Baaghi TV

Category: لاہور

  • پنجاب اسمبلی، اسکولوں میں طلبا کے موبائل فون پر مکمل پابندی کی قرارداد منظور

    پنجاب اسمبلی، اسکولوں میں طلبا کے موبائل فون پر مکمل پابندی کی قرارداد منظور

    پنجاب اسمبلی نے تمام سرکاری اور نجی اسکولوں میں طلبا کے موبائل فون کے استعمال پر مکمل پابندی عائد کرنے کی قرارداد منظور کرلی۔

    یہ قرارداد حکومتی رکن راحیلہ خادم حسین نے ایوان میں پیش کی تھی۔ قرارداد میں کہا گیا کہ بچے قوم کا مستقبل ہیں اور ان کی ذہنی و سماجی تربیت حکومت کی اولین ذمہ داری ہے، تاہم موبائل فون اور سوشل میڈیا کے بڑھتے استعمال سے بچوں کے ذہن اور اخلاقی اقدار بری طرح متاثر ہو رہے ہیں۔ایوان نے مطالبہ کیا کہ اس مسئلے کے حل کے لیے حکومت جامع لائحہ عمل تیار کرے۔ ابتدائی اقدام کے طور پر تمام اسکولوں میں موبائل فون کے استعمال پر پابندی لگائی جائے اور بچوں کے سوشل میڈیا اکاؤنٹس سے متعلق قانون سازی بھی کی جائے۔

    قرارداد کی منظوری کے بعد حکومت پر زور دیا گیا کہ وہ فوری اور مؤثر اقدامات کرے تاکہ تعلیمی اداروں میں طلبا کی تربیت اور اخلاقی معیار پر منفی اثرات کو روکا جا سکے۔

    لالچی مالکن کی وجہ سے 5.3 بلین ڈالرز کا منصوبہ تاخیر کا شکار

    جعلی فٹبال ٹیم بنا کر 17 نوجوانوں کو جاپان بھجوانے کا انکشاف، اسمگلر گرفتار

    ٹی ٹوئنٹی ایشیاء کپ: پاکستان کی پریس کانفرنس منسوخ، ریفری تنازع برقرار

    ٹی ٹوئنٹی ایشیاء کپ: پاکستان کی پریس کانفرنس منسوخ، ریفری تنازع برقرار

  • امریکی ناظم الامور کا قصور کے سیلاب متاثرہ علاقوں کا دورہ

    امریکی ناظم الامور کا قصور کے سیلاب متاثرہ علاقوں کا دورہ

    امریکی ناظم الامور نیٹلی بیکر نے قصور میں سیلاب سے متاثرہ علاقوں اور ریلیف کیمپوں کا دورہ کیا۔

    امریکی سفارت خانے کے جاری کردہ بیان کے مطابق نیٹلی بیکر نے متاثرہ خاندانوں اور ریسکیو ورکرز سے ملاقات کی اور بحالی کی کوششوں میں تعاون کی یقین دہانی کرائی۔لاہور میں نیٹلی بیکر کی ریلیف کمشنر پنجاب نبیل جاوید سے بھی ملاقات ہوئی، جہاں انہوں نے ہنگامی صورتحال میں امریکی امداد کو اجاگر کیا۔نیٹلی بیکر کا کہنا تھا کہ قصور کی ضلعی انتظامیہ کی مربوط حکمت عملی نے انسانی جانوں کو محفوظ بنانے میں اہم کردار ادا کیا۔

    امریکی ناظم الامور نے امدادی کارکنوں کی محنت کو خراجِ تحسین پیش کرتے ہوئے قصور کے ریسکیو، ریلیف اور بحالی کے ماڈل کو شاندار قرار دیا۔بعد ازاں نیٹلی بیکر نے لاہور میں اپٹما اراکین اور نوجوان پروفیشنلز سے بھی ملاقات کی اور مختلف شعبوں میں تبادلہ خیال کیا۔

    مالیاتی تعلیم: خوشحال معاشرے کی بنیاد،تحریر:عمر افضل

  • پنجاب سرسبز، صاف اور محفوظ مستقبل کی طرف بڑھ رہا ہے،وزیر اعلیٰ پنجاب

    پنجاب سرسبز، صاف اور محفوظ مستقبل کی طرف بڑھ رہا ہے،وزیر اعلیٰ پنجاب

    لاہور: وزیر اعلیٰ پنجاب مریم نواز نے کہا ہے کہ پنجاب میں ترقی کا سفر اب کسی صورت نہیں رکے گا۔

    وزیر اعلیٰ پنجاب مریم نواز نے اوزون کے تحفظ کے عالمی دن پر پیغام میں کہا کہ اوزون ہماری ماحولیات کی محافظ ہے، اور اوزون کو بچانا انسانیت کا اہم ترین فریضہ ہےموسمیاتی تبدیلی نے بارشوں کے انداز بدل دیئے، اور پنجاب تباہ کن سیلاب کی شکل میں خمیازہ بھگت رہا ہے، ہم نے پنجاب ماحول دوست الیکٹرو بسیں متعارف کروائیں، اور ہم نے ماحولیاتی بہتری کے لیے پلانٹ فار پاکستان مہم کا آغاز کیا۔

    مریم نواز نے کہا کہ ہم گرین انرجی اور سولرائزیشن منصوبوں کی طرف بڑھ رہے ہیں،اور اوزون پروٹیکشن میں ہر شہری کی ذمہ داری ہے کہ وہ اپنا کردار ادا کریں، فضا، پانی اور زمین کو آئندہ نسلوں کے لیے محفوظ بنانے میں ہاتھ بٹائیں، پنجاب سرسبز، صاف اور محفوظ مستقبل کی طرف بڑھ رہا ہے، اور پنجاب میں ترقی کا سفر اب کسی صورت نہیں رکے گا۔

    عمران خان ٹی ٹی پی سے اپیل کریں تب دہشت گردی رُک سکتی ہے ،جاوید بدر

    مودی حکومت کی سرپرستی میں ہندوتوا ایجنڈے کو تقویت

    گورنر خیبرپختونخوا فیصل کریم کنڈی سے ندیم افضل چن کی ملاقات

  • اپووا کا نعتیہ مشاعرہ،رپورٹ:مدیحہ کنول

    اپووا کا نعتیہ مشاعرہ،رپورٹ:مدیحہ کنول

    آل پاکستان رائٹرز ویلفیئر ایسوسی ایشن کے زیر اہتمام، حضور اقدس حضرت محمد صلی اللہ علیہ وآلہ وسلم کے 1500 ویں سالانہ جشنِ ولادت کے بابرکت سلسلے میں، ہوٹل پاک ہیری ٹیج میں ایک پرنور محفل کا انعقاد ہوا، جہاں عشقِ رسول ﷺ کی خوشبو ہر سو بکھر رہی تھی۔ یہ محفل محض ایک تقریب نہیں تھی بلکہ ایمان کو تازہ کرنے والی ایک روحانی نشست تھی۔ اس پورے پروگرام کی نظامت کے فرائض جنرل سیکرٹری اپووامدیحہ کنول نے اس خوبصورتی سے انجام دیے کہ سامعین کی توجہ شروع سے آخر تک قائم رہی۔ اس بابرکت محفل کی نگرانی ایم ایم علی کر رہے تھے جبکہ اس کی سرپرستی کا اعزاز ملک یعقوب اعوان کے حصے میں آیا۔​اس نعتیہ مشاعرے کے صدارت، نہایت محترم اور سینئر شاعر ناصر بشیر نےکی ، جن کی موجودگی نے اس محفل کو مزید وقار بخشا۔

    سب سے پہلے تلاوتِ کلامِ پاک کی سعادت سفیان علی فاروقی نے حاصل کی اور اپنی پرسوزآواز کی بدولت پورے ہال میں ایک روحانیت کی فضا قائم کر دی۔ ان کے بعد نعتِ رسولِ مقبول ﷺ پیش کرنے کے لیے خنیس الرحمان اسٹیج پر جلوہ افروز ہوئے اور اپنے دلنشیں انداز میں نعت سنا کر حاضرین کے دلوں کو عشقِ رسول ﷺ کی تپش سے گرمایا۔​اس کے بعد، ملک بھر سے آئے ہوئے شعرائے کرام کی ایک کہکشاں نے نبی اکرم ﷺ کی شان میں اپنے جذبوں کا اظہار کیا۔ ہر شاعر نے عشقِ رسول ﷺ میں ڈوب کر اپنا کلام پیش کیا اور سامعین سے خوب داد و تحسین وصول کی۔ یوں محسوس ہو رہا تھا جیسے ہر نعت کے ساتھ اس پرنور محفل میں انوار کی بارش ہو رہی ہو۔ کلام پیش کرنے کے بعد، کچھ مہمانانِ گرامی نے اس بابرکت محفل سے خطاب کیا اور نعتیہ شاعری کی اہمیت پر ایسی روشنی ڈالی کہ ایمان مزید تازہ ہو گیا۔​اس روح پرور تقریب سے پہلے، تمام مہمانانِ گرامی کے لیے اپووا کے سنیئر وائس چیئرمین ملک یعقوب کی طرف سے پُرتکلف لاہوری ناشتے کا اہتمام کیا گیا تھا۔ مشاعرے کےآخر میں، صدرِ محفل ناصر بشیر نے اپنا کلام پیش کیا جسے تمام حاضرین نے بہت سراہا، اور یوں ان کی سرپرستی میں یہ بہترین تقریب اپنے اختتام کو پہنچی۔ یہ مشاعرہ نہ صرف ایک ادبی محفل تھی بلکہ عشقِ رسول ﷺ کو اجاگر کرنے کا ایک بہترین ذریعہ بھی ثابت ہوا۔

    مشاعرے میں حمزہ ارشد،چوہدری غلام غوث،حاجی عبدلطیف ،عافیہ بزمی،سائرہ حمید تشنہ،معروف شاعرہ ثوبیہ خان نیازی،معروف شاعرہ رقیہ غزل،معروف شاعرہ عروج درانی اور سنیئر شاعر مشتاق قمر نے اپنا اپنا نعتیہ کلام سنانے کی سعادت حاصل کی۔

    نعتیہ مشاعرے کے بعد دوسرے سیشن آغاز ہوا جس سے معروف دانشور و ادبی شخصیت ریاض احمد احسان،استاد ،تربیت کار اور معروف لکھاری اشفاق احمد خان ،ڈی ایس پی شہزادی گلفام،اور اپووا کے سنیئر وائس چیئرمین ملک یعقوب اعوان نے خطاب کیا اورنبی اکرم ﷺ کی تعلیمات پر روشنی ڈالی تقریب کے اختتام پر اپووا قصور کے کو آرڈنیٹر اور معروف صحافی طارق نوید کی طرف سے تمام شرکاء میں قصور کی مشہور سوغات قصوری اندرسے تقسیم کئے گئے۔دیگر شرکاء میں محمد اسلم سیال،ایمن سعید ،لاریب اقرء،غلام زادہ نعمان صابری،عبدلصمد مظفر،محمد بلال، معروف صحافی مہر اشتیاق احمد، معروف کالم نگار فیصل رمضان اعوان ،محمد ہشام ہاشمی،صائمہ محمد علی ، سنئیر صحافی غلام زہرہ،نمرہ امین،خولہ رضویہ سمیت کثیر تعداد میں خواتین و حضرات نے شرکت کی۔

  • فلائی جناح کا لاہور اور دبئی کے درمیان نئی براہ راست پروازوں کے آغاز

    فلائی جناح کا لاہور اور دبئی کے درمیان نئی براہ راست پروازوں کے آغاز

    پاکستان کی فضائی کمپنی فلائی جناح نے لاہور اور دبئی کے درمیان نئی براہ راست پروازوں کے آغاز کا اعلان کر دیا ہے جو 29 اکتوبر 2025 سے شروع ہوں گی۔

    گلف نیوز کے مطابق یہ نئی فضائی سروس ہر ہفتے بدھ اور اتوار کو چلائی جائے گی جس کے تحت علامہ اقبال انٹرنیشنل ایئرپورٹ (لاہور) کو دبئی انٹرنیشنل ایئرپورٹ سے براہِ راست جوڑا جائے گا،شارجہ کے بعد دبئی فلائی جناح کے لاہور نیٹ ورک میں شامل ہونے والا دوسرا اماراتی شہر بن گیا ہے فلائی جناح اس سے قبل لاہور کو ریاض، جدہ، دمام اور بحرین سے بھی جوڑ چکی ہے۔

    ایئرلائن کے پاس 6 جدید ایئربس A320 طیاروں کا بیڑا موجود ہے جو مسافروں کو اضافی ٹانگوں کی جگہ، آن بورڈ مینو، مفت ان فلائٹ اسٹریمنگ اور وفاداری پروگرام جیسی سہولیات فراہم کرتے ہیں،لاہور اور دبئی کے درمیان نئی پروازوں کی بکنگ فلائی جناح کی ویب سائٹ، کال سینٹر اور مجاز ٹریول ایجنسیز کے ذریعے دستیاب ہے۔

    فوجی قربانیوں کا جواب، دہشت گردوں کا خاتمہ قریب ،تحریر:یوسف صدیقی

    وزیر اعلیٰ پنجاب کے حکم پر غزہ کے عوام کے لیے امدادی سامان روانہ

    کترینہ کیف اور وکی کوشل کے ہاں،پہلے بچے کی پیدائش متوقع

  • وزیر اعلیٰ پنجاب کے حکم پر غزہ کے عوام کے لیے امدادی سامان روانہ

    وزیر اعلیٰ پنجاب کے حکم پر غزہ کے عوام کے لیے امدادی سامان روانہ

    وزیر اعلیٰ پنجاب مریم نواز شریف کے حکم پر غزہ کے عوام کے لیے امدادی سامان روانہ کردیا گیا ہے۔

    وزیر اعلیٰ پنجاب مریم نواز شریف لاہور ایئرپورٹ پہنچیں جہاں سے غزہ کے مظلوم عوام کے لیے 100 ٹن خوراک روانہ کی گئی،پاکستان کی جانب سے بھیجے جانے والے امدادی سامان میں 32 مختلف فوڈ آئٹمز شامل ہیں،اس موقع پر مریم نواز شریف نے کہا کہ پاکستان کے عوام کے دل فلسطینی بھائیوں کے ساتھ دھڑکتے ہیں، غزہ کے بے گناہ مسلمانوں پر ہونے والے مظالم سے ہر حساس دل مضطرب ہے، امدادی سامان اہل پاکستان کی طرف سے غزہ کے عوام کے لیے پیغامِ محبت ہے۔

  • بھارتی ٹیم اور میچ ریفری کے رویے پر ردعمل دینے میں تاخیر، پی سی بی ڈائریکٹر معطل

    بھارتی ٹیم اور میچ ریفری کے رویے پر ردعمل دینے میں تاخیر، پی سی بی ڈائریکٹر معطل

    پاکستان کرکٹ بورڈ نے ایشیا کپ کے میچ میں بھارتی ٹیم اور میچ ریفری کے رویے پر ردعمل دینے میں تاخیر پر ڈائریکٹر انٹرنیشنل کرکٹ عثمان واہلہ کو معطل کر دیا۔

    ذرائع کے مطابق ڈائریکٹر انٹرنیشنل کرکٹ عثمان واہلہ کو گزشہ روز بھارت کے خلاف میچ کے دوران پیدا ہونے والی صورتحال پر آئی سی سی کو خط دیر سے لکھنے پر برطرف کیا،عثمان واہلہ کو ایشیا کپ کے میچ میں بھارتی ٹیم اور میچ ریفری کے حوالے سے ردعمل دینے میں تاخیر پر معطل کیا گیا۔

    دوسری جانب چیئرمین پی سی بی محسن نقوی نے سوشل میڈیا پر اپنے بیان میں لکھا کہ میرے لیے پاکستان کی عزت اور وقار سے بڑھ کر کچھ نہیں ہے۔

    تربت میں گاڑی پر ریموٹ کنٹرول بم حملہ ، 5 افراد جاں بحق

    ذرائع کا بتانا ہے کہ پاکستان کرکٹ بورڈ نے گزشتہ روز پیدا ہونے والی صورتحال کے بعد سخت مؤقف اپناتے ہوئے فیصلہ کیا ہے کہ اگر میچ ریفری اینڈی پائی کرافٹ کو فوری طور پر نہ ہٹایا گیا تو پاکستان کرکٹ ٹیم ایشیا کپ کے مزید میچز میں شرکت نہیں کرے گی۔

    واضح رہے پاک بھارت میچ کے دوران ٹاس کے وقت اینڈی پائی کرافٹ نے پاکستانی کپتان سلمان آغا سے کہا تھا کہ ٹاس کے موقع پر شیک ہینڈ نہیں ہو گا، اینڈی پائی کرافٹ نےاس سے قبل پاکستان میڈیا منیجر سے کہا کہ یہ سب ریکارڈ نہیں ہونا چاہیے،میچ کے اختتام پر منیجر نوید اکرم چیمہ نے ٹورنامنٹ ڈائریکٹر اینڈریو رسل سے تحفظات کا اظہار کیا تھا جس پر اینڈریو رسل نے کہا تھا کہ ہمیں بھارتی بورڈ سے ہدایات ملی ہیں اور پھر کہا یہ اصل میں یہ ہدایات بھارتی حکومت کی جانب سے ملی ہیں۔

    بلاول بھٹو زرداری کا فودان یونیورسٹی شنگھائی کا دورہ،خطاب

  • سابق وزیراعظم نواز شریف لندن روانہ، دو ہفتے قیام متوقع

    سابق وزیراعظم نواز شریف لندن روانہ، دو ہفتے قیام متوقع

    لاہور: پاکستان مسلم لیگ (ن) کے صدر اور سابق وزیراعظم میاں محمد نواز شریف غیر ملکی ایئرلائن کے ذریعے لندن روانہ ہو گئے ہیں۔

    نواز شریف آج جاتی امرا رائیونڈ سے روانہ ہوئے اور علامہ اقبال انٹرنیشنل ایئرپورٹ پہنچے، جہاں سے وہ قطر ایئرویز کی پرواز کے ذریعے لندن کے لیے رختِ سفر باندھ گئے۔ نواز شریف لندن میں تقریباً دو ہفتے قیام کریں گے اور اس دوران اپنا باقاعدہ طبی معائنہ بھی کروائیں گے۔

    واضح رہے کہ کچھ روز قبل نواز شریف نے پنجاب انسٹی ٹیوٹ آف نیوروسائنسز میں چیک اپ کروایا تھا، جس دوران ان کی گردن کی ایم آر آئی بھی کی گئی۔ ڈاکٹرز کے مطابق انہیں پٹھوں میں درد اور کھنچاؤ کی شکایت ہے، جس کے مزید علاج اور فالو اپ کے لیے وہ لندن روانہ ہوئے ہیں۔

  • سیلاب ہمیں ایک بار پھر زراعت اور معیشت میں پیچھے دھکیل گیا ،احسن اقبال

    سیلاب ہمیں ایک بار پھر زراعت اور معیشت میں پیچھے دھکیل گیا ،احسن اقبال

    وفاقی وزیر برائے ترقی و منصوبہ بندی احسن اقبال کا کہنا ہے کہ سیلاب سے پنجاب کی معیشت کو 500 ارب روپے کا نقصان ہوا۔

    بھینیاں میں متاثرین کو امدادی سامان تقسیم کرنے کی تقریب سے خطاب کرتے ہوئے وفاقی وزیر احسن اقبال نے بتایا کہ سیلاب سے پنجاب کو 500 ارب روپے کے نقصانات کا ابتدائی تخمینہ لگایا گیا ہے، سیلاب کے نتیجے میں پنجاب کی لاکھوں ایکڑ اراضی تباہ ہو گئی جبکہ 4.3 فیصد زرعی رقبہ اور 45 لاکھ افراد متاثر ہوئے، حالیہ سیلاب ہمیں ایک بار پھر زراعت اور معیشت میں پیچھے دھکیل گیا ہے تاہم حکومت اس بار بیرونی امداد یا قرضوں کے بجائے خود انحصاری پر توجہ دے گی، کشکول کو خدا حافظ کہیں گے۔

    وفاقی وزیر احسن اقبال نے مزید کہا کہ 2025 کے سیلاب نے ہمیں ایک بار پھر یہ دکھایا ہے کہ موسمیاتی تبدیلی مستقبل کا خطرہ نہیں بلکہ ایک موجودہ حقیقت ہے، آج کی تقسیم صرف ریلیف سامان کی فراہمی نہیں ہے، یہ یکجہتی اور امید کا پیغام ہے۔

    دوسری جانب ریلیف کمشنر پنجاب کا کہنا ہے کہ شدید سیلابی صورتِ حال سے 4 ہزار 700 دیہات متاثر ہوئے اور 104 افراد جاں بحق ہو چکے، آج چاروں صوبوں کے زرعی محکموں کا اجلاس بلایا ہے،مزید برآں کل سے مون سون کے گیارہویں اسپیل کا الرٹ جاری کردیا گیا ہے جس کے تحت پنجاب کے بالائی علاقوں میں بارشوں کا امکان اور ندی نالوں میں طغیانی کا خدشہ ہے۔

  • پنجاب اسمبلی میں ٹک ٹاک پر پابندی کی قرارداد جمع

    پنجاب اسمبلی میں ٹک ٹاک پر پابندی کی قرارداد جمع

    پنجاب اسمبلی میں ٹک ٹاک پر پابندی کی قرارداد جمع،کرادی-

    پنجاب اسمبلی میں اپوزیشن رکن فرخ جاوید مون نے سماجی ویب سائٹ ٹک ٹاک پر پابندی عائد کرنے کے لیے قرارداد جمع کرا دی،قرارداد کے متن کے مطابق پاکستان میں اس وقت ٹک ٹاک مافیا لائیو چیٹ کے ذریعے فحاشی اور عریانی کو فروغ دے رہا ہے، جس کے باعث نوجوان نسل، خصوصاً بچے، بے حیائی کی طرف راغب ہو رہے ہیں۔

    متن میں کہا گیا کہ نوجوان لڑکے اور لڑکیاں نہ صرف آپس میں فحش گفتگو کرتے ہیں بلکہ ایک دوسرے کو غیر اخلاقی حرکات پر بھی اکساتے ہیں، جو ہمارے اسلامی معاشرتی اقدار کے لیے ناقابل برداشت ہے،نوجوان محض سستی شہرت اور پیسے کی خاطر بڑی تعداد میں ٹک ٹاک کا رخ کر رہے ہیں، جس سے معاشرے میں منفی رجحانات کو تقویت مل رہی ہے۔

    سیلاب کے دوران ہونے والے نقصانات کا تخمینہ لگا رہے ہیں،محمد اورنگزیب

    قرارداد میں مطالبہ کیا گیا ہے کہ وفاقی حکومت فوری طور پر ٹک ٹاک اور اس کی لائو چیٹ پر پابندی عائد کرے تاکہ نوجوان نسل کو تباہی اور بے راہ روی سے بچایا جا سکے۔

    ایشیاکپ:پاک-بھارت ٹاکرا، گودی میڈیا سیخ پا، میچ کے بائیکاٹ پر زور