Category: لاہور

وزیر اطلاعات و ثقافت پنجاب عظمیٰ بخاری نے معروف تھیٹر آرٹسٹوں قیصر ثناء اللہ اور نسیم وکی سے ملاقات کی۔

اس موقع پر سیکرٹری اطلاعات طاہر رضا ہمدانی اور ای ڈی پکار اطہر مسعود بھی موجود تھے، ملاقات میں تھیٹر ایسوسی ایشن کے نمائندوں سے نئے ڈراما ایکٹ پر تبادلہ خیال کیا گیا،عظمیٰ بخاری نے بتایا کہ حکومت ایسا ڈرامہ ایکٹ لانا چاہتی ہے جو تھیٹر انڈسٹری کی مشاورت سے مرتب کیا جائے،تھیٹر ایسوسی ایشن کی دو تجاویز کو نئے ایکٹ میں شامل کرنے پر اتفاق کر لیا گیا ہے۔

https://x.com/saifullahawan40/status/1967112682156474732

وزیر اطلاعات کا کہنا تھا کہ تھیٹر میں فحاشی پھیلانے والوں کے خلاف کارروائی کے بعد ڈراموں کے معیار میں بہتری آئی ہے، تاہم بعض تھیٹرز کے بارے میں اب بھی شکایات موصول ہو رہی ہیں،انہوں نے واضح کیا کہ جب تک تھیٹر سے فحاشی کا مکمل خاتمہ نہیں ہو جاتا، چین سے نہیں بیٹھیں گے،گلی محلوں میں تھیٹر قائم کرنے کی اجازت نہیں دی جائے گی جبکہ تھیٹر کے اوقاتِ کار میں بھی تبدیلی ناگزیر ہے ہم ایسا ماحول چاہتے ہیں جہاں فیملیز اعتماد کے ساتھ ڈرامے دیکھنے آئیں، تھیٹر ڈراموں میں خواتین کو نشانہ بنا کر جملے بازی بند ہونی چاہیے اور اچھے، سماجی موضوعات پر مبنی ڈرامے پیش کیے جائیں،پڑھی لکھی نوجوان نسل کو تھیٹر میں پروموٹ کیا جائے تاکہ تھیٹر کا مجموعی ماحول تبدیل ہو سکے۔

وزیر اعلیٰ کی ہدایت پر مریم اورنگزیب کا سیلاب متاثرہ علاقوں کا دورہ

مون سون بارشوں کے گیارویں اسپیل کا الرٹ جاری

مون سون بارشوں کے گیارویں اسپیل کا الرٹ جاری

وزیر اعلیٰ پنجاب مریم نواز شریف کی ہدایت پر سینیئر وزیر مریم اورنگزیب نے بوٹ پر سیت پور کے سیلاب زدہ علاقوں کا دورہ کیا اور متاثرین سے ملاقات کی-

وزیر اعلیٰ کی خصوصی ہدایت پر سیت پور کے اندرونی علاقوں میں ٹینٹ اور دیگر امدادی سامان کی ترسیل جاری ہے،مریم اورنگزیب نے فلڈ ریلیف کیمپوں میں متاثرہ خاندانوں سے ملاقات کی اور کہا کہ مجھے آپ کی بہن، بیٹی اور ماں مریم نواز نے آپ کی تکلیف میں آپ کے پاس بھیجا ہے ان شاءاللہ آپ کے نقصان کا ازالہ کیا جائے گا،سیلاب متاثرین کو کھانا، خشک راشن، ٹینٹ اور دیگر ضروری سامان فراہم کیا جارہا ہے۔

مریم اورنگزیب نے کہا کہ علی پور مکمل طور پر ڈوب گیا ہے اور وہاں بڑا نقصان ہوا ہے، جس کا تخمینہ لگانے کا عمل شروع کردیا گیا ہےوزیر اعلیٰ مریم نواز نے ضلعی انتظامیہ کو ہدایت دی ہے کہ ہر متاثرہ فرد کے نقصان کا تعین کیا جائے تاکہ بروقت معاوضہ فراہم کیا جا سکے،دن کے وقت سیت پور کے دورے کے بعد وہ رات کو دوبارہ علی پور بھی پہنچیں۔

مون سون بارشوں کے گیارویں اسپیل کا الرٹ جاری

متاثرین نے اس موقع پر گفتگو کرتے ہوئے کہا کہ ماضی میں بھی میاں نواز شریف سیلاب کے دوران خود ان کے درمیان آئے تھے اور آج اُن کی بیٹی مریم نواز نے انہیں بھیجا ہے، جس سے ان کے حوصلے بلند ہوئے ہیں۔

ہدف صرف بھارت کے خلاف میچ نہیں بلکہ ایشیا کپ کی ٹرافی جیتنا ہے،صائم ایوب

فلڈ فورکاسٹنگ ڈویژن کے مطابق ملک کے بڑے دریاؤں میں سیلابی صورتحال برقرار ہے اور پانی کی سطح مسلسل بلند ہو رہی ہے۔

دریائے چناب میں ہیڈ پنجند کے مقام پرانتہائی اونچے درجے کا سیلاب ریکارڈ کیا گیا، جہاں پانی کا اخراج 4 لاکھ 94 ہزار147 کیوسک تک پہنچ گیا ہےاسی طرح دریائے سندھ میں گڈوبیراج پراونچے درجے کا سیلاب ہے اورپانی کا اخراج 5 لاکھ 32 ہزار 72 کیوسک ریکارڈ کیا گیا جبکہ سکھربیراج پردرمیانے درجے کا سیلاب جاری ہے، جہاں سے 4 لاکھ 22 ہزار 400 کیوسک پانی کا گزرہورہا ہے۔

فلڈ فورکاسٹنگ ڈویژن کے مطابق دریائے ستلج میں گنڈا سنگھ والا کے مقام پردرمیانے درجے کا سیلاب جاری ہے، اورپانی کا اخراج 89 ہزار60 کیوسک ہے،سلیمانکی کے مقام پرنچلے درجے کا سیلاب ریکارڈ کیا گیا ہے جہاں اخراج 69 ہزار19 کیوسک ہے، ہیڈ اسلام پر بھی درمیانے درجے کا سیلاب برقرار ہے اورپانی کا اخراج 82 ہزار 155 کیوسک تک پہنچ گیا ہےاسی طرح دریائے راوی میں سدھنائی کے مقام پرنچلے درجے کا سیلاب ہے اور پانی کا اخراج 41 ہزار 335 کیوسک ریکارڈ کیا گیا۔

پیٹرولیم مصنوعات کی قیمتوں میں اضافے کا امکان

ماہرین کے مطابق مسلسل بارشوں اورپانی کے بہاؤ میں اضافے کے باعث دریاؤں کے اطراف نشیبی علاقوں میں سیلابی خطرات میں مزید اضافہ ہو گیا ہے اورمتعلقہ حکام کوہائی الرٹ کردیا گیا ہے۔

وزیر خارجہ سے مصری ہم منصب کا ٹیلیفونک رابطہ

لاہور:صوبائی وزیر عظمیٰ بخاری نے کہا ہے کہ،پنجاب حکومت سیلاب سے متاثرہ ہر علاقے میں متاثرین تک پہنچ رہی ہے اور وزیراعلیٰ مریم نواز خود متاثرہ علاقوں کا دورہ کرکے سہولیات کا جائزہ لے رہی ہیں۔

وزیراطلاعات پنجاب عظمیٰ بخاری نے کہا ہے کہ پنجاب حکومت سیلاب سے متاثرہ ہر علاقے میں متاثرین تک پہنچ رہی ہے اور وزیراعلیٰ مریم نواز خود متاثرہ علاقوں کا دورہ کرکے سہولیات کا جائزہ لے رہی ہیں جہاں بھی کسی انتظامی کوتاہی کی نشاندہی ہوتی ہے، وزیراعلیٰ فوری طور پر متعلقہ افسر کو جوابدہ بناتی ہیں۔

عظمیٰ بخاری نے کہا کہ سیلاب متاثرین کو فراہم کی جانے والی سہولیات پر کسی قسم کا سمجھوتا نہیں کیا جائے گا 3 ہفتوں سے ضلعی انتظامیہ، سول ڈیفنس، ریسکیو 1122، پنجاب پولیس اور دیگر ادارے متاثرہ افراد کی مدد میں مصروف ہیں جب کہ پاک فوج اور رینجرز کی ٹیمیں بھی جذبہ حب الوطنی کے تحت خدمات سرانجام دے رہی ہیں۔

سامعہ حجاب نے حسن زاہد کو معاف کردیا

وزیراطلاعات پنجاب نے کہا کہ مریم نواز اپنے فرائض ایک درد دل رکھنے والی ماں اور بہن کی طرح ادا کر رہی ہیں، لیکن بعض چھوٹے لوگ سیلاب متاثرین کے نام پر سیاست کر رہے ہیں سوشل میڈیا پر جھوٹا پروپیگنڈا کرنے والے انسانی جانوں کی اہمیت اور متاثرین کے مسائل سے لاعلم ہیں، عوام اچھی طرح جانتے ہیں کہ مشکل وقت میں کون ان کے ساتھ کھڑا ہے اور کون ان کے زخموں پر نمک پاشی کر رہا ہے۔

پنجاب میں سیلاب سے 5 ہزار دیہات متاثر،100 اموات

دریائے چناب اور دریائے سندھ میں پانی کی سطح میں نمایاں اضافہ ریکارڈ کیا گیا ہے۔

چناب کے مقام پنجند پر پانی کا بہاؤ انتہائی بلند (Very High) جبکہ دریائے سندھ کے مقام گڈو پر اونچا (High) قرار دیا گیا ہےفلڈ فورکاسٹنگ ڈویژن لاہور کی تازہ رپورٹ کے مطابق پنجند ہیڈ ورکس پر پانی کی آمد اور اخراج دونوں 5 لاکھ 75 ہزار کیوسک سے زائد ہے، جس کے باعث علاقے میں شدید سیلابی خطرہ موجود ہے،چنیوٹ اور قادرآباد کے مقامات پر بہاؤ نارمل بتایا گیا ہے۔

رپورٹ میں کہا گیا کہ دریائے سندھ پر گڈو کے مقام پر 5 لاکھ 44 ہزار کیوسک پانی کی آمد اور 5 لاکھ 14 ہزار کیوسک اخراج ریکارڈ کیا گیا، جسے اونچا بہاؤ قرار دیا گیا،سکھر بیراج پر درمیانہ (Medium) جبکہ کوٹری بیراج پر بہاؤ کم (Low) بتایا گیا،دریائے راوی کے مقام سدھنائی پر بہاؤ درمیانہ (Medium) ہے، جبکہ دریائے ستلج کے سلیمانکی بیراج پر پانی کا بہاؤ کم (Low) ریکارڈ کیا گیا۔ اسلام بیarrage پر بہاؤ درمیانہ سطح پر ہے۔

نیپال میں عام انتخابات مارچ میں کرانے کا فیصلہ

فلڈ ڈویژن کے مطابق تربیلا، منگلا اور چشمہ ڈیمز میں پانی کی آمد اور اخراج معمول کے مطابق ہے۔ دریائے کابل، جہلم اور راوی کے مختلف مقامات پر صورتحال قابو میں ہے،محکمہ موسمیات اور فلڈ فورکاسٹنگ ڈویژن نے نشیبی علاقوں کے رہائشیوں کو الرٹ رہنے اور مقامی انتظامیہ کی ہدایات پر عمل کرنے کی ہدایت کی ہے تاکہ کسی بھی ممکنہ نقصان سے بچا جا سکے۔

فیلڈ مارشل عاصم منیر کا قصور اور ملتان کے سیلاب زدہ علاقوں کا دورہ