Category: کراچی

ابراہیم حیدری کا علاقہ جرائم پیشہ عناصر کی محفوظ پناہ گاہ بن گیا۔ جہاں پر منشیات فروشی ، مضرصحت گٹکا ماوے کے کارخانوں سمیت کچی شراب پولیس کی سرپرستی میں فروخت ہونگے۔جبکہ متعلقہ تھانے کا بیٹر ایس ایچ او کے نام پر ماہانہ 20 لاکھ روپے سے زائد رقم بٹورنے لگا۔ تفصیلات کے مطابق ابراہیم حیدری پولیس اسٹیشن کی حدود میں ایک بار پھر سے پولیس کی ایما پر جرائم پیشہ عناصر نے ڈیرے جما رکھے ہیں ، علی اکبر شاہ گوٹھ ، سوکواٹر ، الیاس گوٹھ ، علی گوٹھ سمیت 50 سی ایریا کے مختلف مقامات پر نشئی افراد کھلے عام نشہ کرتے دکھائی دیتے ہیں ، اور مذکورہ علاقوں میں قائم پان کے کیبنوں ، پرچوں کی دکانوں پر کھلم کھلا مضر صحت گٹکا ماوا اور چورا نامی گٹکا فروخت ہو رہا ہے۔
علاقے زرائع نے بتایا ہے کہ علی اکبر شاہ گوٹھ ، سوکواٹر ،علی گوٹھ اور الیاس گوٹھ کے علاقوں میں گٹکا ماوا کر سرغنوں نے کرائے پر مکان لینے کے بعد ان مکانوں میں مضر صحت گٹکا ماوا کے کارخانے بنا رکھے ہیں ، جہاں پر خواتین اور کم سن بچوں کے زریعے چورا نامی گٹکا ماوا تیار کروایا جاتا ہے ، مکروہ دھندے میں ارمان ، رحمان ، نور ، نور حسین ، امین ،ابراہیم ، کالا عرف شونا ، فرید عرف لمبا، ماجد ، حمید چھوٹا ، فیصل عرف باراہ سکا، عزیز ، اسامہ انچیا ،فیصل عرف لوٹا ، ابو عرف لمبا ، رفیق ، سلینم عرف فوتینااورسبحان شامل ہیں۔
زرائع کا کہنا ہے کہ گھروں میں تیار ہونیوالا چورا نامی گٹکا مذکورہ علاقوں سمیت زمان ٹا?ن ، کورنگی صنعتی ایریا اور کورنگی چار نمبر تک سپلائی کیاجاریا ہے ، اور انہی علاقوں میں جمشید ، حبیب اللہ ، شہزاد ، رشید اللہ ، ابو کلام عرف کانڑا، نو امین عرف ملاح ، عبیداللہ ، عمران عرف کالا ، ابراہیم عرف چھوٹو ، امین ، نور حیسن اور زاکر تیاری کے ساتھ ساتھ سپلائی میں بھی ملوث ہیں۔
اور مذکروہ عناصر کو ندیم نامی پرائیویٹ بیٹر ڈیل کرتاہے۔زرائع نے بتایا ہے کہ مضر صحت گٹکا ماوا کی تیاری میں ملوث سرغنوں کو الیاس گوٹھ میں اسگل شدہ چھالیہ کا ڈیلر نعمان چھالیہ فروخت کرتا ہے۔ زرائع نے بتایا ہے کہ ابراہیم حیدری تھانے کا پولیس بیٹر ندیم اپنے درست راز امین نامی شخص کی زریعے مذکورہ مضرصحت گٹکا ماوے کے کارخانے چلانے والوں سے ہفتہ وار فی کارخانہ ایک لاکھ روپے ، علاقے میں چورا سپلائیر سے 30 ہزار روپے فی ڈسٹرییوٹر اور فی پان کیبن و پرچون کی دکان سے 5 ہزار روپے وصول کرتا ہے ، گٹکا ماوا سرغنوں سے پولیس بیٹر ندیم تھانیدار کے نام پر ہفتہ 10 لاکھ روپے بٹور رہا ہے۔
اس ہی طرح ابراہیم حیدری کے علاقے علی اکبر شاہ گوٹھ ، اور الیاس گوٹھ میں منشیات چرس ،ہیروئن ، آئس کھلم کھلا فروخت ہورہی ہے۔ منشیات فروشوں نے گلیوں میں ڈیرے جما رکھے ہیں جن کی وجہ سے مین سوکوواٹر روڈ کے اطراف نشئی نشہ کرتے ٹولیوں کی شکل میں دکھائی دیتے ہیں۔ علاقے سے دستیاب معلومات کے مطابق علی اکبر شاہ گوٹھ میں جیل سے بدنام زمانہ دلدار نامی منشیات کا سرغنہ منظم نیٹ ورک چلا رہا ہے ، جس کے کارندے میں جمشید ، یوسف ، نور ، عثمان ،گورا چاند ، دلشاد ، جاوید ، خاتون نور فاظمہ عرف نوری ، لنگڑا نامی کارندہ اور آصف بلوچ نامی شخص چرس ، آئس ، ہیروئن فروخت کررہے ہیں۔
علاقہ مکینوں کے مطابق علی اکبر شاہ گوٹھ کی 4 گالیوں جن میں گلی نمبر نو ، دس ، پندراہ اور انیس نمبر اور ، جمعہ بلوچ گوٹھ ، واٹر پمپ ایریا، فٹبال گراونڈ ، قبرستان پاڑا میں دھڑلے سے منشیات فروخت کی جارہی ہے۔ مکینوں کا کہنا ہے کہ قبرستان پاڑا کے قریب منشیات فروش گورا چاند کے دیگر کارندے کئی بار پولیس موبائل پر فائرنگ بھی کرچکا ہے۔زرائع کا کہنا ہے کہ منشیات فروشوں سے بھی پولیس بیٹر ندیم باقاعدہ طور پر ہفتہ وار ایس ایچ او کے نام پر لاکھوں روپے بھتہ کے عیوض لیتا ہے۔
جبکہ متعلقہ تھانے کی ہی حدود سید پاڑا، میر جاموٹ جٹی کے قریب اور جماعت مارکیٹ میں کچی شراب سمیت ولائتی شراب بلیک میں فروخت کی جارہی ہے ، زرائع کا کہنا ہے کہ حسین اور اقبال میڈیکل والا کچی شراب کا مکروہ دھندہ چلا رہے ہیں۔ مکینوں نے بتایا ہے کہ چندہ قبل یہیں سے شراب ماہی گیر سمندر میں لے کر گئے تھے ، زہریلی شراب پینے سے 3 ماہی گیر جن میں سلیم ولد ابوطالب ، راشد ولد امیر یوسف زئی اورشہباز ولد نذید ہلاک اور 8 سے زائد افراد کی حالت غیر ہونے پر اسپتال منتقل کیا گیا تھا۔

نارتھ ناظم آباد میں بیکری میں ڈاکوؤں کی فائرنگ سے زخمی 2 بچوں کا باپ دوران علاج جاں بحق ہوگیا۔
تفصیلات کے مطابق تیموریہ کے علاقے نارتھ ناظم آباد بلاک ایم میں دوران ڈکیتی ڈاکووں کی فائرنگ سے شدید زخمی ہونے والے سعد انیس الرحمٰن نے دوران علاج زخموں کی تاب نہ لاتے ہوئے دم توڑ دیا، پولیس کے مطابق دوران ڈکیتی مزاحمت پر فائرنگ کا واقعہ 7 اگست کو تیموریہ تھانے کی حدود میں قائم بیکری کے اندر پیش آیا تھا جبکہ مقتول کو سر پر گولی لگی تھی، مقتول 2 بچوں کا باپ اور گلزار ہجری اسکیم 33 کا رہائشی بتایا جاتا ہے، تاہم پولیس نے ضابطے کی کارروائی کے بعد لاش ورثا کے حوالے کر دی۔

سندھ کے وزیر اطلاعات سعید غنی نے کہا کہ ایف آئی اے میں پیش نہیں ہوں گا، دیکھنا چاہتا ہوں کہ میرے خلاف کیا کارروائی ہو گی ۔
کراچی میں میڈیا سے گفتگو کرتے ہوئے سعیدغنی نے بتایا کہ چیف جسٹس آف پاکستان کے خلاف نازیبا الفاظ کے استعمال کے معاملے پر ایف آئی اے نے نوٹس کی ہارڈ کاپی بھجوا دی ہے۔ ایف آئی اے نے کہا ہے کہ پیش نہ ہوئے تو ضابطہ فوجداری کے تحت کارروائی کریں گے۔سعید غنی نے کہا کہ میں دیکھنا چاہتا ہوں کہ کیا کارروائی ہو گی، اسے انجوائے کرنا چاہتا ہوں۔

محرم میں امن وہم آہنگی کا فروغ ائمہ مساجد اور خطبا کی ذمہ داری ہے ، واقعہ کربلا انسانی تاریخ کی عظیم اور ناقابل فراموش قربانی ہے،فرقہ واریت کا فروغ طعن وتشنیع صحابہ واہل بیت کی توہین علما کا شیوہ نہیں ہے ، حکومت قیام امن ومذہبی ہم آہنگی کے فروغ کیلئے دیرپا اقدامات کرے،ان خیالات کا اظہار مہتمم مفتی نعما ن نعیم نے گزشتہ روز جامعہ بنوریہ میں علما کرام کے اجلاس سے گفتگوکرتے ہوئے کیا۔
اجلاس میں نائب مہتمم مولانا فرحان نعیم ، ناظم تعلیمات وشیخ الحدیث مولانا عبدالحمید خان غوری ،مولانا الیاس، مولانا آفتاب الحق سمیت دیگر علما وائمہ مساجد شریک تھے ۔ انہوںنے کہاکہ محرم الحرام امت مسلمہ کو اخوت اور دین اسلام کی خاطر ہرقسم کی قربانی کادرس دیتاہے لیکن ماہ محرم آتے ہی وطن عزیز میں فرقہ واریت کو ہوا دینے کی کوشش کی جاتی ہے جس پر افسوس ہوتاہے ، انہوںنے کہاکہ صحابہ واہل بیت سے محبت ایمان کا حصہ ہے واقعہ کربلا انسانی تاریخ کی وہ عظیم قربانی ہے جسے کبھی فراموش نہیں کیا جاسکتا، حضرت حسین نے حق پر ڈٹ کر ثابت کردیا کہ مسلمان حق کیلئے خاندان ، قبیلے،اوررشتہ داری کی پروا نہیں کرتا بلکہ حق کیلئے جان کی قربانی پر فخر محسوس کرتاہے،انہوں نے کہاکہ حکومت ملک بھر میں قیام امن و ہم آہنگی کو فروغ دینے کیلئے دیر پا اقدامات کی طرف توجہ دے،،فرقہ واریت کا فروغ ریٹنگ کیلئے طعن وتشنیع صحابہ واہل بیت کی توہین علما کا شیوہ نہیں ہے، سوشل میڈیا کے ذریعے مقدس شخصیات پر طعن کرنے والوں کے خلاف کاروائی کی جائے اور سدباب کیلئے اقدامات کیے جائیں ۔
انہوں نے مزیدکہا کہ حکومت کے ساتھ ساتھ مختلف مکاتب فکر کے علما کرام اور عوام پر بھی ذمہ داری عائد ہوتی ہے کہ وہ امن وامان اور بھائی چارگی کی فضا قائم رکھنے کیلئے اپنا بھر پور کردار ادا کریں۔

کراچی کے علاقے صدر میں نو پارکنگ کے نام پر کار میں بیٹھی خاتون کی زندگی خطرے میں ڈال دی گئی، لفٹر نے خاتون ڈرائیور کی کار میں موجودگی کے دوران ہی کار لفٹ کرلی۔
ریگل چوک پر لفٹر نے خاتون ڈرائیور کی کار میں موجودگی کے دوران ہی کار لفٹ کرلی، شہریوں کا الزام ہے کہ صدر میں ٹریفک پولیس نے شہریوں کے ساتھ بدمعاشی معمول بنالی ہے۔

اس موقع پر سیکشن افسر امیر منہاس کے مطابق خاتون کو رانگ سائیڈ آنے پر روکا تو غلطی ماننے کے بجائے بدتمیزی کی تھانے لے جاکر چالان کیا تو معافی نامہ لکھ کر دے دیا۔ذرائع کا کہنا ہے کہ کار لفٹنگ کا عملہ ٹریفک پولیس کا حصہ نہیں ہے، کار لفٹنگ اور چالان پر عملے اور ٹریفک پولیس اہلکاروں کو کمیشن ملتا ہے۔

پاکستان تحریک انصاف کے رہنماء و رکن سندھ اسمبلی راجہ اظہر نے کہا کہ میرے حلقے پی ایس 97 کورنگی کے علاقے کرسچن ٹاؤن میں شراب خانہ موجود ہے یہ شراب چکرا گوٹھ اور دیگر علاقوں میں کھلے عام فروخت کی جاتی ہیشراب خانوں کیخلاف تھانوں میں مقدمات درج ہیں شراب خانوں کیخلاف سخت کارروائی عمل نہیں لائی جاتی ہم بحیثیت اپوزیشن شراب خانوں کیخلاف حکومت کا ساتھ دینے کیلئے تیار ہیں نوجوان نسل کو اس نشے کی لت سے بچایا جائے کراچی کی نوجوان نسل نشے کی لت سے تباہ ہورہی ہے صوبائی وزیر کورنگی میں جاری شراب خانوں کے خلاف کاروائی عمل میں لائیں کراچی میں آئس کا نشہ بھی کم عمر بچے بچیوں میں عام ہوتا جارہا ہے ان شراب خانوں کیخلاف بروقت کاروائی عمل میں نہیں لائی گئی تو نوجوان نسل تباہی کے دہانے پر پہنچ سکتی ہے نشے کی لت نوجوانوں میں جسمانی اور ذہنی صلاحیت کو کم کررہی ہے سندھ حکومت کی جانب سے نشے کے عادی افراد کیلئے ایسی سرگرمیاں متعارف کرانے کی ضرورت ہے جس سے نوجوانوں میں آگے بڑھنے کا حوصلہ بڑھیکورنگی کے نوجوانوں کو نشے کی لت سے بچانے کیلئے سب سے پہلے شراب خانوں کیخلاف گرینڈ ایکشن کی ضرورت ہے۔

سندھ کے وزیرِ اعلی مرادعلی شاہ نے گھر میں آگ لگنے سے پروفیسر فرحت مرزا کے انتقال پر اظہارِ افسوس کیا ہے۔
سندھ کے وزیرِ اعلی مرادعلی شاہ کے ترجمان کے مطابق وزیرِ اعلی سندھ نے مرحوم کی مغفرت اور خاندان کو صبرِ جمیل کے لیے دعا کی ہے۔واضح رہے کہ گزشتہ شب کراچی کے علاقے محمد علی سوسائٹی میں میراں شاہ روڈ پر واقع گھر میں آگ لگنے سے دھواں بھر جانے کے باعث دم گھٹنے سے 2 خواتین سمیت 5 افراد جاں بحق ہو گئے تھے۔جاں بحق ہونے والوں میں جناح سندھ میڈیکل یونیورسٹی کے پروفیسر فرحت مرزا بھی شامل تھے۔

تفصیلات کے مطابق سی ٹی ڈی نے عزیر بلوچ کے حکم پر 10 افراد کو قتل کرنے والے لیاری گینگ وار کے ٹارگٹ کلر کو گرفتار کرلیا ہے۔
نجی ٹی کی کے مطابق سی ٹی ڈی نے پرانا گولیمار میں کارروائی کرتے ہوئے ملزم شہریار عرف شریل کو گرفتار کرلیا، ملزم رحمان بلوچ کا داماد ہے جس نے عزیر بلوچ کے کہنے پر سال 2014ء میں 10 افراد کو قتل کیا۔سی ٹی ڈی کے مطابق ملزم نے اپنے جرم کا اعتراف کرتے ہوئے کہا کہ اُس نے پاک کالونی میں پولیس اہلکار فاروق کو شہید کیا، کئی افراد کو قتل کرکے ان کی لاشیں نالے میں پھینکیں، انور کوجک کے بھائی پٹھان کو دیگر ساتھیوں کے ساتھ مل کر قتل کیا اور لاش ندی میں پھینکی، ملزم پرانا گولیمار اور لیاری سے بھتہ وصول کرتا تھا، ملزم سے مزید تحقیقات جاری ہیں جس میں کئی اہم انکشافات متوقع ہیں۔
میں لوگوں کو قتل کر کے اُن کی لاشیں نالے میں پھینک دیتا تھا ۔پاک کالونی میں پولیس اہلکار کو شہید کیا، کئی افراد کو قتل کرکے ان کی لاشیں نالے میں پھینکیں، انور کوجک کے بھائی پٹھان کو دیگر ساتھیوں کے ساتھ مل کر قتل کیا اور لاش ندی میں پھینکی ۔ ملزم نے تہلکہ خیز انکشافات کر دئیے ۔
واضح رہے کہ گزشتہ ماہ کالعدم پیپلز امن کمیٹی کے سربراہ عزیر بلوچ نے ایرانی خفیہ ایجنسی کو پاکستان کی حساس معلومات دینے کا اعتراف کیا تھا۔کراچی سینٹرل جیل میں انسداد دہشت گردی کی خصوصی عدالت میں رینجرز اہلکاروں کے قتل کیس میں جمع کرائے گئے گینگ وار کے سرغنہ کے اقبالی بیان میں عذیر بلوچ نے سابق صدر آصف زرداری، اویس مظفر ٹپی، شرجیل میمن و دیگر کے بھی راز کھول دئیے۔
عذیر بلوچ نے ایرانی خفیہ ایجنسی کو پاکستان کی حساس معلومات دینے کا بھی اعتراف کرلیا تھا۔اعترافی بیان کے مطابق اویس مظفر ٹپی کو آصف زرداری کے لیئے 14 شوگر ملوں پر قبضے میں مدد کی جو کم پیسے دیکر خریدیں گئیں، میں نے آصف زرداری کے کہنے پر اپنے گروہ کے 15 سے 20 لڑکے بلاول ہاؤس بھیجے، لڑکوں نے بلاول ہاؤس کے گردہ نواح میں 30 سے 40 بنگلے اور فلیٹ زبردستی خالی کرائے، ان بنگلوں اور فلیٹس خریدنے کے لئے آصف زرداری نے انتہائی کم قیمت ادا کی۔
اقبالی بیان میں کہا گیا کہ ایرانی خفیہ ایجنسی کے حاجی ناصر کے ساتھ ایران گیا اور اس نے ایرانی خفیہ ایجنسی کے افسران سے ملاقات کرائی، ایرانی خفیہ ایجنسی نے میری حفاظت کی ضمانت دی اور بدلے میں مجھ سے معلومات دینے کا مطالبہ کیا جس پر میں راضی ہوگیا، ایرانی انٹیلی جنس کو میں نے کراچی میں آرمڈ فورسز کے اعلی افسران اور اہم تنصیبات کے نام بتائے، ایران کو کراچی کے حساس اداروں کے اعلی افسران کے نام اور رہائشگاہوں کی معلومات بھی دی۔

کراچی کے ساحل پر پھنسے جہاز کا ریسکیو آپریشن سلجھنے کے بجائے مزید الجھ گیا.

ساحل پر پھنسے جہاز کو نکالنے والی کرین بردار بوٹ کے بھی اینکرز خراب ہوگئے اور کرین بردار بوٹ بھی ساحل پرپھنس گئی۔

تفصیلات کے مطابق کراچی کے ساحل پر پھنسے جہاز کا ریسکیو آپریشن سلجھنے کے بجائے مزید الجھ گیا، جہازکو نکالنے والی کرین بردار بوٹ کے بھی اینکرز خراب ہوگئے اور کرین بردار بوٹ بھی پھنسےہوئے جہاز کی طرح ساحل پرپھنس گئی۔

جہازنکالنے کے لیے کل ہونے والا آپریشن بھی خطرے میں پڑ گیا، ریسکیوذرائع کا کہنا ہے کہ جہازسے قبل کرین بردار بوٹ کوساحل سےنکالنا ہوگا، آج جہاز کے ریسکیوآپریشن سے قبل کرین بارج کو ریسکیو کیا جائے گا، کرین بارج کے لیے ریسکیوآپریشن آج شروع ہوگا۔

گذشتہ روز متعلقہ ٹیم کو آپریشن کے دوسرے روز بھی ناکامی کا سامنا کرنا پڑا تھا ، جس کے بعد حکام نے آپریشن ملتوی کردیا گیا تھا ، حکام کا کہنا تھا کہ کرین بردار بوٹ میں تکنیکی خرابی کی وجہ سے لنگر ڈراپ نہیں ہوپایا، کرین بردار کشتی کو 400میٹر قریب لاکر جہاز سے رسہ باندھنے کی کوشش کی گئی۔

حکام نے بتایا کہ اینکر ڈالنے والی ٹگ بوٹ جہاز سے600میٹر تک قریب پہنچ سکی، اینکر اور دیگر چیزیں وقت پر ہوئیں تو کل12بجے آپریشن دوبارہ شروع کریں گے۔

خیال رہے کہ وزارتِ جہاز رانی نے کراچی کے ساحل پر پھنسنے والے نجی کمپنی کے مال بردار جہاز ہینگ ٹانگ 77 کو ناکارہ قرار دیتے ہوئے قبضے میں لے لیا ہے۔ اسی ضمن میں وفاقی وزیر بحری امور علی زیدی نے اپنے ٹوئٹر پیغام میں کہا تھا کہ جہاز کو پورٹ اسٹیٹ رول کے تحت تحویل میں لیا گیا۔

دودھ کی قیمت میں اضافے کے خلاف درخواست کی سماعت

اسسٹینٹ کمشنر اعجاز حسین عدالت میں پیش عدالت نے کمشنر کراچی کو ایک ماہ میں دودھ کی قیمت کا تعین کرنے کی ہدایت کردی.

عدالت کا کمشنر کراچی سے دودھ کی قیمت کا مسئلہ ایک ماہ میں حل کرنے سے متعلق تحریری یقین دہانی جمع کرانے کا حکم دے دیا۔

اگر ایک ماہ میں دودھ کی قیمت کا تعین نہ کیا تو توہین عدالت کی کاروائی کی جائے گی.عدالت نے دودھ کی قیمت 94 روپے مقرر کی تھی.

ڈیری فارمر،ریلٹیر نے دودھ کی قیمت بڑھا کر 130 روپے فی لیٹر فروخت کررہے ہیں.کمشنر کراچی کی جانب سے عدالت کو یقین دہانی کرائی گئی تھی کہ اسٹیک ہولڈرز کے ساتھ مل کر دودھ کی قیمت کا مسئلہ حل کرائیں گے.