Category: لاہور

وزیر اعلی پنجاب نے کابینہ کے پٹرول الاؤنس کو مکمل ختم کرنے کا فیصلہ کیا ہے جبکہ تمام صوبائی محکموں کے پٹرول اخراجات کی تفصیلات بھی طلب کر لی ہیں.

وزیر اعلی پنجاب حمزہ شہباز اورصوبائی کابینہ کے ارکان سرکاری پٹرول نہیں لیں گے اور سرکاری امور کی انجام دہی کے دوران پٹرول کے اخراجات خود ادا کرینگے.

وزیراعلی پنجاب حمزہ شہباز کا کہنا ہے کہ پٹرولیم مصنوعات کے نرخ میں اضافے کے حوالے سے عوام کی مشکلات کا پورا احساس ہے۔ بچت کا آغاز خود سے کریں گے۔ وزیر اعلیٰ حمزہ شہباز کی زیر صدارت اعلیٰ سطح کا اجلاس منعقد ہوا جس میں حکومتی سطح پر بچت،کھاد کی فراہمی اور دیگر اشیاء ضروریہ کے نرخ کے حوالے سے اہم فیصلے کئے گئے.

اجلاس میں فیصلہ کیا گیا کہ وفاقی حکومت کوچینی ایکسپورٹ کرنے کی اجازت نہ دینے کی تجویز پیش کی جائے گی.وزیراعلی پنجاب حمزہ شہباز شریف کا کہنا تھا کہ عوام کو معاشی ریلیف دینے کے لئے ہر ممکن اقدام کیے جائیں گے،ضرورت مند طبقے کو اشیا ضروریہ میں سبسڈی کے لئے تاریخی اقدامات کر رہے ہیں .

حمزہ شہباز نے مزید کہا کہ کھاد کی ذخیرہ اندوزی کاشتکار پر ظلم کے مترادف ہے، حمزہ شہباز نے نے اجلاس کے دوران ہدایت کی کہ کھاد اور دیگر اشیاء ضروریہ کی ذخیرہ اندوزی کرنے والوں کے خلاف کریک ڈاؤن مزید تیزکر دیا جائے.

وزیراعلی پنجاب کی زیر صداعت اجلاس میں صوبائی وزرا خواجہ سلمان رفیق،سردار اویس لغاری۔ملک محمد احمد خان،عطااللہ تارڑ،ایم پی اے مجتبیٰ شجاع۔ ذیشان رفیق۔ چیف سیکرٹری۔ پرنسپل سیکرٹری وزیر اعلیٰ،متعلقہ سیکرٹریز اور حکام نے شرکت کی.

وزیرِ اعظم شہباز شریف کی ہدایت پر حکومت کا موبائل فون صارفین کے تحفظ کیلئے بڑا اقدام،صارفین کو ناپسندیدہ ایس ایم ایس بلاک کرنے کی اجازت دینے کیلئے پالیسی سازی کا عمل شروع کر دیا گیا.

پی ٹی اے صارفین کے ڈیٹا کی رازداری کے قوانین کا فوری جائزہ لے گی، وزیراعظم شہباز شریف نی ہدایت کی ہے کہ صارفین کی پرائیویسی شہریوں کا بنیادی آئینی حق ہے حکومت اسکی خلاف ورزی کی کسی قدر اجازت نہیں دے گی.

وزیر اعظم کے مشیر برائے اسٹریٹجک ریفارمز سلمان صوفی نے چیئرمین پی ٹی اے سے موبائل فون صارفین کے ڈیٹا کے تحفظ اور مرکیٹرز کی طرف سے بھیجے جانے والے ناپسندیدہ ایس ایم ایس کے حوالے سے مشاورت کی ہے.ملاقات میں شہریوں کو ناپسندیدہ ایس ایم ایس بلاک کرنے کی اجازت دینے کی فوری پالیسی سازی پر اتفاق کی اگیا ہے

معاون ِ خصوصی نے وزیراعظم کی پی ٹی اے کو صارفین کو بھیجے جانے والے مارکیٹرز کے ناپسندیدہ ایس ایم ایس کے ساتھ ساتھ شہریوں کے رازداری کے قوانین کے فوری جائزے کی ہدایات سے آگاہ کیا.

سلمان صوفی نے کہا کہ شہریوں کی پرائیویسی ایک آئینی حق ہے اور وزیر اعظم اس بات کو یقینی بنانا چاہتے ہیں کہ اس کی خلاف ورزی نہ ہو۔ چئیرمین پی ٹی اے وزیراعظم اسٹریٹجک ریفارمز یونٹ کو اس سلسلے میں ہونے والے اقدامات پر آج بریف کریں گے.

اس سلسلے میں مجوزہ اقدامات میں صارف بغیر اجازت موصول ہونے والے میسج بھیجنے والی کمپنی کو رپورٹ کر سکے گا،مزید برآں صارف کو یہ حق حاصل ہو گا کہ وہ کسی بھی میسج بھیجنے والی کمپنی کو میسج بھیجنے سے منع کر سکے گا جس پر عملدرآمد کمپنی پر لازم ہوگا. اسکے علاوہ کمپنی صارف کا ڈیٹا اس کی مرضی کے بغیر کسی اور کمپنی کو نہ دینے کی پابند ہوگی.

مسلم لیگ ن کی مرکزی رہنما عظمی بخاری نے کہا کہ اس گناہ پر قصور وار ہیں جو کیا ہی نہیں، معاشی دہشت گردی اس وقت ملک کو بھگتنی پڑ رہئ ہے،پیٹرول پر دس روپے کا ریلیف عوام کو سو روپے کا بھگتنا پڑ رہاہے، سیاسی جوکر آوازیں کس رہے ہیں اپنے چار سال کے بجائے چار ہفتے کی حکومت سے جواب طلب کررہے ہیں.

عظمی بخاری نے پریس کانفرنس کرتے ہوئے کہا کہ آئی ایم ایف کا معاہدہ غلط کیا اور سخت شرائط پر کیا اس کی خلاف ورزی کرکے پاکستان کو سری لنکا بنانے کی سازش کی،اپنے خلاف عدم اعتماد کامیاب ہوتے دیکھتے وقت پاکستان کو سری لنکا بنانے کےلئے پلان بنایا گیا،عمران خان کی سیاسی و معاشی دہشت گردی کے جواب میں کان منہ لپیٹ کر سیاست بچا لیتے لیکن بھاگے نہیں.

عظمی بخاری نے کہا کہ ہم نے مشکل وقت میں ہمیشہ کام کیا اور ملکی ترقی کےلئے کوششیں کیں، اپنی سیاست بچانے کےلئے پاکستان کو عمران خان کے رحم و کرم پر نہیں چھوڑ سکتے،عمران خان نامی پروجیکٹ کی ناکامی کے بعد معاشی و اخلاقی عدم استحکام آیا، عمران خان کے پاس سب کچھ ہے بس ضمانت نہیں تھی جو قائد انقلاب ضمانت لئے پھر رہے ہیں، شہبازشریف کوچار سال سیاسی انتقام کا نشانہ بنایا گیا.

عظمی بخاری نے مزید کہا کہ شہبازشریف کو دو سال جیل میں رکھنے کے بعد اب بطور وزیراعظم پاکستان اوروزیر اعلی پنجاب قانون کے حوالے عدالتوں میں پیش ہورہے ہیں ،ایف آئی اے سمیت تمام اداروے ان کے انڈر ہیں مگر شہبازشریف اور حمزہ شہباز ریلیف نہیں مانگ رہے،عدالت میں پیش ہونے کے بعد شہبازشریف نے لوڈ شیڈنگ پر ہنگامی میٹنگ طلب کی،بیوروکریسی نے کاغذوں اور لفاظی سے رپورٹ لوڈ شیڈنگ پر دی تو شہبازشریف نے رپورٹ مسترد کرتےہوئے کہاکہ لوڈ شیڈنگ ختم کی جائے.

عظمی بخاری کا کہنا تھا کہ جو کہتے تھے کہ شہبازشریف نے بجلی زیادہ بنا دی تو آج پی ٹی آئی والوں کو پتہ چلا ہوگا کہ آبادی اور موسم کے مطابق بجلی کی ڈیمانڈ بڑھتی ہے. وقت پر حماد اظہر نے ایل این جی جب آٹھ ڈالر پر مل رہی تھی تو نہیں خریدی جس سے بیس ڈالر کا نقصان ملک کو اٹھانا پڑا.

چیف ایگزیکٹو آفیسر پاکستان ریلوے فرّخ تیمُور غِلزئی نے کہا کہ اپریل میں 90 فیصد جبکہ مئی میں 87 فیصد ٹرینیں اپنے مقررہ وقت پہ روانہ ہوئیں۔ پاکستان ریلوے ٹرینوں کی پنکچوئلٹی کو مزید بہتر بنانے کے لئے اقدامات کر رہا ہے۔ پسنجر سیفٹی اولین ترجیح ہے، سہولیات کی فراہمی کے لیے محدود وسائل میں رہتے ہوئے بہترین سروسز دینے کی کوشش کر رہے ہیں۔ چیف ایگزیکٹو آفیسر پاکستان ریلوے فرّخ تیمُور غِلزئی نے ریلوے ہیڈکواٹرز آفس لاہور میں فیس بک لائیو کھلی کچہری کا انعقاد کیا ، عام لوگوں اور ریلوے ملازمین کے ریلوے سے متعلق مسائل کئے. اس موقع پر متعلقہ شعبہ کے افسران بھی موجود رہے۔ کھلی کچہری کا انعقاد وزیر اعظم پاکستان اور وفاقی وزیر ریلوے کے احکامات کی روشنی میں کیا گیا۔

چیف ایگزیکٹو آفیسر نے ای کچہری پر پوسٹ کیے جانے والے کمنٹس سے متعلق گفتگو کرتے ہوئے کہا کہ ہمارے ایکسپرٹ ہر کمنٹ کا تجزیہ کرتے ہیں۔ اگر وہ تجویز کی شکل میں ہو تو قابلِ عمل ہونے کی صورت میں اس کی منظوری دی جاتی ہے اور اگر شکایت کی صورت میں ہو تو فوری طور پر متعلقہ افسران کو اس پر ایکشن لینے کا حکم دے دیا جاتا ہے۔

عوام الناس نے چیف ایگزیکٹوآفیسر پاکستان ریلوے کو مختلف سیکشنوں پر مزید مسافر ٹرینیں چلانے اورنئے سٹاپ دینے، مزیدکوچز لگانے اور مختلف اسٹیشنوں پر سہولیات کی فراہمی جیسے مسائل حل کرنے کی درخواست کی۔ سی ای او ریلوے نے سٹاپجز دینے کے حوالے سے بات کرتے ہوئے کہا کہ ریلوے پالیسی کے تحت صرف ایسے اسٹیشن پر سٹاپ دیا جا سکتا ہے جس کی آمدن ایک لاکھ روپے سے زائد ہو۔

ایک سوال کے جواب میں سی ای او نے کہا کہ ٹرینوں میں مسافروں کی سہولت کے لیے کوچز میں چارجر سوئچ کے مسئلے کو ضرور حل کیا جائے گا۔ انہوں نے کہا کہ صاف ستھرے محفوظ ماحول میں سفر ہر شہری کا حق ہے اور اس ضمن میں پاکستان ریلوے ہر وقت کوشاں ہے۔ یہی وجہ ہے کہ ریلوے پاکستان کے ذرائع نقل و حمل میں محفوظ ترین ہے۔

ای کھلی کچہری میں ریلوے ملازمین نے چیف ایگزیکٹوآفیسر پاکستان ریلویز فرّخ تیمُور غِلزئی کو محکمانہ پروموشن ، گریجویٹی/پنشن کی رقم کی ادائیگی، ریلوے میں ٹی ایل اے اور پی ایم پیکج کی ریگولائزیشن سمیت دیگر مسائل سامنے رکھے۔ فرّخ تیمُور غِلزئی نے کہا کہ ای کچہری کا بنیادی مقصد ریلوے کے ذریعے سفر کرنے والے مسافروں اور فریٹ/ کارگو سے منسلک تاجر برادری کی شکایات کو با آسانی سن کر فوری ازالہ کرنا ہے۔ ریلوے ملازمین کے سروس معاملات کے حوالے سے درست فورم متعلقہ ڈی ایسز کے دفاتر ہیں۔

فیس بک لائیو کھلی کچہری صبح 9 بجکر 30 منٹ سے صبح 11 بجکر 30 منٹ تک جاری رہی جس میں 12 ہزار سے زائد لوگوں نے چیف ایگزیکٹو آفیسر سے سوالات کیے اور شکایات بیان کیں۔

سندھ انفارمیشن کمیشن کے لئے چیف انفارمیشن کمشنر اور انفارمیشن کمشنر زکی تقرری کر دی گئی ۔

باغی ٹی وی کی رپورٹ کے مطابق سندھ انفارمیشن کمیشن کے لئے چیف انفارمیشن کمشنر اور انفارمیشن کمشنر زکی تقرری کر دی گئی۔
اس تقرری میں محکمہ اطلاعات نے وزیر اعلیٰ سندھ کی منظوری سے نوٹیفیکیشن جاری کر دیا۔
اس مقصد کیلئے نصرت حسین سندھ انفارمیشن کمیشن کے چیف انفارمیشن کمشنر مقرر کر دیے گئے ۔

صائمہ آغا ایڈووکیٹ اور شاہد جتوئی بھی انفارمیشن کمشنرز ہوں گے۔یہ کمیشن سندھ ٹرانسپرنسی اینڈ رائٹ ٹو انفارمیشن ایکٹ 2016 کے تحت قائم کیا گیا ہے۔

مزید یہ کہ اس میں یہ یقین دہانی بھی کرائی گئی کہ کمیشن مختلف سرکاری اداروں کی جانب سے معلومات کی عدم فراہمی کی شکایات کا ازالہ کرے گا۔

اس کمیشن میں اس بات کو بھی واضح کیا گیا کہ چیف انفارمیشن کمشنر اور کمشنرز کی مدت تین سال ہوگی۔

کالے شیشوں، فینسی و بوگس اور بغیر نمبر پلیٹس کےخلاف کریک ڈاؤن تیز کرنے کا حکم

باغی ٹی وی کی رپورٹ کے مطابق شہر بھر میں فینسی، اپلائیڈ فار، بوگس اور غیر نمونہ نمبر پلیٹس کے خلاف کریک ڈاؤن جاری کر دیا گیا۔ ایک اور اہم فیصلہ کیا گیا کہ اب کالے شیشوں پر 05 کی بجائے 2500 روپے جرمانے کرنے کا حکم جاری کر دیا۔

اس حوالے سے ملک بھر میں چالان کرنے کا عمل شروع کیا جا چکا ہے۔اب تک کی خبر کے مطابق کریک ڈاؤن میں اب تک غیر نمونہ نمبر پلیٹس لگانے پر 20 ہزار 555 چالان کئے گئے، قائمقام سی ٹی او لاہور

آصف صدیق کا کہنا تھا کہ اب تک بوگس نمبر پلیٹس لگانے پر 51 مقدمات درج کروائے گئے۔انہوں نے کہا کہ اپلائیڈ فار، بلانمبری گاڑی و موٹرسائیکل چلانے پر 03 ہزار 210 چالان کئے گئے۔

قائمقام سی ٹی او کا اس حوالے سے کہنا تھا کہ کالے شیشے لگانے پر 32 ہزار 878 گاڑیوں کو چالان ٹکٹ جاری کئے گئے۔

آصف صدیق نے اس حوالے سے مزید کہا کہ نمبر پلیٹس پر ٹیمپرنگ یا جعلی اور واضح نمبر نہ ہونے پر کوئی عذر قبول نہیں ہو گی ایسی صورت میں کوئی معافی بھی نہیں ملے گی۔اگر ایسا ہوا تو فوری چالان ہو جاۓ گا۔اور فینسی نمبر پلیٹس لگانے کی بھی ہرگز اجازت نہیں دی جائے گی۔ انہوں نے یہ بھی کہا کہ کریک ڈاؤن کےلئے سٹی ٹریفک پولیس کی 17 مخصوص ٹیمیں بھی تشکیل دی گئیں ہیں اس کے علاوہ شہریوں کو وارننگ اور آگاہی کے بعد کریک ڈاؤن کیا جارہا ہے

قائمقام سی ٹی او نے کہا کہ گاڑی کی نمبر پلیٹس سے چھیڑ چھاڑ کا مطلب شناخت کو چھپانا ہے۔مقدمات موٹروہیکل آرڈیننس آرڈنینس 97 اے کے تحت درج کروائے جا رہے ہیں۔

ایس پی آصف صدیق کا مزید کا کہنا تھا کہ ایسی تمام وہیکلز جن پر نمبر پلیٹس ایکسائز کے نمونے کے مطابق لگیں ہیں، انہیں ابھی چالان نہیں کیا جارہا،ایسے شہری جنہوں نے نمبر پلیٹس کےلئے اپلائی کیا ہوا ہے وہ ایکسائز سلیپ ساتھ رکھیں۔

امیر جماعت اسلامی سراج الحق نے کہا ہے کہ حکومت نے پٹرول اور بجلی کی قیمتوں میں اضافہ کر کے پورے ملک میں ماتم برپا کر دیا۔ قوم استعماری طاقتوں اور عالمی مالیاتی اداروں کی غلامی میں پس رہی ہے۔ حکمران اپنی مراعات میں کمی کو تیار نہیں، سارا زور عوام کا خون نچوڑنے پر ہے۔

سراج الحق کا کہنا تھا کہ غریب کا بچہ بھوکا سوتا ہے، لوگوں کے پاس علاج کے لیے وسائل نہیں، حکمرانوں کے محلات میں چار چار سرکاری گاڑیاں کھڑی ہیں ، قوم فاقوں مر رہی شاپنگ مالز کے باہر سرکاری گاڑیوں کی قطاریں نظر آتی ہیں ،حکمران اشرافیہ قومی خزانے سے بیرون ملک اپنی فیملیز سے ملاقاتیں کرتے ہیں، افسرشاہی، وزراء، مشیران اپنی کارکردگی بتائیں۔

سراج الحق نے کہا کہ 11جون سے کرپٹ سودی نظام اور ظالمانہ مہنگائی کے خلاف تحریک کا آغاز کر رہے ہیں، انہوں نے قوم سے اپیل کی ہے کہ وہ ساتھ دے اور تحریک کا حصہ بنے۔

قبل ازیں جماعت اسلامی کی رہنما قیصر شریف کا کہنا تھا کہ سود، مہنگائی کے خلاف 11 جون لاہور سے حکومت مخالف تحریک کا آغاز کریں گے،حکمران جان لیں عوام اب قربانی کا بکرا بننے کو تیار نہیں،قوم کے صبر کا مزید امتحان نہ لیا جائے، آئی ایم ایف کے ساتھ معاہدوں کو مسترد کرتے ہیں،آئی ایم ایف کے ساتھ کیے گئے معاہدے پارلیمنٹ لائیں جائیں،ارکان قومی اسمبلی اور اشرافیہ کی مراعات کم کی جائیں، حکمران اپنے اخراجات تو کم نہیں کرتے،عوام پر بوجھ ڈال رہے،آئی ایم ایف کے کہنے پر پٹرول مزید مہنگا کیا گیا،پٹرول مہنگا ہونے سے عوام کے اوسان خطا ہو گئے،مہنگا پٹرول خریدنا عوام کیلئے مشکل ہے،اتحادی حکومت نے بھی عوام کو رتی برابر ریلیف نہیں دیا۔

دو روزہ مصنوعی ذہانت انفارمیشن اور ٹیکنالوجی ایکسپو کا آغاز راولپنڈی چیمبر آف کامرس کے زیر اہتمام ہوا۔

باغی ٹی وی کی رپورٹ کے مطابق راولپنڈی میں چیمبر آف کامرس کے زیر اہتمام دو روزہ مصنوعی ذہانت اور انفارمیشن ٹیکنالوجی ایکسپو کا آغاز ہو گیا

ساتھ ایک اور اہم خبر یہ کہ ٹیکنالوجی، روبوٹس، ڈرون ٹیکنالوجی، لاجسٹک، طبی سامان اور یونیورسٹیز کی جانب سے آئی ٹی ایکسپو دوروز جاری رہے گی
اس مقصد کیلئے وفاقی وزیر سیفران سینیٹر طلحہ محمود نے صدر راولپنڈی چیمبر ندیم اے رؤف کے ہمراہ ایکسپو کا افتتاح کیا۔
اس میں بہت اہم شخصیات نے بھی شرکت کی جس میں ڈین آف ایمبیسڈر ترکمانستان کے سفیر، اتد جان مولاموف، چیف کمشنر ان لینڈ ریونیو محمد اقبال کی بھی خصوصی شرکت شامل تھی۔

اس خاص موقع پر سی ای او IGNITE، سابق صدور آر سی سی آئی، سینئر نائب صدر عاصم ملک، نائب صدر طلعت اعوان، چیئرمین ایکسپو راجہ عامراقبال کی شرکاء کو بریفنگ بھی دی گئی۔

*مہمان خصوصی وفاقی وزیر سنیٹر طلحہ محمود کا ایکسپو تقریب سے خطاب*
انہوں سب سے پہلے اپنے خطاب میں کہا کہ حکومت کی اولین ترجیح کاروباری برادری کے لیے آسانیاں پیدا کرنا ہے،اور یہ حکومت کی اولین ترجیحات میں شامل ہے۔

پھر ان کا کہنا تھا کہ آئی ٹی کا شعبہ اہم ہے، ایکسپورٹ بڑھانے کے لیے آئی ٹی کے شعبے کی ترقی کے لیے کئی اقدامات اٹھائے جا رہے ہیں۔ سنیٹر طلحہ محمود نے آئی ٹی کے شعبے کی اہمیت کا بتایا۔

مزید کہا کہ کانفرنس اور ایکسپو انعقاد پر راولپنڈی چیمبر مبارکباد کا مستحق ہے، سنیٹر طلحہ محمود نے راولپنڈی چمبر کو مبارکباد کا مستحق قرار دیا۔

نجی شعبے کے حوالے سے طلحہ محمود کا کہنا تھا کہ نجی شعبے کو آگے آ کر حکومت کا ہاتھ بٹانا چایئے، بزنس اور ایجوکیشن کا آپس میں گہرا رشتہ ہے،
انڈسٹری ایکیڈیمیہ کو ترقی دے کر ہی ملک خوشحالی کی طرف جا سکتا ہے، طلحہ محمود نے ملک کی خوش حالی اور ترقی کے حوالے سے بھی بات کی۔ان کا کہنا تھا کہ میں حکومت اور تاجر برادری کے درمیان پل کا کردار ادا کروں گا۔پاکستان قدرتی ذخائر سے مالامال ہے۔انہوں نے اس حوالے سے کہا کہ مناسب مینجمنٹ کی ضرورت ہے، ملک دوست پالیسیوں کے لیے چیمبر اپنی تجاویز دے ۔۔

*صدر چیمبر ندیم اے رؤف کا خطاب*

صدر چیمبر ندیم اے روف نے اپنے خطاب میں کہا کہ آئی ٹی کے شعبے میں پاکستان کی سالانہ ایکسپورٹ چار ارب ڈالر کے قریب ہیں جبکہ بھارت کئی گنا آگے جاچکا ہے،ہمیں دنیا میں آئی ٹی کے میدان میں مقابلہ کے لئیے اہم اقدامات اٹھانے ہونگے ۔۔۔۔ندیم اے رؤف