لاہور:آرٹیکل 6 ایسا ہتھیار نہیں کہ ہرکسی پرچلا کراسے خوف زدہ کیا جائے ،اطلاعات کے مطابق پیپلزپارٹی کے سینئر رہنما اعتزاز احسن نے کہا ہے کہ آرٹیکل 6 ایسا ہتھیار نہیں کہ ہرکسی پرچلا دیں۔

تفصیلات کے مطابق پیپلزپارٹی کے سینئر رہنما اعتزاز احسن نے کہا ہے کہ سپریم کورٹ کے ججمنٹ کی صحیح تشریح نہیں کی جا رہی۔

انہوں نے کہا کہ آرٹیکل 6 ایسا ہتھیار نہیں کہ ہرکسی پرچلا دیں، آئین مجروح کر کے ڈکٹیٹر شپ لگانے والوں پر آرٹیکل 6 لگتا ہے، اسپیکر و دیگر نے آئین کوختم نہیں کیا، خلاف ورزی کی ہے۔

اعتزاز احسن نے کہا ہے کہ آئین کی خلاف ورزی روزانہ کی بنیاد پر ہو رہی ہوتی ہیں، بعض اوقات عدالتیں بھی غلط فیصلے دے دیتی ہیں، کسی جج کا فیصلہ کالعدم ہو جائے تو کیا اس پرآرٹیکل 6 لگ جانا چاہیے؟

پیپلزپارٹی کے سینئر رہنما نے کہا کہ آرٹیکل 6 کو مذاق بنایا جا رہا ہے، آئین کو مکمل طور پرمعطل اور منسوخ کرنے پر آرٹیکل 6 لگتا ہے، سپریم کورٹ کے ججمنٹ کی صحیح تشریح نہیں کی جا رہی۔

پی آئی اے کے فضائی بیڑے میں نئے طیاروں کی شمولیت کا عمل جاری –

باغی ٹی وی : رواں سال کا دوسرا ائیربس 320 طیارہ شارجہ سے پاکستان پہنچ گیا ہے پہلا جہاز 29 اپریل کو پاکستان آیا تھا اور اب آپریشنل خدمات سرانجام دے رہا ہے

ترجمان پی آئی اے کے مطابق پی آئی اے نے گزشتہ برس طیاروں کی حصول کا ٹینڈر کیا تھا جس میں سے دو طیارہ رواں سال پاکستان پہنچ گئے ہیں اور مزید دو طیارہ اگلے چند دنوں میں پاکستان پہنچ جائیں گے-

ترجمان پی آئی اے کے مطابق ان طیاروں کے بیڑے میں شمولیت سے پی آئی اے میں ائیربس 320 ساختہ طیاروں کی تعداد 14 ہوجائے گی

ترجمان پی آئی اے کے مطابق یہ طیارہ نئی نشستوں، جدید اور آرام دہ کیبن سےلیس ہے جس کی وجہ سے سفری سہولیات اور پی آئی اے کے پروڈکٹ کا معیار بہتر ہوگا یہ طیارہ اندرون ملک، ریجنل اور گلف کے روٹس پر چلایا جائے گا-

ترجمان پی آئی اے کا کہنا ہے کہ طیارہ 6 سالہ ڈرائی لیز پر حاصل کیا گیا ہے جس کی مدت کے اختتام پر باہمی رضامندی کے ساتھ پی آئی اے اس طیارہ کو اپنی ملکیت میں لے سکتا ہے-

دوسری جانب وفاقی وزیر ہوا بازی خواجہ سعد رفیق کا کہنا تھا کہ پی آئی اے کا نیا ہوائی جہاز جلد آ رہا ہے ڈرائی لیزکے تحت حاصل کئے جانیوالےائیرکرافٹس میں سے یہ دوسرا طیارہ ہے-

پاکستان پٹرولیم ڈیلرز ایسوسی ایشن نے 18 جولائی کو ملک گیر ہڑتال کا اعلان کردیا ہے۔

باغی ٹی وی:تفصیلات کے مطابق لاہور کے پٹرول پمپس پر ہڑتال اور مطالبات کے حوالے سے بینرز آویزاں کر دیے گئے ہیں پیٹرولیم ڈیلرز ایسوسی ایشن کےجنرل سیکریٹری کےمطابق بجلی بھی مہنگی ہو گئی، لوڈشیڈنگ سے جنریٹرز کے اخراجات بڑھ گئے ہیں جبکہ کم سے کم اجرت 25 ہزار ہوگئی ہے لہذا حکومت وعدے کے مطابق ڈیلرز کا کمیشن ڈیلرز کا کمیشن بڑھا کر 6 فیصد کرے-

دوسری طرف چیئرمین آل پاکستان آئل ٹینکرز اونرز ایسوسی میر شمس شاہوانی کے مطابق کیماڑی آئل انسٹالیشن ایریاز میں بارش کے پانی کی نکاسی نہ ہونے کے سبب آئل ٹینکرز کی نقل وحرکت رک گئی ہے کیماڑی کے علاوہ کورنگی اور پورٹ قاسم کے آئل انسٹالیشن ایریاز میں بھی بارش کا پانی تاحال جمع ہے-

6 ہزار کے لگ بھگ آئل ٹینکرز فلنگ کے منتظر ہیں، کیماڑی کے متاثرہ انسٹالیشن ایریا میں قائم21 آئل درآمد کرنیوالی کمپنیوں کے آئل ٹرمینلز کے سامنے بارش کا پانی موجود ہے، اتوار سے اب تک کسی بھی آئل ٹینکر کی فلنگ نہیں کی جا سکی جس کے سبب ملک بھر میں پیٹرولیم مصنوعات کی ترسیل رک گئی، ان حالات کے سبب ملک بھر میں ایندھن کا بحران پیدا ہونے کا خدشہ ہے، وفاقی و صوبائی حکومتیں پانی کی نکاسی کیلیے ہنگامی بنیادوں پر انتظامات کریں۔

واضح رہے کہ ایک بیان میں وزیر خزانہ مفتاح اسماعیل نے کہا ہے کہ کوشش ہے پیٹرولیم مصنوعات کی نئی قیمتوں کا اطلاق آج سے ہی کردیں یٹرولیم مصنوعات کی قیمتوں میں کمی کی سمری تیار ہوگئی، وقت اور قیمت کا فیصلہ وزیراعظم شہباز شریف کریں گے تاہم کوشش ہے پیٹرولیم مصنوعات کی نئی قیمتوں کا اطلاق آج سے ہی کردیں۔

انہوں نے کہا کہ پیٹرول اور ڈیزل پر 5 اور 10 روپے کی جو لیوی لگائی وہ برقرار رہے گی عالمی مارکیٹ میں تیل کی قیمتیں کم ہونے کی خبروں کی وجہ سے ڈیلروں نے خریداری کم کردی ہے سری لنکا میں حالات اس لیے خراب ہوئے کہ انہوں نے مشکل وقت پر مشکل فیصلے نہیں کیے، اب پاکستان ایک نارمل ملک کی طرح چل رہا ہے۔

لاہور: مسلم لیگ ق کے رہنما مونس الٰہی کے خلاف منی لانڈرنگ کیس کی سماعت بغیر کارروائی کے ملتوی ہو گئی۔

باغی ٹی وی : منی لانڈرنگ کیس کی سماعت کے لیے مونس الہٰی بینکنگ کورٹ میں پیش ہوئے تاہم بینکنگ عدالت کے جج کے رخصت پر ہونے کے باعث کیس کی سماعت بغیر کارروائی کے ملتوی ہو گئی۔

عدالتی عملے نے ڈیوٹی جج کی اجازت سے مونس الٰہی سمیت تمام ملزمان کی ضمانت میں 22 جولائی تک توسیع کر دی۔

بعد ازاں لاہور میں میڈیا سے گفتگو کے دوران ایک صحافی نے مونس الٰہی سے سوال کیا کہ کہا جارہا ہے آپ ضمنی انتخاب میں پی ٹی آئی امیدواروں کی انتخابی مہم نہیں چلا رہے ؟ اس پرمونس الہی نے کہا کہ یہ بات پی ٹی آئی سے پوچھیں کہ ہم مہم چلارہے ہیں کہ نہیں، بالکل چلارہے ہیں 17جولائی کا الیکشن ہم جیتیں گے اور اس روز الیکشن ٹھیک ہوگا تو 22 کا الیکشن بھی ٹھیک ہوگا۔

عدالت نے گزشتہ سماعت پر ایف آئی اے کو مونس الٰہی کے خلاف تفتیش مکمل کرنے کی ہدایت کی تھی جبکہ مونس الہٰی کی ضمانت میں بھی آج تک توسیع کی گئی تھی۔

سماعت میں ایف آئی اے نے عدالت میں بیان دیا تھا کہ ملزم کیس میں شامل تفتیش ہوگئے ہیں اور کیس کا 47 فیصد ریکارڈ آچکا ہے، ہم واؤچرزدیکھ رہے ہیں، تفتیش مکمل کرنے کے لیے وقت درکار ہے۔

ایف آئی اے کے بیان پر عدالت نے کہا تھا کہ عبوری ضمانت کو غیر معینہ مدت تک التوا میں نہیں رکھ سکتے، اگلی تاریخ تک تفتیش مکمل ہونی چاہیے، ملزمان کے وکیل تیاری کرکےآئیں۔

واضح رہے کہ ایف آئی اےذرائع کے مطابق مونس الٰہی پر 24 ارب روپےکی منی لانڈرنگ کا الزام ہے-

پاکستان تحریک انصاف سینٹرل پنجاب کی صدرڈاکٹر یاسمین راشد نے چیئرمین سنی اتحاد کونسل صاحبزادہ حامد رضا پی ٹی ائی سنٹرل پنجاب کے جنرل سیکرٹری حماد اظہر سیکرٹری اطلاعات عندلیب عباس امیدواران ملک ظہیر عباس کھوکھر اور شبیر گجر کے ہمراہ پی پی 167 کے الیکشن آفس اللہ ھو چوک میں پریس کانفرنس کی ۔ چیئرمین سنی اتحاد کونسل صاحبزادے حامد رضا کی پی ٹی آئی کو ضمنی انتخابات میں غیر مشروط سپورٹ کا اعلان کیا اور کہاکہ میں یاسمین راشد ،حماد اظہر کا شکریہ ادا کرتا ہوں۔

شیخ رشید کے گرد گھیرا تنگ، اینٹی کرپشن نے طلب کر لیا

ڈاکٹر یاسمین راشد نے پریس کانفرنس کرتے ھوئے کہاکہ سید حامد نے ہماری سپورٹ کی بات کیوں کی کیوں کہ ہم ملک کو امن ترقی کی بات کرتے ہیں۔ ہم ملک کی بیس سیٹوں پر جیت رہے ہیں۔ اس وقت عوام کو پتا چل گیا ہے انکا ہمدرد کون ہے۔ چیف الیکشن کمشنر ہمیں کلیرنس دیں یہ الیکشن شفاف ہونگے۔یہ شوشل میڈیا کا ٹائم ہے جو کریں گے واضح ہو جائے گا۔ ایڈمنسٹریٹرز کو کوئی اوچھے ہتھکنڈوں سے باز رہنا ہوگا۔ ہر قسم کے دروازے سے ریکوسٹ کروں گی لوگ جان گئے ہیں دھندلی کیسے ہوتی ہے۔ انہوں نے کہا کہ ایکسٹرا بیلٹ پیپرز کہاں جا رہے ہیں۔ میں امید کرتی ہوں سارے ادارے نیوٹرل رہیں گے۔

دھاندلی حکمرانوں کو مہنگی پڑے گی،فواد چوہدری کی پرویز الہی سے ملاقات

سید حامد رضا نے کہاکہ جھنگ کے حلقے سے 10000 ووٹوں کی لیڈ سے پی ٹی آئی کی جیت ہو گی۔ آپ نے جشن آج کرنا ہے یا 17 کو آپ کی مرضی۔ سیاست اور مذہب کا چولی دامن کا رشتہ ہے۔ہمارے کارکنان ہر پولنگ سٹیشن میں انکی سہولت کاری کریں گے۔ میں حمزہ شہباز کے ساتھ نہیں بیٹھ سکتا وہ برائے نام وزیر اعلیٰ ہے۔

عمران نے جو اسلام کا انٹرنیشنل لیول پر کام کیا وہ قابل تعریف ہے ۔ اگر مذہبی رواداری کی بات کی جائے وہ سہرا بھی عمران کے سر ہے۔ ہم ثنا اللہ اور لوٹے راجہ ریاض کو وہی بتائے گے آپ کا انجام کیا ہو گا۔ گزشتہ رات جو ملک نواز اعوان کے حلقہ میں ہوا وہ سراسر غلط تھا ۔موجود وزیر داخلہ میرے حلقہ کا ہے۔ انکو کالعدم جماعتوں کی مکمل سپورٹ حاصل ہے۔ امن کی طاقت سب سے بڑی طاقتوں میں سے ایک ہے۔ سیاست اور مذہب کا چولی دامن کا رشتہ ہے۔ عمران نے جو اسلام کا انٹرنیشنل لیول پر کام کیا وہ قابل تعریف ہے۔ اگر مذہبی رواداری کی بات کی جائے تو وہ سہرا بھی عمران کے سر ہے۔اللہ ہو چوک والی پریس کانفرنس میں مقبول گجر خالد گجر صاحبزادہ حامد رضا جبکہ سنی اتحاد کونسل سے پیر طارق ولی مفتی امان اللہ شاکر مفتی شفاعت علی ہمدانی مفتی عرفان نعیمی قاری عبدالرؤف مفتی نعیم احمد موجود تھے

وزیر اعلی پنجاب حمزہ شہباز شریف نے عید پر صوبے بھر میں بہترین صفائی پر انتظامیہ اورسٹاف کو شاباش دی اور ایل ڈبلیو ایم سی کے سٹاف کے لئے ایک ماہ کی بنیادی تنخواہ دینے کا اعلان کیا۔ وزیر اعلیٰ حمزہ شہباز نے لاہور ویسٹ مینجمنٹ کمپنی کے منتخب افسروں اور سینٹری ورکروں کو خصوصی تقریب میں تعریفی سرٹیفکیٹس دئیے۔
وزیراعلی پنجاب کی مخدوم احمد محمود سے ملاقات،ضمنی الیکشن اکثریت سے جیتیں گے،حمزہ شہباز

90-شاہراہِ قائد اعظم آفس میں منعقدہ تقریب سے خطاب کرتے ہوئے وزیراعلیٰ حمزہ شہباز نے کہا کہ کمشنرز، ڈپٹی کمشنرز اور سالڈ ویسٹ مینجمنٹ کمپنیوں کا فیلڈ سٹاف صفائی کے بہترین انتظامات پر دادو تحسین کا مستحق ہے۔ متعلقہ افسران اور عملے نے جذبے کے ساتھ کام کرکے پورے پنجاب کو صاف ستھرا بنایا۔ ماضی میں لاہور سمیت دیگر شہر کوڑے کا ڈھیر بنے نظر آتے تھے، اس سال شاندار کام کیا گیا۔ آئندہ بھی اسی جذبے سے کام کرنا ہو گا۔ عید صفائی پلان پر من وعن عملدرآمد سے بہترین نتائج سامنے آئے۔

آئی ایم ایف کے ساتھ پاکستان کا معاہدہ بہت جلد متوقع

انہوں نے کہا کہ محنت لگن اور خدمت کے جذبے سے لاہور سمیت ہر شہر کو پھولوں کا شہر بنائیں گے۔ قبل ازیں وزیراعلیٰ پنجاب حمزہ شہباز کی زیر صدارت خصوصی اجلاس کے دوران عید الاضحی پر کارکردگی رپورٹ پیش کی گئی۔ اجلاس میں مری میں ٹریفک اور سیاحوں کے بہترین انتظامات پر آر پی او راولپنڈی اور سی ٹی او کی کارکردگی کو سراہا گیا۔

اجلاس میں بتا یا گیا کہ صفائی کے حوالے سے لاہور اور راولپنڈی ڈویژن کے کمشنرز کی کارکردگی سب سے بہتر رہی۔ بہاولپور ڈویژن کے کمشنر نے کارکردگی کے حوالے سے دوسری پوزیشن اور ساہیوال ڈویژن کی کمشنر نے تیسری پوزیشن حاصل کی۔ ڈپٹی کمشنر راولپنڈی نے کارکردگی کے حوالے سے پہلی، ڈپٹی کمشنر لاہور نے دوسری اور ڈپٹی کمشنر بہاولپور نے تیسری پوزیشن حاصل کی۔ لاہور ویسٹ مینجمنٹ کمپنی کی چیف ایگزیکٹو آفیسر نے پہلی، چیف ایگزیکٹو آفیسر راولپنڈی نے دوسری اور چیف ایگزیکٹو آفیسر بہاولپور نے تیسری پوزیشن حاصل کی۔

عطاءاللہ تارڑ نے فرح خان گوگی کے لیگل نوٹس کا جواب دے دیا

اجلاس میں خواجہ احمد حسان، چوہدری شہباز، چیف سیکرٹری، انسپکٹر جنرل پولیس، متعلقہ سیکرٹریز اور اعلیٰ حکام نے شرکت کی۔ صوبہ بھر سے کمشنرز، ڈپٹی کمشنرز، ویسٹ مینجمنٹ کمپنیوں کے چیف ایگزیکٹو آفیسر، میونسپل کمیٹیوں کے چیف آفیسرز اور واسا حکام ویڈیو لنک کے ذریعے اجلاس میں شریک تھے۔