Category: لاہور

تہمینہ دولتانہ ، مائزہ حمید کے گرد شکنجہ سخت ہونے گا

باغی ٹی وی : مسلم لیگ (ن) کی رہنما مائزہ حمید کے شوہر اور تہمینہ دولتانہ کے بھائی کو کل طلب کر لیا گیا ہے۔ سرکاری زمین پر قبضے کے الزام میں اینٹی کرپشن نے طلب کیا ہے .

اینٹی کرپشن حکام نے بتایا کہ ڈی سی وہاڑی نے ڈی جی اینٹی کرپشن پنجاب کو مائزہ حمید کے شوہر عمر ارشد گجر اور تہمیہ دولتانہ کے بھائی میاں زاہد دولتانہ کے خلاف اندراج مقدمہ کے دو الگ الگ ریفرنس بھیج دئیے ہیں، جس کے متن کے مطابق دونوں نے محکمہ انہار کے افسران کی ملی بھگت سے سرکاری خزانے کو کروڑں کا نقصان پہنچایا۔

ریفرنس کے متن کے مطابق مائزہ حمید کے شوہر عمر ارشد گجر وہاڑی میں محکمہ انہار کی 63 کنال قیمتی سرکاری اراضی پر قابض ہیں، انہوں نے محکمہ انہار کے آفیسران و اہلکاران کے ساتھ ملی بھگت کرکے اسلام ہیڈ ورکس ڈویژن کی زمین پر پندرہ سال سے غیر قانونی طور پر قبضہ کیا ہوا ہے۔

ریفرنس کے متن میں ہے کہ میاں زاھد دولتانہ گزشتہ 15 سال سے محکمہ انہار کی 48 ایکڑ زمیں پر قابض ہیں، انہوں نے نے سیاسی اثرورسوخ استعمال کرتے ہوئے محکمہ انہار کے افسران کی ملی بھگت سے اسلام ہیڈورکس ڈویژن کی زمین پر قبضہ کیا۔

اینٹی کرپشن حکام کا کہنا ہے کہ زاہد دولتانہ اور عمر ارشد گجر نے محکمہ انہار کے افسران کی ملی بھگت سے سرکاری خزانے کو کروڑں کا نقصان پہنچایا، معاملے کی مکمل چھان بین اور بے لاگ تحقیقات کے لئے ڈی جی اینٹی کرپشن پنجاب نے ریجنل ڈائریکٹر ملتان کو انکوائری کا حکم دے دیا ہے، مکمل انکوائری کے بعد تمام مفادکنندگان کے خلاف قانونی کاروائی عمل میں لائی جائے گ

وزیر اعلیٰ پنجاب عثمان بزدار نے ہولی کے تہوار پر ہندو برادری کو مبارکباد پیش کی۔ اس موقع پر عثمان بزدار کا کہنا تھا کے ہولی کا تہوار بھائی چارے اور خیر سگالی کے جذبات کو فروغ دیتا ہے۔خوشیوں کے تہوار مل کر منانے سے یگانگت، محبت اور باہمی تعلقات کو فروغ ملتا ہے۔ اگر ہم ایک دوسرے کی خوشیوں میں شریک ہونگے تو بھائی چارے، محبت اور امن کا پیغام عام ہو گا۔ پاکستان میں تمام اقلیتوں کو مکمل تحفظ اور مذہبی آزادی حاصل ہے۔ہندو برادری سمیت تمام اقلیتیں پاکستان کے برابر کے شہری ہیں۔ پاکستان میں بسنے والے مسلمان، سکھ، ہندو،مسیحی، پارسی سمیت تمام مذاہب کے لوگ اس ملک کے شہری ہیں۔ پاکستان میں بسنے والی ہندو برادری نے ملک کی ترقی و خوشحالی میں اہم کردار ادا کیا ہے۔ پاکستان میں بسنے والی ہندو برادری ہمارے لئے قابل احترام ہے۔ اقلیتوں کو ترقی کے یکساں مواقع فراہم کرکے قومی دھارے میں شامل کیا گیا ہے۔ ہمیں ایک دوسرے کی خوشیوں میں شریک ہو کر بھائی چارے اور امن کا پیغام عام کرنا ہے۔ آج کے دن محبت، تحمل، برداشت اور رواداری کے پیغام کو عام کرنے کا عہد کرناہے۔

وزیراعلیٰ پنجاب سردار عثمان بزدار کا کہنا تھا کے وزیراعظم عمران خان کی قیادت میں ملک ترقی کی طرف گامزن ہے۔ اُن کا کہنا تھا کے ایماندار قیادت ہی ملک کو آگے لیکر جا سکتی ہے۔ ملک کی قسمت کھوٹی کرنے والے سابق حکمران عبرت کی تصویر بنے ہوئے ہیں۔ قومی مفادات کو بالائے طاق رکھنے والی پی ڈی ایم خوداپنے منطقی انجام تک پہنچ چکی ہے- ترقی کے سفر میں رکاوٹیں ڈالنے والوں کو پہلے کچھ حاصل ہوا نہ آئندہ کچھ حاصل ہوگا۔ ہم عوام کی خدمت پر یقین رکھتے ہیں۔ تحریک انصاف کی حکومت مدت پوری کرے گی اور سازشی عناصرہاتھ ملتے ہی رہ جائیں گے۔ اپوزیشن کو منفی سیاست کا جواب عوامی خدمت کے ذریعے دیں گے۔

سروسز ہسپتال لاہور کے ہاسٹل سے ڈاکٹر کی لاش برآمد ، وجہ موت معمہ بن گئی

باغی ٹی وی : سروسز ہسپتال لاہور کے ہاسٹل سے ڈاکٹر کی لاش برآمد، موت کیسے ہوئی تعین نہ کیا جاسکا۔ ہسپتال انتظامیہ کاکہناہے کہ اے ایم ایس ڈاکٹر حسن اپنے کمرے میں مردہ پائے گئے ۔ڈاکٹر حسن کی موت کی وجہ کا تاحال تعین نہ ہو سکا،ہسپتال حکام کاکہناہے کہ ڈاکٹرحسن چندروز سے بیمار تھے ،اتوار کی صبح انہیں خون کی قے آئی جس پر انہیں ہسپتال منتقل کیاگیاجہاں وہ جانبر نہ ہوسکے۔

ہسپتال انتظامیہ نے بتایا کہ واقعے کی اطلاع ملنے پر ڈاکٹرحسن کو فوری طور پر سروسز اسپتال کی ایمرجنسی میں لےجایاگیا، جس وقت انہیں اسپتال منتقل کیا گیا تو ان کے منہ سے خون نکل رہا تھا۔ڈاکٹرحسن سروسز ہسپتال میں بطور اے ایم ایس کام کررہےتھےان کی پر اسرار ہلاکت کی وجہ کا تاحال تعین نہ ہوسکا ہے۔

ہسپتال انتظامیہ نے بتایا کہ واقعے کی اطلاع ملنے پر ڈاکٹرحسن کو فوری طور پر سروسز اسپتال کی ایمرجنسی میں لےجایاگیا، جس وقت انہیں اسپتال منتقل کیا گیا تو ان کے منہ سے خون نکل رہا تھا۔ڈاکٹرحسن سروسز ہسپتال میں بطور اے ایم ایس کام کررہےتھےان کی پر اسرار ہلاکت کی وجہ کا تاحال تعین نہ ہوسکا ہے۔
بتایا گیا ہے کہ ڈاکٹر حسن کو طبیعت کی خرابی کے باعث کورونا ٹیسٹ کروانے کا بھی کہا گیا تھا جس سے انہوں نے انکار کردیا تھا۔

ادھر کورونا کی تیسری لہر سے مزید 57 افراد زندگی کی بازی ہار گئے، اب تک مہلک وائرس سے ہونے والی اموات کی مجموعی تعداد 14 ہزار 215 تک پہنچ گئی ہے۔

نیشنل کمانڈ اینڈ کنٹرول سینٹر کے مطابق پاکستان میں کورونا سے اموات کی مجموعی تعداد 14 ہزار 158 تک پہنچ گئی جبکہ متاثرہ افراد کی مجموعی تعداد 6 لاکھ54 ہزار591ہو گئی ہے
ملک بھرمیں ایکٹو کیسز کی تعداد44ہزار447ہے اور 5 لاکھ53 ہزار929افراد کورونا سے صحتیاب ہوچکے ہیں.

کورونا کے سبب سب سے زیادہ اموات پنجاب میں ہوئی ہیں جہاں 6 ہزار229افراد جان کی بازی ہار چکے ہیں جبکہ سندھ میں 4 ہزار4491، خیبر پختونخوا 2 ہزار283، اسلام آباد559، گلگت بلتستان 103، بلوچستان میں 206 اور آزاد کشمیر میں 344 افراد جان کی بازی ہار چکے ہیں۔

اسلام آباد میں کورونا کیسزکی تعداد 55 ہزار594، خیبر پختونخوا84ہزار609، سندھ 2 لاکھ 64 ہزار607، پنجاب 2 لاکھ 12 ہزار918، بلوچستان 19 ہزار497، آزاد کشمیر 12 ہزار367 اور گلگت بلتستان میں 4 ہزار 999 افراد کورونا سے متاثر ہوچکے ہیں۔

مریم نواز کی کورونا ٹیسٹ کی رپورٹ آگئی

باغی ٹی وی : پاکستان مسلم لیگ(ن) کی مرکزی نائب صدر مریم نواز کی کورونا ٹیسٹ کی رپورٹ منفی آگئی ہے تاہم ان کی طبیعت ناساز ہے۔

ترجمان ن مریم اورنگزیب نے تصدیق کی کہ مریم نواز کی طبیعت ناساز ہے۔ مریم نوازشریف نے آئندہ چار روز کے لئے سیاسی سرگرمیاں منسوخ کردی ہیں۔

مریم نوازشریف کو تیز بخار اور گلے میں شدید درد ہے۔ مریم نوازشریف کا کورونا کا ٹیسٹ بھی کرایا گیا ہے۔ ڈاکٹرز نے مریم نواز شریف کو آرام کا مشورہ دیا ہے۔

ادھر مولانا فضل الرحمان کی طبعت بھی ناساز ہے . جے یو آئی کے زرائع کے مطابق مولانافضل الرحمان ڈیرہ اسماعیل خان میں رہائشگاہ پر ہیں،مولانا فضل الرحمان کی کورونا ٹیسٹ رپورٹ نیگٹیو ہے،انہوں نےطبیعت ناسازی پرسیاسی سرگرمیاں معطل کردی ہیں.مولانا فضل الرحمان کوڈاکٹرز کامکمل آرام کرنےکامشورہ دیا ہے .

ان کے متعلق اس پہلے یہ خبریں گردش کر ہیں تھیں کہ اطلاعات یہ ہیں کہ ڈاکٹروں نے صورت حال کو پریشان کن قرار دیا ہے ،

ذرائع جے یو آئی ف کے مطابق مولانا فضل الرحمان کی طبیعت بگڑ گئی تھی ۔ تو دوسری جانب سے پی ڈی ایم کے سربراہ بھی علیل ہوگئے ہیں اوران کی حالت اچھی نہیں ہے

اطلاعات یہ تھیں کہ پی ڈی ایم سربراہ کو 2 روز سے شدید بخار کی شکایت ہے۔ مولانا کا کورونا ٹیسٹ بھی کروایا گیا ہے جس کی رپورٹ کو چھپایا جارہا ہے اور اس حوالے سے متضاد خبریں آرہی تھیں.

ادھر کورونا کی تیسری لہر سے مزید 57 افراد زندگی کی بازی ہار گئے، اب تک مہلک وائرس سے ہونے والی اموات کی مجموعی تعداد 14 ہزار 215 تک پہنچ گئی ہے۔

نیشنل کمانڈ اینڈ کنٹرول سینٹر کے مطابق پاکستان میں کورونا سے اموات کی مجموعی تعداد 14 ہزار 158 تک پہنچ گئی جبکہ متاثرہ افراد کی مجموعی تعداد 6 لاکھ54 ہزار591ہو گئی ہے
ملک بھرمیں ایکٹو کیسز کی تعداد44ہزار447ہے اور 5 لاکھ53 ہزار929افراد کورونا سے صحتیاب ہوچکے ہیں.