قانون کی سخت عملداری قائم ہونے اور حقائق سامنے آنے پر گمراہ نوجوانوں کے ہوش ٹھکانے آنے لگے.فوج مخالف بیان دینے والے پی ٹی آئی کارکن محمد شبیر کو غلطی کا احساس ہو گیا،محمد شبیر نے احساس ہونے پر حقائق بتا دیئے.

پی ٹی آئی کارکن نے بتایا کہ میرا نام محمد شبیر احمد ہے اور میں باغبانپورہ لاہور کا رہائشی ہوں،محمد شبیر احمد کا کہنا تھا کہ 10 سال سے پی ٹی آئی کا کارکن ہوں اورچیئرمین پی ٹی آئی عمران خان کو پسند کرتا ہوں.

پی ٹی آئی کارکن شنیر احمد نے بتایا کہ کہ اسے پی ٹی آئی کے رہنماوں میاں محمود الرشید اور میاں حمد وغیرہ نے شیل پٹرول کاایڈیشنل جنرل سیکرٹری کا وعدہ کیا ہوا ہے۔ پچھلے دِنوں میں سپریم کورٹ رجسٹری میں اپنے پی ٹی آئی کے دوستوں کے ساتھ گیا اور ان کے اسرار پرایک نظم بول دی جس کی وجہ سے میں بہت شرمندہ ہوں۔

پی ٹی آئی کارکن کا کہنا تھا کہ اس نظم کی وجہ سے جس کا دِل دُکھا ہے مجھے خُدا کے لیے معاف کر دیں،مجھے سنگین غلطی کا احساس ہو گیا، میں آئندہ ایسی غلطی نہیں کروں گا۔

صوبائی وزیرصحت اور صدر پی ٹی آئی سنٹرل پنجاب ڈاکٹریاسمین راشد، اسدعمر اورشفقت محمودکی زیر صدارت اہم اجلاس منعقد ہوا.اجلاس میں پاکستان تحریک انصاف پنجاب کی صوبائی قیادت سے عندلیب عباس،کرنل(ر) اعجازمنہاس،شنیلہ علی،طارق ثناء باجوہ، ڈاکٹرعظیم الدین لکھوی، سینیٹراعجاز چوہدری،زبیرخان نیازی،امتیاز شیخ ودیگررہنماؤں نے شرکت کی۔اجلاس میں پی ٹی آئی سے تعلق رکھنے والے ارکان قومی و صوبائی اسمبلی،ضلعی صدور،ضلعی جنرل سیکرٹریز،ٹکٹ ہولڈرزاور ونگزصدورنے شرکت کی۔

عمران خان نے جو لکھ کر دیا شہباز گل نے وہی پڑھا،مریم اورنگزیب

اجلاس میں برگیڈئیر(ر)اعجاز شاہ، وسیم رامے، صمصام بخاری، طارق حمید، ندیم بارا، ملک ظہیرعباس کھوکر،مدثرعمر، اکرم یونس، رخسانہ نوید، شنیلاروت، ہمایوں اخترخان، حاجی کرامت کھوکھر، کنورعمران سعید، رانا آفتاب، حاجی امتیاز، میاں ارقم خالد،عزیزلون،غلام محی الدین دیوان، علی اسجدملہی، جمشیداقبال چیمہ ودیگرنے شرکت کی۔

 

ہماری حکومت گرانے والے مضبوط پاکستان نہیں چاہتے، عمران خان

 

اجلاس کے دوران عمران خان کے لاہورمیں ہونے والے 13اگست کے حقیقی آزادی جلسہ کی تیاریوں کاجائزہ لیاگیا۔اجلاس کے دوران ڈاکٹریاسمین راشد اور اسدعمرنے خیالات کااظہاربھی کیا۔اجلا س کے دوران عمران خان کی قیادت پر بھرپوراعتماد کاا ظہار کیا گیا۔اجلاس میں پی ٹی آئی رہنماء شہبازگل کی گرفتاری کے خلاف پرزورمذمت کی گئی۔

صوبائی وزیر صحت اور صدرپی ٹی آئی سنٹرل پنجاب ڈاکٹریاسمین راشد نے کہا کہ لاہورمیں 13اگست کو عمران خان کے ہمراہ شاندار حقیقی آزادی جشن منایاجائے گا۔ہم شہباز گل کی گرفتاری کی پرزور مذمت کرتے ہیں۔13اگست کوپنجاب کی عوام عمران خان کی قیادت میں حقیقی آزادی جشن منائے گی۔13اگست کو لاہورمیں ہونے والے حقیقی آزادی جشن میں پرچم کشائی کی جائے گی۔13اگست کے حقیقی آزادی جشن میں پنجاب کی عوام بھرپورشرکت کرے گی۔ پنجاب میں پاکستان تحریک انصاف کو مزیدمضبوط کرنے کیلئے تنظیم سازی مکمل کررہے ہیں۔ پاکستان تحریک انصاف ملک کی سب سے بڑی سیاسی جماعت بن چکی ہے۔

ڈاکٹریاسمین راشد نے مذید کہا کہ قائد عمران خان کی ہدایت پر ہم عام انتخابات کی تیاری کررہے ہیں۔ پاکستان تحریک انصاف نے ہنگامی صورتحال سے نمٹنے کیلئے حکمت عملی تیارکررکھی ہے۔ وفاقی حکومت عمرا ن خان کی شہرت سے خوف زدہ ہوچکی ہے، پنجاب میں پاکستان تحریک انصاف ایک کمپلینٹ سیل قائم کررہی ہے،

پاکستان تحریک انصاف کے مرکزی جنرل سیکرٹری اسدعمرنے کہا کہ پنجاب میں تنظیم سازی کو جلداز جلدمکمل کرنے کی کوشش کررہے ہیں، ضلعی سطح پر تنظیم سازی کو مکمل کرنے کی ہدایت کی گئی ہے، چیئرمین پاکستان تحریک انصاف عمران خان کو تنظیم سازی کے حوالہ سے ہفتہ واررپورٹ پیش کی جارہی ہے، پنجاب میں پاکستان تحریک انصاف کی کامیابی عمران خان کے بیانئے کی جیت ہے، پارٹی اپنے لیڈرعمران خان کے ساتھ شانہ بشانہ کھڑی ہے۔

اینکر ارشد شریف کو ملک سے فرار کرانے میں تحریک انصاف کا ہاتھ نکلا.

پاکستان کے نجی نیوز چینل اے آر وائی سے منسلک اینکر ارشد شریف مقدمے کے اندراج کے بعد پشاور ایئرپورٹ سے دبئی فرار ہو گئے ہیں۔اے آر وائی کے اینکر پرسن ارشد شریف امارات ایئر لائن ای کے 637 سے دبئی گیا۔کس نے کی مدد سب سامنے آ گیا.

باغی ٹی وی کی رپورٹ کے مطابق پاکستان کے نجی نیوز چینل اے آر وائی سے منسلک اینکر ارشد شریف کومقدمے کے اندراج کے بعد ملک سے فرار کرانے میں پاکستان تحریک انصاف کا ہاتھ نکلا،

عمران خان نے جو لکھ کر دیا شہباز گل نے وہی پڑھا،مریم اورنگزیب

ذرائع کے مطابق اینکر ارشد شریف کو ملک سے فرار کرانے میں پاکستان تحریک انصاف کی کے پی کے حکومت نے سہولت کاری کا کام کیا.ارشد شریف کو خیبر پختونخوا حکومت کے وزیراعلی سیکریٹریٹ کی سرکاری گاڑی(یعنی سبز نمبر پیلیٹ) ڈبل کیبن پر پشاور کے ائرپورٹ پہنچایا گیا.

وزیراعلی سیکریٹریٹ خیبر پختونخوا کے پروٹوکول آفیسر عمر گل نے وزیراعلی کے حکم پر اینکر ارشد شریف کو پورے پروٹوکول کے ساتھ پشاور ائرپورٹ پہنچایا اور ایف آئی اے کے تمام کاؤنٹرز سے ارشد شریف کو کلیئر کروایا.

 

اداروں کیخلاف پروپیگنڈہ کے ماسٹر مائنڈ ،اے آر وائی کے عماد یوسف کراچی سے گرفتار

 

یاد رہے کہ منگل کو ارشد شریف کے خلاف مقدمہ درج کیا گیا تھا جس میں اے آر وائی کے مالک سلمان اقبال اور دیگر بھی نامزد ہیں۔مقدمے کے مطابق ارشد شریف اور اے آر وائی کے سربراہ عماد یوسف بھی شہباز گل کے فوج کے خلاف بیان کو آن ایئر کرانے میں شریک ملزم ہیں.مقدمہ میں ارشد شریف، پروڈیوسر عدیل قیصر، ہیڈ آف نیوز عماد یوسف اور سی ای او سلمان اقبال بھی نامزد ہیں.

باغی ٹی وی کی رپورٹ کے مطابق اے آر وائی کے سینئر وائس پریزیڈنٹ عماد یوسف کو گرفتار کر لیا گیا ہے

عماد یوسف کو کراچی انکی رہائشگاہ سے گرفتار کیا گیا ہے۔ عماد یوسف کی گرفتاری کی اطلاع اے آر وائی کے مالک سلمان اقبال نے سماجی رابطے کی ویب سائٹ ٹویٹر پر دی ہے۔ اینکر صابر شاکر نے بھی سماجی رابطے کی ویب سائٹ ٹویٹر پر ٹویٹ کرتے ہوئے تصدیق کی ہے کہ عماد یوسف کو گرفتار کر لیا گیا ہے

عماد یوسف نے سماجی رابطے کی ویب سایٹ ٹویٹر پر آخری ٹویٹ غریدہ فاروقی کو جواب دیتے ہوئے کی ہے عماد یوسف کی آخری ٹویٹ تقریبا چالیس منٹ قبل کی گئی ہے

عماد یوسف کا کوئی صحافی پس منظر نہیں تھا اور وہ کوکنگ شو کے منیجر تھے۔ وہ سلمان اقبال کے ذاتی معاملات بشمول سلمان اقبال کے خاندان، کاروباری و سماجی معاملات کو دیکھ رہے تھے۔ عماد یوسف کا سابق حکمران جماعت تحریک انصاف کے وزراء سے گہرا تعلق تھا۔ عماد یوسف کھلے عام پی ٹی آئی کی کوریج کا انتظام کر رہے تھے۔ انکے سامنے نیوز روم والے بے بس تھے کیونکہ وہ پی ٹی آئی اور عمران خان کے بارے میں تمام خبروں کے حوالہ سے لکھ کر دیتے تھے ۔ باخبر ذرائع کے مطابق عماد یوسف پی ٹی آئی مخالف کسی بھی موادکو نشر کرنے کی اجازت نہیں دیتے تھے۔ خصوصی ٹرانسمیشن جس میں اے آر وائی نے بغیر کسی ثبوت کے مسلم لیگ ن کے اسٹریٹجک میڈیا سیل پر الزامات لگائے، وزیراعظم ہاؤس پر جعلی خبروں نے صدر کو لسبیلہ سانحہ کے شہدا کی جنازہ میں شرکت سے روکا، اس کی منصوبہ بندی عماد یوسف نے کی تھی۔ عماد یوسف نے سپیشل ٹرانسمیشن کا آرڈر دیا جس میں اس نے صرف شہباز گل اور فواد چوہدری کو لینے کا کہا تھا

واضح رہے کہ اے آر وائی نے گزشتہ روز اداروں کے خلاف باقاعدہ ایک مہم کے طور پر پروگرام کیا اے آر وائی پر ہونے والے پروگرام کے بعد تحریک انصاف کے رہنما شہباز گل کو گرفتار کیا گیا ہے اور ان پر غداری کا مقدمہ درج کیا گیا ہے اے آر وائی کو پیمرا نے شوکاز نوٹس بھی جاری کر رکھا ہے

اے آر وائی کے مالک سلمان اقبال نے سماجی رابطے کی ویب سائٹ ٹویٹر پر ٹویٹ کرتے ہوئے معافی بھی مانگی ہے

مسلم لیگ ن پنجاب کی ترجمان عظمیٰ بخاری کا کہنا ہے کہ سابق وزیر اعظم عمران خان نے نیوٹرل لفظ کو گالی بنا دیا اور گالی کی طرح استعمال کیا۔

الیکشن کمیشن کا ممنوعہ فنڈنگ کیس کا فیصلہ اسلام آباد ہائیکورٹ میں چیلنج کردیا گیا

لاہور میں پریس کانفرنس کرتے ہوئے عظمیٰ بخاری نے کہا کہ عمران خان کا ایجنڈا فتنہ اور انتشار پیدا کرنا ہے، تحریک انصاف اور عمران خان نے نفرت اور فساد کا بیچ بویا۔

انہوں نے کہا کہ فواد چوہدری تو پارٹی کے ترجمان ہیں یا ان سے بھی لاتعلقی کا اظہار کریں گے، ہیلی کاپٹر حادثے پر یہ سوشل میڈیا پر ٹرینڈ چلوا رہے تھے، برداشت کی ایک حد ہوتی ہے، لیکن انہوں نےحد کر دی۔

 

مقدمے کے اندراج پر اینکر ارشد شریف پشاور ایئرپورٹ سے دبئی فرار

 

عظمیٰ بخاری کا کہنا ہے کہ مسجد نبویﷺ میں ہلڑبازی پر پاکستانیوں کو سزائیں سنائی گئی ہیں، ن لیگ نے ہمیشہ اسٹیبلشمنٹ کے غیرآئینی کردار پر بات کی، شہداء کی توہین کرنا اور شہداء کے ساتھ کھڑے نہ ہونا کیا یہ بغاوت نہیں؟

ان کا کہنا ہے کہ کیا عمران خان فوج سے زیادہ پاپولر ہے؟ شہباز گل آج اکیلا عدالت میں پیش ہوا، آج عمران خان ان کے ساتھ کھڑے ہوتے۔

 

نواز شریف کی پاکستان واپسی کی تیاریاں شروع۔ مریم کو ذمہ داری دے دی گئی

 

ن لیگ پنجاب کی ترجمان نے کہا کہ پاکستانی قوم فوج کے شہداء کے ساتھ کھڑی ہوتی ہے، عمران خان کل سے بنی گالہ کے کسی تہہ خانے میں چھپے ہوئے ہیں، انہوں نے جو کروایا ہے کچھ ہمارے پاس ثبوت ہیں کچھ شہباز گل بتا دے گا۔

لیگی رہنما کا کہنا ہے کہ بیان شہباز گل کا ذاتی بیان نہیں تحریک انصاف کی پارٹی پالیسی تھی، شہباز گل کی گرفتاری تک اس بیان پر پی ٹی آئی کا کوئی مذمتی بیان نہیں آیا، ان کی گرفتاری تک کسی پی ٹی آئی رہنما نے اعلان لاتعلقی نہیں کیا۔

عظمیٰ بخاری نے مزید کہا کہ عمران خان کے فتنہ، فساد اور بدمعاشی سے ہم ڈرنے والے نہیں، جب ہمیں جیلوں میں ڈالا جارہا تھا ہم اس وقت نہیں ڈرے تھے، حکومت وقت کی اپنی بھی ذمہ داری ہے، ہم اداروں کے تحفظ کے ذمہ دار ہیں۔

ان کا یہ بھی کہنا ہے کہ ان کی رسی بہت دراز ہوچکی اب ان سے فارن فنڈنگ کا حساب بھی لینا ہے، بشریٰ بیگم مخالفین کو ارسلان بیٹے کے ذریعے غداری جڑوا رہی تھیں، بشریٰ بیگم آج بتائیں شہباز بیٹے کو کس سے جوڑنا ہے۔

پنجاب حکومت نے تاجر برادری کے لیے بڑا ریلیف دے دیا اوقات کار کی پابندی کے خاتمے کا تاجروں کا بڑا مطالبہ مان لیا گیا۔

باغی ٹی وی : وزیراعلی پنجاب نے صوبے بھر میں کاروباری اوقات کار پر پابندی ختم کرکے پنجاب بھر میں رات نوبجے دکانیں بند کرنے کے حکمنامے کو معطل کر دیا گیا جبکہ کاروباری سرگرمیاں اتوار کے روز بھی جاری رکھنے کی اجازت دے دی گئی۔

شہباز گل میں عقل نہیں افواج پاکستان کیخلاف بیان قابل افسوس، پرویز الہی

وزیر اعلی پنجاب چودھری پرویز الہی نے تاجر برادری کی درخواست پر عمل کرتے ہوئے وزیر اعلی پنجاب نے اوقات کار پر پابندی ختم کی اور سیکریٹری انڈسٹری کو جلد نوٹیفیکیشن جاری کرنےکا حکم دےدیا پرویز الہی نےکہا کہ تاجر برادری رات گئے تک کاروبار کرسکے گی۔

واضح رہے کہ گزشتہ ماہ سابق وزیر اعلی پنجاب حمزہ شہباز نے توانائی کی بچت کے لیے پنجاب بھر میں مارکیٹیں، بازار اور کاروباری مراکز رات 9 بجے بند کرنے کا اعلان کیا تھا حمزہ شہباز نے صوبہ بھر کے تاجر رہنماوں اور نمائندوں سے ملاقات کرنے کے بعد کہا تھا کہ توانائی کی بچت کے لئے صوبہ بھر کی تاجر برادری کی مشاورت سے بڑا فیصلہ کیا ہے۔

نواز شریف کی پاکستان واپسی کی تیاریاں شروع۔ مریم کو ذمہ داری دے دی گئی

حمزہ شہباز کا مزید کہنا تھا کہ ریسٹورنٹس رات ساڑھے 11بجے تک کھلے رہیں گے جبکہ شادی ہالز سابق پالیسی کے تحت رات 10 بجے تک کھل سکیں گے ہفتے کو تاجر برادری کو کاروبار کے اوقات میں خصوصی رعایت دی جائے گی –

دوسری طرف، تاجر برادری نے توانائی بحران میں حکومتی اقدامات کی بھرپور حمایت کا اعلان کیا تھا اور صوبہ بھر کے تاجر عہدیداروں اور نمائندوں نے توانائی کی بچت کے لیے حکومتی اقدامات کو سراہا تھا سابق وزیر اعلی پنجاب حمزہ شہباز نے کہا تھا کہ تاجر برادری نے ہمیشہ مشکل وقت میں قوم کا ساتھ دیا ہے اور میں آج بھی حکومتی اقدامات کی غیر مشروط حمایت پر تاجر برادری کا شکریہ ادا کرتا ہوں۔

چودھری پرویزالہیٰ نے شہباز گِل کے بیان کی شدید مذمت کی ہے-

باغی ٹی وی: چوہدری پرویز الٰہی نے کہا کہ میں شہباز گل کے اس بیان کے خلاف ہو ں تحریک انصاف کے رہنماؤں کواس بیان سے فاصلہ اختیر کرنا چاہیئے میں نے اس کے خلاف بیان دیا ہے میں نے کہا کہ شہباز گِل میں کوئی عقل نہیں افواجِ پاکستان ہماری سرحدوں کی نگہبان ہے شہباز گِل کون ہوتے ہیں پالیسی پہ بات کرنے والے؟-

چوہدری پرویز الٰہی نے کہا کہ اس کا نقصان ہوا اس کا فائدہ نہیں یہ ہمارے قابل احترام ادارے ہیں اداروں کا احترام ہر فرد پر لازم و ملزوم ہے شہباز گِل کاافواجِ پاکستان کے خلاف بیان قابلِ افسوس ہے۔

قبل ازیں وزیراعلیٰ پنجاب پرویزالہیٰ نے دعویٰ کیا کہ عمران خان کے اسٹیبلشمنٹ کیساتھ تعلقات ٹھیک ہو رہے ہیں۔ ن لیگ کو تکلیف ہے کہ معاملات بہتری کی طرف جانا شروع ہوگئے ہیں افواج پاکستان سرحدوں کی حفاظت کی ضامن اور ہمارا فخر ہیں فوج کے خلاف پراپیگنڈا ملک دشمن ہی کرسکتا ہے۔ کسی بھی شکل میں افواج پاکستان کے خلاف بات نہیں کر سکتے۔

جہانگیر خان ترین نے اپنی سیاسی جماعت عوامی تحریک انصاف بنانے کا عندیہ دے دیا

انہوں نے کہا ہے کہ ن لیگ والے غلط اور بے بنیاد پراپیگنڈا کر رہے ہیں۔ عمران خان، تحریک انصاف اور ہم افواج پاکستان کے ساتھ ہیں کسی کو بھی فوج بدنام کرکےسیاسی مقاصد حاصل کرنے نہیں دیں گے۔

چودھری پرویز الہیٰ کاکہنا ہےکہ آصف زرداری کی وجہ سےبہت نقصان ہوا آصف زرداری اورشہبازشریف سےاب کبھی بات نہیں ہوسکتی ن لیگ کے ساتھ ہوتے تو وہ کام نہیں کرنے دیتےعمران خان کے ساتھ جانے کا فیصلہ میرا اور مونس کا تھا کوئی فون نہیں آیا عمران خان کے ساتھ اتحاد کرکے کوئی نقصان نہیں ہوا۔

ان کا کہنا ہے کہ تحریک انصاف اور پیپلزپارٹی کا اتحاد ناممکن ہےعمران خان جب کہیں گے اسمبلی توڑ دیں گے فارن فنڈنگ کیس کی کوئی اہمیت نہیں۔

پیپلزپارٹی کی طرف سے پرویز الہیٰ کے بیان پر رد عمل میں کہا گیا ہے کہ حیرت ہے پرویزالٰہی کو باعزت وزارت اعلیٰ منظور نہیں ہوئی آصف زرداری پر تنقید کرنا پرویز الٰہی کی نوکری کا تقاضا ہے پرویزالٰہی نے ڈوبتی کشتی میں سوار ہو کر اپنا مستقبل غرق کردیا۔ پرویز الٰہی تو چودھری شجاعت کے وفادار نہیں رہے۔ عمران خان سے وفاداری کیسے کریں گے؟ فیصل کریم کنڈی نے کہا عمران خان کا بیان پرویزالٰہی کا پیچھا کرتا رہے گا۔

سندھ،پنجاب ، خیبرپختونخوا ،جنو بی بلو چستان میں بارش کا امکان