Category: کراچی

خدمت عوام ویلفیئر آرگنائیزیشن (رجسٹرڈ) کے بانی و چیئرمین اور ممتاز سماجی کارکن زاہد رحیم نے غریب، ضروتمند آنکھوں(موتیا) کے مریضوں کے لیئے عقیلہ میموریل ہسپتال نارتھ کراچی کے اشتراک سے اور مشہور معروف آئی سرجن ڈاکٹر شایان شادانی کی نگرانی میں،53 واں مفت آئی کیمپ، بلڈ شوگر کیمپ مورخہ22 اگست بروز اتوار دوپہر 1 سے 5 بجے بمقام العربیہ اسکاوٹ ہیڈ آفس بالمقابل مونو ٹیکنک انسٹیٹیوٹ اردونگر ملیر میں اہتمام کیا ہے جس میں غریب، سفید پوش، ضروتمند موتیا کے مریضوں کا عقیلہ میموریل ہسپتال نارتھ کراچی میں مشہور ومعروف آئی سرجن ڈاکٹر شایان شادمانی فولڈ ایبل لینس کے ساتھ مفت آپریشن کرینگے جبکہ مریضوں کو ہسپتال لانے لیجانے کے لیے مفت ٹرانسپورٹ کی سہولت بھی فراہم کی جائیگی۔
نیز کروناسے بچائو کے لیئے ویکسینین کیمپ بھی منعقد کیا جارہاہے۔کیمپ آرگنائیزر زاہد رحیم نے عوام سے اپیل کی ہے براہ کرم اپنا شناختی کارڈ ضرور ساتھ لائیں اور پابندی وقت کا خاص خیال رکھیں۔

وزیراعلی سندھ کے معاون خصوصی برائے محکمہ بحالی خصوصی افراد سندھ صادق علی میمن کی ہدایت پر محکمے کی ایک ٹیم نے ریجنل ڈائریکٹر شہید بینظیر آباد عبدالحمید دھانی کی سربراہی میں نے گاں غلام محمد بروہی کا دورہ کیا۔ جہاں 12 افراد پر مشتمل ایک خاندان پر اسرار بیماری کا شکار ہے۔ یہاں یہ بات قابل ذکر ہے کہ وزیراعلی سندھ کے معاون خصوصی برائے محکمہ بحالی خصوصی افراد سندھ صادق علی میمن نے پراسرار بیماری میں مبتلا خاندان کے حوالے سے نجی ٹیلی ویژن پر نشر ہونے والی خبر کا نوٹس لیا تھا۔
محکمہ بحالی خصوصی افراد شہید بینظیر آباد کی ٹیم نے خاندان کے افراد کو آٹھ وہیل چیئرز اور 50 ہزار روپے فی کس دئیے اور راشن بھی فراہم کیا۔
وزیراعلی سندھ کے معاون خصوصی صادق علی میمن کی ہدایت پر ریجنل ڈائریکٹر شہید بینظیر آباد عبدالحمید دھانی نے اہل خانہ کو یقین دلایا کہ ان کے بچوں کو بھی خصوصی تعلیم کے سکول میں تعلیم فراہم کی جائے گی اور متاثرہ خاندان کو طبی سہولیات بھی فراہم کی جائیں گی۔ پراسرار بیماری میں مبتلا خاندان کے سربراہ نے وہیل چیئرز ، نقد رقم اور راشن فراہم کرنے پر وزیراعلی سندھ کے معاون خصوصی برائے محکمہ بحالی خصوصی افراد سندھ صادق علی میمن کا پر شکریہ ادا کیا۔

سندھ کے معروف سیاسی خاندان اور سابق وزیراعلی سندھ پیر الہی بخش (مرحوم)کے پوتے پیر مشتاق احمد ولد مرحوم پیر محمد نواز 77سال کی عمر میں کینیڈا میں رضائے الہی سے انتقال کرگئے۔ ان کی تدفین کینیڈاکے شہر ٹورنٹو میں ہوئی۔ مرحوم کی نماز جنازہ وتدفین میں بھائی پیر منصور صاحبزادے پیر امان اوردیگر رشتہ داروں نے شرکت کی۔
مرحوم انتہائی مخلص ، خوش اخلاق، سادگی اورسماجی کاموں میں پیش پیش رہتے تھے۔ ان کے انتقال پر ملال پر پی پی چیئرمین بلاول بھٹو زرداری، وزیراعلی سندھ سید مراد علی شاہ، اسپیکر سندھ اسمبلی آغا سراج درانی، سابق وزیراعلی سندھ سید قائم علی شاہ، فریال تالپور، میر منور تالپور، نفیسہ شاہ، سید اسد علی شاہ، صوبائی وزراسید ناصر حسین شاہ، پیر شبیر بجرانی، سعید غنی، سید سردار علی شاہ، مخدوم محبوب، نواب تیمورتالپور، قاسم نویر قمر، منظوروسان، مکیش کمارچالہ، اسماعیل راہو، فیاض بٹ، صادق میمن، لیاقت آسکائی، سید ضیاعباس شاہ، ایڈمنسٹریٹر کراچی مرتضی وہاب، پی پی رہنما پیر مظہر الحق، بھائی پیر معظم، پیر منور، پیر مکرم، ایم پی اے پیر مجیب الحق، شرجیل میمن، شہزاد قریشی، ایم پی اے لال چنداکرانی، ڈاکٹر سہراب سرکی، علی راشد، منور وسان، ڈاکٹر راکیش، نثار کھوڑو، سردار نادر گبول، قاسم سومروخواتین رہنما ناز بلوچ، ندا کھوڑو، شرمیلا فاروقی، تنزلہ قمرانی، ایم پی اے نصرت سحر عباسی، سعدیہ جاوید، ایم این اے غزالہ سیفی سمیت معروف کاروباری شخصیات ایس ایم منیر، زبیرطفیل، خالد تواب، شیخ عمر ریحان، مرزا اختیاربیگ، ندیم معاذ جی، شاہ خاندان کی بیگم اسماعلی شاہ، ڈاکٹر عمران علی شاہ، ڈاکٹر جنید علی شاہ، پردیسی گروپ کے حاجی رفیق پردیسی، حسنین پردیسی، عمیر انیس پردیسی، ایم پاک کے ذیشان الطاف لوہیا، شیخ امتیاز حسین، سید ناصروجاہت، احمد نفیس، جنید الرحمن، نعمان احمدانی، غیاث احمدانی، عیسی لیبارٹری کے ڈاکٹر فرحان عیسی، ٹریول انڈسٹری کے یحیی پولانی، طارق پولنی، خضرپولانی، سعد پولانی سمیت زندگی کے مختلف شعبوں کی سیکڑوں شخصیات نے پیر امان اور ان کے اہل خانہ سے گہری تعزیت اوررنج وغم کا اظہار کیا جبکہ ممتاز بزنس ٹائیکون ایس ایم منیر اور ان کے صاحبزادے ایس ایم عمران نے کینیڈا میں فون کرکے پیر امان کوتسلی دی اور مرحوم کے لئے دعا مغفرت کی۔

کورونا وائرس صورتحال سے مزید 10 مریض جاں بحق اور 1039 دیگر متاثر ہوئے ہیں ۔

گزشتہ 24 گھنٹوں کے دوران کورونا وائرس کے مزید 10 مریض انتقال کرگئے جس سے اموات کی تعداد 6566 ہوگئی ہے اور 14110 ٹیسٹ کیے جانے پر 1039 نئے کیسز سامنے آئے۔ یہ بات وزیراعلیٰ سندھ سید مراد علی شاہ نے جمعہ کو وزیراعلیٰ ہاؤس سے جاری ایک بیان میں کہی۔ انہوں نے مزید کہا کہ کورونا وائرس کے مزید 10 مریض اپنی جان سے ہاتھ دھو بیٹھے جس سے اموات کی تعداد 6566 ہو گئی ہے جو کہ شرح اموات کا 1.6 فیصد ہے۔ مراد علی شاہ نے کہا کہ 14110 نمونوں کی جانچ کی گئی جس میں سے 1039 کیسز کا پتہ چلا جو کہ 7.4 فیصد موجودہ تشخیصی شرح ہے۔ انہوں نے مزید کہا کہ اب تک 5362561 ٹیسٹ کئے جا چکے ہیں جن کے نتیجے میں418،61 کیسز کی تشخیص کی گئی ان میں سے 87 فیصد یعنی 364455 مریض صحتیاب ہو چکے ہیں جن میں گزشتہ 24 گھنٹوں کے دوران صحتیاب ہوانے والے 1306 مریض بھی شامل ہیں۔ وزیراعلیٰ سندھ نے کہا کہ اس وقت 47440 مریض زیر علاج ہیں ان میں سے 46149 گھروں میں ، 34 آئسولیشن مراکز میں اور 1257 مختلف اسپتالوں میں ہیں۔ انہوں نے مزید کہا کہ 1110 مریضوں کی حالت نازک بتائی گئی ہے جن میں 86 کو وینٹی لیٹرز پر منتقل کیا گیا ہے۔ بیان کے مطابق 1039 نئے کیسز میں سے 525 کا تعلق کراچی سے ہے جن میں ضلع شرقی 181 ، جنوبی 122 ، وسطی 104 ، کورنگی 64 ، غربی 34 اور ضلع ملیر 20 شامل ہیں۔ حیدرآباد میں 79 ، ٹھٹھہ 42 ، کشمور 39 ، میرپورخاص 37 ، مٹیاری 35 ، نوشہروفیروز 34 ، بدین 32 ، تھرپارکر 29 ، گھوٹکی 27 ، سکھر 26 ، سجاول 18 ، ٹنڈو اللہیار 17 ، عمرکوٹ اور شکارپور14-14 ، جیکب آباد 13 ، لاڑکانہ 6 ، شہید بینظیر آباد 4، دادو ، جامشورو ، سانگھڑ اور ٹنڈو محمد خان 3-3اور خیرپور 2 کیسز ہیں۔

مراد علی شاہ نے عوام پر زور دیا کہ وہ حکومت کی جانب سے جاری کردہ ایس او پیز پر عمل کریں۔ ویکسی نیشن کے اعداد و شمار کو شیئر کرتے ہوئے وزیراعلیٰ سندھ نے کہا کہ گزشتہ 24 گھنٹوں کے دوران 60712 ویکسین لگائی گئی- مجموعی طور پر 9846331 ویکسین لگائی گئی ہیں جو کہ آبادی کا 28.88 فیصد ہیں۔

ویسٹ، اورنگی ٹائون سے اسٹریٹ کرائم کی وارداتوں میں ملوث ملزمان گرفتار۔ ایس ایس پی ویسٹ سوہائی عزیزملزمان اورنگی ٹان کے مختلف علاقوں میں اسٹریٹ کرائم سمیت موٹرسائیکل لفٹنگ کی وارداتیں کرتے تھے۔
ایس ایچ او پیرآباد نے خفیہ اطلاع پر قصبہ موڑ کے قریب کاروئی کر کے ملزمان کو گرفتار کیاگرفتار ملزمان سے غیر قانونی اسلحہ بمعہ ایمونیشن اور مسروقہ موٹرسائیکل نمبری KGY-6885 برآمدگرفتار ملزمان سے دوران انٹروگیشن مزید ایک اور سرقہ شدہ موٹرسائیکل نمبری KKX-9612 برآمد1. برآمدہ موٹر سائیکل نمبری KGY-6885 کی سرقیدگی کا مقدمہ الزام نمبر 547/2021 تھانہ آرام باغ میں درج ہی2. برآمدہ موٹر سائیکل نمبری KKX-9612 کی سرقیدگی کی درخواست تھانہ مومن آباد میں داخل ہیگرفتار ملزمان کیخلاف مقدمہ الزام نمبر 717/2011 درج ملزمان کو مزید وارداتوں میں شناخت اور تفتیش کے لئے تفتیشی حکام کے حوالے کیا جائے گاملزمان سے برآمد اسلحہ فارنزک معائنے کیلئے بھیجا جائے گاگرفتار ملزمان میں اختر علی ولد باش خان اور شاہ رخ ولد گل زرین شامل ہیں۔

ایڈمنسٹریٹر کراچی ، ترجمان حکومت سندھ و مشیر قانون بیرسٹر مرتضیٰ وہاب نے کہا ہے کہ بوٹ بیسن کلفٹن پر فوڈ اسٹریٹ قائم کی جائے گی جسے جدید اور قدیم طرز و تعمیر کے تحت بنایا جائے گا، یہ بات انہوں نے بوٹ بیسن کلفٹن اور نشیبی علاقے میں جاری ترقیاتی کاموں کا جائزہ لیتے ہوئے کہی، اس موقع پر وزیراعلیٰ سندھ کے معاون خصوصی وقار مہدی، کراچی نیبرہڈ پروجیکٹ کے پروجیکٹ ڈائریکٹر اور کرم اللہ وقاصی بھی ان کے ہمراہ تھے، ایڈمنسٹریٹر کراچی کے دورے کے موقع پر کراچی نیبر ہڈ امپروومنٹ پروگرام کے پروجیکٹ ڈائریکٹر نے بوٹ بیسن کلفٹن پر فوڈ اسٹریٹ کے قیام سے متعلق تفصیلی بریفنگ دی اور بتایا کہ سندھ حکومت نے یہاں پر فوڈ اسٹریٹ کی تزئین و آرائش اور تعمیر کا کام شروع کرنے کا فیصلہ کیا ہے، ایڈمنسٹریٹر کراچی و ترجمان سندھ حکومت بیرسٹر مرتضیٰ وہا ب نے کہا کہ بوٹ بیسن فوڈ اسٹریٹ کے ساتھ واکنگ ٹریک اور دیگر سہولیات بھی فراہم کی جائیں گی اور اس فوڈ اسٹریٹ کی تعمیر میں جدید ٹیکنالوجی کے استعمال کے ساتھ ساتھ قدیم طرز تعمیر کو بھی پیش نظر رکھا جائے گا تاکہ قدیم و جدید کا خوبصورت امتزاج پیش کیا جاسکے، انہوں نے بوٹ بیسن پر جاری ترقیاتی کاموں کی تیزی سے تکمیل پر زور دیا اور کہا کہ یہ پروجیکٹ کراچی کے شہریوں کے لئے ساحل سمندر کے قریب ایک معیاری منصوبہ ثابت ہوگا جس سے شہریوں کی بڑی تعداد کو مستفید ہونے کا موقع میسر آئے گا، انہوں نے کہا کہ کراچی کے مختلف علاقوں میں فوڈ اسٹریٹ قائم کی گئی ہیں جن کا مقصد شہریوں کو بہتر سہولیات فراہم کرنا ہے، دنیا کے تمام بڑے شہروں میں اس طرز کی فوڈ اسٹریٹ قائم ہیں جہاں شہری اپنی فیملی کے ہمراہ آئوٹ ڈور ڈائننگ کے لئے آتے ہیں اور اس کے ساتھ دیگر تفریحی سہولیات بھی دستیاب ہوتی ہیں، ایڈمنسٹریٹر کراچی بیرسٹر مرتضیٰ وہاب نے اس پروجیکٹ کو ہر لحاظ سے بہتر اور مفید بنانے کی ہدایت کی اور کہا کہ سندھ حکومت شہریوں کی فلاح و بہبود کے لئے ہر ممکن اچھے اور موثر کام جاری رکھے گی، انہوں نے کہا کہ کراچی نیبر ہڈ امپروومنٹ پروجیکٹ شہر کا اہم ترقیاتی منصوبہ ہے جس کے ذریعے مختلف اہم علاقوں کو ترقی دی جارہی ہے اور سڑکوں ، فٹ پاتھوں ، چوراہوں اور دیگر مقامات کو جدید و خوبصورت بنایا جا رہا ہے انہوں نے امید ظاہر کی کہ بوٹ بیسن کلفٹن کے علاقے میں بھی اس پروجیکٹ پر عملدرآمد سے خاصی حد تک بہتری آئے گی اور شہریوں کو اس جگہ بہترین سہولیات ملیں گی، سندھ حکومت اس پروجیکٹ پر عملدرآمد کے سلسلے میں ہر ممکن تعاون کرے گی۔

امیر جماعت اسلامی پاکستان سراج الحق 21اگست کو آج سندھ کے دو روزہ دورے پر کراچی پہنچیں گے۔ صوبائی اعلامیہ کے مطابق وہ ہفتہ کو ٹنڈو الہیار، میرپورخاص اور کراچی میں جماعت اسلامی کے 80ویں یوم تاسیس کے حوالے سے منعقدہ جلسوں سے خطاب اور دیگر دعوتی و تنظیمی امور کا جائزہ لیں گے۔ جبکہ اتوار کو کراچی میں حکیم سعید شہد پارک گلشن اقبال میں سابق امیر سید منور حسن کی یاد میں منعقدہ جلسے سے خطاب کریں گے۔
دریں اثنائ امیر جماعت اسلامی سندھ محمد حسین محنتی نے حیدرآباد،ٹنڈو الہیار، جھڈو اور میرپورخاص کا دورہ اور ذمہ داران کے اجلاس میں امیر جماعت اسلامی سراج الحق کے دورے کے انتظامات کا جائزہ اور کارکنان کو ہدایات دیں۔
محمد حسین محنتی نے کہاکہ جماعت اسلامی اقامت دین کی عالمگیر تحریک ہے جو کہ اصلاح معاشرہ اور اللہ کی زمین پر اللہ کے نظام کے قیام کے لیے کوشاں ہے۔

باقی تمام پارٹیاں اور ناکام ہوچکے ہیں۔ اسلامی نظام اور دیانتدار قیادت ہی ملک کی نظریاتی و جغرافیائی سرحدوں کی حفاظت اور مہنگائی بیروزگار سمیت عوام کے تمام مسائل حل کرسکتے ہیں۔ جماعت اسلامی اپنے قیام کے روز اول سے اسی کے پیش نظر جدوجہد کر رہی ہے۔ ہفتہ کو امیر جماعت اسلامی سراج الحق کا دورہ سندھ اسی مقصد کی طرف اہم پیش رفت ثابت ہوگا۔ صوبائی نائب قیم محمد افضال آرائیں ، حاجی نور الاہی مغل، دیدار بہرانی، عبدالوحید کیکے یوتھ و برادر تنظیمات کے دیگر رہنما بھی اس موقع پر ان کے ہمراہ موجود تھے۔

کراچی میں محکمہ صحت کے عملے نے مردہ شخص کو بھی ویکسی نیٹڈ دکھا دیا، عبدالندیم کا ڈھائی سال پہلے انتقال ہوا گیا تھا، لیکن نادرا ریکارڈ کے مطابق انہیں 16 اگست 2021 میں ویکسین لگ چکی ہے۔
ڈیتھ سرٹیفکیٹ کے مطابق عبدالندیم کا 19 فروری 2019 کو انتقال ہوچکا ہے۔نادرا ریکارڈ میں مردہ شخص کو ویکسین لگانے کا اندراج اربن ہیلتھ سینٹر میں کیا گیا، نارتھ کراچی کے اربن ہیلتھ سینٹر کے ویکسینیٹر اطہر عالم نے نادرا ریکارڈ میں انٹری کی۔نادرا ریکارڈ کے مطابق عبدالندیم کو 16 اگست 2021 کو سائنو فارم کی ایک ڈوز لگائی گئی۔

گورنر سندھ عمران اسماعیل نے مرحوم جی ایم سید کے بیٹے سید امیر حیدر شاہ کے انتقال پر افسوس کا اظہار کیا ہے۔ گورنر سندھ نے مرحوم کے ایصال ثواب اور لواحقین کے لئے صبر جمیل کی دعا بھی کی۔
واضح رہے کہ سید امیر حیدر شاھ 8 محرم الحرام کو نجی اسپتال میں دم توڑ گئے تھے ۔

آل پرائیویٹ اسکولز ایسوسی ایشن سندھ نے بچوں کو سڑکوں پر پڑھانے کا اعلان کردیا ہے، سید طارق شاہ نے کہا کہ پیر سے سندھ میں اسکول نہ کھولے گئے تو بچوں کو سڑکوں پر پڑھائیں گے، جن پرائیویٹ اسکولوں کی ویکسی نیشن مکمل ہوچکی ہے، انہیں کیوں بند رکھا جا رہا ہے؟ تفصیلات کے مطابق آل پرائیویٹ اسکولز مینجمٹ ایسوسی ایشن سندھ کا سید طارق شاہ کی صدارت میں ہنگامی اجلاس ہوا، اجلاس میں سکول کھولنے سے متعلق آئندہ کے لائحہ عمل پر غور کیا گیا۔
آل سندھ پرائیویٹ اسکول ایسوسی ایشن کا سندھ حکومت سے پیر سے اسکول کھولنے کا مطالبہ کیا۔ اسکول نہ کھولنے کی صورت میں پرائیویٹ اسکول ایسوسی ایشن کا بچوں کو سڑکوں پر پڑھانے کا اعلان کیا۔
اسکول ایسوسی ایشن نے فیصلہ کیا کہ 23 اگست کے بعد تعلیمی نظام آوَٹ ڈور اسکولنگ پر منتقل کیا جائے گا۔ طارق شاہ نے کہا کہ جن پرائیویٹ اسکولوں کی ویکسی نیشن مکمل ہوچکی ہے، انہیں کیوں بند رکھا جا رہا ہے؟ اب بات پریس کانفرنس اور مطالبات سے آگے نکل گئی اب احتجاج کیا جائے گا۔

واضح رہے سندھ حکومت نے صوبے میں تمام اسکولز مزید ایک ہفتے تک بند رکھنے کا فیصلہ کیا ہے۔کراچی میں پریس کانفرنس کے دوران وزیراعلی سندھ مراد علی شاہ نے کہا کہ سندھ کے کاشت کار اور عوام مستقبل میں پانی کے شدید بحران کا سامنا کرسکتے ہیں، ہمارا مقصد وفاق اور ارسا کی زیادتیوں سے آگاہ کرنا ہے، ارسا ہمارے پانی کی کمی کا ازالہ کرے ، اس وقت ہمیں 19 فیصد شارٹیج ملی ہے۔
مراد علی شاہ نے کہا کہ اگر ارسا اپنی مرضی سے فیصلے کرتا رہا تو ہمیں شدید بحران کا سامنا ہوسکتا ہے اور یہ بحران شہروں میں پینے کے پانی تک پہنچ جائے گا لہذا سندھ کے ساتھ سوتیلی ماں کا سلوک بند کیا جائے۔وزیراعلی سندھ مراد علی شاہ نے صوبے میں مزید ایک ہفتے تک تمام اسکولز بند کرنے کا اعلان کرتے ہوئے کہا کہ مزید ایک ہفتے تک اسکولز بند رکھنے کا فیصلہ کیا ہے جب کہ اس ایک ہفتے کے دوران اساتذہ اپنی کورونا ویکسینیشن مکمل کروائیں۔