Category: لاہور

لاہور:آئیں ہم سب ملکرمہنگائی کے خلاف مارچ کریں:عثمان ڈارکی بلاول اورمریم کودعوت ،اطلاعات کے مطابق ملک میں بڑھتی ہوئی شدید مہنگائی کے‌خلاف پیدا ہونے والے فطری ردعمل کے حوالے سے بات کرتے ہوئے پی ٹی آئی رہنما عثمان ڈار نے پی پی چیئرمین بلاول بھٹو اور مسلم لیگ ن کی نائب صدر مریم نواز کو مہنگائی کے خلاف مارچ میں شرکت کی دعوت دیدی۔

پاکستان میں‌ ہوشربا مہنگائی کے خلاف بات کرتے ہوئے پاکستان تحریک انصاف کے مرکزی رہنما عثمان ڈار نے سماجی رابطوں کی ویب سائٹ ٹوئٹر پر ٹوئٹ کیا ہے جس میں انہوں نے کہا ہے کہ سابق وزیراعظم اور پی ٹی آئی چیئرمین عمران خان موجودہ مہنگائی، پٹرول، ڈیزل، بجلی قیمتوں میں اضافے کے خلاف مارچ کرنے لگے ہیں۔

جماعت اسلامی کا مہنگائی کیخلاف 19 جولائی کو عوامی مارچ کا اعلان

عثمان ڈار نے چئیرمین پی پی بلاول بھٹو زرداری اورن لیگ کی نائب صدر مریم نوازکومذکورہ مارچ میں دعوت دینے کا انداز اپناتے ہوئے اپنے ٹویٹ میں آگے طنزیہ انداز اختیار کرتے ہوئے لکھا ہے کہ امید ہے کہ مریم نواز اور بلاول کانپیں ٹانگیں مارچ کا حصہ ہونگے۔

واضح رہے کہ سابق وزیراعظم عمران خان کے دور حکومت میں جب پٹرول 150 روپے لیٹرتھاتو اس وقت بلاول بھٹو زرداری نے کراچی سے اسلام آباد تک مہنگائی مارچ کیا تھا جب کہ مسلم لیگ ن کی نائب صدر مریم نواز نے بھی مہنگائی کے خلاف مارچ کیا تھا۔اس کےساتھ ساتھ مختلف علاقوں میں بھی ان کی قیادت میں مہنگائی مارچ چلتے رہے

مہنگائی مکاؤ مارچ، مریم اور حمزہ کریں گے قیادت، شیڈول طے ہو گیا

جبکہ دوسری طرف شہبازشریف کی حکومت ملک میں پٹرول کی قیمت 233 روپے سے زائد اور ڈیزل کی قیمت 263 روپے سے زائد ہوچکی ہے، موجودہ حکومت نے 15 دن میں پٹرول اور ڈیزل کی قیمت میں بالترتیب 84 روپے اور 115 روپے کا اضافہ کیا ہے۔

لانگ مارچ کو مہنگائی مارچ کا نام دیں گے توپھراصل مقصد حل ہوگا:پی ڈی ایم

عمران خان موجودہ پیٹرول، ڈیزل، بجلی اور مہنگائی کے خلاف مارچ کرنے لگا ہے امید کرتا ہوں مریم نواز جھوٹی اور بلاول زرداری کانپیں ٹانگیں امپورٹڈ حکومت کیخلاف اس مارچ کا حصہ ہونگے پٹرولیم مصنوعات کی قیمتوں میں اضافے کے باعث ملک میں مہنگائی کا ایک طوفان آچکا ہے۔

وزیر اعلی پنجاب حمزہ شہباز کا کہنا ہے کہ عمران خان کہتےہیں میرے خلاف سازش ہوئی ہے.اداروں کے خلاف باتیں ہورہی ہیں،اویس لغاری نے بجٹ کی تقریر کی، بطور وزیراعلیٰ مجھ پر پنجاب کی بڑی ذمہ داری ہے، گزشتہ روز پنجاب کا بجٹ پیش کردیاگیا.عمران نیازی اور پرویز الہی کان کھول کر سن لیں آپ کی انا میرے راستے کی رکاوٹ نہیں بن سکتی ،جب تک اللہ چاہے گا میں وزیر اعلی روں گا.

انہوں نے کہا کہ عوام کی فلاح کیلئے خود باہر نکلوں گا ،اشیاء خوردونوش کی قیمتوں کو کنٹرول میں رکھیں گے.

وزیراعلیٰ حمزہ شہبازنے پریس کانفرنس سی خطاب کرتے ہوئے کہا کہ عمران نیازی نے ملک کو تماشا بنایا گیا ہے ،امریکہ کو للکار دیا، ہم امریکہ سمیت تمام ممالک کر ساتھ اچھے تعلقات چاہتے ہیں،

حمزہ شہباز نے کہا کہ پٹول کے بڑھنی پر کوشی نہیں ہے،جب عمران خان پٹرول پر سبسڈی کا کہ رہا تھا تو دوسری طرف اس کے وزراء ائی ایم ایف کو کہ رہے ہوں کہ پٹرول پی سنسڈی ختم کر دیں گی،انہوں نے کہا کہ عمران نیازی قوم کو آگے چلیے دو،سیاست کا سوال نہیں ریاست کا سوال ہے ریاست کو بچانا ،عمران خان ملک کا احساس کرو، مارچ کرنا ہے تو کرواگر قانون ہاتھ میں لیا گیا تو آہنی ہاتھوں سے نمٹا جائے گا

وزیراعلی پنجاب کا کہنا تھا کہ آج ملک میں لوڈ شیڈنگ جاری ہے ، نواز شریف ملک سے اندھیرے ختم کر کے گئے تھے،یہ سوچنے کی بات ہے کہ 4 سالوں میں کیا گیا.آج ہیمیں بھی کڑوی گولی نگلنا پڑ رہی ہے.

باغی ٹی وی کی رپورٹ کے مطابق پٹرولیم مصنوعات کی قیمتوں میں اضافہ عدالت میں چیلنج کر دیا گیا ہے

دوسری جانب سیاسی رہنماؤں کی جانب سے پٹرولیم مصنوعات کی قیمتوں میں اضافے کے حوالہ سے شدید ردعمل دیکھنے میں آیا ہے، امیر جماعت اسلامی سینیٹر سراج الحق کہتے ہیں کہ سرکاری عہدے پربیٹھ کر تجارت کرنا درست نہیں،نظام میں حقیقی تبدیلی کی ضرورت ہے لوڈشیڈنگ میں اضافہ ہوااور جنگلات میں آگ لگنے کے واقعات ہوئے،پشاور میں 40روپے کی روٹی مل رہی ہے ،غریب کدھر جائے گا،عالمی سروے کے مطابق پاکستان کا اشرافیہ مراعات لے رہا ہے،مسائل کے ذمہ دار باہر والے نہیں ، پاکستان میں بیٹھے ہیں،پیٹرول مہنگا ہوگیا ،عوام کو مشکل کا سامنا ہے ،کرپشن کی وجہ سے ادارے تباہ ہوگئے ،اس کا ذمہ دار کون ہے؟ملک کو مختلف چیلنجز کاسامنا ،عوام کس کی طرف دیکھیں گے ، اب تو سانس لینا بھی مشکل ہوگیا،پی ٹی آئی اور پی ڈی ایم نے ملک کو آئی ایم ایف پر بھیج دیا،گزشتہ روز پیٹرول کی قیمتوں میں اضافے کا بم عوام پر گرایا گیا، عمران خان، آصف زرداری اور نواز فیملی کے اثاثوں میں اضافہ ہوا،

دوسری جانب قومی اسمبلی اجلاس میں میر خان محمد جمالی نے ایوان میں اظہار خیال کرتے ہوئے کہا کہ پیٹرول کی قیمت میں 84 روپے فی لیٹر تین ہفتے میں اضافہ ہوا ہے،وزیر خزانہ منتخب اور نہ ہی کسی کو جوابدہ ہیں،وزیر خزانہ نے طنزیہ طور پر ہنس کر کہا کہ قیمتیں بڑھیں گی،وزیر خزانہ غریب آدمی کی حالت کا اندازہ نہیں لگا سکتے،کہتے ہیں پی ٹی آئی کی حکومت نے سرنگیں بچھائی ہیں ،تواس وقت سب ٹھیک کیسے چل رہا تھا؟ حکومت عوام کو ریلیف دینے کے بجائے ان کا خون چوس رہی ہے یہ ساری جماعتیں کیا پاکستان کو تباہ کرنے کے لیے اکٹھی ہوئی ہیں، میر خان محمد جمالی نے قومی اسمبلی کے اجلاس میں عمران خان زندہ آباد کا نعرہ لگا دیا

وزیر مملکت خزانہ عائشہ غوث پاشا کا کہنا تھا کہ ہمیں ملک کی خاطر آئی ایم ایف پروگرام ہر حال میں کرنا ہے، آئی ایم ایف سے روزانہ کی بنیاد پر بات چیت جاری ہے،آئی ایم کے ساتھ بات چیت میں نتائج کے قریب پہنچ چکے ہیں، آئی ایم ایف نئے بجٹ کا جائزہ لے رہا ہے امید ہے آئی ایم ایف سے معاملات جلد طے پا جائیں گے،

پی ٹی آئی کے رہنما فرح حبیب کہتے ہیں کہ یہ حکومت پچھلے 15 روز میں پٹرول پر 84 روپے اور ڈیزل میں 120 روپے تاریخی اضافہ کر چکے ہیں یہ بدترین مہنگائی کا خودکش حملہ ہے پاکستان کی عوام پر یہ غلام حکومت روس سے سستا تیل نہیں لی رہی جسکی قیمت پاکستان کی عوام ادا کر رہی ہے

مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی سیدہ زہرا نقوی نے پٹرولیم مصنوعات کی قیمتوں میں اضافہ کے خلاف قرارداد پنجاب اسمبلی میں جمع کروا دیا ہے جس میں کہا گیا ہے کہ پنجاب کا یہ مقدس ایوان پٹرولیم مصنوعات کی حالیہ قیمتوں میں اضافے کو فی الفور واپس لینے کا مطالبہ کرتا ہے حکومت پچھلے بیس روز کے دوران پٹرول کی قیمت میں 84 روپے فی لٹر اور ڈیزل کی قیمت میں 119 روپے ریکارڈ اضافہ کر چکی ہے مہنگائی کی چکی میں پسی ہوئی عوام پر پٹرول بم گرانا ظالمانہ اقدام ہے موجودہ حکومت پٹرولیم مصنوعات کی قیمتوں کو ریکارڈ سطح پر لے آئی ہے پٹرولیم مصنوعات کی قیمتوں میں اضافہ کر کے حکومت نے عوام کو زندہ درگور کر دیا ہے ۔ پٹرولیم مصنوعات کی قیمتوں میں اضافے سے نہ صرف مہنگائی کا طوفان آئیگا بلکہ اس کا براہ راست اثر غریب عوام پر پڑے گا

دنیا کے تین چوتھائی سے زیادہ ممالک میں پیٹرول کی قیمت پاکستان کی نسبت زیادہ،

پٹرول ذخیرہ کرنے والوں کوکس کی پشت پناہی حاصل ہے؟ قادر پٹیل

‏جیسا مافیا چاہتا تھا ویسا نہیں ملا ، وسیم بادامی کا پٹرول کی قیمتوں میں اضافے پر تبصرہ

ہارن بجاؤ، حکمران جگاؤ، وزیراعظم ہاؤس کے سامنے ہارن بجا کر احتجاج کا اعلان ہو گیا

وزیراعظم نے مافیا کے آگے ہتھیار ڈال دیئے،مثبت اقدام نہیں کر سکتے تو گھر جانا ہو گا، قمر زمان کائرہ

جنوری کے مقابلے میں پٹرول اب بھی 17 روپے سستا ہے،عمر ایوب کی انوکھی وضاحت

پیپلزپارٹی کے شریک چیئرمین اور سابق صدر آصف علی زرداری نے کہا ہے کہ وہ اب پنجاب میں بیٹھ کر سیاست کریں گے.

سابق صدر آصف زرداری نے بلاول ہاؤس لاہور میں پیپلزپارٹی لاہور ڈسٹرکٹ 1 اور پیپلزپارٹی لاہور ڈسٹرکٹ 2 کے کارکنوں کے اجلاس سے خطاب کرتے ہوئے کہا کہ موجودہ بین الاقوامی اور قومی سیاست میں ہمیں بات چیت کرنی پڑتی ہے اور اس بات چیت کے دوران سامنے والے کے ردعمل سے اندازہ لگا کر صحیح فیصلے کرنے پڑتے ہیں۔

انہوں نے کہا کہ میں اب پنجاب میں بیٹھ کر سیاست کروں گا اور پنجاب میں پارٹی کو کارکنوں کے ساتھ مل جل کر کھڑا کروں گا ۔ انہوں نے کہا کہ پنجاب میں پیپلز پارٹی کے لیڈروں اور کارکنوں کی طویل جدوجہد ہے ۔ پنجاب کی نئی حکومت سے پارٹی کے لوگوں کی توقعات کو پورا کرنے کی کوشش کروائی جائے گی۔

اجلاس میں رانا فاروق سعید، ثمینہ خالد گھُرکی، اسلم گل، شاہد عباس،احمد رضا اور اسرار بٹ نے بھی اپنے خیالات کا اظہار کیا۔ اجلاس میں شہزاد سعید چیمہ ، حاجی عزیزالرحمن چن، فیصل میر ، جمیل منج اور افنان بٹ بھی موجود تھے۔

آصف زرداری ان دنوں لاہور میں موجود ہیں اور لاہور سے پارٹی کے معاملات کو دیکھ رہے ہیں ،آصف زرداری نے مسلم لیگ ن کے رہنما اور وزیر اعلی پنجاب حمزہ شہباز کے اعزاز میں ظہرانہ بھی دیا اور پنجاب کے سیاسی معاملات پر مشاورت بھی کی .

بلاول ہاوس لاہور میں سابق صدر آصف زرداری اور وزیراعلی پنجاب حمزہ شہبازکے درمیان ملاقات میں ضمنی الیکشن مل کر لڑنے پر اتفاق کیا گیا تھا.علاوہ ازیں سابق صدر آصف زرداری اپنے لاہور قیام کے دوران مسلم لیگ ق کے صدر چوہدری شجاعت حسین کے گھر بھی گئے اور ان کی خیریت دریافت کی تاہم دونوں رہنماوں نے ملک کی سیاسی صورتحال پر مشاورت بھی کی ،اس موقع پر آصف زرداری کا کہنا تھا کہ چوہدری شجاعت حسین پلک کا آثاثہ ہیں،جبکہ شجاعت حسین کی جانب سے یقین دہانی کرائی گئی کہ وہ حکومت کے اتحادی ہیں اور رہیں گے.

ٹرانسپورٹ کے کرایوں میں بھی اضافے

باغی ٹی وی کی رپورٹ کے مطابق حکومت کی جانب سے پٹرولیم مصنوعات کی قیمتوں میں مسلسل اضافے کے بعد ٹرانسپورٹ کے کرایوں میں بھی اضافے کا اعلان کر دیا گیا ہے

پاکستان گڈز ٹرانسپورٹرز نے 40 فیصد کرایوں میں اضافے کا اعلان کر دیا ،جنرل سیکرٹری نبیل طارق کا کہنا ہے کہ آئے روز پٹرولیم مصنوعات کی قیمتوں میں اضافے سے کارروبار ٹھپ ہو کر رہ گئے ہیں ، لاہور سے کراچی کا کرایہ 80 ہزار روپے سے بڑھا کر ایک لاکھ دس ہزار روپے کر دیا گیا ،لاہور سے اسلام آباد کا کرایہ 60 ہزار سے 80 ہزار روپے کر دیا گیا ،لاہور سے پشاور کا کرایہ 75 ہزار سے بڑھا کر ایک لاکھ روپے کر دیا گیا مانسہرہ کا کرایہ 55 ہزار سے بڑھا کر 70 ہزار روپے کر دیا گیا ،لاہور سے ملتان کا کرایہ 40 ہزار سے بڑھا کر 50 ہزار روپے کر دیا گیا ،لاہور سے کوئٹہ کا کرایہ ایک لاکھ دس ہزار سے بڑھا کر ایک لاکھ 40 ہزار روپے کر دیا گیا،جنرل سیکرٹری نبیل طارق کا کہنا تھا کہ حکومت کو ہوش کے ناخن لینے چاہئیے کارروبار بند ہو گئے ہیں ،

پٹرولیم مصنوعات کی قیمتوں میں اضافے،عوام پر کرایوں کا بم گرانے کی تیاری بھی جاری ہے، پبلک ٹرانسپورٹرز کی جانب سے 35 فیصد تک کرایہ بڑھانے کا امکان ہے، راولپنڈی کا کرایہ 2000 سے بڑھا کر 2250 روپے، فیصل آباد کا کرایہ 1050 سےبڑھا کر 1250 روپے ،سرگودھا کا کرایہ 950 سے بڑھا کر 1100 روپے ،پشاورکا کرایہ 2300 روپےسے بڑھا کر 2500 روپے ،مری کا کرایہ 2300 روپےسے بڑھا کر 2450 روپے ،خانیوال کا کرایہ 1500 سےبڑھا کر 1650 روپے ،کراچی کا کرایہ 4300 سے بڑھا کر 4800 روپے ،صادق آباد کا کرایہ 400 2 سے بڑھا کر 2700 روپے کئے جانے کا امکان ہے

ن لیگ عورت مارچ کی حمایت کرے گی یا مخالفت،شاہد خاقان عباسی نے اعلان کر دیا

خلیل الرحمان قمر لاکھوں مولویوں سے آگے نکل گیا،خادم رضوی بھی بول پڑے، مزید کیا کہا؟

کراچی والوں کے لئے بڑی خوشخبری، کراچی سرکلرریلوے کے لیے ہوں گی 40 کوچز تیار

پرائیوٹ کمپنی نے غریب ریل مسافروں پر مہنگائی کا بم گرا دیا

لاہور:پنجاب میں سیاسی بحرانی آئینی بحران میں بدل چکا ہے اوراب ایک نیا نقشہ سامنے آگیا ہے ،مصدقہ اطلاعات ہیں کہ ڈپٹی سپیکر پنجاب اسمبلی سردار دوست مزاری کی نااہلی کا ریفرنس سپیکر پنجاب اسمبلی چودھری پرویز الہی کو آئین کے آرٹیکل 63 (2) کے تحت بھیج دیا گیا۔

پرویز الہی کو بھیجے گئے ریفرنس میں موقف اپنایا گیا ہے کہ دوست مزاری نے ایوان اقبال میں اجلاس کی صدرات کر کے حلف کی خلاف ورزی کی جبکہ دوست مزاری اس سے قبل بھی پنجاب اسمبلی گیلری میں غیر قانونی صدارت کر چکے ہیں، گیلری میں اجلاس کیا، پولیس بلائی اور تشدد کیا۔

ریفرنس کے مطابق دوست مزاری ایوان اقبال میں اجلاس بلا کر آرٹیکل 62 ون ڈی، 62 (1) (e) اور دیگر آرٹیکلز کی خلاف ورزی کے مرتکب ہوئے ہیں، آرٹیکل 63 اے اور سپریم کورٹ کے حالیہ فیصلے کی بھی خلاف ورزی دوست مزاری نے کی ہے، دوست مزاری نے پارٹی ہدایات کے برعکس اجلاس کی صدارت کی۔

پنجاب اسمبلی کی خود مختار حیثیت ختم، گورنر نے آرڈینینس جاری کر دیا

پرویز الہی کو بھیجے گئے ریفرنس میں استدعا کی گئی کہ الیکشن کمیشن حلف کی پاسداری نہ کرنے پر دوست مزاری کو نااہل قرار دے، ریفرنس کی کاپی الیکشن کمیشن آف پاکستان کو بھی بھجوا دی گئی ہے۔

[wp-embedder-pack width=”100%” height=”400px” download=”all” download-text=”” attachment_id=”506514″ /]

سردار دوست محمد مزاری ایک پاکستانی سیاست دان اور پنجاب صوبائی اسمبلی کے موجودہ ڈپٹی اسپیکر ہیں۔ اس سے قبل وہ 2008ء سے 2013ء تک قومی اسمبلی پاکستان کے رکن بھی رہے ہیں۔دوست محمد مزاری 15 اگست 1980ء کو کراچی میں پیدا ہوئے، ان کا آبائی علاقہ روجھان مزاری ، ضلع راجن پور ہے، ان کا تعلق مزاری بلوچ قبیلہ سے ہے

کُڑکُڑکدائیں تےآنڈےکدائیں:دوست مزاری چند دن پہلےحمزہ شہبازکوپیارےہوگئے

2002ء میں یونیورسٹی آف کراچی سے گریجویشن کی،ان کا تعلق جاگیر دار گھرانے سے ہے، 2008ء میں رکن قومی اسمبلی منتخب ہوئے 2008ء تا 2012ء پارلیمانی سیکرٹری برائے پانی و بجلی رہے، 2012ء تا 2013ء وزیر مملکت برائے مواصلات بنے رہے، 2018ء کے عام انتخابات میں رکن پنجاب اسمبلی منتخب ہوئے اور پنجاب اسمبلی کے ڈپٹی اسپیکر منتخب ہوئے،

وہدری پرویز الہیٰ کی دوست محمد مزاری سے ملاقات، کہا ن لیگ اللہ کی پکڑ میں ہے

سکھ مذہب کے گورو ارجن دیو جی کے شہیدی دن کی مرکزی تقریب”اکھنڈ بھوگ صاحب “ کا انعقاد کیا گیا.

متروکہ وقف املاک بورڈ کے تحت گورودوارہ شری ڈیرہ صاحب میں منعقدہ تقریب میں چیئرمین مرکزی رویت ہلال کمیٹی مولانا سید عبدالخبیر آزاد اورچیئر مین حبیب الرحمن گیلانی نے بطور مہمان خصوصی شریک کی.

تقریب کے شرکاءکا استقبال ایڈیشنل سیکرٹری شیرائنز رانا شاہد سلیم ، ڈپٹی سیکرٹری شیرائنز محمد عمران گوندل اورپاکستان سکھ گورودوارہ پربندھک کمیٹی کے پردھان سردار امیر سنگھ نے کیا

تقریب میں سردار سکھ ونت سنگھ کی سربراہی میں بھارت سے آنے والا16 رکنی راگی گروپ اور144بھارتی سکھ یاتریوں سمیت پاکستان کے تمام صوبوں سے آنے والے نانک نام لیوا بھی تھے

تقریب میں گورودوارہ شری ڈیرہ صاحب کے مہتمم سید اظہر، ترجمان بورڈ عامر ہاشمی،پی ایس جی پی سی کے ممبران، اور سکھ سنگتوں کے راہنماوں نے بھی شرکت کی.

اس موقع پرچیئرمین مرکزی رویت ہلال کمیٹی مولانا سید عبدالخبیر آزاد نے کہا کہ دین اسلام میں اقلیتوں کے حقوق کو خصوصی اہمیت دی گئی ہے، پاکستان میں بسنے والے غیر مسلموں کو مذہبی آزادی سمیت ہر شعبہ میں ترقی کے مواقع حاصل ہیں،حکومت پاکستان کی اقلیتوں کے لیے پالیسیاں روز روشن کی طرح سبھی پر عیاں ہیں،بین المذاہب ہم آہنگی کے فروغ کے لیے بادشاہی مسجد کے پلیٹ فارم سے کام کا آغاز میرے والد گرامی نے شروع کیا.

مولانا عبدالخبیر آزاد نے مزید کہا کہ دنیا کو درپیش چیلنجز کے تناظر میں بین المذاہب ہم آہنگی کے فروغ اور انسانیت کی تعظیم کے مشن پر کام کرنا ہم سب کا فرض ہونا چاہیے،چیئر مین متروکہ وقف املاک بورڈ حبیب الرحمن گیلانی نے کہا کہ پاکستان ایک گلد ستے کی مانند ہے،پاکستانی جھنڈے میں سفید رنگ اقلیتوں کی نمائندگی کرتا ہے،پاکستان میں بسنے والے غیر مسلم شہریوں کو آئین میں دئیے گئے تمام حقوق حاصل ہیں،

چیئر مین متروکہ وقف املاک بورڈ کا کہنا تھا کہ ہم بھارت سمیت دنیا بھر سے آنے والے سکھ اور ہندو مذہب کے پیروکاروں کو خوش آمدید کہتے آئے ہیں اور کہتے رہیں گے ، خواہش ہے کہ ہمسایہ ملک بھارت سے زیادہ سے زیادہ سکھ یاتری پاکستان آئیں اور اپنے مقدس مقامات پر ماتھا ٹیکیں، اور مذہبی رسومات ادا کریں.

تقریب سے خطاب کرتے ہوئے سردار سکھ مندرسنگھ نے کہا کہ پاکستان ہمارا دوسرا گھر، یہاں جو محبت اور مان ملا، وہ الفاظ میں بیان کرنا ممکن نہیں،بلا شبہ پاکستان میں سکھ مذہب کے مذہبی استھانوں کی بہتر انداز میں دیکھ بھال کی جاتی ہے، جس پر متروکہ وقف املاک بورڈ، حکومت پاکستان کے مشکور ہیں.

دوران کے تقریب جو بولے سو نہال، ست سری اکال، سکھ مسلم دوستی زندہ باد، پاکستان زندہ باد کے نعرے بھی لگائے گئے. پاکستان سکھ گورودوارہ پربندھک کمیٹی اور متروکہ وقف املاک بورڈ حکام کی جانب سے مہمانوں کو سروپے اور تحائف بھی پیش کئے گئے.

مزید برآں متروکہ وقف املاک بورڈ کا ناجائز قابضین کے خلاف بھر پور آپریشن اڑھائی ارب روپے سے زیادہ کی مالیت کی 180دکانیں سیل کرتے ہوئے قبضہ حاصل کر لیا۔

باغی ٹی وی کے مطابق بورڈ کے راولپنڈی آفس نے رالپنڈی میں باڑہ مارکیٹ کے ساتھ واقع کیانی مارکیٹ میں موجود اڑھائی ارب روپے سے زیادہ مالیت کی 180دکانیں ناجائز قابضین سے واگزار کروا لی گئیں۔ڈپٹی ایڈمنسٹریٹر راولپنڈی محمد آصف خان کی سربراہی میں بورڈ کے عملہ سمیت اسسٹنٹ کمشنر راولپنڈی اور مقامی پولیس و انتظامیہ کی بھاری نفری نے آپریشن میں حصہ لیا۔

آصف خان نے بتایا کہ یہ پراپرٹی متروکہ وقف املاک بورڈ کی ملکیت ہے جس پر گزشتہ کئی سالوں نے قابضین نے اس پر ناجائز قبضہ جما رکھا تھا اور اب عدالت عالیہ کے حکم پر ان کے خلاف بمطابق قانون کاروائی کی گئی ہے،انکا مزید کہنا ہے کہ دکانوں کو سیل کر کے انکا قبضہ حاصل کر لیا گیااور انکے خلاف مزید قانون کاروائی عمل میں لائی جا ئے گی۔اس کاروائی پر بورڈ چیئرمین نے متعلقہ سٹاف اورعملہ کی کارکرگی کو سراہا ہے۔

امیر جماعت اسلامی سراج الحق نے کہا ہے کہ ملک کے سب سے بڑے صوبے پنجاب میں شرمناک تماشا جاری ہے۔ حکمران جماعتوں کے درمیان جاری چپلقش کا انجام خطرناک ہو گا۔ مرکزی اور صوبائی حکومتوں نے عوام کو سینڈ وچ بنایا ہوا ہے۔ ظالم اشرافیہ کو عوام کی فکر نہیں، مہنگائی کی وجہ سے لوگوں کا سانس لینا دشوار ہو گیا۔ مزدور، کاشتکار رُل گئے، تعلیم غریب کے بچے کی پہنچ سے دور،عام آدمی کے لیے علاج کرانا ناممکن ہو چکا۔ گھمبیر حالات میں حکمران جماعتیں مسلسل گالم گلوچ کی سیاست کو ہی پروان چڑھا رہی ہیں۔ اپنے رویے درست کرنے اور عوام کو ریلیف دینے کی بجائے، تینوں بڑی سیاسی جماعتوں میں مفادا ت کی جنگ جاری ہے۔

قوم اب ان حکمرانوں سے تنگ آ چکی، ملک کو بحرانوں سے نکالنے کا واحد راستہ اسلامی انقلاب ہے۔ جماعت اسلامی قوم کو دعوت دیتی ہے کہ اسلامی نظام کے لیے ہمارے دست و بازو بنیں۔ اس وقت تمام سیاسی جماعتیں کہیں نہ کہیں حکومت میں ہیں، صرف جماعت اسلامی ہی حقیقی اپوزیشن کا کردار ادا کر رہی ہے۔ قرآن و سنت کے نظام اور آئین و قانون کی بالادستی کے لیے جدوجہد جاری رہے گی۔ حکمرانوں کی لڑائی کی وجہ سے قوم شدید پولرائزیشن کا شکار ہے، قومی میڈیا تعمیری کردار ادا کرے۔ سیاسی جماعتوں کے ورکرز اور کارکنان سوشل میڈیا پر ایک دوسرے کے خلاف ایسی زبان استعمال کر رہے ہیں جس کی کسی بھی مہذب معاشرے میں اجازت نہیں دی جا سکتی۔ جماعت اسلامی کا سوشل میڈیا اور کارکنان معاشرے میں اسلامی شعائر کی ترویج، نظریہ پاکستان کے فروغ اور قوم میں اتحاد و اتفاق کے لیے بھرپور کردار ادا کریں۔

سراج الحق منصورہ میں میڈیا کے ذمہ داران کے اجلاس سے خطاب کررہے تھے۔ سیکرٹری جنرل امیر العظیم،سیکرٹری اطلاعات قیصر شریف اور دیگر بھی اس موقع پر موجود تھے۔
سراج الحق نے کہا کہ وفاق اور صوبوں نے جو بجٹ پیش کیے ہیں اس سے صرف مراعات یافتہ طبقہ کو مزید مراعات ملیں گی یا سرکاری ملازمین کی تنخواہوں میں معمولی اضافہ ہوا ہے۔بجٹ میں عام شہری کے حصے میں معاشی تباہی کے علاوہ کوئی چیز نہیں ہے۔ حکمران جماعتوں نے مل کر ملک کو عملی طور پر آئی ایم ایف کے حوالے کر دیا ہے۔ غلط معاشی پالیسیوں کی وجہ سے قومی خزانے میں سرکاری ملازمین کو تنخواہ دینے کے پیسے نہیں ہیں۔ اتحادی حکومت نے پٹرول کی قیمت میں 60روپے فی لٹر اضافہ کر کے بھی بس نہیں کی اور قیمتوں کو مزید بڑھانے کی تیاریاں ہو رہی ہیں۔

حالات اسی طرح رہے تو پٹرول 260روپے فی لٹر تک پہنچ جائے گا۔ بجلی کے ٹیرف میں 9روپے فی یونٹ اورگیس کی قیمتوں میں 45فیصد اضافہ کر دیا گیا۔ مہنگائی کی وجہ سے لوگوں کا گھروں سے نکلنا دشوار ہو گیا۔ ملک کے طول و عرض میں 12گھنٹے سے زائد لوڈشیڈنگ جاری، بجلی پیدا کرنے کے کارخانوں کو فیول دستیاب نہیں ہے۔ زرمبادلہ کے ذخائر صرف 9.2ارب ڈالر ہیں۔ گزشتہ 10ماہ میں برآمدات 30ارب ڈالر جب کہ درآمدات کا حجم 75ارب ڈالر تک پہنچ گیا۔ حکومت کو خسارہ کم کرنے کے لیے کم از کم 12ارب ڈالر چاہییں۔ حکمران ابھی سے ہی منی بجٹ کی باتیں کر رہے ہیں۔

امیر جماعت نے کہا کہ سودی معیشت، کرپشن مسائل کی جڑ ہیں۔ مافیاز نے ملک کو یرغمال بنایا ہوا ہے۔ حکومت کو کہا تھا کہ بجٹ میں سودی معیشت سے چھٹکارا حاصل کرنے کے لیے اقدامات اٹھائے جائیں، مگر حکمرانوں نے آئی ایم ایف کی ڈکٹیشن پر بجٹ تیار کیا اور اللہ اور اس کے رسولؐ سے جنگ جاری رکھنے کا اعلان کیا ہے۔

جماعت اسلامی ان حالات میں خاموش نہیں بیٹھ سکتی۔ چوکوں چوراہوں میں عوام کا مقدمہ لڑا جائے گا، ملک کو اسلامی فلاحی ریاست بنانے کے لیے جدوجہد جاری رہے گی۔قوم آزمائے ہوئے لوگوں کو مسترد کرے اور جماعت اسلامی کو خدمت کا موقع دے۔ لوگوں کو جان لینا چاہیے کہ ظالموں کا ساتھ دینا ظالم میں شراکت کے مترادف ہے۔ 75برسوں سے عوام کی گردنوں پر سوار جاگیرداروں، وڈیروں اور کرپٹ سرمایہ داروں کو گھر بھیجنا ضروری ہے اور اسی سے ہی ملک کی کشتی گرداب سے نکل پائے گی۔

وزیر اعلی پنجاب حمزہ شہباز نے کہا ہے کہ پنجاب حکومت نے مشکل حالات کے باوجود ٹیکس فری اور عوام دوست بجٹ پیش کیا ، بجٹ صوبے کے عوام کو حقیقی معنوں میں ریلیف دیا گیا ہے۔ 200ارب روپے کے تاریخی امدادی پیکج کے تحت 10کلو آٹے کا تھیلا اب 490روپے میں دستیاب ہے۔

بجٹ اجلاس کے بعد حمزہ شہباز کا کہنا تھا کہ اس امدادی پیکج کے ساتھ غریب عوام کی سہولت کے لیے 134ارب روپے کے رعایتی پیکج بھی دیا گیا ،134ارب روپے کے رعایتی پیکج کے تحت عوام کو اشیاء خورد و نوش کی رعایتی قیمتوں پر دستیابی یقینی بنائی جائے گی۔ جنوبی پنجاب، تعلیم، صحت اور سماجی شعبوں کی پائیدار ترقی کے لئے وسائل میں خاطر خواہ اضافہ کیا گیا ہے۔

حمزہ شہبازکا کہنا تھا کہ تنخواہوں میں 15 فیصد اور پنشن میں 5 فیصد اضافہ سے سرکاری ملازمین کو ریلیف ملے گا۔ گریڈ ایک سے گریڈ 19 تک ملازمین جو دیگر الاونس نہیں لے رہے ،انہیں 15فیصد خصوصی الاؤنس بھی ملے گا۔ کم از کم اجرت 20,000 روپے سے بڑھا کر 25,000 روپے ماہانہ کرکے مزدوروں کو ان کا حق دیا ہے ۔ ‏یکم جولائی سے پنجاب کے تحصیل ہیڈ کوارٹر ہسپتالوں اور مراکز صحت پر مفت ادویات دی جائیں گی۔کینسر کے مریضوں کو بھی مفت ادویات ملیں گی۔

دوسری طرف سپیکر پنجاب اسمبلی چوہدری پرویز الہٰی نے کہا ہے کہ ان کے پاس لوگ ہی نہیں ہیں، اگر ان کے پاس لوگ ہوتے تو اسمبلی بلڈنگ میں اجلاس کرتے۔
پنجاب اسمبلی کے باہر میڈیا سے گفتگو کرتے ہوئے پرویز الہٰی کا کہنا تھا کہ جو اجلاس پہلے سے چل رہا ہو اس کے ساتھ دوسرا اجلاس نہیں ہوسکتا۔

انہوں نے کہا کہ پہلا اجلاس تو آج بھی چل رہا ہے، دو آرڈیننس لا کر ایک ادارے کے ساتھ زیادتی کی ہے، یہ ادارے کو کمزور کرنے کے مترادف ہے۔اسپیکر پنجاب اسمبلی نے کہا کہ گورنر نے ہاؤس کا تقدس پامال کیا ہے، اُن میں عقل ہونی چاہیے۔ان کا کہنا تھا کہ وہ کام جو آج تک کسی بھی غیر جمہوری حکومت نے نہیں کیا وہ کام یہ لوگ کر رہے ہیں۔انہوں نے کہا کہ گورنر اجلاس کی صدارت کرنے کے لیے ڈپٹی اسپیکر کو کہہ ہی نہیں سکتے۔