دہشت گردی کے کتنے تھریٹ ملے تھے؟ لاہور دھماکے کے بعد آئی جی کا انکشاف

باغی ٹی وی : آئی جی پنجاب انعام غنی نے لاہور جوہر ٹاؤن دھماکے بارے بات کرتے ہوئے کہا ہے کہ ہمیں افواہوں پر یقین نہیں کرنا چاہیے،

آئی جی پنجاب کا کہنا تھا کہ ‏جوہر ٹاوَن دھماکے میں نقصانات کاجائزہ لے رہے ہیں، ‏ہمیں65 تھریٹ الرٹس موصول ہوئے، دھماکوں سے ہمارے حوصلے پست نہیں بلند ہوتے ہیں ،

آئی جی پنجاب انعام غنی کا کہنا تھا کہ ‏گزشتہ ہفتے کچھ دہشت گردوں کو گرفتار کیا، دھماکے میں پولیس اہلکار بھی زخمی ہوئے ، ‏دھماکے میں جانی نقصان پر افسوس ہے،

آئی جی پنجاب کا کہنا تھا کہ ‏سی ٹی ڈی نے کنٹرول سنبھال لیا، دھماکے کا جائزہ لے رہی ہے، ‏دھماکوں میں بیرونی ہاتھ ملوث ہوتے ہیں، ‏سی ٹی ڈی نے گزشتہ ہفتے بھی کچھ لوگ پکڑے تھے،

ادھر وفاقی وزیر داخلہ شیخ رشید احمد جوہر ٹاؤن لاہور دھماکے کا نوٹس لے لیا ہے . وزیر داخلہ نے چیف سیکرٹری اور آئی جی پنجاب سے دھماکے کی رپورٹ طلب کرلی ہے .وزیر داخلہ شیخ رشید احمد کی دھماکے سے زخمی ہونے والوں کی جلد صحتیابی کے لئے دعا کی ہے .

وزیر داخلہ کا کہنا تھا کہ دھماکے کی نوعیت کا پتہ لگایا جارہا ہے۔ وفاقی ادارے تحقیقات میں پنجاب حکومت کی معاونت کررہے ہیں۔

خیال رہے کہ لاہور کے علاقے جوہر ٹاؤن میں ہونے والے دھماکے کے نتیجے میں 3 افراد جاں بحق، ایک پولیس اہلکار سمیت 24 زخمی ہو گئے جنہیں ہسپتال منتقل کر دیا گیا۔

دھماکہ جوہر ٹاون میں واقع احسان ممتاز ہسپتال کے قریب ہوا، پولیس کے مطابق دھماکہ گاڑی کے اندر ہوا، ریسکیو ٹیموں نے جاں بحق افراد کی لاشوں اور زخمیوں کو ہسپتال منتقل کر دیا۔ دھماکہ اتنی شدید نوعیت کا تھا کہ کئی گاڑیاں، موٹرسائیکلیں اور ایک رکشہ تباہ ہو گیا، قریبی عمارتوں کے شیشے ٹوٹ گئے، دھماکے سے ایک گھر بھی شدید متاثر ہوا ہے،

لاہور جوہر ٹاؤن دھماکے میں پڑوسی ملک کے ملوث ہونے کے ثبوت سینئر صحافی سامنے لے آئے

باغی ٹی وی :لاہور کے علاقے جوہر ٹاون میں ہونیوالے دھماکے میں بھارت کے ملوث ہونے کے ثبوت ملے ہیں

سینئر صحافی رانا محمد عظیم نے نجی ٹی وی سے گفتگو کرتے ہوئے انکشاف کیا کہ سی سی ٹی وی فوٹیج سے دیکھا جا سکتا یے کہ دھماکے کے وقت رکشہ اور گاڑی دونوں تباہ ہوئیں ۔امکان ظاہر کیا جا رہا ہے کہ بارودی مواد رکشہ میں تھا ۔

رانا محمد عظیم کا کہنا تھا کہ جائے وقوعہ سے نصف کلو میٹر کے فاصلے پر ایک اہم شخصیت کی فیملی رہائش پذیر ہے قانون نافذ کرنیوالے ادارے تحقیقات کر رہے ہیں کہ ٹارگٹ کون تھا

رانا محمد عظیم کا یہ بھی کہنا تھا کہ دھماکے میں بھارت کے ملوث ہونے کے شواہد ملے ہیں ۔قانون نافذ کرنیوالے اداروں نے اس بات کی تصدیق کی ہے کہ دھماکے میں بھارتی مواد استعمال ہوا جو پہلے دہشت گردی کے واقعات میں استعمال ہو چکا ہے۔بھارتی سلیپر سیل ایکٹو ہو چکے ہیں اور یہ بھارتی کاروائی ہے ۔قانون نافذ کرنیوالے ادارے تحقیقات کر رہے ہیں اور امید ہے کہ جلد کوئی پیشرفت ہو گی

دوسری جانب وفاقی وزیر داخلہ شیخ رشید احمد کا کہنا ہے کہ دھماکے کی تحقیقات جاری ہیں وزیراعظم نے اہم اجلاس بلایا ہے۔ جو بھی تحقیقاتی رپورٹ آئے گی سامنے لائیں گے، اس دھماکے سے اب تک تین اموات ہو چکی ہیں ..

جوہر ٹاون دھماکہ۔ زخمیوں کے نام سامنے آ گئے ۔اموات میں اضافہ

باغی ٹی وی : جوہر ٹاون دھماکے میں‌ زخمیوں کے نام سامنے آ گئے ، اموات میں اضافہ ہوگیا . دو افراد جاں بحق ہوئے ہیں‌. زخمی ہونے والوں میں عبدالمالک عمر ایک سال .خواتین میں سے امرین عمر 27 سال ، ماہم اظہر عمر23 سال، ام رباب عمر 19 سال ، مقدس شاہد عمر 20 سال .

جبکہ مردوں میں‌سے زخمیوں‌کی تفصیلات کچھ یوں‌ ہیں‌. عبدالقیوم عبدالخالق عمر پانچ سال ، حس علی عمر 8 سال لیاقت علی عمر 28 سال، ناصر عبدالخالق عمر 12 سال ، ایک غیر معلوم شخص عمر 37 سال ، محمد عمر 8 سال، صفیر 28 سال ، نام معلوم 30 سال نامعلوم، 35 سال، ایک خاتون ہے جس کے نام کا علم نہیں‌ہے اس کی عمر 28 سال ہے،

جبکہ دو افراد کے جان بحق ہونے کی اطلاعات ہیں . خیال رہے کہ آج لاہور جوہر ٹاؤن میں دھماکہ ہوا جس کے بارے میں‌ابتدائی رپورٹ میں بتایا گیا کہ دھماکہ گیس پائپ لائن کے پھٹنے سے ہوا .

دھماکہ بہت شدید تھا جس سے قریبی گھروں کی کھڑکیوں کے شیشے ٹوٹ گئے جس سے زیادہ افراد زخمی ہوئے ہیں‌.

جوہر ٹاون دھماکہ حافظ محمد سعید کی رہائشگاہ کے قریب ہوا؟ حقیقت سامنے آ گئی،
باغی ٹی وی : لاہور کے علاقے جوہر ٹاون میں دھماکہ ہوا ہے جس کے نتیجے میں 14 افراد زخمی ہو گئے ہیں . سات کی حالت تشویش ناک ہے.

مبینہ اطلاعات کے مطابق دھماکہ جماعہ الدعوہ کے امیر حافظ محمد سعید کی رہائشگاہ کے باہر ہوا ہے تا ہم باغی ٹی وی کو موصولہ اطلاعات کے مطابق جوہر ٹاون میں ہونے والا دھماکہ حافظ محمد سعید کی رہائشگاہ کے قریب نہیں بلکہ دور ہوا ہے۔

دھماکہ کی تحقیقات کا آغاز کر دیا گیا ہے ۔ابتدائی تحقیقات کے مطابق دھماکہ گیس پائپ لائن پھٹنے سے ہوا۔ زخمیوں کو ہسپتال منتقل کر دیا گیا ہے پولیس کی بھاری نفری جائے وقوعہ پر موجود ہے

ڈی سی لاہور مدثر ریاض جناح ہسپتال پہنچ گئے.ڈی سی لاہور مدثر ریاض نے جوہر ٹاؤن دھماکے میں زخمی ہونے والے زخمیوں کی عیادت کی. اور ڈاکٹروں سے بریفنگ لی ہے.

ڈی سی لاہور مدثر ریاض نے دھماکے میں زخمی ہونے والوں کو بہترین طبی امداد فراہم کرنے کی ہدایات کیں.

خیال رہے کہ جوہر ٹاؤن میں دھاکہ ہوا ہے جو انتہائی شدید تھا جس سے قریبی گھروں کی کھڑکیاں‌ٹوٹ گئیں . دو گاڑیاں تباہ ہوگئی ہیں‌ .

جوہر ٹاون دھماکہ کیسے ہوا ؟ ابتدائی تحقیقاتی رپورٹ آ گئی

باغی ٹی وی : جوہر ٹاون دھماکہ کیسے ہوا ؟ ابتدائی تحقیقاتی رپورٹ رپورٹ آ گئی ، ابتدائی رپورٹ کے مطابق دھماکہ گیس پائپ لائن پھٹنے سے ہوا ، دھماکہ بہت زور دار تھا جس وجہ سے قریبی گھروں اور کھڑکیوں کے شیشے ٹوٹ گئے .
دھماکے کی وجہ سے اب تک کی اطلاعات کے مطابق سات افراد زخمی ہوئے ہیں‌ زخمیوں‌میں‌ایک اہلکار بھی زخمی بتایا جارہا ہے اور دو کی حالت نازک بتائی جا رہی ہے. دھماکہ ہوتے ہی بم سکواڈ کی ٹیمیں‌ موقع پر پہنچ گئیں‌. اس طرح ریسکیو 1122 نے بھی موقع پر پہنچ کر امدادی کاروائیاں‌ شروع کردیں‌.

زخمیوں‌کو جنرل ہسپتال لاہور منتقل کیا جارہا ہے ، پولیس کی بھاری نفری بھی موقع پر موجود ہے سی سی پی او لاہور بھی موقع پر موجود ہیں‌.بم سکواڈ کی ٹیمیں شواہد اکٹھے کر رہی ہیں‌.
اس سے قبل وزیراعلی پنجاب سردار عثمان بزدار کا جوہر ٹاون میں دھماکے کے واقعہ کانوٹس لیتے ہوئے انسپکٹر جنرل پولیس سے رپورٹ طلب کر لی اور واقعہ کی تحقیقات کا حکم دے دیا ہے .

عثمان بزدار کا کہنا تھا کہ دھماکے کے ذمہ داروں کو فی الفور قانون کی گرفت میں لایا جائے ۔زخمی افراد کو علاج معالجے کی بہترین سہولتیں فراہم کی جائیں ۔

وزیراعلی عثمان بزدار نے جناح ہسپتال اور دیگر ہسپتالوں میں ایمرجنسی نافذ کرنے کی ہدایت زخمیوں کے علاج معالجے کے لئے تمام ممکنہ اقدامات کئے جائیں ۔وزیراعلی عثمان بزدار کی ریسکیو 1122 اور امدادی سرگرمیوں سے متعلقہ اداروں کو امدادی سرگرمیوں تیز کرنے کی ہدایت کردی ہیں

ریاست مدینہ میں‌ بجٹ کیسا ہوتا ہے ، معاویہ اعظم طارق نے بتادیا

باغی ٹی وی : پنجاب اسمبلی میں ایم پی اے معاویہ اعظم طارق نے خطاب کرتے ہوئے کہا ہے یہ اس حکومت کا تیسرا بجٹ ہے .اور یہ حکومت ریاست مدینہ کا نام لیتی ہے . میرا ایک سوال ہے کہ ریاست مدینہ میں ایسے بجٹ ہوا کرتے تھے . ریاست مدینہ میں بجٹ میں‌ سود کی کوئی گنجائش نہیں‌ ہے . سود فری بجٹ پیش کیا جائے .

جب کہ اللہ نے تو سود کھانے والے کو کہا ہے کہ اس کی میرے ساتھ جنگ ہے. اور ہم ریاست مدینہ میں اللہ کے ساتھ جنگ والا کام کر رہے ہیں . انہوں نے کہا کہ اس ملک میں‌ بجٹ بنا سود چل سکتا ہے . خیبر پختونخوا میں اس حکومت کے حلیف اور جماعت اسلامی کے امیر سراج الحق نے سود فری بجٹ پیش کیا اور اس کو چلا کر دکھایا .

معاویہ اعظم طارق نے کہا کہ میں پہلے بھی وزیرا علیٰ عثمان بزدار کو کہا تھا کہ آپ سود کی لعنت سے جان چھڑائیں‌. سود فری بجٹ پیش کریں‌ . اب بھی کہ کہتے ہیں‌ کہ یہ اللہ کے ساتھ جنگ ہے اور ہم اس میں‌برابر کے شریک ہیں‌. ریاست مدینہ کے اندر سود کا بجٹ کبھی نہیں چل سکتا .

https://twitter.com/BaaghiTV/status/1407328461081939973?s=20