Category: کراچی

محکمہ موسمیات نے شہرقائد میں جاری تیزبارش کے باعث اربن فلڈنگ کا خدشہ ظاہرکیا ہے۔

کراچی کے مختلف علاقوں میں ہلکی اورتیزبارش کا سلسلہ آج ایک بارپھرجاری رہا۔ شہرمیں گلستان جوہر، موسمیات، آئی آئی چندریگرروڈ، صدر، شارع فیصل، ڈیفنس اورکلفٹن، یونیورسٹی روڈ، ایئرپورٹ، سعدی ٹاؤن، کورنگی، گلشن اقبال اورملیرمیں گرج چمک کے ساتھ تیزبارش ہوئی جب کہ متعدد علاقوں میں ہلکی بارش کا سلسلبہ بھی جاری رہا۔

بارش کے باعث شہرکے متعدد علاقے بجلی سے محروم ہوگئے جب کہ ٹریفک کی روانی بھی متاثرہوگئی ہے۔

سردارسرفرازچیف میٹرولوجسٹ کراچی کا اس متعلق کہنا ہے کہ شہرچاروں طرف سے بادلوں کی لپیٹ میں ہے، شہرمیں مزید ایک سے دوگھنٹے بارش ہوسکتی ہے۔ اگربارش تواترسے جاری رہی تو اربن فلڈنگ کا خدشہ ہے۔

چیف میٹرولوجسٹ نے کہا کہ سمندرمیں بننے والا کلاؤڈ ماس شہرکی جانب بھی بڑھ رہا ہے، ہوا کا کم دباؤ جوسمندر میں جنوب مشرق میں موجود تھا اس نے شدت اختیارکرلی ہے۔

کے الیکٹرک نے اپنے ٹوئٹ میں کہا کہ شہرکے مختلف علاقوں سے ہلکی سے تیزبارش کی اطلاعات موصول ہورہی ہیں، کے الیکٹرک کا عملہ صورتِحال کا جائزہ لے رہا ہے تاہم چند فیڈرزکو حفاظتی بنیادوں پر بند کیا جا سکتا ہے۔

سی این جی ایسوسی ایشن نے ملک بھر میں ایک بار پھر سی این جی کی قیمتوں میں اضافہ کا امکان ظاہر کردیا ہے۔

غیاث پراچہ رہنما سی این جی ایسوسی ایشن کے مطابق پنجاب میں سی این جی کی قیمت 18 روپے لیٹر بڑھ جائے گی جس کے بعد پنجاب اور اسلام آباد میں سی این جی کی قیمت 125 روپے فی لیٹر ہوجائے گی جب کہ سندھ میں سی این جی کی قیمت میں 28 روپے کلو اضافہ ہوجائے گا جس کے باعث سندھ میں سی این جی کی قیمت 192 روپے کلو ہوجائے گی۔

غیاث پراچہ نے کہا کہ ہم اوگرا کے نوٹیفکیشن کا انتظار کررہے ہیں، کچھ جگہوں پر سی این جی کی قیمت بڑھا دی گئی ہے، سی این جی پر ٹیکس بڑھانا اور پٹرول و ایل پی جی پر ٹیکس کم کرنا حیران کن ہے جس سے وزیراعظم کے وژن کے برعکس سی این جی قیمت میں ہوشربا اضافہ ہوگا۔

غیاث پراچہ کا کہنا تھا کہ حکومت سی این جی سیکٹر کے ٹیکسز میں کمی کرے، سی این جی سیکٹر کو بھی دیگر سیکٹرز کی طرح مراعات دی جائیں ورنہ ملکی تاریخ میں پہلی بار سی این جی پٹرول سے مہنگی ہوجائے گی اور اس اقدام سے ملک مہنگائی کے سیلاب میں ڈوب جائے گا۔

شہرقائد کے مختلف علاقوں میں ہلکی اور تیز بارش کا سلسلہ جاری ہے تاہم آئندہ 24 گھنٹوں کے دوران گرچ چمک کے ساتھ بارش کا امکان ہے۔

کراچی کے مختلف علاقوں میں ہلکی اور تیز بارش کا سلسلہ آج ایک بار پھر شروع ہوگیا۔ گلستان جوہرمیں گرج چمک کے ساتھ تیز بارش جاری جب کہ موسمیات، یونیورسٹی روڈ، ایئرپورٹ اور ملیرمیں ہلکی بارش جاری ہے۔

محکمہ موسمیات کے مطابق کراچی میں 24 گھنٹوں کے دوران گرچ چمک کے ساتھ بارش کا امکان ہے۔ شہرمیں مطلع جزوی اور کبھی مکمل ابرآلود رہے گا۔

محکمہ موسمیات کے مطابق ہوا میں نمی کا تناسب 75 فیصد ہے۔ شمال مغرب سے چلنے والی ہواؤں کی رفتار 11 کلومیٹرفی گھنٹہ ہے۔ کم سے کم درجہ حرارت 28.5 ڈگری سینٹی گریڈ ریکارڈ جب کہ زیادہ سے زیادہ درجہ حرارت 35 سے 37 ڈگری سینٹی گریڈ رہنے کا امکان ہے۔

دوسری جانب شہر کے مختلف علاقوں میں 2 روزسے کہیں ہلکی اورکہیں تیز بارش کا سلسلہ بھی جاری ہے تاہم حبس ختم نہیں ہوا۔

ڈی جی رینجرز میجرجنرل افتخارحسن چوہدری نے امن کے لیے قانون نافذ کرنے والے اداروں کے کردار اور شہدا کی قر بانیوں کوخراج تحسین پیش کرتے ہوئے کہا کراچی میں قائم امن قربانیوں کی مرہون منت ہے۔

تفصیلات کے مطابق ڈی جی رینجرز میجرجنرل افتخارحسن چوہدری نے سائٹ ایسوسی ایشن کا دورہ کیا ، اس موقع پر سائٹ ایسوسی ایشن کے صدرعبدالہادی اورپیٹرن ان چیف زبیرموتی والا نے ان کا استقبال کیا۔

ڈی جی رینجرز نے ایسوسی ایشن کےممبران سےملاقات کی ، جس میں امن کےلیےقانون نافذ کرنے والے اداروں کے کردار، شہدا کی قر بانیوں کوخراج تحسین پیش کرتے ہوئے شرکا کو سیکیورٹی کے لیے اقدامات سےآگاہ کیا۔

ڈی جی رینجرز نے کہا کہ کراچی میں قائم امن لوگوں قانون نافذ کرنے والے اداروں کی قربانیوں کی مرہون منت ہے، ادارے امن وامان مزید بہتر بنانے اور پاکستانی سرمایہ داروں کا اعتماد بحال کرنے کے لیے اقدامات کیے جارہے ہیں۔

انڈسٹریز کے ممبران نے قا نون نافذ کرنے والے اداروں کی خد مات کوسراہا ، جس پر ترجمان رینجرز نے کہا کہ بحالی امن کےاقدامات میں بھرپورتعاون کا یقین دلایاگیا۔

شہر قائد میں ہونے والی مون سون بارش نے انتظامی اقدامات اور دعوؤں کی قلعی کھول دی۔

کراچی کے مختلف علاقوں میں آج کہیں تیز اور کہیں ہلکی بارش ہوئی، اعداد و شمار کے مطابق شہر میں آج سب سےزیادہ بارش سرجانی میں 18 ملی میٹر ریکارڈ کی گئی جبکہ اورنگی ٹاؤن میں 10.6 ملی میٹر اور پی اے ایف بیس مسرور میں 10 ملی میٹر بارش ریکارڈ کی گئی۔ علاقہ ازیں ناظم آباد میں 5.2 ملی میٹر بارش ریکارڈ کی گئی۔

محکمہ موسمیات کی پیش گوئی کے بعد مقامی انتظامیہ نے بارش کے پیش نظر ایمرجنسی نافذ کرتے ہوئے ہنگامی اقدامات کیے تھے، جس کی چند گھنٹوں کی بارش نے قلعی کھول دی۔

انتظامیہ کی جانب سے نالوں کی صفائی کے دعوے بھی دھرے کے دھرے رہ گئے کیونکہ شادمان ٹاؤن کا نالہ تھوڑی سی بارش برداشت نہ کرسکا اور ابل پڑا جس کا پانی اطراف کی سڑکوں پر جمع ہوگیا۔

نالے میں طغیانی کے باعث شادمان کے علاقے 14 نمبر، سخی حسن قبرستان کے اطراف سیوریج کا پانی بھر گیا، سڑک پر غلاظت اور گندگی کے ڈھیر اور نالے کے پانی کی وجہ سے روانی کی روانی بری طرح سے متاثر ہوئی۔

شہر قائد سے گرفتار ایس آر اے دہشت گردوں کو جرمنی سے بھی ہدایات ملنے کا انکشاف سامنے آیا ،ملزمان نے بتایا کراچی میں لسانی بنیادوں پرخود و ہراس پھیلانے کے لیے احکامات ملتے تھے۔

تفصیلات کے مطابق کراچی کے علاقے کورنگی سےگرفتارایس آر اے دہشت گردوں نے تفتیش کےدوران چونکا دینے والے انکشافات کئے ، ملزمان نے بتایا کہ جرمنی سےشاہنوازبھٹو، افغانستان سےاصغرشاہ کےاحکامات ملتے ہیں اور شاہنواز بھٹو،اصغرشاہ کےاحکامات پر ایس آر اے کو عاقب چانڈیو چلا رہا ہے۔

ملزمان نے بیان میں کہا کہ کراچی میں لسانی بنیادوں پر خود و ہراس پھیلانے کے لیے احکامات اور غیر سندھیوں کو قتل کرنے کے احکامات ملتے تھے۔

پولیس کا کہنا ہے کہ محمدیونس اورسراج کو کورنگی پولیس نے 14 اگست کوگرفتارکیاتھا ، ملزمان کوایک شہری کوشدیدزخمی کرنے کےالزام میں گرفتار کیا گیا جبکہ اسی گروپ کےارکان نےلاڑکانہ میں بھی قتل کی وارداتیں کیں۔

حکام نے کہا ہے کہ ستاراورسہیل لاشاری کی تلاش میں پولیس چھاپوں کاسلسلہ جاری ہے۔

یاد رہے گزشتہ سال سندھ پولیس کے انسداد دہشت گردی کے محکمے نے کراچی اور گھوٹکی میں رینجرز کے موبائلوں اور چوکیوں پر گرینیڈ اور کریکر حملوں میں ملوث کالعدم سندھ انقلاب آرمی (ایس آر اے) سے منسلک چار ملزمان کو گرفتار کیا تھا۔

سی ٹی ڈی کے ڈی آئی جی عمر شاہد حامد نے کہا تھا کہ پولیس نے وفاقی خفیہ ایجنسی کے ساتھ مل کر ملزمان کو گرفتار کیا ، ان سے دستی بم اور پستول برآمد ہوئے۔

سندھ ہائی کورٹ نے غیرمعیاری دودھ کی فروخت کیخلاف آپریشن کاحکم دیتے ہوئے کمشنر کراچی کو 2ہفتےمیں رپورٹ جمع کرانے کی ہدایت کردی۔

تفصیلات کے مطابق سندھ ہائیکورٹ میں دودھ کی قیمتوں کے تعین کے معاملے پر سماعت ہوئی ، انتظامیہ کی کارکردگی پرجسٹس اقبال کلہوڑو نے برہمی کا اظہار کرتے ہوئے کمشنر کے نمائندے کو جھاڑ پلادی اور کہا آپ کچھ نہیں کررہے،شہریوں کےٹیکسزسےتنخواہیں دی جاتی ہیں، فوڈاتھارٹی سورہی ہے،شہری کیمیکل ملادودھ پینےپرمجبورہیں۔

عدالت نے سندھ فوڈ اتھارٹی کے وکیل سے استفسار کیا آپ کو پتہ ہے شہر میں دودھ کا کیا نرخ ہے؟ وکیل نے اعتراف کیا شہربھر میں دودھ 160روپے کلو فروخت ہو رہا ہے،اےسی نے بتایا کہ اکتوبرمیں رپورٹ پیش کی تھی، قیمت 110روپے کلو مقرر کی گئی تھی۔

جس پر عدالت نے کہا آپ نوٹیفکیشن نکال کر سو جاتے ہیں،نوٹیفکیشن نکالنا مسئلے کا حل نہیں، 160 روپے کلو بھی خالص دودھ مل جائے تو غنیمت ہے، کیمیکل ملے دودھ کی وجہ سے عوام ڈبے کا دودھ استعمال کررہی ہے۔

جسٹس اقبال کلہوڑو کا کہنا تھا کہ اندرون سندھ سے تو اطلاعات آتی ہیں کارروائی ہورہی ہے، کراچی کےشہریوں کومافیا کے رحم و کرم پر چھوڑ دیا گیا ہے، جس پر وکیل فوڈ اتھارٹی نے بتایا کہ گزشتہ دنوں سو سے زائد چھاپے مارے،جرمانے کیے گئے۔

جس پر عدالت نے پوچھا چھاپوں کےنتائج کیاہیں،عوام کو کیا فائدہ پہنچا، نتائج چاہتےہیں ، عدالت نے غیرمعیاری دودھ کی فروخت کیخلاف آپریشن کا حکم دیتے ہوئے کہا کمشنرکراچی آپریشن کی نگرانی کریں اور 2 ہفتے میں رپورٹ جمع کرائیں۔

سندھ ہائی کورٹ نے کمشنر کراچی کو ایک ماہ میں دودھ کی قیمتوں کے تعین کا حکم دیتے ہوئے کہا قیمتوں کے تعین کیلئے از سر نو طریقہ کاربنایا جائے، تمام اسٹیک ہولڈرز کے ساتھ مشاورت سے طریقہ کاراور قیمت کاتعین کریں۔