Category: قصور

قصور
بجلی چوروں کے گرد گھیرا تنگ
تفصیلات کے مطابق لیسکو سب ڈویژن کھڈیاں خاص نے ایس ڈی او محمد آفتاب کے زیر قیادت چھاپہ مار کاروائی کرتے ہوئے 32 بجلی چوروں کو رنگے ہاتھوں بجلی چوری کرتے ہوئے دھر لیا یہ کاروائی چاہ فتح والا، ویرم ہٹھاڑ، جودھ سنگھ والا میں کی گئی پولیس نے ایس ڈی او کی مدعیت میں بجلی چوروں کے خلاف مقدمہ درج کر کے کاروائی شروع کر دی

قصور
الہ آباد میں لڑکی سے زنا بالجبر کی کوشش
تفصیلات کے مطابق الہ آباد کے نواحی گاؤں گہلن میں غریب محنت کش محمد بوٹا کی جواں سالہ لڑکی کو کو ملزموں محمد باسط اور ایک فرد نامعلوم نے رات کی تاریکی میں زبردستی لڑکی کو بزور اسلحہ کھیتوں میں لے جا کر زنا بالجبر کی کوشش کی لڑکی کے شور مچانے پر اہلیان دیہہ اور لڑکی کے ورثاء پہنچ گئے جنہیں دیکھتے ہی ملزمان بھاگ گئے
محمد بوٹا نے محمد باسط اور ایک نامعلوم فرد کے خلاف اپنی بیٹی سے زنا بالجبر کی کوشش کی درخواست دی مگر پولیس نے ملزمان سے پیسے لے کر درخواست تھانہ سے ہی غائب کر دی اور 11 روز گزرنے کے باوجود کوئی کاروائی نہیں کی
محمد بوٹا نے ڈی پی او قصور زاہد نواز مروت سے نوٹس لے کر محمد باسط اور فرد نامعلوم کے ساتھ تھانہ الہ آباد کے اہلکاران کے خلاف کاروائی کا مطالبہ کیا ہے

قصور
الہ آباد کے نواح تلونڈی میں پیٹرول پمپ پر کم مقدار میں تیل ڈالنا معمول بن گیا
تفصیلات کے مطابق دیپال پور روڈ پر واقع تلونڈی سٹاپ پر اٹک کمپنی کا پیٹرول پمپ ہے جس سے لوگ پیٹرول ڈلواتے ہیں کئی لوگوں نے شکایت کی کہ پمپ سے تیل کم مقدار میں ڈالا جاتا ہے راشد علی نامی شہری بھی اسی پیٹرول پمپ سے پیٹرول ڈلواتا رہا جس پر اسے شبہ ہوا کہ پیٹرول کم ڈالا جاتا ہے اور پیسے پورے وصول کیئے جاتے ہیں اس بابت راشد علی نے پیٹرول پمپ کے عملہ سے بات کی تو بجائے کہ کوئی تسلی بخش جواب دیتے الٹا پمپ عملہ نے راشد علی کو دھمکانا شروع کر دیا اور کہا کہ جاءو جو مرضی کر لو ہم اپنی مرضی سے ہی پیٹرول ڈالیں گے اگر تمہیں زیادہ تکلیف ہے تو پولیس میں رپورٹ کرو پھر ہم دیکھتے ہیں کون ہمارے پمپ کی چیکنگ کرتا ہے
شہری راشد علی نے ڈی سی قصور سے پیٹرول پمپ انتظامیہ کے خلاف کاروائی کا مطالبہ کیا ہے

رحیم یار خان سے گرفتار مبینہ ملزم شہزاد / سجاد احمد نے ابتدائی تفتیش میں بچوں سے زیادتی کا اقرار کرلیا ، 36 سالہ شہزاد / سجاد احمد 4 بچوں کا باپ ہے اور ٹریکٹر ٹرالی کا ڈرائیور ہے
یاد رہے بچے کی لاش اور باقیات کی اطلاع بھی ایک اور ٹریکٹر ٹرالی ڈرائیور نے دی تھی
قاتل شہزاد / سجاد احمد بچوں کو قتل کرنے کے بعد 22 ستمبر سے گھر سے غائب مفرور تھا ملزم کے گھر والوں نے اس کے اغوا کی FIR بھی درج کروائی ہوئی ہے ملزم کے بارے میں ملنے والی مزید اطلاعات کے مطابق اس کا نام شہزاد / سجاد احمد ولد محمد حسین قوم جٹ ساکن محلہ رسول نگر چونیاں ہے
گزشتہ شب خفیہ اطلاع پر اے ایس پی صدر سرکل رحیم یار خان سید سلیم شاہ اور اے ایس پی صادق آباد سرکل ڈاکٹر حفیظ الرحمن بگٹی نے پولیس کی بھاری نفری کے ہمراہ تھانہ کوٹ سمابہ کی حدود امین آباد کے علاقہ میں مقامی زمیندار محمد حنیف کے گھر پر چھاپہ مار کر چونیاں میں کمسن بچوں کو اغواء کر کے قتل کرنے والا مبینہ ملزم شہزاد / سجاد احمد کو گرفتار کر کے نامعلوم مقام پر منتقل کر دیا جبکہ مقامی زمیندار محمد حنیف کو حراست میں لیکر تھانہ منتقل کر دیا تھا ملزم کو پولیس کی بھاری نفری کیساتھ آج قصور لائے جانے کا امکان ہے

قصور
محکمہ واپڈا کا عملہ کام چوری میں سب سے آگے
تفصیلات کے مطابق سب ڈویژن بہادر پورہ کا عملہ انتہائی کام چور ہے کئی سالوں سے بل ڈسٹری بیوٹر لوگوں کے گھروں میں بل پہنچانے کی بجائے لوگوں کی دکانوں پر بل پھینک کر بھاگ جاتا ہے
بل جمع کروانے کی آخری تاریخ 27 ستمبر ہے جبکہ 26 ستمبر کو صرف ایک دن پہلے بل پہنچائے جا رہے ہیں
مذید یہ کہ بی ڈی صاحب لوگوں کے نام بھی صحیح نہیں لکھتے کچھ بلوں پر اردو نام کچھ اور لکھا ہوا ہے جبکہ بل پر محکمہ کی طرف سے پرنٹ نام کچھ اور ہے جس سے لوگوں کو شدید پریشانی کا سامنا ہے لوگوں کا کہنا ہے کہ ہم تو ان پڑھ ہیں ہی مگر واپڈا ملازمین زیادہ ان پڑھ ہیں سب ڈویژن بہادر پورہ کے بجلی صارفین نے ایس ای لیسکو قصور اور ڈی سی قصور سے مطالبہ کیا ہے کہ بی ڈی حضرات کو پابند کیا جائے کہ بل ہمارے گھروں میں دے کر جائیں کیونکہ وہ سرکار سے اسی کام کی تنخواہ لے رہے ہیں

قصور چھانگا مانگا میں بچے کے اغوا کا ایک اور واقعہ پیش آ گیا
تفصیلات کے مطابق حادثہ چھانگامانگا کے نواح سرائے آبادی میں پیش آیا ہے جہاں دس سالہ عثمان کو اغواء کیا گیا ہے
عینی شاہدین کے مطابق دو ملزمان نے عثمان کو ریلوے اسٹیشن سے اغوا کیا وقوعہ کے بعد پولیس نے ایک ملزم کو گرفتار کرلیا جس نے بچے سے بدفعلی کا اعتراف بھی کرلیا جبکہ دوسرا ملزم بچے کو لے کر فرار ہو گیا
پولیس کے مطابق ملزم عظیم بچوں سے بدفعلی کے دیگر مقدمات میں بھی شامل ہے تاہم بچے کو بازیاب نہیں کروایا جاسکا پولیس کی جانب سے بچے کی بازیابی کیلئے ہرممکن کوشش کی جارہی ہے

قصور
سانحہ چونیاں کا مرکزی ملزم رحیم یارخان سے گرفتار
تفصیلات کے مطابق قصور پولیس کی بڑی کارروائی، چونیاں اورقصور سے اغواءہونے والے بچوں کو قتل کرنے والامبینہ ملزم مقامی زمیندار کے گھر سے گرفتار نامعلوم مقام پر منتقل
زمیندار کوحراست میں لےکر تھانہ سیل کردیا گیا گزشتہ شب خفیہ اطلاع پر اے ایس پی صدر سرکل سید سلیم شاہ اور اے ایس پی صادق آباد سرکل ڈاکٹرحفیظ الرحمن بگٹی نے پولیس کی بھاری نفری کے ہمراہ تھانہ کوٹ سمابہ کی حدود امین آباد کے علاقہ میں مقامی زمیندار محمد حنیف کے گھر پر کامیاب چھاپہ مار کرچونیاں اوربقصور سے کمسن بچوں کو اغواءکرکے قتل کرنے والا مرکزی مبینہ ملزم سجاد احمد کو گرفتار کرکے نامعلوم مقام پر منتقل کردیا

جبکہ مقامی زمیندار محمد حنیف کو حراست میں لیکر تھانہ منتقل کرتے ہوئے مکمل طورپر تھانے کو سیل کردیا

ذرائع کے مطابق مبینہ ملزم سجاد احمد کو پولیس کی بھاری نفری کے ہمراہ قصور منتقل کرنے کی تیاریاں جارہی ہیں

قصور
ایل پی جی کی قیمتوں میں بے تحاشہ اضافہ
تفصیلات کے مطابق غریب گھرانوں میں استعمال کونے والی ایل پی جی لیکوڈ پیٹولیم گیس کی قیمتوں میں 30 روپیہ فی کلو اضافہ کر دیا گیا ہے جس سے مہنگائی کا مارا مزدور طبقہ مذید پفیشانی کا شکار ہو گا کئی مزدور گھرانے ایک آدھ کلو گیس بھروا کر اپنے گھر کا چولہا جلاتے ہیں کیونکہ لکڑی کی قیمتیں بھی اب آسمان کو چھو رہی ہیں اس لئے غریب طبقہ گلی محلوں میں بیٹھے گیس فروشوں سے گیس حاصل کرکے گزارہ کرتا ہے گیس فروشوں کو آئے روز پولیس والے لائسنس نا ہونے پر تنگ کرتے ہیں جس کی بابت گیس فروش پولیس کی مٹھی گرم کرتے ہیں اور اپنی دی گئی رشوت کی کسر عام مزدوروں سے مہنگی گیس فروخت کرکے نکالتے ہیں
لوگوں نے ڈی سی قصور سے کاروائی کا مطالبہ کیا ہے اور مذید استدعا کی ہے کہ گیس فروشوں کو لائسنس جاری کیئے جائیں تاکہ دکان دار پولیس سے بچ کر کام کریں اور پولیس کو دی جانے والی منٹھلی لوگوں کی جیبوں سے نا نکلوائیں