڈ بینک کے پاکستان، شمالی افریقا اور مشرق وسطیٰ کے پریکٹس منیجر ٹرانسپورٹ ابراہیم خلیل ذکی کی قیادت میں وفد سے ملاقات میں وزیراعلیٰ نے ورلڈ بینک کی درخواست پر دھابیجی میں ٹرانسپورٹ انڈسٹری کے لیے اسپیشل اکنامک زون قائم کرنے کا وعدہ کیا۔

مراد علی شاہ نے بتایا کہ ماسٹر پلان میں یلو لائن، بی آر ٹی کے ساتھ ساتھ کراچی میٹرو (لائٹ ریل) کا منصوبہ بھی شامل ہے، جبکہ کراچی سرکلر ریلوے بھی جلد شروع کیا جائے گا۔سینئر وزیر شرجیل میمن کے مطابق بی آر ٹی یلو لائن کا منصوبہ داؤد چورنگی سے خالد بن ولید انٹر سیکشن تک 21 کلومیٹر طویل ہوگا اور اس پر 268 بسوں کا بیڑا چلایا جائے گا۔

پی آئی اے نے ٹورنٹو کیلئے تمام پروازیں معطل کر دیں

سندھ میں سیلاب کی تباہ کاریاں: کچے کے علاقے زیر آب، ہزاروں ایکڑ فصلیں تباہ

سندھ میں سیلاب کی تباہ کاریاں: کچے کے علاقے زیر آب، ہزاروں ایکڑ فصلیں تباہ

سعودی عرب کا توانائی انقلاب: 2030 تک 130 گیگاواٹ شمسی پیداوار کا ہدف

پنجاب میں تباہی مچانے کے بعد منہ زور سیلاب سندھ میں داخل ہوگیا، کندھکوٹ کے کچے کے تمام علاقے زیر آب آ گئے اور شہروں سے رابطہ منقطع ہوگیا۔

گڈو بیراج پر درمیانے درجے کے سیلاب کے باعث ہزاروں ایکڑ پر کھڑی فصلیں ڈوب گئیں جبکہ جیون خان گولو گاؤں کے مکینوں نے بروقت انخلا نہ ہونے پر احتجاج کیا۔حفاظتی بندوں پر دباؤ بڑھنے کے بعد کے کے بند اور اولڈ توڑی بند کو مضبوط بنانے کا کام جاری ہے.پروونشل رین اینڈ فلڈ ایمرجنسی مانیٹرنگ سیل کے مطابق دریائے چناب میں پنجند کے مقام پر انتہائی اونچے درجے کا سیلاب ہے جہاں پانی کی آمد و اخراج 6 لاکھ 64 ہزار 22 کیوسک ریکارڈ کیا گیا۔

گڈو بیراج پر درمیانہ سیلاب، آمد 5 لاکھ 37 ہزار 220 کیوسک، اخراج 5 لاکھ 5 ہزار 392 کیوسک۔سکھر بیراج پر درمیانہ سیلاب، آمد 4 لاکھ 60 ہزار 490 کیوسک، اخراج 4 لاکھ 22 ہزار 400 کیوسک۔کوٹری بیراج پر نچلا سیلاب، آمد 2 لاکھ 61 ہزار 234 کیوسک، اخراج 2 لاکھ 54 ہزار 354 کیوسک۔

محکمہ موسمیات کے مطابق 16 سے 19 ستمبر کے دوران نئی مغربی ہواؤں کے باعث بالائی علاقوں میں بارش کا امکان ہے جو بڑے دریاؤں کے کیچمنٹ ایریاز کو متاثر کرے گی۔پی ایم ڈی نے خبردار کیا ہے کہ 14 اور 15 ستمبر کے دوران دریائے سندھ میں گڈو کے مقام پر پانی کا بہاؤ بلند ترین سطح تک پہنچ سکتا ہے۔

پیپلز پارٹی کی سینیٹر شیری رحمٰن نے خبردار کیا ہے کہ پاکستان قومی غذائی اور انسانی بحران کے دہانے پر ہے۔ ان کا کہنا تھا کہ تباہ کن سیلاب کے باعث 1000 سے زائد جانیں ضائع ہو چکی ہیں، تقریباً 40 لاکھ افراد بے گھر اور 58 لاکھ متاثر ہو چکے ہیں۔ انہوں نے سینیٹ میں قرارداد پیش کرتے ہوئے فوری اور فیصلہ کن اقدامات پر زور دیا۔

سعودی عرب کا توانائی انقلاب: 2030 تک 130 گیگاواٹ شمسی پیداوار کا ہدف

بچوں سے رابطے، 7 اے آئی چیٹ بوٹ کمپنیوں کے خلاف تحقیقات شروع

ایمان مزاری کیس: وزارت داخلہ نے خصوصی پراسیکیوٹرز مقرر کر دیے

چھتیس گڑھ: بھارتی فورسز کی کارروائی میں 10 مقامی قبائلی ہلاک