مقصود چپڑاسی کی موت سے شریف خاندان کے مقدموں پراثر ہو گا؟ ایف آئی اے کا موقف آ گیا
باغی ٹی وی کی رپورٹ کے مطابق دبئی پولیس کی جانب سے مقصود احمد کے انتقال کی تصدیق کرتے ہوئے ان کا ڈیتھ سرٹیفکیٹ بھی جاری کر دیا گیا ہے ،دبئی پولیس کی جانب سے جاری ڈیتھ سرٹفکیٹ میں بتایا گیا ہے کہ مقصود احمد کا انتقال دل کی تکلیف باعث 7 جون کو ہوا ،ڈیتھ سرٹفکیٹ نو جون کو جاری کیا گیا ، جاری ڈیتھ سرٹفکیٹ کے مطابق مقصود احمد ولد نیاز احمد کی عمر 49 برس تھی
قبل ازیں شریف فیملی کے خلاف منی لانڈرنگ کیس، مقدمے کا شریک ملزم مقصود چپڑاسی وفات پا گیا،مقصود چپڑاسی کے اکاؤنٹ میں پیسے آنے پر اسے شامل تفتیش کیا گیا تھا، مقصود چپڑاسی کی موت دل کے دورے کی وجہ سے ہوئی ہے ، وہ بیرون ملک مقیم تھا
ایف آئی اے پراسیکیوٹر فاروق باجوہ کا کہنا ہے کہ ملک مقصود کی وفات کا ابھی علم ہوا ہے، مقصود چپڑاسی کی وفات سے کیس پر کوئی اثر نہیں پڑے گا،ملک مقصود گواہ نہیں ملزم تھا، کیس پرکوئی اثر نہیں پڑے گا، ملزمان کیخلاف کیس ایف آئی اے عدالت میں چل رہا ہے
اسپیشل سینٹرل کورٹ نے ملک مقصود کے ناقابل ضمانت وارنٹ گرفتاری جاری کر رکھے ہیں ،ملک مقصود نیب اور ایف آئی اے کیسز میں شریف فیملی ریفرنسز میں نامزد ملزم ہے احتساب عدالت لاہور ملک مقصود کو اشتہاری قرار دے چکی ہے
ن لیگ کا کہا تھا کہ شریف خاندان سے منسلک ملازمین کو دوران تفتیش ہراساں کیا جاتا رہا ہے جس کے وجہ سے وہ مختلف بیماریوں کا شکار ہوئے ہیں
واضح رہے کہ شریف خاندان کے خلاف منی لانڈرنگ کیس ایف آئی اے سپیشل کورٹ میں زیر سماعت ہے، وزیراعظم شہباز شریف اور وزیراعلیٰ حمزہ شہباز خود عدالت میں پیش ہو چکے ہیں، یہ کیس سابق وزیراعظم کے سابق مشیر شہزاد اکبر کی جانب سے بنایا گیا ہے ، شہزاد اکبر نے ہی انکشاف کیا تھا کہ مقصود چپڑاسی کے اکاؤنٹ کے ذریعے منی لانڈرنگ کی گئی
وزیراعظم شہباز شریف پر نیب میں دیگر کیس بھی چل رہے ہیں شہباز شریف کو نیب متعدد بار گرفتار کر چکی ہے تا ہم بعد میں عدالت نے انہیں رہا کر دیا تھا، شہباز شریف اس وقت ضمانت پر ہیں، ایف آئی اے میں بھی ان پر کیسز چل رہے ہیں ،وزیراعظم شہباز شریف نیب، ایف آئی اے، عدالت میں طلبی پر مسلسل پیش ہو رہے ہیں ، شہباز شریف اور حمزہ شہباز ایف آئی اے میں پیش ہو چکے ہیں
دوسری جان تحریک انصاف کے رہنما شہباز گل نے الزام عائد کیا ہے کہ مقصود چپڑاسی ،ڈاکٹر رضوان اور نوید شریف فیملی منی لانڈرنگ کے اہم کردار ہیں،مقصود چپڑاسی اورڈاکٹر رضوان کو ہارٹ اٹیک ہوا ،ہلاک کردیئے گئے، نوید زندگی اور موت کے درمیان لٹک رہا ہے،تینوں کو خاص قسم کے کیمیکل کھانے میں دے کر ہارٹ اٹیک کروانے کا خدشہ ہے ،
تحریک انصاف کے رہنما فرح حبیب کا کہنا تھا کہ مافیا نے پورا نظام کرپٹ کردیا گیا ڈاکٹر رضوان کو ہٹایا گیااوران پر دباو ڈالا گیا،ان کی موت سوالیہ نشان ہے،آج مقصود ملک کے انتقال کی خبر آئی 10ہزار روپے تنخواہ لینے والا دبئی میں کیسے گزارہ کررہا تھا؟ گواہان کوراستے سے ہٹانا اس مافیا کا کام ہے،
پنجاب کی سابق صوبائی وزیر، تحریک انصاف کی رہنما ڈاکٹر یاسمین راشد کا کہنا ہے کہ مقصود چپڑاسی کی دبئی میں موت کیسے ہوئی تحقیقات ہونی چاہیے ،مقصود چپڑاسی شہباز شریف کے ساتھ منی لانڈرنگ میں شامل ہیں، ہم مطالبہ کر رہے ہیں کہ مقصود چپڑاسی کا پوسٹ مارٹم ہونا چاہیے مقصود چپڑاسی منی لانڈرنگ کیس کے شریک ملزم اور اہم گواہ تھے، جمہوریت کا نعرہ لگایا گیا، 25 مئی کو جمہوریت دیکھ لی، پنجاب کی 20 سیٹیں ہماری ہیں، ہم الیکشن لڑیں گے،پنجاب اسمبلی میں ہمارے لوگوں کو زدو کوب کیا گیا،جعلی الیکشن کسی صورت قابل قبول نہیں، ق لیگی رہنما وں نے ابھی تک کچھ نہیں کہا کہ ہمارا اختلاف ہے،
نواز شریف کو سرنڈر کرنا ہو گا، اگر ایسا نہ کیا تو پھر…عدالت کے اہم ریمارکس
نواز شریف حاضر ہو، اسلام آباد ہائیکورٹ نے طلبی کی تاریخ دے دی
نواز شریف کو فرار کروانے والے پروفیسر محمود ایاز کے نئے کارنامے،سنئے مبشر لقمان کی زبانی
