دبئی میں رہائش پذیر پاکستان کی خاتون کوہ پیما نائلہ کیانی نے 8 ہزار میٹر سے بلند 3 چوٹیاں سرکر کے نئی تاریخ رقم کردی۔

باغی ٹی وی : نائلہ کیانی نے گیارہویں بلند ترین چوٹی گیشربرم ون کو سرکرلیا جس کے بعد وہ 8 ہزار میٹر سے بلند 3 چوٹیاں سر کرنے والی پہلی پاکستانی خاتون بن گئی ہیں۔

پہلی پاکستانی کوہ پیما خاتون نائلہ کیانی کے ٹو کے کیمپ ون پر پہنچ گئیں،مزید سفر شروع

نائلہ کیانی گیشربرم ون سے قبل گیشربرم ٹو اور کے ٹو کو بھی سر کرچکی ہیں جب کہ وہ گیشربرم ون اور گیشربرم ٹو سر کرنے والی پہلی پاکستانی خاتون بھی ہیں نائلہ نے گزشتہ دنوں دنیا کی دوسری بلند ترین چوٹی کے ٹو کو بھی سرکیا تھا۔

اس کے علاوہ ثمینہ بیگ نے 8 ہزار میٹر سے بلند 2 چوٹیا ایوریسٹ اور کے ٹو سر کی ہیں وہ ایوریسٹ اور کے ٹو سر کرنے والی پہلی پاکستانی خاتون ہونےکا اعزاز رکھتی ہیں۔

نائلہ کیانی کا تعلق صوبہ پنجاب میں راولپنڈی شہرکےعلاقے گجر خان کے ایک قدامت پسند خاندان سے ہےانھوں نے ایرو سپیس انجینیئرنگ کی تعلیم برطانیہ سے حاصل کر کے اپنے اس شعبے میں بھی کام کیا تاہم اب اس وقت وہ خاوند کے ہمراہ دبئی میں مقیم ہیں جہاں اس وقت وہ بیکنگ کے شعبے سے وابستہ ہیں۔

شہروز کاشف 10 بلند ترین چوٹیاں سر کرنے والے دنیا کے کم عمر ترین کوہ پیما

نائلہ کیانی کے مطابق انھیں بچپن سے مہم جوئی کا شوق تھا زمانہ طالب علمی اور اب بھی باکسنگ کرتی ہیں دبئی میں قیام کے دوران راک کلائمبنگ اور آئس سکیٹنگ شروع کی قدامت پسند ہونے کے باوجود میرے خاندان والے کبھی میرے شوق کی راہ میں حائل نہیں ہوئے۔

شادی کے بعد بھی یہ سلسلہ جاری رہا ہماری پسند کی شادی تھی۔ میرے خاوند خالد راجہ کو میرے سارے شوق پتا تھے وہ ہنستے ہوئے کہتی ہیں کہ انھیں یہ بھی پتا تھا میرے شوق اور دلچسپیاں تبدیل ہوتی رہی ہیں شادی کی بڑی تقریبات کی مخالف نائلہ نےاپنی شادی کو یادگار بنانے کے لیے کے ٹو بیس کیمپ پر تقریب منعقد کی اور ان کی تصاویر وائرل بھی ہوئی تھیں۔

تھانوں میں لیڈی انچارج انویسٹی گیشن کی تعیناتی، نوٹیفیکیشن جاری

آئی جی پنجاب فیصل شاہکار کے ویژن کے مطابق تھانوں میں لیڈی انچارج انویسٹی گیشن کی تعیناتی کا نوٹیفیکشن جاری-

باغی ٹی وی : ترجمان انویسٹی گیشن ونگ کے مطابق ایس ایس پی انویسٹی گیشن عمران کشور نے احکمات جاری کر دئیے،جن کے مطابق
لیڈی انسپکٹر فرحت انچارج انویسٹی گیشنز وحدت کالونی میں رپورٹ کریں گی-

لیڈی سب انسپکٹر صدف رشید کی انچارج انویسٹی گیشن تھانہ قائدِاعظم انڈسٹریل سٹیٹ میں تعیناتی ہوئی ہے جبکہ لیڈی سب انسپکٹر سمیرا نذیر کا بطور انچارج انویسٹی گیشن تھانہ ماڈل ٹاؤن میں تبادلہ کیا گیا ہے-

لیڈی سب انسپکٹر امبرین رحمان انچارج انویسٹی گیشن ڈیفنس اے میں تعینات ہوئیں ،لیڈی سب انسپکٹر شازیہ کوثر کا انچارج انویسٹی گیشن تھانہ اکبری گیٹ تبادلہ کیا گیا جبکہ لیڈی سب انسپکٹر سونیا لیاقت انچارج انویسٹی گیشن ریس کورس میں رپورٹ کریں گی-

ڈی آئی جی انویسٹی گیشن کے مطابق تھانوں میں لیڈی انچارج انویسٹی گیشن کی تعیناتی سے خواتین افسران کی حوصلہ افزائی ہو گی-

ڈی آئی جی انویسٹی گیشن نے تمام افسران کو نئی تعیناتی کے مقام پر رپورٹ کرنے کی ہدایت کی ہے-

وزیراعظم کے معاون خصوصی عطاء اللہ تارڑ نے تحریک انصاف کا جلسہ رکوانے کے لیے لاہور ہائیکورٹ سے رجوع کر لیا

عطا تارڑ نے اپنے وکیل کے ذریعے ہائیکورٹ میں پٹیشن دائر کر دی درخواست میں چیف سیکرٹری ، ڈپٹی کمشنر اور تحریک انصاف کو فریق بنایا گیا ہے ،عطا تارڑ کی جانب سے دائر درخواست میں موقف اپنایا گیا ہے کہ تحریک انصاف کے 13 اگست کو ہاکی گراؤنڈ میں جلسے کا اعلان کیا ہے ۔ کھیلوں کے گراؤنڈز کو سیاسی مقاصد کے لیے استعمال نہیں کیا جا سکتا ۔ جلسے کے لیے آسٹروٹرف کو اکھاڑا جارہا ہے ۔آسٹرو ٹرف کو اکھاڑنے اور بچھانے کے لیے کروڑوں روپے خرچ ہوں گے۔ عدالت فوری طور پر ہاکی گراؤنڈ میں جلسہ روکنے کا حکم جاری کرے

لاہور ہائیکورٹ میں ایک اور درخواست بھی دائر کی گئی ہے،تحریک انصاف کا 13اگست کو ہاکی گراؤنڈ میں جلسہ رکوانے کے لیے لاہور ہائیکورٹ میں محمد کاشف نے عرفان ایڈووکیٹ کی وساطت سے درخواست دائر کی درخواست میں ڈی جی اسپورٹس اور ڈی سی کو فریق بنایا گیا ،درخواست گزار کا کہنا ہے کہ جلسے کے لیے آسٹروٹرف کو اکھاڑا جارہا ہے آسٹرو ٹرف کو اکھاڑنے اور بچھانے کے لیے کروڑوں روپے خرچ ہوں گےعدالت فوری طور پر ہاکی گراؤنڈ میں جلسہ روکنے کا حکم جاری کرے وکیل نے درخواست آج ہی سماعت کے لیے مقرر کرنے کی استدعا کی

دوسری جانب تحریک انصاف کے جلسہ کی تیاریاں جاری ہیں جلسہ سے عمران خان خطاب کریں گے

بنی گالا،پی ٹی آئی کارکنوں کا صحافیوں اور کیمرہ مین پر تشدد،ایف آئی آر درج

خان کا جلسہ لاہور، نیشنل ہاکی اسٹیڈیم کی کروڑوں کی آسٹروٹرف اتار دی گئی

محکمہ موسمیات کا کہنا ہے کہ مون سون کا اگست میں ملک بھر میں شدید بارشوں کا نیا سلسلہ شروع ہو گا۔

باغی ٹی وی : محکمہ موسمیات مطابق بلوچستان، سندھ، خیبرپختونخوا، جنوبی پنجاب، آزاد کشمیر اور گلگت بلتستان کے بیشتر علاقوں میں موسلادھار بارش کی پیش گوئی ہے۔

محکمہ موسمیات کی جانب سےجاری انتباہ میں مزید کہا گیا ہے کہ موسلا دھار بارش سے کراچی، ٹھٹھہ، بدین، حیدرآباد، دادو، جامشورو، سکھر، لاڑکانہ، شہید بینظیر آباد اور میرپورخاص میں 11 سے 13 اگست تک سیلابی صورتحال پیدا ہوسکتی ہے۔

محکمہ موسمیات کے مطابق قلعہ سیف اللہ، لورالائی، بارکھان، کوہلو، موسیٰ خیل، شیرانی، سبی، بولان، قلات، خضدار، لسبیلہ، آواران، تربت، پنجگور، پسنی، جیوانی، کوہاٹ، صوابی، نوشہرہ، مردان، پشاور، کرک، بنوں، ٹانک اور وزیرستان میں بھی سیلاب کا امکان ہے۔

پنجاب کے بیشتر اضلاع میں موسم گرم اور مرطوب رہنے کا امکان ہے تاہم بھکر، لیہ، ساہیوال، بہاولنگر، بہاولپور، ڈیرہ غازی خان، ملتان اور رحیم یار خان میں بارش کا امکان ہے۔

محکمہ موسمیات نے خبردار کیا ہے کہ بارش سے کشمیر، خیبرپختونخوا اور گلگت بلتستان میں لینڈ سلائیڈنگ ہوسکتی ہے۔

شمالی بلوچستان میں مون سون کا چوتھا اسپیل طوفانی شکل اختیار کر گیا ہے چمن میں قلعہ سیف اللہ کے مختلف علاقوں میں موسلادھار بارش ہوئی جس کی وجہ سے مسلم باغ میں شدید سیلابی صورتحال ہے۔

لیویز حکام کے مطابق سیلابی ریلے مسلم باغ قصبے میں داخل ہوگئے جس کی وجہ سے بازار میں کھڑی گاڑیاں ریلے میں بہہ گئیں مسلم باغ بازار ریلے میں 2 افراد بھی بہہ گئے جن کی تلاش جاری ہےمسلم باغ میں ایمرجنسی نافذ کردی گئی ہے جبکہ علاقہ مکینوں کو محفوظ مقامات پر منتقلی کی ہدایات کی گئی ہے قلعہ سیف اللہ میں ڈپٹی کمشنرکی عدم تعیناتی سے انتظامی امور متاثر ہورہے ہیں، وزیراعظم نے متاثرین کو کھانا فراہم نہ کرنے کی شکایت پر ڈپٹی کمشنرکو معطل کیا تھا۔

کوئٹہ میں بھی سہ پہر 2 گھنٹے تک تیز ہواؤں کے ساتھ موسلادھار بارش ہوئی جس کے نتیجے میں نشیبی علاقوں میں سیلاب جیسی صورتحال پیدا ہوگئی، ان علاقوں میں سڑکیں زیر آب آ گئیں جبکہ بارش کا پانی گھروں میں داخل ہو گیاریسکیو حکام اور کوئٹہ میٹروپولیٹن کارپوریشن کی ٹیموں نے فوری طور پر ان علاقوں میں امدادی کارروائیاں شروع کر دیں۔

سرکاری ذرائع نے بتایا کہ اگرچہ کچھ کچے مکانات کو نقصان پہنچا تاہم کسی جانی نقصان کی اطلاع نہیں ملی صوبائی ڈیزاسٹر مینجمنٹ اتھارٹی (پی ڈی ایم اے) نے محکمہ موسمیات کی جانب سے طوفانی بارشوں کے ایک اور اسپیل کی پیش گوئی کے بعد سیلاب کی وارننگ جاری کر دی ضلعی انتظامیہ کو لوگوں کو نالے اور ندیوں کے قریبی علاقوں سے دور منتقل کرنے کی ہدایت کردی گئی ہے۔

علاوہ ازیں محکمہ موسمیات نے سینیٹ کی قائمہ کمیٹی برائے موسمیاتی تبدیلی کے اجلاس میں خبردار کیا کہ اس موسم میں پورے ملک میں معمول سے زیادہ بارشیں ہوں گی۔

پارلیمنٹ لاجز میں سینیٹر سیمی ایزدی کی زیر صدارت اجلاس میں کمیٹی کو چیئرمین نیشنل ڈیزاسٹر مینجمنٹ اتھارٹی (این ڈی ایم اے) نے سیلاب اور اربن فلڈنگ کے خطرے پر بھی بریفنگ دی-

وزیر برائے موسمیاتی تبدیلی شیری رحمٰن نے کہا کہ یہ صورتحال معمول بن جائے گی اور ملک کا مجموعی انفراسٹرکچر ایسی آفات کے لیے تیار نہیں ہے جس سے شدید انسانی بحران جنم لے گا محکمہ موسمیات کی واضح وارننگ کے باوجود صوبائی حکومتوں کے پاس ریلیف اور ریسکیو کی صلاحیت کا فقدان ہے۔

تاہم وزارت موسمیاتی تبدیلی کے سیکریٹری آصف حیدر شاہ نے یہ دعویٰ کیا کہ محکمہ موسمیات جدید آلات کی کمی کی وجہ سے بعض علاقوں میں موسم کی حتمی انداز میں پیش گوئی نہیں کر سکتا کمیٹی نے متفقہ طور پر اس بات سے اتفاق کیا کہ موسمیاتی تبدیلی کے اثرات سے نمٹنے کے لیے نیشنل ایکشن پلان اور قانون سازی کی ضرورت ہے۔

چیئرمین این ڈی ایم اے نے کمیٹی کو بتایا کہ اتھارٹی نے 11 ہزار 639 امدادی سرگرمیاں شروع کی ہیں جبکہ سیلاب سے متاثرہ 23 ہزار 61 افراد کے لیے 78 ریلیف کیمپس قائم کیے گئے ہیں جون سے اب تک بارشوں سے متعلقہ حادثات میں 575 اموات ہوئیں جن میں سے 176 بلوچستان میں، 127 سندھ اور 119 پنجاب میں ہوئیں جبکہ 939 افراد زخمی ہوئے۔

پاکستان کے نوجوان کوہ پیما شہروز کاشف نے ایک اور ریکارڈ اپنے نام کرلیا ،10 بلند ترین چوٹیاں سر کرنے والے دنیا کے کم عمر ترین کوہ پیما بن گئے-

باغی ٹی وی : لاہور سے تعلق رکھنے والے20 سالہ کوہ پیما نے 8 ہزار 80 میٹر بلند گیشربرم ون چوٹی سر کرلی جس کے بعد وہ 10 بلند ترین چوٹیاں سر کرنے والے دنیا کے کم عمر ترین کوہ پیما بن گئے۔شہروز کے والد کے مطابق پاکستانی کوہ پیما 4 بج کر 9 منٹ پر سمٹ پر پہنچے۔

شہروز نے برطانوی کو ہ پیما ایڈریانا بروانلی کا ریکارڈ 12روز میں توڑ دیا،ایڈریانا نے 30 جولائی کو 10 بلند ترین چوٹیاں 21 سال کی عمر میں سر کی تھیں۔

کوہ پیما شہروز کاشف نے ایک اور چوٹی سر کر لی

شہروز کاشف 8 ہزار میٹر سے بلند 10 چوٹیاں سر کرنیوالے صرف دوسرے پاکستانی ہیں۔

واضح رہے کہ شہروز کاشف کی نظریں تمام 14 چوٹیاں سر کرنیوالے دنیا کے کم عمر ترین کوہ پیما کے ریکارڈ پر ہیں شہروز کاشف پہلے ہی 5 بلند ترین چوٹیاں سر کرنے والے پاکستان کے کم عمر ترین کوہ پیما ہیں شہروز کاشف 2 گینز ورلڈ ریکارڈ کے سرٹیفکیٹ بھی حاصل کر چکے ہیں جبکہ انہیں 2 بلند ترین چوٹیاں سر کرنے پر سرٹیفکیٹ دیئے گئے تھے۔

پاکستانی کوہ پیما شہروز کاشف نے 11 سال کی عمر سے کوہ پیمائی کر رہے ہیں۔ انہوں نے 11 برس کی عمر میں پہلی مرتبہ مکڑہ کی چوٹی سر کی، 12 سال کی عمر میں انہوں نے موسیٰ کا مصلیٰ اور چھمبرا کی چوٹیاں سر کیں تھیں۔ 13 برس کی عمر میں انہوں نے شملہ میں واقع منگلک کی چوٹی اور 14 برس کی عمر میں گونڈو گورو لا کے ٹو بیس کیمپ سر کیا۔ 15، 17 اور 18 سال کی عمر میں انہوں نے خردو پِن پاس، براڈ پیک اور خُسر گنگ: الپائن سٹائل کو بالترتیب سر کیا۔

19ویں سال میں شہروز کاشف نے دنیا کی دو بلند ترین چوٹیاں ماؤنٹ ایورسٹ اور کے ٹو سر کیں اور یہ اعزاز حاصل کرنے والے کم عمر ترین پاکستانی بن گئے جبکہ اگلے سال مارچ میں اناپورنا سر کر کے ریکارڈ مکمل کر لیں گے۔

شہروز کاشف نے دنیا کی چوتھی بلند ترین چوٹی نانگا پربت سر کر لی

یاد رہے کہ شہروز نے 2019 میں براڈ پیک کو سر کیا تھا جبکہ 2021 میں انہوں نے ایوریسٹ ،کے ٹو اور مناسلو کی چوٹیاں سر کی تھیں اس سال شہروز،کنچنجونگا ، لوٹسے، مکالو، نانگا پربت اور گیشربرم ٹو بھی سر کر چکے ہیں جبکہ ان کے ساتھ امتیاز سدپارا اور ساجد علی سدپارا نے بھی جی ون سر کی۔

اس حوالے سے برطانوی خبررساں ادارے کو دیئے گئے ایک انٹرویو میں شہروز کاشف کے والد کاشف سلمان کا کہنا تھا کہ یہ نہ صرف ہمارے لیے بلکہ پورے ملک کے لیے انتہائی فخر کی گھڑی ہے کہ شہروز پاکستان کا جھنڈا دنیا کے بلند ترین پہاڑوں پر جا کر لہراتا ہے۔ بہت چھوٹی سی عمر میں اس نے دو ورلڈ ریکارڈ اپنے نام کیے ہیں۔ جب وہ جاتا ہے تو ظاہر ہے ڈر تو لگتا ہے مگر اب شہروز کو کوہ پیمائی کرتے آٹھ سال ہو گئے ہیں تو اب ہم اس چیز کے عادی بھی ہو گئے ہیں۔

شہروز کی والدہ کے متعلق انہوں نے بتایا تھا کہ وہ مضبوط دل کی خاتون ہیں اور انہیں شہروز کی صلاحیتوں پر پورا بھروسہ ہے اور وہ سمجھتی ہیں کہ ان کا بیٹا جس بھی گروپ کے ساتھ مہم جوئی کرنے جائے گا تو چوٹی سر کرنے والے پہلے دو یا تین کوہ پیماؤں میں شامل ہوگا، زیادہ تر ہوتا بھی ایسا ہی ہے۔

خیرسگالی کا سفیر بننا میرے لیے اعزاز ہے،کوہ پیما شہروز کاشف

وزیراعلیٰ پنجاب چودھری پرویز الٰہی سے وزیراعلیٰ آفس میں فیڈریشن آف پاکستان چیمبر آف کامرس اینڈ انڈسٹری کے صدر عرفان اقبال شیخ کی قیادت میں وفد نے ملاقات کی۔ ملاقات میں تاجر برادری اور صنعتکاروں کو درپیش مسائل کے حل کے حوالے سے بات چیت کی گئی۔

وزیراعلیٰ چودھری پرویز الٰہی نے تاجر برادری اور صنعتکاروں کے مسائل فوری حل کرنے کی یقین دہانی کرتے ہوئے کہا کہ ہماری حکومت نے آتے ہی تاجروں کیلئے کاروبار میں آسانیاں پیدا کی ہیں۔ کاروبار کے اوقات کار کی پابندی کو پورے صوبے میں ختم کر دیا ہے اور کاروباری مراکز او رمارکیٹیں پورے ہفتے کھولنے کی اجازت دی ہے۔تاجروں اور صنعتکاروں کے لئے صوبے میں مزید سہولتیں فراہم کریں گے۔صوبے میں سٹیٹ آف آرٹ سپیشل اکنامک زونز بنائے جائیں گے اور اس سلسلے میں دنیا کے کامیاب ماڈل سے استفادہ کریں گے۔

انہوں نے کہا کہ صوبے میں ایگرو بیسڈ اکا نومی کو فروغ دیا جائے گا۔ زرعی شعبہ ترقی کرے گا تو معیشت فروغ پائے گی۔ تمام سٹیک ہولڈرز کی مشاورت سے فیصلے کریں گے۔تاجر برادری و صنعتکاروں کے ساتھ ملاقاتوں کا سلسلہ تسلسل کے ساتھ جاری رہے گا۔تاجر برادری و صنعتکاروں کے مسائل حل کیلئے وزیراعلیٰ آفس میں فوکل پرسن تعینات کیا جائے گا۔

وزیراعلیٰ چودھری پرویز الٰہی نے کہا کہ پرانی انڈسٹریل اسٹیٹس کو بھی ڈویلپ کیا جائے گا۔صنعتی ترقی کا عمل تیز ہونے سے روزگار کے نئے مواقع پیدا ہوں گے اورمعیشت مضبوط ہوگی۔

عرفان اقبال شیخ نے اس موقع پر کہا کہ آپ نے اپنے سابق دور میں صنعتی ترقی کیلئے جو کام کئے اس کی آج بھی مثال دی جاتی ہے۔ریسکیو 1122 ہو یا ٹریفک وارڈن سسٹم، آپ کے کام خود بولتے ہیں۔ آپ جیسا ویژنری وزیراعلیٰ ہی صوبے کو آگے لے جا سکتا ہے۔انجم نثار نے کہا کہ آپ کے سابق دور میں سندر انڈسٹریل اسٹیٹ کی بنیاد رکھی گئی اور ایکسپو سینٹر بنا۔ آپ نے جو کام بھی کئے وہ لوگوں کو آج بھی یاد ہیں۔

خواجہ جلال الدین رومی نے کہا کہ پنجاب کے عوام کیلئے آپ کی خدمات کا زمانہ معترف ہے۔ جنوبی پنجاب کے عوام کے لئے آپ نے تعلیم اور صحت کے معیاری ادارے بنائے۔ حافظ عمار یاسر، سیکرٹری صنعت، سیکرٹری منصوبہ بندی و ترقیات اور فیڈریشن کے عہدیداران و معروف صنعتکار بھی اس موقع پر موجود تھے۔

صوبائی وزیر داخلہ کرنل محمد ہاشم ڈوگر نے ہاکی اسٹیڈیم لاہور کا دورہ کیا اور 13 اگست کو پی ٹی آئی کے جلسے کے حوالے سے انتظامات کا جائزہ لیا.

وزیرداخلہ پنجاب میں ہمت ہے تو گرفتار کرکے دیکھیں،عطاء اللہ تارڑ

اس موقع پر میڈیا سے گفتگو کرتے ہوئے صوبائی وزیر داخلہ کرنل محمد ہاشم ڈوگرکا کہنا تھا کہ ہم کسی کے انتقام نہیں لینا چاہتے،جس افسر نے حدود سے تجاوز کیا اس کو سزا ملےگی،13اگست کو تحریک انصاف کا جلسہ ہونے جارہاہے،انہوں نے کہا کہ پولیس کو کسی کی بھی گرفتاری کی ہدایت نہیں دی،پرسوں جشن آزادی کی تقریبات کے سلسلے میں چیئرمین تشریف لا رہے ہیں،چیئرمین کا استقبال کرینگے.

فوج سے متعلق بیان پارٹی پالیسی کے مطابق دیا،شہباز گل کا اعتراف

وزیر داخلہ نے کہا کہ ملک اور اداروں کی بہتری کیلئے بات کی جائے گی،آسٹرو ٹرف کی مدت ختم ہو چکی ہے،نئے آسٹرو ٹرف کی منظوری ہو چکی ہے، پیسے منظور ہو چکے ہیں،لاہور پولیس کے مدد سے ہاکی سٹیڈیم کو محفوظ جگہ بنا رہے ہیں، دہشت گردی میں احتیاط کی ضرورت ہے،حکومتی محکمے مل کر کام کررہے ہیں،محرم الحرام کے حوالے سے بہترین انتظامات کیے گئے،عوام تحمل کا مظاہرہ کریں،ہمارا مقصد سیاسی انتقام نہیں ہے
البتہ جن لوگوں نے اپنی حدود سے تجاوز کیا ان کے خلاف محکمہ جاتی سطح پر کاروائی کی جائے گی.

شہباز گِل کی مُسلح افواج کے خلاف بغاوت، تقسیم اور سازش کی کوشش

کرنل محمد ہاشم ڈوگرکا کہنا تھا کہ ہم نے تحریک انصاف کے خلاف کام کرنے والے کسی بھی پولیس افسر کو لسٹ نہیں دی،ایک ریڈ لائن ہے وہ کسی کو بھی نہیں عبور کرنی چاہئے
آرمی کے کسی بھی شخص کو ایسی بات نہیں کرنی چاہیے،میں تاحال شہباز گل سے نہیں ملا،شہباز گل اس وقت پولیس کی حراست میں ہیں،میں فوج، عدلیہ حتی کہ کسی بھی سیاسی جماعت کے خلاف ایسی بات کی تائید نہیں کروں گا،شہباز گل ایک محب وطن ہیں، غلطی کو نظر انداز کرنا چاہیے.سیکیورٹی کے حوالے سے ملک کے حساس اداروں کے ساتھ رابطے میں ہوں.

وزیرداخلہ پنجاب کا مذید کہنا تھا کہ ہر کوئی شخص جب بھی قانون کی حد کو عبور کریں گے تو اس کے خلاف کارروائی ہوگی،تحریک لبیک اور تحریک انصاف کے درمیان اگر تصادم کی سازش ہے تو یہ نہیں ہونی چاہیے،اگر تحریک لبیک کے لوگ آئیں گے تو ان کو پھولوں کے گلدستے پیش کریں گے.