پاکستانی گلوکارہ کے شوہر اشتیاق بیگ نے نازیہ حسن کی موت سے متعلق زوہیب حسن کے الزامات مسترد کرتے ہوئے کہا زوہیب حسن کے خلاف ایک ارب کے ہرجانے کا دعوی دائر کررہا ہوں۔

تفصیلات کے مطابق پاکستانی گلوکارہ کے شوہر اشتیاق بیگ نے نازیہ حسن کی موت سے متعلق زوہیب حسن کے الزامات کو بے بنیاد اور من گھڑت قرار دیتے ہوئے مسترد کرتے ہوئے کہا نازیہ حسن کی موت کی تحقیقات اسکاٹ لینڈ یارڈ نے بھی کی تھی، اسکاٹ لینڈ یارڈ نے بھی قرار دیا تھا کہ موت کی وجہ کینسر تھی۔

اشتیاق بیگ کا کہنا تھا کہ زوہیب حسن نے جو الزامات عائد کیے وہ بہت سنگین ہیں، الزامات کا مقصد میری شہرت کو نقصان پہنچانا تھا ، وکیل کے ذریعے ایک ارب ہرجانے کا نوٹس جاری کیا تھا لیکن زوہیب حسن نےایک ماہ بعدبھی جواب دینے میں ناکام رہے اور الزامات واپس نہ لیے۔

نازیہ حسن کے شوہر نے کہا سندھ ہائی کورٹ میں زوہیب حسن کے خلاف ایک ارب کےہرجانے کا دعوی دائر کررہا ہوں۔

یاد رہے زوہیب حسن نے اپنی بہن کی موت کو قتل قرار دیتے ہوئےاشتیاق بیگ پر الزامات عائد کیے تھے کہ معروف پاکستانی گلوکارہ نازیہ حسن کو مبینہ طور پر کھانے یا چائے میں زہر ملا کر دیا گیا۔

بعد ازاں نازیہ حسن کے شوہر اشتیاق بیگ نے زوہیب حسن کو قانونی نوٹس بھیجتے ہوئے ایک ارب روپے ہرجانے کا دعویٰ دائر کیا تھا ، نوٹس کے متن میں لکھا گیا تھا کہ ’نازیہ حسن کی موت کا تصدیقی سرٹیفکیٹ برطانوی حکام نےجاری کیا تھا، جس میں موت کی وجہ کینسر بتائی گئی‘۔

اشتیاق بیگ نے اپنے اوپر عائد ہونے والے الزامات کو سختی سے مسترد کرتے ہوئے کہا تھا کہ نازیہ سے بہت محبت تھی، اسی لیے انتقال کے بعد دوسری شادی بھی نہیں کی، نازیہ کاانتقال کینسرکی وجہ سےہوا تھا۔

چیف میٹرولوجسٹ سردار سرفراز کا کہنا ہے کہ کراچی میں آج دن میں گرمی ہوگی تاہم دوپہر میں طوفانی بارشوں کا امکان ہے۔

چیف میٹرولوجسٹ سردار سرفرازکا کہنا ہے کہ شہر قائد میں آج گرمی بدستوررہے گی تاہم دوپہر میں طوفانی بارشوں کا امکان ہے۔

محکمہ موسمیات کا کہنا ہے کہ 4 ستمبرسے موسم معمول پر آجائے گا۔ گزشتہ سال کی نسبت اس دفعہ بارشیں کم ہوئی ہیں۔ اس دفعہ اگست میں 65 فیصد بارشیں کم ہوئیں تاہم ستمبر کے وسط تک بارش کے دو سپیل آنے کا بھی امکان ہے۔

دوسری جانب کراچی میں گزشتہ چند روزسے گرمی کی شدت میں بتدریج اضافہ ہوا ہے۔ سمندری ہوائیں بند ہونے کے باعث شہرمیں بلوچستان کی گرم وخشک ریگستانی ہوائیں چل رہی ہیں۔

واضح رہے کہ کل بھی شہرکے متعدد علاقوں میں موسلا دھاربارش ہوئی تھی۔

بھارتی ٹی وی کے معروف اداکار سدھارتھ شُکلا دل کے دورے کے باعث چل بسے۔

بھارتی ٹی وی کا جانا پہچانا چہرہ اور بگ باس 13 کے فاتح سدھارتھ شکلا دل کے دورے کے باعث چل بسے ان کی عمر صرف 40 برس تھی۔

بھارتی میڈیا کے مطابق ممبئی میں کوپر اسپتال کی انتظامیہ نے اداکار سدھارتھ کی موت کی خبر کی تصدیق ہے۔ اسپتال انتظامیہ کے مطابق سدھارتھ شکلا نے سونے سے قبل کچھ دوائیں کھائی تھیں اور اس کے بعد وہ جاگے ہی نہیں۔

بعد ازاں اسپتال نے تصدیق کی کہ سدھارتھ شکلا کی موت ہارٹ اٹیک کی وجہ سے ہوئی ہے۔ اداکار کی لاش کا پوسٹ مارٹم کیا جارہا ہے۔ جس کے بعد ان کی لاش گھر والوں کے حوالے کردی جائے گی۔

میڈیا رپورٹس کے مطابق سدھارتھ شکلا کو آج (جمعرات) کی صبح دل کا دورہ پڑا اور وہ جانبر نہ ہوسکے۔ سدھارتھ شکلا کی اچانک موت کی خبر ان کے مداحوں پر بجلی بن کر گری ہے اور ان کے چاہنے والوں سمیت بھارتی فلم انڈسٹری کے فنکار بھی صدمے میں ہیں۔

واضح رہے کہ سدھارتھ شکلا بھارتی ٹی وی کے مقبول ترین ڈرامے ’’بالیکا ودھو‘‘، ’’دل سے دل تک‘‘ رئیلیٹی شو ’’بگ باس‘‘، ’’خطروں کے کھلاڑی‘‘ اور ’’جھلک دکھلا جا 6‘‘ میں نظر آئے تھے۔ اس کے علاوہ انہوں نے کرن جوہر کی فلم ’’ہمپٹی شرما کی دلہنیا‘‘ میں بھی کام کیا تھا۔ بگ باس 13 جیتنے کے بعد سدھارتھ شکلا کو بے حد مقبولیت ملی تھی اور ان کا شمار بھارتی ٹی وی کے مقبول ترین اداکاروں میں ہوتا تھا۔

کراچی تاجر ایکشن کمیٹی نے حکومت سندھ کی جانب سے کراچی اور حیدرآباد کے تجارتی مراکز میں لاک ڈاؤن کو غیر منصفانہ قرار دیتے ہوئے اس اقدام کے خلاف جمعرات2 ستمبر کو ایم اے جناح روڈ پر بھوک ہڑتال کرنے کا اعلان کردیا ہے۔

آل کراچی تاجر ایکشن کمیٹی کے کنوینر محد رضوان نے بتایا کہ حکومت کے اپنے اعدادوشمار کے مطابق کراچی میں44 فیصد سے زائد شہریوں نے کورونا سے بچاؤ کی ویکسی نیشن کرالی ہے.

لیکن اس کے باوجود کراچی میں کاروباری شعبوں کو لاک ڈاؤن کے حصار میں جکڑا ہوا ہے جس سے محسوس ہوتاہے کہ کراچی میں سندھ حکومت نے لاک ڈاؤن کے حوالے سے دہرا معیار اپنایا ہوا ہے۔

انھوں نے بتایا کہ شہر کے سب سے بڑے کاروباری مرکز ضلع جنوبی میں 84 فیصد سے زائد ویکسی نیشن ہوچکی ہے، حکومت رات 10 بجے تک کاروبار کرنے کی اجازت دے اور اندرون سندھ کی طرح کراچی کے تاجروں کیلیے بھی ہفتے میں ایک دن کی چھٹی کا اعلان کرے ریسٹورنٹس میں ان ڈور ڈائننگ کی اجازت دی جائے اور ساتھ ہی شادی ہالوں کو بھی کام کی اجازت دے۔

ایڈمنسٹریٹر کراچی مرتضیٰ وہاب کا پاک کالونی میں واقع پارکوں کا دورہ۔

معاون خصوصی وزیر اعلیٰ سندھ آصف خان، ڈسٹرکٹ کمشنر مختار ابڑو، میونسپل کمشنر ضلع کیماڑی آفاق سعید،کے ایم سی اور کے ڈی اے کے افسران بھی ان کے ہمراہ تھے۔ گٹر باغیچہ میں واقع 162 ایکڑ رقبہ پر پارک تعمیر کیا جائے گا۔

ایڈمنسٹریٹر کراچی مرتضیٰ وہاب کا کہنا تھا کہ 10 ایکڑ پر واقع موجودہ پارک کو درست کرکے شہریوں کے لئے کھولا جائے گا۔ڈسٹرکٹ کیماڑی کے شہریوں کی تفریح کے لئے آئندہ دنوں میں یہ سب سے بڑا پارک ہوگا۔

موجودہ پارک کی صورتحال تباہی کا منظر پیش کررہی ہے۔ علاقے کے بنیادی مسائل کو حل کریں گے۔

علاقے سے اسٹریٹ کرائم کی وارداتوں کو فوری روکا جائے۔ ا یڈمنسٹریٹر کراچی مرتضیٰ وہاب کی علاقے کے ڈی ایس پی کو ہدایت .

کراچی کی تعمیر و ترقی کے لئے ماضی کو بھلا کر سب مل کر آگے بڑھیں۔
ک کالونی، گارڈن، پرانا گولیمار اور دیگر علاقے کے لوگوں کو یہ پارک بننے کے بعد سہولت حاصل ہوگی۔

ٹرانس لیاری پارک کی صورتحال کو مزید بہتر بنائیں گے اور ان دونوں پارکوں کی تزئین و آرائش کی جائے گی۔

شہر قائد میں 363 منشیات کے اڈے پولیس کی سرپرستی میں چلائے جانے کاانکشاف سامنے آیا ، جس کے بعد اسپیشل برانچ پولیس نے محکمے کی کالی بھیڑوں کی فہرست آئی جی سندھ کو ارسال کردی ہے۔

تفصیلات کے مطابق کراچی میں پولیس اہلکار اور افسران منشیات فروش بن گئے ، کراچی میں 363 منشیات کے اڈے پولیس سرپرستی میں چلائے جانے کے انکشاف کے بعد اسپیشل برانچ پولیس نے محکمے کی کالی بھیڑوں کی فہرست آئی سندھ کو ارسال کردی، فہرست میں ڈی ایس پیز اور ایس ایچ اوز کے نام شامل ہیں۔

رپورٹ میں بتایا گیا ہے کہ منشیات کے دھندے میں 100سےزائدافسران و اہلکاروں ملوث ہیں، افسران اوراہلکارآنکھیں بند کرنےکےعوض بھاری رقم لیاکرتےتھے، ہیروئن،افیون،آئس سب پولیس کی سرپرستی میں فروخت کیاجاتا ہے۔

اسپیشل برانچ کی رپورٹ میں کہا گیا کہ منشیات فروشی کا پولیس کو بھتہ دیاجاتاتھا، سٹی میں 42،کورنگی میں15 اڈوں ، ایسٹ میں20، ملیرمیں4 ،سینٹرل میں 169اڈوں سے بھتہ لیا جاتاہے جبکہ جنوبی میں28،ویسٹ میں منشیات کے87اڈے چلوانے کیلئے بھتہ لیا جاتا ہے۔

رپورٹ میں100سےزائدافسران،اہلکاروں کی نشاندہی کی گئی ہے ، جس کے بعد ملیرمیں منشیات فروشوں کی سرپرستی کرنے والوں کے خلاف ایکشن لیتے ہوئے 2اےایس آئی،ایک ہیڈ کانسٹیبل سمیت 8 اہلکاروں کو معطل کردیا گیا ہے۔