Category: قصور

قصور

محکمہ واپڈا کے ستائے لوگوں نے سخت احتجاج کیا،لوگ پچھلے چھ ماہ سے سخت پریشان ہیں

تفصیلات کے مطابق لیسکو ڈویژن پھولنگر سب ڈویژن سرائے مغل فیڈر ہلہ کے علاقہ سرائے مغل کی مین مارکیٹ والا ٹرانسفارمر پچھلے چھ ماہ سے لوگوں کیلئے عذاب بنا ہوا ہے اور آئے روز جل جاتا ہے
اب ایک بار پھر شدید گرمی میں گزشتہ چار دن سے جلا ہوا جس کی اطلاع محکمہ کو دی گئی تو واپڈا والے دیکھ کر چلے گئے اور کوئی جواب نہیں دیا گیا لوگوں کا کہنا ہے کہ پچھلے چھ ماہ سے ایسا ہی ہو رہا ہے
لوگوں نے تنگ آکر گزشتہ دن واپڈا کے خلاف سخت احتجاج کیا اور نعرے بازی کی
لوگوں نے ڈی سی قصور اور ایس ای لیسکو قصور سے مطالبہ کیا ہے کہ ہمارا مسئلہ جلد سے جلد حل کیا جائے اور راشی کرپٹ واپڈا اہلکاروں کے خلاف سخت سے سخت کاروائی کی جائے

قصور
کل گاڑی تلے کچلی جانے والی کم سن لڑکی ہسپتال میں وفات پا گئی

تفصیلات کے مطابق قصور رائیونڈ روڈ کھاڑا موڑ پر واقع بھٹہ خشت حاجی نواز پر کام کرنے والے محنت کش نزیر کی 14 سالہ بیٹی ثناء کل دوپہر کو سڑک کنارے کچے راستے پر کھڑی تھی کہ گاڑی نے اسے کچل دیا
ریکسیو 1122 نے لڑکی کو ہسپتال منتقل کیا جہاں اس کا علاج کیا گیا تاہم چوٹیں زیادہ آنے اور خون زیادہ بہہ جانے کے باعث لڑکی جانبر نا ہو سکی اور چند گھنٹوں بعد فوت ہو گئی
کار کا ڈرائیور گاڑی بھگا کر لے گیا تھا جس کا بھٹی ہسپتال تک پیچھا کیا گیا تاہم کار سوار رش کا فائدہ اٹھا کر بھاگ نکلنے میں کامیاب ہو گیا تھا

ثناء کے والد نے ڈی پی او قصور و انچارج ٹریفک پولیس قصور سے استدعا کی ہے کہ بھٹہ خشت سے چند میٹر دوری پر لگے سیف سٹی کے کیمروں کی مدد سے کار کی پہچان کرکے ڈرائیور کو فوری گرفتار کیا جائے اور انصاف مہیا کیا جائے

قصور
بھٹہ خشت پر کام کرنے والے مزدور کی بیٹی کو گاڑی نے کچل دیا،ہسپتال منتقل ،حالت تشویشناک

تفصیلات کے مطابق قصور رائیونڈ روڈ کھاڑا موڑ پر واقع بھٹہ خشت حاجی نواز پر کام کرنے والے محنت کش نزیر کی 14 سالہ بیٹی ثناء سڑک کنارے کچے راستے پر کھڑی تھی کہ نامعلوم کلٹس کار سلور کلر نے گاڑی اس پر چڑھا دی جس کے باعث ثناء کو سخت چوٹیں آئی ہیں
عینی شاہدین کے مطابق لڑکی دوپہر 12 بجے کے قریب سڑک سے نیچے کھڑی تھی کہ تیز رفتار ترین کلٹس کار نے اسے کچل دیا اور فوری موقع سے فرار ہو گئی
عینی شاہدین کا کہنا ہے کہ گردو غبار کے باعث گاڑی کا نمبر نا پڑھا جا سکا
ہسپتال میں زخمی ثناء کی حالت تشویشناک ہے
ثناء کے والد نے ڈی پی او قصور و انچارج ٹریفک پولیس قصور سے استدعا کی ہے کہ بھٹہ خشت سے چند میٹر دوری پر لگے سیف سٹی کے کیمروں کی مدد سے کلٹس کار کے ڈرائیور کو فوری گرفتار کیا جائے

قصور
تحریک اللہ اکبر گنڈا سنگھ قصور کے صدر عبداللہ شاہین کے ہاتھ پر 7 افراد کا قبول اسلام

تفصیلات کے مطابق تحریک اللہ اکبر گنڈا سنگھ قصور کے صدر عبداللہ شاہین کے ہاتھ پر 7 افراد نے اسلام قبول کیا ہے
موضع کجیاں والا نزد گنڈا سنگھ قصور میں عبداللہ شاہین صدر تحریک اللہ اکبر گنڈا سنگھ،محمد زکریا ،محمدافتخار،،حافظ مدثر،چوہدری ظفر و عبدالرؤف کی خصوصی کاوش پر 7 افراد نے عیسائیت چھوڑ کر اسلام قبول کر لیا
مسلمان ہونے والوں میں 4 مرد اور 3 عورتیں شامل ہیں
گزشتہ دنوں عبداللہ شاہین نے جامع مسجد اہلحدیث کجیاں والا میں اسلام قبول کرنے والوں کو کملہ پڑھایا
نو مسلموں کا کہنا ہے کہ انہوں نے اسلام کا ذاتی طور پر مطالعہ کیا اور اپنی خوشی سے قبول اسلام کیا ہے اور اب ان شاءاللہ باقی زندگی اسلام کے نام پر ہی گزرے گی
نومسلموں کا کہنا ہے کہ انہوں نے کافی دیر تک اسلام کا مطالعہ کیا اور اہلیان علاقہ سے اسلام بارے سوال جواب کئے جن کا اہلیان علاقہ نے مدلل جواب دیا تو ہم پر یہ ماننا لازم ٹھہرا کہ اسلام ہی دین کامل ہے
اہلیان علاقہ نے نو مسلموں کو مبارکباد دی اور ہر طرح کے تعاون کی یقین دہانی کروائی ہے

قصور
کنگن پور و گردونواح میں چور ڈاکو بے لگا،شہری دن دیہاڑے لٹنے لگے،ڈی پی او قصور سے نوٹس کی اپیل

تفصیلات کے مطابق قصور کی تحصیل چونیاں کے شہر کنگن پور و گردونواح میں چور ڈاکو بے لگا ہو چکے ہیں جا کے باعث شہری دن دیہاڑے لٹ رہے ہیں
کل کنگن پور کے نواحی گاؤں موضع چاہل نو کا نوجوان محمد ندیم ڈیزل لینے کی غرض سے کنگن پور جارہا تھا کہ راستے میں ڈاکو عوام کو لوٹنے میں مصروف تھے
ڈاکوؤں نے نوجوان ندیم کو بھی رکنے کا اشارہ کیا گیا مگر تیز رفتاری سے وہ آگے گزر گیا جس پر ڈاکوؤں نے فائر کیا جو ندیم کی کمر میں لگا اور وہ زخمی ہو گیا
وقوعہ کی اطلاع پاکر پولیس موقع پر پہنچی اور کاروائی کا آغاز کیا
واضع رہے کہ کنگن پور موکل روڈ پر پر پچھلے دو تین ماہ سے وقتاً فوقتاً کم و بیش 52 سے ،30 وارداتیں ہوچکی ہیں جس میں صبح سبزی منڈی جانے والے غریب دکان داروں کو بھی لوٹا گیا ہے جو اب ڈر کے مارے لیٹ جانے لگے ہیں نیز ان وارداتوں میں کئی لوگ اپنی موٹر سائیکلوں، نقدی و موبائل فون سے ہاتھ دھو بیٹھے ہیں

شہریوں کی ایس ایچ او کنگن پور اور ڈی پی او قصور سے مؤدبانہ گزارش ہے کہ ان بے لگام ڈاکوؤں کو جلد از جلد گرفتار کرکے کیفر کردار تک پہنچایا جائے تاکہ اہلیانِ تھانہ کنگن پور سکھ کا سانس لے سکیں

قصور
بابائے صحافت،بزرگ صحافی الحاج ڈاکٹر فضل الرحیم ادائیگی عمرہ کے بعد پاکستان پہنچ گئے

تفصیلات کے مطابق بابائے صحافت قصور،
چیٸرمین سپریم کونسل ڈسٹرکٹ پریس کلب قصور الحاج ڈاکٹر فضل الرحیم ادائیگی عمرہ کے بعد پاکستان واپس پہنچ گٸے
انہوں نے ماہ رمضان اور عید الفطر خانہ کعبہ اور روزہ رسولﷺ کی رحمتوں تلے گزاری
ڈسٹرکٹ پریس کلب قصور کے عہدیداران بانی سردار محمد شریف سوہڈل صدر چوہدری ظفر اقبال، سینیر ناٸب صدر رانا منصور احمد، چیٸرمین الیکشن بورڈ چوہدری ندیم اختر، چیٸرمین پرنٹ میڈیا ملک عبدالعزیز ،چیٸرمین الیکٹرانک میڈیا چوہدری صابر علی، چیٸرمین ایگزیکٹو سردار طالب بھٹہ،چیٸرمین پرنٹ میڈیا ملک شرافت علی گوہر ،چیٸرمین ڈیجیٹل میڈیا مظہر کریم ملک ،جنرل سیکرٹری سید تنویر اقبال بخاری،سیکرٹری محمد عرفان سندھو ،حافظ وحید اشرف ۔ممبران سپریم کونسل حافظ شریف اشرف ،ارشد منیر چوہدری ،جاوید سہوترا،ڈاکٹر رحمت اللہ ،ملک اصغر علی بھٹی ،مہر محمد اکرم نائب صدر رانا عدنان بوبی ،خلیل احمد ایوبی ،چوہدری بشارت علی ،سید افضل حیدر شاہ بخاری ،سیکرٹری اطلاعات عمران نجفی ،رحمت علی طاہر ،ڈاکٹر محمد اقبال ،غنی محمود قصور اور ضلع بھر سے سیاسی سماجی دینی حلقوں نے انہیں مبارک باد پیش کی اور ان کی درازی عمر کی دعا کی ہے
واضع رہے کہ الحاج ڈاکٹر فضل الرحیم ضلع قصور کے اولین صحافی اور ماہر ڈاکٹر ہیں اور اس عمر میں بھی ان کی عبادات قابل رشک اور نوجوانوں کے لئے پیغام ہے

قصور
شہر قصور میں یونیورسٹی کے قیام کیلئے احتاجی دھرنا ہو گا ،
آج بروز جمعرات دن 10 بجے کچہری چوک میں دھرنا ہو گا

تفصیلات کے مطابق شہر قصور کی عوام نے یونیورسٹی کے قیام کا مطالبہ کیا ہے کیونکہ شہر قصور کے 80% سٹوڈنٹس کو بسلسلہ تعلیم لاہور جانا پڑتا ہے اور ضلع قصور کی تقریبا 34 لاکھ آبادی ہے مگر اس کے باوجود بھی پورے ضلع میں ایک بھی یونیورسٹی نہیں
جس کیلئے شہر قصور کی عوام نے آج بروز جمعرات دن 10 بجے کچہری چوک قصور میں دھرنا دینے کی کال دی گئی ہے اور
موجودہ حکومت اور نون لیگی MNA سعد وسیم شیخ سے گزارش کی ہے کہ سٹی قصور میں یونیورسٹی کا قیام جلد از جلد عمل میں لایا جائے جو کہ اہلیان قصور کا بنیادی حق ہے
احتجاجی دھرنے میں قصور کی سیاسی،سماجی،صحافی اور وکلا برادری کیساتھ ساتھ ہر شعبہ زندگی کے لوگ شرکت کرینگے اور اپنا پیغام گورنمنٹ تک پہنچائیں گے

قصور
تحصیل پتوکی کے شہر بھائی پھیرو بیرون اڈا سے لے کر قصبہ ہلہ تک سڑک مکمل تباہ،لوگ سخت پریشان،گزرنا دشوار

تفصیلات کے مطابق قصور کی تحصیل پتوکی کے شہر بھائی پھیرو کے بیرون اڈا سے سرائے مغل و قصبہ ہلہ تک جانے والا روڈ مکمل تباہ ہو چکا ہے
یہ روڈ سینکڑوں دیہات کو ایک دوسرے ملاتا ہے اور لوگوں کی بہت بڑی گزرگاہ ہے
زیادہ تر اوکاڑہ جانے والے لوگ بھی یہی روڈ استعمال کرتے ہیں
عرصہ دراز سے روڈ ٹوٹے ہونے کے باوجود مرمت نہیں کی گئی جس کے باعث اہلیان علاقہ سخت پریشان ہیں کیونکہ روڈ سے اٹھنے والا دھول مٹی لوگوں کو مختلف بیماریوں میں مبتلا کر رہا ہے نیز روڈ خراب ہونے سے روز حادثات رونما ہوتے ہیں جس کے باعث سیکنڑوں لوگ موت کے منہ میں چلے گئے ہیں اور بہت سے لوگ معزور ہو چکے ہیں
اہلیانِ علاقہ نے وزیراعلی پنجاب سے ازخود نوٹس لے کر روڈ کی مرمت کا مطالبہ کیا ہے

قصور
عوام دوست اتحاد قصور کے صدر اور ڈپٹی مئیر قصور کے امیدوار سردار فیصل اورنگزیب نے سڑکوں کی مرمت نا ہونے تک احتجاج کی کال دے دی،گورنمنٹ سے فوری سڑکیں مرمت کروانے کا مطالبہ

تفصیلات کے مطابق صدر عوام دوست اتحاد قصور اور ڈپٹی مئیر تحصیل قصور کے امیدوار سردار فیصل اورنگزیب نے حکومت وقت سے مطالبہ کیا ہے کہ کھاد کے بحران پر قابو پایا جائے جو کہ کسان کی اہم ضرورت ہے
کسان ہمارے ملک کی ریڑھ کی ہڈی ہے اور اس ریڑھ کی ہڈی کو مذید تنگی سڑکوں کی ٹوٹ پھوٹ دے رہی ہے
ٹوٹی سڑکوں کے باعث 500 کے قریب دیہاتوں کے کسان بروقت اپنی سبزیاں پھل منڈی تک نہیں پہنچا پاتے جس کے باعث کسانوں کو سخت مالی نقصان ہو رہا ہے
سردار فیصل اورنگزیب نے وزیراعظم پاکستان اور وزیر اعلی پنجاب سے مطالبہ کیا ہے کہ گنڈا سنگھ تا حسین خانوالا ،کچہری چوک قصور تا سہجرہ اور کمال چشتی موڑ سے الہ آباد تک سڑکیں شدید ٹوٹ پھوٹ کا شکار ہیں اور یہ سڑکیں 500 کے قریب دیہات کو شہر سے ملاتی ہیں لہذہ فوری طور پر ان سڑکوں کی مرمت کی جائے تاکہ کسانوں کو اپنی اجناس منڈی تک پہنچانے میں کوئی پریشانی نا ہو بصورت دیگر سڑکیں مرمت نا ہونے تک احتجاج جاری رہے گا
اگر گورنمنٹ کسانوں کے ساتھ مخلص ہے تو کھاد میں فوری سبسٹڈی دے تاکہ کسان خوشحال ہو اور ملک ترقی کرے

قصور
کوٹ رادھا کشن بلڈ ڈونر سوسائٹی مستحقین خون کو خون مہیا کرنے میں مصروف،ماہانہ سیکنڑوں مریض مستفید ہوتے ہیں،دائرہ کار بڑھایا جائے گا

تفصیلات کے مطابق قصور کی تحصیل کوٹ رادھا کشن میں فلاحی تنظیم کوٹ رادھا کشن
بلڈ ڈونر سوسائٹی کے عہدیداران اشفاق بخاری،محمد آصف جٹ،محن عبداللہ قصوری نے نمائندہ باغی ٹی سے گفتگو کرتے ہوئے کہ
اللہ تعالیٰ نے قرآن مجید میں ارشاد فرمایا ہے کہ جس نے ایک شخص کی جان بچائی تو گویا اس نے ساری انسانیت کی جان بچائی ہے
انسانیت کی جان بجائے کے لیے کوٹرادھاکشن کے کچھ دوستوں نے چند سال پہلے ایک تنظیم ،کوٹرادھاکشن بلڈ ڈونر سوسائٹی، کے نام سے بنائی اور ضرورت مند لوگوں کو بلڈ مہیا کرنا شروع کر دیا
بلڈ ڈونٹ کرنے کے حوالے سے آگاہی پروگرام کئے گئے اور بازاروں میں آگاہی مہم چلائی گئی نیز جگہ جگہ بلڈ کیمپ لگا کر نوجوانوں کے بلڈ گروپ فری چیک کیے گئے اور نوجوانوں کو بلڈ دینے کے لیے تیار کیا گیا اور یہ سب عمل انتہائی مشکل لگ رہا ہے لیکن ناممکن نہیں تھا
الحمدللہ کوٹ رادھا کشن کے غیور بھائیوں دوستوں نے ہمت نہ ہاری اور نہ ہی مایوس ہوئے
الحمدللہ اس محنت کا نتیجہ یہ نکلا کہ کسی بھی امیر یا غریب شخص کو خون کی ضرورت پڑتی ہے تو اسے بلڈ مہیا کر دیا جاتا ہے اور روزانہ کی بنیاد پر جتنے بھی کیسز آتے ہیں تقریباً سبھی کو بلڈ مہیا کر دیا جاتاہے
اب تھیلسیمیا کے مریض بچوں کو بھی بلڈ مہیا کرنا شروع کر دیا گیا اور اس وقت کافی تعداد میں تھیلسیمیا کے بچے رجسٹرڈ کئے جا چکے ہیں جن کو ہر ہفتے یا پندرہ دن بعد بلڈ لگتا ہے
اگر کسی نے بلڈ لینے کے لیے رات کو لیٹ بھی کال کی تو ہماری یہی کوشش رہی ہے کہ اسے رات کو بھی بلڈ مہیا کیا جائے یہاں تک کہ لوگوں نے ایک فون کال پر رمضان المبارک میں روزے کی حالت میں بھی خون دیا تاکہ کسی کی جان بچائی جا سکے
عہدیداران نے بتایا کہ اب ہمارے شہر کے کچھ افراد اس سوسائٹی کے خلاف جھوٹا پراپیگنڈہ کر رہے ہیں اور جھوٹے الزامات تراش رہے ہیں جن سے ہماری سخت دل آزاری ہوئی ہے تاہم ان شاءاللہ جب تک اللہ نے چاہا ہم کام کریں گے بجائے تنقید کے ہمت اور استقامت سے ہمارے ساتھ ملیں ہم مل کر یک جان ہو کر کام کرینگے تاکہ لوگوں کا بھلا ہو سکے