Category: لاہور

ڈائریکٹر جنرل سپورٹس پنجاب جاوید چوہان کی ہدایت پر کوہسار فیسٹیول مری کی تیاریاں جاری :

باغی ٹی وی کی رپورٹ کے مطابق ڈائریکٹر جنرل سپورٹس پنجاب جاوید چوہان کی ہدایت پر کوہسار فیسٹیول مری کی تیاریاں جاری کرنے کا فیصلہ کیا ہے۔
اس حوالے سے تاریخ کا اعلان بھی کر دیا گیا ہے ۔کوہسار فیسٹیول مری 13سے 15جون تک منعقد ہوگا
ریجنل گیمز کے فروغ کیلئے مری میں 8کھیلوں کے ایونٹس منعقد کئے جارہے ہیں ۔

مزید یہ کہ اس فیسٹیول میں فٹبال، والی بال، ٹیبل ٹینس، رسہ کشی، سکیٹنگ، میراتھن، سائیکلنگ اور پیرا آرچری گیمز شامل ہیں

ریجنل گیمز کے فروغ سے پنجاب کے کونے کونے سے نیا ٹیلنٹ سامنے آرہا ہے۔
ڈی جی سپورٹس پنجاب نے نوجوانوں کو صلاحتیوں کے اظہار کیلئے ان کے گھر میں ہی مواقع فراہم کررہے ہیں، ۔

ریجنل گیمز کے انعقاد سے مثبت نتائج سامنے آئے ہیں، ڈی جی سپورٹس پنجاب کا اس حوالے سے کہنا تھا ۔کوہسار فیسٹیول مری کے انعقاد سے ریجنل سپورٹس کو ترقی ملے گیا انہوں نے کہا کہ 8گیمز میں کھلاڑی اپنی صلاحیتوں کے جوہر دکھائیں گے

جاوید چوہان کا کہنا تھا کہ جنوبی پنجاب اور سینٹرل پنجاب میں مختلف کھیلوں کے ایونٹس میں نئے کھلاڑی سامنے آئے ہیں،کوہسار فیسٹیول مری میں کھلاڑیوں کو بہترین سہولیات فراہم کررہے ہیں، جاوید چوہان نے مزید کہا کہ فیسٹیول میں سامنے آنے والے ٹیلنٹ کو مزید ترقی دلائیں گے ۔

قطر امیری فضائیہ کے کمانڈر کی سربراہ پاک فضائیہ سے ملاقات۔                             

باغی ٹی وی کی رپورٹ کے مطابق 07 جون،2022: قطر امیری فضائیہ کے کمانڈر میجر جنرل(پائلٹ) جاسم محمد احمد المنائی نے آج سربراہ پاک فضائیہ ائیر چیف مارشل ظہیراحمد بابر سدھو سے انکے دفتر میں ملاقات کی۔ معزز مہمان کی آمد پر پاک فضائیہ کے ایک چاق وچوبند دستے نے انہیں سلامی پیش کی۔ ملاقات کے دوران دونوں معزز شخصیات نے پیشہ ورانہ اور باہمی دلچسپی کے امور پر تبادلہ خیال کیا۔

قطر امیری فضائیہ کے کمانڈر میجر جنرل(پائلٹ) جاسم محمد احمد المنائی نے پاک فضائیہ کی پیشہ ورانہ مہارت کو سراہتےہوئے  پاک فضائیہ کی خود انحصاری کے میدان میں غیر معمولی ترقی کی تعریف کی۔ ایئر چیف نے کہا کہ پاکستان اور قطر کے مابین دیرینہ مذہبی، ثقافتی اور تاریخی رشتہ استوار ہے جو دونوں فضائی افواج کے مابین مضبوط روابط کا مظہر ہے۔ ایئر چیف نے کہا کہ دونوں ممالک کے درمیان خوشگوار تعلقات قائم ہیں۔ انہوں نے دونوں فضائی افواج کے مابین موجودہ دوطرفہ تعاون کو مزید فروغ دینے کے عزم کا اعادہ بھی کیا۔ ائیر چیف نے کہا کہ پاکستان قطر کے ساتھ اپنے تعلقات کو قدر کی نگاہ سے دیکھتا ہے جو علاقائی امن، سلامتی اور استحکام سے متعلق تمام اہم امور پر باہمی ہم آہنگی پر مبنی ہیں۔

ٹویٹر پر موجود جعلی اکاؤنٹس کا ڈیٹا دیا جائے، ایلون مسک کا مطالبہ

باغی ٹی وی : امریکی سرمایہ کار جن کا نام ایلون مسک ہے انہوں نے ٹویٹر پر جعلی اکاؤنٹس کے حوالے سے کہا ہے کہ اگر ٹویٹر پر موجود جعلی اکاؤنٹس کا ڈیٹا نہیں دیا گیا تو ایسی صورت حال میں میں ٹویٹر کے ساتھ معاہدہ ختم کر دوں گا ۔

اس حوالے سے امریکی سرمایہ کار ایلون مسک کا کہنا تھا کہ ٹویٹر پر بہت سے اکاؤنٹ جعلی ہیں لیکن کمپنی جعلی اکاؤنٹس کا ڈیٹا فراہم کرنے میں بلکل نا کام رہی ہے ۔

مزید یہ کہ ان کا کہنا تھا کہ اگر ان کو ٹویٹر پر موجود جعلی اکاؤنٹس کی تفصیلات فراہم نہیں کی گئی تو وه اس صورت میں پھر چوالیس بلین ڈالر کی ڈیل سے دستبرار ہو جائیں گے۔

ایلون مسک ایک مشہور اور معروف ارب پتی ہیں ۔جنہوں اپریل کے مہینے میں سماجی رابطے کی ویب سائٹ ٹویٹر کو خریدنے کا معاہدہ کیا تھا ۔

سپیکر پنجاب اسمبلی اور پاکستان مسلم لیگ ق کے رہنما چودھری پرویز الٰہی نے کہا ہے کہ حکمران عوامی مسائل پر ڈلیور کرنے کی صلاحیت ہی نہیں رکھتے۔ حکمرانوں گھر جانے کی تیاری کریں اور انتخابات کا اعلان کیا جائے۔

سپیکر پنجاب اسمبلی سے تحریک انصاف کے ارکان پنجاب اسمبلی اور سابق وزرا نے ملاقات کی، ملاقات کرنے والوں میں سابق صوبائی وزرا سردار اصف نکئی، محمد اخلاق، سردار وسیم خان بادوزئی، ایم پی اے وسیم گوندل، ایم پی اے رانا شہباز شامل تھے۔ ملاقات میں سیاسی، معاشی صورتحال اور عوامی مشکلات پر تبادلہ خیال کیا گیا۔

پاکستان مسلم لیگ ق کے رہنما نے کہا کہ پٹرول، بجلی گیس مہنگی کرنے کے بعد حکمران آئندہ بجٹ میں مزید ٹیکس لگانے اور سبسڈیز واپس لینے کی تیاری کر رہے ہیں، وفاق کو شہباز شریف اور پنجاب کو بیٹے حمزہ شہباز نے معاشی طور پر تباہی سے دو چار کر رہا ہے۔

پرویز الہی نے کہا کہ موجودہ حکومت کے پاس عوامی مسائل کے حل کا کوئی ویژن ہی نہیں ہے۔ معاشی صورتحال روز بروز بدتر ہو رہی ہے اور امپورٹد حکومت کے ہاتھ سے نکل رہی ہے، عوام کو ہر روز اشیائے ضرور یہ کی قیمتوں میں اضافے کا سامنا ہے۔ حکمران عوامی مسائل پر ڈلیور کرنے کی صلاحیت ہی نہیں رکھتے۔ حکمرانوں گھر جانے کی تیاری کریں اور انتخابات کا اعلان کیا جائے۔ چند ہفتوں میں عوام نے ان حکمرانوں کی تجربہ کاری دیکھ لی ہے، پٹرول 60 روپے۔ گیس اور بجلی کی قیمتیں بڑھانے کے علاوہ حکومت نے کیا کیا ہے ؟

پاکستان کے دورے پر موجود جرمن وزیرخارجہ کا کورونا ٹیسٹ مثبت آگیا۔

جرمنی کی وزیرخارجہ اینالینا بیئربوک نے کورونا ٹیسٹ مثبت آنے کے بعد اپنا دورہ پاکستان مختصر کردیا ہے۔ جرمن وزیرخارجہ نے پاکستان میں اپنی بقیہ تمام مصروفیات منسوخ کردی ہیں۔

پاکستان کے دو روزہ دورے پر آنےوالی جرمن وزیر خارجہ کو یونان اور ترکی بھی جانا تھا۔ خیال رہے کہ پاکستان میں جرمن وزیر خارجہ نے اپنے پاکستانی ہم منصب بلاول بھٹو زرداری سے بھی ملاقات کی تھی۔

اس سے قبل جرمن وزیر خارجہ انالینا بیئربوک کے ہمراہ نیوز کانفرنس کرتے ہوئے وزیر خارجہ بلاول بھٹو نے کہا کہ جرمنی کی وزیر خارجہ کو دورۂ پاکستان پر خوش آمدید کہتے ہیں، جرمنی پاکستان کا یورپی یونین میں سب سے بڑا شراکت دار ہے۔

بلاول بھٹو نے کہا کہ پاکستان اور خود میں دہشت گردی کا شکار ہوا ہوں، امید ہے افغان حکومت دہشت گردی کے خاتمے کے لیے اقدامات کرے گی، ہمیں افغانستان سے مزید مہاجرین کی آمد کا خطرہ ہے۔

انہوں نے کہا کہ افغانستان میں 97 فیصد لوگ خط غربت کے نیچے جا رہے ہیں، افغان حکومت کو عالمی برادری کی توقعات پر پورا اترنا ہوگا، افغانستان سے انہیں نکالنے کی کوشش کررہے ہیں جن کی زندگیوں کو خطرہ ہے۔

بلاول بھٹو نے کہا کہ میری ترجیح پاکستان کی معاشی سفارتکاری کا فروغ ہے، ہماری توجہ ٹریڈ، ناٹ ایڈ پر مرکوز ہے۔

وزیر خارجہ نے بتایا کہ یوکرین پر پاکستان کے موقف میں کوئی تبدیلی نہیں آئی، ہم یوکرین میں جنگ کا فوری خاتمہ چاہتے ہیں، تمام تنازعات کو بالآخر بات چیت سے ہی حل ہونا ہوتا ہے، ہم روس یوکرین جنگ کے مذاکراتی حل پر زور دیتے رہیں گے۔

وزیر خارجہ بلاول بھٹو نے کہا کہ پاکستان نے چین اور دنیا کے درمیان سفارتی تعلقات شروع کرانے میں اہم کردار ادا کیا ہے۔

بلاول کا کہنا تھا کہ بھارت کے یک طرفہ اقدامات کے باعث دو طرفہ بات چیت کا عمل متاثر ہوا ہے، بھارت اب ایک ہندوتوا انڈیا ہے، بھارت کی طرف سے اشتعال انگیز بیانات بات چیت کے راستے میں رکاوٹ ہیں۔

نیوز بریفنگ میں جرمن وزیر خارجہ انالینا بیئربوک نے کہا کہ افغان صورت حال سے سب سے زیادہ پاکستان متاثر ہوا، خواتین کی حقوق معاشرے میں اہمیت کے حامل ہیں، افغانستان کو انسانی بحران کا سامنا ہے۔

جرمن وزیر خارجہ نے کہا کہ ہم نے باہمی تجارت کے فروغ پر بات چیت کی ہے، مقبوضہ کشمیر پر اقوام متحدہ کی قراردادوں کی حمایت کرتے ہیں، مسئلہ کشمیر کا حل بات چیت کے ذریعے ہونا چاہیے۔

برطانیہ میں ایک اور تجربہ صرف 4 دن کام اور 3 دن چھٹی

باغی ٹی وی : برطانیہ میں ایک مختلف قسم کا تجربہ شروع کیا گیا ہے۔اس تجربے میں سب کام کرنے والوں کو چاہیے وه سرکاری ملازمین ہوں یا پھر نجی اداروں کے کارکن سب کے لیے ایک نیا تجربہ شروع کیا گیا اس میں ان سب کو ایک ہفتے میں 4 دن کام اور 3 دن چھٹی کرنے کا فیصلہ کیا گیا ۔

اس منصوبے کے مطابق 70 برطانوی کمپنیوں کے 3 ہزار 300 کارکن 6 ماہ تک ہفتے میں 3 دن چھٹی اور 4 دن کام کریں گے لیکن ان کو تنخواہ پورے مہینے کی دی جائے گی ۔4 ڈے ویک گلوبل کا یہ تجربہ آٹونومی تھنک ٹینک کے اشتراک سے جاری رہے گا ۔اس منصوبے کے نتائج اخذ کرنے میں کیمبرج، آکسفورڈ  اور بوسٹن یونیورسٹی کے محققین شامل ہوں گے۔

اس حوالے سے ماہرین نے کہا ہے کہ 3 دن کی چھٹی سے پیداواری صلاحیت متاثر نہیں ہوگی بلکہ اس میں اضافہ کے امکان ہیں ۔ ساتھ ہی اس کے نتائج سے ماحول میں بہتری بھی ہو گی اور کارکنوں کی ذہنی صحت اور شخصیت پر مثبت اثرات بھی مرتب ہوں گے ۔

وبائی بیماری کے بعد، لوگ کام کی زندگی میں توازن چاہتے ہیں رائل ڈائریکٹر نے ایک انٹرویو میں کہا کہ وہ کم کام کرنا چاہتے ہیں۔

مزید کہ برطانیہ میں بینکوں، مارکیٹنگ، صحت کی دیکھ بھال، مالیاتی خدمات، مہمان نوازی اور دیگر صنعتوں میں 3,300 سے زائد کارکن پائلٹ میں حصہ لے رہے ہیں۔ اس حوالے سے مسٹر رائل نے کہا کہ ڈیٹا انٹرویوز اور عملے کے سروے کے ذریعے جمع کیا جائے گا، اور ان اقدامات کے ذریعے جو ہر کمپنی اپنی پیداواری صلاحیت کا اندازہ لگانے کے لیے استعمال کرتی ہے۔

ڈاکٹر شور نے کہا کہ وبائی مرض کے دوران گھر سے کام کرنا ایک چھوٹا سا ورک ویک کے لیے بڑھتی ہوئی رفتار کو بڑھانے کا بنیادی عنصر رہا ہے۔ اس نے مالکوں کو احساس دلایا کہ وہ اپنے کارکنوں پر بھروسہ کر سکتے ہیں،”

مزید یہ کہ اس تجربے سے کہ 3 دن چھٹی رہے گی اور 4 دن صرف کام ہو گا جس کی وجہ سے لوگ یہ سمجھتے ہیں کہ ملک ترقی نہیں کر سکے گا اس پر ماہرین نے اپنی راۓ پیش کر دی ہے ۔کہ اس 3 دن کی چٹھی سے نہ تو پیداواری صلاحیت متاثر ہو گی اور نہ ہی ماحول پر غلط اثر پڑے گا بلکے ماحول بہتر ہو گا کیونکہ اس سے افراد کی شخصیت پر مثبت اور بہتر اثرات ہوں گے ۔

وفاقی وزیر ریلوے خواجہ سعد رفیق کی زیر صدارت لاہور میں اعلیٰ سطحی اجلاس منعقد ہوا۔اجلاس میں آئندہ مالی سال کے ریلوے کے ترقیاتی منصوبوں کا جائزہ لیا گیا۔

وفاقی وزیر خواجہ سعد رفیق نے افسران کو ہدایت کی کہ ایندھن اور بجلی کی بچت کے لیے ہر ممکن اقدامات اٹھائے جائیں۔ انہوں نے کہا کہ ہمیں فیول کے ایک ایک لٹر کی حفاظت کرنی ہے۔ وفاقی وزیر نے ہدایت کی کہ ٹرینوں کے جو پرزے پاکستان میں بن سکتے ہیں، انہیں ہر گز درآمد نہ کیا جائے۔ اجلاس میں پٹرول و ڈیزل کی قیمتوں میں حالیہ اضافے سے پاکستان ریلوے پر پڑنے والے آٹھ ارب کے اضافی بوجھ کے ممکنہ اثرات کا جائزہ بھی لیا گیا۔

زرائع کے مطابق زیر ریلوے خواجہ سعد رفیق نے ریلوے کرائے بڑھانے کی تجویز مسترد کرتے ہوئے کہا ہے کہ ٹرین غریب کی سواری ہے، اسے مہنگائی کے اثرات سے بچائیں گے۔ انہوں نے کہا کہ محکمہ خود اپنے وسائل استعمال کرتے ہوئے پٹرولیم مصنوعات کی بڑھتی ہوئی قیمتوں کا بوجھ اٹھائے گا۔

مسافروں کو سہولیات کی فراہمی کے حوالے سے متعلقہ حکام کو ہدایات جاری کرتے ہوئے وفاقی وزیر نے کہا کہ ٹرینوں کی تمام کیٹیگریز میں فری وائی فائی مہیا کرنے کے لیے اقدامات کیے جائیں اور ٹرینوں میں موجود چارجنگ پورٹس، لائٹنگ، واش رومز کے معیار، اکانومی کلاس میں پردوں اور پی او ایچ کے سٹینڈرڈز کو اپ گریڈ کیا جائے۔

واضح رہے کہ ریلوے حکام نے ٹرینوں کے کرائے میں 5 تا 15 فی صد اضافے کی تجویز دی تھی، جس کے مطابق برانچ لائنوں پر اکانومی کلاس کے کرایوں میں 5 فی صد، مین لائنوں پر چلنے والی فاسٹ اور نان اسٹاپ ٹرینوں کے کرایوں میں 15 فی صد جب کہ مال بردار ٹرینوں کے کرایوں میں 10 فی صد اضافہ ہونا تھا۔
علاوہ ازیں لاہور اور راول پنڈی ریل کاروں کے کرایوں کے اے سی پارلر، اے سی بزنس کے کرایوں میں بھی 15 فیصد اضافہ تجویز کیا گیا تھا، اور اس سلسلے میں سمری وزارت کو بھجوائی جا چکی تھی، تاہم وزیر ریلوے خواجہ سعد رفیق نے سمری مسترد کرتے ہوئے کرایوں کو برقرار رکھنے کا فیصلہ کیا ہے۔

گورنر پنجاب محمد بلیغ الرحمن نے کہا ہے کہ 4 سال پہلے جب حکومت مسلم لیگ ن سے لی گئی تھی، آج بہت سارے مسائل کے ساتھ واپس ملی ہے۔ ہمارے سابق دور میں معیشت سمیت ترقی کے تمام اعشاریے بہتر تھے، معیشت بہتر تھی اور مہنگائی کی شرح کم تھی، تمام شعبوں میں جلد استحکام انا شروع ہو جائے گا۔

گورنر پنجاب محمد بلیغ الرحمان سے بہاولپور سے تعلق رکھنے والے ایم پی اے ظہیر اقبال چنڑ کی قیادت میں وفد نے ملاقات کی۔ وفد کے شرکاء نے گورنر پنجاب کو مبارکباد دی اور نیک خواہشات کا اظہار کیا۔ اس موقع پر گورنر پنجاب محمد بلیغ الرحمن نے کہا کہ 4 سال پہلے جب حکومت پی ایم ایل سے لی گئی تھی آج بہت سارے مسائل کے ساتھ واپس ملی ہے.

انہوں نے کہا کہ مسلم لیگ کے سابق دور ملک میں سارے شعبوں میں مسلسل ترقی ہو رہی تھی.معیشت سمیت ترقی کے تمام اعشاریے بہتر تھے اور مہنگائی کی شرح کم تھی۔ انشاء اللہ تمام شعبوں میں جلد بہتری آنا شروع ہو جائے گی۔ اعلی سیاسی اقدار کو پروان چڑھائیں گے۔ اعلی تعلیم پہ فوکس ہمیشہ سے حکومت کی ترجیح ہے۔

انہوں نے کہا کہ مسلم لیگ ن نے ہمیشہ ہائر ایجوکیشن کے فنڈَز میں اضافہ کیا، اکیڈیمیہ اور انڈسٹری کے درمیان روابط مضبوط کرنے کی ضرورت ہے، اس حوالے سے جامعات کے وائس چانسلرز کو ہدایات دے دی ہیں۔

پیپلزپارٹی کے شریک چیئرمین اوع سابق صدر آصف علی زرداری کی دعوت پروزیر اعلی پنجاب حمزہ شہباز بلاول ہاؤس پہنچ گئے.پیپلزپارٹی کے شریک چیئرمین آصف علی زرداری نے وزیر اعلی پنجاب حمزہ شہباز کا خیرمقدم کیا اور انہیں وزارت اعلی کا منصب سمنھالے پر مبارکباد دی.

وزیراعلی پنجاب حمزہ شہباز اور سابق صدرآصف علی زرداری کے درمیان ملاقات ہوئی ،ملاقات میں میں باہمی دلچسپی کے امور ، سیاسی صورتحال اور ورکنگ ریلیشن شپ پر تبادلہ خیال کیا گیا.

حمزہ شہباز اور آصف علی زرداری کے درمیان ورکنگ ریلیشن شپ کو مزید مضبوط بنانے پر اتفاق کیا گیا،عمران نیازی کے غیر جمہوری ہتھکنڈوں کا مل کر مقابلہ کرنے کے عزم کااعادہ بی کیا گیا جبکہ دونوں رہنماوں نے ضمنی انتخابات مشترکہ طور پر لڑنے پر اتفاق بھی کیا.

اس موقع پر وزیراعلی پنجاب حمزہ شہباز نے کہا کہ عوام کی خدمت کے سفر میں ایک ہیں اورایک رہیں گے،پاکستان پیپلز پارٹی ہماری اتحادی جماعت ہے، ساتھ لیکر چلیں گے،ورکنگ ریلیشن شپ کو مزید بہتر بنانے کے حوالے سے مشاورت کا عمل جاری رہے گا۔

حمزہ شہباز نے کا کہنا تھا کہ مسلم لیگ ن اور پیپلزپارٹی کا اتحاد عوام کی خدمت کے لیے ہے ،سیاست کو عبادت سمجھتا ہوں اور اجتماعی فیصلوں کا قائل ہوں.

صوبائی وزراء عطا تارڑ ،ملک محمد احمد علی، خواجہ سلمان رفیق، عمران گورایہ، وزیر اعلی سندھ مراد علی شاہ، شرجیل میمن ،ڈاکٹر عاصم حسین،صوبائی وزراء سید علی حیدر گیلانی اور سید حسن مرتضی بھی ملاقات میں موجود تھے

آصف علی زرداری نے وزیر اعلی حمزہ شہباز کے اعزاز میں ظہرانہ بھی دیا

حمزہ شہباز مسلم لیگ ن کے وفد کے ہمراہ بلاول ہاوس لاہور پہنچے، مسلم لیگ ن کے وفد میں صوبائی وزراء عطا تارڑ ، ملک احمد علی، خواجہ سلمان رفیق اورعمران گورایہ بھی شامل تھے.

ملاقات میں پیپلزپارٹی کے وزیر اعلی سندھ مراد علی شاہ، شرجیل میمن ،ڈاکٹر عاصم حسین، سید علی حیدر گیلانی اور سید حسن مرتضی بھی موجود تھے.
آصف علی زرداری نے وزیر اعلی حمزہ شہباز کے اعزاز میں ظہرانہ بھی دیا.