Category: لاہور

لاہور: پاکستان کے تخلیقی اور ادبی میدان کو اجاگر کرنے کے لیے آل پاکستان رائٹرز ویلفیئر ایسوسی ایشن (اپووا) کے نمائندہ وفد نے گورنر ہاؤس لاہور کا خصوصی دورہ کیا۔ اس وفد کی قیادت سینئر وائس چیئرمین ملک یعقوب اعوان نے کی، جنہوں نے گورنر پنجاب سردار سلیم حیدر کو 14 اگست کو ہونے والی "اپووا استحکام پاکستان کانفرنس اور شان پاکستان ایوارڈز” کی تقریب میں شرکت کی دعوت دی۔

گورنر پنجاب سردار سلیم حیدر نے ا پووا وفد کا نہایت پرتپاک استقبال کیا اور دعوت کو قبول کرتے ہوئے کہا کہ وہ ہر ممکن کوشش کریں گے کہ اس اہم تقریب کا حصہ بن سکیں۔ اگرچہ 14 اگست کو ان کے بیرون ملک جانے کا امکان ہے، مگر انہوں نے یقین دلایا کہ اگر وہ ملک میں موجود ہوئے تو کانفرنس میں ضرور شرکت کریں گے۔گورنر پنجاب سردار سلیم حیدر نے اپووا کی کوششوں کو سراہتے ہوئے اسے ایک منظم اور متحرک تنظیم قرار دیا۔ انہوں نے خاص طور پر خوشی کا اظہار کیا کہ اس تنظیم کے سینئر نائب چیئرمین ملک یعقوب اعوان اور بانی ایم ایم علی ان کے اپنے علاقے سے تعلق رکھتے ہیں، جو ان کے لیے فخر کا باعث ہے۔

ملاقات کے دوران گورنر پنجاب سردار سلیم حیدر نے وفد کے لیے خصوصی پیشکش کی کہ لاہور کے کسی بھی ہال میں اپووا اپنی تقریبات منعقد کرنا چاہے، حکومت کی طرف سے مکمل انتظامات اور تعاون فراہم کیا جائے گا۔ وفد نے اس پیشکش کا تہہ دل سے شکریہ ادا کیا اور کہا کہ اگرچہ اس سال کے انتظامات مکمل ہو چکے ہیں، مگر آئندہ سال اس پیشکش سے بھرپور فائدہ اٹھائیں گے۔

ملاقات کے دوران گورنر پنجاب نے اپووا کے عہدیداران عابدہ نذر، فیضان شیخ اور طارق نوید کو ان کے نئے عہدوں کی نوٹیفکیشن بھی دیئے،۔ اپووا کے کوآرڈینیٹر قصور طارق نوید نے گورنر کو قصور کی مشہور مٹھائی "اندرسے” پیش کی، جسے گورنر سردار سلیم حیدر نے نہایت پسند کیا ،اپووا پنجاب کی جنرل سیکرٹری عابدہ نذر نے گورنر پنجاب کو سرگودھا میں مدعو کیا، جسے گورنر نے قبول کرتے ہوئے جلد سرگودھا کا دورہ کرنے کی یقین دہانی کروائی۔

گورنر پنجاب سردار سلیم حیدر سے ملاقات کرنے والے اپووا وفد میں ملک یعقوب اعوان، ایم ایم علی، ممتاز اعوان، طارق نوید، غلام زادہ نعمان صابری، عبدالصمد مظفر، فیضان شیخ، مدیحہ کنول، ایمن سعید، عابدہ نذر، لاریب اقراء، محمد اویس اور دیگر معزز اراکین شامل تھے۔اپوواوفد نے گورنر کو بتایا کہ اپووا جلد ہی لکھاریوں کے لیے ایک فلاحی منصوبہ بھی شروع کرنے جا رہی ہے، جس پر گورنر پنجاب نے کہا کہ وہ اپنی بھرپور کوشش کریں گے کہ حکومتی سطح پر اس منصوبے کی مکمل معاونت کی جائے۔

گورنر ہاؤس سے واپسی کے بعد، بانی اپوواایم ایم علی نے وفد کے اعزاز میں ایک مقامی ریسٹورنٹ میں پرتکلف عصرانہ بھی دیا.

لاہور ہائیکورٹ نے قرار دیا ہے کہ محض انکوائری کی بنیاد پر کسی کو نوکری سے برخاست نہیں کیا جاسکتا۔

جسٹس اویس خالد نے تسنیم کوثر کی درخواست پر 10 صفحات کا تحریری فیصلہ جاری کیا۔ 16 سال بعد خاتون سرکاری ملازم کی نوکری سے برخاست کرنے کے خلاف اپیل منظور کرلی گئی،عدالت نے قرار دیا کہ محض انکوائری کی بنیاد پر کسی کو نوکری سے برخاست نہیں کیا جاسکتا۔ فئیرٹرائل کا حق دیئے بغیر کسی کو نوکری سے نہیں نکالا جاسکتا۔ عدالت نے خاتون کو نوکری سے ہٹانے کا نوٹیفکیشن کالعدم قراردے دیا،عدالت نے متعلقہ اتھارٹی کو درخواست گزار پر لگائے گئے الزامات کی دوبارہ انکوائری کی ہدایت کردی۔ درخواست گزار کے واجبات کی ادائیگی انکوائری کے فیصلہ سے مشروط کردی گئی،فیصلے کے مطابق درخواست گزار کو 2009 میں کنڈکٹ کی بنیاد پر لیب اسسٹنٹ کی نوکری سے برخاست کیا گیا۔ عدالت نے 2014 میں درخواست گزار کو نوکری پر بحال کردیا مگر عدالتی حکم کے باوجود درخواست گزارکو بحال نہ کیا گیا اورمعطل کردیا، 2015 میں درخواست گزارکو دوبارہ نوکری سے برخاست کردیاگیا۔ درخواست گزار پر الزام تھا کہ بھرتی کے وقت اس نے جعلی سرٹیفکیٹ جمع کرائے۔

شوہر کے سامنے بیوی کےگینگ ریپ کی مکمل پلاننگ کرنے والا ملزم پولیس فائرنگ سے مارا گیا۔

پولیس ذرائع کے مطابق لاہور کے علاقے چوہنگ میں کچھ دن قبل خاوندکے سامنے بیوی کےگینگ ریپ کا واقعہ پیش آیا تھا جس دوران ملزمان نے خاتون پر بدترین جنسی تشدد بھی کیا تھا حتیٰ کہ واقعے کی ویڈیو بھی بنائی تھی،اس دوران ملزمان نے خاتون کے شوہر کو بھی برہنہ کیا تھا، مقدمہ درج ہونے کے بعد پولیس نے کاروائی کی تھی، پولیس کا بتانا ہے کہ افسوسناک واقعے میں 4 ملزمان اویس، زاہد، ارشاد اور عمران کو نامزد کیا گیا تھا، مقدمے میں نامزد 3 ملزمان اویس، زاہد اور ارشاد پہلے ہی مقابلے میں مارے جاچکے ہیں،سی سی ڈی کے مطابق قصور میں فائرنگ کے تبادلے میں اب چوتھا مرکزی ملزم عمران بھی مارا گیا ، ہلاک ملزم عمران نے گینگ ریپ کی مکمل پلاننگ کی تھی۔

ملک بھر میں موسم کی خراب صورتحال کے باعث اسلام آباد اور لاہور کے بین الاقوامی ائیرپورٹس پر فلائٹ آپریشن شدید متاثر ہوا ہے۔

اسلام آباد ائیرپورٹ پر کم از کم 21 پروازیں اپنی آمد اور روانگی میں تاخیر کا شکار ہیں، جبکہ کراچی سے آنے والی ایک پرواز کو حفاظتی وجوہات کی بنا پر فیصل آباد میں ہنگامی لینڈنگ کرنی پڑی۔فلائٹ شیڈول کے مطابق، اسلام آباد ائیرپورٹ پر ریاض، ابوظبی، مسقط، باکو اور دوحہ سے آنے والی پروازوں کی لینڈنگ میں دشواری پیش آ رہی ہے، جس کی وجہ سے غیر ملکی پروازوں کی روانگی میں ایک سے دو گھنٹے تک تاخیر ہو رہی ہے۔

حکام کا کہنا ہے کہ کراچی سے لاہور جانے والی پرواز تقریباً چار گھنٹے تیس منٹ کی تاخیر کے بعد دن ساڑھے بارہ بجے روانہ ہوگی، جب کہ کراچی سے اسلام آباد کے لیے ایک نجی ائیرلائن کی پرواز میں بھی دو گھنٹے کی تاخیر ہو گئی ہے۔اسی طرح، کوالالمپور سے لاہور آنے والی غیر ملکی ائیرلائن کی دو پروازیں موسم کی خرابی کی وجہ سے منسوخ کر دی گئی ہیں۔ لاہور ائیرپورٹ پر بھی سات پروازوں کی آمد و روانگی میں ایک سے ساڑھے نو گھنٹے تک تاخیر کا سامنا ہے۔

موسم کی خرابی کے باعث ائر لائنز نے مسافروں کو مشورہ دیا ہے کہ وہ اپنی پروازوں کی تازہ ترین صورتحال معلوم کرنے کے لیے ایئر لائنز کے آفیشل چینلز سے رابطہ کریں اور ائیرپورٹس پر بروقت پہنچیں۔

پاکستان مرکزی مسلم لیگ کے صدر خالد مسعود سندھو نے کہا ہے کہ خواجہ آصف کا بیوروکریسی کے حوالہ سے بیان حیران کن ہے،بیورو کریسی جو کر رہی ہے اسکی ذمہ دار حکومت ہے،خواجہ آصف اپوزیشن میں نہیں حکومت میں ہیں، نام سامنے لائیں اور تحقیقات ہونی چاہئے،جس نے بھی قائد کے پاکستان کو لوٹا خواہ وہ کوئی بھی ہو اس کا محاسبہ ہونا چاہئے

خالد مسعود سندھو کا کہنا تھاکہ وفاقی وزیر دفاع خواجہ آصف نےبیوروکریسی بارے انکشاف قوم کے سامنے رکھا،حکمران انکشاف نہیں کرتے کاروائی کرتے ہیں،بیورو کریسی حکومت کے ماتحت ہوتی ہے اور حکمرانوں کے اشاروں کے بغیر کچھ نہیں کر سکتی،بیوروکریسی کی کرپشن اور بیرون ملک جائیدادوں کے ذمہ دارحکمران ہیں، سیاستدان ہوں یا بیوروکریسی،ملک کو جس نے بھی لوٹا وہ معافی کا مستحق نہیں، اس ضمن میں خواجہ آصف کے بیان پر تحقیقاتی کمیشن بنایا جائے،کرپشن سے پاک پاکستان بنے گا تو ملک ترقی کی راہ پر گامزن ہو گا، کرپشن ایک ناسور ہے، اگر واقعی ملک کی آدھی سے زیادہ بیوروکریسی بیرونِ ملک جائیدادیں خرید رہی ہے، شہریتیں حاصل کر رہی ہے اور اربوں روپے ہضم کر کے ریٹائر ہو رہی ہے، تو سوال یہ پیدا ہوتا ہے کہ آپ حکومت میں ہوتے ہوئے صرف بیانات کیوں دے رہے ہیں،خواجہ آصف نہ صرف اب وفاقی کابینہ کا حصہ ہیں بلکہ کئی بار اقتدار میں رہ چکے ہیں،پاکستان مرکزی مسلم لیگ مطالبہ کرتی ہے کہ خواجہ آصف کے دعووں کی روشنی میں فی الفور ایک کمیشن بنایا جائے،اس سنگین معاملے کی مکمل چھان بین ہو.